ပြည်နယ်အစိုးရထံအပါအဝင် ပြည်ထောင်စုလွှတ်တော်ကိုယ်စားလှယ်တွေနဲ့တခြားနိုင်ငံရေးပါတီတွေထံကိုလည်းလာရောက်တင်ပြ တောင်း ဆိုနေကြပါတယ်။
လွိုင်ကော်မြို့နယ်အတွင်းမှာဆိုရင် လောပိတကျေးရွာအုပ်စုအတွင်းက အကျဉ်းဦးစီးဌာနကနေ သိမ်းဆည်းထားခဲ့တဲ့ဧက ၄၀၀ ကျော်ရှိသည့် မြေတွေ၊ ယခင်က အမြောက်တပ် ၃၆၂ တပ် ယခု ခမရ ၅၃၀ တပ် တည်ရှိသည့်နေရာတွင် တပ်သိမ်းထားတဲ့ ဧက ၂၀၄၀ ခန့်လောက်ရှိ သည့် မြေယာတွေ ပြန်ရရှိဖို့ တောင်သူလယ်သမားတွေက ကြိုးစားနေကြပါတယ်။
မိုက်ကန်းရွာမှ ကျေးရွာဥက္ကဌ ဦးသက်နိုင်က “ အကျဉ်းဦးစီးမပျက်ခင်မှာပေါ့ ဝန်ကြီးနဲ့တိုက်ရိုက်တင်ပြီးတင် လိုက်တယ်။ အကျဉ်းဦးစီးက ပြည်ထဲရေးက ပျက်သွားတယ်ဆို ရင် အစိုးရအဖွဲ့ကိုအပ်တယ်ဆိုရင် ပြန်လုပ်ပေးမယ်ဆိုတော့အကျဉ်းဦးစီးကမကြာဘူးကျနော်တို့စာတင်ပြီး မကြာခင်မှာပဲပျက်တော့ သူတို့ဆင်းလာတော့ အကွက်တွေ နာမည်တွေ ထည့်ပေးတယ်။ အခုချိန် ထိတော့ဘာမှအကြောင်းမပြန်ဘူး။နောက် ပြီးတော့မှ စစ်တပ်ကသိမ်းထားတဲ့မြေ အဲဒါလည်းတင်ထားတယ်။ အခုလည်းဘာမှ အကြောင်းမပြန်ဘူး လွှတ် တော်ကိုယ်စားလှယ် လည်း တင်ပြလိုက်တယ်။ ” လို့ ပြောပါတယ်။
၎င်းမြေယာတွေကို မသိမ်းဆည်းခင်ကတည်းက မိုက်ကန်းရွာ၊ ဆိုလဆဲရွာ ၊ ဘုရားဖြူရွာ၊ ပိုးဇာခြံကျေးရွာတွေက တောင်သူတွေက မြေယာ တွေကို လုပ်ကိုင်စားသောက် လာခဲ့ကြတာဖြစ်တယ်လို့ သိရပါတယ်။
“သိမ်းထားတဲ့ဟာတွေ ဦးပိုင်ပေါက်အောင် ပြန်ရချင်တယ် ။ အခုက ကျနော်တို့ဆီမှာ တရွာလုံးမှာက ဒါကိုပဲအားကိုးပြီးမှီခိုပြီး လုပ်စားနေကြ တာဖြစ်ပါတယ်။ အခု သူတို့သိမ်း ထားတဲ့အတွက်ကြောင့် ကျနော်တို့လည်း အခက်အခဲ အများကြီးရှိတယ်။မရှိမဲ့ရှိမဲ့သူတွေကအခွန်ဆောင် ပြီးပေးနေရတဲ့သူတွေက တရွာလုံးနစ်နာနေတဲ့ အခြေအနေရှိတာပေါ့” လို့ မိုက် ကန်း ရွာမှ ဦးဗျားရယ်က ပြောပါတယ်။
ထိုနည်းတူစွာပင် ဒီးမော့ဆို့မြို့နယ် ငွေတောင်ကျေးရွာအုပ်စုအတွင်းက ၁၀၂ တပ် ၊ ၄၂၇ တပ်တို့ သိမ်းဆည်းခဲ့သည့် လယ်တွေ၊ မြေတွေနှင့် ဖရူဆိုမြို့နယ်မှ အမှတ် (၁၄) စစ်ရေးလေ့ကျင့်ရေးကျောင်း တည်ဆောက်နေသည့် ကျောင်းမှတပ်သိမ်းမြေတွေ ဒါတွေအားလုံးကို ပြန်ရဖို့ လူ ထုတွေက တောင်းဆိုနေကြပါတယ်။
ယခုလိုကြုံတွေ့နေကြရတဲ့ တောင်သူလယ်သမားတွေအနေနဲ့ ယခင်အစိုးရလက်ထက်က သိမ်းဆည်းခဲ့သည့် လယ်ယာမြေတွေကို ပြန်လည် ရရှိဖို့ကြိုးစားနေကြတာဟာ သက်ဆိုင်ရာ အစိုးရကနေပြီး ဥပဒေနဲ့အညီ အဆင့်ဆင့် ဆောင်ရွက်ပေးသွားမယ်ဆိုရင် ပြန်လည်ရရှိနိုင်ပါတယ် လို့ ဥပဒေတတ်ကျွမ်းနားလည်သည့် တရားလွှတ်တော်ရှေ့နေ ဦးစိန်ကြိုင် ကပြောပါတယ်။
“အခုချိန်မှာ ဒီလိုသိမ်းထားတဲ့မြေကို ပြန်လျှောက်မယ်ဆိုရင် ကျနော်တို့ ဒီ ဥပဒေနဲ့အညီ အဆင့်ဆင့်ကို ပြန်လည်တင်ပြပြီးတော့မှ မိမိ ဘယ်တုန်းက ဘယ်လိုလုပ်ကိုင်ခဲ့ သလဲ ၊ လုပ်လဲလုပ်လာပါတယ်၊ ဆွေစဉ်မျိုးဆက်ပေါ့နော ဘိုးဘွားစဉ်ဆက် လုပ်လာတဲ့မြေဖြစ်ပါတယ်၊ ခိုင် လုံတဲ့ အထောက်အထားတွေနဲ့ လုပ်ပိုင်ခွင့်ကိုလည်း ယနေ့ ကျနော်တို့ လုပ်နေပါတယ်ဆိုတဲ့ အ ကြောင်းအရာတွေကို တင်ပြပြီးရင် သက် ဆိုင်ရာ ၀န်ကြီးဌာနမှတစ်ဆင့် နိုင်ငံတော်သမ္မတကြီးထိပေါ့ ဒီပေါ်မှာ အဆင့်ဆင့်တင်ပြသွားမယ်၊ သက်ဆိုင်ရာအဖွဲ့စည်းကလည်း အဆင့် ဆင့် ဖြေရှင်းပေးသွားမယ် ဆိုရင် ဒီလယ်မြေတွေက ပြန်ရနိုင်ပါတယ်။” လို့ ပြောပါတယ်။
လက်ရှိလယ်ယာမြေတွေကို လုပ်ကိုင်စိုက်ပျိုးနေကြတဲ့ တောင်သူလယ်သမားတွေ အနေနဲ့ကတော့ ဒီလိုမြေယာသိမ်းဆည်းခံရတဲ့ ပြဿနာ တွေ ထပ်မံမဖြစ်ပွားရလေအောင် တဖက်တလမ်းမှ အထောက်အ ထားဖြင့် ကာကွယ်တားဆီးရလေအောင် ၂၀၁၂ ခုနှစ် လယ်ယာမြေ ဥပ ဒေအသစ်နှင့်အညီ လယ်ယာမြေလုပ်ကိုင်ခွင့် ဆိုတဲ့ဥပဒေအတိုင်း လက်မှတ်တွေ ပြုလုပ်ထားဖို့ လျှောက်ထားဖို့ လိုအပ်နေလို့ တရား လွှတ် တော်ရှေ့နေ ဦးစိန်ကြိုင်က ပြောပါတယ်။
တရားလွှတ်တော်ရှေ့နေ ဦးစိန်ကြိုင်က “ ဒီလိုလာသိမ်းမယ်ဆိုရင် အသိမ်းမခံရအောင် ကျနောတို့ ဒီလယ်ယာမြေ ၂၀၁၂ လယ်ယာမြေ ဥပ ဒေမှာ ပင်ရင်းပိုင်ရှင် နိူင်ငံတော်ဖြစ်တယ်။ လက်ရှိလုပ်ကိုင်နေတဲ့ လယ်ယာစိုက်ပျိုးရေး လယ်ယာမြေမှာ စိုက်ပျိုးလုပ်ကိုင်နေတဲ့သူများ က ဒီစိုက်ပျိုးဖို့ လုပ်ငန်းများကို လုပ်ကိုင်နိုင်ဖို့အတွက် လုပ်ပုိုင်ခွင့် အခွင့်အရေးလေးကို လွှဲပြောင်းပေးလျက် ဖြစ်ပါတယ်” လို့ ပြောပါ တယ်။
၂၀၁၂ ခုနှစ် လယ်ယာမြေဥပဒေအသစ် ရဲ့အားသာချက်အနေနဲ့ကတော့ လယ်ယာမြေတွေကို ရောင်းချခြင်း၊ ပေါင်နှံခြင်း ၊ဝယ်ယူခြင်းစတာ တွေကို ဥပဒေမှာ ထည့်သွင်းပြဌာန်း ထားတာတွေ့ရပါတယ်။
“ဥပဒေ တစ်ခုတော့ ဒီပြဌာန်းတဲ့အခါမှာ အားနည်းချက် အားသာချက် ကောင်းတာဆိုးတာတော့ အမြဲဒွန်တွဲနေတာပေါ့နော် လူမှုဘ၀ပတ်ဝန်းကျင်မှာ ဒါကြောင့်မို့လို့ ကောင်းတာရှိသလို ဆိုးတာလေးတွေရှိ တယ်။ အကျိုးသက်ရောက်မှုရှိသလို အကျိုးလျော့နည်းသွားစေတာတွေ ဖြစ်ပေါ်လာတတ်တယ်ပေါနော” လို့ ဦးစိန်ကြိုင်က ပြောပါတယ်။
လယ်ယာမြေဥပဒေနဲ့ပတ်သက်လို့ ဒေသခံ ပြည်သူလူထုတွေ သိရှိနားလည်အောင် ကျေးရွာအလိုက် ကျေးရွာအုပ်စုဥက္ကဌတွေကို အသိပ ညာပေး သင်တန်းတွေ ပေးနေတယ်လို့လည်း သိရပါတယ်။
တောင်သူ လယ်သမားတွေအနေနဲ့ လယ်ယာမြေလုပ်ပိုင်ခွင့် မှတ်ပုံတင်ဖို့ သင်တန်း ဒီးမော့ဆိုမြို့နယ်အုပ်ချုပ်ရေးမှူးရုံးမှာလည်းသင်တန်း တွေ ပေးပြီး လက်ဆင့်ပြန်လည် ပို့ချစေခဲ့ပါတယ်။ ဒါ့အပြင် ဆိုဘော သဲကျေးရွာမှာလည်း ဥပဒေနဲ့ပတ်သက်ပြီး သိရှိနားလည်အောင် ၃ ရက်သာ သင်တန်း ပို့ချသေးတယ်လို့ သိရပါတယ်။
No comments:
Post a Comment