ကာရာအိုကေဘားက ထိုင်းအမျိုးသမီးငယ်တဦးကို သတ်မှုသံသယနဲ့ မြန်မာနိုင်ငံသားတဦးကို ထိုင်းရဲတွေက ဖမ်းဆီးလိုက်ပါတယ်။
ပရာကရက်ပရွမ်ခေါ့တ်ဆိုတဲ့ အမျိုးသမီး သေဆုံးပြီး ၂ ရက်ကြာ အောက်တိုဘာ ၂၉ ရက်နေ့က ဘန်စဖန်ခရိုင်မှာ ရာဘာစိုက်ပျိုးရေးအလုပ်လုပ်တဲ့ အသက် ၄၀ အရွယ် မြန်မာနိုင်ငံသား ဝေးခူးဝေး ဆိုသူကို နေအိမ်တန်းလျားကနေ ဖမ်းဆီးခဲ့တာလို့ ဘန်ကောက်ပို့စ်သတင်းမှာ ဖော်ပြပါတယ်။
အောက်တိုဘာလ ၂၇ ရက်နေ့က တဝန်ဒဲန်ကာရာအိုကေဘားမှာ အလုပ်လုပ်တဲ့ အသက် ၂၂ နှစ်အရွယ် ပရာကရက်ပရွမ်ခေါ့တ်ဆိုတဲ့ အမျိုးသမီး ဟိုတယ်အခန်းတခုထဲမှာ အဝတ်မပါပဲ လည်ပင်းမှာ အညိုအမည်း စွဲဒဏ်ရာတွေနဲ့ ယောင်ယမ်းပြီး သေဆုံးနေတာကို ဟိုတယ်ဝန်ထမ်းက ပရာကရက်က တွေ့ရှိအကြောင်းကြားခဲ့ပြီးနောက် ရဲတွေက စုံစမ်းစစ်ဆေးပြီး အခုလို သွားရောက်ဖမ်းဆီးခဲ့တာလို့ ဆိုပါတယ်။
ရဲတပ်ဖွဲ့ရဲ့ စစ်ဆေးမေးမြန်းချက်အရ မစ္စတာဝေးဟာ အောက်တိုဘာ ၂၆ ရက်နေ့ညက ကာရာအိုကေဘားမှာ ဘီယာသောက်ခဲ့ပြီး အဲဒီအမျိုးသမီးကို ဟိုတယ်မှာ သူနဲ့တညလုံးပျော်ပါးဖို့ ဘတ် ၁၈၀၀ နဲ့ ငှားရမ်းခဲ့ကြောင်း ထွက်ဆိုခဲ့တယ်လို့ ရဲတွေက ပြောပါတယ်။
ဟိုတယ်မှာ သူတို့ ၂ ဦး ပျော်ပါးခဲ့ကြပြီး မစ္စတာဝေးက နောက်တကြိမ်ပျော်ပါးဖို့ တောင်းဆိုတဲ့အချိန်မှာ သေဆုံးသူအမျိုးသမီးထံ ဖုန်းလာခဲ့ကြောင်း၊ ဖုန်းဟာ သေဆုံးသူအမျိုးသမီးရဲ့ ရည်းစားဖြစ်ဟန်တူကြောင်း၊ အဲဒီနောက် အမျိုးသမီးက တညလုံး မနေချင်တော့ကြောင်း ငြင်းဆန်ခဲ့လို့ မစ္စတာဝေးဟာ ဒေါသထွက်လာပြီး သေဆုံးသူအမျိုးသမီးနဲ့ ရန်ဖြစ်ခဲ့တယ်၊ အဲဒီနောက် အမျိုးသမီးကို အဓမ္မပြုကျင့်ခဲ့တယ်၊ အမျိုးသမီးလည်း အော်ဟစ်အကူအညီတောင်းပေမယ့် သူက အမျိုးသမီး မလှုပ်နိုင်တော့တဲ့အထိ လည်ပင်းညှစ်ခဲ့တယ်လို့ ထွက်ဆိုခဲ့ကြောင်း ရဲတွေက ပြောပါတယ်။
မစ္စတာဝေးဟာ ဖြစ်ခဲ့တာတွေကို အထိတ်တလန့် အံ့အားသင့်ခဲ့ပြီး သူနေတဲ့တန်းလျားကို ပြန်ခဲ့တယ်လို့ ဆိုပါတယ်။
သူ့အနေနဲ့ ထွက်ပြေးဖို့ ကြိုးစားမှာမဟုတ်သလို အခုသူလုပ်ခဲ့တာတွေအတွက်လည်း တော်တော်စိတ်မကောင်းဖြစ်တယ်လို့ ဆိုပါတယ်။
ကျူးလွန်ခဲ့တာတွေကို ရာဇဝတ်မှုကြောင်းအရ ပြန်လည် သရုပ်ပြဖို့အတွက် ရဲတွေက မစ္စတာဝေးကို ကာရာအိုကေဘားနဲ့ ဟိုတယ်ကို ပြန်လည်ခေါ်ဆောင်ခဲ့ပါတယ်။
ဒေါသထွက်နေတဲ့ သေဆုံးသူရဲ့ အမျိုးတွေနဲ့ ရပ်ကွက်နေလူထု ၁၀၀ ကျော်လောက်ရဲ့ ထိုးကြိတ်ရိုက်နှက်မှုကို ကာကွယ်ပေးနိုင်ဖို့ ရဲအယောက် ၅၀ လောက်က သူနဲ့အတူလိုက်ပါခဲ့ရကြောင်း သတင်းမှာ ဖော်ပြထားပါတယ်။
No comments:
Post a Comment