စိမ်းနေရင် သတိထား

ဧရာဝတီ

ခုတလော ဦးရုက္ခစိုး ကံမကောင်း။ ချိုကုပ်ဒူးကြီးရှေ့တွင် မေတ္တာပို့မိသောကြောင့် ကားပြာကြီး စီးလိုက်ရသည်။ နတ်အတွက် သီးသန့် ခုံရုံးမဖွဲ့အားသေးသောကြောင့် တကြောင်း၊ နတ်နှင့်ပတ်သက်သည့် ဥပဒေကို ၇၄ အခြေဥပဒေထဲတွင် ထည့်မရေး ထားသောကြောင့် တကြောင်း ဦးရုက္ခစိုး နည်းနည်းသက်သာ သွားခြင်း ဖြစ်သည်။ စိတ်ညစ်ညစ်နှင့် စိတ်ကူး ဦးတည့်ရာ လျှောက်သွားရင်း ဦးရုက္ခစိုး ပဲခူးသို့ ရောက်သွားသည်။

ဘုရားတဆူရှေ့တွင် မောမောနှင့် ထိုင်နေတုန်း တဟင့်ဟင့်နှင့် ငိုနေသံကြားရသောကြောင့် လှည့်ကြည့်လိုက်ရာ … အစိမ်းရောင်ဝမ်းဆက်နှင့် မိန်းမတဦးကို တွေ့လိုက်ရလေတော့သည်။

ရုက္ခစိုး။ ။ ဟင် … ခင်ဗျား၊ ခင်ဗျား ဘယ်အဖွဲ့အစည်းကလဲ၊ နနွင်းရောင် မဟုတ်ဘူးဆိုတော့ အမျိုးသမီး ရေးရာကလည်း မဟုတ်လောက်ပါဘူး။

မမြစိမ်း။ ။ ဥစ္စာစောင့်ရေးရာကပါ … ဟာ ဦးရုက္ခစိုး လုပ်တာနဲ့ ယောင်တောင် ယောင်ကုန်ပြီ။ ဘယ်အဖွဲ့အစည်းကမှ မဟုတ်ဘူး။ ကျမက သိုက်နန်းရှင် မမြစိမ်းပါ။ … အဟင့်အဟင့် … လုပ်ရက်တယ် … လုပ်ရက်လိုက်ကြတာ။ ကျမမှာ ဘာအပြစ်ရှိလို့ ခုလို လုပ်ရက်ကြတာလဲ … အရပ်ကတို့ရဲ့ … အဟီး ….. အီး … ဟီး …။

ရုက္ခစိုး။ ။ စိတ်ညစ်လို့ စိတ်ပြေလက်ပျောက်လေး ဘုရားဖူးမလားလို့ ပဲခူးကို လာပါတယ်။ ဒုက္ခသည်နဲ့ လာတွေ့နေပြီ ထင်တယ်။ ဘာဖြစ်တာလဲဗျာ။

ဦးရုက္ခစိုးအနား လာထိုင်ကာ တရှုံ့ရှုံ့ ငိုနေသော သိုက်နန်းရှင် မမြစိမ်းကို ကြည့်ရင်း မေးလိုက်သည်။ မမြစိမ်းက “ဒီမှာလေ” ဟုဆိုကာ သူ့လက်ကို ထိုးပေးလိုက်သည်။

ရုက္ခစိုး။ ။ သြော် ... မမြစိမ်းကလည်း သိုက်နန်းရှင်ဆိုပြီး ရွှေလက်ကောက်မဝတ်ဘဲ သံလက်ကောက်နဲ့ … ဖက်ရှင်ထွင်ထားတာလား။

မမြစိမ်း။ ။ အောင်မယ်လေး … ပြောရက်လိုက်တာနော် … ။ မမြစိမ်းက သံလက်ကောက် ဝတ်မလား ဦးရုက္ခစိုးရဲ့ … အဲဒါ လက်ထိပ်၊ လက်ထိပ် … နာမည်ကျော် ချိုကုပ်ဒူးကြီးက ကျမကို လက်ထိပ်ခတ်ထားတာ ရှင့် … သိပြီလား။

ရုက္ခစိုး။ ။ ဟောဗျာ … ။ ဘယ်လိုဖြစ်လို့ မမြစိမ်းကို လက်ထိပ်ခတ်တာတဲ့လဲ။ မမြစိမ်းကော ကျုပ်လို မေတ္တာပို့မိလို့လား။

မမြစိမ်း။ ။ မဟုတ်ရပါဘူး ဦးရုက္ခစိုးရယ်။ သူ့အကြောင်းသိလို့ အတတ်နိုင်ဆုံး ကိုယ့်ဘာသာ ပဲခူးမှာ သီးသန့် ကင်းကင်း နေတာပါ။

ရုက္ခစိုး။ ။ မမြစိမ်းက ကိုယ့်ဘာသာ သီးသန့်နေတာကို ချိုကုပ်ဒူးကြီးက ဘယ်က ဘယ်လို လက်ထိပ် လာခတ်တာလဲ၊ လုပ်ပါဦး။ ကျုပ်တော့ နားတွေရှုပ်လာပြီ။

မမြစိမ်း။ ။ ကျမက သူ့ကို အိပ်မက်လာပေးလို့တဲ့။

ရုက္ခစိုး။ ။ အိပ်မက်ပေးတော့ ကောင်းတာပေါ့ … တကယ်ဆို ကျေးဇူးတောင် တင်သင့်သေးတယ်။ အိပ်မက်ကို အတိတ်ကောက်ပြီး နှလုံးထီလေး ဘာလေး ထိုးလို့ရတာပဲဟာ။

မမြစိမ်း။ ။ အခုဟာက အိပ်မက်က နည်းနည်း ကြမ်းတယ်တဲ့။ ကျမက သူ့ကို အိပ်မက်ထဲမှာ လာခြိမ်းခြောက် တာတဲ့ ဦးရုက္ခစိုးရဲ့။

ရုက္ခစိုး။ ။ ဟုတ်လား ဘယ်လို ခြိမ်းခြောက်တာလဲ လုပ်ပါဦး။

မမြစိမ်းက ခြေကိုဆောင့်လိုက်ပြီး မျက်နှာထားကို တင်းလိုက်ကာ လက်ညှိုးထိုး၍ …

မမြစိမ်း။ ။ သယ် … ချိုကုပ်ဒူး … နင့်ကိုယ်နင် နိုင်ငံတော် အကြီးအကဲဆိုပြီး လုပ်ချင်တာ လုပ်လို့ရမလား။ နင်က သံဃာတော်တွေ သတ်လိုသတ်၊ သူတော်ကောင်းတွေကို ထောင်ချလိုချနဲ့ … နင့်ဘုန်းတံခိုး မိုးသို့ ချုန်းနေတယ် ဆိုပြီး မာန်တက်မနေနဲ့ … ။ နင့်ရဲ့ ကံက ဆက်မကောင်းနိုင်တော့ဘူး … ဒီနှစ် နောက်ဆုံးပဲ။ နင်လုပ်သမျှတွေ ပြန်ခံရဖို့ အချိန်တန်ပြီ … ဟားဟားဟားဟား …။ အဲသလို သူ့အိပ်မက်ထဲမှာ သွားပြော တယ်တဲ့။ နောက်တနေ့ကျတော့ ကျမရဲ့ ရုပ်တုကို လက်ထိပ်လာခတ်တော့တာပါပဲ ဦးရုက္ခစိုးရယ်။

ရုက္ခစိုး။ ။ ခင်ဗျားက အဲဒီအတိုင်း သူ့အိပ်မက်ထဲ သွားပြောလိုက်လို့လား။

မမြစိမ်း။ ။ ကြံကြံဖန်ဖန် … လူမှားတာ နေမှာပါ။ ကျမက ခုနက ပြောသလို ကြောက်လွန်းလို့ ခပ်ကင်းကင်း နေနေတဲ့ဥစ္စာ၊ ပြီးတော့ကိုယ့်ပစ္စည်းတွေ သူများယူမှာစိုးလို့ စောင့်နေရတာနဲ့ မအားရပါဘူး။ သူ့အိပ်မက်ထဲ ဘယ်လိုလုပ် သွားမှာလဲ။ အဟင့်အဟင့် ဘာပဲဖြစ်ဖြစ် ခုတော့ လက်ထိပ်ခတ် ခံရပြီ … ကောင်းကြ သေးရဲ့လား ဦးရုက္ခစိုးရဲ့။

ထိုစဉ် ဦးရုက္ခစိုးနားသို့ မမြစိမ်း၏ ညီအစ်မ ခုနစ်ဖော်စလုံး လက်ထိပ်ကိုယ်စီဖြင့် ရောက်လာကာ ငိုယို၍ အကူအညီ ဝိုင်းတောင်း ကြသည်။

မြနန်းနွယ်။ ။ လုပ်ပါ ဦးရုက္ခစိုးရယ် … ကျမတို့ သိုက်တွေကို လာခိုးတဲ့သူတွေကိုပဲ ကျမတို့က အပြစ်ပေးလာ ခဲ့သမျှ ရာဇဝင်ရိုင်းပါပြီ။ ခု ချိုကုပ်ဒူးကြီးလုပ်မှ ကျမတို့ အားလုံး လက်ထိပ်တန်းလန်းနဲ့ ကြည့်မကောင်းပါဘူး ဦးရုက္ခစိုးရယ်။ ဦးရုက္ခစိုးက ချိုကုပ်ဒူးကြီးနဲ့ ရင်းနှီးတယ်ဆိုတော့ ပြောပြရင်ရမှာပါ။

မမြစိမ်း။ ။ ဟုတ်ပါတယ် ဦးရုက္ခစိုးရယ်၊ လူမှားတာလို့ သေချာ ပြောပေးပါနော်၊ ဦးရုက္ခစိုး ပြောရင် ရမှာပါ။

ရုက္ခစိုး။ ။ ကဲ ကဲ တရောက်တပေါက်နဲ့ တော်တော်လေးတော့ နားညည်းလာပြီ … သွားပြောပေး ကြည့်မယ် ဟုတ်ပြီလား။ အရင်အပတ်ကမှ ကျုပ်ကို ဖမ်းခဲ့သေးတာ ဆိုတော့ ပြောလို့ ရမရတော့ မသိဘူး။
မြနန်းနွယ်။ ။ မဖြစ်ဘူး၊ မဖြစ်ဘူး မမရေ … ဒီအတိုင်းဆိုရင် ညီမလေးတို့ ဥစ္စာစောင့် အခွင့်အရေးအဖွဲ့ ဖွဲ့မှ ဖြစ်တော့မယ် ထင်တယ်။

မမြစိမ်း။ ။ အဖွဲ့ဖွဲ့ရင် ဒိုနာ ရှာရမှာနဲ့ ဘာနဲ့ … အဲဒါက နောက် ထားလိုက်၊ လောလောဆယ် ငါတို့လက်ထိပ် ပြုတ်ဖို့ ချိုကုပ်ဒူးကြီးဆီကို ဦးရုက္ခစိုး သွားပြောပေးမှ ဖြစ်မယ်။

ဥစ္စာစောင့် ညီအစ်မ ခုနစ်ဖော်၏ ပါးစပ်မှ ပေါက်ပေါက်ဖောက်သလို တရစပ်ပြောနေသံကို နားမခံနိုင်တော့ သောကြောင့် ဦးရုက္ခစိုးကြီးမှာ နေပြည်တော်ရှိ ချိုကုပ်ဒူးကြီးထံ သွားတွေ့ရလေတော့သည်။

ဦးရုက္ခစိုး … ချိုကုပ်ဒူးကြီးဆီရောက်တော့ ချိုကုပ်ဒူးကြီးက မျက်နှာမကောင်းဘဲ ကုတင်ပေါ်တွင် ထိုင်နေသည်။ ဦးရုက္ခစိုးကို မြင်လိုက်သည်နှင့် …

ချိုကုပ်။ ။ ဘာလဲ ဦးရုက္ခစိုး၊ ခင်ဗျားက ၇၄ အခြေခံဥပဒေထဲမှာ နတ်တွေအတွက် မပါဘူးဆိုပြီး အတင့်ရဲ တာလား။ တကယ်ဆွဲချင်ရင် ဘာဥပဒေမှ မလိုဘဲ ဆွဲလိုက်လို့ရတယ်နော်။

ရုက္ခစိုး။ ။ ခင်ဗျားရဲ့ ရမ်းရဲတဲ့သတ္တိကို ယုံကြည်ပြီးသားပါဗျာ။ အခုဟာက ကျုပ်အရေးမဟုတ်ပါဘူး။ ပဲခူးမှာ မမြစိမ်းတို့ကို ခင်ဗျား လက်ထိပ်ခတ်ခဲ့တဲ့ကိစ္စလေး နည်းနည်း မေးချင်လို့ပါ။

ချိုကုပ်။ ။ သြော် ဒါလား … အဲဒါဆိုရင်တော့ မေးမနေနဲ့။ အဲဒီမမြစိမ်းက ကျုပ်ကို အိပ်မက်ထဲမှာ ဟိန်းလား ဟောက်လား လာလုပ်လို့ ဗေဒင်မေးပြီး ယတြာ ပြန်ချေလိုက်တာ။

ရုက္ခစိုး။ ။ မမြစိမ်း သေချာလို့လားဗျာ၊ သူကပြောတော့ မတရား ခံရတာပါတဲ့၊ သူ မဟုတ်ဘူးလို့ ပြောတယ်နော်။

ဦးရုက္ခစိုး စကားကြောင့် ချိုကုပ်ဒူးကြီး ငိုင်သွားသည်။

ချိုကုပ်။ ။ သူ မဟုတ်ရင် ဘယ်သူဖြစ်မလဲဗျ။ သူမှ သူပါဗျာ၊ ကျုပ်အိပ်မက်ထဲမှာ စိမ်းစိမ်း စိမ်းစိမ်းနဲ့ …။ ကွိုင်ကွိုင့်ကို ပြောပြတော့ အဲဒါ မမြစိမ်းပဲ ဆိုလို့ မမြစိမ်းကိုပဲလက်ထိပ်ခတ်လိုက်တာ။

ရုက္ခစိုး။ ။ မဟုတ်ရင် မကောင်းဘူးနော်၊ သူတို့ ဥစ္စာစောင့်တွေ ဆိုတာ အညှိုးက ကြီးပါဘိသနဲ့၊ တော်ကြာ သူ့ ညီမတွေက ခင်ဗျားကို ပြုစားလိုက်ရင် ဘယ်လိုလုပ်မလဲ။

ဦးရုက္ခစိုးက ခြိမ်းခြောက်လိုက်ရာ ချိုကုပ်ဒူးကြီး ပို၍ ငိုင်သွားသည်။

ချိုကုပ်။ ။ အေးဗျ … ကျုပ်လည်း စိမ်းစိမ်း စိမ်းစိမ်းတော့ မြင်တာပဲ။ သိပ်တော့ မသေချာလှဘူး။ ဒါပေမယ့် ဥစ္စာစောင့်တွေက အစိမ်းရောင်ဝတ်တယ်ဆိုတော့ ဖြစ်နိုင်ပါတယ်ဗျာ။

ဦးရုက္ခစိုး။ ။ စိမ်းတာကတော့ဗျာ … ဘီလူးတွေလည်း စိမ်းတာပဲ။ တော်ကြာ ပုပ္ပားက မယ်ဝဏ္ဏ

ဖြစ်နေဦးမယ်။ ဒါမှ မဟုတ်လည်း ယိုးဒယားက ရာမ လားမသိဘူး။ သူလည်း စိမ်းတာပဲ။ နောက်တော့ ….။
ဦးရုက္ခစိုး စကားမဆုံးသေးခင် ချိုကုပ်ဒူးကြီး၏ မျက်လုံးအစုံ ချာချာလည်သွားသည် … ။ စိတ်ရှုပ်ဟန်ဖြင့် ခေါင်းကို တဗျင်းဗျင်း ကုတ်သည်။ ပြီးတော့မှ တဖြည်းဖြည်းချင်း ပြုံးလာသည်။ “သိပြီ” ဟု အသံနက်ကြီးနှင့် အော်လိုက် သဖြင့် ဦးရုက္ခစိုးပင် လန့်သွားသည်။

ချိုကုပ်။ ။ အခုအချိန်ကစပြီး … အစိမ်းဝမ်းဆက် ဝတ်တဲ့ ဘယ်သူ့ကိုမဆို လက်ထိပ်ခတ်ရမယ် … ချိုကုပ်ဒူးကြီး အမိန့် …။

ထိုသို့ အမိန့်စာထုတ်ပြီး နောက်တနေ့တွင် ချိုကုပ်ဒူးကြီးအပါအဝင် စစ်ဗိုလ် စစ်သားရှိရှိသမျှ အစိမ်း ဝမ်းဆက် ဝတ်ထားသူ အားလုံးကို လက်ထိပ်တန်းလန်းနှင့် ဖက်ရှင်ကျကျ တွေ့မြင်ကြရလေတော့သည်။