တိုင်းရင်းသား လက်နက်ကိုင် တပ်ဖွဲ့ များအား မြန်မာ စစ်တပ် ထိုးစစ်ဆင် တိုက်ခိုက် နေရာ သျှမ်းပြည် ရှိ မြို့ နယ်အချို့ တို့၌ တပ်စောင့် မရှိကြတော့ ဘဲနောက် တန်းကျန် စစ်သား မိသားစု များက ပြည်သူ့ စစ်များနှင့် အတူ အလှည့်ကျ ကင်းစောင့် ရသည်ဟု သျှမ်းပြည် မြောက်ပိုင်း သတင်း ရပ်ကွက်က ဆိုပါသည်။
“ နောင်ချို၊ ကျောက်မဲ၊ မိုးမိတ် က တပ်တွေ ကချင်ဖက် တက်တိုက် တာလဲ ရှိတယ်။ ဝမ့်ဟိုင်း ဖက်ဆင်း တာလဲ ရှိတယ်။ ဆိုတော့ တပ် လုံခြုံရေး မရှိတော့ဘူး။ စစ်သား မယား၊ သား သမီးတွေ နဲ့ပြည် သူ့စစ်တွေ အလှည့်ကျ စောင့်ရ တော့တာ ပေါ့” ဟု အမည် မဖေါ် လိုသည့် တပ်မိသား ဝင်တဦး ကပြောသည်။
ထိုသို့ တတပ်လုံး နီးပါး ရှေ့တန်း ထွက်နေ ရသည်မှာ မန္တလေး - လားရှိုး ကားလမ်း တလျှောက် ရှိ မြန်မာ တပ်ရင်းများ ဖြစ် ပြီး အချို့တပ်များမှာ ညပိုင်း တပ်တွင်း ၌ မအိပ်ရဲကြ သည်အထိရှိ နေကြောင်း အဆိုပါ ပုဂ္ဂိုလ်က ပြောသည်။
ကျောက်မဲ ခမရ ၅၀၁၊ ၅၀၂ ၊ မိုးမိတ် ခမရ ၃၄၈၊ ခလရ ၂၂၃၊ ၂၇၆ တို့ဆိုရင် စစ်သား မယားတွေ ကင်းစောင့် နေကြတာ တွေ့ရတယ်။ ပြည် သူ့ စစ်တွေနဲ့ အလှည့်ကျ စောင့်ကြတယ်။ မိုးမိတ်က တပ်တွေ ဆိုရင် အဲ့ဒီ စစ်သား မယားတွေ တပ်ထဲမှာ မအိပ် ရဲကြဘူး။ ဘုန်း ကြီး ကျောင်းတွေ၊ ခင်ရာ မင်ရာ အိမ်တွေမှာ သွားအိပ်ကြ တယ်။ အထက် အမိန့် ကြောင့်သာ သူတို့ ကင်းစောင့် ရတာ တကယ်တော့ သူတို့လဲ သေနတ် မပစ် တတ်ဘူး။ စစ်သား မယား တချို့ ဟာသ လုပ်ပြီးပြော နေကြတယ်။ တကယ်လို့ ရန်သူ လာရင်တော့ ထဘီလှန် ထားပေးရုံ ဘဲရှိ တော့တယ် ဆိုပြီး တော့ပေါ့” ဟု ၎င်းက သျှမ်း သံတော်ဆင့် အား ပြောပြသည်။
အဆိုပါတပ်များမှာ အများအားဖြင့် ကချင် ကေအိုင်အေ တပ်အား ထိုးစစ်ဆင်နေရသည့်တပ်များဖြစ်ကြောင်း၊ ညစဉ်ည တိုင်း တပ်တွင်း၌ နေရဲသူမရှိ၊ တပ်ကြီးဟောင်းလောင်းသာ ကျန်နေကြောင်း ဒေသခံများထံမှကြား သိရသည်။
ရှေ့တန်းတက် စစ်သားများမှာ သေကြေကြသည်မှာများပြားသဖြင့် ရှေ့တန်း မထွက်မှီ နှုတ်ဆက်ပွဲသဘောမျိုး မိသားစုဝင် ကလုပ်ပေးကြောင်း၊ ရှေ့တန်းစစ်မျက်နှာထွက်ရာတွင်လည်း မိသားစုဝင်များက ရွှေလီ - ဧရာဝတီ မြစ်ဆုံအထိ သွားရောက်ပို့ ဆောင်ကြကြောင်း မန္တလေးရောက် မိုးမိတ်မှ တက္ကသိုလ်ကျောင်းသူ တဦးက လည်း ပြောသည်။
“ စစ်သားမယားတွေလဲ သနားစရာတော့ကောင်းတယ်။ မျက်ရည်နဲ့ မျက်ခွက်။ ကိုယ့်ယောက်ျားရှေ့တန်းပါသွား ရင် သေမယ်လို့ သိသိကြီးနဲ့ အထက်အမိန့်ကိုမလွန်ဆန်ရဲဘူးကော်။ တကယ်တော့ တပ်ထဲမှာနေတာစားဝတ် နေရေး အဲလောက် ကျဉ်းကျပ် ဆင်းရဲနေတာ” ဟု မချိတင်ကဲ ပြောပြသည်။
ရှေ့တန်းစစ်မျက်နှာ၌ မိမမြင် ဖမမြင် သေမည့်အစား သားမယားရှေ့၌ပင်အသေခံတော့မည်ဟု ဆိုကာ ခမရ ၃၄၈ တပ်၌ မိမိကိုယ်ကိုယ် သတ်သေသည့် စစ်ဗိုလ်တဦးလည်း ရှိခဲ့ကြောင်း အဆိုပါ ကျောင်းသူက ပြောသည်။
“တိုင်းရင်းသားတွေအပေါ် မိုက်ရိုင်းတာတော့ မိုက်ရိုင်းတာပေါ့။ တကယ်တော့ ကျောင်းသားတယောက်အနေနဲ့ ကြည့်ရင် မြို့ပေါ်ကလူတယောက်အနေနဲ့ကြည့်ရင်တော့ အောက်ခြေတပ်သားအဆင့်တွေဟာ အရမ်းကိုသနား စရာကောင်းပါ တယ်။ သူတို့အရာရှိက လမ်းလျှောက်ဆိုရင်လဲ ဘယ်လောက်ဘဲ နေမကောင်းနေပါစေ ခြေကျင် လျှောက်ရတာဘဲ။ သူတို့ အရာရှိ ထမင်းမစား ပြီးမချင်း ဘယ်လောက် ဆာဆာ သူတို့ မစားရဘူး။ကင်းစောင့်နေ ရတယ်။ သူတို့ ဆန့်ကျင်နိုင်ပါရက် နဲ့ ဘာအကျိုးအမြတ်မှမရဘဲအထက်အမိန့်လိုက်နာနေတာကိုကပိုအံ့ဩ စရာ ကောင်းတာ” - ဟုလည်း ၎င်းက ပြောသည်။
သျှမ်းပြည်၌ သျှမ်းပြည်တပ်မတော်အား မြန်မာစစ်တပ်က ထိုးစစ်ဆင်တိုက်ခိုက်နေသည်မှာ ၅ လကျော်ကြာပြီ ဖြစ်ရာ မြန်မာ စစ်တပ် ဖက်က သေကြေဒဏ်ရာရများပြားသဖြင့် ရှေ့တန်းတက်ရဲဘော်နှင့်အရာရှိအများစုမှာ စိတ်ဓါတ်ကျနေကြ ကြောင်းလည်း တပ်နှင့် ရင်းနှီး ဝင်ထွက်နိုင်သူ ကုန်သည်များပြောပြချက်အရသိရသည်။ အလားတူ ဂျွန်လအစောပိုင်းက စတင်ခဲ့သည့် ကချင်ပြည် စစ်မျက်နှာ တွင်းလည်း အစိုးရ တပ်ဘက် အများအပြား သေဆုံးသည်ဟု ကချင် သတင်း ရပ်ကွက်က ပြောပါသည်။
No comments:
Post a Comment