ရခိုင်ကမ်းလွန် ရွှေသဘာဝ ဓာတ်ငွေ့စီမံကိန်းတွင် အဓိက ရင်းနှီမြုပ်နှံ လုပ်ကိုင်နေသော တရုတ် ရေနံကုမ္ပဏီကို ကျောက်ဖြူမြို့၌ ဧပြီလ ၁၁ ရက်နေ့တွင် ဆန္ဒပြမည်ဟု သိရသည်။
လျော်ကြေးမရရှိသည်မှာ သုံးနှစ်ရှိပြီဖြစ်သဖြင့် ဆန္ဒပြတောင်းဆိုရန် စီစဉ်ရခြင်းဖြစ်ကြောင်း ဦးဆောင်းသူတစ်ဦးဖြစ်သူ ကဘိုင်ချောင်းကျေးရွာမှ ဦးဝေထွန်းဖြူ ကပြောသည်။
”လျော်ကြေးမရတာသုံးနှစ်ရှိပြီ။ တရားလွန်သွားပြီ။ ဒေသခံတွေ ဆုံးရှုံးနစ်နာနေတာတွေကို ဂရုစိုက်ဘူး။ လာရောက်တောင်းဆိုတာလည်း အကြိမ်ပေါင်းများစွာရှိနေပြီဖြစ်တဲ့အတွက် ခုထိမရသေးလို့ ဆန္ဒပြဖို့ စီစဉ်ရတာဖြစ်တယ်“ဟု ဦးဝေထွန်းဖြူ ကပြောသည်။
ဆန္ဒပြပွဲအတွက် ခွင့်ပြုချက်ကို ဧပြီလ ၅ ရက်နေ့က လျှောက်ထားလိုက်ပြီး ခွင့်ပြုချက်ရပါက ဧပြီလ ၁၁ရက်နေ့ ညနေ ၃ နာရီတွင် ဓာတ်ငွေ့သန့်စင်စက်ရုံအနီးရှိ China National Petroleum Corporation(CNPC) ရုံးရှေ့၌ ဆန္ဒဖော်ထုတ်ပွဲ လုပ်သွား မည်ဟု သိရသည်။
ကျောက်ဖြူမြို့နယ်၊ မြို့ချောင်းကျွန်း၊ ကဘိုင်ချောင်း၊ ရတဏ၊ ကျောက်ခမောက်၊ ဂြင်ကြီး စသည့် ကျေးရွာများတွင် ရေနံနှင့် သဘာဝဓာတ်ငွေ့ပိုက်လိုင်းကြောင့် ပျက်စီးသွားသည့် မြေယာ ဧက(၁၀၀)ခန့် ရှိပြီး လျော်ကြေးရရှိမည့် မြေယာ ပိုင်ရှင် ၁၁၁ ယောက် ရှိကြောင်း သိရသည်။
No comments:
Post a Comment