၂၀၁၃ ဇန်န၀ါရီလ ၁ ရက် မနက်မှာ သမ္မတ ဦးသိန်းစိန်က ရေဒီယိုအစီအစဉ်တွေကနေ တဆင့် ပြည်သူကို ပထမဆုံး တိုက်ရိုက် ပြော ကြားတဲ့ နှစ်သစ်ကူးမိန့်ခွန်းမှာ ထည့်သွင်းပြောကြား သွား တာပါ။
“မကြာခင်မှာ ကျရောက်တော့မယ့် လွတ်လပ်ရေးနေ့နဲ့ ဆက်စပ်ပြီး ကျနော်တွေးမိတဲ့ အကြောင်း အ ရာတခုကို ပြည်သူလူထုကို မျှဝေချင် ပါတယ်။ ကျနော်တို့ လူ့အဖွဲ့အစည်းအနေနဲ့ လွတ်လပ် ရေးရယူစဉ်က စုစည်းနိုင်ခဲ့တဲ့ ညီညွတ်မှု အင်အားအတိုင်း နိုင်ငံသားတဦးချင်းတယောက်ချင်းစီ က လက်တွဲလုပ်ဆောင်နိုင်မယ်ဆိုရင် အခုတွေ့ကြုံနေရတဲ့ စိန်ခေါ်မှုတွေ၊ အ ပြောင်းအလဲတွေကို မလွှဲမသွေ ကျော်လွှားနိုင် မယ်ဆိုတဲ့ အတွေးပဲဖြစ်ပါတယ်။ ပြည်သူလူထု အများစုအနေနဲ့လည်း တသဘောထဲ ရှိနေမယ်လို့ ယုံကြည်တဲ့အတွက် ကျနော်တို့နဲ့ အ တူလက်တွဲ ဆောင်ရွက်ဖို့ တိုက်တွန်းရင်း နိဂုံးချုပ်ပါတယ်။ မိဘပြည်သူတရပ် လုံး စိတ် ၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံကြ ပါစေ။”
ဒါ့အပြင် အစိုးရနဲ့ ပြည်သူအကြား တိုက်ရိုက်ဆံရေး လမ်းကြောင်းသစ် စတဲ့ အနေနဲ့ ရေဒီယိုမိန့်ခွန်းတွေ စပြောကြားဖို့ ဆုံးဖြတ်ထား တယ် လို့ လည်း သမ္မတက ပြောကြားသွားပါတယ်။
အမျိုးသားဒီမိုကရေစီအဖွဲ့ချုပ်နာယက ဦးဝင်းတင်ကတော့ သမ္မတရဲ့ နှစ်သစ်ကူးမိန့်ခွန်းကို ကြိုဆိုလိုက်ပြီး၊ အစိုးရ လိမ္မာလာတယ်၊ သမ္မတ လိ မ္မာလာတယ်လို့ မှတ်ချက်ပေး ပြောပါတယ်။
“ဦးသိန်းစိန် ပြောတဲ့မိန့်ခွန်းအဓိက အချက်က အစိုးရနဲ့ ပြည်သူ တိုက်ရိုက်စကားပြောမယ်လို့ ပြော တာဖြစ်တယ်။ နောက်တခါ သူ့ရဲ့ ရည်ရွယ် ချက်၊ ရည်မှန်းချက်က အစိုးရနဲ့ပြည်သူကြားမှာ အပြန်အလှန်ယုံကြည်မှုရရှိရေး တည်ဆောက် ရေးဖြစ်တယ်လို့ ပြောတယ်။ ဒီ ၂ ချက်လုံးကို အပေါ်ယံပြောမယ်ဆိုရင်တော့ လုံးဝ ထောက်ခံတယ်၊ ကြိုဆိုတယ်လို့ ပြောချင်တယ်။ ကောင်းပါတယ်။ နောက် ကျနော်ပြောချင်တာက ဒါတွေ စကားပြောရုံနဲ့ မပြီးဘူး။ လက်တွေ့လုပ်ဖို့ လိုတာပြောချင်တယ်။ နောက် ဒီလို ဖြစ်ပေါ်နေတာ မြန်မာပြည်တင်မကဘူး၊ ကမ္ဘာမှာဆိုလည်း ကြာ လှပြီ။ ပတ်ဝန်းကျင်နိုင်ငံတွေမှာဆိုလည်း ကြာ လှပြီ။ မြန်မာပြည်မှာဆို လည်း ဒေါ်အောင်ဆန်းစုကြည် ဒီလိုနည်းနဲ့လှုပ်ရှားခဲ့တာ ကြာပြီလို့ ပြောချင်ပါတယ်။ ဒါကြောင့် အခု ဦးသိန်းစိန်က ဒီလိုစကားမျိုးပြော လာတာ၊ ဒီလိုသဘောထားမျိုး ပြောလာတာ၊ ဒီလိုလုပ်ရပ်မျိုး လုပ်လာတာ ကောင်းတယ်လို့ ပြောချင်ပါတယ်။ အရပ်စကားနဲ့ ပြောမယ်ဆို ရင် အစိုးရလိမ္မာလာတယ်။ သမ္မတ လိမ္မာလာတယ်လို့ ပြောလို့ရတယ်လို့ ယူဆ ပါတယ်။”
တခါ လွတ်လပ်ပွင့်လင်းမှုရှိလာတဲ့ အခြေအနေကို ရင့်ကျက်မှုရှိရှိနဲ့ တုံ့ပြန်နိုင်မှ တူညီတဲ့ရည်မျန်းချက်ကို အရောက်လှမ်းနိုင်မယ်လို့သမ္မ တ က နှစ်ကူးမိန့်ခွန်းထဲ ထည့်သွင်းပြောကြားသွားပါတယ်။
အစိုးရအနေနဲ့တော့ ရင့်ကျက်တဲ့တုံ့ပြန်မှုအပိုင်းမှာ အားနည်းနေသေးကြောင်း၊ ပြည်သူတွေအနေနဲ့ ဦးသိန်းစိန်ရဲ့ စကားတွေကို လေးလေး စား စား စောင့်ကြည့်သွားဖို့ လိုကြောင်း ဦးဝင်းတင်က ပြောသွားပါတယ်။
“ရင့်ကျက်မှု ရှိရှိ တုံ့ပြန်ရေးအပိုင်းဆိုရာမှာ ဦးသိန်းစိန်တို့ဘက်က အခုတုံ့ပြန်တာက ဥပမာသံဃာ တွေကိုလက်ပန်းတောင်းကိစ္စအကြမ်းဖက် နှိမ်နင်းတာမျိုးတို့။ နောက် ဆန္ဒပြတောင်းဆိုခွင့်ရှိတယ်ဆိုပြီး ခွင့်ပြုထားပြီးတော့ ဆန္ဒပြ တောင်းဆိုသူတွေကို ဒီနေ့အထိ ဖမ်းဆီးတာ၊ တရား စွဲတာ ပုံစံမျိူးလုပ်နေတာမျိုး။ နောက်တခါ လယ်သမားအရေး ဖြေရှင်းတာမျိုးမှာ အရာရှိတွေက လွှမ်းမိုးချုပ်ချယ်နေတာ၊ နှောင့်ယှက် နေတာ၊ ငြင်းဆိုနေတာတွေကို အခုထိ မဖြေရှင်းနိုင်တာတွေ။ အလုပ်သမားတွေ အလုပ် ခွင်တွေမှာ ဆန္ဒထုတ်ဖော်တာတွေကိုလည်း ဘာမှဖြေရှင်းနိုင် ခြင်းမရှိဘဲနဲ့ ပိုင်ရှင်ဘက်ကနေပဲ ဘက်လိုက်တာ၊ အဂတိလိုက်တာတို့နဲ့ ဖြေရှင်းနေတာတွေ တွေ့နေတော့ သူတို့ဟာ ဦးသိန်းစိန်ပြောတဲ့ရင့် ကျက်တဲ့တုံ့ပြန်မှုက အလွန်နည်းပါးနေပါတယ်။ အချုပ်ပြောရရင် ဦးသိန်း စိန်ရဲ့ သဘောထားတွေ၊ ပြောဆိုလာတဲ့ လုပ်ဟန်တွေကို ကြိုဆို တယ်။ ဒါအလွန်ကောင်းပါတယ်။ ဆိုပါတော့ အန်အယ်လ်ဒီဘက်ကပြော မယ်ဆိုရင် ဒေါ်အောင်ဆန်းစုကြည်လည်း ဒီလိုပုံစံနဲ့ လုပ်နေတာ အခုမှ မဟုတ်ဘူး။ နှစ်ပေါင်း ၂၀ ကျော်လာပါပြီ။ ဒီပုံစံနဲ့ပဲ ပြည်သူနဲ့ တိုက်ရိုက်တွေ့တယ်၊ တွေ့ဖို့ ကြိုးစားတယ်။ ပြည်သူနဲ့ အပြန်အလှန် နား လည်မှုတွေ၊ ယုံကြည်မှုတွေ ရရှိတာတွေ တည်ဆောက်နေပါ တယ်။ အခု ဦးသိန်းစိန်ပြောလာတဲ့အခါ၊ နှစ်ပေါင်း ၂၀၊ ၂၅ နောက်ကျနေသော် ငြားလည်း ကြိုဆိုပါတယ်။”
“အဲဒါတွေဟာ ဦးသိန်းစိန်ပြောတဲ့အတိုင်းပဲ ပြည်သူတွေရဲ့ အနာဂတ်ရည်မှန်းချက်တွေကို အကောင် အထည်ဖော်တဲ့နေရာမှာ ကူညီပါ။ အစိုး ရအနေနဲ့ ရင့်ရင့်ကျက်ကျက် တုံ့ပြန်ပါ။ ပြည်သူတွေအကောင်းဆုံးမျှော်လင့်နေသလိုပဲ ပြည်သူ တွေဟာ အကောင်းဆုံးကိုပဲ တောင်းဆိုခွင့်ရှိတယ်ဆိုတဲ့ အချက်ကိုလည်း မမေ့ပါနဲ့လို့ ပြောချင်တယ်။ ဦးသိန်းစိန်မေ့မယ်လို့လည်း မထင် ဘူး.သူပြောတဲ့အထဲမှာလည်း ဒီအချက် ၂ ချက် ပါပြီးသားဖြစ်တယ်။ ဒါကြောင့် ဦးသိန်းစိန်ရဲ့ စကားတွေကို တိုင်းပြည်က လေးလေးစား စား စောင့်ကြည့်သွားဖို့ လိုလိမ့်မယ်။ သူပြောတဲ့အ တိုင်းပဲ ကျနော်တို့ဘက်ကလည်း ပြည်သူတွေဘက်ကလည်း ရင့်ကျက်မှုရှိရှိနဲ့ တုံ့ပြန် နိုင်အောင် ကြိုးစားသွားရမှာပဲလို့ ပြောချင်ပါတယ်။”
အစိုးရရဲ့ ရှေဆက်ဆောင်ရွက်သွားမယ့် ဆောင်ရွက်ချက်တွေကို ပြည်သူလူထုကြီးထံ အဆက်မပြတ် ပြောကြားသွားပါမယ်လို့ သမ္မတဦး သိန်း စိန်က သူ့ရဲ့နှစ်ကူးမိန့်ခွန်းထဲမှာ အသိပေးပြောကြားသွားပါတယ်။
No comments:
Post a Comment