The Yangon Times ဂျာနယ်တွင် ပါရှိသည့် ကာတွန်းငွေကြည်၏ လက်ရာ ကာတွန်း
ပြည်တွင်းမှာဖြန့်ချိတဲ့ The Yangon Times ဂျာနယ်မှာ ဆရာငွေကြည်ရဲ့ ကာတွန်းလေးကို တွေ့ရတော့ facebook မှာ မိတ်ဆွေတွေက share ကြပါတယ်။ ကာတွန်းကတော့ “သမ္မတရဲ့ ပြုပြင် ပြောင်းလဲ ရေး လမ်းညွှန်ချက်ကို တပြေးညီ ချီတက်တဲ့” ဒါပေမယ့် ခေါင်းပဲပါ တယ်၊ ကိုယ်မပါ ဘူးဖြစ် နေတယ်။
ကာတွန်းဆရာက ဒီနေ့ တိုင်းပြည်မှာ အမှန်တကယ်ဖြစ်ပေါ်နေတာကို တကွက် ကာတွန်းလေးနဲ့ ထိထိမိမိ သရော်လိုက်တာပဲဖြစ်ပါတယ်။
ဦးသိန်းစိန်ကို သမ္မတအဖြစ် ခန့်အပ်ပြီးတဲ့ အချိန်ကစပြီး ပြုပြင်ပြောင်းလဲရေးကိစ္စကို အတွင်တွင် ပြောကြားခဲ့တာ တွေ့ရပါတယ်။ သူ့ရဲ့နောက်ဆုံးပိတ် ပြောခဲ့တဲ့ လမ်းညွှန် မှာကြားချက်မှာ ဆိုရင်လည်း အတော်ကို ပြည့်ပြည့်စုံစုံ ပါတာတွေ့ရပါတယ်။ ဒီအကြောင်း ကိုလည်း “သမ္မတဦးသိန်းစိန် ခင်းတဲ့လမ်း” ဆိုပြီး ကျနော်ရေးခဲ့ဖူးပါတယ်။
ဒါပေမယ့် အားလုံးသိတဲ့အတိုင်း ပြုပြင်ပြောင်းလဲရေးကို အစိုးရထဲမှာ မလုပ်ချင်သူတွေက များနေတယ်၊ သမ္မတနောက်ကို မလိုက်တဲ့ သူ တွေအများ အပြား ရှိနေ ပါတယ်။ ဒါကြောင့်လည်း သမ္မတ ဦးသိန်း စိန်က နောက်ပြန် ဆွဲသူတွေ၊ ရှေးရိုး စွဲသူတွေ နောက်ချန် နေရစ်ခဲ့ လို့ ပြောခဲ့ ရတာ ပါ။
သာမန်ရုံးစာရေး ၀န်ထမ်းကအစ ၀န်ကြီးအဆင့်အထိ သူ့ထိုင်ခုံလေး ပြုတ်သွားမှာ၊ သူ့အကျိုးစီးပွား ထိခိုက်သွားမှာ၊ သူရနေတဲ့ “ခွင်” လေး ပိတ်သွားမှာ စိုးရိမ်ပြီး အရင်က ကျင့်သုံးခဲ့တဲ့ စနစ်ဟောင်း၊ အကျင့်ဟောင်း၊ မူဟောင်းတွေနဲ့ လမ်းဟောင်းမှာပဲ ပျော်မွေ့ အသားကျ နေပြီး ပြုပြင်ပြောင်းလဲရေး ဆေးခါး ကြီးကို မသောက် ချင်ကြ ဘူးလို့ သုံးသပ် မိပါ တယ်။
မြန်မာပြည်က ပြည်သူပြည်သားတွေ ခမျာမှာတော့ လက်တွေ့ အကောင်အထည်ဖော်မှု အတော့်ကို နည်းနေသေးပေမယ့် သမ္မတမိန့်ခွန်း တွေထဲက ပြုပြင်ပြောင်းလဲရေး ဆိုတာတွေကို ကြိုဆိုကြပါတယ်။ ဘာကြောင့်လဲဆိုတော့ တိုင်းပြည်အတွက်၊ သူတို့တွေအတွက် တကယ် အကျိုးရှိနိုင်တယ် ဆိုတာကို သိနေတာကိုး။ ဒါကြောင့် လူလည်း မပြောင်းချင်၊ မူလည်းမပြောင်းချင်တဲ့ ရှေးရိုးစွဲတွေက နောက်ချန် နေခဲ့တဲ့ အတွက် ခေါင်းပဲ ရှေ့ကနေ ထွက်သွားပြီး ကိုယ်က ကျန်ခဲ့တာ ဖြစ်ပါ တယ်။
စင်ကာပူနိုင်ငံကို ကမ္ဘာ့ပထမတန်းနိုင်ငံဖြစ်အောင် လုပ်ခဲ့တဲ့ နိုင်ငံရေးခေါင်းဆောင် လီကွမ်ယုက သူ့ရဲ့ စာအုပ်တအုပ်မှာ ရေးဖူးပါတယ်၊ တိုင်းပြည်အုပ်ချုပ်ချင်တဲ့ ခေါင်းဆောင်တွေဟာ vision ရှိပြီး အမြင် ကျယ်တာအပြင် ရိုးသားမှုလည်း ရှိဖို့လိုပါတယ်တဲ့။ ကဲဒါဆိုရင် အမြင် ကျယ်ပြီး ရိုးရိုးသားသား တိုင်းပြည်အကျိုး ထမ်းရွက်မယ့်သူတွေ မြန်မာအစိုးရထဲမှာ ဘယ်နှယောက်ပါသလဲ မတ်တတ်ရပ်ပြပါလို့ မိဘ ပြည်သူတွေဘက်က တောင်းဆိုသင့်ပါတယ်။ သမ္မတက မိဘ ပြည်သူ လို့ ပြောခဲ့လို့ သတိ ပေးတာ ပါ။
အစိုးရဘက်က တာဝန်ယူမှု ဘယ်လောက်ကင်းသလဲ ဆိုရင် ဒုတိယသမ္မတ တင်အောင်မြင့်ဦး နုတ်ထွက်တယ်ဆိုတာနဲ့ ပတ်သက်ပြီး အခု ထက်ထိ အားလုံးကို ရေရေရာရာ သတင်းထုတ်ပြန်ခြင်း မရှိသေး ပါဘူး။ ဦးတင်အောင်မြင့်ဦးဟာ တပ်မတော်မှာကော၊ သူ အရပ် သား တာဝန်ကို ထမ်းဆောင်စဉ်မှာပါ ရေနံသဘာဝဓာတ်ငွေ့ ရောင်းတဲ့ နိုင်ငံတော်ရဲ့ စီးပွားရေး လုပ်ငန်းတွေ၊ နေပြည်တော် ဆောက်တဲ့ လုပ် ငန်းတွေနဲ့ ပတ်သက်ပြီး နိုင်ငံတော်ဘဏ္ဍာငွေ ဒေါ်လာသန်းပေါင်း များစွာကို သူ့အိတ်ထဲ ထည့်သွားတယ် ဆိုတဲ့သတင်းတွေအခုထိ ထွက် နေဆဲပါ။ ဒီသတင်းတွေ မှန်၊ မမှန် ရှင်းဖို့ လိုပါတယ်။ သူဟာ အသွင်ကူးပြောင်းရေး စနစ်သစ်ကို မကြိုက်လို့ ထွက်တာ လား၊ ခေါင်းရွေ့ တဲ့ ဘက်ကို မလိုက် နိုင်လို့ ထွက်စာ တင်တာလား စဉ်းစား စရာပါ။
အခုလတ်တလောဖြစ်နေတဲ့ လျှပ်စစ်မီး ကိစ္စဟာလည်း ခေါင်းပဲရွေ့ပြီး ကိုယ်မရွေ့တဲ့ ကိစ္စနဲ့ ပတ်သက် နေပါတယ်။ အုပ်ချုပ်တဲ့ စနစ်ကြီး မှားနေတာ၊ အုပ်ချုပ်တဲ့ ဌာန ဆိုင်ရာ လူတွေရဲ့ တာဝန် ယူမှု ကင်း မဲ့နေတာ၊ ပြုပြင်ပြောင်းလဲရေး အင်ဂျင်စက်ကြီး မနိုးသေးတာကို မီး မောင်း ထိုးပြ လိုက်တာ ပါ။ အစိုးရဘက်က ဌာန ဆိုင်ရာတွေ ၀န်ကြီးဌာနတွေရဲ့ ဒီပြဿနာ ကို လတ်တလော ဖြေရှင်းပုံတွေက ဆေးမြီး တိုနဲ့ ကုစား နေတာပဲ ဖြစ်ပါတယ်။ အရင်တုန်းကလည်း ဒီလိုနည်းလမ်းဟောင်းတွေနဲ့ပဲ ကြိုးစားဖြေရှင်း ပေးခဲ့တာပါ။ ရေရှည် မခံ ပါဘူး၊ နာတာရှည် ရောဂါ သည်ကို ဓာတ်စာလေး တိုက်ပြီး ကုဖို့ ကြိုးစား နေတာပါ။ ရှင်းရှင်း ပြောရရင် အစိုးရဟာ စားဝတ်နေရေးဆိုတဲ့ အခြေခံ လိုအပ်ချက် တွေကို ပြည်သူတွေ အတွက် မဖြည့် ဆည်းနိုင်ဘူး ဆိုတာ ပြနေ ပါတယ်။
အိမ်နီးချင်းနိုင်ငံတွေကို ရေနံ၊ သဘာဝဓာတ်ငွေ့တွေ ရောင်းစားနေခဲ့တဲ့ ကိစ္စတွေ၊ အိမ်နီးချင်းတွေနဲ့ ရေအားလျှပ်စစ် စီမံကိန်း စာချုပ်တွေ ချုပ်ထားပြီး ရေနံ၊ သဘာဝဓာတ်ငွေ့တွေက ရောင်းလို့ရတဲ့ နုိုင်ငံ တော် ဘဏ္ဍာတွေ ဘယ်ရောက်ကုန်သလဲဆိုတဲ့ ကိစ္စတွေ ဒေသခံ ပြည် သူ တွေ ဘာမှ သိခွင့်မရတဲ့ကိစ္စတွေဟာ ပွင့်လင်းမြင်သာမှုရှိရမယ်လို့ ပြောနေတဲ့ခေတ် မှာ ၀န်ကြီးဌာနတွေက ရေငုံနုတ်ပိတ်ထားပြီး တိုင်း ပြည် အတွင်း အမှောင်ချထားနေဆဲ ဖြစ်ပါတယ်။
နောက်ဆုံးတော့ သမ္မတက ပြည်သူတွေ သဘောတွေ့မယ့်၊ နိုင်ငံတကာ သဘောကျမယ့် မိန့်ခွန်း လှလှလေးတွေ တခုပြီးတခု ပြောနေတာ ပဲ အဖတ်တင်ပြီး လက်တွေ့ အကောင်အထည် ဖော်ဆောင်မှု ဘာမှမရှိရင်တော့ လေထဲမှာ တိုက်အိမ်ဆောက်နေ သလိုပဲ မြန်မာပြည် အ ခြေ အနေက ဘာမှ တိုးတက် လာမှာ မဟုတ် ပါဘူး။
ဒါကြောင့် ဒီတပါတ်တော့ ကာတွန်းဆရာ ငွေကြည်ရဲ့ ခေါင်းပဲရွေ့ပြီး ကိုယ်မရွေ့တဲ့ ကာတွန်းလေးကို ကြည့်ပြီး သဘောကျနေမိပါတယ်။
No comments:
Post a Comment