Saturday, April 9, 2016

လိပ်ကျွန်းလူသတ်မှုအတွက် နောက်ဆုံးအယူခံတင်သွင်းရန် အသင့်ဖြစ်နေ

ဖနိဒါ

ထုိုင်းနုိုင်ငံ တောင်ပုိုင်း ဆူရတ်ဌာနီခရုိုင် လိပ်ကျွန်းလူသတ်မှုဖြင့် သေဒဏ်ချမှတ်ခံရသူ မြန်မာရွှေ့ပြောင်းလုပ်သား နှစ်ဦး၏ အမှု နောက်ဆုံးအယူခံကုို ဧပြီ ၂၂ ရက်တွင် တင်သွင်းရန် အဆင်သင့် ဖြစ်နေပြီ ဖြစ်ကြောင်း သိရသည်။

ကုိုဇော်လင်းနှင့် ဝင်းဇော်ထွန်းတုို့အား သေဒဏ်ချမှတ်မှုအပေါ် အယူခံ ဝင်ရန်အတွက် သုံးလကြာ အချိန်ယူ၍ ပြင်ဆင်ထားသော အယူခံကုို လာမည့် ဧပြီလ ၂၂ ရက်မတုိုင်မီ ဘန်ကောက်မြို့ရှိ အယူခံ တရားရုံးသုို့ တင်သွင်းသွားမည် ဖြစ်ကြောင်း မြန်မာသံရုံး အထူးစုံစမ်းရေးကော်မတီမှ ရှေ့နေ ဦးအောင်မျိုးသန့်က ပြောသည်။

“အခုတော့ အဆင်သင့်ဖြစ်နေပါပြီ။ ၂၂ ရက်နေ့ နောက်ဆုံးထားပြီးတော့ အယူခံတင်ရမယ်လုို့ ပြောပါတယ်။ အခု လောလော ဆယ်တော့ မြန်မာပြည် ဥပဒေအရာရှိတွေရဲ့ အကြံပေးစာကုိုလည်း အန်ကယ်တုို့ သံရုံးကနေ ရှေ့နေများ ကောင်စီ ရုံးကုို ပုို့လုိုက်ပါပြီ။ အင်္ဂလိပ်လုိုရေးပြီးတော့ အယူခံ အကြံပေးချက်ပေါ့၊ ပုိုပြီးပါပြီ”ဟု ရှေ့နေ ဦးအောင်မျိုးသန့်က မဇ္ဈိမကုို ပြောသည်။

မြန်မာလုပ်သား ကုိုဇော်လင်းနှင့် ဝင်းဇော်ထွန်းတုို့ အပြစ်မရှိကြောင်း ရုံးတော်သုို့ တင်ပြထားသဖြင့် တရား ဥပဒေအတုိုင်း ဆောင်ရွက်မည်ဆုိုပါက အဆင်ပြေသွားမည် ဖြစ်ကြောင်း သူက ပြောသည်။

အယူခံ တင်ပြပြီးနောက် တရားရုံးမှ ပြန်လည် သုံးသပ် စစ်ဆေး၍ လုိုအပ်ပါက တရားခံပြနှင့် တရားလုိုပြသက်သေများအား ပြန်လည် စစ်ဆေးမည် ဆုိုပါက အချိန် ၆ လ ကြာမည် ဖြစ်ကြောင်း သူက ပြောသည်။

အမိန့်ချမှတ်ခဲ့ပြီးနောက် အမှု အယူခံ လျောက်ထားရန်အတွက် ရက်တုိုးပေးရေးရန် တတိယမြောက် တင်ပြချက်ကုို မတ် ၂၃ ရက်က တရားရုံးသုို့ တင်ပြခဲ့ခြင်း ဖြစ်သည်။

၂၀၁၄ ခုနှစ် စက်တင်ဘာလက ဗြိတိန်နုိုင်ငံသား ဟန်နာ ဝစ်သာရစ်နှင့် ဒေးဗစ်မေလာတုို့ လိပ်ကျွန်းတွင် အသတ်ခံရမှုတွင် မြန်မာရွေးပြောင်းအလုပ်သမား ကုိုဇော်လင်းနှင့် ကုိုဝင်းဇော်ထွန်းတုို့ကုို ထိုင်းရဲတပ်ဖွဲ့က တရားလို ပြုလုပ်၍ တရားစွဲဆုိုခဲ့ရာ ၂၀၁၅ ခုနှစ် ဒီဇင်ဘာလ ၂၄ ရက်က သေဒဏ် ချမှတ်ခဲ့ခြင်း ဖြစ်သည်။

လက်ရှိ ကုိုဇော်လင်းနှင့် ဝင်းဇော်ထွန်းတုို့သည် ဘန်းကောက်မြို့အနီးရှိ ဘန်ခွမ် အကျဉ်းထောင်တွင် အကျဉ်းကျခံနေရကာ ကျန်းမာရေးကောင်းမွန်နေသည်ဟု သိရသည်။

No comments: