ဒုချီရာတန် ကျေးရွာ မီးလောင်မှုဟာ တစ်အိမ်နဲ့ တစ်အိမ် အနီးကပ် လောင်ကျွမ်း တာ မဟုတ်တဲ့ အတွက် သာမာန် လောင်ကျွမ်းတာ မဟုတ်ပဲ ရှို့မီး ဖြစ်နိုင်တယ်လို့ စုံစမ်း စစ်ဆေးရေး ကော်မရှင်က မနေ့က မြန်မာ ငြိမ်းချမ်းရေး စင်တာမှာ ပြုလုပ်တဲ့ သတင်းစာ ရှင်းလင်းပွဲမှာ ထုတ်ပြန် ပြောဆိုခဲ့ပါတယ်။
စုံစမ်းစစ်ဆေးရေး ကော်မရှင် ဥက္ကဌ ဒေါက်တာသာလှရွှေက မီးလောက်ကျွမ်းမှုဖြစ်စဉ်နဲ့ ပတ်သတ်ပြီး အခုလိုပြောပါတယ်။
"ဒီအုပ်စုသည်မွတ်စလင်လား၊ ဒီအုပ်စုသည်ရခိုင်လား ဘာပဲဖြစ်ဖြစ် ကိုယ့်အထင်ပဲရှိနေတာကိုး။ အထောက်အထားအပေါ်မှာမူတည်ပြီးတော့ပဲ သုံးသပ်ချက်ကိုထုတ်ပါမယ်။ အထောက်အထားမရှိတဲ့ဟာ ဘယ်သွားပြီးသုံးသပ်လို့ရမလဲ။"
ဒါ့အပြင် ဒုချီရာတန် ကျေးရွာမှာ ပျောက်ဆုံးခဲ့တဲ့ ရဲတပ်ကြပ်ကြီး အောင်ကျော်သိန်းဟာ အသတ်ခံရတာ ဖြစ်တဲ့အကြောင်း ဒုချီရာတန် စုံစမ်း စစ်ဆေးရေး ကော်မရှင်က ပြောပါတယ်။
ဒုချီရာတန်ပဋိပက္ခစုံစမ်းစစ်ဆေးရေး ကော်မရှင်ကို နိုင်ငံတော်သမ္မတရုံးက ဖေဖော်ဝါရီလ ၆ရက်နေ့မှာ ဖွဲ့စည်းပေးခဲ့ပြီး ကော်မရှင်အနေနဲ့ အခင်းဖြစ်ပွားရာဒေသကို ဖေဖော်ဝါရီလ ၁၅ ရက်နေ့ကနေ ၂၁ ရက်နေ့အထိ စုံစမ်းစစ်ဆေးမှုတွေ သွားရောက်လုပ်ကိုင်ခဲ့တာဖြစ်တဲ့အကြောင်း မြစ်မခ သတင်းအရ သိရပါတယ်။
No comments:
Post a Comment