ဝေစန္ဒာ
ရန်ကုန်တိုင်း၊ လှိုင်သာယာမြို့နယ်တွင်းရှိ အတွင်းပဒါန်အုပ်စုမှ လယ်သမား ၁၆ ဦးပိုင်ဆိုင်သည့် လယ်မြေဧက ၁၀၀ ခန့်အတွက် ရွှေ တောင် ကုမ္ပဏီက ကျပ်သိန်းပေါင်း ၇,၀၀၀ ကျော် လျော်ကြေး ပေးခဲ့ ကြောင်း တိုင်း ဒေသကြီး လွှတ်တော် အမတ် ဦးနေလင်း က ပြော သည်။
မေလ ၂၂ ရက်နေ့တွင် ဦးနေလင်း ဦးဆောင်ပြီး လယ်သမားများနှင့်အတူ ရွှေတောင် ကုမ္ပဏီသို့ သွားရောက် ပြောဆိုဆွေးနွေးခဲ့ကြခြင်း ဖြစ်သည်။
“အန်ကယ့်ကို လယ်သမားတွေက အကူအညီ လာတောင်းတာနဲ့ အန်ကယ်ကိုယ်တိုင် လိုက်ပြီးတော့ ဆွေးနွေးပေးတယ်။ ၂၂ ရက်နေ့မှာ လယ်မြေတွေကို မြေတိုင်းတဲ့ စက်နဲ့ တိုင်းပြီး ဧက ၁၀၀ ခန့်အတွက် ကျပ်သိန်းပေါင်း ၇,၀၀၀ ကျော် လျော်ကြေးပေးဖို့ သဘောတူညီခဲ့ပြီး အဆင်ပြေသွားတယ်” ဟု ဦးနေလင်း က မဇ္ဈိမကို ပြောသည်။
စက်ရုံများ တည်ဆောက်ရန်အတွက် ရွှေတောင်ကုမ္ပဏီ အနေဖြင့် လယ်သမားများ ပိုင်ဆိုင်သည့် လယ်မြေများကို ၂၀၀၅ နှင့် ၂၀၀၇ ခုနှစ် အတွင်းက သိမ်းယူခဲ့ခြင်း ဖြစ်သည်။
ရွှေတောင်ကုမ္ပဏီမှ သိမ်းယူထားသည့်လယ်မြေများထဲမှအဆောက်အဦး မဆောက်လုပ်ထားသောလယ်မြေများအတွက်သာ လျော်ကြေး ပေးခဲ့သော်လည်း အဆောက်အဦ ဆောက်လုပ်ထားပြီးသော လယ်မြေဧကများအတွက် လျော်ကြေး မပေးသေးကြောင်း လယ်သမား များ က ပြောသည်။
လှိုင်သာယာမြို့နယ်တွင်းရှိ အတွင်းပဒါန်၊ အပြင်ပဒါန် အုပ်စုကျေးရွာများတွင် လယ်မြေ ဧက ၉၀၀ ကျော်ရှိသည့်အနက်အတွင်းပဒါန်အုပ် စုတွင် ပါဝင်သည့် လယ်မြေဧက ၁၀၀ ခန့် အတွက်သာ လျော် ကြေးပေးခဲ့ခြင်း ဖြစ်ပြီး ကျန်နေသေးသည့် လယ်မြေဧက ၇၀၀ ကျော် အ တွက် လျော်ကြေး မရရှိကြသေးဘဲ မူလပိုင်ရှင် လယ်သမား ၇၀ ကျော်က သူဌေးများနှင့် ညှိနှိုင်း၍ အဆင်မပြေသေးကြောင်း သိရ သည်။
အာရှဓနဘဏ်ပိုင်ရှင် ဦးအိုက်ထွန်း ပိုင်ဆိုင်သော ရွှေတောင်ကုမ္ပဏီသည် လှိုင်သာယာ မြို့နယ်တွင်းရှိ လယ်သမားပိုင်ဆိုင်သည့် လယ်မြေ ဧက များကို ၂၀၀၅ နှင့် ၂၀၀၇ တို့တွင် သိမ်းယူ ခဲ့ခြင်း ဖြစ် ကြောင်း ပိုင်ရှင် လယ်သမား များက ပြောသည်။
No comments:
Post a Comment