မေလ ၉ ရက်မှာ အစိုးရငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင် ဦးအောင်မင်းက ပထမအဆင့်အဖြစ် တုိုင်းရင်းသားလက်နက်ကိုင်အဖွဲ့ ၁၆ ဖွဲ့နဲ့ အပစ်ရပ်ရေး လက်မှတ်ရေးထုိုးနုိုင်ဖုို့ လုပ်ဆောင်မှာ ဖြစ်ပြီး တုိုက်ပွဲဖြစ်နေတဲ့ ကုိုးကန့်၊ ရခုိုင့်တပ်မတော်နဲ့ တာအာင်း ပလောင်အဖွဲ့တွေကုို နောက်ချန်အနေနဲ့ ဆွေးနွေးမယ်လုို့ မီဒီယာကို ပြောဆိုချက်နဲ့ပတ်သက်ပြီးဆက်သွယ်မေးမြန်းရာမှာ သူက ခုလို ပြောလိုက်တာ ဖြစ်ပါတယ်။
“ကျနော်တို့ရဲ့ အန်စီအေ (အပစ်ရပ်စာချုပ်မူကြမ်း) ထဲမှာပါတဲ့ ပြဋ္ဌာန်းချက်တခုက အတူတကွ လက်မှတ်ရေးထိုရန်ဆိုပြီး သုံးထားတယ်၊ တပြိုင်နက်တော့ မဟုတ်ဘူး၊ တချိန်တည်း တပြိုင်တည်းတော့ မဟုတ်ဘူး၊ အတူတကွလက်မှတ်ရေးထိုးရန်ဆိုတဲ့ စကားလုံး အရဆိုရင် စာချုပ်ထဲမှာပါဖို့လိုတယ်။ ဒါပေမယ့် တချိန်တည်း၊ တပြိုင်တည်း ထိုးသလား မထိုးဘူးလားနဲ့ အတူတကွ ပါတာနဲ့ အဓိပ္ပာယ်က နည်းနည်းကွာတယ်။”
ဒီကိစ္စနဲ့ပတ်သက်ပြီး အစိုးရနဲ့အပေးအယူလုပ် ညှိနှိုင်းပြောဆိုရဦးမယ်လို့ ပြောပါတယ်။
ပြီးခဲ့တဲ့ ၀ဒေသ ပန်ဆန်းစည်းဝေးပွဲမှာ တိုင်းရင်းသားလက်နက်ကိုင်တပ်ဖွဲ့အားလုံးက အပစ်ရပ်လက်မှတ်ထိုးတဲ့အခါ အဖွဲ့အားလုံးပါဝင်လက်မှတ်ထိုးဖို့ ဆုံးဖြတ်ချက်ချထားခဲ့တာဖြစ်ပါတယ်။
အစိုးရကတော့ သူနဲ့ဆွေးနွေးလက်စ တိုင်းရင်းသားလက်နက်ကိုင်အဖွဲ့ ၁၆ ခုနဲ့ပဲ တနိုင်ငံလုံးအပစ်ရပ်လက်မှတ်စာချုပ် လက်မှတ်ထိုးမယ်လို့ ပြောဆိုနေတာပါ။
တနိုင်ငံလုံးအပစ်ရပ်လက်မှတ်ထိုးဖို့ တိုင်းရင်းသားလက်နက်ကိုင်တပ်ဖွဲ့တို့ရဲ့ အလုပ်အဖွဲ့ အန်စီစီတီထိပ်သီးစည်းဝေးပွဲကို မေလနောက်ဆုံးပတ်အတွင်း ကရင်ပြည်နယ်၊လော်ခီးလာမှာ ကျင်းပပြုလုပ်ဖို့ရှိပြီး အဲ့ဒီထိပ်သီးစည်းဝေးပွဲ ဆုံးဖြတ်ချက်နဲ့ အစိုးရနဲ့ ဆက်လက်တွေ့ဆုံဆွေးနွေးပြီး အပြီးသတ်လက်မှတ်ထိုးကြမှာ ဖြစ်ပါတယ်။
No comments:
Post a Comment