၂၀၁၂ ခုနှစ် ဒီဇင်္ဘာလ ၃၁ ရက်နေ့သည် ရခိုင်ဘုရင့် နိုင်ငံတော်ကျဆုံး ခဲ့ သည့် ၂၂၈ နှစ် ပြည့်မြောက်နေ့ ဖြစ်သည်။
အဆိုပါ နေ့တွင် ရခိုင်ပြည် ကျဆုံးခြင်းနှင့် ပဋိပက္ခအတွင်း ကျ ဆုံးခဲ့ရသော ရခိုင်အမျိုးသားများ အတွက် ဆွမ်းကျွေး အမျှပေးဝေပွဲကို ကျင်းပခဲ့ကြခြင်း ဖြစ်သည်။
“ အခမ်းအနားကို စစ်တွေ အောင် မြေကုန်းကျောင်းတိုက်တွင် နံနက် (၉) နာ ရီခွဲကနေစတင်ကျင်း ပပါတယ်။ အခမ်းအနားကို ၀ံလက် ဖောင်ဒေးရှင်းမှကို ခိုင်ကောင်းစံ ၊ ရတပ ပါတီမှ ဆရာ ဦးထွန်းအောင်စိန် ၊ ဒေသတွင်း လူမူ အဖွဲ့အစည်း အသီးသီးက တာဝန်ခံတွေနဲ့ ဒေ သခံတိုင်းရင်းသား များ ( ၁၀၀) ခန့် တက်ရောက်ခဲ့ပါတယ်” ဟု တက်ရောက်သူ တစ်ဦးက ပြောသည်။
ပထမဆုံး အနေဖြင့် ရခိုင်ပြည် ကျောင်းသားသမ္မဂမှ ယာယီ ဥက္ကဌ ကိုထူးလင်းသူ မှ ( ၂၂၈ )ကြိမ်မြောက် ရခိုင် ဘုရင့်နိုင်ငံတော် ကျဆုံး ခဲ့ ရခြင်းနှင့် ပတ်သက်ပြီး ရှင်းလင်းပြောကြားခဲ့ပြီး အောင်မြေကုန်း ကျောင်းတိုက် ကျောင်းထိုင် ဆရာတော်ကလည်း ၂၂၈ နှစ်မြောက် နေ့နှင့် ပတ် သက်ပြီး ရှင်းလင်း မိန့်ကြားခဲ့သည်ဟု ဆိုသည်။
အခမ်းအနားတွင် ၂၂၈ နှစ်မြောက် ရခိုင် ဘုရင့်နိုင်ငံတော် ကျဆုံးနေ့မှာ ရခိုင် အမျိုးသားများ အ တွက် မေ့ပျောက် မရနိုင်သော သမိုင်းဝင် နေ့ရက် တစ်ရက် ဖြစ်ကြောင်းကို ပြောကြားခဲ့ပြီး လတ်တလော ဖြစ်ပွား ခဲ့သည် ရခိုင် ပဋိပက္ခ အတွင်း ကျဆုံးခဲ့သူများအား အောက်မေ့ပြီးဆွမ်း ကျွေး အမျှပေးဝေမူကို ပြုလုပ်ခဲ့ကြသည်ဟုသိရသည်။
အာဏာပိုင် အဖွဲ့အစည်းများမှ တစ်စုံတစ်ရာ တားဆီး နှောင့်ယှက်မူ မရှိကြောင်း သိရသည်။ အခမ်းအနားမှာ နေ့လည် ( ၂ ) နာရီခွဲ တွင် အောင်မြင်စွာ ပြီးဆုံးခဲ့ကြောင်း သတင်း ရရှိသည်။
No comments:
Post a Comment