သျှမ်းသံတော်ဆင့်
အမျိုးသား ဒီမိုကရေစီ အဖွဲ့ချုပ် ပါတီ ဗဟိုမှ ထုတ်ပြန် ထားသော ရွှေဂုံတိုင် ကြေငြာချက်ကို ထောက်ခံကြောင်း အဖွဲ့ ချုပ် ပါတီ ကချင် ပြည်နယ် မြို့နယ် ၈ ခုမှ ပြည်နယ် နှင့်မြို့နယ် စည်းအဖွဲ့ ဝင်များက လုပ်ငန်း ညှိနှိုင်း အစည်း အဝေး ၌ဆုံးဖြတ် လိုက်ကြသည်။
အဆိုပါအစည်းအဝေးကို နိုဝင်ဘာလ ၂၇ ရက်နေ့က မိုးညှင်းမြို့၌ ကျင်းပခဲ့ရာ အဖွဲ့ချုပ်မှ ချမှတ်ထားသော မူဝါဒ လမ်းညွှန်ချက်များ အတိုင်း ဆက်လက် လုပ်ဆောင်သွားရန် ဆုံးဖြတ်ကြကြောင်း အဆိုပါ အစည်းအဝေး တက်ရောက်ခဲ့သူ အဖွဲ့ချုပ်ပါတီ မိုးညှင်းမြို့နယ်စည်း ဒုဥက္ကဌ ဦးသန်းနိုင်က သျှမ်းသံတော်ဆင့်သို့ ပြောသည်။
“၂၇ ရက်နေ့မှာ ပြည်နယ်အစည်းအဝေးပွဲ မိုးညှင်းမြို့မှာ လုပ်တယ် မြို့နယ် ၈ ခုက မြို့နယ်စည်းတွေ ပြည်နယ် စည်းတွေ တက်တယ်ခင်ဗျ လိုက်နိုင်လို့လိုက်ခဲ့ကြသူတွေလည်း တက်တယ်အင်အားများပါတယ် ဗန်းမော် ရွှေကူ မိုးကောင်း မိုးညှင်း မြစ်ကြီးနား တနိုင်း ဖါးကန့် မြို့နယ်တွေပါတယ် တက်တာကတော့ ၈ မြို့နယ်ပါ ရွေဂုံတိုင် ကြေငြာချက်ကို ထောက်ခံတယ် ဒါပါပဲ အဖွဲ့ချုပ်ရဲ့ မူနဲ့ရပ်တည်ချက်တွေ ဒါတွေကိုပဲ ဆုံးဖြတ်ချက်ချသွားတာပါ ပဲ ” လို့ သူက ပြောသည်။
ကချင်ပြည်နယ်အတွင်း မြို့နယ်အလိုက် အဖွဲ့ချုပ်ပါတီ တိုးချဲ့ဖွဲ့စည်းနိုင်ရန်နှင့် အင်အားကျစ်လစ်ခိုင်မာလာစေရန်ကိစ္စများ ကိုလည်း အလေးထား ဆောင်ရွက်လျှက်ရှိကြောင်း သိရသည်။
“မိုးညှင်းမြို့နယ် အနေအထားကတော့ ရှင်သန်နေပါတယ် ဒီလိုရှင်သန်သလိုပဲ ကချင်ပြည်နယ်မှာ ဖွဲ့စည်းပြီး သားမြို့နယ် ၈ မြို့နယ်ပေါ့ဗျာ ရှင်သန်နေပါတယ် မပေါ်ပေါက်သေးတဲ့ မြို့နယ်တွေလည်း ပေါ်ပေါက်လာ အောင်အင်အားခိုင်မာ ကျစ်လစ်အောင် တောင့်တင်းအောင် ပြည်နယ်က ဆောင်ရွက်နေပါတယ် ဒါအဖွဲ့ချုပ်မူ အရပဲ ညွန်ကြားချက်နဲ့စည်းကမ်း အတိုင်း ကျနော်တို့လုပ်ဆောင်သွားမှာပါ ” သူက ဆိုသည်။
နိုဝင်ဘာ ၂၈ ရက်နေ့တွင် မိုးညှင်းမြို့နယ် ရပ်ကျေးအဖွဲ့ဝင်များ အစည်းအဝေးကို ဆက်တိုက်ပြုလုပ်ခဲ့ရာဒေသအာဏာပိုင် များက နှောက်ယှက်မှုများပြုလုပ်ခဲ့ကြောင်း သိရသည်။
“ဒီနေ့လုပ်တဲ့ အစည်းအဝေးမှာပေါ့ဗျာ အောင်သပြေရပ်ကွက်ထဲက ရာအိမ်မှူး သက်ညွန့်က ခြောက်တာလှန့်တာတွေ ရှိတယ် ဒါကြောင့်တက်ရောက်သင့်သလောက် မတက်ရောက်တော့ဘူးပေါ့ဗျာ ကျနော်တို့ပါတီကတရားဝင်ပါတီဖြစ် တဲ့အတွက် ကော်မရှင်ကိုအသိပေးပြီး ဆောင်ရွက်တာ တရားဝင်မူလည်း အဖွဲ့ချုပ်မူအရဆောင်ရွက်တာ စောစောက ယာယီရာအိမ်မှူးက မသွားနဲ့ဖမ်းမယ်ဆီးမယ်ဆိုပြီး ခြောက်လှန့်တာတွေရှိပါတယ် ” လို့ ပြောသွားသည်။
No comments:
Post a Comment