ABC
ဒီလာမယ့် ၂၀၁၄ခုနှစ် ဇန်န၀ါရီလ တတိယပတ်ကျရင် ကရင်အမျိုးသားအစည်းအရုံး (KNU) ထိန်းချုပ်နယ်မြေမှာ ပြုလုပ်မယ့် တိုင်းရင်းသား လက်နက်ကိုင် အဖွဲ့အစည်းတွေရဲ့ တွေ့ဆုံပွဲကို ဖျက်သိမ်းလိုက်ရကြောင်း ကေအန်ယူက ပြောပါတယ်။
တွေ့ဆုံပွဲကို ဇန်န၀ါရီလ ၁၈ရက်နေ့မှာလုပ်ဖို့ စီစဉ်ထားပေမယ့် ကရင်အမျိုးသား နှစ်သစ်ကူးပွဲ အပါအ၀င် အခြားပွဲတော်ရက်တွေနဲ့ တိုက်ဆိုင်နေတဲ့အတွက် တိုင်းရင်းသားအဖွဲ့အစည်းတွေအားလုံး မတက်ရောက်နိုင်မှာကို စိုးရိမ်တဲ့အတွက် ဆွေးနွေးပွဲကို ဖျက်သိမ်းခဲ့ရတဲ့အကြောင်း ကေအန်ယူဥက္ကဌ လုံခြုံရေးအရာရှိ ဗိုလ်မှူးစောရန်နိုင်က ပြောပါတယ်။
တိုင်းရင်းသားလက်နက်ကိုင် အဖွဲ့အစည်းတွေဟာ အောက်တိုဘာ လကုန်ပိုင်းကပဲ ကချင်လွတ်မြောက်ရေးတပ် (KIA) ထိန်းချုပ်နယ်မြေဖြစ်တဲ့ လိုင်ဇာမြို့မှာ ထိပ်သီးဆွေးနွေးပွဲတစ်ရပ်ပြုလုပ်ခဲ့သလို နိုဝင်ဘာလ ဆန်းပိုင်းမှာလည်း မြစ်ကြီးနာမှာ အစိုးရနဲ့ ငြိမ်းချမ်းရေး ဆွေးနွေးမှုတွေပြုလုပ်ခဲ့ပြီး သဘောတူညီချက် ၁၁ချက် ရရှိခဲ့ပါတယ်။
အဆိုပါ သဘောတူညီချက်တွေကို အခုဖျက်သိမ်းလိုက်တဲ့ ဇန်န၀ါရီလတွေ့ဆုံပွဲမှာ အပြီးသတ်ဆွေးနွေးသွားမယ်လို့ ရည်ရွယ်ထားခဲ့ကြတဲ့အကြောင်း မြစ်မခ သတင်းအရ သိရပါတယ်။
No comments:
Post a Comment