ဗိုလ်ချုပ်မှူးကြီးသန်းရွှေ လက်မှတ်ရေးထိုး ထုတ်ပြန်ထားသော လွှတ်တော် ဆိုင်ရာဥပဒေ၊ နည်းဥပဒေများတွင် လွှတ်တော် ကိုယ်စားလှယ်များကို တင်းကျပ်စွာ ချုပ်ကိုင်ထားပြီး လွှတ်တော်အတွင်း လွတ်လပ်စွာပြောဆိုခွင့်၊ ဆွေးနွေးခွင့်များကို ပိတ်ပင်ထားကြောင်း သိရှိရသည်။စစ်အစိုးရ၏ လွှတ်တော်ဆိုင်ရာ ဥပဒေ အခန်း ၄ တွင် လွှတ်တော် ကိုယ်စားလှယ်များဆိုင်ရာ တာဝန်များ၊ လုပ်ပိုင်ခွင့်များ၊ ကျင့်ဝတ်နှင့် စည်းကမ်းများ၊ ရပိုင်ခွင့်နှင့် အခွင့်အရေး စုစုပေါင်း အချက် ၂၃ ချက်ကို ပြဋ္ဌာန်းထားပြီး ဖွဲ့စည်းပုံ အခြေခံ ဥပဒေနှင့် တို့တာဝန် အရေးသုံးပါးကို စောင့်ရှောက် ရမည်ဆိုသော အချက်ကိုအဓိက ပြဋ္ဌာန်းထားသည်။
“အခုထွက်လာတဲ့ လွှတ်တော်ဆိုင်ရာ ဥပဒေ၊ နည်းဥပဒေကို ဖတ်လိုက်ပြီးတဲ့ အခါမှာ လွှတ်တော် ကိုယ်စားလှယ်တွေ အနေနဲ့ လွှတ်တော်ထဲမှာ သိပ်လုပ်နိုင်ဖို့ လမ်းမမြင်ဘူး။ ကြီးကြီးမားမား ထင်သာ မြင်သာတဲ့ အပြောင်း အလဲကြီးတွေကို ဖော်ဆောင်ခွင့် ရဖို့ တကယ့်ကို မလွယ်ဘူး” ဟု နိုင်ငံရေးပါတီတခုမှ တာဝန်ရှိသူတဦးက ပြောသည်။
လွှတ်တော် ကိုယ်စားလှယ်များ၏ တာဝန်များတွင် ဖွဲ့စည်းပုံ အခြေခံဥပဒေနှင့် တည်ဆဲဥပဒေများကို ကာကွယ် စောင့်ရှောက်ခြင်း၊ ပြည်ထောင်စု အကျိုးစီးပွားကိုသာ အဓိကထားပြီး လွှတ်တော်သို့ ဥပဒေကြမ်းများ၊ အဆိုများ တင်သွင်း ဆွေးနွေးခြင်း၊ နိုင်ငံသားများ၏ မူလအခွင့်အရေးများ ရရှိခံစားနိုင်ရေးကို ရှေးရှုဆောင်ရွက်ခြင်း၊ နိုင်ငံတော်နှင့် စပ်လျဉ်းသော လျှို့ဝှက်ချက်များကို ထိန်းသိမ်းစောင့်ရှောက်ခြင်း၊ လွှတ်တော်က ပေးအပ်သော တခြားတာဝန်များကို ထမ်းဆောင်ခြင်း ဟူသော အချက် ၅ ချက်ပါဝင်ကြောင်း လွှတ်တော်ဆိုင်ရာ ဥပဒေ ပုဒ်မ ၉ တွင် ဖော်ပြထားသည်။
စစ်အစိုးရက လွှတ်တော်ကိုယ်စားလှယ်များကို တင်းကျပ်သော ဥပဒေ၊ နည်းဥပဒေနှင့် စည်းမျဉ်းစည်းကမ်းများ ချမှတ်ပြီး ထိန်းချုပ်ထားသောကြောင့် မြန်မာ့နိုင်ငံရေး အကျပ်အတည်း အတွက် လွှတ်တော်အတွင်းမှ အဖြေရှာရန် မျှော်လင့်ချက် နည်းသွားပြီဖြစ်ကြောင်း ပြည်တွင်း နိုင်ငံရေး အသိုင်းအ၀န်းက ဝေဖန်နေကြသည်။
“တိုင်းပြည်နဲ့ လူမျိုးအတွက် လွှတ်တော်ကိုယ်စားလှယ်တိုင်းက လွတ်လပ်စွာ ပြောဆိုခွင့် ရှိရမယ်။ အခုဟာက ဖွဲ့စည်းပုံ အခြေခံဥပဒေနဲ့ မဆန့်ကျင်မှ လွတ်လပ်စွာ ပြောဆိုဆွေးနွေးခွင့် ရှိမယ်ဆိုတာ အင်မတန် အရုပ်ဆိုး အကျည်းတန်တဲ့ ပြဋ္ဌာန်းချက်ပဲ။ ပြည်သူ့မျက်နှာကိုပဲကြည့်ပြီး အလုပ်လုပ်မယ်ဆိုရင် ဥပဒေနဲ့ ဆန့်ကျင်တဲ့ ကိစ္စတွေရှိလာနိုင်တယ်။ ဥပမာ- စစ်မှုမထမ်း မနေရ ဥပဒေလိုဟာမျိုးတွေပေါ့။ လက်ရှိအခြေအနေက ပြည်သူတွေ ရွေးကောက်ထားတဲ့ လွှတ်တော် ကိုယ်စားလှယ် ကိုယ်တိုင်တွေတောင်မှ လွတ်လပ်စွာ ပြောဆိုပိုင်ခွင့် မရဘူး။ လုပ်ပိုင်ခွင့်မရှိဘူး” ဟု အဆိုပါ ၀ါရင့် နိုင်ငံရေးသမားကြီးက ထောက်ပြသည်။
လွှတ်တော် ကိုယ်စားလှယ်များ လိုက်နာရမည့် ကျင့်ဝတ်နှင့် စည်းကမ်းများတွင်လည်း ပြည်ထောင်စုမပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေး၊ အချုပ်အခြာအာဏာ တည်တံ့ခိုင်မြဲရေးတို့ကို လိုက်နာစောင့်ထိန်းရမည်၊ ဖွဲ့စည်းပုံ အခြေခံ ဥပဒေ၊ ဥပဒေနှင့် တည်ဆဲ ဥပေဒများပါ ပြဋ္ဌာန်းချက်များကို လိုက်နာ စောင့်ထိန်းရမည်ဆိုသော အချက်များကို ထပ်မံထည့် သွင်းဖော်ပြထားသည်။
“ဥပဒေရဲ့ ပုဒ်မတိုင်းမှာ ဖွဲ့စည်းပုံအခြေခံဥပဒေကို ထိန်းသိမ်းကာကွယ်ပါမယ်၊ ဥပဒေကို စောင့်ရှောက်ပါမယ်ဆိုတဲ့ အချက်က ထပ်ခါထပ်ခါ ပါနေတယ်။ လွှတ်တော်ကိုယ်စားလှယ်တွေ လွှတ်တော်အတွင်းမှာ မေးခွန်း ထုတ်မယ်ဆိုရင်တောင်မှ ပြည်ထောင်စု မပြိုကွဲရေး၊ တိုင်းရင်းသား စည်းလုံး ညီညွတ်ရေး၊ အချုပ်အခြာအာဏာ တည်တံ့ခိုင်မြဲရေးကို ထိခိုက်စေမယ့်
မေးခွန်း မဟုတ်ရဘူး ဆိုပြီး ပုဒ်မ ၁၁၃ (က) မှာ ပြဋ္ဌာန်းထားတယ်။ လွှတ်တော်ကိုယ်စားလှယ်တွေ အနေနဲ့ လက်ညှိုးထောင် ခေါင်းညိတ် လုပ်ဖို့ပဲရှိတော့တယ်” ဟု ရန်ကုန်တရားရုံးချုပ် ရှေ့နေတဦးက သုံးသပ်သည်။
လွှတ်တော် ကိုယ်စားလှယ်များ အပါအ၀င် မည်သူမဆို သတ်မှတ်ထားသော လွှတ်တော်ပရ၀ဏ်အတွင်း ဆန္ဒပြခြင်း သို့မဟုတ် တနည်းနည်းဖြင့် ဆူပူနှောင့်ယှက်ခြင်း၊ လွှတ်တော် အစည်းအဝေး ခန်းမတွင် အနှောင့်အယှက်ပေးခြင်း၊
လျှို့ဝှက် ထိန်းသိမ်းရမည့် လွှတ်တော်ဆိုင်ရာ အချက်အလက်များ ပြင်ပသို့ပေါက်ကြားခြင်း အပါအ၀င် တားမြစ်ချက်များ ဖောက်ဖျက်ပါက အနည်းဆုံးထောင်ဒဏ် တနှစ်ဖြစ်စေ၊ ငွေဒဏ် ကျပ်တသိန်းဖြစ်စေ၊ အများဆုံးထောင်ဒဏ် ၂ နှစ် ဖြစ်စေ၊ ငွေဒဏ် ကျပ် ၂ သိန်းဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း ပုဒ်မ ၅၂ နှင့် ၅၃ တွင်ဖော်ပြထားသည်။
ထို့အပြင် လွှတ်တော် အစည်းအဝေးများ၌လည်း နိုင်ငံတော်၏ ကျေးဇူးသစ္စာကို ဖောက်ဖျက်သော၊ နိုင်ငံတော်၏ အချုပ်အခြာ အာဏာနှင့် လုံခြုံရေးကို ထိခိုက်သော စကားပြောဆိုခြင်းမပြုရ၊ ဖွဲ့စည်းပုံ အခြေခံဥပဒေပါ ပြဋ္ဌာန်းချက်များ၊ လွှတ်တော်၏ အစဉ်အလာများ၊ ထုံးတမ်းများကို ဖောက်ဖျက် ကျူးလွန်ခြင်းများမပြုရ၊ ကြိုတင်ပြုစုလာသော စာတမ်းကို ဖတ်ကြား တင်သွင်းခြင်း မပြုရ ဆိုသော အချက်များ အပါအ၀င် စည်းကမ်းချက် စုစုပေါင်း ၁၃ ချက်ကို ဖောက်ဖျက်ပါက ဖောက်ဖျက် သော လွှတ်တော်ကိုယ်စားလှယ်ကို သတိပေးခြင်း၊ ပြစ်တင်ရှုတ်ချခြင်း၊ အစည်းအဝေး တက်ခွင့်ပိတ်ခြင်း အပြင် နိုင်ငံတော် လျှို့ဝှက်ချက်ပေါက်ကြားပါက မြန်မာနိုင်ငံ အစိုးရ လျှို့ဝှက်ချက် အက်ဥပဒေ အရလည်းကောင်း၊ ပြစ်မှုဆိုင်ရာ ဥပဒေကို ဖောက်ဖျက်လျှင် ပြစ်မှုဆိုင်ရာ ဥပဒေအရ လည်းကောင်း အရေးယူမည်ဖြစ်ကြောင်း လွှတ်တော်ဆိုင်ရာ နည်းဥပဒေများ ပုဒ်မ ၂၈၊ ၂၉ တို့တွင် ဖော်ပြထားသည်။
ဝါရင့် သတင်းစာဆရာ တဦးကမူ စစ်အစိုးရက လမ်းပြမြေပုံအရ ဖြစ်ပေါ်လာသော အစိုးရသစ်နှင့် လွှတ်တော်စနစ်သည် အတုအယောင် ဒီမိုကရေစီအစိုးရနှင့် လွှတ်တော်စနစ်သာ ဖြစ်သည်ဟု ပြောသည်။
“ရွေးကောက်ပွဲမှာလည်း မဲလိမ်မဲခိုးမှုတွေ အများကြီးဖြစ်ခဲ့တယ်။ ဥပေဒကလည်း ဗိုလ်ချုပ်တွေ စိတ်ကြိုက် ရေးထားတဲ့ဥပဒေ။ ဘယ်လိုနည်းနဲ့မှ ဒီမိုကရေစီစနစ်ရဲ့ အနှစ်သာရလည်း ပေါ်ထွန်းမှာ မဟုတ်ဘူး” ဟု ၎င်းကဆိုသည်။
၂၀၁၀ ပြည့်နှစ် နိုဝင်ဘာလ ၇ ရက်နေ့တွင် ကျင်းပခဲ့သော ရွေးကောက်ပွဲတွင် ဝန်ကြီးချုပ် ဗိုလ်ချုပ်ကြီးဟောင်း ဦးသိန်းစိန် ခေါင်းဆောင်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီက လွှတ်တော်အမတ်နေရာ ၁၁၅၄ နေရာရှိသည့်အနက် ၈၈၂ နေရာ အနိုင်ရရှိခဲ့ သည်ဟု ရွေးကောက်ပွဲ ကော်မရှင်က ကြေညာခဲ့သည်။
No comments:
Post a Comment