အယ်နီညို ကြောင့် ရေခန်းခြောက်မှုဖြစ်နိုင်ပေမယ့် ရေသိုလှောင်ကန်မှာ ရေလုံလောက်မှုရှိ

လိင်ပိုင်းဆိုင်ရာခေါင်းပုံဖြတ်သူ အမျိုးသမီးတစ်ဦးအား အမှုဖွင့်စစ်ဆေး

မဇ္ဈိမ

ရန်ကုန်တိုင်း တောင်ဥက္ကလာပမြို့နယ်တွင် အမျိုးသမီးငယ်များထံမှ လိင်ပိုင်းဆိုင်ရာခေါင်းပုံဖြတ်သူ အမျိုးသမီးတစ်ဦးအား အမှုဖွင့်အရေးယူထားသည်ဟု သိရသည်။

ခေါင်းပုံဖြတ်ခံရသူ မိန်းကလေးငယ် ၆ ဦးဖြစ်ပြီး အသက် ၁၃ နှစ်အပါအ၀င် ၁၆ နှစ်မှ ၂၁ နှစ်အထိ ဖြစ်ကြသည်ဟု နိုင်ငံပိုင်သတင်းစာက ဇန်နာဝါရီလ ၁၃ ရက်နေ့၌ ဖော်ပြသည်။

ခေါင်းပုံဖြတ်သူ အမျိုးသမီးမှာ အသက် ၅၂ နှစ်အရွယ် မဝေ ခေါ် ဒေါ်ဝေေ၀ဦး ဖြစ်ပြီး တောင်ဥက္ကလာပမြို့နယ် ၅ ရပ်ကွက် စစ်ကိုင်း ၂၆ လမ်းတွင် နေထိုင်သည်ဟု သိရသည်။

လူကုန်ကူးမှုတားဆီးနှိမ်းနင်းရေးရဲတပ်ဖွဲ့၊ တပ်ဖွဲ့စု ၆ (ရန်ကုန်)၊ ကလေးသူငယ်ကာကွယ်စောင့်ရှောက်ရေးရဲတပ်ဖွဲ့စု (ရန်ကုန်)၊ လူမှုဝန်ထမ်းဦးစီးဌာနတို့နှင့် Save The Children အဖွဲ့တို့ ပူးပေါင်းဖော်ထုတ်ခဲ့ပြီးနောက် ဇန်န၀ါရီ ၁၁ ရက် ညသန်းကောင်ကျော်တွင် တောင်ဥက္ကလာပမြို့မရဲစခန်း၌ လူကုန်ကူးမှုတားဆီးကာကွယ်ရေးဥပဒေ ပုဒ်မ ၂၄ ဖြင့် အမှုဖွင့်အရေးယူခဲ့သည်ဟုဆိုသည်။

အသက် ၁၃ နှစ်အရွယ် မိန်းကလေးငယ်အား လိင်ပျော်ပါးရန် ဟန်ဆောင်ခြိမ်းဆို၍ ပြင်ပသို့ ခေါ်ထုတ် ကယ်တင်နိုင် ခဲ့ခြင်းဖြစ်ပြီး ကျန် ၅ ဦးကိုမူ ဒေါ်ဝေေ၀ဦး၏ နေအိမ်အောက်ထပ်နောက်ဖေး အခန်းအတွင်းမှ တွေ့ရှိရသည်ဟု သိရသည်။

၁၃ နှစ်အရွယ် မိန်းကလေးငယ်သည် သံလျင်မြို့နယ်မှဖြစ်ပြီး စီးပွားရေးအဆင်မပြေသဖြင့် မိခင်ဖြစ်သူမှ ယခင်က သိကျွမ်းသူ ဒေါ်ဝေေ၀ဦးထံသို့ အလုပ်လုပ်ရန် ပို့ဆောင်ခဲ့ခြင်းဖြစ် သော်လည်း ဒေါ်ဝေေ၀ဦးကမူ မိန်းကလေးငယ်များအား နိုက်ကလပ်များသို့ ပို့ဆောင်ပြီး နိုင်ငံခြားသားများနှင့် ချိတ်ဆက်၍ ဟိုတယ်၊ မိုတယ်များ၌ လိင်ဖျော်ဖြေစေကြောင်း ရဲတပ်ဖွဲ့၏ မေးမြန်းချက်များအရ ဖော်ပြသည်။

လိင်ဖျော်ဖြေမှု တစ်ကြိမ်လျင် ကျပ် ၈၀၀၀၀ ခန့် ရရှိပြီး မဝေေ၀ဦးက ထက်ဝက်ခေါင်းပုံဖြတ်ရယူသည်ဟုလည်း သတင်း၌ ဖော်ပြထားသည်။

ဒေါ်ဝေေ၀ဦးအား အရေးယူပေးရန် လူကုန်ကူးမှုတားဆီးနှိမ်နင်းရေးရဲ တပ်ဖွဲ့စု (၆) ရန်ကုန်မှ ဒုရဲမှူးတစ်ဦးက တရားလိုပြု တိုင်တန်းသဖြင့် ဇန်န၀ါရီ ၁၂ ရက်၌ တောင်ဥက္ကလာပမြို့မရဲစခန်းတွင် အမှုဖွင့်စစ်ဆေးလျက်ရှိသည်ဟုဆိုသည်။

ထန်းတပင်မြို့နယ် ဒိုးသော်ကျေးရွာမှာ တရားမ၀င်ရွှေတူးဖော်တာကြောင့် ရေအခက်အခဲဖြစ်မှာစိုးရိမ်

အစိုးရ၀န်ထမ်းတွေအပေါ် သူတို့ပြောစကား

မန္တလေးတွင် ယူရေနီယမ်ဟု ယူဆရသည့် သတ္တုများ ဖမ်းဆီးရမိ

ဖိုးစမ်းချောင်း

မန္တလေးမြို့ မဟာအောင် မြေမြို့နယ် မဟာမြိုင်(၁) ရပ်ကွက် City Grand တွင် ယူရေနီယမ်ဟု ယူဆရသည့် သတ္တု ၂ ဒသမ ၁ ကီလိုဂရမ်ကုို ကျပ်သိန်းပေါင်း နှစ်သောင်း ကျော်ဖြင့်ရောင်းချရန် ကြိုးစားသူများကုို ရဲတပ်ဖွဲ့က ဇန်န၀ါရီ ၁၂ ရက်နေ့တွင် အသွင်ယူ ဖမ်းဆီးနိုင်ခဲ့ကြောင်း သတင်းရရှိသည်။

အဆိုပါ ရောင်းချသူများသည် ချင်းပြည်နယ်၊ ဟားခါမြို့နယ်၊ ရိဒ်မြို့တွင် နေထိုင်သူများဖြစ်ကြပြီး ဇန်န၀ါရီ၁၀ရက်က မန္တ လေးမြို့သို့ ဆင်းလာကာ ဝယ်လက်ရှာဖွေလျက်ရှိသည်ကို သတင်းရရှိသဖြင့် မြန်မာနိုင်ငံရဲတပ်ဖွဲ့မှ ဝယ်လက်အသွင်ယူ ကာ သက်သေခံပစ္စည်းများနှင့် အတူ ဖမ်းဆီးနိုင်ခဲ့ခြင်းဖြစ်ကြောင်း မဟာအောင်မြေမြို့နယ်ရဲတပ်ဖွဲ့ တာဝန်ရှိသူတဦးက ပြောသည်။

“ဒီပစ္စည်းရဲ့ မူလပိုင်ရှင်က အိန္ဒိယကပါ။ ဆက်စပ်တရားခံတွေ ဖမ်းဆီးရနိုင်ဖို့ လုပ်ဆောင်နေပါတယ်။ အခု သိမ်းဆည်း ရမိတဲ့ပစ္စည်းတွေကို ယူရေနီယမ် ဟုတ်မဟုတ် စစ်ဆေးဖို့ ရန်ကုန်က သိပ္ပံနဲ့ နည်းပညာ ဝန်ကြီးဌာနကို ပေးပို့ထားပါတယ်” ဟု ၎င်းက ပြောသည်။

အဆိုပါ ဖမ်းဆီးရမိသူများသည် ပိုင်ရှင်မဟုတ်ဘဲ ကြားခံပွဲစားများသာဖြစ်ကြောင်း ၊ အိန္ဒိယနိုင်ငံ မီဇိုရမ်ပြည်နယ်တွင် နေထိုင်သည့် ထန်းလီဆိုသည့် အသက်၅၀ အရွယ်အမျိုးသမီးနှင့် ရိဒ်မြို့တွင် Church ကျောင်းတက်ရင်း ခင်မင် ရင်းနှီးရာမှ ဒေါ်ထန်းလီက သူ့ထံတွင် ယူရေနီယမ်များရှိပြီး ဝယ်လက်ရှာဖွေပေးရန် ပြောသဖြင့် ဟရန်ထန်ဇမ်းမား၊ ငွန် ဇာလ်ထန်နှင့် လာလ်လျံဇမ်တို့ ၃ ဦးက အဆိုပါ သတ္တုများကို ယူလာကာ မန္တလေးသို့ ဆင်းပြီး ဝယ်လက်ရှာဖွေရန် ကြိုး စားရာမှ ယခုလို ဖမ်းဆီးခံရခြင်းဖြစ်သည်။

ဖမ်းဆီးရမိသည့် ယူရေနီယမ်ဟု ယူဆရသည့် သတ္တုများသည် Uranium Cooperation of India Ltd*Shillong-India*Yellow Cake-425 Volt ဆိုသည့် စာတန်းများပါရှိသည့် အလျား ၆လက်မခွဲ၊ အနံ ၄လက်မ၊ အမြင့် တလက်မခွဲရှိသည့် လေးထောင့် ခဲသေတ္တာ ၂ဘူး အတွင်း ထည့်သွင်းထားပြီး ကြယ်ငါးပွင့်နှင့် ကြယ်သုံးပွင့်ဟူ၍ နှစ်မျိုး ခွဲခြားထားကြောင်း သိရသည်။

သဘာဝအတိုင်း အဓိကတွေ့ ရှိတတ်သော ယူရေနီယမ်ကုို အိုင်ဆိုတုပ် ပါဝင်မှုပေါ် မူတည်၍ (U-238)နှင့် (U-235)ဟူ၍ အမျိုးအစားနှစ်ခု ခွဲခြားထားကာ U-235သည် စွမ်းအင်များကို အလုံးအရင်းနှင့် ပိုမို ထုတ်ပေးနိုင် သောကြောင့် ပိုမိုအရေးပါကြောင်း၊ ယူရေနီယမ်အား စစ်ရေးတွင် အဓိကအသုံးပြုသကဲ့သို့ လျှပ်စစ်ဓာတ်အား ထုတ်လုပ်ရာတွင်လည်း အသုံးပြုကြောင်း www.world.nuclear.org ဝက်ဆိုဒ်တွင် ဖော်ပြထားသည်။

အဆိုပါ ဖမ်းဆီးရမိသူ ၃ ဦးကို မန္တလေးမြို့၊ အမှတ်(၉)မြို့မရဲစခန်းတွင် ပ(၄၁/၂၀၁၆) မြန်မာ့ သတ္တုတွင်းဥပဒေ ပုဒ်မ၃၁ ဖြင့် အမှုဖွင့် အရေးယူထားကြောင်းသိရသည်။

ပြည်ခရိုင်မှာ ဆိုင်ကယ် ခိုးမှုများ များပြားလာ

ရေလျှံမှုကြောင့် ပျက်စီးခဲ့သောတံတားအများစု ပြန်လည်ပြုပြင်ခြင်း ပြီးစီးတော့မည်

ဦးရွှေမန်း နိုင်ငံရေးဇာတ်ခုံပေါ် တကျော့ပြန်လာမလား

ကျော်ဖြိုးသာ

နိုင်ငံရေးခေါင်းဆောင်တယောက်က သူ၏ ရာထူးကို မိမိဆန္ဒအလျောက် စွန့်လွှတ်ခြင်းမျိုး မြန်မာနိုင်ငံတွင် ရှားပါးပါသည်။ ထို့အပြင် ရာထူးမှ ထုတ်ပယ်ခံရသူတယောက်က နိုင်ငံရေးလောကအတွင်းသို့ ပြန်လည် ဝင်ရောက်လာခြင်းမျိုးက ပိုပြီးရှားပါးနေဆဲ ဖြစ်ပါသည်။

စစ်တပ်ကအာဏာသိမ်းယူပြီး ရာထူးမှဖယ်ရှား ခြင်းခံခဲ့ရသော မြန်မာနိုင်ငံ၏ ပထမဆုံး ဝန်ကြီးချုပ် ဦးနုသည် ၁၉၈၈ ခုနှစ် အရေးအခင်း ကာလအတွင်း တွင် နိုင်ငံရေးလောကအတွင်းသို့ ပြန်လည် ဝင်ရောက်ရန် ကြိုးစားခဲ့ သော်လည်း မျိုးဆက်သစ် ဒီမိုကရက် များက ငြင်းဆန်ခဲ့ကြသည်။ ထောက်လှမ်းရေးအကြီး အကဲဟောင်း ဦးခင်ညွန့်သည်လည်း နေအိမ်အကျယ် ချုပ်မှ လွတ်မြောက်လာသည့် ၂၀၁၂ ခုနှစ် နောက် ပိုင်းတွင် မထင်မရှား နေထိုင်ခဲ့သည်။ အထူးသဖြင့် ဒီပဲယင်း အရေးအခင်းနှင့် ပတ်သက်၍ သူ့တွင် တာဝန်မရှိဟု လူသိရှင်ကြား ပြောဆိုခဲ့သည့်အတွက် သူ့ထံသို့ သတင်းတပ်ဖွဲ့မှရဲအရာရှိများ တိတ်တဆိတ် ရောက်လာခဲ့ပြီးသည့် နောက်ပိုင်းတွင် ဖြစ်သည်။ ၁၉၈၈ ခုနှစ်အရေးအခင်းတွင် နိုင်ငံရေးမှ တရားဝင် ထွက်ခွာခဲ့ရသော အာဏာရှင် ဟောင်း ဦးနေဝင်းသည်လည်း သူ၏ဘဝကို မိသားစုနှင့်အတူ နေအိမ် အကျယ်ချုပ်ဖြင့် နေထိုင်ရင်း အဆုံးသတ် ခဲ့ရသည်။

ယခုအချိန်တွင် အကယ်၍ အမျိုးသားဒီမိုကရေစီ အဖွဲ့ချုပ် (NLD) မှ ထိပ်တန်းပုဂ္ဂိုလ်များ၏ လတ်တလော မှတ်ချက်စကားများသာ မှန်ကန်ခဲ့ပါ က ဦးရွှေမန်းက အထက်ပါ အစဉ်အလာ ပုံစံခွက်ကို ချိုးဖျက်သွားရန် ရှိနေပါသည်။

ဩဇာကြီးသည့် ဗိုလ်ချုပ်ကြီးဟောင်းတယောက် ဖြစ်သော ဦးရွှေမန်းသည် ၁၉၈၀ နှစ်များအတွင်းက ကရင် လက်နက်ကိုင် အဖွဲ့နှင့် တိုက်ခိုက်ခဲ့သည့် တိုက်ပွဲတခုကို ဦးဆောင်ခဲ့သည့်အတွက် သူရဘွဲ့ ရရှိခဲ့သူဖြစ်ပြီး အရပ်သားအမည်ခံအစိုးရပေါ်ပေါက် လာသည့် ၂၀၁၀ ခုနှစ် မတိုင်မီအထိ စစ်အစိုးရအဖွဲ့တွင် တတိယ မြောက် အာဏာအရှိဆုံးပုဂ္ဂိုလ် ဖြစ်ခဲ့သည်။ မြန်မာနိုင်ငံ၏ ပထမဆုံး သမ္မတဖြစ်လာမည်ဟု ဆန်းစစ်လေ့လာ သူ တချို့က သူ့ကို ထင်ကြေးပေးခဲ့သော်လည်း နောက်ဆုံးတွင် ဦးသိန်းစိန်က သမ္မတ ရာထူး ရရှိသွားခဲ့သည်။

ဦးရွှေမန်းက အတိုက်အခံခေါင်းဆောင် ဒေါ် အောင်ဆန်းစုကြည်နှင့် နီးကပ်သွားသည်ဟု ယူဆရ သည့်အတွက် ၂၀၁၃ ခုနှစ်မှစ၍ ဦးသိန်းစိန်နှင့် ဦးရွှေမန်းတို့အကြား ဆက်ဆံရေးအခြေအနေ ဆိုးရွား လာခဲ့သည်။ ဖွဲ့စည်းပုံ အခြေခံဥပဒေမှ ပုဒ်မ ၅၉ (စ) ကို ပြင်ဆင်ပေးရန် ဦးရွှေမန်းက ထိုနှစ်အတွင်း တောင်းဆိုခဲ့သည်။ စစ်အစိုးရက ရေးဆွဲခဲ့သည့် အခြေခံဥပဒေတွင် ဒေါ်အောင်ဆန်းစုကြည်ကို သမ္မတ ဖြစ်မလာအောင် ထိရောက် စွာ တားဆီးထားသည့် စာပိုဒ်ကို ပြင်ဆင်သင့်သည်ဟု သူက ဆိုသည်။ ထိပ်တန်းခေါင်းဆောင်များနှင့် နိုင်ငံရေး ဆွေးနွေးမှု များပြုလုပ်ရန် ဒေါ်အောင်ဆန်းစုကြည်က တောင်းဆိုခြင်းကိုလည်း သူက ထောက်ခံခဲ့သည်။ NLD နှင့် ဒီမိုကရေစီအရေး လှုပ်ရှားသူများ တောင်းဆိုလာခဲ့သော အခြေခံဥပဒေ ပြင်ဆင်ရေးကို ပြည်ထောင်စုလွှတ်တော်တွင် မဲပေးဆုံးဖြတ်ခွင့်ပြုခဲ့သည်။ သို့သော်လည်း နောက်ဆုံးတွင် ရှုံးနိမ့်သွားခဲ့သည်။

အစိုးရအဖွဲ့မှ ဝန်ကြီးများနှင့် တာဝန်ထမ်းဆောင်ဆဲ စစ်ဘက်အရာရှိကြီးများ လွှတ်တော်ကိုယ် စားလှယ်အဖြစ် ဝင်ရောက်ယှဉ်ပြိုင်ရန် ကြိုးစားခြင်းကို အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ခိုင်ရေးပါတီ) ဥက္ကဋ္ဌအနေဖြင့် ဦးရွှေမန်းက တားဆီးပိတ်ဆို့ခဲ့သည့်အတွက် ရာထူးမှကျဖို့ ဖြစ်လာခဲ့သည်။

ဦးရွှေမန်းကို ကြံ့ခိုင်ရေးပါတီ ဥက္ကဋ္ဌနေရာမှ ဖယ်ရှားရန် အားထုတ်မှု ၂၀၁၅ ခုနှစ်အတွင်း အနည်းဆုံး ၂ ကြိမ်ခန့် ရှိခဲ့ပြီး သူက ပါတီထိပ်တန်း တာဝန်ရှိသူ အများစု၏ ထောက်ခံမှုကို ဆက်လက် ထိန်းသိမ်းထားနိုင်ခဲ့သည်။ သို့သော်လည်း ဩဂုတ် လအတွင်းတွင် ပါတီဗဟိုအလုပ်အမှုဆောင် ကော်မ တီဝင်များကို နေပြည်တော်ရှိ ပါတီရုံးချုပ်သို့ခေါ်ယူ၍ ဦးရွှေမန်းနှင့် သူ၏မဟာမိတ်များကို ထိပ်ပိုင်းရာထူး များမှဖယ်ရှားရန် မဲပေးခိုင်းခဲ့သည်။ နောက် ၄ ရက် ကြာသည့် အခါကျမှ အစိုးရပိုင် မြန်မာ့အလင်း သတင်းစာတွင် အဆိုပါအဖြစ်အပျက်သည် “တရား ဝင်မှတ်ပုံတင်ထားသည့် နိုင်ငံရေး ပါတီတခုအတွင်း ဖြစ်ရိုးဖြစ်စဉ် သာမန်ကိစ္စတခုသာ ဖြစ်ကြောင်း” ဖော်ပြခဲ့သည်ကို တွေ့ရသည်။

ပါတီခေါင်းဆောင်အဖြစ်မှ ဖယ်ရှားခြင်း ခံလိုက်ရသဖြင့် ဦးရွှေမန်း၏ နိုင်ငံရေးလောကမှ အချိန်များ ပြီးဆုံးသွားခဲ့ပြီဟု လေ့လာစောင့်ကြည့်သူများက ယူဆခဲ့ကြသည်။ ဖမ်းဆီးတရားစွဲဆိုခြင်း ခံရမည်ဟုလည်း ကောလာဟလများ ထွက်ပေါ်ခဲ့သည်။ စွပ်စွဲပြစ်တင်ခြင်း ဥပဒေကြမ်းက သူ့ကို လူထု မြင်ကွင်းမှ လျင်မြန်စွာ ပျောက်ကွယ်သွားစေလိမ့်မည်ဟု ယူဆခဲ့ကြသည်။ အဆိုပါဥပဒေကြမ်းကို ကြံ့ခိုင်ရေး ပါတီမှ လွှတ်တော် ကိုယ်စားလှယ်များက ထောက်ခံခြင်း မပြုခဲ့သည့်အတွက် ရှုံးနိမ့်သွားခဲ့ပါသည်။ နောက်ဆုံးတွင် ပြီးခဲ့သည့် နိုဝင်ဘာရွေးကောက်ပွဲ၌ သူ၏ဇာတိ ဖြူးမြို့နယ်တွင် ရှုံးနိမ့်ခဲ့ခြင်းက ဦးရွှေမန်း၏ နိုင်ငံရေးသမားဘဝ အဆုံးသတ်ခဲ့ပြီဆိုသော အယူအဆများကို ပိုမိုခိုင်မာစေခဲ့သည်။

သို့သော်လည်း NLD ပါတီ အပြတ်အသတ် အနိုင်ရရှိခဲ့ပြီး ရက်သတ္တပတ် အနည်းငယ်အကြာတွင် ဦးရွှေမန်း ပြန်လည်ပေါ်ထွက်လာခဲ့သည်။ ရွေးကောက်ပွဲ ရလဒ်များ ထွက်ပေါ်လာပြီး နောက်ပိုင်းတွင် ဒေါ်အောင်ဆန်း စုကြည်နှင့် ပထမဆုံး တွေ့ဆုံခဲ့သော ပြိုင်ဘက်နိုင်ငံရေးခေါင်းဆောင် ဖြစ်လာသည်။ နောက်ပိုင်းတွင်လည်း သူတို့ ၂ ဦး ပုံမှန်တွေ့ဆုံမှုများ ရှိလာခဲ့သည်။ ဒီဇင်ဘာလအတွင်းတွင် ဒေါ်အောင် ဆန်းစုကြည်နှင့် အာဏာရှင် ဟောင်း ဦးသန်းရွှေတို့ မျှော်လင့်မထားဘဲ တွေ့ဆုံခဲ့ကြသည့် ကိစ္စတွင်လည်း ဦးရွှေမန်းက ကြားပွဲစားအဖြစ် ဆောင်ရွက်ပေးခဲ့သည် ဆိုသည့် သတင်းများလည်း ထွက်ပေါ်လာခဲ့သည်။ ထိုသို့တွေ့ဆုံရာတွင် ဦးသန်းရွှေက ဒေါ်အောင်ဆန်း စုကြည်ကို မြန်မာနိုင်ငံ၏ အနာဂတ်ခေါင်းဆောင် အဖြစ် ရည်ညွှန်းခဲ့ပြီး နိုင်ငံရေး အသွင်ကူး ပြောင်းမှု ကာလအတွင်းတွင် ကူညီပေးမည်ဟုလည်း ကတိပြု ခဲ့သည်။

မတ်လကုန်ပိုင်းတွင် ဖွဲ့စည်းမည့် အဖွဲ့အစည်း အသီးသီးမှ ပါဝင်မည့် အစိုးရသစ်တွင် ဦးရွှေမန်းက တနေရာမှ ပါဝင်လာဖွယ်ရှိသည်ဟု NLD ပါတီ၏ ပြောရေးဆိုခွင့် ရှိသူဖြစ်သော ဗဟိုအလုပ်အမှုဆောင် ကော်မတီဝင် ဦးဝင်းထိန်က အပတ်စဉ်ထုတ် The Voice ဂျာနယ်သို့ ပြောကြားခဲ့သည်။

“သူက ထက်မြက်တယ် ရဲရင့်တယ်။ အရှုံးကို လက်ခံတာ လူတိုင်းသိကြတယ်။ ဒီမိုကရေစီနိုင်ငံ တခု တည်ထောင်ဖို့အတွက် ကြံ့ခိုင်ရေးနဲ့ တိုင်းရင်း သား ပြည်သူတွေ အားလုံးပါဝင်ဖို့ လိုအပ်တယ်လို့ ယူဆမယ်ဆိုရင် သူရဦးရွှေမန်း ပါလာနိုင်ပါတယ်။ သူပါလာဖို့ ရှိပါတယ်” ဟု ဦးဝင်းထိန်က ပြောသည်။

ဦးရွှေမန်း၏ နောက်ခံအချက်အလက်များက အလေးထား၍ အခြေအတင် ဆွေးနွေးဖွယ်ရာ ဖြစ် သည်။ စစ်အစိုးရအဖွဲ့တွင် ထိပ်သီးပုဂ္ဂိုလ်တယောက် ဖြစ်ခဲ့ခြင်း၊ စစ်ဗိုလ်ချုပ်ကြီးတယောက် ဖြစ်ခဲ့ခြင်းနှင့် လက်ရှိ လွှတ်တော်ကိုယ်စားလှယ်တယောက် ဖြစ် နေခြင်းတို့ကြောင့် သူ၏ရည်ရွယ်ချက်များ၊ အလို ဆန္ဒများနှင့် ပတ်သက်၍ မေးခွန်းများ မြင့်တက်စေခဲ့ သည်။ ဩဂုတ်လအတွင်းတွင် ပါတီတွင်း ရာထူးမှ ချထားခြင်းခံရ ပြီးနောက် အငြင်းပွားဖွယ်ရာများ ပြန်လည်ပေါ်ပေါက်လာခဲ့သည်။

၂၀ဝ၇ ခုနှစ်က အမေရိကန် နိုင်ငံခြားရေး ဝန်ကြီးဌာန၏ ကြေးနန်းသတင်းတခုကို Wikileaks က ၂၀၁၀ တွင် ထုတ်ပြန်ခဲ့ရာ၌ ၂၀ဝ၃ ခုနှစ်အတွင်းက ဒေါ်အောင်ဆန်းစုကြည်၏ ယာဉ်တန်းကို ဒီပဲယင်း မြို့နယ်တွင် အကြမ်းဖက် တိုက်ခိုက်ရန် စီစဉ်ရာ၌ ဦးရွှေမန်းက ပါဝင်ကူညီခဲ့သည်ဟု သတင်းရင်းမြစ် တချို့ကပြောကြောင်း ဖော်ပြထားသည်။ အဆိုပါ တိုက်ခိုက်မှုတွင် စစ်အစိုးရဘက်သားများကြောင့် လူ ၇၀ ကျော် သေဆုံးခဲ့ရသည်။

ဦးရွှေမန်းက စီးပွားရေးဆိုင်ရာ ကိစ္စအများ အပြားတွင် ပါဝင်နေကြောင်း၊ စစ်အစိုးရနှင့် နီးကပ် သော စီးပွားရေး လုပ်ငန်းရှင်များနှင့်လည်း ဆက် သွယ်မှုရှိကြောင်းနှင့် သူ၏သားများက ဖခင်၏ အဆက်အသွယ်များကို အသုံးပြု၍ သူတို့၏ စီးပွား ရေးအင်ပါယာကို တည်ဆောက်ခဲ့သည်ဟု သတင်း ရင်းမြစ်များက ဆိုကြောင်း Wikileaks တွင် ဖော်ပြခဲ့သည်။

ကြံ့ခိုင်ရေးပါတီတွင်းရှိ ဦးရွှေမန်း၏ မဟာမိတ် များထဲမှ တဦးဖြစ်သည့် ပါတီအထွေထွေအတွင်းရေး မှူးဟောင်း ဦးမောင်မောင်သိမ်းကို မကြာသေးမီက ထုတ်ပြန်ခဲ့သည့် Global Witness ၏ အစီရင်ခံစာတွင် ကချင် ပြည်နယ်ရှိ အကျိုးအမြတ် အလွန်များပြားသည့် ကျောက်စိမ်းကုန်သွယ်မှုမှ အကျိုးအမြတ် အများအပြား ရရှိနေသူများထဲမှ တဦးဖြစ်သည်ဟု ဖော်ပြထားသည်ကိုတွေ့ရသည်။ ဦးရွှေမန်း၏ မဟာ မိတ်တဦးဖြစ်ပြီး ဇူလိုက်လအတွင်းက ကွယ်လွန်သွား ခဲ့သော ဦးအောင်သောင်း၏ သားများမှာ International Group of Entrepreneurs (IGE) ကုမ္ပဏီကို ဦးဆောင်နေပြီး အဆိုပါကုမ္ပဏီမှာ ဆောက်လုပ်ရေး၊ သယံဇာတအရင်း အမြစ်နှင့် ဘဏ် လုပ်ငန်းများတွင် ရင်းနှီးမြှုပ်နှံထားသည်။ IGE ကုမ္ပဏီကို အမေရိကန်နိုင်ငံက အရေးယူ ပိတ်ဆို့ သည့်စာရင်းတွင် ထည့်သွင်းထားဆဲဖြစ်သည်။

တချိန်တည်းမှာပင် ဦးရွှေမန်းကို နိုင်ငံတကာ အသိုင်းအဝိုင်းနှင့် ပြန်လည် ဆက်သွယ်လိုသည့် အလားအလာရှိ သော ပြုပြင်ပြောင်းလဲရေးသမား တယောက်အဖြစ် အများစုက ယူဆထားကြောင်း ၂၀ဝ၇ ခုနှစ် ကြေးနန်း သတင်းတခုတွင် ဖော်ပြထား သည်။ လွှတ်တော်ဥက္ကဋ္ဌအဖြစ် ဆောင်ရွက်စဉ် ကာလအတွင်း အရပ်ဘက် အဖွဲ့ အစည်းများနှင့် တွေ့ဆုံခဲ့သည့် သတင်းများကလည်း အဆိုပါ အယူ အဆကို အထောက်အကူပြုခဲ့သည်။ ဒေါ်အောင် ဆန်းစုကြည်နှင့် ဆက်ဆံရေးအပြင် ပြည်ထောင်စု လွှတ်တော်ကို နိုင်ငံတကာမှ လေ့လာ စောင့်ကြည့်သူ များ ကြိုတင်မျှော်မှန်းထားကြသလို အထက်က ပြောသမျှ ခေါင်းညိတ်သည့် လွှတ်တော် တခုထက် ပိုအားကောင်းသည့် လွှတ်တော်တခုဖြစ်လာအောင် ကြိုးစားခဲ့ခြင်းများကြောင့်လည်း သူ့ကို လမ်းကြောင်း သစ်တခုပေါ်သို့ ရောက်ရှိစေခဲ့သည်။

၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ခေါင်းဆောင်တဦးဖြစ်သည့် ဦးမြအေးက ဦးရွှေမန်း သည် သူ၏ လွှတ်တော်သက်တမ်းအတွင်း NLD ပါတီနှင့် နှစ်ဦးနှစ်ဖက် အကျိုးရှိမည့် ဆက်ဆံရေး တခုကို ထူထောင်နိုင်ခဲ့ ကြောင်းနှင့် လက်ရှိပူးပေါင်း ဆောင်ရွက်မှု လမ်းကြောင်းအတိုင်း ဆက်သွားရန် နှစ်ဖက်လုံးတွင် အကြောင်း ပြချက်များ ရှိခဲ့ကြောင်း ပြောသည်။

“NLD ရဲ့ ရွေးကောက်ပွဲ အောင်နိုင်မှုက ဦးရွှေမန်းကို ပြန်လည်ရှင်သန်စေခဲ့တာ အမှန်ပါပဲ” ဟု ဦးမြအေးကပြောသည်။ အမျိုးသား ပြန်လည် သင့်မြတ်ရေးနှင့် စစ်ဘက်နှင့် ပူးပေါင်းဆောင်ရွက် ရေးအပေါ် NLD ပါတီ၏ ဦးစားပေးမှုက ခေါင်း ဆောင်ပိုင်း၏ ဆုံးဖြတ်ချက်အပေါ်တွင် တည်နေ လိမ့်မည်ဟု သူက ထပ်ပြောသည်။ “အခု NLD လုပ်နေတာနဲ့ ပတ်သက်ပြီး ကန့်ကွက်ဖို့ ကျနော့်မှာ အကြောင်းမရှိပါဘူး” ဟု ဦးမြအေးက ဆိုသည်။

ပညာရှင်အဖွဲ့အစည်း တခုဖြစ်သည့် တမ္ပဒီပ အင်စတီကျုမှ ဒါရိုက်တာ ဦးခင်ဇော်ဝင်းက ပြီးခဲ့သည့် ၅ နှစ် အတွင်း သူ၏ဆောင်ရွက်ခဲ့မှုများက အနာဂတ် အစိုးရအဖွဲ့တွင် ဦးရွှေမန်း ဝန်ကြီးတနေရာရလာနိုင်သည့် အလားအလာကို အားကောင်းစေခဲ့သည်ဟု ဆိုသည်။ ဥပဒေပိုင်းဆိုင်ရာ ကျွမ်းကျင်မှုကို ပြသနိုင်ခြင်းမရှိသည့် အခြေခံဥပဒေခုံရုံး အဖွဲ့ဝင်များကို ဦးရွှေမန်းက စတင်ဝေဖန်အပြစ်တင်ခဲ့သလို အခြေခံ ဥပဒေ ပြင်ဆင်ရေးကို လည်း ထောက်ခံခဲ့သည်ဟု ဦးခင်ဇော်ဝင်းက ပြောသည်။

“လွှတ်တော်ဥက္ကဋ္ဌအနေနဲ့ ဦးရွှေမန်းက လွှတ် တော်ကိုယ်စားလှယ်တွေကြားမှာ နာမည်ကောင်း ရခဲ့ပါတယ်။ လွှတ်တော်မှာ အတွေ့အကြုံ ၅ နှစ် ရှိခဲ့တဲ့အပြင် ဗိုလ်ချုပ်ကြီးဟောင်းတယောက်ဖြစ်တဲ့ အတွက် စစ်တပ် အကြောင်းလည်း သူက ကောင်း ကောင်းသိပါတယ်။ ဒေါ်အောင်ဆန်းစုကြည်အနေနဲ့ သူ့လိုလူမျိုးကို မဟာမိတ်အဖြစ် အနားမှာထားဖို့ လိုပါတယ်။ ဒါကြောင့် သူ့ကို နေရာတခု ပေးပါလိမ့်မယ်။ သူက ဒေါ်အောင် ဆန်းစုကြည်အတွက် အသုံး ဝင်ပါလိမ့်မယ်” ဟု သူကဆိုသည်။

သို့သော်လည်း မြန်မာ့အရေး ကျွမ်းကျင်သူတဦး ဖြစ်သည့် မစ္စတာ ဘာတေးလ် လင့်တနာ (Bertil Lintner) အတွက်မူ NLD နှင့် စစ်တပ်ကြားတွင် ဦးရွှေမန်းက ကြားဝင်စေ့စပ်သူအဖြစ် ဆောင်ရွက် ပေးနိုင်မည်ဟု သိပ်မသေချာပါ။ ဦးသိန်းစိန်နှင့် ဆက်ဆံရေး မကောင်းခဲ့ခြင်း၊ ပြိုင်ဘက်ပါတီနှင့် မဟာမိတ်ဖွဲ့ရန် ဆုံးဖြတ် ခဲ့ခြင်းများကြောင့် ဦးရွှေမန်းကို နေရာပေးခြင်းအပေါ် စစ်ဘက်မှ အဆင့်မြင့်ပုဂ္ဂိုလ် များက မလိုလားအပ်သည့် ကိစ္စတခုအဖြစ် ယူဆကြဖွယ်ရှိသည်ဟု ဘာတေးလ်လင့်တနာက ဧရာဝတီသို့ ပြောသည်။

“သူတို့အတွက်ကတော့ ဦးရွှေမန်းက ဒေါ် အောင်ဆန်းစုကြည်နဲ့ ရင်းနှီးမှုရှိတဲ့ သစ္စာဖောက် တယောက်ပဲ။ အခြေခံဥပဒေ ပြင်ဆင်ဖို့တောင်မှ သူကထောက်ခံခဲ့တယ်” ဟု သူကဆိုသည်။

ဦးရွှေမန်း၏ နိုင်ငံရေးအရ စွမ်းဆောင်နိုင်မှုကိုမူ ဘာတေးလ်လင့်တနာက လက်ခံခဲ့သည်။ အထူးသဖြင့် သူ့ကိုယ်သူ ဦးဆောင်ဦးရွက်လုပ်ပေးနိုင်သူ (Kingmaker) တယောက်အနေဖြင့် ခံယူပြီး ဒေါ်အောင် ဆန်းစုကြည်၊ သမ္မတ ဦးသိန်းစိန်နှင့် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် စသည့် အဆင့်မြင့်ပုဂ္ဂိုလ်များအကြား နှောင့်နှေးကြန့်ကြာနေ သည့် နိုင်ငံရေးဆွေးနွေးမှုများ ပေါ်ပေါက်လာစေရန် တွန်းအားပေးနိုင်ခဲ့သည့် နေရာတွင် ဖြစ်သည်။

“တကယ်ကိုကောင်းတဲ့ ရွှေ့ကွက်လို့ ကျနော် ထင်ပါတယ်။ ဦးသန်းရွှေရဲ့မြေးနဲ့ ဒေါ်အောင်ဆန်း စုကြည် မတွေ့ဆုံမီအချိန်အထိ ဦးသိန်းစိန်နဲ့ ဗိုလ် ချုပ်မှူးကြီး မင်းအောင်လှိုင်က ရွေးကောက်ပွဲဆိုင်ရာ ကိစ္စရပ်တွေ မပြီးပြတ်သေးခင် ဒေါ်အောင်ဆန်းစု ကြည်နဲ့ တွေ့ဆုံမှာမဟုတ်ဘူးလို့ ပြောခဲ့ကြတယ်။ သူတို့နဲ့ တွေ့ပြီး နောက်မှာ ဒေါ်အောင်ဆန်းစုကြည်က ဦးသန်းရွှေနဲ့ တွေ့ဆုံခဲ့တယ်။ ဒါပေမယ့် အဓိက ကတော့ ဦးသန်းရွှေပေါ့။ သူက ဒေါ်အောင်ဆန်းစု ကြည်နဲ့ တွေ့ဖို့ သူ့ရဲ့မြေးကို လွှတ်လိုက်တာက ဦးသိန်းစိန်နဲ့ ဗိုလ်ချုပ်မှူးကြီး မင်းအောင်လှိုင် လျစ်လျူရှုလို့ မရတဲ့ အကြောင်းတခု ဖြစ်သွားတယ်” ဟု ဘာတေးလ် လင့်တနာက ပြောသည်။

ဦးရွှေမန်းအနေဖြင့် သူ့ နိုင်ငံရေး ဗီဇလက္ခဏာ များကို ဆက်လက် ထိန်းသိမ်းထားနိုင်မည်ဆိုလျှင် ဇန်နဝါရီလတွင် လွှတ်တော်သက်တမ်း ပြီးဆုံးသွား ခြင်းက အဆင့်မြင့်တာဝန်များကို ထမ်းဆောင်ရသည့် ဘဝကို အဆုံး သတ်လိုက်ခြင်း မဟုတ်ဖို့ များနေပါသည်။

ဆီဘူးကျေးရွာမှာ ရွာလုံးကျွတ် အမှိုက်ကောက်

ခိုင်မာတဲ့ ထိုင်း-မြန်မာ ပညာရေးစနစ်ဖြစ်အောင် ကြိုးစားသွားမည်

ရန်ကုန်မြို့သစ်စီမံကိန်း ကန်ထရိုက် ချပေးပြန်

ကျော်ဖြိုးသာ

တင်ဒါခေါ်ယူရွေးချယ်မှုတွင် ပွင့်လင်းမြင်သာမှုမရှိခဲ့ခြင်း အပေါ် ပြင်းပြင်းထန်ထန် ဝေဖန်ကန့်ကွက်ခြင်းများကြောင့် လွန်ခဲ့သော ၁ နှစ် ကျော်ခန့်က ရပ်ဆိုင်းထားခဲ့ရသော ရန်ကုန်အနောက်တောင်ပိုင်း မြို့သစ်စီမံကိန်း ကိုဆောင်ရွက်ရန် ဒေါ်လာဘီလီယံ များစွာတန်သည့် ကန်ထရိုက်လုပ်ငန်းကို ပြည်တွင်း ကုမ္ပဏီ ၃ ခုသို့ ချထားပေးလိုက်ကြောင်း သိရသည်။

အဆိုပါ ကိစ္စနှင့် နီးစပ်သည့် အမည်မဖော်လိုသူ သတင်းရင်းမြစ် တဦး၏ အဆိုရ ကန်ထရိုက်ရရှိခဲ့သည့် ကုမ္ပဏီများထဲမှ တခု ဖြစ်သည့် ရန်ကုန် အနောက်တောင်ဒေသ ဖွံဖြိုးတိုးတက်ရေး အများပိုင် ကုမ္ပဏီ၏ ပိုင်ရှင်များသည် ၎င်းစီမံကိန်းကို လုပ်ကိုင်ရန် ၂၀၁၄ ခုနှစ် သြဂုတ်လအတွင်းက တင်ဒါအောင်မြင်ခဲ့သည့် မြန်မာ့စေတနာ မြို့သစ် ကုမ္ပဏီကို ပိုင်ဆိုင်သူများပင် ဖြစ် သည်ဟု သိရသည်။ မြန်မာ့စေတနာ မြို့သစ် ကုမ္ပဏီ ပိုင်ရှင်များမှာ လူသိနည်းသည့် တရုတ် လူမျိုး လုပ်ငန်းရှင် ၂ ဦးဖြစ် သည့် ရှောက်ပန်းနှင့် ရှောက်စန်း တို့ဖြစ်ကြပြီး ၎င်းတို့က ရန်ကုန်တိုင်း ၀န်ကြီးချုပ် ဦးမြင့်ဆွေနှင့် နီးစပ်သည့် ဆက်ဆံရေး ရှိသူ များဖြစ်သည်ဟု ဆိုကြသည်။

ရန်ကုန်တိုင်း ၀န်ကြီးချုပ် ဦးမြင့်ဆွေက ကုမ္ပဏီ ၃ ခုမှကိုယ်စားလှယ်များနှင့် မကြာသေးမီက တွေ့ဆုံဆွေးနွေးခဲ့သည်ဟု အဆိုပါ သတင်းရင်းမြစ်က ဧရာဝတီသို့ပြောသည်။ စီမံကိန်းကို ပူးတွဲ အကောင်ထည်ဖော်ကြရန် နှင့် အသေးစိတ် အစီအစဉ်များကို ပြန်လည် အစီရင်ခံရန် ၀န်ကြီးချုပ်က ပြောကြားခဲ့သည်ဟုလည်း သိရသည်။

မူလ အစီအစဉ်အတိုင်းဆိုလျှင် ရန်ကုန်မြို့တော်တိုးချဲ့ရေး အစီအစဉ်က ရန်ကုန်မြို့၏ တရားဝင် နယ်နိမိတ်ကို ရန်ကုန် မြစ် အနောက်ဘက်ကမ်းရှိ ကြည့်မြင် တိုင်၊ ဆိပ်ကြီးခနောင်တိုနှင့် တွံတေးမြို့နယ်များအတွင်းသို့ ဧက ၃၀၀၀၀ ခန့် တိုးချဲ့သွား ရန် ဖြစ်သည်။ စီမံကိန်းတွင် လူနေတိုက်ခန်းများ ဆောက်လုပ်ခြင်း၊ ကျောင်းသား ၁၀၀၀ အတွက် စာသင်ကျောင်း ၁ ကျောင်း၊ ဘိုးဘွားရိပ်သာတခုနှင့် ၆လမ်းသွား တံတား ၅ ခုတို့ပါဝင် မည်ဖြစ်သည်။

စီမံကိန်းကို ၂၀၁၄ ခုနှစ် သြဂုတ်လတွင် တိုင်းဝန်ကြီးချုပ် ဦးမြင့်ဆွေနှင့် ရန်ကုန်မြို့တော်ဝန် ဦးလှမြင့်တို့က ပထမဆုံး စ တင် ကျေညာခဲ့ခြင်းဖြစ်သည်။ သို့သော်လည်း မြန်မာစေတနာ မြို့သစ်ကုမ္ပဏီ တင်ဒါရရှိခဲ့ခြင်းမှာ ဦးမြင့်ဆွေ နှင့် ကုမ္ပဏီ ပိုင်ရှင်များ ရင်းနှီးမှုကြောင့် ဖြစ်သည်ဟု စွပ်စွဲမှုများ ထွက်ပေါ်ခဲ့ပြီးနောက် အများပြည်သူ သိရှိနိုင်မည့် တင်ဒါ အသစ်တခု ခေါ်ယူရန်အတွက် နောက်တလ အကြာတွင် စီမံကိန်းကို ဆိုင်းငံ့ထားခဲ့သည်။

စီမံကိန်း အစိတ်အပိုင်းတွင် ပါဝင် နေသည့် ခလောက်ချိုင့် ကျေးရွာမှ ရန်ကုန် အနောက်တောင်ဒေသ ဖွံဖြိုးတိုးတက်ရေး အများပိုင် ကုမ္ပဏီ၏ ဒေသခံ ကိုယ်စားလှယ်တဦး ဖြစ်သည့် ဦးစိုးကြည်က သူ၏ ကုမ္ပဏီသည် ဆောက်လုပ်ရေးနှင့် ဖွံ့ဖြိုးရေး လုပ်ငန်းများတွင် လူသိ များသည့် စီးပွားရေး လုပ်ငန်းရှင်တယောက်ဖြစ်သည့် ဦးမောင်ဝိတ်၏ Business Capital City Development Ltd. နှင့် အတူ ရန်ကုန်အနောက်တောင်ပိုင်း မြို့သစ်စီမံကိန်းကို လုပ်ပိုင်ခွင့် ရရှိခဲ့သည်ဟု ဇန်န၀ါရီလ ၁၃ ရက်နေ့က အတည် ပြု ပြောကြားခဲ့သည်။ တတိယမြောက် ကုမ္ပဏီမှာ ပြည်တွင်း ကုမ္ပဏီအုပ်စုကြီးတခု ဖြစ်သည့် ရွှေသံလွင်၏ လုပ် ငန်းခွဲ ဖြစ်သော Shwe Popa International ဆောက်လုပ်ရေး ကုမ္ပဏီ ဖြစ်သည်ဟု ဦးစိုးကြည်၏ အဆိုအရ သိရသည်။

“ကျနော် သိသမျှကတော့ အတူတူတွဲလုပ်ကြဖို့ ကျနော်တို့ကို ပြောထားတာရှိတယ်။ ဒါပေမယ့် ကျနော်တို့လုပ်ငန်းစဖို့ ခုချိန် အထိ ခွင့်ပြုချက် တစုံတရာ မရသေးဘူး” ဟု သူက ထပ်ပြောသည်။

၂၀၁၅ ခုနှစ် ဇူလိုင်လတွင် စီမံကိန်းအတွက် တင်ဒါအသစ်ခေါ်ယူကြောင်း ကျေညာခဲ့ပြီးနောက် အဆိုပါ ကုမ္ပဏီ ၃ ခုသာ အချိန်မီ အဆိုပြုလွှာတင်သွင်းနိုင်ခဲ့သည်ဟု ဦးစိုးကြည်၏ အဆိုအရသိရသည်။ ယမန်နှစ်က ထုတ်ပြန်ခဲ့သော ကျေညာ ချက် အရ တင်ဒါ တင်သွင်းမည့် ကုမ္ပဏီတိုင်းသည် စရံငွေ ကျပ် ၅ ဘီလီယံတင်သွင်းရန် လိုအပ်ပြီး ရွေးချယ်ခြင်း မခံရ လျှင် အဆိုပါ စရံငွေများကို ပြန်လည်ရရှိမည် ဖြစ်သည်။

သို့သော်လည်း သူ၏ ကုမ္ပဏီသည် မြန်မာ စေတနာမြို့သစ် ကုမ္ပဏီနှင့် ပတ်သက်မှု လုံးဝမရှိခဲ့ဟု ဦးစိုးကြည်က ညင်း ဆန်ခဲ့သည်။

“ကျနော်တို့နဲ့ ဘာမှ မပတ်သက်ပါဘူး။ ကျနော်တို့ ကုမ္ပဏီက လူ ၁၅၀ နဲ့ ဖွဲ့စည်းထားတာပါ။ အများစုက စီမံကိန်းဧရိယာမှာ နေ ထိုင်တဲ့သူတွေပါ” ဟု သူကပြောသည်။

စီမံကိန်းအတွက် အမေရိကန်ဒေါ်လာ ၁၅ ဘီလီယံ ရင်းနှီးမြှုပ်နှံရန် ရန်ကုန် အနောက်တောင်ဒေသ ဖွံဖြိုးတိုးတက်ရေး အများပိုင် ကုမ္ပဏီ က အဆိုပြုခဲ့သည်ဟု စက်တင်ဘာလအတွင်းက ရန်ကုန်တိုင်း အစိုးရအဖွဲ့ရုံးတွင် ပြုလုပ်ခဲ့သော တင်ဒါ အကြို စိစစ်မှု အစည်း အဝေးသို့ တက် ရောက်ခဲ့သော ရန်ကုန်တိုင်းဒေသကြီး လွှတ်တော် ကိုယ်စားလှယ် ဒေါက်တာညိုညိုသင်း ကပြောသည်။

“ကုမ္ပဏီ ၃ ခုလုံးက သူတို့ရဲ့ အဆိုပြုလွှာတွေနဲ့ ပတ်သက်လို့ သရုပ်ပြ ရှင်းလင်းခဲ့ကြတယ်။ ဒါပေမယ့် သူတို့ ကုမ္ပဏီရဲ့ ဒါရိုက်တာ တွေက ဘယ်သူတွေပါဆိုတာ မပြောခဲ့ကြဘူး” ဟု သူက ဆိုသည်။

စီမံကိန်း၏ အရွယ်အစားကြောင့် အမေရိကန် ဒေါ်လာ ၁၅ ဘီလီယံ ကုန်ကျမည့် စီမံကိန်းအတွက် အထောက် အကူ ဖြစ် စေရန် ပုဂ္ဂလိက စီးပွားဖက်ရှာဖွေပေးရန် ကုမ္ပဏီက အစိုးရကို မေတ္တာရပ်ခံခဲ့သည်ဟု ရန်ကုန် အနောက်တောင်ဒေသ ဖွံဖြိုးတိုးတက်ရေး အများပိုင် ကုမ္ပဏီ မှ ဒေသဆိုင်ရာ အတွင်းရေးမှူး ဦးခင်မောင်သန့်က ဧရာဝတီကို ပြောသည်။ သို့ရာတွင် ထိုကိစ္စနှင့် ပတ်သက်ပြီး အစိုးရဘက်က နှုတ်ဆိတ်နေဆဲဖြစ်သည်ဟု လည်း ဆိုသည်။

အကယ်၍ မြန်မာ့စေတနာမြို့သစ်ကုမ္ပဏီ က စီမံကိန်းတွင် ပြန်လည်ပါဝင်လာခဲ့လျှင် မည်သို့ ပြုလုပ်မည်နည်းဟု ဧရာ ၀တီက မေသည့် အခါ “ဘယ်သူ့ကိုပဲ ရွေးရွေးပါ.. ကျနော်တို့က ဒေသခံ ပြည်သူတွေ အတွက် ကောင်းမယ် ဆိုရင် လက် တွဲဆောင်ရွက်သွားမှာပါ” ဟု ဦးခင်မောင်သန့် ကပြောသည်။

လူထုကြားကို ကလေးကုန်ကူးမှု ပညာပေးဇာတ်လမ်းတိုလေးများ ပြသသင့်

ပြည်တွင်းဆန် အိတ်စပို့စ်လုပ်ငန်းများ အာစီယံဒေသတွင်း ကုန်သွယ်ရန် အဆင်သင့်မဖြစ်သေး

ဦးသိန်းစိန် နိုင်ငံတော် သမ္မတအိမ်တော်မှ ပြောင်းရွှေ့

နေသာ

လက်ရှိ နိုင်ငံတော်သမ္မတဖြစ်သူ ဦးသိန်းစိန်သည် နိုင်ငံတော်သမ္မတ အိမ်တော်မှ ပြောင်းရွှေ့သည်မှာ မှန်ကန်ကြောင်း နှင့် ပြောင်းရွှေ့သွားသည်မှာ ကြာပြီဖြစ်ကြောင်း နိုင်ငံတော်သမ္မတရုံးမှ ညွှန်ကြားရေးမှူး ဦးဇော်ဌေးက မဇ္ဈိမကို အတည်ပြုပြောကြားခဲ့သည်။

ဦးဇော်ဌေးအား ယနေ့ နံနက်ပိုင်းက ဖုန်းဖြင့်ဆက်သွယ်မေးမြန်းရာ “ ဒီနေ့ မပြောင်းပါဘူး၊ ပြောင်းတာကြာလှပြီ။ ကြာပြီဗျ အဲ့လိုပဲပြောလို့ရမယ် ” ဟု ပြန်လည်ဖြေကြားခဲ့သည်။ သို့သော် အချိန်ကာလ အတိအကျ နှင့် မည်သည့် နေရာသို့ ပြောင်းရွှေ့သွားသည်ကိုမူ ၎င်းက ပြောကြားခြင်းမရှိပေ။ ၂၀၁၀ ရွေးကောက်ပွဲတွင် ကြံခိုင်ရေးပါတီ အနိုင်ရရှိကာ သမ္မတဖြစ်ခဲ့သည့် နိုင်ငံတော်သမ္မတဦးသိန်းစိန်သည် တာဝန်ထမ်းဆောင်စဉ်ကာလအတွင်း နိုင်ငံတော်မှ အဆောင်အယောင်အဖြစ် ပေးအပ်သည့် သမ္မတအိမ်တော်တွင် နေထိုင်ခွင့်ရခဲ့ခြင်းဖြစ်သည်။

 နိုင်ငံတော်သမ္မတဦးသိန်းစိန် တာဝန်ထမ်းဆောင်စဉ်ကာလအတွင်း ရရှိခဲ့သည် နိုင်ငံတကာမှ ပေးအပ်ခဲ့သည့် လက်ဆောင်ပစ္စည်းများကိုလည်း ၎င်းက နေပြည်တော်ရှိ အမျိုးသားပြတိုက်တွင် ပြသထားသည်။

 ပြည်ထောင်စုလွှတ်တော်နာယက သူရဦးရွှေမန်းသည်လည်း ပြီးခဲ့သည့် လပိုင်းအတွင်းက ပြည်ထောင်စုလွှတ်တော်နာယက နေအိမ်မှ သူ၏ပစ္စည်းများကို စတင်ပြောင်းရွှေ့ခဲ့ပြီဖြစ်သည်။ ဒေါ်အောင်ဆန်းစုကြည် ဦးဆောင်သည့် NLD ပါတီသည် ရွေးကောက်ပွဲတွင် အနိုင်ရရှိခဲ့သည့် ရလဒ်အရ နိုင်ငံတော်သမ္မတ၊ ဒုတိယသမ္မတတစ်ဦး၊ ပြည်သူ့ လွှတ်တော် ဥက္ကဋ္ဌ၊ အမျိုးသားလွှတ်တော် ဥက္ကဋ္ဌ နှင့် ရခိုင်ပြည်နယ်မှလွဲ၍ (ဝန်ကြီးချုပ်ခန့် အပ်နိုင်လောက်သည့် ရာခိုင်နှုန်းဖြင့် NLD အနိုင်မရခဲ့) တိုင်းဒေသကြီးပြည်နယ် ဝန်ကြီးချုပ်များကို ခန့် အပ်ပိုင်ခွင့် ရှိနေပြီဖြစ်သည်။

မလေးရှားဗီဇာဝန်ဆောင်ခ တိုးကောက်မှုကို ရပ်နားမပေးလျှင် အေဂျင်စီများ ဗီဇာမ၀င်ဟုပြော

ဝေဖန်ခံနေရသော ကျောင်းဆုပေးပွဲ ဖျော်ဖြေမှု ဆရာ၊ ဆရာမများ စစ်ဆေးခံရ

ထွန်းထွန်း

ကျောင်းဆုပေးပွဲတွင် ကလေးငယ်များအား မလုံမခြုံ ဝတ်ဆင်စေကာ စင်ပေါ်တွင် ဖျော်ဖြေစေခဲ့သည့် ဓာတ်ပုံများ လူမှုကွန်ရက် ဖေ့ဘွတ်စ်ပေါ်တွင် ပျံ့နှံနေမှုနှင့် ပတ်သက်ပြီး ထိုကျောင်းရှိ ဆရာ/ဆရာမများ အားလုံးကို မြို့နယ် ပညာရေးမှူးရုံးက ယနေ့နံနက်ပိုင်းတွင် ခေါ်ယူစစ်ဆေးနေကြောင်း သိရသည်။

ဖြစ်စဉ်မှာ ပဲခူးတိုင်းဒေသကြီး အုတ်ဖိုမြို့နယ် အ.မ.က (၁) ငါးရှဉ့်ရိုးကျောင်း၌ ဇန်န၀ါရီ ၁၄ ရက်တွင် ပြုလုပ်သည့် ပညာရည်ချွန်ဆုပေးပွဲတွင် ကလေးများအား အရွယ်ရောက် အမျိုးသမီးတဦးကဲ့သို့ ၀တ်ဆင်ကာ အလှမယ်အဖြစ် ယှဉ်ပြိုင်စေခဲ့သည့် ဓာတ်ပုံများ လူမှုကွန်ရက် ဖေ့ဘွတ်စ်ပေါ်တွင် ပျံ့နှံခဲ့ပြီး ဝေဖန်မှုများ ထွက်ပေါ်လာရာမှ ထိုကျောင်းရှိ ဆရာ၊ ဆရာများ အားလုံးကို ခေါ်ယူစစ်ဆေးနေခြင်း ဖြစ်သည်။

ထိုဖြစ်ရပ်နှင့် ပတ်သက်ပြီး အုတ်ဖိုမြို့နယ် ဒုတိယ ပညာရေးမှူး ဦးခင်မောင်ဝင်းက “ယောက်ျားလေးတွေကို မိန်းမလို လုပ်ထားပြီး ပြိုင်ပွဲလုပ်ကြတာပါ။ မိန်းကလေးတွေ မဟုတ်ပါဘူး။ ကျနော်တို့ ဒီနေ့ ခေါ်စစ်ပြီး တကျောင်းလုံးက ဆရာ၊ ဆရာမတွေကို နောင်ဒီလိုမလုပ်ဖို့ ၀န်ခံကတိ ထိုးခိုင်းခဲ့ပါတယ်” ဟု ဧရာဝတီသို့ ပြောဆိုသည်။

ထိုကဲ့သို့ ၀တ်စားဆင်ယဉ်မှု ပုံစံသည် မြန်မာ့ယဉ်ကျေးမှုနှင့် လုံးဝကိုက်ညီမှု မရှိသည့်အတွက် မပြုလုပ်သင့်ကြောင်းနှင့် လူမှုကွန်ရက်ပေါ်တွင် ထိုဓာတ်ပုံများ ပျံ့နေမှသာ သိရခြင်းဖြစ်သည်ဟု မြို့ခံတဦးဖြစ်သည့် အုတ်ဖိုမြို့နယ် သန္ဓိသုခ လူမှုကူညီရေး အသင်းမှ ဦးသန်းနိုင်က ပြောသည်။

မြို့နယ်ပညာရေးမှူးရုံးက ယခုကဲ့သို့ဖြစ်ရပ်များ ထပ်မံပေါ်ပေါက် မလာစေရေးအတွက် ကျောင်းများရှိ အခမ်းအနားများကို ကြပ်မတ်သွားမည်ဖြစ်ကြောင်းနှင့် ယဉ်ကျေးမှုနှင့် မကိုက်ညီသည့် သရုပ်ပျက်ပုံစံ ဖျော်ဖြေမှုများကို လုံးဝခွင့်ပြုမည် မဟုတ်ကြောင်း ဒုတိယ ပညာရေးမှူး ဦးခင်မောင်ဝင်းက ပြောသည်။

ရန်ကုန်အခြေစိုက် အစိုးရအထက်တန်းပြ ဆရာတဦးဖြစ်သည့် ဦးမင်းသက်အောင်က ကျောင်းသူ ကျောင်းသားများအား ယခုကဲ့သို့ ၀တ်ဆင်စေခြင်းသည် မလိုလားအပ်သည့် အတုယူမှားမှုနှင့် နောက်ဆက်တွဲ ပြဿနာများ ဖြစ်လာနိုင်ကြောင်း၊ မိဘများအနေဖြင့် ယခုပုံစံမျိုးကို ခွင့်မပြုသင့်ကြောင်းနှင့် ပညာရေးဌာန တာဝန်ရှိသူများအနေဖြင့် ကြပ်မတ်ကိုင်တွယ်ရန် လိုအပ်သည်ဟု ဝေဖန်ပြောဆိုသည်။

အငြင်းပွားနေတဲ့ လယ်ယာမြေကို ကုမ္ပဏီမှ ၀င်ရောက်ဖျက်ဆီးနေ

မီးသဂြိ င်္ုဟ်စရိတ် နှစ်ဆတက်သော်လည်း ပိုမိုအားစိုက်လုပ်ဆောင်သွားမည်

သမ္မတဟောင်းအတွက် ကိုယ်ရံတော်ခန့်အပ်မှု အတွက် မူလသတ်မှတ်ချက်အတိုင်းသာထားရန် တပ်မတော်သားကိုယ်စားလှယ် ဆွေးနွေး

နေသာ

နိုင်ငံတော်သမ္မတသည် မည်သည့် နိုင်ငံရေးပါတီမှဖြစ်စေ၊ မည်သည့်အဖွဲ့ အစည်းမှ ပုဂ္ဂိုလ်ဖြစ်စေ နိုင်ငံတော်၏ အကြီးအကဲတစ်ဦးဖြစ်၍ သမ္မတဟောင်း၏ လုံခြုံရေးတပ်ဖွဲ့ နှင့် ကိုယ်ရံတော် ခန့်အပ်ရာတွင် "သက်ဆိုင်ရာဝန်ကြီးဌာနများမှ ခေါ်ယူခန့် အပ်နိုင်သည်" ဆိုသည့် စကားရပ်ကို အတည်ပြုပေးရန် တပ်မတော်သားလွှတ်တော်ကိုယ်စားလှယ်ဖြစ်သူ ဒုတိယဗိုလ်မှူးကြီး မြင့်ဝင်းကဆွေးနွေးခဲ့သည်။

ပြည်သူ့ လွှတ်တော်က ပြင်ဆင်ချက်များဖြင့် အတည်ပြုကာ အမျိုသားလွှတ်တော်သို့ ပေးပို့လာသည့် ယင်းဥပဒေကြမ်း နှင့် ပတ်သက်၍ ယနေ့ (ဇန်နဝါရီ ၁၃ရက်)၌ ကျင်းပသည့် အမျိုးသားလွှတ်တော်အစည်အဝေးတွင် တပ်မတော်သားကိုယ်စားလှယ် နှစ်ဦး နှင့် ရွေးကောက်ခံကိုယ်စားလှယ် နှစ်ဦးက ဆွေးနွေးခဲ့ကြခြင်းဖြစ်သည်။ “မည်သည့် နိုင်ငံရေးပါတီမှဖြစ်စေ၊ မည်သည့်အဖွဲ့ အစည်းမှ ပုဂ္ဂိုလ်ဖြစ်စေ ကျွန်တော်တိုရဲ့ အကြီးအကဲများသာ ဖြစ်ပါတယ်။ ကျွန်တော်တို့ရဲ့ အထွဋ်အထိပ်နေရာမှာ ရောက်ရှိနေတာဖြစ်ပါတယ်။ နိုင်ငံတော်သမ္မတ တာဝန်ထမ်းဆောင်ခဲ့သူများကိုလည်း ကျွန်တော်တို့ရဲ့ အကြီးအကဲအဖြစ် အစဉ်လေးစာနေမှာဖြစ်ပါတယ်” ဟု တပ်မတော်သားလွှတ်တော်ကိုယ်စားလှယ် ဒုတိယဗိုလ်မှူးကြီး မြင့်ဝင်းကပြောသည်။

 နိုင်ငံတော်သမ္မတတာဝန် ထမ်းဆောင်ခဲ့သူ၏ လုံခြုံရေးဆိုင်ရာ ဥပဒေကြမ်းကို ပြည်သူ့ လွှတ်တော်အစည်းအဝေးတွင် ကိုယ်ရံတော်ခန့်အပ်ရာတွင် ပြည်ထဲရေးဝန်ကြီးဌာနမှသာ ခန့်အပ်ရမည်ဟု အတည်ပြုကာ အမျိုးသားလွှတ်တော်သို့ ပေးပို့ ခဲ့ခြင်းဖြစ်သည်။ ယင်းဥပဒေကြမ်း အပေါ် အမျိုးသားလွှတ်တော်အမတ်လေးဦး၏ ဆွေးနွေးချက် နှင့် ပတ်သက်၍ ဥပဒေကြမ်းကော်မတီတွင် ဆွေးနွေးပွဲပြုလုပ်ရန် အမျိုးသားလွှတ်တော် ဥက္ကဋ္ဌက ပြောကြားခဲ့ပြီး ယင်းဥပဒေကြမ်းအပေါ် အမျိုးသားလွှတ်တော် နှင့် ပြည်သူ့လွှတ်တော် သဘောထားကွဲလွဲမှုရှိပါက ပြည်ထောင်စုလွှတ်တော်တွင် ဆက်လက်ဆွေးနွေးသွားရမည်ဖြစ်သည်။

NLD အောင်နိုင်ရေး အားပေးခဲ့သူများကို ဂုဏ်ပြု

မင်္ဂလာဈေးမီးလောင်မှု ဈေးတာဝန်ခံအဖွဲ့ကို အရေးယူပေးရန် ဈေးသူဈေးသားများတောင်းဆို

NLD အစိုးရသစ်နဲ့ တရုတ်နိုင်ငံ ဆက်ဆံရေး

ယွန်ဆန်း

နိုဝင်ဘာလ ၈ ရက်နေ့က ပြုလုပ်ခဲ့သည့် ရွေးကောက်ပွဲတွင် အမျိုးသားဒီမိုကရေစီ အဖွဲ့ချုပ် (NLD) က အပြတ်အသတ် အနိုင်ရရှိခဲ့ပြီးနောက် ၂၀၁၆ ခုနှစ် မတ်လကုန်ပိုင်းတွင် စတင်ပေါ်ပေါက်လာမည့် အစိုးရသစ်တခု၏ လက်ထက်တွင် မြန်မာနိုင်ငံနှင့် ပတ်သက်သော ဒေသတွင်း နိုင်ငံရေးနှင့် နိုင်ငံခြားရေးမူဝါဒတွင် စာမျက်နှာသစ်တခု ဖွင့်လှစ်နိုင်ရန် တရုတ်နိုင်ငံက မျှော်လင့်နေသည်။

NLD က ယခုအချိန်အထိ ၄င်းတို့၏ မူဝါဒ ဦးတည်ချက်ကို ဖော်ပြခြင်းမရှိသေးခြင်းကြောင့် တရုတ်နိုင်ငံမှ မူဝါဒ ချမှတ်သူများ အသိုင်းအဝိုင်းတွင် မရေရာမှုတခု ပေါ်ပေါက်စေခဲ့ပြီး မြန်မာနိုင်ငံနှင့် ပတ်သက်၍ မူဝါဒ အပြောင်းအလဲများ မည်သို့ ပြန်လည် ချိန်ညှိလုပ်ဆောင်ရမည်ကို အပူတပြင်း ဆွေးနွေးရန် ဖြစ်လာခဲ့သည်။ မြန်မာနိုင်ငံတွင် အစိုးရ ပြောင်းလဲသွားခြင်းက အနောက်တောင်ပိုင်း အိမ်နီးချင်းနိုင်ငံအပေါ် ဆက်ဆံရေးတွင် တရုတ် နိုင်ငံ၏ ရည်မှန်းချက် အလုံးစုံကို မပြောင်းလဲစေခဲ့သော်လည်း တရုတ်နိုင်ငံက မြန်မာနိုင်ငံနှင့်ဆက်ဆံ ရေးတွင် ခေတ်သစ်တခုကို စတင်နိုင်ရန် မျှော်လင့်နေသည်။ လာမည့် အနာဂတ်တွင် တရုတ်နိုင်ငံ၏ မူဝါဒအသေးစိတ်ကို NLD အစိုးရ၏ မူဝါဒနှင့် ရပ်တည်ချက်များအရ ဆုံးဖြတ်လိမ့်မည်ဖြစ်သည်။

တရုတ်နှင့် ဒေါ်အောင်ဆန်းစုကြည်တို့၏ ပုစ္ဆာဆန်သော ဆက်ဆံရေး

တရုတ်နိုင်ငံနှင့် ဒေါ်အောင်ဆန်းစုကြည်၏ ဆက်ဆံရေးက ယခင်စစ်အစိုးရ လက်ထက်တွင် ရပ်တန့်ခဲ့ရသည်။ ၁၉၉၀ နှင့် ၂၀၁၁ ခုနှစ် အတွင်း ကာလများတွင် မြန်မာနိုင်ငံ၏ နိုင်ငံရေး အခြေအနေကြောင့် အဆင်ပြေအောင် မဖြစ်မနေ လုပ်ခဲ့ရသည့် ဆုံးဖြတ်ချက်တခုလည်း ဖြစ်သည်။ ဒေါ်အောင်ဆန်းစုကြည်နှင့် NLD ပါတီက ၁၉၉၀ ခုနှစ် ရွေးကောက်ပွဲတွင် အနိုင်ရှိခဲ့သည့်အချိန်က အရင်ဆုံး စာရေးသားပေးပို့ ဂုဏ်ပြုခဲ့သူများထဲတွင် ထိုစဉ်က မြန်မာနိုင်ငံဆိုင်ရာ တရုတ် သံအမတ်လည်း တယောက်အပါအဝင် ဖြစ်သည်။ အဆိုပါ ရွေးကောက်ပွဲရလဒ်ကို ပယ်ဖျက်ခဲ့သော စစ်အစိုးရက တရုတ်နိုင်ငံ၏ NLD နှင့် ဆက်ဆံရန် စတင်အားထုတ်မှုကို သဘောမကျခဲ့ပါ။ နှစ်နိုင်ငံဆက်ဆံရေး အပေါ်တွင်လည်း သက်ရောက်မှုရှိခဲ့ပြီး တရုတ်နိုင်ငံက ၄င်းတို့၏ သံအမတ်ကို ၁၉၉၀ နှစ်လယ်ပိုင်းမှ ၁၉၉၁ ခုနှစ် ဇူလိုင်လအထိ ရန်ကုန်မြို့မှနေ၍ ပြန်လည် ခေါ်ယူထားခဲ့သည်။ ၂၀၁၀ ခုနှစ် ရွေးကောက်ပွဲတွင် အလားတူဖြစ်ရပ်မျိုးကို ရှောင်လွှဲနိုင်ရန် အတွက် တရုတ်နိုင်ငံက မြန်မာနိုင်ငံဆိုင်ရာ တရုတ်သံအမတ် ရာထူးနေရာကို စက်တင်ဘာလမှ ဒီဇင်ဘာလ နှောင်းပိုင်းအထိ လစ်လပ်ထားခဲ့သည်။
မြန်မာနိုင်ငံကို စစ်တပ်က အုပ်ချုပ်ခဲ့သည့် နှစ် ၂၀ ကာလအတွင်းတွင် စစ်အစိုးရ၏ အကဲဆတ်မှုကြောင့် တရုတ်အစိုးရက ဒေါ်အောင်ဆန်းစုကြည် နှင့် NLD ပါတီတို့နှင့် ဆက်ဆံမှုကို အနည်းဆုံးဖြစ်အောင် ထားခဲ့သည်။ ထိုသို့ ပြုလုပ်ခဲ့သည့် အတွက် တရုတ်သံတမန်များ၊ အစိုးရအရာရှိများ၊ ပညာရှင်များနှင့် စီးပွားရေး လုပ်ငန်းများသည် အတိုက်အခံပါတီနှင့် ဆက်ဆံရေး လုံးဝမရှိသလောက်နီးပါး ဖြစ်ခဲ့ရသည်။ အဆိုပါ မူဝါဒက တရုတ်နိုင်ငံအတွက် အကျိုးရှိခဲ့သည်။အဘယ်ကြောင့် ဆိုသော် စစ်အစိုးရ လက်ထက်က NLD ပါတီနှင့် ဒေါ်အောင်ဆန်းစုကြည်သည် မြန်မာနိုင်ငံ၏ ပြည်တွင်းရေးရာနှင့် နိုင်ငံခြားရေးရာ မူဝါဒ ချမှတ်ခြင်းလုပ်ငန်းများ အပေါ်တွင် အနည်းငယ်မျှသာ ဩဇာ လွှမ်းမိုးနိုင်သောကြောင့် ဖြစ်သည်။ ထို့ကြောင့် တရုတ်နိုင်ငံက ၄င်းတို့၏ နိုင်ငံရေးနှင့် စီးပွားရေးဆိုင်ရာ အစီအစဉ်များ အောင်မြင်ရေးအတွက် အစိုးရနှင့်သာ အလုပ်လုပ်ခဲ့ပါသည်။

ဒေါ်အောင်ဆန်းစုကြည်၊ NLD ပါတီတို့နှင့် အဆက်အသွယ် မရှိခြင်းက တရုတ်နိုင်ငံအတွက် အဓိကပြဿနာတခု မဟုတ်ခဲ့ပါ။ သို့သော်လည်း ဦးသိန်းစိန်အစိုးရက နိုင်ငံရေး ပြုပြင်ပြောင်းလဲမှုများ ပြုလုပ်လာခဲ့သည့် ၂၀၁၁ ခုနှစ် နောက်ပိုင်းတွင် ဒေါ်အောင်ဆန်းစုကြည် ပြန်လည်ပေါ်ထွက်လာခဲ့ပြီး ပြည်တွင်းနိုင်ငံရေးတွင် ဩဇာလွှမ်းမိုးလာခဲ့သည့်အခါ NLD နှင့် အဆက်အသွယ် မရှိခြင်းက တရုတ်နိုင်ငံအတွက် အမြော်အမြင်ရှိသော သို့မဟုတ် လက်တွေ့ကျသော နည်းဗျူဟာတခု မဟုတ်တော့ပါ။ ထို့ကြောင့် တရုတ်နိုင်ငံက ဆက်ဆံရေးကို ပြန်လည်ထူထောင်နိုင်ရန် ကြိုးပမ်းလာခဲ့သည်။ ၂၀၁၁ ခုနှစ် မှစ၍ တာဝန်ထမ်းဆောင်ခဲ့သော သံအမတ်တိုင်းသည် ဒေါ်အောင်ဆန်းစုကြည်ကို မှန်မှန်သွားရောက် တွေ့ဆုံခဲ့ကြသလို တရုတ်အစိုးရ အရာရှိများ၊ ပညာရှင်များ၊ စာနယ်ဇင်းသမားများ၊ စီးပွားရေး လုပ်ငန်းရှင်များကလည်း ရန်ကုန်မြို့ရှိ NLD ရုံးချုပ်သို့ မကြာခဏဆိုသလို သွားရောက်ခဲ့ကြသည်။ ဆက်ဆံရေးတည် ဆောက်နိုင်ရန်နှင့် မြန်မာနိုင်ငံနှင့် ချစ်ကြည်ရင်းနှီးမှုကို ဆက်လက် ထိန်းသိမ်းထားရန် ဆန္ဒရှိနေကြောင်း ပြသနိုင်ရန် အတွက် တရုတ်အာဏာပိုင်များက NLD ကိုယ်စားလှယ်အဖွဲ့ အများအပြားကို တရုတ်နိုင်ငံသို့ ဖိတ်ခေါ်ခဲ့ပါသည်။

ပုံမှန်ဆက်ဆံရေး

ဒေါ်အောင်ဆန်းစုကြည်နှင့် NLD ပါတီတို့၏ အရေးပါသော အခန်းကဏ္ဍကို အသိအမှတ်ပြု၍ ၄င်းတို့နှင့် အပြုသဘောဆောင်သည့် ကောင်းမွန်သော ဆက်ဆံရေး တည်ထောင်နိုင်ရန် လိုအပ်သော မူဝါဒများကို ချမှတ် ဆောင်ရွက်နေသော်လည်း တရုတ်နိုင်ငံအနေဖြင့် ဒေါ်အောင်ဆန်းစုကြည်၏ ရည်ရွယ်ချက်များနှင့် ပတ်သက်၍ မရေရာမှုများ ဆက်လက် ရှိနေဆဲဖြစ်သည်။ ၁၅ နှစ်မျှ နေအိမ်အကျယ်ချုပ်နှင့် နေထိုင်ခဲ့ရသည့် ကာလများအတွင်းတွင် တရုတ်နိုင်ငံက စစ်အစိုးရကို ထောက်ခံခဲ့သည့်အတွက် တရုတ်အစိုးရအပေါ် ဒေါ်အောင်ဆန်းစုကြည်က မကျေနပ်မှုများ ရှိနေနိုင်သည်ဟု စိုးရိမ်မှုများ ရှိနေသလို တဖက်တွင်လည်း ဒေါ်အောင်ဆန်းစုကြည်က ဒီမိုကရေစီကို ယုံကြည်သူ တယောက်၊ နိုဗဲလ်ငြိမ်းချမ်းရေး ဆုရှင်တယောက်၊ အနောက် နိုင်ငံများ (အထူးသဖြင့် အမေရိကန်နိုင်ငံ) နှင့် ရင်းနှီးသူတယောက် ဖြစ်နေခြင်းကြောင့် သူ၏ အနာဂတ်မူဝါဒများ၊ ရပ်တည်ချက်များက တရုတ်နိုင်ငံအတွက် နိမိတ်ပြခြင်းတခုလို ဖြစ်နေသည်။ ဒေါ်အောင်ဆန်းစုကြည်က ကိုယ်ပိုင်ယုံကြည်မှုကြောင့် ဖြစ်စေ ဝတ္တရားအရဖြစ်စေ တရုတ်နိုင်ငံမှ ဒီမိုကရေစီလှုပ်ရှားမှုကို ထောက်ခံနိုင်သည်ကို စိုးရိမ်နေကြသည်။ သူကဲ့သို့ နိုဗဲလ်ငြိမ်းချမ်းရေး ဆုရှင်များ ဖြစ်သည့် ဒလိုင်လားမားနှင့် လူ့အခွင့်အရေး လှုပ် ရှားတက်ကြွသူ လူရှောင်ဘို (Liu Xiaobo) တို့ကို စာနာထောက်ထားမည်ကို စိုးရိမ်ကြသည်။ နောက်ဆုံးအနေဖြင့် ဒေါ်အောင်ဆန်းစုကြည်က အနောက်တိုင်းကို ထောက်ခံသူတယောက် ဖြစ်လာပြီး တရုတ်ဆန့်ကျင်ရေး မူဝါဒများ ဆောင်ရွက်လာမည်ကို သူတို့ စိုးရိမ် ကြပါသည်။

ပြီးခဲ့သည့် ၄ နှစ်ကာလအတွင်းတွင် ဒေါ်အောင်ဆန်းစုကြည်က တရုတ်နိုင်ငံ၏ စိုးရိမ်မှုများကို သူသဘောပေါက်ကြောင်း ထိထိရောက်ရောက် ပြသနိုင်ခဲ့သည့် အသွင်ရှိပါသည်။ ယခုအချိန်အထိ ဒေါ်အောင်ဆန်းစုကြည်၏ ပြောဆို လုပ်ကိုင်မှုများက မှန်ကန်နေခဲ့ပါသည်။ တရုတ်နိုင်ငံ ခေါင်းဆောင်များနှင့် တွေ့ဆုံမှုများတွင်လည်း သူက ဂုဏ်သိက္ခာနှင့် လေးစားမှုကို ရယူနိုင်ခဲ့သည်။ နှစ်ဖက်တွေ့ဆုံမှုများနှင့် အများပြည်သူနှင့်ဆိုင်သည့် အခမ်းအနားများတွင်လည်း သူ နှင့် NLD ပါတီက တရုတ်နိုင်ငံနှင့် ချစ်ခင်ရင်းနှီးစွာ ဆက်ဆံသည့် မူဝါဒကို အလေးထားကြောင်း၊ ကောင်းမွန်သောဆက်ဆံရေး တည်ဆောက်ရန် ကတိပြုကြောင်း ဒေါ်အောင်ဆန်းစုကြည်က ပွင့်ပွင့်လင်းလင်း ပြောခဲ့ပြီးဖြစ်သည်။ မြန်မာလူထု အဖွဲ့အစည်းများနှင့် ဒေသခံများကို ဆန့်ကျင်ကန့်ကွက်ခဲ့သော်လည်း ဒေါ်အောင်ဆန်းစုကြည် ဦးဆောင်သည့် လက်ပံတောင်းတောင်ကြေးနီ သတ္တုတွင်းစီမံကိန်း စုံစမ်းစစ်ဆေးရေး ကော်မတီက စီမံကိန်းကို ဖက်စပ်အနေဖြင့် ဆက်လက် ဆောင်ရွက်သွားရန် အတည်ပြုပေးခဲ့သည်။ တရုတ်နိုင်ငံက ဦးစားပေးသည့် အကြောင်းအရာများဖြစ်သော နယ်စပ်ဒေသမှ ပဋိပက္ခများနှင့် မြန်မာနိုင်ငံတလွှားမှ တရုတ်နိုင်ငံ၏ စီးပွားရေး စီမံကိန်းများအတွက်မှာမူ ဒေါ်အောင်ဆန်းစုကြည်၏ အနေအထားက တရုတ်နိုင်ငံအတွက် လက်ခံနိုင်စရာ အချက်အနည်းဆုံး နိုင်ငံရေးသမား တယောက် ဖြစ်သည်။

၂၀၁၅ ခုနှစ် ဇွန်လအတွင်း ဒေါ်အောင်ဆန်းစုကြည် တရုတ်နိုင်ငံသို့ သွားရောက်ခဲ့သည့် အချိန်တွင် သူနှင့် တရုတ်နိုင်ငံကြားမှ ဆက်ဆံရေးပုံမှန် ဖြစ်လာရေးအတွက် အဆိုပါ အကြောင်းအရာများ အားလုံးကို ပေါင်းစပ် အဖြေရှာနိုင်ခဲ့ပြီး သူ၏ နိုင်ငံခြားရေးမူဝါဒနှင့် တရုတ်နိုင်ငံ၏ မြန်မာနိုင်ငံဆိုင်ရာ မူဝါဒများမှ အရေးကြီးသော ကွက်လပ်များကို ဖြည့်ဆည်းခဲ့ခြင်း ဖြစ်သည်။ နှစ်ဖက်အကျိုးစီးပွားအတွက် လက်တွဲဖော်များအဖြစ် အလုပ်လုပ်နိုင်ရန် ပုဂ္ဂိုလ်ရေး အကျိုးစီးပွားနှင့် သဘောတရားရေးရာ ကွဲပြားမှုများ ကိုဘေးဖယ်ထားနိုင်ကြောင်း နှစ်ဖက်လုံးက ပြသနိုင်ခဲ့ပုံရပါသည်။ ပုံမှန်ဆက်ဆံရေး ထူထောင်နိုင်ခြင်းက တရုတ်နိုင်ငံ၏ မြန်မာနိုင်ငံနှင့် ပတ်သက်သည့် မူဝါဒ ရင့်ကျက်လာခြင်းသာမက ဒေါ်အောင်ဆန်းစုကြည်၏ နိုင်ငံရေးသမားတယောက် အနေဖြင့် လက်တွေ့ကျခြင်းကိုလည်း ဖော်ပြနေပါသည်။

သမ္မတ ဦးသိန်းစိန် လက်ထက် တရုတ်-မြန်မာ ဆက်ဆံရေး

ဦးသိန်းစိန်၏ အစိုးရက ပြီးခဲ့သည့် ၅ နှစ် ကာလအတွင်းတွင် နိုင်ငံရေး၊ စီးပွားရေးနှင့် နိုင်ငံခြား ဆက်ဆံရေးများတွင် အထင်ကြီးလောက်စရာ အောင်မြင်မှုများ ရရှိခဲ့သည်ကတော့ မငြင်းနိုင်ပါ။ သို့သော်လည်း များပြားလှသော ပြဿနာများ ဆက်တိုက်ဆိုသလို ပေါ်ထွက်နေခဲ့သည်။ တရုတ်နိုင်ငံနှင့် ကိစ္စတွင် နှစ်နိုင်ငံဆက်ဆံရေးက ကောင်းမွန် တိုးတက်နေသည်ဟု နှစ်ဖက်လုံးက ပုံဖော်နေခဲ့သော်လည်း လက်တွေ့တွင်မူ တရုတ်-မြန်မာ ဆက်ဆံရေးက ပုံမှန်မဟုတ်ခဲ့ပါ။ မြန်မာအစိုးရက မြစ်ဆုံဆည် စီမံကိန်းကို ရပ်နားလိုက်သည့် ၂၀၁၁ခုနှစ် စက်တင်ဘာလ ကတည်းက ခက်ခဲသည့် အနေအထားတခုတွင် ရှိနေခဲ့သည်။ တရုတ်နိုင်ငံက မြန်မာနိုင်ငံတွင်းရှိ ၄င်း၏ စီးပွားရေးစီမံကိန်းများ အခက်အခဲ ကြုံတွေ့နေရသည့်အတွက် မကျေမနပ် ဖြစ်ခဲ့ရပြီး စစ်အစိုးရအဖြစ်မှ ဒီမိုကရေစီ အမည်ခံအစိုးရအဖြစ် ပြောင်းလဲသွားချိန်တွင် ၄င်းတို့၏ ဆက်ဆံရေးအတွက် မျှတမှုမရှိဟု ခံစားနေခဲ့သည်။ သူ့ကိုယ်သူ မြန်မာနိုင်ငံမှ နိုင်ငံရေး အသွင်ကူးပြောင်းမှု၏ သားကောင်အဖြစ် မြင်နေသည်။ ထို့အပြင် တရုတ်နိုင်ငံ၏ ဗျူဟာမြောက် ဆောင်ရွက်မှုများတွင် ပူးပေါင်း ဆောင်ရွက်ရန် မြန်မာအစိုးရက တွန့်ဆုတ်နေခြင်းနှင့် နယ်စပ်မှ တိုင်းရင်းသား လက်နက်ကိုင်များနှင့် ဖြစ်ပွားသည့် ပဋိပက္ခများတွင် တရုတ်ပိုင်နက်အတွင်းကို တိုက်ခိုက်ခဲ့ခြင်းများအပေါ် စိတ်ပျက်နေခဲ့သည်။

မြန်မာအစိုးရက တရုတ်နိုင်ငံနှင့် အမေရိကန် နိုင်ငံကြားတွင် ၄င်း၏ အနေအထားကို ချိန်ညှိခြင်းနှင့် ပတ်သက်၍ မရေရာ မသေချာမှုများ ရှိနေခြင်းကလည်း တရုတ်အစိုးရ၏ အမြင်တွင် နောက်ထပ် ပြဿနာတခုဖြစ်သည်။ မြန်မာနိုင်ငံက ဘက်မလိုက်ဝါဒကို ဆက်လက် ထိန်းသိမ်းထားမည် ဟု တရုတ်နိုင်ငံက ယုံကြည်ချင်သော်လည်း မြန်မာ့နိုင်ငံရေးနှင့် စီးပွားရေးတွင် အမေရိကန်နှင့် ၄င်း၏ မဟာမိတ်ဖြစ်သော ဂျပန်ကဲ့သို့ နိုင်ငံများ၏ ဩဇာလွှမ်းမိုးမှု လျင်လျင်မြန်မြန် တိုးပွားလာနေခြင်းကလည်း တရုတ်နိုင်ငံ၏ ယုံကြည်မှုကို ကျဆင်းစေပြီး အားနည်းမှုကို ပိုခံစားရစေခဲ့ပါသည်။

အဆိုပါ ပြဿနာများနှင့် စိန်ခေါ်မှုများက ၂၀၁၁ ခုနှစ်နောက်ပိုင်းတွင် တရုတ်နိုင်ငံ၏ မြန်မာနိုင်ငံနှင့် ပတ်သက်သည့် မူဝါဒအပေါ် ခိုင်ခိုင်မာမာ သက်ရောက်စေခဲ့သည်။ တရုတ်နိုင်ငံ၏ တိုက်ရိုက် ရင်းနှီးမြှုပ်နှံမှုက ၂၀၁၀-၁၁ ခုနှစ်တွင် အမေရိကန် ဒေါ်လာ ၈ ဒသမ ၂ သန်းရှိခဲ့ရာမှ ၂၀၁၃-၁၄ ခုနှစ်တွင် ဒေါ်လာ ၅၆ သန်းအထိ ကျဆင်းသွားခဲ့ရသည်။ ပြီးခဲ့သည့် နှစ်အတွင်းတွင် ဒေါ်လာ ၅၁၆ သန်းနီးပါးသို့ ပြန်လည် ရောက်ရှိလာခဲ့သော်လည်း ယခင်ကနှင့် နှိုင်းစာလျှင် အလွန်နည်းပါးနေဆဲဖြစ်သည်။ တရုတ်နိုင်ငံသည် မြန်မာနိုင်ငံ၏ အကြီးမားဆုံး ကုန်သွယ်ဖက်အဖြစ် ဆက်လက် တည်ရှိနေပြီး ၂၀၁၃ ခုနှစ်တွင် ကုန်သွယ်မှုတန်ဖိုး အမေရိကန်ဒေါ်လာ ၁၀ ဘီလီယံ ရှိခဲ့ရာမှ ၂၀၁၄ ခုနှစ်တွင် ဒေါ်လာ ၂၅ ဘီလီယံအထိ ၁၅၀ ရာခိုင်နှုန်း တိုးတက်လာခဲ့ပါသည်။

သို့သော်လည်း တရုတ်နိုင်ငံသို့ မြန်မာနိုင်ငံမှ တင်ပို့မှုသည် ၂၀၁၃ ခုနှစ် နှစ်လယ်ပိုင်းမှ စတင်၍ ပို့လွှတ်ပေးနေသည့် တရုတ်-မြန်မာ ဓာတ်ငွေ့ပိုက်လိုင်း စီမံကိန်းတခုတည်းနှင့်ပင် ၄၄၆ ရာခိုင်နှုန်း မြင့်တက်ခဲ့ပြီး ဖြစ်သည်။ မရေရာသည့် နိုင်ငံရေး အခြေအနေများ၏ ဖိအားအောက်တွင် တရုတ်နိုင်ငံက မြန်မာနိုင်ငံ၏ အရေးကိစ္စများတွင် ၄င်း၏ ဗျူဟာမြောက် အနေအထားကို ပိုမိုအားကောင်းလာစေရန် ဆောင်ရွက်လာသည့်အတွက် တရုတ်နိုင်ငံက ငြိမ်းချမ်းရေး ကိစ္စများတွင် ဝင်ရောက်စွတ်ဖက်ခဲ့သည်၊ အပစ်အခတ်ရပ်စဲရေး သဘောတူညီချက် လက်မှတ်ရေးထိုးမည့် အဖွဲ့အစည်းတချို့ကို တားဆီးခဲ့သည်ဟု မြန်မာအရာရှိအချို့က ပြီးခဲ့သည့် အောက်တိုဘာလအတွင်းတွင် စွပ်စွဲပြောဆိုမှုများ ပြုလုပ်လာသည် အထိ ဖြစ်ခဲ့ရသည်။

NLD ၏ တရုတ်ဆိုင်ရာ အနာဂတ်မူဝါဒ

၂၀၁၆ ခုနှစ် မတ်လကုန်ပိုင်း၌ ဒေါ်အောင်ဆန်းစုကြည်နှင့် NLD ပါတီက ဦးသိန်းစိန် အစိုးရထံမှ အာဏာလွှဲပြောင်း ရယူသည့်အခါ တရုတ်နိုင်ငံနှင့် ပတ်သက်သည့် ပြဿနာ အများအပြားကိုလည်း အမွေဆက်ခံရတော့မည် ဖြစ်သည်။ သို့သော်လည်း NLD က ဦးဆောင်သည့် အစိုးရသစ် ပေါ်ပေါက် လာခြင်းက မြန်မာနိုင်ငံနှင့် တရုတ်နိုင်ငံတို့၏ ဆက်ဆံရေးကို ကာလသစ်တခု စတင်လိုက်နိုင်မည့် အခွင့်အရေး တခုလည်း ဖြစ်သည်။ ဦးသိန်းစိန်၏ အစိုးရသည် ယခင်စစ်အစိုးရကဲ့သို့ တရုတ်နိုင်ငံအပေါ် မှီခိုသည်၊ ခရိုနီဆန်သော တရုတ်ကုမ္ပဏီများနှင့် ဆက်ဆံရေးရှိနေသည် အစရှိသဖြင့် ပြည်သူလူထု၏ အမြင်မကြည်လင်သည့် ပြဿနာများနှင့် အမြဲတမ်းရင်ဆိုင်နေခဲ့ရပြီး တရုတ်ဆန့်ကျင်ရေး သဘောထားများကိုလည်း တိုးလာစေခဲ့သည်။

နှိုင်းယှဉ်ကြည့်မည်ဆိုလျှင် NLD က ပြည်တွင်းမှ အင်အားနှင့် အလုပ်လုပ်မည်ဖြစ်ပြီး တရုတ်နိုင်ငံနှင့် ဆက်ဆံရေးကို အသစ်အနေအထားမှ ပြန်လည်စတင်မည် ဖြစ်သည်။ ထို့ကြောင့် တရုတ်နိုင်ငံနှင့် ဆက်နွှယ်သည့် စီမံကိန်းများ အရေးကိစ္စများတွင် ဓမ္မဓိဋ္ဌာန်ကျမှုအပေါ် အခြေခံသည့် မူဝါဒ ဆုံးဖြတ်ချက်များ ချမှတ်နိုင်မည့် အနေအထားဖြစ်သည်။ တရုတ်နိုင်ငံနှင့် ကြောင်းကျိုးဆီလျော်စွာ ဆက်ဆံနိုင်သလို စိတ်ခံစားချက် သို့မဟုတ် သမိုင်းကြောင်းများမပါဘဲ လက်တွေ့ကိုအခြေခံ၍ ဖြစ်နိုင်ခြေ ရှိသည်များကို ပူးပေါင်း ဆောင်ရွက်သွားနိုင်လိမ့်မည် ဖြစ်သည်။ ဒေါ်အောင်ဆန်းစုကြည် နှင့် NLD ပါတီ က တရုတ်နိုင်ငံ၏ တောင်းဆိုမှုများကို လက်ခံလိမ့်မည် သို့မဟုတ် ငြင်းဆန်လိမ့်မည်ဟု ဆိုလိုခြင်း မဟုတ်ပါ။ အထူးခံစားခွင့်များ ပေးမည့်အစား မြန်မာနိုင်ငံ၏ အမျိုးသားအကျိုးစီးပွားကို အခြေခံ၍ မျှတ၍ ပွင့်လင်းမြင်သာသော ဆုံးဖြတ်မှုများ ပြုလုပ်သွားဖို့က ပိုများနေပါသည်။

တရုတ်နိုင်ငံနှင့် ပတ်သက်၍ ဒေါ်အောင်ဆန်းစုကြည်၏ ကနဦး ပြောကြားချက်များတွင်လည်း အနာဂတ်တွင် ထိုလမ်းကြောင်းအတိုင်းသာ သွားမည်ဆိုသည်ကို ဖော်ပြခဲ့ပြီး ဖြစ်သည်။ ရွေးကောက်ပွဲတွင် အနိုင်ရရှိခဲ့ပြီးနောက် တရုတ်နိုင်ငံမှ ဆင်ဟွာ (Xinhua) သတင်းဌာနနှင့် ပြုလုပ်သည့် တွေ့ဆုံမေးမြန်းခန်းတွင် တရုတ်နိုင်ငံကို မိတ်ဆွေအဖြစ် သဘောထားမည့် မူဝါဒကျင့်သုံးမည်ဖြစ်ကြောင်း ဒေါ်အောင်ဆန်းစုကြည်က ကတိပြုခဲ့သည်။ သို့သော်လည်း တရုတ်နိုင်ငံ၏ ရင်းနှီးမြှုပ်နှံမှုများသည် မြန်မာပြည်သူတို့၏ ယုံကြည်မှုကို ရရှိနိုင်မည့် ပုံစံအနေအထား ဖြစ်သင့်သည်ဟု အလေးအနက် ပြောခဲ့ပါသည်။ တရုတ်နိုင်ငံ၏ One Belt One Road (တခုတည်းသောရပ်ဝန်း၊ တခုတည်းသော လမ်းကြောင်း) အစီအစဉ်ကို ဒေါ်အောင်ဆန်းစုကြည်က ချီးကျူးခဲ့ကြောင်းနှင့် အားလုံး အကျိုးရှိလိမ့်မည်ဟု မျှော်လင့်ကြောင်း ပြောကြားခဲ့သည်ဟု သိရသည်။ ထိုသို့ ပြောခဲ့ခြင်းကို တရုတ်နိုင်ငံကလည်း ကြိုဆိုခဲ့သည်။ နောက်ဆုံးတွင် တရုတ်နိုင်ငံက မြန်မာနိုင်ငံထံမှ အထူးအခွင့်အရေးမျိုးကို မျှော်လင့်နိုင်တော့မည် မဟုတ်သော်လည်း တန်းတူညီမျှစွာ ဆက်ဆံမှုကိုတော့ မျှော်လင့်နိုင်ပါသည်။

NLD အစိုးရအပေါ် တရုတ်၏ မူဝါဒ

တရုတ်နိုင်ငံက မြန်မာနိုင်ငံကို ဩဇာလွှမ်းနိုင်မှုအပေါ် နှစ်သက်ကျေနပ်နေဆဲဖြစ်ပြီး အရေးပါသည့် အင်အားတခု သက်သက်ထက်လည်း ပိုပါသည်။ အမှန်တကယ်တွင်လည်း ၄င်း၏ တည်ရှိမှုနှင့် ဩဇာ လွှမ်းမိုးမှုက မြန်မာနိုင်ငံမှ လူတိုင်းအပေါ် သက်ရောက်နေနိုင်ခဲ့သည်။ မြန်မာနိုင်ငံတွင် အစိုးရပြောင်းလဲ သွားခြင်းက တရုတ်နိုင်ငံက မြန်မာနိုင်ငံအပေါ်ထားရှိသည့် ဗျူဟာမြောက် ရည်ရွယ်ချက်များကို ပြောင်းလဲစေမည် မဟုတ်ပါ။ မြန်မာနိုင်ငံကို ဖြတ်သန်း၍ ဘင်္ဂလားပင်လယ်အော်ကို ဆက်သွယ်ပေးမည့် စီမံကိန်းများနှင့် ၄င်း၏ အခြေခံအဆောက်အအုံများ ဖွံ့ဖြိုးရေးအပေါ် ဖိအားပေးရန် ဆန္ဒရှိနေဆဲ ဖြစ်သည်။ တည်ငြိမ်အေးချမ်းသော နယ်စပ်တခု လိုအပ်နေဆဲဖြစ်သည်။ မြန်မာနိုင်ငံအပေါ် ဩဇာလွှမ်းမိုးနိုင်ရေးအတွက် အမေရိကန်နိုင်ငံနှင့် ယှဉ်ပြိုင်နေဆဲဖြစ်သည်။

ထို့ကြောင့် တရုတ်နိုင်ငံက NLD အစိုးရနှင့် ၄င်းတို့၏ ဆက်ဆံရေးကို မိတ်ဆွေများအသွင်ဖြင့် ပူးပေါင်းဆောင်ရွက်ရေးကို ဦးတည်ကြောင်း ပြသခြင်း စတင်ပါလိမ့်မည်။ အစိုးရသစ်၏ ဦးစားပေး ရည်ရွယ်ချက်များ အထမြောက်စေရန်အတွက် ငွေကြေး၊ အကူအညီပေးရေး စီမံကိန်းများနှင့် ငြိမ်းချမ်းရေးအတွက် အကူအညီများ ပေးခြင်းများပင် ပြုလုပ်လာနိုင်ဖွယ် ရှိနေပါသည်။ သို့ရာတွင် ၆ လမှ ၁၂ လ ကာလအတွင်းတွင် တရုတ်နိုင်ငံက ၄င်းအတွက် အရေးကြီးသော အကြောင်း ကိစ္စများနှင့် ပတ်သက်၍ တုံ့ပြန်မှုပေးရန် တောင်းဆိုလာနိုင်ဖွယ်ရာလည်း ရှိနေပါသည်။ ၄င်းတို့ထဲတွင် ဆိုင်းငံ့ထားသည့် မြစ်ဆုံ စီမံကိန်းနှင့် ပတ်သက်၍ အပြီးသတ် ဖြေရှင်းပေးရန်၊ ကျောက်ဖြူ အထူးစီးပွားရေးဇုန် စီမံကိန်းအတွက် ရေရာသော ဆုံးဖြတ်ချက် ချပေးရန်တို့အပြင် တရုတ်-မြန်မာ အဝေးပြေးလမ်းများနှင့် ဧရာဝတီ မြစ်ကြောင်းမှတဆင့် ကုန်စည် ပို့ဆောင်မှုကို ပူးပေါင်းဆောင်ရွက်ရန် ကဲ့သို့သော One Belt and One Road စီမံကိန်းများအတွက် သဘောတူညီချက်များ ပေးရန်တို့လည်း ပါဝင်လာမည်ဖြစ်သည်။

တရုတ်နိုင်ငံက တိုင်းရင်းသားအဖွဲ့များနှင့် ငြိမ်းချမ်းရေးဆွေးနွေးမှု အခြေအနေကို အနီးကပ် စောင့်ကြည့်နေမည် ဖြစ်သည်။ အထူးသဖြင့် တရုတ်နိုင်ငံ နယ်စပ်တလျှောက်ရှိ မြန်မာနိုင်ငံ မြောက်ပိုင်းတွင် ဖြစ်သည်။ ယခုအချိန်တွင် ဒေါ်အောင်ဆန်းစုကြည်က ငြိမ်းချမ်းရေးလုပ်ငန်းစဉ်ကို ဦးဆောင်ရန်ရှိနေပြီး လေ့လာစောင့်ကြည့်သူ အမြောက်အမြား ကလည်း သူ၏ နောက်ခံအနေအထားနှင့် လူကြိုက်များမှုက ငြိမ်းချမ်းရေးလုပ်ငန်းတွင် လူနည်းစု တိုင်းရင်းသားများ၏ ယုံကြည်မှုကို ပိုမို ရရှိနိုင်လိမ့်မည်၊ ထို့ကြောင့် ထွက်ပေါက်မရှိဘဲ ပိတ်နေရာမှ လမ်းစပေါ်လာလိမ့်မည်ဟု မျှော်လင့်နေကြသည်။ မြန်မာနိုင်ငံတွင် ငြိမ်းချမ်းပြီး ညီညွတ်မှုရှိလာခြင်းက တရုတ်နယ်စပ်၏ အကျိုးစီးပွားကို ကျယ်ပြန့်လာစေလိမ့်မည် ဆိုခြင်းကို တရုတ်နိုင်ငံက ကောင်းကောင်း နားလည်ထားပါသည်။ မြန်မာနိုင်ငံမြောက်ပိုင်းတွင် ပဋိပက္ခများ စတင်လာသည့် အချိန်ကတည်းက တရုတ်နိုင်ငံ၏ စီးပွားရေးနှင့် မဟာဗျူဟာ အစီအစဉ်များ ပိတ်ဆို့ သွားခဲ့ရသည်ကို လတ်တလောတွင်ပင် တွေ့မြင်ခဲ့ရပြီး ဖြစ်သည်။ အကယ်၍ ဒေါ်အောင်ဆန်းစုကြည်က တိုင်းရင်းသားများနှင့် နားလည်မှုရရှိ၍ ငြိမ်းချမ်းရေးကို ယူဆောင်ပေးနိုင်ခဲ့ မည်ဆိုလျှင် တရုတ်နိုင်ငံက နှောင့်ယှက်ဖွယ်ရာ မရှိပါ။

တရုတ်နိုင်ငံက မြန်မာနိုင်ငံ၏ နိုင်ငံရေးနှင့် စီးပွားရေး တိုးတက်မှုအတွက် ကမ်းလှမ်းမှု အများအပြား ပြုလုပ်ခဲ့လျှင် ငြိမ်းချမ်းရေးအတွက်လည်း ဆောင်ရွက်ပေးရမည် ဖြစ်သည်။ အသေးစိတ်အချက်အလက်များမှာ ညှိနှိုင်းရဦးမည် ဖြစ်သော်လည်း အထက်တွင်ဖော်ပြထားခဲ့သည့် စီမံကိန်းများနှင့် ပတ်သက်၍ မှန်ကန်စွာ ပူးပေါင်းဆောင်ရွက်ရန် တရုတ်နိုင်ငံက တောင်းဆိုလာပါလိမ့်မည်။ NLD အစိုးရက အနောက်နိုင်ငံများ၊ အထူးသဖြင့် အမေရိကန်နိုင်ငံနှင့် အလုပ်လုပ်သည့် အချိန်တွင် တရုတ်နိုင်ငံ၏ အမျိုးသား အကျိုးစီးပွားကို လေးစားရန်လည်း တရုတ်နိုင်ငံက ဆန္ဒရှိပါလိမ့်မည်။ ဟန်ချက်ညီမျှသော သံတမန်ရေးရာက လုပ်ရသည်ထက် ပြောရသည်က ပိုလွယ်ပါသည်။ ဒေါ်အောင်ဆန်းစုကြည်က အနောက်နိုင်ငံများနှင့် ချောမွေ့သော ဆက်ဆံရေး အမြဲတမ်း ရှိမနေခဲ့သည့်တိုင် ရှင်းလင်းသည့် အလယ်အလတ် ချဉ်းကပ်မှုမျိုး မဟုတ်ခဲ့လျှင် တရုတ်အစိုးရက ပြင်းပြင်ထန်ထန် တုံ့ပြန်ဖွယ်ရာ ရှိနေသည်။ အမှန်တကယ်အားဖြင့် ဒေါ်အောင်ဆန်းစုကြည်၏ ဒီမိုကရေစီ အယူအဆများနှင့် အနောက်နိုင်ငံများနှင့် သူ၏ ဆက်ဆံရေးနှင့် ပတ်သက်သော မရေရာမှုများနှင့် သံသယများက ဦးသိန်းစိန်အစိုးရ လက်ထက်ကထက် ပိုမိုပြင်းထန်သော တရုတ်နိုင်ငံ၏ တုံ့ပြန်မှုများကို အရှိန်မြင့်စေနိုင်ပါသည်။ အနာဂတ် NLD အစိုးရအနေဖြင့် ထိုအမြင်ကို အထူးသတိထားရမည် ဖြစ်သည်။

ဒေါ်အောင်ဆန်းစုကြည်နှင့် NLD အနေဖြင့် တရုတ်နိုင်ငံက ကြံ့ခိုင်ရေးပါတီ (USDP)၊ စစ်တပ်နှင့် ခရိုနီများ အပါအဝင် အခြားသော နိုင်ငံရေး အဖွဲ့အစည်းများနှင့် ဆက်ဆံရေးကို စွန့်လွှတ်ရန် မမျှော်လင့်သင့်ပါ။ နောက်ဆုံးဆိုရလျှင် တိုင်းပြည်၏ အနာဂတ်နိုင်ငံရေးက မည်သူ့အတွက်မျှ အပြည့်အဝသေချာခြင်း မရှိပါ။ ထို့ကြောင့်လည်း တရုတ်နိုင်ငံ အနေဖြင့် အလားအလာရှိသည့် အဖွဲ့အစည်းအားလုံးနှင့် ကောင်းမွန်သော ဆက်ဆံရေးကို ဆက်လက် ထိန်းသိမ်းသွားလိမ့်မည် ဖြစ်သည်။ အခြားနေရာများနှင့် မြန်မာနိုင်ငံအတွင်းမှ ရရှိခဲ့ သော သင်ခန်းစာများက တရုတ်နိုင်ငံအတွက် တန်ဖိုးကြီးမားကြောင်း တွေ့ရှိခဲ့ရပြီး ဖြစ်သဖြင့် တရုတ် အနေဖြင့် အလားတူအမှားမျိုးကို ထပ်မံကျူးလွန်ဖွယ်ရာ မရှိပါ။

နိဂုံးချုပ် သုံးသပ်ချက်

စစ်အစိုးရနှင့် မညီမျှသည့် ပတ်သက်မှုများ နှစ် ၂၀ ခန့် ရှိခဲ့ပြီး ဦးသိန်းစိန် အစိုးရ၏ ပုံမှန်မဟုတ်သည့် ပြင်ဆင် တည့်မတ်မှုများနှင့် ၅ နှစ်ကြာ ကြုံခဲ့ရသည့် တရုတ်နိုင်ငံနှင့် မြန်မာနိုင်ငံတို့သည် ယခုအခါ သူတို့၏ ဆက်ဆံရေးကို အမှန်တကယ် ပုံမှန်ဖြစ်စေမည့် အခွင့်အလမ်းကောင်းနှင့်အတူ သမိုင်းဝင် အနေအထားတခုတွင် ရောက်ရှိနေကြမည် ဖြစ်သည်။ ထိုကြောင့် နိုင်ငံရေး အမြော်အမြင်၊ သတ္တိနှင့် နှစ်ဖက်အစိုးရတို့၏ ဦးဆောင်မှုတို့ အထူးပင် လိုအပ်ပါသည်။ မိမိတို့ လိုအပ်သမျှကိုတော့ နှစ်ဖက်လုံး ရရှိလိမ့်မည် မဟုတ်ပါ။ သို့သော်လည်း ဆွေးနွေးခြင်း၊ ပူးပေါင်း ဆောင်ရွက်ခြင်းအားဖြင့် နှစ်ဖက်လုံး အကျိုးအမြတ် ရရှိလိမ့်မည်ဖြစ်သည်။ NLD အစိုးရက ပြည်သူများ၏ ဆန္ဒကို ပိုမိုတုံ့ပြန်ပေးလိမ့်မည် ဆိုသည်ကို တရုတ်နိုင်ငံအနေဖြင့် နားလည်ထားသင့်သည်။

မြန်မာနိုင်ငံမှ နိုင်ငံရေး အခြေအနေသစ်၏ အမှန်တရားကို လက်ခံသင့်သည်။ NLD အစိုးရအနေဖြင့်လည်း ၄င်းတို့၏ မူဝါဒများအတွက် လူထု၏ ထောက်ခံမှုမှ အမြင့်ဆုံးခွန်အားကို ရယူထားသင့်ပါသည်။ အဘယ်ကြောင့်ဆိုသော် တရုတ်နိုင်ငံက အကျပ်ကိုင်ခြင်း သို့မဟုတ် စီးပွားရေးအရ သွေးဆောင် ဖြားယောင်းခြင်းများဖြင့် ချေဖျက်လာနိုင်သောကြောင့် ဖြစ်ပါသည်။

အလုပ်ရှင် အလုပ်သမား စာချုပ်ချုပ်ရန်အချက်အလက်တင်းကြပ်မှုကြောင့် အခက်အခဲရှိနေ

မြန်မာအမျိုးသမီးဝန်ထမ်းအား မတ်တပ်ရပ်ဒဏ်ပေးခဲ့သည့် တရုတ်အရာရှိအမှု စစ်ဆေးမည်

မာန်ဇာမြေမွန်

လက်ပံတောင်းတောင်ကြေးနီ စီမံကိန်းလုပ်ကိုင်နေသည့် မြန်မာဝမ်ပေါင်ကုမ္ပဏီမှ မြန်မာအမျိုးသမီးဝန်ထမ်းတစ်ဦးအား မတ်တပ်ရပ်ဒဏ်ပေးခဲ့သည့် တရုတ်အရာရှိအား တရားရုံးတွင် ဦးတိုက်လျှောက်ထားတရားစွဲဆိုသည့်အမှုအား ဇန်နဝါရီ ၁၄ ရက်နေ့တွင် စတင် စစ်ဆေးမည်ဖြစ်ကြောင်း ကာယကံရှင် မကြည်ကြည်မေ ကပြောကြားသည်။

ကုမ္ပဏီ၏ ညစာစားပွဲမတက်ရောက်သဖြင့် ၂၀၁၅ ခုနှစ် နိုဝင်ဘာ ၁၇ ရက်နေ့တွင် မြန်မာဝမ်ပေါင်ကုမ္ပဏီစားဖိုဆောင်တွင် ခုံပေါ်တက်ကာ မတ်တပ်ရပ်ခိုင်းခဲ့ခြင်း ဖြစ်ပြီး၊ ယင်းသို့ ပြစ်ဒဏ်ပေးခဲ့မှုနှင့် ပတ်သက်၍ ကုမ္ပဏီက စစ်ဆေးခဲ့သော်လည်း ထူးခြားမှု မရှိသည့်အတွက် ဇန်နဝါရီ ၅ရက်နေ့တွင် တရားရုံးတွင် ဦးတိုက်လျှောက်ထားခဲ့ခြင်း ဖြစ်ကြောင်း ၎င်းကပြောသည်။

" အပြစ်မရှိပါဘူး ဆိုတာကို အတင်းအဓမ္မ ပြစ်ဒဏ်ပေးခဲ့တာပါ။ မခံမရပ်နိုင်တဲ့ အတွက် တရားရုံးကို ဦးတိုက်လျှောက်ထားခဲ့ပါတယ်။ ၁၄ ရက်နေ့မှာ စတင်စစ်ဆေးမှာပါ။ တရားလိုကို စစ်ဆေးမယ်လို့ သိရပါတယ်။" ဟု ကာယကံရှင် မကြည်ကြည်မေကပြောသည်။

တရားရုံးသို့ ဦးတိုက်လျှောက်ထားမှုနှင့် ပက်သက်၍ ရာကြီးအမှတ်(၇/၂၀၁၆) ဖြင့် အမှုလက်ခံထားကြောင်း ဆားလင်းကြီးမြို့နယ် တရားရုံးမှ သိရသည်။

ရန်ကုန်မြို့ဈေး အားလုံးမှာ လျှပ်စစ်ဝါယာကြိုးများ စနစ်တကျ တပ်ဆင်ခြင်းမရှိ