အောင်ကိုဦး
မန္တလေးနှင့် ချောင်းဝန်းလမ်းတစ်လျှောက်ရှိ ပျိုးခြံတစ်ချို့ကို လမ်းနယ်ကျူးကျော်သည်ဟုဆိုကာ ဖယ်ရှားပေးရန် ပုသိမ်ကြီးမြို့နယ်လမ်းဦးစီးဌာနက မေလ ၂၇ ရက်က အကြောင်းကြားထားသည်ဟု သိရသည်။ "ကျွန်တော်တို့အနေနဲ့ကတော့ မဖယ်ရအောင် စာပြန်တင်ပါမယ်။ ဘာဖြစ်လို့လဲဆိုတော့ လမ်းနဲ့လည်းလွတ်ပါတယ်။ အဆောက်အဦးတွေဘာတွေ ဆောက်ထားတာလည်းမရှိဘူး။ ပျိုးပင်လေးတွေနဲ့ အလှပန်းပင်လေးတွေ ချရောင်းတာပါ။"ဟု ပျိုးခြံပိုင်ရှင် ဦးအေးချိုက ပြောသည်။ အဆိုပါနေရာတွ ပျိုးခြံပေါင်း ၁၀ ခြံရှိနေပြီး ၂၀၁၂ခုနှစ်ကတည်းက စတင်ရောင်းချနေခြင်းဖြစ်သည်။
အကြောင်းကြားစာရရှိထားသူ ဦးစိန်လှကလည်း "လမ်းဘေးဝဲယာ စိမ်းလန်းစိုပြေမှုလည်းရှိတယ်။ လမ်းသွားလမ်းလာတွေကိုလည်း အနှောက်အယှက်မဖြစ်ဘူး။ ဒါကို ဘာကြောင့်ဖယ်ခိုင်းနေတယ် ဆိုတာ မသိဘူး။လမ်းချဲ့မှာတို့ ဒါမှမဟုတ် တစ်ခုခုလုပ်ဖို့ရှိတယ်ဆို ဖယ်ပေးမှာပေါ့။ လောလောဆယ်တော့ ဘာလုပ်ရမယ်ဆိုတာ မသိသေးဘူး။" ဟုပြောသည်။
မေ ၂၇ ရက် နေ့လည် ၂ နာရီက ပေးပို့လာသည့် အကြောင်းကြားစာထဲတွင် "ပုသိမ်ကြီးမြို့နယ် လမ်းဦးစီးဌာန၏ ကွပ်ကဲမှုအောက်တွင်ရှိသော မန္တလေး၊ ချောင်းဝန်းလမ်း၊ မိုင်တိုင်အမှတ် (၂/၁)နှင့် (၂/၂) အတွင်း ကျူးကျော်ထားသော ပျိုးခြံများ ဇွန်လ ၆ ရက်တွင် နောက်ဆုံးဖျက်သိမ်းရန်နှင့် လိုက်နာမှုမရှိပါက တည်ဆဲဥပဒေအရ တရားစွဲဆို အရေးယူသွားမည်။" ဟု ပါရှိသည်။
ထိုသို့အကြောင်းစာရရှိသော ပျိုးခြံပိုင်ရှင်များက စုပေါင်း၍ မန္တလေးတိုင်းဒေသကြီး ဝန်ကြီးချုပ်ထံ အသနားခံစာတင်၍ ဆက်လက်ရောင်းချခွင့်ပြုရန် လုပ်ဆောင်သွားမည်ဟု ပျိုးခြံပိုင်ရှင်များကဆိုသည်။
No comments:
Post a Comment