ကျော်မင်း (စစ်တွေ)
စစ်တွေမြို့နယ်တွင် မေ ၁၅ ရက် ည ၈ နာရီဝန်းကျင် အချိန်ခန့်က ပေါက်ကွဲမှုတစ်ခု ဖြစ်ပွားခဲ့ကြောင်း သိရသည်။
ပေါက်ကွဲမှုနှင့် ပတ်သက်ပြီး စစ်တွေမြို့နယ် နယ်ထိန်းရဲတပ်ဖွဲ့ ခေါင်းဆောင် ဒုရဲအုပ် ဦးအေးခင်မောင်က "ပေါက်ကွဲမှုဖြစ်တာက ကန်တော်ကြီးကန်တူးဖော်တဲ့နေရာအနီးမှာလို့ ယူဆရပါတယ်။ ဗုံးပေါက်တာလား ဘာပေါက်တာလဲဆိုတာ ကျနော်တို့ မသိရသေးပါဘူး။" မဇ္ဈိမကို အတည်ပြု ပြောကြားခဲ့သည်။
ပေါက်ကွဲမှုနှင့်ပတ်သက်ပြီး ရခိုင်ပြည်နယ် ရဲတပ်ဖွဲ့၊ ဒေသကွပ်ကဲမှုစစ်ဌာနချူပ်နှင့် ပြည်နယ်အဆင့် ဌာနဆိုင်ရာ တာဝန်ရှိသူများက စုံစမ်းစစ်ဆေးမှုများပြုလုပ်နေဆဲဖြစ်ကြောင်း သိရသည်။
ယခု ပေါက်ကွဲမှုမတိုင်မီ မတ်လ ၁၀ ရက်နေ့ကလည်း စစ်တွေမြို့၊ ဓည၀တီရပ်ကွက်၊ မေယုလမ်းရှိ RiA - Root Investigative Agency သတင်းဌာန၏ အယ်ဒီတာချူပ် နေအိမ်တွင် ဗုံးပေါက်ကွဲမှုတစ်ခုဖြစ်ပွားခဲ့ပြီး ၎င်းပေါက်ကွဲမှုနှင့် ပတ်သက်ပြီး ယခုတိုင် တရားခံကို စုံစမ်းဖော်ထုတ်နိုင်ခြင်း မရှိသေးကြောင်း စစ်တွေမြို့နယ် အမှတ် (၁) ရဲစခန်းက မဇ္ဈိမကို ပြောကြားခဲ့သည်။
No comments:
Post a Comment