ABC
မြန်မာအမျိုးသမီးဘောလုံးအသင်းနဲ့ ထိုင်းဘောလုံးအသင်းတို့ ယှဉ်ပြိုင်ကစားကြတဲ့ပွဲမှာ ဒိုင်လူကြီးဖက်က အတွေ့အကြုံနည်းမှုနဲ့ မျက်နှာလိုက်သလို ကိစ္စရပ်တွေကို အာရှဘောလုံးအဖွဲ့ချုပ်ကို တင်ပြတိုင်တန်းသွားမယ်လို့ မြန်မာအမျိုးသမီး ဘောလုံးနည်းပြက ပြောပါတယ်။
ဗုဒ္ဓဟူးနေ့တုန်းက မန္တလေးမြို့မှာ ကန်ခဲ့တဲ့ ပွဲအတွင်း ဒိုင်လူကြီးရဲ့ လုပ်ရပ်ဟာ ထိုင်းအသင်းကို မျက်နှာသာ ပေးသလို ဖြစ်နေတဲ့အတွက် တိုင်တန်းမှာဖြစ်တယ်လို့ မြန်မာအမျိုးသမီး ဘောလုံးနည်းပြ Kumada Yoshinori က ပြောပါတယ်။
တဆက်တည်းမှာပဲ အသက် ၂၃ နှစ်အောက် အမျိုးသား ဘောလုံးပြိုင်ပွဲမှာတော့ အင်ဒိုနီးရှားအသင်းနဲ့ ထိုင်းနိုင်ငံအသင်းတို့ ဆီးဂိမ်းဖလားအတွက် ဗိုလ်လုကြမှာ ဖြစ်ပါတယ်။
ထိုင်းနိုင်ငံအသင်းက စင်္ကာပူအသင်းကို အနိုင်ယူပြီး ဗိုလ်လုပွဲရောက်သွားတာဖြစ်သလို မြန်မာပြည်သူတွေကို ကြေကွဲအောင် လုပ်ခဲ့တဲ့ အင်ဒိုနီးရှားနိုင်ငံအသင်းကလည်း မလေးရှားအသင်းကို အနိုင်ရပြီး ထိုင်းနိုင်ငံနဲ့ ဗိုလ်လုကြမှာ ဖြစ်ပါတယ်။
ခုလောလောဆယ် ဆီးဂိမ်းဇယားမှာ ထိုင်းနိုင်ငံက ရွှေတံဆိပ် ၈၂ ခုနှစ်နဲ့ ထိပ်ဆုံးနေရာ၊ ဗီယက်နမ်အသင်းက ရွှေတံဆိပ် ၆၄ ခုနဲ့ ဒုတိယနေရာရောက်နေပြီး မြန်မာနိုင်ငံက ရွှေတံဆိပ် အခု ၆၀ နဲ့ တတိယနေရာမှာ လိုက်နေပါတယ်။
ဆီးဂိမ်းအားကစားပွဲတော်မှာ မြန်မာက ပဉ္စမနေရာ ရလိမ့်မယ်လို့ ထင်ကြေးပေးထားပေမယ့် ခုလောလောဆယ် တတိယနေရာ ရောက်နေတဲ့အတွက် ထင်ထားတာထက် အလားအလာကောင်းနေတဲ့ အခြေအနေမှာ ရှိနေပါတယ်။
၂၇ ကြိမ်မြောက် ဆီးဂိမ်းကစားပွဲတွေကို ဒီဇင်ဘာလ ၂၁ ရက်နေ့မှာ အားလုံး အပြီးသတ်ကစားပြီး ဒီဇင်ဘာလ ၂၂ ရက်နေ့မှာတော့ ပိတ်ပွဲအခမ်းအနားကို ကျင်းပမှာ ဖြစ်ပါတယ်။
No comments:
Post a Comment