သျှမ်းပြည်မြောက်ပိုင်း သီပေါမြို့နယ် နမ့်လန် ဒေသနှင့် သျှမ်းပြည်တောင်ပိုင်း မိုင်းကိုင်မြို့နယ် တုံလော အုပ်စု တို့တွင်ဖြစ်ပွါးခဲ့သော သျှမ်းပြည်ပြန်လည် ထူထောင်ရေးကောင်စီနှင့် အစိုးရတပ်မတော်ကြား မူးယစ် ဆေးဝါး ဆိုင်ရာ ပြသနာများစီစစ်ဖြေရှင်းနိုင်ရန် စီစစ်အတည်ပြုရေးအဖွဲ့ ဖွဲ့စည်းကာ လာမည့်လဆန်းပိုင်းတွင် ကွင်းဆင်း စီစစ်မည်ဖြစ်ကြောင်း သိရသည်။
စီစစ်အတည်ပြုရေးအဖွဲ့အား အောက်တိုဘာလ ၁၇ ရက်နေ့တွင်ဖွဲ့စည်းရာ အရပ်သားကိုယ်စားလှယ် ၂ ဦးဖြစ် သော (အငြိမ်းစား ဗိုလ်မှူးကြီး ) ဦးမောင်မောင်ငြိမ်းနှင့် ဦးစိုင်းမျိုးသန့် ၊ အစိုးရကိုယ်စားလှယ် ၂ ဦးဖြစ်သော ဗိုလ်မှူးကြီး ၀ဏ္ဏအောင်နှင့် ဒုဗိုလ်မှူးကြီး လင်းထက်ကျော် ၊ EAO အဖွဲ့မှ ၂ ဦးဖြစ်သော ဗိုလ်မှူးစိုင်းဦး နှင့် ABSDF မှ ရဲဘော် ဆလိုင်းရောအောင် – စုစုပေါင်း ၆ ဦးပါဝင်သည်။ အဆိုပါစီစစ်အတည်ပြုရေးအဖွဲ့၏ အဖွဲ့ေ ခါင်းဆောင်မှာ အရပ်သားကိုယ်စားလှယ်မှ ဦးမောင် မောင်ငြိမ်း ဖြစ်ကြောင်း ၊ အဖွဲ့ဝင် ၆ ဦးတွင် တပ်မတော်သား အများဆုံး ပါဝင် ကြောင်း သိရသည်။
“ဆိုတော့အဖွဲ့ထဲမှာ တပ်မတော်ကလာတဲ့လူ ၃ ယောက်တောင်ရှိနေပြီလေ။ အဖွဲ့ခေါင်းဆောင်ကလည်း အရပ် သားကိုယ်စားလှယ်က ဆိုပေမယ့် သူကလည်း အရင်ကသူ စစ်တပ်မှာတာဝန်ထမ်းခဲ့ဖူးတယ် ဗိုလ်မှူးကြီးအဆင့် အထိ ။ နောက်ပြီး စစ်သင်တန်းကျောင်း က ဌာနမှူးလည်းဖြစ်ခဲ့ဖူးတယ်။ သူက ကြယ် ၅ ပွင့် သင်္ဘောကော်ပို ရေးရှင်းမှာလည်း ညွှန်ကြားရေး မှူးချုပ်ဖြစ်ခဲ့ဖူး တယ်။ ဆိုတော့ဒီစစ်ဆေးမှုကလည်း ဘယ်လိုလာမလဲ စောင့် ကြည့်ရဦးမယ် ” – ဟု နီးစပ်သည့်ပုဂ္ဂိုလ်တဦးကပြောသည်။
အဆိုပါကော်မတီမှာ ပဋိပက္ခဖြစ်ပွါးရာ ဒေသသို့ ကွင်းဆင်းစစ်ဆေးရန်အတွက် ပစ်ခတ်တိုက်ခိုက်မှုရပ်စဲရေး ဆိုင်ရာ ပူးတွဲ စောင့်ကြည့်ရေးကော် မတီ JMC ၏ TOR အရ ပြင်ဆင်ရေး အစည်းအဝေးကို အောက်တိုဘာလ ၂၆ – ၂၇ တွင် ရန်ကုန်မြို့တွင်ကျင်းပခဲ့ပြီး အောက်တိုဘာလ ၃၁ ရက်နေ့ တွင် စတင်ကွင်း ဆင်း စစ်ဆေးမည်ဖြစ်ကြောင်းသိရသည်။
“ ၃၁ ရက်နေ့ စ မယ်။ နမ့်လန်မှာအရင်သွားပြီးစစ်ဆေးမယ်။ အုပ်ချုပ်ရေးမှူးေ တွ ဒေသတွင်းလူထုနဲ့ မူးယစ် ဆေးဝါး သုံးစွဲ လို့အဖမ်းခံရတဲ့သူတွေကို သွားပြီးမေးမြန်းမယ်။ အချက်အလက်တွေကောက်ယူမယ်။ ပြီးရင် မိုင်းကိုင်၊ တုံလောကိုသွားမယ်။ ဒေသတွင်းလူထု၊ RCSS /SSA ရဲ့ တာဝန်ခံ၊ ရပ်ရွာသူကြီး နဲ့ စာရိတ္တပြုပြင် ရေးစခန်းက တပ်မတော်စစ်ကြောင်းနဲ့အတူ ဖမ်းဆီးခံသွားရတဲ့သူတွေ ကိုသွားပြီးမေးမြန်းမယ်။ အချက် အလက်တွေရ လာရင် JMCU ကိုတင်ပြမယ်။ JMCU က စစ်ဆေးပြီးမှ ဘယ်သူမှား ဘယ်သူမှန် ဆိုတာ ဆုံးဖြတ်မယ်” – ဟု RCSS/SSA ၏ ငြိမ်းချမ်းရေးဆွေးနွေးရေး အတွင်းရေးမှူး ဒု – ဗိုလ်မှူးကြီးစိုင်းငင်း ကပြော သည်။
သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် သည် ပြီးခဲ့သည် စက်တင်ဘာလ ၁၇ ရက်နေ့က နမ့်လန်အုပ်စုရှိ မူးယစ်ဆေးဝါး ရောင်းဝယ်ဖောက်ကားသူနှင့် သုံးစွဲသူ ၅၇ ဦးကို မူးယစ်ဆေး ဝါးများနှင့်အတူ ခေတ္တဖမ်းဆီးပညာပေးမှုပြုခဲ့ရာတွင် – ဖမ်းထားသည့် လူထုအားအမြန်ဆုံးပြန် လွှတ်ပေးရန် အစိုးရတပ်မတော်ပိုင်သတင်းစာမှ ထုတ်ပြန်ကြေငြာခဲ့သကဲ့သို့ ရလခ စစ်တိုင်းရုံးမှလည်း RCSS/SSA ထံစာပေးပို့ခဲ့သည်။
ထို့အပြင်အစိုးရတပ်မတော်သည် သျှမ်းပြည်တောင်ပိုင်း မိုင်းကိုင်မြို့နယ် တုံလောကျေးရွာအုပ်စုရှိ RCSS/SSA ၏ စာရိတ္တပြုပြင်ရေးစခန်းအား အောက် တိုဘာလ ၁ ရက်နေ့မှ ၃ ရက်နေ့အထိ ၀င်ရောက်တိုက်ခိုက်ရာ ဒေသခံ ၂၀၀၀ ကျော် စစ်ဘေးဒဏ်သင့်ခဲ့ရသည်။ အဆိုပါစခန်းမှာ အကျင့်စာရိတ္တပြုပြင် ဆဲ ဆေးစွဲဒေသခံများအားလည်း စစ်ကြောင်းမှဖမ်းဆီးသွားပြီး RCSS မှ ဖမ်းဆီးထားသည့်ဒေသခံလူထုဟုဆိုကာ အောက်တိုဘာလ ရ ရက်နေ့တွင်ပြန်လွှတ်ပေးကြောင်း နိုင်ငံတော်ပိုင်သတင်းစာတွင် ထုတ်ပြန်ကြေငြာခဲ့သည်။
၎င်းနှင့်ပတ်သက်ပြီး RCSS/SSA က မိမိတို့တွင် ပြည်သူလူထုအား ဖမ်းဆီးခြင်းမဟုတ်ကြောင်း၊ အစိုးရနှင့် ပြည်နယ်အဆင့် ပြည်ထောင်စုအဆင့် အပစ်ရပ်လက်မှတ်ရေးထိုးစဉ်က ရရှိထားသောသဘောတူညီချက် အတိုင်း မူးယစ်ဆေးဝါးတိုက်ဖျက်ရေးတွင် လက်တွဲဆောင်ရွက်သွားမည်ဟူသည့် အချက်ကို လက်တွေ့ဆောင် ရွက်ခြင်းဖြစ်ကြောင်း သျှမ်းသံတော် ဆင့်မှ တွေ့ဆုံမေးမြန်း စဉ်ကပြောဆိုခဲ့သည်။
No comments:
Post a Comment