အရှင်ပညာစာရကို နိုင်ငံတော် တည်ငြိမ်ရေးကို ထိပါး နှောင့်ယှက်သည့် ပုဒ်မ အပါအ၀င် ပုဒ်မ ၇ ခုဖြင့် တရားစွဲ

မင်းဆက်ခိုင်

ရခိုင်သမိုင်းသုတေသီ ဆရာတော် ရမ္မာဝတီ အရှင်ပညာစာရအား နအဖ အာဏာပိုင်များက နိုင်ငံတော် တည်ငြိမ်ရေးကို ထိပါး နှောင့်ယှက်သည့် ပုဒ်မ အပါအ၀င် တခြား ပုဒ်မ ၆ ခု - စုစုပေါင်း ပုဒ်မ ၇ ခုဖြင့် အမူဖွင့် တရားစွဲဆို ခဲ့သည်ဟု သိရသည်။

အမည်မဖေါ်လိုသူ ရှေ့နေ တဦးက “ ဆရာတော်ကို ဒီလ ၁၆ ရက်နေ့က ရုံးထုတ်လာပြီး အမူ ၇ မူနဲ့ တရားစွဲဆိုခဲ့ပါတယ်။ အမူကိုတော့ အစိုးရ တရားလိုလုပ်ပြီး ဆရာတော်ကို ဆန့်ကျင်တဲ့ လူတွေနဲ့ ပူးပေါင်းပြီး တရားစွဲဆိုခဲ့တာ ဖြစ်ပါတယ်” ဟုသူက ပြောသည်။

ဆရာတော်အား စွဲချက်တင်ခဲ့သော အမူ ၇မူမှာ ပုဒ်မ ၂၉၅ (က) ဘာသာသာသနာ ညိုးနွမ်းစေမှု၊ ပုဒ်မ ၄၀၆ ယုံကြည် အပ်နှံသည့် ပစ္စည်းကို အလွဲ သုံးစားမှု၊ ပုဒ်မ ၅၀၅ (ခ) နိုင်ငံတော် တည်ငြိမ် ရေးကို ထိပါး နှောင့်ယှက်မှု၊ ပုဒ်မ ၄၂၀ နှင့် ပုဒ်မ ၂၉၂ သာသနာ့ နယ်မြေကို အခ ကြေးငွေဖြင့် ငှားရမ်း အသုံးပြုမှု၊ နိုင်ငံခြား ငွေလဲလှယ်ရေး အက်ဥပဒေ ပုဒ်မ ၂၄-၁ နှင့် တရားမဝင် နိုင်ငံခြားငွေ ကိုင်ဆောင်မှု၊ စည်ပင် သာယာ အက်ဥပဒေ ပုဒ်မ ၆၁(ဂ) တို့ ဖြစ်သည်။

အဆိုပါ ဆရာတော်အား စွဲချက်တင်ထားသော အမူ တချို့မှာ ဆရာတော်နှင့် ပတ်သက်မူ မရှိသော်လည်း တမင် အပြစ်ကြီးစေရန် ရည်ရွယ်ဖန်တီး ပြုလုပ် ထားခြင်း ဖြစ်သည်ဟု သူက ပြောသည်။

“ပုဒ်မ ၅၀၅ (ခ) နိုင်ငံတော် တည်ငြိမ် ရေးကို ထိပါး နှောင့်ယှက်မှုစတဲ့ စွဲချက်တွေ အမူကြီးတွေ ဖြစ်ပါတယ်။ ဘုန်းကြီး တပါးက ဘယ်လိုလုပ်ပီး နိုင်ငံတော် တည်ငြိမ်ရေးကို ထိပါးအောင် လုပ်နိုင်ပါ့မလဲ။ အဲဒီအမူ အပါအ၀င် စည်ပင် သာယာ အက်ဥပဒေ ၆၁(ဂ) တို့၊ ပုဒ်မ ၄၀၆ ယုံကြည် အပ်နှံသည့် ပစ္စည်းကို အလွဲ သုံးစားမူတို့ ဆိုတာတွေက မလိုအပ်တဲ့ ပုဒ်မတွေပါ။ ဒါပေမယ့်လည်း သက်ဆိုင်ရာက ဆရာတော်ကို မကြိုက် လေတော့ ရတဲ့အမူနဲ့ ထောင်ဒဏ်များများ ချနိုင်အောင် တရား စွဲဆိုလိုက်တာ ဖြစ်ပါတယ်” ဟု အဆိုပါ ရှေ့နေက ပြောသည်။

စစ်တွေမှ အရပ်လူကြီးတဦးအား နိရဉ္စရာမှ အဆိုပါ ကိစ္စနှင့် ပတ်သက်ပြီး ဆက်သွယ်ပြီး မေးမြန်းရာ သူက ယခုကဲ့သို့ ပြောသည်။

“ဆရာတော်ကို ဖမ်းတုန်းကဆိုရင် အာဏာပိုင်တွေ အနေနဲ့ တရားဥပဒေ အတိုင်း ဆောင်ရွက် လိမ့်မယ်ဆိုပြီးတော့ စစ်တွေ လူထုက သိပ်စောဒက တက်တာ မရှိကြဘူး။ နောက်ကလေးတွေကို ဗမာပြည်ကို ပို့တယ်၊ ပီးရင် သမိုင်းဝင် ရခိုင်ရှေးဟောင်း အမွေအနှစ်တွေကို သိမ်းဆည်းသွားတယ်။ ကျောင်းကိုလည်း ချိတ်ပိတ်လိုက်တယ်။ အခုတခါ ဆရာတော်ကို နိုင်ငံတော် တည်ငြိမ်ရေးကို ထိပါး နှောင့်ယှက် တယ်ဆိုတဲ့ ပုဒ်မကြီးတွေကို တပ်ပြီး တရားစွဲဆိုလာတော့ လူတွေက မယုံကြည် နိုင်လောက်အောင် ဖြစ်လာပြီး မေးခွန်းတွေ ထုတ်လာကြတယ်။ ဆရာတော်ကို အာဏာပိုင်တွေက ဖမ်းဆီး တာဟာ သွေးရိုးသားရိုးမှ ဟုတ်ရဲ့လား ဆိုပြီး လူတွေရဲ့ အသံက ထွက်လာတယ်။ စွဲချက်တင်ထားတဲ့ အမှုတွေ အပါအ၀င် အာဏာပိုင်တွေရဲ့ တဖက်သတ် လုပ်ရပ်ကို လူတွေက လက်မခံ နိုင်စရာတွေ ဖြစ်လာတာကို တွေ့လာရပါတယ်” ဟု ပြောသည်။

ဆရာတော်အား ဇူလိူင်လ ၂၇ ရက်နေ့က ဖမ်းဆီးပြီး သြဂတ်စ်လ ၁၀ ရက်နေ့တွင် စတင် ရုံးထုတ်ခဲ့သည်။ ဆရာတော်အား အမှတ် ၁ ရဲစခန်းတွင် ချုပ်နှောင်ပြီး စစ်ဆေး မေးမြန်းခဲ့စဉ်က အာဏာပိုင်များက လူမဆံစွာ ညှဉ်းပမ်း နှိပ်စက်ခဲ့သည်ဟု ဆရာတော်၏ တပည့်ဖြစ်သူ တဦးကို ကိုးကားပြီး စစ်တွေမှ လူမူရေး လုပ်သူ လူငယ် တဦးက နိရဉ္စရာသို့ ပြောသည်။

ဆရာတော်ကို သြဂတ်စ်လ ၁၆ ရက်နေ့က ဒုတိယ အကြိမ် ရုံးထုတ်ခဲ့ခြင်း ဖြစ်ပြီး နောက်ရုံးချိန်း ရက်ကို နိရဉ္စရာမှ ဆက်လက် မေးမြန်းနေပါသည်။ ဆရာတော်၏ အမူကို ရှေ့နေ ဒေါ်အေးနုစ်ိန်က လိုက်ပါ ဆောင်ရွက်ပေးနေပြီး ဆရာတော် အတွက် အကျိုးဆောင်ပေးနေသူများကို ထောက်လှမ်းရေးမှ အနီးကပ် စောင့်ကြည့်မူများ ရှိနေကြောင်း သိရသည်။