၂၁-ရာစု ပင်လုံအကြိုပြင်ဆင်ရေးဆပ်ကော်မတီနှင့် တိုင်းရင်းသားလက်နက်ကိုင်အဖွဲ့အစည်း ကိုယ်စားလှယ်အဖွဲ့(DPN)တို့ ဇူလိုင် ၁ ရက်နေ့တွင် တွေ့ဆုံဆွေးနွေးမည်

ဖနိဒါ

ပြည်ထောင်စု ငြိမ်းချမ်းရေး ညီလာခံ-၂၁ ရာစုပင်လုံ အကြိုပြင်ဆင်ရေးဆပ်ကော်မတီနှင့် တုိုင်းရင်းသား လက်နက်ကုိုင် အဖွဲ့အစည်းဘက်မှ နုိုင်ငံရေးဆုိုင်ရာ ညှိနှိုင်းဆွေးနွေးရေး ကုိုယ်စားလှယ်အဖွဲ(DPN)တုို့ လာမည့် ဇူလုိုင်လ ၁ ရက်နေ့ ရန်ကုန်မြို့တွင် တွေ့ဆုံဆွေးနွေးမည် ဖြစ်ကြောင်း နှစ်ဖက် ကုိုယ်စားလှယ်များမှ သိရသည်။

အစုိုးရဘက်မှ ဒေါက်တာ တင်မျိုးဝင်းဦးဆောင်သော ကုိုယ်စားလှယ် ၇ ဦးနှင့် ညီညွတ်သော တုိုင်းရင်းသား လူမျိုးများ ဖက်ဒရယ်ကောင်စီ(UNFC) မှ ဖွဲ့စည်းထားသော DPN ခေါင်းဆောင် ခူဦးရယ်နှင့် အဖွဲ့ဝင်များ အပါအဝင် ၆ ဦးတုို့နှင့် ရန်ကုန်မြို့ အမျိုးသား ရင်ကြားစေ့ရေးနှင့် ငြိမ်းချမ်းရေး ဗဟုိုဌာန(NRPC) ရုံးတွင် တွေ့ဆုံဆွေးနွေးမည် ဖြစ်ကြောင်း ပြည်ထောင်စု ငြိမ်းချမ်းရေး ညီလာခံ-၂၁ ရာစုပင်လုံ အကြိုပြင်ဆင်ရေးဆပ်ကော်မတီမှ အတွင်းရေးမှူး ဦးလှမောင်ရွှေက ပြောသည်။

“သူတို့ မနက်ဖြန် ရောက်ပြီးတော့ ၁ ရက်နေ့မှာမှ ရုံးမှာ ဆွေးနွေးဖုို့ ညှိနှိုင်းထားတယ်။ သူတုို့အနေနဲ့ အရင်က မေးထားတာ သိလုိုတာ ၊ ထပ်ပြီးတော့ သေချာချင်လုို့ ကျနော်တို့ မေးမယ့်ဟာတွေရှိမယ်။ ယူအန်အက်ဖ်စီ ခေါင်းဆောင်တွေကုို ဒေါက်တာတင်မျိုးဝင်းတုို့ အနေနဲ့ ဒေါ်အောင်ဆန်းစုကြည်နဲ့ တွေ့ဆုံနုိုင်ဖုို့ ဖိတ်ကြားထားတာရှိတယ်။ အဲဒီအတွက် ကြိုတင်ပြီးတော့ ပြင်ဆင်တဲ့ လုပ်ငန်းရပ်တွေပါမယ်လုို့ ထင်ပါတယ်”ဟု ဦးလှမောင်ရွှေက မဇ္စျိမကုို ပြောသည်။

လာမည့် ဇူလုိုင်လဆန်းပုိုင်းတွင် ဒေါ်အောင်ဆန်းစုကြည်နှင့် UNFC ခေါင်းဆောင်များ နေပြည်တော်တွင် တွေ့ဆုံရန် ပြင်ဆင်ထားသဖြင့် ကြိုဆင်ပြင်ဆင်ခြင်းလည်း ဖြစ်သည်ဟု သူက ပြောသည်။

အစိုးရ ကုိုယ်စားလှယ်များနှင့် DPN ကုိုယ်စားလှယ်များ တွေ့ဆုံ၍ ငြိမ်းချမ်းရေးဖြစ်စဉ်ကုို ဆက်လက် ဆောင်ရွက်ရန်အတွက် ညှိနှိုင်းဆွေးနွေးသည့် အကြိုညှိနှိုင်းဆွေးနွေးခြင်းလည်း ဖြစ်သည်ဟု DPN ခေါင်းဆောင် ခူဦးရယ်က ပြောသည်။

“အဓိကတော့ ပထမအကြိမ် ချင်းမုိုင်မှာ တွေ့ဆုံတုန်းက ကျနော်တုို့ပြောခဲ့ဆုိုခဲ့တာနဲ့ ပတ်သက်ပြီးတော့ ကျနော်တို့ follow up လုပ်မယ့်သဘောမျိုးပါပါတယ်။ နောက် ယူအန်အက်ဖ်စီ ခေါင်းဆောင်တွေအနေနဲ့ နုိုင်ငံတော် အတုိုင်ပင်ခံ ပုဂ္ဂိုလ်နဲ့ တွေ့ဆုံ မယ်ဆုိုတဲ့ ကိစ္စကုိုလည်း အစိုးရဘက်က ဖိတ်ကြားထားတာရှိတဲ့ အခါကြတော့ ဒီခရီးစဉ် အခြေအနေလေးတွေလည်း ညှိနှိုင်းဆောင်ရွက်ဖို့ ရှိပါတယ်။ နောက်ရှေ့ဆက် တွေ့ဆုံဆွေးနွေးရေးကိစ္စကုိုလည်း ကျနော်တုို့ ဆွေးနွေးမှာဖြစ်တယ်”ဟု သူက မဇ္စျိမကုို ပြောသည်။

DPN အနေဖြင့် ငြိမ်းချမ်းရေးဖြစ်စဉ်တွင် ဆက်လက် ဆောင်ရွက်၊ အကောင်အထည်ဖော်ရန် မူလတပ်ပေါင်းစု၏ ချမှတ်ထားသည့် ပေါ်လစီအတုိုင်း ဆက်လက် လုပ်ဆောင်နေခြင်း ဖြစ်သည်ဟု သူက ပြောသည်။

ဇွန်လ ၃ ရက်က ဒေါက်တင်တင်မျိုးဝင်း ဦးဆောင်သောအဖွဲ့နှင့် DPN တုို့ အလွတ်သဘော တွေ့ဆုံစဉ် ပြည်ထောင်စု ငြိမ်းချမ်းရေး ညီလာခံနှင့် နုိုင်ငံရေး ဆွေးနွေးပွဲတွင် တုိုင်းရင်းသား လက်နက်ကုိုင် အဖွဲ့အစည်းများ အားလုံး ပါဝင်နုိုင်ရေးနှင့် ပတ်သက်၍ DPN ဘက်မှ မေးမြန်း တင်ပြခဲ့ခြင်း ဖြစ်သည်။

မနက်ဖြန် ဇွန်လ ၃၀ ရက်တွင် DPN ခေါင်းဆောင် ခူဦးရယ်၊ ဗုိုလ်ချုပ်စုိုင်းထူး၊ ဗုိုလ်မှူးကြီး ဆော်လမွန်၊ ဗုိုလ်မှူးကြီးမင်းထွန်း၊ ဒေါက်တာ နုိုင်ရွှေသိန်းနှင့် တာ့ညီလူတုို့ ၆ ဦး သွားရောက်မည်ဖြစ်ကြောင်း သိရသည်။

၂၀၁၁ ခုနှစ် ဖေဖော်ဝါရီလက ညီညွတ်သော တုိုင်းရင်းသား လူမျုိးများ ဖက်ဒရယ်ကောင်စီ(UNFC)ကုို စတင်ဖွဲ့စည်းခဲ့ပြီး လက်ရှိNCA လက်မှတ်မရေးထုိုးသေးသော တုိုင်းရင်းသား လက်နက်ကုိုင် အဖွဲ့အစည်း ၉ ဖွဲ့ဖြင့် ဖွဲ့စည်းထာသည်။