“ပြီးခဲ့တဲ့ သုံးရက်လောက်က မူဆယ် ၁၀၅မိုင် ကုန်သွယ်ရေးဇုံကနေ မိုင် ၂၀လောက်ဝေးတဲ့ နန့်အွန်ရွာနားမှာ ကုန်ကားတစ်စီးကို လက် နက် ကိုင်အဖွဲ့ တစ်ဖွဲ့ ဗုံးခွဲ လိုက်ပြီးကတည်းက ညဖက် မထွက်ရဲ ဖြစ်နေကြတယ်” ဟု မူဆယ်ဒေသခံ ဖရဲသီးကုန်သည်တစ်ဦးက ပြော သည်။
ဆက်ကြေး တောင်းရာတွင် ငွေမရ ရှိသဖြင့် ကားဦး ခန်းအား ဗုံးခွဲ လိုက်ခြင်း ဖြစ်ပြီး ဗုံးခွဲသော လက်နက်ကိုင် အဖွဲ့မှာ ဗမာ စကားကို ကောင်း မွန် စွာ ပြောတတ်သည်ဟု ကားသမားက ပြန်ပြောပြကြောင်း အဆို ပါ ကုန်သည်က ပြောသည်။
ထို့အပြင် အဆိုပါလက်နက်ကိုင်အဖွဲ့မှာ မေလ ၂၈ရက်နှင့် ၂၉ရက်များတွင် မူဆယ်လားရှိုးလမ်းပေါ်သို့ ကားများသွားလာပါက ဖောက်ခွဲ ပစ် မည်ဟု ခြိမ်းခြောက်ခဲ့သဖြင့် တန်ဆာခများ မြင့်တက်လာ ကြောင်း တရုတ်နိုင်ငံမှ ဆောက်လုပ်ရေးပစ္စည်းများ တင်သွင်းသူကုန်သည် က ပြောသည်။
“ဗုံးခွဲလိုက်တော့ အတက် (မန္တလေးမှ မူဆယ်ကိုအလာ) ကားတွေဆို တစ်ပိဿာ(တန်ဆာခ)ကို ၈၀ကျပ်ကနေ့ ဒီနေ့ ၈၅ကျပ်ဖြစ်လာပြီ။” ဟု အဆိုပါကုန်သည်က ဆိုသည်။
အဆိုပါဒေသတွင် လက်နက်ကိုင်အဖွဲ့ ၎ဖွဲ့နှင့် အထက်ရှိကြောင်း ဒေသခံများက ဆိုသည်။
No comments:
Post a Comment