ABC
နိုင်ငံတနိုင်ငံရဲ့ ဖွံ့ဖြိုးရေးမှာ လျှပ်စစ်မီးက အဓိက အခန်းကဏ္ဍမှာ ပါဝင်တဲ့အတွက် အာရှဖွံ့ဖြိုးရေးဘဏ်ကနေ မြန်မာနိုင်ငံ လျှပ်စစ်လုပ်ငန်းအတွက် ဒေါ်လာ သန်းပေါင်း ၆၀ ချေးဌားမှာဖြစ်ပါတယ်။
အာရှဖွံ့ဖြိုးရေးဘဏ်ရဲ့ ချေးငွေတွေကြောင့် ရန်ကုန်၊ မန္တလေး၊ စစ်ကိုင်းနဲ့ မကွေးမြို့ ဒေသတွင်းက အိမ်ခြေပေါင်း ငါးသိန်းနီးပါးမှာ လျှပ်စစ်မီး ပုံမှန်ရရှိဖို့ရှိတဲ့အတွက် စီးပွားရေးလုပ်ငန်းတွေ၊ ဆေးရုံ၊ ဆေးခန်းတွေ ပုံမှန်လည်ပတ်နိုင်မှာ ဖြစ်ပါတယ်။
အဲဒ့ါအပြင် အင်အားကြီးတဲ့ ထရန်စဖော်မာတွေနဲ့ အစားထိုးသွားဖို့ရှိသလို ဓာတ်မီးကြိုးတွေကိုလည်း အစားထိုးသွားဖို့ပါတယ်။
မြန်မာနိုင်ငံရဲ့ စွမ်းအင်ဆိုင်ရာ ဥပဒေကိုလည်း ပြင်ဆင်ရေးဆွဲရာမှာလည်း ကူညီပေးမှာ ဖြစ်ပါတယ်။
နောက်ပိုင်းမှာ ကျေးလက်ဒေသဖက်ကို ဦးတည်လုပ်ပေးဖို့ရှိပြီး လျှပ်စစ်ကဏ္ဍမှာ ငွေကြေးတွေ များပြားလာအောင် ပုဂ္ဂိလတွေနဲ့ ပူးတွဲလုပ်ငန်းတွေလုပ်ရာမှာလည်း အာရှဖွံ့ဖြိုးရေး အေဒီဘီ ဘဏ်က ကူညီသွားမှာဖြစ်ပါတယ်။
အာရှဖွံ့ဖြိုးရေးဘဏ်အနေနဲ့ မြန်မာနိုင်ငံ စီးပွားရေးမှာလည်း တိုးတက်မှုရှိလာအောင် အသေးစားနဲ့ အလတ်စား စီးပွားရေးတွေကို အားပေးထောက်ပံ့မှုတွေ၊ ပညာရေးမှာ အသက်မွေးဝမ်းကြောင်း သင်တန်းတွေ ပေးသွားဖို့ရှိပြီး အိမ်နီးချင်းနိုင်ငံတွေနဲ့ ဆက်သွယ်နိုင်အောင် အဝေးပြေး လမ်းမကောင်းတွေ ထားရှိဖို့အတွက်နဲ့ စိုက်ပျိုးရေးနဲ့ ရေပေးဝေရေးစနစ် တိုးတက်ဖို့အတွက်လည်း ကူညီဖို့ ရှိပါတယ်။
No comments:
Post a Comment