ရခိုင်ဒေသခံတွေအနေနဲ့ မြောက်ဦးမြို့မှာရှိတဲ့ နိုင်ငံတကာ အန်ဂျီအိုအဖွဲ့အစည်းတွေရဲ့ လှုပ်ရှားဆောင်ရွက်မှု တွေနဲ့ပတ်သက်ပြီး ပွင့်လင်းမြင်သာမှုမရှိတဲ့အတွက် မြောက်ဦးမြို့ကနေ ထွက်ခွာပေးဖို့ အခုလိုတောင်း ဆိုရ တာဖြစ်တယ်လို့ မြောက်ဦးမြို့လူမှုကွန်ယက်အဖွဲ့က ဦးထွန်းနေ၀င်းက အခုလိုပြောပါတယ်။
“ဒီ INGO နဲ့ ပတ်သက်ပြီးတော့ ကျနော်တို့ မြောက်ဦးမြို့က အချက် ၉ချက်တောင်းဆိုတယ်၊ အဲဒီထဲမှာ ကျနော်တို့ ကော်မတီတွေက INGO နဲ့ ပေါင်းစည်းပြီးတော့ လုပ်ဖို့အတွက်ကို ကျနော်တို့ request လုပ်တယ်၊ ပွင့်လင်းမြင်သာမှုရှိဖို့အတွက် အကူအညီသွားပေးမဲ့နေရာတွေကို ဒီကကော်မတီက ကိုယ့်စရိတ်နဲ့ ကိုယ် လုပ်ပေးပါမယ်၊ သူတို့ဘယ်နေရာသွားတယ်၊ ဘာလုပ်တယ်ဆိုတာ ကျနော်တို့ ပွင့်ပွင့်လင်းလင်း သိစေချင်တယ်၊ ဒါကျနော်တို့ လက်ရှိအခြေအနေမှာ အမျိုးသားရေးကိစ္စဖြစ်နေတယ်၊ တချို့ဟာတွေ ပြည်သူလူထုအနေနဲ့ ယုံကြည်စိတ်ချရမှု မရှိတာတွေရှိတယ်၊ အဲဒါကို ကျနော်တို့ အပြန်အလှန်နားလည်မှုယူမယ်ဆိုတာကိုလည်း ကျနော်တို့ ပွင့်ပွင့်လင်းလင်းပြောသေးတယ်၊ ဒါပေမဲ့ သူတို့လက်မခံပါဘူး၊ အဲဒီအတွက် ကျနော်တို့ဒီမြောက်ဦးမြို့ ကနေထွက်ခွာဖို့ ကျနော်တို့တောင်းဆိုထားပါတယ်။”
မြောက်ဦးမြို့ ဒေသခံတွေက ဒီဇင်ဘာ ၂၂ရက်နေ့က ပြုလုပ်တဲ့အစည်းအဝေးမှာ နိုင်ငံတကာ အန်ဂျီအို အဖွဲ့အစည်းတွေဌားရမ်းနေထိုင်နေတဲ့ ဟိုတယ်နဲ့တည်းခိုခန်းပိုင်ရှင်တွေကိုခေါ်ယူပြီး ဌားရမ်းခြင်းမပြုလုပ်ဖို့ ဆွေးနွေးခဲ့တယ်လို့ ပြောပါတယ်။
ပြီးခဲ့တဲ့ ဒီဇင်ဘာ၁၂ရက်နေ့ကတည်းက မြောက်ဦးမြို့နယ်ထဲက နိုင်ငံတကာ NGO အဖွဲ့အစည်းတွေ အနေနဲ့ ဒီဇင်ဘာ ၂၀ရက်နေ့ နောက်ဆုံးထားပြီးထွက်ခွာပေးဖို့ ဒေသခံတွေက ကြေညာချက် ထုတ်ပြန်ပြီး တောင်းဆိုထားပေမယ့် INGO တွေက အခုချိန်ထိထွက်ခွာတာမရှိသေးတဲ့အတွက် ဒီဇင်ဘာ ၂၄ရက်နေ့ နောက်ဆုံးထားပြီး ထွက်ခွာပေးဖို့ ဒေသခံတွေက တောင်းဆို နေတာဖြစ်ပါတယ်။
သတ်မှတ်ရက်မှာ ထွက်မသွားဘူးဆိုရင်တော့ ဒေသခံတွေက ဆန္ဒပြကန့်ကွက်မှုတွေလုပ်သွားမယ်လို့ ရေဒီယိုသြစတြေးလျ သတင်းထောက် မြတ်မိုးက သတင်းပေးပို့ထားပါတယ်။
ရခိုင်ပြည်မှာ သန်ခေါင်စာရင်းကောက်ယူဖို့ လုံခြုံရေးပါ ချမှတ်ပေးမယ်
ရခိုင်ပြည်နယ်မှာ သန်ခေါင်စာရင်းကောက်ယူဖို့အတွက် လိုအပ်တဲ့ကဏ္ဍတွေမှာ ဖြည့်ဆည်းဖို့ ရခိုင်ပြည်နယ်အစိုးရကအဖွဲ့က ပြင်ဆင်နေပြီး လုံခြုံရေးတွေလည်း ချမှတ်ပေးမယ်လို့ သိရပါတယ်။
သန်းခေါင်စာရင်းကောက်ယူမယ့် ဝန်ထမ်းတွေကို သင်တန်းပို့ချတာတွေ၊ သန်းခေါင်းစာရင်း ကောက်ယူရမယ့် ကောက်ကွက်မြေပုံရေးဆွဲတဲ့ အသိပညာပေးရေးတွေ လုပ်ဆောင်နေပြီး လိုအပ်တဲ့ လုံခြုံရေးတွေလည်း ချမှတ်ပေးဖို့ရှိတယ်လို ရခိုင်ပြည်နယ်အုပ်ချုပ်ရေးမှူး ဦးမင်းချစ်ဦး ကပြောပါတယ်။
၂၀၁၃ ခုနှစ် နှစ်ဆန်းပိုင်းတုန်းက ရခိုင်ပြည်နယ်စစ်တွေမြို့၊ နာရီကန်ကျေးရွာ ဒုက္ခသည်စခန်းမှာရှေ့ပြေး သန်းခေါင်စာရင်း ကောက်ခံမှုတွေပြုလုပ်ခဲ့ပေမဲ့ ဘင်္ဂါလီလူမျိုးတွေက ရိုဟင်ဂျာဆိုတာထည့်ပေးဖို့ ပြောဆိုရာကနေ စာရင်းကောက်သူတွေနဲ့ ဘင်္ဂါလီ ရိုဟင်ဂျာတွေအကြား အငြင်းပွားပြီး ရုန်းရင်းဆန်ခတ်ဖြစ်ပွားခဲ့တဲ့အတွက် လုံခြုံရေးပါ ချပေးဖို့ စီစဉ်နေတာ ဖြစ်ပါတယ်။
အဲဒီလိုဖြစ်ရပ်တွေရှိခဲ့တာကြောင့် ရခိုင်ပြည်နယ်သန်းခေါင်စာရင်းကော်မတီကတင်ပြပြောဆိုခဲ့တာမှာ ပြည်နယ်အုပ်ချုပ်ရေးမှူးက သန်ခေါင်စာရင်း ကော်မတီမှာ ပြည်နယ်ရဲတပ်ဖွဲ့တွေ ပါဝင်ပေမဲ့လိုအပ်ရင်လုံခြုံရေးတွေဆောင်ရွက်ပေးသွားမယ်လို့ ပြောပါတယ်။
ရခိုင်ပြည်နယ် ဒုက္ခသည် စခန်းအတွင်း သန်းခေါင်စာရင်း ကောက်ယူတဲ့အခါ ကြိုတင် အကြောင်းကြားမှုတွေ လုပ်ရမယ်လို့လည်း ပြည်လုံးကျွတ်သန်းခေါင်စာရင်းကောက်ခံရေးအဖွဲ့က ထုတ်ပြန်ထားပါတယ်။
ရခိုင်ပြည်နယ်အတွင်း သန်းခေါင်စာရင်း ကောက်ကွက်က ၅၀၀၀ နီးပါးရှိကြောင်းလည်း သိရပါတယ်။ ပြည်လုံးကျွတ်သန်ခေါင်စာရင်းကို ၂၀၁၄ ခုနှစ်မတ်လ(၃၀) ရက်ကနေ ဧပြီလ(၁၀) ရက်နေ့အထိစာရင်းကောက်ယူမှာဖြစ်ပြီး သန်းခေါင်စာရင်းကောက်ယူဖို့အတွက် ကုလသမဂ္ဂက ကူညီထောက်ပံ့မှုတွေ လုပ်ပေးတဲ့အကြောင်း မြစ်မခ သတင်းအရ သိရပါတယ်။
No comments:
Post a Comment