မာန်ဇာမြေမွန်
ချင်းတွင်းမြစ်အနောက်ဘက်ကမ်း လက်ပံတောင်းတောင်ဒေသတွင် ချင်းတွင်းမြစ်ရေးတိုးလာသဖြင့် ရေဘေးကြုံတွေ့နေရကြောင်း လက်ပံတောင်းတောင်ဒေသခံများက ပြောသည်။
လက်ပံတောင်းတောင်ဒေသ တုံငါးရွာဖြစ်သော တုံတောကျောင်း၊ တုံရွာသစ်၊ တုံအလယ်ရွာ၊ တုံအလယ်တော၊ တုံရွာမ ကျေးရွာတို့ ရေဘေးကြုံနေရခြင်ဖြစ်ပြီး လက်ရှိတွင် ညောင်ပင်ကြီး-ဆားလင်းကြီး ကားလမ်းဘေးတွင် တဲထိုးနေထိုင်ကြရပြီး ဖြစ်သလိုစားသောက်နေရသည်ဟု ဒေသခံများက ပြောသည်။
"အိမ်တိုင်းနီးပါးရေဝင်နေပြီ၊ မနှစ်ကလောက်မရှိသေးပေမဲ့ တော်တော်လေး ဆိုးပါတယ်။ အခုလက်ရှိတော့ ဆားလင်းကြီး လမ်းပေါ်မှာတက်ပြီးနေထိုင်ရတယ်။ မြေဘေးတင်မကဘူး၊ ရေဘေးပါခံနေရပြီ။"ဟု တုံကျေးရွာဒေသခံ မမာချိုက ပြောသည်။
အဆိုပါကျေးရွာများတွင် အိမ်ခြေ ၃၀၀ ခန့်၌ ရေဝင်ရောက်နေခြင်းဖြစ်ပြီး ညောင်ပင်ကြီး-ဆားလင်းကြီး ကားလမ်းဘေးတွင် အိမ်ခြေ ၅၀ ခန့်က တဲထိုးနေနေပြီး ကျန်သူများမှာ နီးစပ်ရာတွင် အဆင်ပြေသလို နေထိုင်နေရသည်ဟု သိရသည်။
"လူရော တိရိစ္ဆာန်တွေရော ကားလမ်းဘေးမှာ တဲထိုးနေရတယ်။ အလှူရှင်တွေလည်း မလာတော့ ပိုဆိုးတာပေါ့။ နောက်ထပ်ဆိုးတာက ကွမ်းပင်တွေစိုက်ထားတာတွေလဲ ရေဝင်လို့ ဘာမှလုပ်လို့မရဘူး။" ဟု တုံရွာမ ဒေသခံ ကိုမင်းမင်းက မဇ္ဈိမကို ပြောသည်။
ချင်းတွင်းမြစ်ရေသည် သြဂုတ်လ ၁ ရက် မွန်းလွှဲ ၂ နာရီအချိန်တွင် ၁၀၆၀ စင်တီမီတာ ရှိကြောင်း သိရသည်။
No comments:
Post a Comment