မြန်မာနိုင်ငံ သတင်း လွတ်လပ်ခွင့်က ပြီးခဲ့တဲ့ နှစ်ပေါင်း ၅၀ ကျော် ၆၀အတွင်းမှာဆိုရင် အမှောင်ထဲကို ရောက်နေရာက အခုသုံးနှစ် လောက် အတွင်းမှာ မီဒီယာ ဖွံ့ဖြိုး တိုးတက် လာမှုတွေကို သိသိသာသာ မြင်လာ ရကြောင်း၊ အခု အစိုးရရော၊ နောက် ဘယ်အစိုးရပဲ တက်တက် သတင်း လွတ်လပ်ခွင့်နဲ့ ပတ်သက်ပြီးတော့ အ ကောင်း ဆုံး ဆောင်ရွက် ပေးသွားမယ်လို့ ယုံကြည်ကြောင်း ရန်ကုန် သတင်းပညာ သင်တန်းကျောင်းက သတင်းစာဆရာ ဦးရဲနိုင်မိုးကပြောပါတယ်။
ညီလာခံကို တက်ရောက်ခဲ့တဲ့ The Cronicle အယ်ဒီတာ ဦးဇေယျာလှိုင် ကတော့ မီဒီယာ လွတ်လပ်ခွင့် သိသိ သာသာ တိုးတက် လာတာ တွေ့လာရပေမယ့် သတင်းရယူခွင့်နဲ့ ပတ်သက်ပြီးတော့ အခက်အခဲတွေ ရှိနေသေးတယ်လို့ ဆိုပါတယ်။
ဒါပေမယ့် သတင်း မီဒီယာလွတ်လပ်ခွင့်တွေ ရရှိလာတာနဲ့ အမျှ သတင်းထောက်တွေ အနေနဲ့ကလည်း သတင်းရေးသား ဖော်ပြတဲ့အခါမှာ မျှတမှုရှိဖို့နဲ့ သတင်းစာ ဆရာကျင့်ဝတ်နဲ့ အညီ နေထိုင်ဖို့ လိုအပ်ကြောင်း သတင်းသမားတွေက ပြောပါတယ်။
မြန်မာနိုင်ငံရဲ့ ယခုနှစ် သတင်း လွတ်လပ်ခွင့် အဆင့်ဟာ ဒေသတွင်းက မလေးရှား၊ စင်ကာပူ၊ ဘင်္ဂလားဒေ့ရှ်၊ ဖိလစ်ပိုင်နိုင်ငံတွေရဲ့ အပေါ်မှာရှိနေ ပါတယ်။
အပြည်ပြည် ဆိုင်ရာ သတင်း မီဒီယာ ညီလာခံကို မတ်လ ၁၀ ရက်နေ့မှ ၁၂ ရက်နေ့အထိမြန်မာနိုင်ငံ၊ ရန်ကုန်မြို့ရှိ UMFCCI မှာပြုလုပ်ခဲ့ပြီး East-West Center က ဆောင်ရွက်ပေးခဲ့တာဖြစ်ပါတယ်။
အဆိုပါ မီဒီယာ ညီလာခံကို နိုင်ငံပေါင်း၂၅ နိုင်ငံက သတင်းမီဒီယာ လောကသား အယောက်ပေါင်း ၃၀၀ ကျော် တက်ရောက်ခဲ့ကြတယ်လို့ သိရပါတယ်။
သုံးရက်တာ ဆွေးနွေးပွဲအတွင်း နိုင်ငံတကာက မီဒီယာတွေကြုံတွေ့နေရတဲ့ အခက်အခဲတေကို ဆွေးနွေးခဲ့ကြပါတယ်။
အရင်က အပြည်ပြည် ဆိုင်ရာ သတင်း မီဒီယာ ညီလာခံတွေကို ထိုင်းနိုင်ငံ ဘန်ကောက်မြို့၊ တောင်ကိုးရီးယားနိုင်ငံ ဆိုးလ်မြို့ နဲ့ ဟောင်ကောင်တွေမှာ ကျင်းပခဲ့ကြကြောင်း မြစ်မခ သတင်းအရ သိရပါတယ်။
No comments:
Post a Comment