နိုင်ငံပိုင်သတင်းစာများတွင် တိုင်းရင်းသားဘာသာ ထည့်သွင်းပါက တိုင်းရင်းသားအသံ ထင်ဟပ်စေလို

သိင်္ဂီထွန်း

နိုင်ငံပိုင်သတင်းစာတွင် တိုင်းရင်းသားဘာသာစကားဖြင့် ရေးသားထားသော သတင်းများကို ဖော်ပြမည်ဆိုပါက တိုင်းရင်းသားများ၏ လက်တွေ့အခြေအနေများကို ထင်ဟပ်သည့်သတင်းများ ဖြစ်စေလိုသည် ဟု တိုင်းရင်းသားမီဒီယာများတွင် လုပ်ကိုင်နေသည့် အယ်ဒီတာများက ဆိုသည်။

“ဖော်ပြမယ့် အကြောင်းအရာတွေက ရိုးရိုးပဲ ဘာသာပြန်ထားပြီးတော့ပဲ ဖော်ပြတာလား။ အကြောင်းအ ရာကလည်း ငြိမ်းချမ်းရေးဖြစ်စဉ်လား၊ တိုင်းရင်းသားတွေရဲ့ နစ်နာဆုံးရှုံးမှုတွေကို ထင်ဟပ်ပေါ်လွင်စေ တဲ့သတင်းအကြောင်းအရာမျိုးလား။ အဲဒါမျိုးတွေ ပိုဖြစ်သင့်တယ်လို့တော့ မြင်တာပေါ့”ဟု ကရင်သတင်း ဌာန (KIC)၏ အယ်ဒီတာလည်းဖြစ် နိုင်ငံတကာ မြန်မာ့သတင်းဌာန (BNI)၏ ပရောဂျက်မန်နေဂျာမနန်း ဖောဂေက မဇ္ဈိမကို ပြောသည်။

မြန်မာ့အလင်းနှင့် ကြေးမုံသတင်းစာတို့တွင် တိုင်းရင်းသားဘာသာစကားဖြင့် ရေးသားဖော်ပြထားသော သတင်းများကို စာမျက်နှာ နှစ်မျက်နှာမှ လေးမျက်နှာအထိ ဖော်ပြရန် ကြိုးစားနေသည်ဟု ပြန်ကြားရေး ဒုတိယ၀န်ကြီး ဦးရဲထွဋ်က အမေရိကန်နိုင်ငံ၊ ဟိုနိုလူလူမြို့အခြေစိုက် East-West Center က ဦးစီးကာ ရန်ကုန်မြို့တွင် ကျင်းပသည့် အပြည်ပြည်ဆိုင်ရာ မီဒီယာညီလာခံတွင် ပြောခြင်းကို တုန့်ပြန်ပြောဆိုခြင်း ဖြစ်သည်။

“အနာဂတ်မှာဆိုလို့ရှိရင် ကျွန်တော်တို့ရဲ့ နိုင်ငံပိုင်သတင်းစာများကိုလည်း တိုင်းရင်းသားဘာသာစကား နဲ့ မလွဲမသွေမဖြစ်မနေ နှစ်မျက်နှာ(သို့မဟုတ်)လေးမျက်နှာထည့်ဖို့ ကြိုးစားနေတာဖြစ်ပါတယ်။ တဖြည်း ဖြည်းနဲ့ အနာဂတ်မှာ ပြေလည်သွားမယ်ထင်ပါတယ်”ဟု ဦးရဲထွဋ်က ပြောသည်။

ယင်းကဲ့သို့ နိုင်ငံပိုင်သတင်းစာတွင် တိုင်းရင်းသားဘာသာစကားဖြင့် ရေးသားဖော်ပြရန် စီစဉ်နေခြင်းကို တိုင်းရင်းသားမီဒီယာအများစုက ကြိုဆိုပြီး လက်ရှိ တိုင်းရင်းသားဒေသတွင် လုပ်ကိုင်နေသည့် တိုင်းရင်း သားမီဒီယာငယ်များကိုလည်း ကူညီစေလိုသည်ဟု ဆိုသည်။

“တိုင်းရင်းသားမီဒီယာတွေကို သူတို့က ထိရောက်တဲ့အကူအညီမျိုး ပိုပေးရင် ထိရောက်မယ်လို့ မြင်ပါတယ်။ နိုင်ငံပိုင်သတင်းစာမှာ ပါတာလည်း ကောင်းတဲ့အချက်ပါပဲ။ ဒါပေမဲ့ လက်ရှိ သွားနေပြီးသားဟာ တွေကို ပိုပြီးထောက်ပံ့ပေးလိုက်တာက တိုင်းရင်းမီဒီယာတွေ၊ တိုင်းရင်းသားမီဒီယာတွေ ပိုပြီး ဖွံ့ဖြိုးလာမယ်လို့ မြင်ပါတယ်”ဟု ချင်းဝေါ (Chin World) မီဒီယာဂရု၏ မန်နေးဂျင်းဒါရိုက်တာ မိုင်ဒီမိုကရေစီက မဇ္ဈိမကို ပြောသည်။

ထို့အပြင် နိုင်ငံပိုင်မီဒီယာတွင် ဖော်ပြမည်ဆိုပါက ယခင်ကဲ့သို့ အစိုးရ၏အာဘော် သတင်းများကိုသာ တိုင်းရင်းသားဘာသာစကားဖြင့် ဘာသာပြန်ကာ ထည့်သွင်းခြင်းထက် တိုင်းရင်းသားဒေသများကို ထင် ဟပ်စေသည့် တိုင်းရင်းသားလူမျိုးများ၏ အခွင့်အရေးချိုးဖောက်ခံရမှု၊ တိုင်းရင်းသားများ၏ အသံများကို ပါလာရန် မျှော်လင့်သည်ဟုလည်း ဆိုကြသည်။

လက်ရှိတွင် တိုင်းရင်းသားဒေသများကို အဓိကထား ထုတ်ဝေနေသော တိုင်းရင်းသား သတင်းဌာန ၂၈ ခုရှိပြီး ဒေသစကား၊ မြန်မာဘာသာစကား၊ အင်္ဂလိပ်ဘာသာစကား စသည်ဖြင့် အသီးသီး ထုတ်ဝေလျက် ရှိနေသည်။