ချင်းအမျိူးသားတပ်ဦး CNF နဲ့ ချင်းပြည်နယ်အစိုးရတို့က ဦးဆောင်ပြီး လာမည့် ဖေဖော်ဝါရီလ ၂၀ ရက်နေ့မှာ ကျရောက်မယ့် ၆၅ နှစ်မြောက် ချင်းအမျိူးသားနေ့ကို “ပြည်နယ်နေ့” အနေနဲ့ မဟုတ်တော့ဘဲ “ အမျိူးသားနေ့”အဖြစ် ချင်းပြည်နယ်ရဲ့ မြို့တော် ဟားခါးမြို့က ၀မ်းသူမောင် အားကစားကွင်းမှာ ကျင်းပကြမှာဖြစ်တယ်လို့ သိရပါတယ်။
ချင်းအမျိူးသားနေ့ အဖြစ် ပြန်လည် ကျင်းပခွင့်ရတာဟာ ချင်းအမျိူးသားတပ်ဦး နဲ့ ပြည်ထောင်စုအစိုးရအကြား ငြိမ်းချမ်းရေးဆွေးနွေးပွဲရဲ့ ရ လဒ်တခုဖြစ်တယ်လို့လည်း ချင်းအမျိူးသားတပ်ဦးCNF အထွေထွေ အတွင်းရေးမှူး ၁ ပူးပေါလ်စီထားက ပြောပါတယ်။
ပြည်ထောင်စုအဆင့် ကျနော်တို့ဆွေးနွေးတဲ့ အချက်ထဲမှာ ပါပါတယ်၊ ချင်းပြည်နယ်နေ့ နဲ့ မကျင်းပဖို့ ချင်းအမျိူးသားနေ့နဲ့ကျင်းပဖို့ ကျနော်တို့သဘောတူထားတာရှိတယ် အဲဒါရဲ့ ရလဒ်ပေါ့ဗျာ အခုတော့ ချင်းအမျိူးသား နေ့အနေနဲ့ဘဲ အားလုံးကျင်းပကြမှာဖြစ်ပါတယ်’
၁၉၇၄ ခုနှစ်မှာ ချင်းဝိသေသတိုင်းကနေ ချင်းပြည်နယ်အဖြစ်ပြောင်းလဲသတ်မှတ်လိုက်ပြီး တဲ့နောက်ပိုင်းက စပြီး ဦးနေဝင်း အစိုးရလက်ထက် -- ဖေဖော်ဝါ ရီ ၂၀ ရက်နေ့ကို ချင်း အမျိူး သားနေ့အဖြစ် ကျင်းပခွင့်မပြုတော့ဘဲ ချင်းပြည်နယ်နေ့အဖြစ်နဲ့သာ ကျင်းပခိုင်းခဲ့ဖြစ်ပါတယ်။
၁၉၄၈ ခု ဖေဖော်ဝါရီ ၂၀ ရက်နေ့က ဖလမ်းမြိုမှာ ကျင်းပတဲ့ လူထုညီလာခံမှာ တက်ရောက်လာတဲ့ လူထု ၅ ထောင်ကျော် က မြေရှင်ပဒေ သ ရာဇ်အုပ်ချူပ်မှုစနစ်ကို ဖျက်သိမ်းပြီး ဒီမိုကရေစီအုပ်ချူပ်မှုစနစ်ကို စတင်ကျင့်သုံးဖို့ သဘောတူညီ ခဲ့ကြတဲ့နေ့ကို အစွဲပြုပြီး ဖေဖော်ဝါရီ ၂၀ ရက်နေ့ကို ချင်းအမျိူးသားနေ့အဖြစ် သတ်မှတ်ခဲ့ကြတာဖြစ်တယ်လို့ ရေဒီယို သြစတေးလျသတင်းထောက် သန်းကျော်စိုး က သတင်း ပေးပို့ထားပါတယ်။
No comments:
Post a Comment