ဆီးဂိမ်းအားကစား ဖွင့်ပွဲကခမ်းအနားတုန်းက သတင်းမီဒီယာသမား အယောက်ပေါင်း ၃၀၀ ယောက် သာနေရာပေးနိုင်ခဲ့တဲ့အတွက် ဝေဖန်မှုတွေခံခဲ့ရပြီး အခုလို မီဒီယာသမားတွေအတွက်နေရာတိုးပေးခဲ့ တာဖြစ်ပါတယ်။
ဆီးဂိမ်း ပိတ်ပွဲအခမ်းအနားအတွက် နိုင်ငံခြား သတင်းထောက်အယောက် ၁၀၀၊ နိုင်ငံခြား အသံလွင့် သတင်းထောက် အယောက် ၁၀၀နဲ့ ပြည်တွင်း သတင်းထောက် အယောက်ပေါင်း ၃၀၀ အတွက် နေရာ ပေးသွားမယ်လို့ ဆီးဂိမ်းကျင်းပရေးကော်မတီ သတင်းနဲ့ ပြန်ကြားရေးဌာနက တာဝန်ခံ ဦးဝင်းကြည်က ပြောပါတယ်။
အခု ဆီးဂိမ်း အားကစားပြိုင်ပွဲရဲ့ နောက်ဆုံး ဆုတံဆိပ် ရရှိတဲ့ စာရင်းဇယားအရ ထိုင်းနိုင်ငံက မြန်မာကို ကျော်ပြီး ထိပ်ဆုံးနေရာမှာရှိနေပါတယ်။
ထိုင်းနိုင်ငံက ရွှေတံဆိပ်ဆု ၄၅ ခု၊ ငွေတံဆိပ် ၄၁ ခု၊ ကြေးတံဆိပ် အခု ၄၀နဲ့ ထိပ်ဆုံးနေရာမှာရှိနေပြီး မြန်မာနိုင်ငံကတော့ ရွှေတံဆိပ်ဆု ၃၈ခု၊ ငွေတံဆိပ် ၃၁ခု၊ ကြေးတံဆိပ် ၃၅ခုနဲ့ ဒုတိယနေရာမှာ ရောက်ရှိသွားပါတယ်။
ဗီယက်နမ်နိုင်ငံကတော့ ရွှေတံဆိပ်ဆု ၃၆ခု၊ ငွေတံဆိပ် ၃၂ခု၊ ကြေးတံဆိပ် ၄၁ခုနဲ့ တိယနေရာမှာ ရှိနေပြီး အင်ဒိုနီးရှားနဲ့ မလေးရှားနိုင်ငံတို့က စတုတ္ထနဲ့ ပဉ္စမ နေရာမှာ လိုက်နေပါတယ်။
No comments:
Post a Comment