အရင်တုန်းက အခွန်နဲ့ ပတ်သက်တဲ့ ဥပဒေကို အစိုးရက ပြဋ္ဌာန်းကောက်ခံ တာဖြစ်ပြီး ဒီနှစ်မှာတော့ အခွန်နဲ့ ပတ်သက်တဲ့ ဥပဒေကို လွှတ်တော်က ပထမဆုံး အကြိမ် ပြဋ္ဌာန်းခဲ့ တာဖြစ်ပြီး လွတ်တော်က ပြဋ္ဌာန်းချက် အတိုင်း ကောက်ခံ သွားမယ်လို့ ပြောပါတယ်။
ပြည်ထောင်စု လွှတ်တော်က အတည်ပြုခဲ့တဲ့ ၀င်ငွေခွန် ဥပဒေကို ပြင်ဆင်တဲ့ ဥပဒေကြမ်းနဲ့ ပတ်သက်ပြီး ပြည်သူ့လွတ်တော် အမတ် ဦးခိုင်မောင်ရည်က အခုလိုပြောပါတယ်။
“အရင်တုန်းကတော့ အစိုးရကောက်တဲ့အခွန်တွေနဲ့ ပတ်သက်လို့ ပြည်သူလူထုက complain တော်တော် များများတက်တဲ့အခါမှာကျတော့ သက်ဆိုင်ရာအစိုးရအဖွဲ့ကလူတွေ လွတ်တော်မှာ လာရှင်းရတာတွေရှိပါတယ် မနှစ်က ဒါကြောင့် ဒီနှစ်ကစပြီးတော့မှ အခွန်နဲ့ ပတ်သက်တာတွေကို ကျနော်တို့လွတ်တော်ကပဲ ပြဋ္ဌာန်းဖို့ ဆုံးဖြတ်ပြီးတော့ ဒီနှစ်ကပဲစပြီးတော့ ပြဋ္ဌာန်းတာပါ၊ အစိုးရက ၁၄သိန်းကစပြီး သူတို့ကဆွဲတယ်၊ ကျနော်တို့ တနှစ်ကို သိန်း ၂၀ကနေစပြီးတော့ မည်သူမဆိုပေးရတော့မှာပါ၊ လစာမြင့်ရင်မြင့်သလိုတော့ ကျနော်တို့ တိုး ကောက်သွားပါမယ်။”
လွှတ်တော်က အတည်ပြု ခဲ့တဲ့ ဥပဒေ ကြမ်းအရ နိုင်ငံသားတိုင်း တနှစ်တာ ရရှိတဲ့ လစာငွေ သိန်း၂၀ကနေ သိန်း ၅၀ကြားကို ၅%၊ သိန်း ၅၀-၁၀၀ ကြားကို ၁၀%၊ သိန်း ၁၀၀-၁၅၀ ကြားကို ၁၅%၊ သိန်း ၂၀၀- ၃၀၀ ကြားကို ၂၀%နှုန်းနဲ့ သိန်း ၃၀၀ အထက်ကို ၂၅%သတ်မှတ်လိုက်တယ်လို့ ပြောပါတယ်။
ပြည်ထောင်စု လွှတ်တော်က အတည်ပြုခဲ့တဲ့ ဥပဒေကြမ်းအရ ၂၀၁၄ခု ဧပြီလ ၁ရက်နေ့မှာ ဒီဥပဒေဟာ စတင် အသက်ဝင်မှာ ဖြစ်တယ်လို့လည်း ဦးခိုင်မောင်ရည်က အခုလိုပြောပါတယ်။
“ဒီနှစ်က ၁၄-၁၅ကနေ ကျနော်တို့က ပြဌာန်းမယ်၊ဒီပြဋ္ဌာန်းချက်အတိုင်း ၁၅-၁၆မှာ ကျနော်တို့က စည်းကြပ်တော့မှာပါ၊ အခုလာမဲ့ ၁ဧပြီကစမှာပါ၊ အဲဒီအခွန်ဥပဒေ ပြဋ္ဌာန်းပြီးမှပဲ အစိုးရရဲ့ ဘတ်ဂျက်ဥပဒေပြဋ္ဌာန်းရမှာပါ၊ ဒီဘတ်ဂျက်ဥပဒေပြဋ္ဌာန်းဖို့အတွက် ၀င်ငွေဆိုတာ အခွန်မှာသူကတွက်ရတာကိုး၊ ၂၀၁၄မှာ ဧပြီလ ၁ရက်နေ့မှာစမဲ့ဘတ်ဂျက်မှာ အခွန်နှုန်းထားတွေကို ကောက်လို့ရအောင် ဧပြီလ ၁ရက်နေ့မတိုင်ခင်မှာ အပြီးပြဋ္ဌာန်းနေရ တာပါ၊ ၂၀၁၄ကစပြီးတော့ ၀င်ငွေရှိတဲ့သူတွေက စည်းကြပ်နှစ်ပေါ့နော် ၁၄ကုန်ပြီးလို့ရှိရင် ၁၅အစမှာ သူတို့ ပေးရမယ်ပေါ့နော်။”
ပြည်တွင်းအခွန်များဦးစီးဌာနကတော့၂၀၁၂-၁၃ ဘဏ္ဍာနှစ်အတွက် အခွန်ပေးဆောင်ဖို့ ပျက်ကွက်နေတဲ့ ကုမ္ပဏီ ပေါင်း ၁၀၀၀၀ ကျော် ရှိနေတယ်လို့ သတင်းထုတ်ပြန်ထားကြောင်း ရေဒီယို သြစတြေးလျသတင်းထောက် မြတ်မိုးက သတင်းပေးပို့ထားပါတယ်။
No comments:
Post a Comment