Monday, August 31, 2009

ရန်ကုန်မြို့နေ ကိုးကန့်ခေါင်းဆောင်တဦး၏ ပိုင်ဆိုင်မှုများ နအဖစစ်အစိုးရ သိမ်းယူ

အောင်ကျော်မိုး / ၃၁ သြဂုတ် ၂၀၀၉

ကိုးကန့်အဖွဲ့ခေါင်းဆောင် ဖုန်ကျားရှင်နှင့် ဆွေမျိုးတော်စပ်သူတဦး၏ ရန်ကုန်မြို့ပေါ်ရှိ ပိုင်ဆိုင်မှုများကို စစ်အစိုးရ အာဏာပိုင်များက သိမ်းယူနေကြောင်း စုံစမ်းသိရသည်။

ရန်ကုန်မြို့နေ ကိုးကန့်ခေါင်းဆောင်တဦး၏ ကိုယ်ရေးအရာရှိတဦးက “ကျနော့်သူဌေးဟာ ကိုးကန့်ခေါင်းဆောင် ဦးဖုန်ကျားရှင်ရဲ့ တူတော်သူတဦးပါ။ ရန်ကုန် (၆) မိုင်ခွဲ ခပေါင်းလမ်းထဲမှာ လုံချင်းတိုက်နဲ့ နေပါတယ်။ ပြီးခဲ့တဲ့ သောကြာ (သြဂုတ် ၂၈) မနက်မှာ သူ့လက်ကိုင်ဖုန်း၊ နောက် သူ့အိမ်ဖုန်း၊ သူ့ ဇနီးဖုန်းတွေကို ဆက်လို့မရတာနဲ့ သူ့အိမ် ကျနော် လိုက်သွားတယ်။ အဲဒီမှာ သူတို့မိသားစု မရှိတော့ဘူး။ အိမ်ဖော် (၂) ယောက်ပဲ ကျန်ခဲ့တယ်။ အိမ်ဖော်တွေပြောတော့ ကြာသပတေး ညနေမှာ သူ့မိသားစု ကားနဲ့ ထွက်သွားတယ်။ ညဘက်မှာ ရဲတပ်ဖွဲ့ဝင်တွေ ကားကြီး ကားငယ် (၄) စီးနဲ့ လာတယ်။ အိမ်မှာရှိတဲ့ မီးခံသေတ္တာ အပါအဝင် စာရွက်စာတမ်း ရုံးသုံးပစ္စည်း အတော်များများကို သိမ်းယူသွားတယ်။ နောက် အဲဒီည အိမ်ကို ရဲအစောင့်ချထားပြီး နောက်နေ့တော့ ပြန်ရုပ်သွားတယ်ဆိုပြီး ပြောပြတယ်။ ကျနော်မြင်တာလည်း အိမ်မှာ ဘာပစ္စည်းတွေမှ မကျန်သလောက်ပဲ။ ရဲတွေက ဒီပစ္စည်းတွေကို ဘာလို့ လာသိမ်းတယ်၊ သူတို့ မိသားစု အဖမ်းခံရသလား၊ တိမ်းရှောင်နေသလား ကျနော် မသိဘူး။ ကျနော်လည်း ကျနော့်တိုက်ခန်း မပြန်ရဲဘူး။ နောက် မန္တလေးက ဆက်သွယ်ရေးရုံးကို ဖုန်းဆက်ကြည့်တော့လည်း ဆက်လို့မရဘူး” ဟု ပြောသည်။

အဆိုပါ ကိုးကန့်ခေါင်းဆောင်နေသည့် အိမ်ကို ရဲများဝိုင်းပြီး ပစ္စည်းများ သိမ်းယူသွားသည်ကို တွေ့ရှိကြောင်း၊ သို့သော် မည်သည့်ကိစ္စ ဆိုသည်ကိုမူ မသိကြောင်း လှိုင်မြို့နယ် ပြည်လမ်းနံဘေး ခပေါင်းလမ်းတွင် နေထိုင်သူမျက်မြင်များက ပြောသည်။

ကိုးကန့်ခေါင်းဆောင်များနှင့် သိကျွမ်းသည့် မန္တလေးမြို့ခံ လုပ်ငန်းရှင်ကြီးတဦးကလည်း ကိုးကန့် စီးပွားရေးလုပ်ငန်းရှင် နှစ်ဦး၏ လက်ကိုင်ဖုန်းများကို သြဂုတ်လ (၂၇) ရက်နေ့ကတည်းက ဆက်သွယ်၍ မရတော့ကြောင်း၊ မည်သည့်ကိစ္စဆိုသည်ကို မသိသော်လည်း ကိုးကန့်ဒေသတွင် ဖြစ်ပွားနေသည့် ဦးဖုန်ကျားရှင်၏ ကိုးကန့်တပ်ဖွဲ့များနှင့် စစ်အစိုးရတပ်တို့အကြား တိုက်ခိုက်မှုနှင့် ပတ်သက်ဆက်စပ်နိုင်ကြောင်း ပြောသည်။

၎င်းက ရန်ကုန်နှင့် မန္တလေးမြို့တို့တွင် ကိုးကန့်ခေါင်းဆောင်များ၏ စီးပွားရေး လုပ်ငန်းများ၊ အိမ်ခြံမြေ၊ တိုက်၊ ကား ပိုင်ဆိုင်မှုများစွာရှိပြီး စစ်အစိုးရက သိမ်းယူ မသိမ်းယူဆိုသည်ကိုမူ မသိရသေးကြောင်း ဆက်လက်ပြောကြားသည်။

မြစ်ကြီးနား မြို့ပေါ်တွင် ရုံးထိုင်သည့် အမည်မဖော်လိုသူ ကေအိုင်အေ ကချင်ပြည်လွတ်လပ်ရေး တပ်ဖွဲ့ဝင် ရုံးအဖွဲ့ဝင်တဦးက ကိုးကန့် ခေါင်းဆောင်အချို့၏ မြို့ပေါ်ပိုင်ဆိုင်မှုများကို စစ်အစိုးရက သိမ်းယူနေသည့်သတင်း ကြားသော်လည်း အတိအကျ မသိရသေးကြောင်း၊ ၎င်းတို့ ကေအိုင်အေအဖွဲ့ ခေါင်းဆောင် အတော်များများသည်လည်း ရန်ကုန်၊ မန္တလေး၊ မြစ်ကြီးနားတို့တွင် အိမ်၊ ခြံ၊ မြေ၊ တိုက်၊ ကား ပိုင်ဆိုင်မှုများနှင့် စီးပွားရေးလုပ်ငန်းလည်း များစွာရှိနေကြောင်း၊ မတော်တဆ စစ်အစိုးရနှင့် ပြဿနာ တစုံတရာ ဖြစ်လာပါက စစ်အစိုးရ ထိန်းချုပ်ထားရာ ဒေသများရှိ ပိုင်ဆိုင်မှုများကို မည်သို့ စီမံခန့်ခွဲရမည်ဆိုသည်နှင့် ပတ်သက်၍ စတင်စဉ်းစားနေကြပြီဖြစ်ကြောင်း ပြောသည်။

ဦးဖုန်ကျားရှင် ခေါင်းဆောင်သည့် ကိုးကန့်တပ်ဖွဲ့များက လာမည့် ၂ဝ၁ဝ ရွေးကောက်ပွဲတွင် ပါဝင်ခြင်းမပြုရန် ဆုံးဖြတ်ခဲ့ခြင်း၊ စစ်အစိုးရ၏ နယ်ခြားစောင့်တပ်အဖြစ် အသွင်ပြောင်းရေးကို နောင်တက်လာမည့် အစိုးရ လက်ထက်မှသာ ဆွေးနွေးမည်ဟု သဘောထားရှိခြင်း စသည့်အခြေအနေများကြောင့် နအဖစစ်အစိုးရက အကြောင်းပြချက်ရှာပြီး ဦးဖုန်ကျားရှင်နှင့် အဖွဲ့ကို ဖယ်ရှားရန် ကြိုးစားရာမှ တိုက်ပွဲများ ဖြစ်ပွားလာရခြင်းဖြစ်ကြောင်း အဆိုပါ ကေအိုင်အေမှ ရုံးအဖွဲ့ဝင်တဦးက ပြောသည်။

သြဂုတ် (၃ဝ) ရက်နေ့ထုတ် စစ်အစိုးရသတင်းစာများတွင်မူ ဦးဖုန်ကျားရှင်နှင့် အဖွဲ့သည် ဥပဒေချိုးဖောက်ပြီး လက်နက်စက်ရုံ တည်ထောင်ခြင်း၊ ရဲတပ်ဖွဲ့ဝင်များကို ပြန်ပေးဆွဲခဲ့ခြင်း စသည့်အချက်များကြောင့် စစ်တပ်က တိုက်ခိုက်ခဲ့ရခြင်းဖြစ်ကြောင်း ရေးသားထားသည်။

နအဖစစ်အစိုးရက ဝါးရမ်းပြေးအဖြစ် လက်ရှိသတ်မှတ်ထားသည့် ဦးဖုန်ကျားရှင်နှင့် အဖွဲ့ပိုင် မြို့ပေါ်ပိုင်ဆိုင်မှုများ၊ စီးပွားရေး လုပ်ငန်းများကို စစ်အစိုးရက သိမ်းဆည်းမည်မှာ သေချာကြောင်း မြစ်ကြီးနားမြို့တွင် နေထိုင်သည့် ငြိမ်းအဖွဲ့တဖွဲ့မှ အရာရှိကြီး တဦးက သုံးသပ်သည်။

ကိုးကန့်တပ်ဖွဲ့ဝင်များ တရုတ်ပြည်ဘက်သို့ ခိုလှုံ တိုက်ပွဲများ ပြီးဆုံး

ခိုင်လင်း / ၃၁ သြဂုတ် ၂၀၀၉

ယခုလ (၂၉) ရက်တွင် ကိုးကန့် တပ်ဖွဲ့ဝင် (၇၀၀) ခန့် တ ရုတ်ပြည် ဘက်သို့ ခိုလှုံသွား ခဲ့ပြီးသည့် နောက် ရှမ်းပြည်နယ်၊ အရှေ့ မြောက်ပိုင်း၊ ကိုးကန့် အထူး ဒေသ (၁) နယ်မြေ အတွင်း ဖြစ်ပွား ခဲ့သည့် တိုက်ပွဲများ ရပ်တန့်သွား ခဲ့သည်။

ကိုးကန့် တပ်ဖွဲ့ ဥက္ကဋ္ဌ ဖုန်းကျားရှင် အပါအ၀င် ဖုန်အမျိုး အနွယ် ခေါင်းဆောင် (၄) ဦးအား လက်နက် ထုတ်လုပ် နေသော စက်ရုံ အမှုဖြင့် ဖမ်းဆီးရန် ကြိုးစား ရာမှ နအဖနှင့် ကိုးကန့် တပ်ဖွဲ့အကြား အခြေအနေ တင်းမာ နေကြစဉ် ယခုလ (၂၇) ရက် မနက်ပိုင်း က တရုတ် -မြန်မာ နယ်စပ် ရန်လုံ ကျိုက်နယ်စပ် ဂိတ် ရဲစခန်း အား ကိုးကန့် တပ်ဖွဲ့ဝင်များ ၀င်ရောက် တိုက်ခိုက်ရာမှ အစပြုခဲ့သည့် တိုက်ပွဲများ ယခုလ (၂၈) ရက်နေ့ ညပိုင်းအထိ ကိုးကန့် နယ်မြေ အနှံ့အပြား တွင် ဖြစ်ပွားနေခဲ့ရာ ယခုလ (၂၉) ရက်တွင် ပြီးဆုံး သွားသည်။


“(၂၉) ရက်နေ့ မနက်ပိုင်းကတော့ ကြိုးကြားကြိုးကြား ပစ်တာရှိသေးတယ်။ နေ့လယ်ပိုင်းမှာတော့ ကိုးကန့်တပ်ဖွဲ့ဝင် (၇၀၀) လောက် တရုတ်ဘက်ကို လက်နက်တွေအပ်ပြီး ဒုက္ခသည်အနေနဲ့ ခိုလှုံလိုက်ကြတယ်။ ဥက္ကဋ္ဌ ဖုန်ကျားရှင်လည်း လုံခြုံတဲ့နေရာ ကို တိမ်းရှောင်သွားတယ်” ဟု ကိုးကန့်တိုက်ပွဲများအား စောင့်ကြည့်နေသည် တရုတ်-မြန်မာနယ်စပ် စစ်ရေးအကဲခတ် ဦးအောင်ကျော်ဇောက ပြောသည်။

ကိုးကန့်နယ်မြေအတွင်း အရှေ့မြောက်ပိုင်းတိုင်း စစ်ဌာနချုပ်လက်အောက်ခံ တပ်ရင်းများသာမကဘဲ အမှတ် (၁) စစ်ဆင်ရေးကွပ်ကဲမှု လက်အောက်ခံတပ်ရင်းများ၊ တပ်မ (၃၃) လက်အောက်ခံတပ်ရင်းများ စုစုပေါင်း တပ်ရင်း (၃၀) ခန့် လူအင်အား (၆,၀၀၀) ကျော်ဖြင့် စစ်ဆင်ရေးဝင်ရောက်ခဲ့ပြီး အင်အားမမျှသဖြင့် ကိုးကန့်တပ်ဖွဲ့က ဒေသခံလူထု၏ အသက်အိုးအိမ်ကို ငဲ့ညှာသည့်အနေဖြင့် တိုက်ခိုက်မှုကို ရပ်နားလိုက်ရခြင်းဖြစ်သည်ဟု ဦးအောင်ကျော်ဇောက ပြောသည်။

ယခုလ (၂၇) နှင့် (၂၈) ရက် တိုက်ပွဲများဖြစ်နေစဉ်အတွင်း ၀င်ရောက်ကူညီတိုက်ခိုက်ခဲ့သည့် ၀ပြည်သွေးစည် ညီညွတ်ရေး တပ်မတော်မှ တပ်သားများလည်း ယခုလ (၂၉) ရက်၊ မနက်ပိုင်းတွင် ကိုးကန့်နယ်မြေမှ ပြန်လည်ဆုတ်ခွာသွားသည်ဟု ၀တပ်ဖွဲ့နှင့်နီးစပ်သည့် သတင်းရပ်ကွက်အရ သိရသည်။

ယနေ့ထုတ် နအဖသတင်းစာများတွင် ကိုးကန့်ဒေသတွင်ဖြစ်ပွားခဲ့သော ဥပဒေဖောက်ဖျက် ကျူးလွန်မှုများမှာ ဦးဖုန်ကျားရှင် အပါအ၀င် ပုဂ္ဂိုလ် (၄) ဦးနှင့်သာ သက်ဆိုင်ပြီး မသိနားမလည်ဘဲ လိုက်ပါဆောင်ရွက်ခဲ့ကြသူ ကိုးကန့်လက်နက်ကိုင် တပ်ဖွဲ့များအား ဥပဒေဘောင်အတွင်း လုံခြုံစိတ်ချစွာ ပြန်လည်ဝင်ရောက်နေထိုင်ခွင့်ပြုကြောင်း နအဖအစိုးရ၏ ကြေညာချက်အမှတ် ၁/၂၀၀၉ ကို ဖော်ပြထားသည်။

ယခုတိုက်ပွဲအတွင်း မြန်မာစစ်တပ်နှင့်ရဲတပ်ဖွဲ့အင်အား (၂၆) ဦး ကျဆုံးကာ (၄၇) ဦး ဒဏ်ရာရရှိပြီး ကိုးကန့်တပ်ဖွဲ့မှ အလောင်း (၈) လောင်း တွေ့ရှိကြောင်း၊ လက်နက်ကြီး၊ လက်နက်ငယ် (၆၀၀) ကျော် သိမ်းဆည်းရမိကြောင်း ယနေ့ထုတ် နအဖပိုင် သတင်းစာများတွင် ဖော်ပြထားသည်။

တရုတ်ပြည်ဘက်သို့ စစ်ပြေးဒုက္ခသည် (၃၇,၀၀၀) ထွက်ပြေးလာခဲ့ပြီး တရုတ်ပြည်အတွင်း အမြောက်ကျည် (၃) လုံးပေါက်ကွဲခဲ့ကာ တရုတ်နိုင်ငံသား (၁) ဦး သေဆုံး၍ (၂) ဦး ဒဏ်ရာရရှိပြီး မြန်မာဘက်ခြမ်းတွင် တရုတ်နိုင်ငံသား (၁) ဦးသေဆုံးပြီး (၁၃) ဦး ဒဏ်ရာရရှိခဲ့သည်ဟု တရုတ်နိုင်ငံ၊ ယူနန်ပြည်နယ်၊ ရဲအရာရှိချုပ် Meng Sutie က ယမန်နေ့က ပြောကြားကြောင်း တရုတ်အစိုးရပိုင် ဆင်ဟွာသတင်းတွင် ဖော်ပြသည်။

စစ်တပ်က နယ်စပ်ကုန်သည်ကြီးများ၏ ဂိုဒေါင်ဖောက် ပစ္စည်းများယူ

ခိုင်လင်း / ၃၁ သြဂုတ် ၂၀၀၉

ကိုးကန့် နယ်မြေ အတွင်းသို့ မကြာသေးမီ ရက်ပိုင်းက စ၍ စစ်ဆင်ရေး ဝင်ရောက်ခဲ့ သည့် နအဖ စစ်တပ်က ချင်းရွှေဟော် နယ်စပ် ကုန် သွယ်ရေး တွင် လုပ်ကိုင် နေကြသည့် ကုန်သည်ကြီး များ၏ ဂိုဒေါင် များကို ဖောက်ပြီး ပစ္စည်းများ သိမ်းယူ နေသည်။


ယခုလ (၂ဝ) ရက်တွင် ဥက္ကဋ္ဌ ဖုန်ကျားရှင် ၏ ကိုးကန့် တပ်ဖွဲ့ က နအဖ နှင့် ဆက်ဆံရေး ယာယီရပ်စဲ လိုက်ကြောင်း ကြေညာလိုက် သည့် အချိန်တွင် ဒေသ အတွင်း စစ်မက်ဖြစ်ပွား တော့မည်ကို စိုးရိမ်ကြ သည့် တရုတ် - မြန်မာ နယ်စပ် ကုန်သည်များ က ၎င်းတို့ ကုန် ပစ္စည်းများအား ချင်းရွှေဟော်မြို့အတွင်းရှိ ဂိုဒေါင်များတွင် သိမ်းဆည်းသော့ခတ်ကာ မြန်မာပြည်အတွင်းပိုင်းသို့ တိမ်းရှောင်ခဲ့ရာ ကိုးကန့် နယ်မြေသို့ စစ်ဆင်ရေးဝင်ရောက်ခဲ့သည့် နအဖစစ်တပ်က ယခုကဲ့သို့ ပစ္စည်းများယူနေခြင်းဖြစ်ကြောင်း ချင်းရွှေဟော်ကုန်သည်များနှင့် နီးစပ်သူ တဦးက ပြောသည်။

၎င်းက “အဲဒီမှာ ဂိုဒေါင် အလုံး (၃၀) လောက်ရှိတယ်။ ဆန်တို့၊ ဆီတို့၊ ဟင်းချိုမှုန့်တို့၊ တရုတ်ဘက်က လူသုံးကုန်ပစ္စည်းတို့ အားလုံး ဂို ဒေါင်ထဲ ထည့်ထားခဲ့ပြီး ဆင်းပြေးသွားကြတာ။ သူတို့သုံးနေတဲ့ ကွန်ပျူတာတို့၊ တီဗွီတို့ကအစ ထုတ်ယူကုန်တာ။ တချို့ကုန်သည်တွေ ထားခဲ့တာ သိန်းထောင် ချီပြီး တန်ဖိုး ရှိတယ်။ သူတို့ အလုပ်သမား တွေနဲ့ ပစ်ထား ခဲ့ရတာ။ အခုတော့ အလုပ်သမားတွေက တွေ့ပေမယ့် အခုအချိန်မှာ ဘာမှပြောလို့မရတဲ့ အခြေအနေဖြစ်နေတယ်” ဟု ပြောသည်။

ဒေသကွပ်ကဲ ရေးစစ်ဌာန ချုပ်ရှိရာ လောက်ကိုင်မြို့ နှင့် နယ်စပ် ကုန်သွယ်ရေး စခန်းရှိရာ ချင်းရွှေ ဟော်မြို့တွင် အစောပိုင်း နှစ်ကာ လ များက တည်းက နအဖ စစ်တပ်များ ရှိနေခဲ့ပြီး ယခုလ (၂၅) ရက်တွင် အရှေ့မြောက်ပိုင်းတိုင်း စစ်ဌာနချုပ် လက်အောက်ခံ တပ်ရင်းများ ကိုးကန့်နယ်မြေအတွင်းသို့ အလုံးအရင်းဖြင့် ထပ်မံဝင်ရောက်ခဲ့သည်။

ကိုးကန့်တပ်ဖွဲ့နှင့် နအဖတပ်အကြား ယခုလ (၂၇) ရက်မှစ၍ တိုက်ပွဲများ စတင်ဖြစ်ပွားနေစဉ်အတွင်း တပ်မ (၃၃) လက်အောက်ခံ တပ် များ၊ ရှမ်းပြည်မြောက်ပိုင်း၊ ကျောက်မဲမြို့အခြေစိုက် အမှတ် (၁)၊ စစ်ဆင်ရေးကွပ်ကဲမှုဌာနချုပ် လက်အောက်ခံတပ်များ ဝင်ရောက် ခဲ့ခြင်း ဖြစ်သည်။

ကိုးကန့်တပ်ဖွဲ့များအား ချေမှုန်းရန်နှင့် နယ်မြေစိုးမိုးရန်အတွက် ကိုးကန့်နယ်မြေအတွင်းသို့ စစ်ဆင်ရေး ဝင်ရောက်ခဲ့သည့် နအဖစစ်တပ် များသည် ကျေးရွာများအတွင်းရှိ နေအိမ်များမှ ပစ္စည်းများ၊ စားသောက်စရာများပါ ယူနေကြသည်ဟု ကိုးကန့်ဒေသခံများနှင့် နီးစပ်သူ တ ဦးက ပြောသည်။

၎င်းက “အခုက စစ်ပြေးတယ်ဆိုတော့ ရှိတဲ့ ရွှေ၊ ငွေလေး၊ အဝတ်အထည်နည်းနည်းပါးပါးနဲ့ ပြေးကြတာ။ ပရိဘောဂပစ္စည်းတွေ၊ တီဗီ တွေ ဒီအတိုင်း ပစ်ထား ခဲ့ရတာ။ ကိုးကန့် ကျေးရွာတွေ ကျတော့ တရုတ်နှစ်သစ်ကူး ကာလ စားသောက်ဖို့ ဆိုပြီး အိမ်တိုင်း လိုလို ဝက် ပေါင်ခြောက်၊ ဝက်အူချောင်း၊ ဆီတို့ဖူး၊ မုံညှင်းချဉ်၊ ပဲငါးပိ အဲလိုမျိုးတွေ ကိုယ့်ဘာသာ လုပ်ပြီး လှောင်တဲ့ ဓလေ့တွေရှိကြ တယ်။ စစ်သား တွေက ရွာတွေကို ဝင်ရှင်း နေတော့ အဲလို စားသောက်စရာ တွေကိုတောင် အလွှတ်ပေး၊ ချန်ထားတာ မဟုတ်ဘူး” ဟု ပြောသည်။

၁၉၈၉ ခုနှစ်ကတည်းကစ၍ ပထမဆုံး အပစ်ခတ် ရပ်စဲရေး ပြုလုပ်ခဲ့သည့် မြန်မာနိုင်ငံအမျိုးသား ဒီမိုကရေစီ မဟာမိတ်တပ်မတော် ခေါ် ကိုးကန့်တပ်ဖွဲ့ ထိန်းချုပ်ရာ နယ်မြေသည် အနှစ် (၂ဝ) ကြာ တိုက်ပွဲများ ရပ်စဲထားရာမှ ယခုလ (၂၇) ရက်တွင် ဒေသအတွင်း တိုက်ပွဲများ စတင်ဖြစ်ပွားခဲ့ပြီး ဒေသခံလူထု သုံးသောင်းကျော် တရုတ်ပြည်ဘက်သို့ ထွက်ပြေး တိမ်းရှောင်ခဲ့ရသည်။

အထက်လွှတ်တော်အမတ်၏ ခရီးစဉ် အောင်မြင်ပါသလား

ဒက်ဘီ စတူးဟတ်

အထက် လွှတ်တော်အမတ် ဂျင်မ်ဝက်ဘ်သည် စီစဉ်ထားသည့် အချက် ၃ ချက်ကို ဆောင်ရွက် နိုင်ခဲ့သောကြောင့် သူ၏ မြန်မာပြည် ခရီးစဉ်ကို “အောင်မြင်မှု” ရှိသည်ဟု ယူဆကြသည်။ ထို ၃ ချက်မှာ အလုပ်ကြမ်းနှင့် ထောင်ဒဏ် ၇ နှစ် ကျခံနေရသော အမေရိကန် နိုင်ငံသား ဂျွန်ယက်ထောကို ကယ်ထုတ်နိုင်ခဲ့ခြင်း၊ ဗိုလ်ချုပ်မှူးကြီး သန်းရွှေ နှင့် တွေ့ဆုံခြင်း၊ ဒေါ်အောင်ဆန်းစုကြည်နှင့် တွေ့ဆုံခွင့် ရရှိခြင်းတို့ ဖြစ်သည်။

မြန်မာစစ်အစိုးရ၏ တင်းမာသည့် သဘောထားကို အကျွမ်းတဝင်ရှိသော နိုင်ငံတကာ၏ အမြင်တွင် ယခု ခရီးစဉ်သည် အောင်မြင်သော လျှပ်တပြက် စွမ်းဆောင်ချက် ဖြစ်နေသည်။ ကုလသမဂ္ဂ အထူး ကိုယ်စားလှယ် အဖြစ် တာဝန်ယူခဲ့သူ ရာဇလီအစ္စမေးလ်၏ ၂ဝဝ၂ ခုနှစ်တွင် ဒေါ်အောင်ဆန်းစုကြည် လွတ်မြောက်လာရန် ဆောင်ရွက်နိုင်မှု၊ ၂ဝဝ၇ ခုနှစ် နာဂစ်ဒုက္ခသည်များ အတွက် တန်ဖိုး ကြီးမားသည့် အကူအညီများကို ဗိုလ်ချုပ်ကြီးများ လက်ခံလာစေရန် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက ဆွဲဆောင်နိုင်မှုတို့ နောက်ပိုင်းတွင် ယခုခရီးစဉ်သည် အကြီးမားဆုံး ရှေ့တိုးခဲ့သည့် ခြေလှမ်း တရပ် ဖြစ်သည်။

မည်မျှ အံ့သြဖွယ် ကောင်းသနည်း ဟုဆိုလျှင် အထက်လွှတ်တော်အမတ် ဝက်ဘ်၏ “အောင်မြင်မှု” သည် အမေရိကန် ပြည်ထောင်စု၏ ထူးခြားသော (ထိရောက်မှုရှိသော) အရေးယူ ပိတ်ဆို့မှုများက ဖြစ်ပေါ်လာသော သြဇာ သက်ရောက်မှု အပေါ်တွင် အခြေခံနေသည်။ ၁၉၉၇ ခုနှစ်က အမေရိကန်သည် မြန်မာနိုင်ငံတွင် ရင်းနှီးမြုပ်နှံမှု အသစ်များ ပြုလုပ်ခြင်းကို တားမြစ်ခဲ့သည်။ ထိုအရေးယူမှု အပေါ် ထပ်ဆင့်ပြီး ၂ဝဝ၃ ခုနှစ်တွင် မြန်မာနိုင်ငံမှ သွင်းကုန်များကို တားမြစ်ခြင်း၊ ဘဏ္ဍရေး အရ အရေးယူခြင်းများကို ပြုလုပ်ခဲ့သည်။

ငွေပုံပေးထားလိုသော အမေရိကန် ပြည်ထောင်စု၏ ယခင်က ဆန္ဒကို မြန်မာ စစ်အစိုးရက လေးစားခဲ့လေသည်။ စစ်အစိုးရက အာဆီယံကို အလေးမထားဟန် ဆက်ဆံခဲ့သော်လည်း အမေရိကန်ကို ပိုမို ပူးပေါင်း ဆောင်ရွက်မှုများ ရရှိနိုင်ရေးအတွက် ဆွဲဆောင်သည့်အနေဖြင့် ယခင် နှစ်များက ဒေါ်လာ သန်းပေါင်း များစွာ ရင်းနှီး သုံးစွဲခဲ့လေသည်။

ဗိုလ်ချုပ်မှူးကြီး သန်းရွှေက အမေရိကန်တို့၏ ကြေညာချက်များ နောက်တွင် လက်တွေ့ လှုပ်ရှားမှု တွဲလျက် ပါလာတတ်သည့် အစဉ်အလာ ရှိသည်ကို သိထားသည်။ ဆိုင်ကလုန်း နာဂစ် အကူအညီပေးရေး လမ်းကြောင်းများ ဖွင့်ပေးရန် နအဖကို ဆွဲဆောင်ခဲ့သည့် အာဆီယံ၏ ကြီးမားသော အောင်မြင်မှုကို မှတ်မိကြပါလိမ့်မည်။ အမေရိကန် လေယာဉ်တင် စစ်သင်္ဘော USS Essex ဦးဆောင်သည့် အုပ်စုနှင့် တခြား နိုင်ငံခြား ရေတပ် သင်္ဘောများ မြန်မာ နိုင်ငံ ကမ်းလွန် ဒေသတွင် ကျောက်ချပြီး အဆင်သင့် စောင့်ဆိုင်း နေခြင်း မရှိပါက အာဆီယံသည် အောင်မြင်မှု ရရှိမည် မဟုတ်ပါ။ ထိုအချိန်က အာဆီယံနှင့် ပူးပေါင်း ဆောင်ရွက်မည်လား သို့မဟုတ် အမေရိကန် ရေတပ်နှင့် ဆက်ဆံမည်လား ဆိုသည့် အခြေအနေမျိုး နှင့် ဗိုလ်ချုပ်မှူးကြီး သန်းရွှေ ကြုံခဲ့ရခြင်း ဖြစ်သည်။

စစ်အစိုးရက ယုတ္တိမရှိသည့် ကတိကဝတ်များ၊ ကြေညာချက်များဖြင့် ကုလသမဂ္ဂ၊ ဥရောပသမဂ္ဂ၊ အာဆီယံ တို့၏ ပွယောင်းယောင်း သံတမန်ရေး အဆိုပြုချက်များကို ခပ်ပေါ့ပေါ့ပင် တုံ့ပြန်ခဲ့သည်။ ၎င်းတို့သည် အမှန်တကယ် ထိခိုက် နိုင်စွမ်း မရှိ ဟူသော အတွေ့အကြုံကြောင့် စစ်အစိုးရက သက်သောင့် သက်သာ ဖြစ်နေသည်။

တကမ္ဘာလုံး ပါဝင်သည့် လက်နက် ရောင်းချမှု ပိတ်ဆို့ခြင်း၊ မြန်မာနိုင်ငံတွင် လူသားမျိုးနွယ်အပေါ် ကျူးလွန်သည့် ရာဇဝတ်မှုများ အတွက် ကုလသမဂ္ဂ လုံခြုံရေး ကောင်စီ၏ စုံစမ်း စစ်ဆေးရေး ကော်မရှင် တို့ကိုသာ စစ်အစိုးရက အလေးထားလာမည် ဖြစ်သည်။ ထိုနည်းလမ်းသည် ပူးပေါင်း ဆောင်ရွက်မှု အမျိုးအစား တခု ဖြစ်ပြီး တွေ့ဆုံဆွေး နွေးရေးနှင့် စေ့စပ် ညှိနှိုင်းရေးတို့ အပေါ်တွင် အခြေခံပါသည်။

လွှတ်တော်အမတ် ဝက်ဘ် ဂုဏ်ယူ ဝံ့ကြွားနေချိန်တွင် မည်သည့်နည်းနှင့်မျှ မြန်မာနိုင်ငံမှ ပျောက်ပျက် မသွားနိုင်သော အရေးကြီးသည့် ပြဿနာရပ်များကို မေ့ထား၍ မရနိုင်ပေ။ သူ့အပေါ် မကောင်းသည့် စိတ်နှင့် ပြောခြင်း မဟုတ်ပါ။ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားပေါင်း ၂ဝဝဝကျော် အကျဉ်းကျနေကြဆဲဖြစ်သည်။ မြန်မာပြည် အရှေ့ပိုင်းတွင် ရွာသားများကို မုဒိမ်းကျင့်ခြင်း၊ နှိပ်စက်ညှဉ်းပန်းခြင်း၊ လုပ်အားပေး စေခိုင်းခြင်း၊ သေဆုံးမှုများ စသည့် အကြမ်းဖက်မှုများကို စစ်တပ်က ရက်ရက် စက်စက် တိုးမြှင့်လုပ်ဆောင်နေသည်။

ဇူလိုင်လ ၂၇ ရက် မှ ယနေ့အထိ ရှမ်းပြည်နယ် အလယ်ပိုင်းရှိ ကျေးရွာပေါင်း ၅ဝဝ မှ အတင်း အဓမ္မ ရွှေ့ပြောင်းခံရသူ ပေါင်း ၁ဝဝဝဝ ကျော် ရှိနေသည်။ ကရင်ပြည်နယ်တွင် ဖြစ်ပွားသော တိုက်ပွဲများကြောင့် လူပေါင်း ၆ဝဝဝကျော် ထိုင်းနိုင်ငံသို့ ထွက်ပြေး ခိုလှုံခဲ့ရသည်။ ဒုက္ခသည်များက နေစဉ်နှင့်အမျှ ၎င်းတို့၏ နေအိမ်များကို စွန့်ခွာ ထွက်ပြေးနေကြရသည်။ ၂ဝ၁ဝ ပြည့်နှစ်တွင် ကျင်းပမည့် ရွေးကောက်ပွဲကို လုံးဝ ထိန်းချုပ်နိုင်ရန် ကြိုးစားသည့် အနေဖြင့် အပစ်အခတ် ရပ်စဲထားသည့် တိုင်းရင်းသား အဖွဲ့များနှင့် အပစ် မရပ်စဲသေးသည့် အဖွဲ့များကို စစ်အစိုးရက တင်းကျပ်လာမည် ဆိုလျှင် ကမ္ဘာ့အရှည်အကြာဆုံး စစ်ပွဲများထဲတွင် ပါဝင်သည့် မြန်မာပြည်မှ စစ်ပွဲများသည် ပို၍ ဆိုးရွာလာပါလိမ့်မည်။

စစ်အစိုးရ၏ မြောက်ကိုရီးယားနှင့် ရင်းရင်းနှီးနှီး ပူးပေါင်း ဆောင်ရွက်နေသော ကြောက်မက်ဖွယ်ရာ အထောက် အထားများ ဖြစ်သည့် ဥမင်လိုဏ်ခေါင်းများ၊ တာဝေးပစ် ဒုံးပျံ နည်းပညာများ နှင့် အဏုမြူ အစီအစဉ် တို့ကိုလည်း မေ့ထား၍ မဖြစ်ပေ။

အမေရိကန် ပြည်ထောင်စု၏ အကူအညီ မပါဘဲ စစ်အစိုးရက ဤသို့ ပျက်စီးရာ ပျက်စီးကြောင်းများ လုပ်ဆောင် နိုင်သော အခြေအနေတွင် စီးပွားရေး ဒဏ်ခတ် ပိတ်ဆို့မှုများကို ရုတ်သိမ်းလိုက်မည် ဆိုလျှင် မည်ကဲ့သို့ ဖြစ်လာမည်နည်း ဆိုသည်ကို အထက်လွှတ်တော်အမတ် ဂျင်မ်ဝက်ဘ် အလေးအနက် စဉ်းစားရမည် ဖြစ်သည်။

ဤအချိန်သည် မြန်မာနိုင်ငံ အတွက် ဆောင်ရွက်ရန် အကြောင်းအရာများအပေါ် ပြန်လည် အာရုံစိုက်ရမည့် အချိန် ဖြစ်သည်။ ၎င်းတို့မှာ နိုင်ငံရေး အကျဉ်းသားများ ခြွင်းချက်မရှိ လွတ်မြောက်ရေး၊ တိုင်းရင်းသား လူမျိုးစုတို့ နေထိုင်ရာ ဒေသများတွင် စစ်တပ်၏ ရန်လိုသော အပြုအမူများ အဆုံးသတ်ရေး၊ ၂ဝဝ၈ ဖွဲ့စည်းပုံ အခြေခံ ဥပဒေကို သုံးပွင့်ဆိုင် ပြန်လည် သုံးသပ်ရေးတို့ ဖြစ်ပါသည်။

ဒက်ဘီ စတူးဟတ်သည် Alternative Asean Network ၏ မြန်မာပြည်ဆိုင်ရာ ညှိနှိုင်းရေးမှူးဖြစ်ပါသည်။

ကရင်တိုင်းရင်းသားတို့၏ ကျွန်းသာယာ

အီဒစ် မီရန်တီ

ကရင် တိုင်းရင်းသား က လေးငယ်များ ငြိမ်းချမ်း၊ လုံခြုံစွာ ဖွံ့ဖြိုး ရှင်သန်နိုင်သည့် ကျေးရွာလေး တခု ရှိနေသည်။ ကလေးများ ပုံမှန် ကျောင်းတက် နိုင်ကြသည်။ မိဘများ နှင့်အတူ ဘုရားကျောင်း ပုံမှန် သွားနိုင်သည်။ စစ်သား များကိုလည်း ကြောက်လန့် နေစရာမလို။ မိဘများလည်း ရွေးကောက်ပွဲ တွင် မဲပေးကြသည်၊ လွတ်လွတ် လပ်လပ် သွားလာနေကြသည်။

သူတို့ရွာလေးတွင် လျှပ်စစ်မီး ရှိသည်။ ရေပေးစနစ်များ၊ ဈေးဆိုင်များလည်း ရှိသည်။ ဤနေရာလေးမှာ လက်နက်ကိုင် ပုန်ကန် တိုက်ခိုက်မှု ဖြစ်ပွားနေသည့် ကော်သူးလေ ဒေသအတွင်း တည်ရှိနေခြင်း မဟုတ်ပါ။ ရန်သူများ ပတ်လည် ဝိုင်းနေသည့် ကရင်ပြည်နယ် ဖာပွန်မြို့ ဝန်းကျင်မှ ကျေးရွာလေးလည်း မဟုတ်ပါ။ လေဘေးသင့် ဧရာဝတီ မြစ်ဝကျွန်းပေါ်တွင်လည်း မဟုတ်သည့် အပြင် ထိုင်းနိုင်ငံ အတွင်းမှ တည်ငြိမ်မှု မရှိသည့် ဒုက္ခသည် စခန်း တခုလည်း မဟုတ်ပါ။

သူတို့ရွာလေးတွင် လျှပ်စစ်မီး ရှိသည်။ ရေပေးစနစ်များ၊ ဈေးဆိုင်များလည်း ရှိသည်။ ဤနေရာလေးမှာ လက်နက်ကိုင် ပုန်ကန် တိုက်ခိုက်မှု ဖြစ်ပွားနေသည့် ကော်သူးလေ ဒေသအတွင်း တည်ရှိနေခြင်း မဟုတ်ပါ။ ရန်သူများ ပတ်လည် ဝိုင်းနေသည့် ကရင်ပြည်နယ် ဖာပွန်မြို့ ဝန်းကျင်မှ ကျေးရွာလေးလည်း မဟုတ်ပါ။ လေဘေးသင့် ဧရာဝတီ မြစ်ဝကျွန်းပေါ်တွင်လည်း မဟုတ်သည့် အပြင် ထိုင်းနိုင်ငံ အတွင်းမှ တည်ငြိမ်မှု မရှိသည့် ဒုက္ခသည် စခန်း တခုလည်း မဟုတ်ပါ။

ဤရွာကလေး၏အမည်က ဝီဘီဟု ခေါ်သည်။ အက်ဒမန် ပင်လယ် (ကပ္ပလီပင်လယ်) အတွင်းရှိ အိန္ဒိယ နိုင်ငံက ပိုင်ဆိုင်သည့် ကျွန်းလေး တခုပေါ်တွင် တည်ရှိသည်။ ဤကျွန်းလေးကို ဗြိတိသျှအစိုးရက ၁၈၅ဝ ပြည့်လွန်နှစ်များ ကတည်းက သိမ်းပိုက်ခဲ့ပြီး သူတို့၏ ကိုလိုနီ ဒေသများမှ ပုန်ကန်သူများ၊ လူဆိုးများကို တကျွန်းပို့သည့် နေရာ ဖြစ်သည်။ အက်ဒမန် ပင်လယ် အတွင်းရှိ ကျွန်းများက မြန်မာပြည် အလယ်ပိုင်း ပဲခူး ရိုးမ တောင်တန်းကြီး ရေထဲ ငုပ်လျှိုးသွားရာမှ ပြန်ပေါ်လာသော ကျွန်းများ ဖြစ်ပြီး၊ နောက်ဆုံး ရေခဲခေတ် ကာလ ပင်လယ် ရေမျက်နှာပြင် မြင့်တက်လာချိန်မှစ၍ ပင်မ ကုန်းမြေကြီးနှင့် ပြတ်တောက် ကွဲကွာ သွားခဲ့ရခြင်း ဖြစ်သည်။

ဂျာရာဝါ (Jarawa)၊ အွန်ဂျီ (Onge)၊ ဂရိတ် အက်ဒမန်နိစ် (Great Andamanese)၊ စင်တီနီလိစ် (Sentinelese) စသည့် ဌာနေ တိုင်းရင်းသား လူမျိုးများက လွန်ခဲ့သည့် နှစ်တသောင်းကျော်ကတည်းက ဤကျွန်းများပေါ်တွင် နေထိုင်လာခဲ့ကြသည်။ သူတို့ အရေအတွက်က ၅ဝဝ ခန့် ရှိနိုင်သည်။

ဤကျွန်းငယ်လေးသည် ကိုလိုနီခေတ်က အိန္ဒိယနှင့် မြန်မာပြည်မှ အကျဉ်းသားများကို ထားသည့်နေရာ ဖြစ်ခဲ့ဖူးသည်။ အိန္ဒိယနိုင်ငံ လွတ်လပ်ရေး ရပြီးသည့် နောက်ပိုင်းတွင် ဘင်္ဂါလီ၊ ရန်ချီ (Ranchi) အပါအဝင် အိန္ဒိယနိုင်ငံမှ ပြောင်းရွှေ့ အခြေချ နေထိုင်လာသူ တိုင်းရင်းသားများနှင့် စည်ကားလာသည်။

၁၉၂ဝ ပြည့်နှစ်လွန် ဝန်းကျင်တွင် ကျွန်းပေါ်ရှိ သစ်မာတောများကို စီးပွားဖြစ် ခုတ်လှဲရောင်းချခဲ့သည်။ ထိုအချိန်က ဗြိတိသျှ သစ်ကုန်သည်များက မြန်မာနိုင်ငံမှ ကရင်တိုင်းရင်းသားများကို သစ်ခုတ်လုပ်သားအဖြစ်၊ ဆင်ထိန်းအဖြစ် ခိုင်းစေရန် ခေါ်ဆောင်လာကြသည်။

ပထမဦးဆုံးအသုတ် ခရစ်ယာန် ဘာသာဝင် ကရင်များက ဤကျွန်းပေါ်သို့ ၁၉၂၅ ခုနှစ်တွင် ရောက်ရှိလာသည်။ သူတို့နှင့် အတူ သင်းအုပ်ဆရာ ဦးလူကြီးလည်း အတူပါလာခဲ့သည်။ နောက်ဆုံး ကရင်လူမျိုး အရေအတွက် ရာဂဏန်း အနည်းငယ် ရောက်ရှိလာကြပြီး သူတို့ နေထိုင် အခြေချရန် မြေကွက်များကိုလည်း အက်ဒမန်ကျွန်း အလယ်မြို့ ဖြစ်သည့် မာယာဘန်ဒါ အနီးရှိ ယခု ဝီဘီကျေးရွာ၌ ရရှိခဲ့ကြသည်။ ၎င်းတို့မှ သက်ဆင်းလာကြသူများကို ယခုအခါ ကျွန်းများပေါ်ရှိ ဒေသခံများ အဖြစ် တရားဝင် သတ်မှတ်ထားလေသည်။

မကြာသေးမီနှစ်များအတွင်း သဘာဝ ပတ်ဝန်းကျင် ပျက်စီးလာမှုကြောင့် အက်ဒမန် ကျွန်းရှိ သစ်ထုတ်လုပ်ရေး လုပ်ငန်းများလည်း ရပ်ဆိုင်းခဲ့ရသည်။ မာယာဘန်ဒါမြို့ အနီးတွင် လက်ကျန်ဆင်များနှင့် ဆင်ဦးစီးများကို တွေ့နိုင်သည်။ ဆင်ဦးစီးများက တခြားသော အသက်မွေးဝမ်းကျောင်း လုပ်ငန်းများကို ရှာနေသည်။

ဝီဘီကျေးရွာမှ ကရင် လူမျိုး များနှင့် တခြားရွာသားများက ဟင်းသီးဟင်းရွက်များ စိုက်ပျိုး စားသောက်ကြသကဲ့သို့၊ ဈေးတွင်လည်း ရောင်းချကြသည်။ ကမ်း ရိုးတန်းတွင် ငါး၊ ခရု၊ ကမာများကို ရှာဖွေ စားသောက်ကြသည်။ တချို့က ခရီးသွား ကုမ္ပဏီများတွင် ရေငုပ်သမားများ ဖြစ်နေကြသည်။

ခေတ်ပညာတတ် ကရင်လူငယ်တချို့က အစိုးရအလုပ်များ လုပ်ကိုင်ကြသည်။ မာယာဘန်ဒါ၊ ပို့ဘလဲယား မြို့များရှိ သဘာဝ ပတ်ဝန်း ကျင် အရေး လုပ်ဆောင်နေသည့် အဖွဲ့အစည်းများ၊ ပုဂ္ဂလိက စီးပွားရေး လုပ်ငန်းများတွင်လည်း ဝင်ရောက် လုပ်ကိုင် နေကြသည်။ ကရင် လူမျိုးများက ကိုယ်ခန္ဓာ တည်ဆောက်ပုံအရ သော်လည်းကောင်း၊ (ခရစ်ယာန်ဘာသာ ကိုးကွယ်ယုံကြည်မှု အပါအဝင်) ယဉ်ကျေး မှု အ ရ သော်လည်းကောင်း အက်ဒမန်ပင်လယ် တောင်ပိုင်း၊ အိန္ဒိယ နီကိုဘာကျွန်းစုများပေါ်ရှိ ဌာနေ တိုင်းရင်းသား များနှင့် လည်း တူညီကြ သည်။ တခါတရံ ပို့ဘလဲယားမြို့ပေါ်တွင် ကရင်များနှင့် နီကိုဘာကျွန်းသားများက သူတို့ အချင်းချင်း ရောထွေး မှားယွင်း တတ်ကြသေး သည်။

အလယ်အက်ဒမန်ကျွန်းသည် နတ်ကိုးကွယ်သူ ဂျာဝါရာလူမျိုးများ နေထိုင်ရာ ဒေသ ဖြစ်သည်။ ၎င်းတို့က ပို၍ ညိုမှောင်သည့် အသားအရောင် ရှိကြပြီး အမဲလိုက်ခြင်း၊ သစ်သီးသစ်ဥများ ရှာဖွေ စားသောက်ခြင်းဖြင့် အသက်မွေးကြသည်။ ဌာနေတိုင်းရင်းသားများအတွက်မူ ဤ ကျွန်းကလေးက သူတို့ပိုင်ဆိုင်သည့် သီးခြား နေရာလေး ဖြစ်နေသည်။ ကျွန်း၏အလယ်ကို အက်ဒမန်လမ်းမကြီး (Adman Trunk Road) ဟုခေါ်သည့် လမ်းမကြီးတခု ဖောက်ထားရာ သူတို့ဒေသကို ကန့်လတ်ဖြတ် ဖြတ်သန်းသွားသည်။

၁၉၉ဝ ပြည့်လွန် နောက်ပိုင်းနှစ်များတွင် ဌာနေတိုင်းရင်းသား ဂျာဝါရာလူမျိုးများနှင့် လမ်းမကြီး ဘေးတဖက်တချက်တွင် နေထိုင်ကြသည့် အခြေချလာသူများအကြား အကြမ်းဖက် ထိပ်တိုက်တွေ့မှုများ အကြိမ်ကြိမ်ရှိခဲ့သည်။ နောက်ပိုင်းတွင် ဂျာဝါရာလူမျိုးများ အပေါ် ကူးစက်ရောဂါများ ကျရောက်စေမှုနှင့် တခြားသော ဆိုးကျိုး အန္တရာယ် သက်ရောက်စေမှုများကြောင့် အခြေချလာသူများကို နေရာ ရွှေ့ပြောင်းလိုက်သည်။ လမ်းမကြီးက ပွင့်လျက် ဆက်လက် ရှိနေပြီး၊ ယာဉ်အသွားအလာ အနည်းငယ်မျှသာ ရှိသည်။

ဂျာဝါရာတို့ကို အကာအကွယ် ပေးရေးအတွက် ထိုလမ်းမကြီးကို ပိတ်ပစ်ရန် အိန္ဒိယနိုင်ငံ ဗဟို တရားရုံးချုပ်က ၂ဝဝ၂ ခုနှစ်တွင် အမိန့် ချမှတ်ခဲ့သော်လည်း လက်တွေ့ အကောင်အထည် ဖော်နိုင်ခြင်း မရှိသေးပါ။ အကယ်၍ လမ်းပိတ်လိုက်လျှင် ကရင်လူမျိုးများ ကဲ့သို့သော မာယာဘန်ဒါဒေသတွင်း နေထိုင်သူများအတွက် အခက်ကြုံရဖွယ် ရှိသည်။ ထို့ပြင် ပို့ဘလဲယားဆိပ်ကမ်းမြို့မှ တဆင့် သင်္ဘောများကို အားထား၍သာ သွားလာကြရဖွယ် ရှိနေသည်။

ကရင်လူမျိုးများက အကြမ်းဖက် လူမျိုးရေး အဓိကရုဏ်းများ ဖြစ်ပွားခဲ့ရာတွင် ပါဝင်ပတ်သက်ခဲ့ခြင်း မရှိပါ။ သို့သော်လည်း ကရင် ဧဝံဂေလိ ခရစ်ယာန် ဘာသာဝင်များက ဂျာဝါရာတို့ကို လက်ဝါးကပ်တိုင်များ ပေးအပ်ခဲ့သည် ဟူသော သတင်းများ ရှိခဲ့သည်။ ဂျာဝါရာတို့က ၎င်းတို့ ပိုင်နက်ရှိ ငါးများ၊ သီးနှံများကို လာရောက် လုယက် ခိုးယူကြသူများအား ၎င်းတို့ ဘာသာစကား အရ "ဘီမာ" (ဗမာ) ဟုခေါ်ကြသည်။ မြန်မာနိုင်ငံဘက်မှ လှေများဖြင့် လာရောက်ကြသူများကို ရည်ညွှန်း ပြောဆိုခြင်း ဖြစ်သည်။ ထိုအထဲတွင် အလယ် အက်ဒမန်ကျွန်းမှ လာရောက်သူများနှင့် ကရင်တံငါ တချို့လည်း ပါဝင်ကောင်း ပါဝင်မည် ဖြစ်သည်။

မည်သို့ဆိုစေ ဝီဘီကျေးရွာလေးက တည်ငြိမ် အေးဆေးလှသော ရွာလေးတခု ဖြစ်သည်။ ကွန်ကရစ် ခင်းထားသည့် လမ်းများ ရှိသည်။ မြင့်မားသည့် အုန်းပင်များ၊ အရိပ်ကောင်းလှသည့် သစ်ပင်ကြီးများလည်း ရှိသည်။ အိမ် အနည်းငယ်ခန့်မှာ ဝါးထရံကာ၊ သက်ငယ်မိုး ဖြစ်သော်လည်း အများစုမှာ ကွန်ကရစ်ခင်း သွပ်မိုးအိမ်များ ဖြစ်သည်။ မြန်မာနိုင်ငံတွင် နေထိုင်ကြသည့် ကရင် တိုင်းရင်းသားများနှင့် နှိုင်းယှဉ်လျှင် သူတို့ဘဝက အေးဆေး တည်ငြိမ်လှသည်။ ရှုပ်ထွေး ပွေလီ ပြဿနာများ မရှိ။ အေးချမ်းသည့် နိဗ္ဗာန်ဘုံကလေးသဖွယ် ဖြစ်နေသည်။

ဝီဘီရွာရှိ ကရင်အမျိုးသမီးများက အိမ်ထောင် ထိန်းကျောင်းကြသည့် မိခင်များ ဖြစ်ပြီး ဈေးဆိုင်များ ပိုင်ဆိုင် ရောင်းချကြသူများလည်း ဖြစ်နေသည်။ သူတို့က ဧရာဝတီတိုင်း အတွင်း နေထိုင်ကြသည့် ကရင်လူမျိုးများကဲ့သို့ ထဘီနှင့် ဘေးတွင် ကြယ်သီးတပ်ရသည့် ရင်ဖုံးအင်္ကျီကို ဆက်လက် ဝတ်ဆင်နေကြသည်။ ဤကျေးရွာသား အများစုက ကရင် စကား ဆက်လက်ပြောဆိုနေကြဆဲ ဖြစ်သည်။ အများစုက စကောကရင် ဘာသာစကားကို အသုံးပြုပြီး တချို့က ပိုးကရင်ဘာသာကို ပြောဆိုကြသည်။ ကျောင်းသားလေးများအတွက် ကရင်ဘာသာဖြင့် ပြုစုထားသည့် ကျောင်းစာအုပ်များ ရှိသည်။

အက်ဒမန်ကျွန်းပေါ်ရှိ ကရင်လူမျိုးများက ဟင်ဒီဘာသာ၊ မြန်မာဘာသာ စကား တို့ဖြင့် ပြောဆိုကြသည်။ အင်္ဂလိပ်စကားကိုလည်း မကြာခဏ အသုံးပြုကြသည်။ ကျမ အလည်ရောက်သွားသည့်နေ့သည် အင်္ဂလိပ်ဘာသာဖြင့် သင်ကြားနေသည့် ထိုကျောင်းလေး၏ စာသင်နှစ် နောက်ဆုံးရက် ဖြစ်နေသည်။ ကြက်သွေးရောင် တူညီဝတ်စုံဝတ် ကျောင်းသားလေးများက လိမ္မော်ရည်၊ စမူဆာများ စားသောက်ပြီး စာသင်နှစ် နောက်ဆုံးနေ့ အထိမ်းအမှတ်ကို ကျင်းပနေကြသည်။ မိသားစုတစုက ကျမကို ဖိတ်ခေါ်သဖြင့် သူတို့အိမ်သို့ လိုက်သွားသည်။ ၎င်းတို့၏ သမီးတဦးဖြစ်သူ တက္ကသိုလ်ကျောင်းသူက ရှိတ်စပီးယား ပြဇာတ်များအကြောင်းကို ကျမနှင့် ဆွေးနွေးပြောဆိုသည်။

မူစလင် နှင့် ဟိန္ဒူဘာသာဝင်များ အကြား အိမ်ထောင်ပြုမှု ရှိသော်လည်း ခရစ်ယာန် ဘာသာဝင် ကရင် လူမျိုး အရေအတွက်က ခိုင်ခိုင်မာမာ ကျန်ရှိနေဆဲ ဖြစ်သည်။ ဝီဘီကျေးရွာတွင် ဘုရားကျောင်း ၂ ကျောင်း ရှိသည်။ ဇီယွန် (Zion) နှစ်ချင်း ခရစ်ယာန်ကျောင်းနှင့် သင်းအုပ်ဆရာ ဦးလူကြီး အထိမ်းအမှတ် ဘုရားကျောင်းတို့ ဖြစ်သည်။ ဇီယွန် နှစ်ချင်း ခရစ်ယာန် ဘုရားကျောင်းက အခိုင်အခန့် တည်ဆောက်ထားသည့် အနီရောင် မျက်နှာစာတွင် အကွက် အပြောက်များဖြင့် မွမ်းမံ ချယ်သထားသည်။ ဘုရားအဝင်မုခ်ဦးနှင့် ဆင်တူသည့်၊ သင်းအုပ်ဆရာ ဦးလူကြီး အထိမ်းအမှတ် ဘုရားကျောင်း၏ အပြာရောင် ဂိတ်တံခါးကို စက္ကူ အလံများဖြင့် ချယ်သထားသည်။

အက်ဒမန်ကျွန်းနေ ကရင်များက မြန်မာနိုင်ငံရှိ အခြေအနေကို ဆွေမျိုးသားချင်းများမှတဆင့် လည်းကောင်း၊ ရေဒီယိုသတင်းများမှ လည်းကောင်း သိရှိနေကြသည်။ ပင်လယ်၏ ဟိုမှာဘက်ရှိ ကရင်လူမျိုးများ၏ အခြေအနေက သူတို့နှင့် လုံးဝ ကွာခြားလှသည်ကိုလည်း သိရှိနေကြသည်။ ဝီဘီကျေးရွာ အတွင်း ကျမ လည်ပတ် ကြည့်ရှုနေစဉ် "ဒေါ်အောင်ဆန်းစုကြည် အခြေအနေ ဘယ်လိုရှိသလဲ" ဟု မေးမြန်းသည်ကိုလည်း ကြုံခဲ့ရပါသေးသည်။

၂ဝဝ၉ ခုနှစ်၊ သြဂုတ်လထုတ် Irrawaddy မဂ္ဂဇင်းတွင် ဖော်ပြထားသော EDITH MIRANTE ၏ Island of Peace ဆောင်းပါးကို ဆီလျော်အောင် ပြန်ဆို ဖော်ပြပါသည်။

ကိုးကန့် အပစ်ရပ်အဖွဲ့နှင့် ဖြစ်ပွားသော တိုက်ပွဲတွင် နအဖဘက်မှ ၁၁ ယောက်ကျဆုံးပြီး ၃၉ ဦးဒဏ်ရာ ရရှိကြောင်း ကျေညာ

Narinjara News

ကိုးကန့် အပစ် ရပ် အဖွဲ့နှင့် သြဂတ်စ်လ ၂၇ ရက်နေ့မှ ၂၉ ရက်ရက်နေ့ထိ ဖြစ်ပွားခဲ့သော တိုက်ပွဲများတွင် နအဖ စစ်တပ်ဘက်မှ ၁၁ ဦးကျဆုံးပြီး ၃၉ ဦး ဒဏ်ရာ ရရှိကြောင်း နအဖ ရုပ်သံမှ ယနေ့တွင် ကျေညာသည်။

၎င်းပြင် ကိုးကန့်အဖွဲ့၏ ပစ်ခတ်မူ ကြောင့် ရန်နောင်တိုင်း ရဲစခန်းမှ ရဲသား ၁၄ ဦး သေဆုံးပြီး ၁၁ ယောက်ဒဏ် ရာရ ရှိခဲ့သည်ဟု သတင်း တွင် ဖေါ်ပြသည်။ ကျန် ၂၅ ဦးမှာ တစုံတရာ ဒဏ်ရာ ရရှိခြင်း မရှိဘဲ လွတ်မြှောက်လာကြောင်း ကျေညာသည်။

ကိုးကန့်ဖက်မှ အလောင်း ၁၆ လောင်းကို ရှာဖွေတွေ့ရှိပြီး လက်နက် ၂၀၀ ကျောက် သိမ်းပိုက် ရရှိသည်ဟု မြန်မာ့ ရုပ်သံက ကျေညာ သည်ဟု ကော့ဘဇား မြို့ခံ တဦးက ပြောသည်။

သြဂတ်စ်လ ၈ ရက်နေ့က မြန်မာ့ ရဲတပ်ဖွဲ့မှ ကိုးကန့် အပစ်ရပ်အဖွဲ့မှ လက်နက်များ ထုတ်လုပ်နေကြောင်း ဖေါ်ထုတ် ရရှိပြီးနောက်ပိုင်း ကိုးကန့် အပစ်ရပ် အဖွဲ့နှင့် နအဖ စစ်အစိုးရအကြား အခြေအနေတင်းမာလာခဲ့သည်။

၎င်းနောက်ပိုင်း ကိုးကန့် တပ်ဖွဲ့မှ သြဂတ်စ်လ ၂၈ ရက်နေ့တွင် ရန်နောင်တိုင်း ရဲစခန်းကို ၀င်ရောက် သိမ်းပိုက်ပြီး ရဲသားများကို ပြန် ပေးဆွဲသွားခဲ့သည်။

နအဖ ရုပ်သံမှ ကိုးကန့် အပစ်ရပ် အဖွဲ့နှင့် ဖြစ်ပွားသော တိုက်ပွဲမှာ သြဂတ်စ်လ ၂၉ ရက်နေ့ ညဉ့် ၁ နာရီတွင် ပြီးဆုံးကြောင်း ကျေညာ သွားခဲ့သည်။

ဖုန်ကြားရှင်နှင့် ခေါင်းဆောင် ၄ ဦးကို လုံးဝလက်ခံတော့မည် မဟုတ်တော့ကြောင်းနှင့် အဓိက တရားခံများ အဖြစ် ကျေညာသည်ဟု လည်းသိရသည်။

ကိုးကန့် အဖွဲ့သည် ၁၉၈၉ ခုနှစ်တွင် နအဖ စစ်အစိုးရနှင့် အပစ်အခတ် ရပ်စဲထားခဲ့သော အဖွဲ့ ဖြစ်သည်။

ဘ၀တူတွေနဲ့ သိသင့်သူတွေ သိစေဖို့

စည်သူစိုး (ထိုင်းနိုင်ငံ၊ စမူပါကန်မြို့၊ ပါစဘတ်အအေးခန်းစက်ရုံ)

ကျနော်က ထိုင်းနိုင်ငံ စမူပါကန်မြို့ရှိ မြန်မာအလုပ်သမား (၈၀၀) ခန့်ရှိတဲ့ ငါးအအေးခန်းမှ စကားပြန်တယောက်ဖြစ်ပါတယ်။
အခုစာရေးသားရတာဟာ ကျနော်တို့အလုပ်သမားတွေအတွက် အင်မတန်နစ်နာလွန်းလို့ ဘ၀တူတွေနဲ့ သိသင့်သူတွေ သိစေဖို့ ရည်ရွယ်ပေးပို့တာဖြစ်ပါတယ်။

ကျနော်မှတ်မိသလောက် ပြီးခဲ့တဲ့ဇူလိုင်လကုန်ပိုင်းလောက်က ကျနော့်အလုပ်ရှင်က ခေါ်ခိုင်းတဲ့အတွက် သူ့ရုံးခန်းကို သွားခဲ့ပါတယ်။ ကျနော်တို့စက်ရုံပိုင်ရှင် လင်မယားနဲ့အတူ မြန်မာလိုအနည်းငယ်ပြောတတ်တဲ့ ထိုင်းလူကြီးတယောက် ရှိနေပါတယ်။ သူဌေးပြောပြချက်အရ မဲဆောက်ကလာတဲ့ ထိုင်း-မြန်မာယဉ်ကျေးမှုအသင်း သို့မဟုတ် ကုမ္ပဏီလား သေခြာမမှတ်မိပါ။ အဲဒီက လူကြီးဖြစ်ကြောင်း သိရပါတယ်။

အဲဒီလူကြီးက မြန်မာအလုပ်သမားတွေ ပတ်စပို့လုပ်တာကို ကူညီဖို့ ကျနော့်ကို မြန်မာလိုပြောပြီး ထိုင်းလိုဆက်ပြောပါတယ်။ ကျနော်က အလုပ်သမားတွေကို ဘာသာပြန်ပေးပြီး ရှင်းပြဖို့လို့ဆိုပါတယ်။

အချုပ်ပြောရရင် အလုပ်သမားကတ် သက်တမ်းတိုးပြီးသူတွေဟာ မြန်မာပတ်စ်ပို့လုပ်ဖို့ ထိုင်းလ၀ကရုံးကို ဘတ် (၂,၀၀၀) နဲ့ ပတ်စ်ပို့အတွက် ဘတ် (၁၀၀) ပေးရမယ်လို့ပြောပါတယ်။ ဒါ့အပြင် အဲဒီလူကြီးက အကျိုးဆောင်လုပ်ပေးခအဖြစ် ဘတ် (၁,၅၀၀) သူ့ကို ပေးရမယ်လို့လည်း ပြောလာပါတယ်။

ကျနော်တို့အလုပ်သမားတွေမှာ ထိုင်းအလုပ်သမားမှတ်ပုံတင်ကတ်အတွက် တနှစ်သက်တမ်းတိုးငွေ ဘတ် (၃,၈၀၀) အတွက် အလုပ်ရှင်က တနှစ်ပတ်လည်လုံး လစဉ်ဖြတ်တောက်မှာဖြစ်တဲ့အပြင် အခုထပ်မံပြီး ပတ်စ်ပို့အတွက် စုစုပေါင်း ဘတ် (၃,၆၀၀) ပေးရအုံးမယ်ဆိုရင်တော့ ကျနော်တို့အတွက် အကြွေးသံသရာ ဘယ်တော့မှ ဆုံးနိုင်တော့မယ်မထင်ပါ။ နစ်သထက်နစ်ဖို့သာ ရှိပါတော့တယ်။

အလုပ်ရှင်သူဌေးကလည်း အဲဒီကုန်ကျစရိတ်အားလုံးကို သူ့ဘက်က လုံးဝအကုန်ကျမခံနိုင်ကြောင်းနဲ့ ကုန်ကျစရိတ်အားလုံးကို အမြန်ဆုံးဖြတ်တောက်မယ့်အကြောင်း ဘာသာပြန်ပြောခိုင်းနေပါတယ်။

မဲဆောက်မြို့မှလို့ပြောတဲ့ ထိုင်း-မြန်မာယဉ်ကျေးမှုအသင်းက ကျနော်တို့အလုပ်သမားတွေအပေါ် မသက်ညှာတဲ့အပြင် ထပ်မံခေါင်းပုံဖြတ်လို့နေပါတယ်။ အလုပ်သမားအားလုံးကို ရှင်းပြရမယ့် ကျနော်အနေနဲ့ ရင်လေးနေမိပါတယ်ခင်ဗျာ။ ယခုသတင်းကို ဖော်ပြပေးစေလိုပါတယ်။ ဒါမှသာ ကျနော်တို့အတွက် သက်သာရာတခုခု ဖြစ်လာလိမ့်မယ်လို့ မျှော်လင့်မိပါတယ်။

ရေခွန် အဆမတန် တိုးမြှင့်ကောက်ခံမှုကြောင့် လယ်သမားများ အခက်တွေ့

ပါးရယ်/ သြဂုတ် ၃၁၊ ၂၀၀၉

ကရင် နီပြည်တွင်း ရှိ ဆည်မြောင်း ရေကို အသုံးပြု နေသော လယ်သမားများ အပေါ် မြန်မာ စစ်အစိုးရ သည် ရေအခွန် အဆမတန် တိုး မြှင့်ကောက်ခံ မှုကြောင့် အချို့လယ်သမား များမှာ လယ်ယာ လုပ်စား ရာတွင် အခက်အခဲ များ ကြုံတွေ့ နေကြရသည်ဟု ဒေသခံ လယ် သမား တဦးက ပြောသည်။

အာဏာပိုင်များသည် ယခင်က လယ်ယာတစ်ဧကလျှင် ရေအခွန်ကို ၇၀၀ သို့မဟုတ် ၈၀၀ ကျပ် ကောက်ခံခဲ့ရာကနေ ယခုနှစ်စပိုင်းမှ စ၍ တစ်ဧကအား ၈၀၀၀ မှ ၁၀၀၀၀ ကျပ်အထိ တဟုန်ထိုး တိုးမြှင့်ကောက်ခံလိုက်ခြင်း ဖြစ်သည်။

“လယ်တစ်ဧက နှစ်ဧက လုပ်တဲ့ သူတွေအတွက်တော့ ၀မ်းစာရေးအတွက်ပဲ လုပ်ကိုင်နေရတယ်။ အမြတ်တွေ မရရှိတော့ဘူး” ဟု ဒေသခံလယ်သမားက ပြောသွားသည်။

လယ်သမားများသည် လယ်ယာအတွက် ရေအခွန်ကို ပေးဆောင်နေကြရသော်လည်း အာဏာပိုင်များက ၎င်းတို့ လယ်ယာစိုက်ပျိုးရေးအတွက် လယ်ယာသို့ ရေလွတ်ပေးရာတွင်လည်း အကန့်အသတ်နှင့် ပုံမမှန်ဖြစ်အောင် လုပ်ဆောင်နေသည်ဟု ပြည်တွင်းကွင်းဆင်းလှုပ်ရှားသူ ကရင်နီ လူငယ်အစည်းအရုံး (ကေအဲန်ဝိုင်အို) အဖွဲ့ကလည်း ပြောသည်။

“မပေးရင် ကျနော်တို့ လယ်မစိုက်ရတော့ဘူး။ သူတို့ ရေ မလွတ်ပေးတော့ဘူး။ ရေပိတ်မယ်။ သူတို့ လာကြည့်လို့ ရှိရင် ကျနော်တို့ ရေသယ်ထားတာတွေ ဘာတွေ တွေ့မယ်ဆိုရင်တော့ ရေပိုင်ရှင်ကို အရေးယူတာတို့ ဘာတို့ လုပ်မယ်ပေါ့နော်။ နောက်ပြီးတော့ လယ်သိမ်းတာတို့ ဘာတို့ ဖြစ်သွားနိုင်တယ်လို့ သူတို့က အဲလိုပြောလာတယ် လေ” ဟု လယ်သမားများပြောပြချက်ကို ကေအဲန်ဝိုင်အို တာဝန်ခံ ဆိုင်းရှိုင်းက ပြန်လည်ပြောပြသွားသည်။

လယ်သမားများအပေါ် ရေခွန် မြှင့်မားကောက်ခံခြင်းသည် မည်သည့် အကြောင်းအရာမှ ပြောပြမှု မရှိသော်လည်း ရွေးကောက်ပွဲအတွက် လူအင်အား တိုးချဲ့ရေးကို လိုက်လံ လုပ်ဆောင်နေသောကြောင့် ငွေကြေး လိုအပ်ခြင်း ဖြစ်နိုင်သည်ဟု ဒေသခံများက ပြောဆိုကြကြောင်း ဆိုသည်။

“လက်ရှိ သူတို့ ရွေးကောက်ပွဲအတွက် ရပ်ကွက်တွေထဲမှာ လူအင်အားတွေ တိုးချဲ့ထားတာတို့ ဘာတို့ အဲဒီအတွက် အဲဒီလူတွေအတွက် သူတို့ ပေးဖို့ ကမ်းဖို့ငွေ အဲလိုမျိုး လိုနေတဲ့အပေါ်မှာ သူတို့ လုပ်တယ်လို့ သူတို့ အဲလိုမြင်နေကြတယ်။ ဘာဖြစ်လဲဆိုတော့ ရွေးကောက်ပွဲအတွက် သူတို့ အခုကတည်းက ပြင်ဆင်နေတယ်လေ” ဟု ဆိုင်းရှိုင်းက ဆက်လက်ပြောသွားသည်။

စစ်အစိုးရအာဏာပိုင်များသည် ဆည်မြောင်းရေ လယ်ယာအခွန်ကို ရာသီအလိုက် ကောက်ခံခြင်း ဖြစ်ပြီး ယခုလို အဆမတန် တိုးမြင့် ကောက်ခံရာတွင်လည်း ပုံမှန် မဟုတ်ကြောင်း ဆိုသည်။ ပြည်တွင်းရှိ လယ်ယာများသည် တနှစ်အတွင်း နွေးစပါးနှင့် မိုးစပါး ဟူ၍ လယ်သမားများက နှစ်ကြိမ် စိုက်ပျိုးလေ့ရှိကြသည်ဟု သိရသည်။

ယနေ့ မြန်မာ့ရေးရာ သတင်းများ Aug,31st,2009

( 52 )တအာင်းယဉ်ကျေးမှု စာပေနေ့အထိမ်းအမှတ် အခမ်းအနားကျင်းပ

( 51 )No Government Relief for Storm Victims

( 50 )အမျိုးသမီးလူကုန်ကူး များပြားလာဟု အမျိုးသမီးနှင့်ကလေးအခွင့်အရေးအစီစဉ်မှ အစီရင်ခံစာထုတ်

( 49 )Veteran Organization Meets for Candidate Selection

( 48 )စစ်တပ်မှ ကားများ ချောဆွဲနေ

( 47 )Mistaken Identity reveals new Mon Splinter group behind extortion effort

( 46 )Grand Royal ကို မီးလောင်မှုဖြင့် ရဲက အမှုဖွင့်

( 45 )China presents railway carriages to Myanmar

( 44 )ကိုးကန့်စစ်အကြောင်း စစ်အစိုးရက KIO ကို ရှင်းပြ

( 43 )ကွန်ပြူတာအရောင်း ကုမ္ပဏီပေါင်း ၆၀ ပါမည့် အရောင်းပြပွဲ

( 42 )Burmese unrest may provoke reaction from China

( 41 )မြောက်ကိုရီးယား၏ သဝဏ်လွှာ စာပေစိစစ်ရေးက ခွင့်ပြု

( 40 )Myanmar refugees head home

( 39 )မလေးရှား အကျဉ်းထောင်တွင် မြန်မာတဦး ထပ်မံသေဆုံး

( 38 )ငါးဖမ်းသင်္ဘောနစ်မြုပ် ၁၇ ဦး သေဆုံး

( 37 )The fall of Kokang raises questions

( 36 )NCUB-FM ရေဒီယိုအစီအစဉ် ယနေ့တွင်ရပ်ဆိုင်း

( 35 )Refugees in Yunnan fear return to Myanmar after clashes

( 34 )မြန်မာအမျိုးသမီးများအား လိင်ကုန်ကူးမှုကြီးထွားလာကြောင်း အစီရင်ခံစာတစောင် ထွက်ပေါ်

( 33 )China resolves issue with Sino-Myanmar border inhabitants

( 32 )Suu Kyi to stop trespassers

( 31 )ရန်ကုန်မြို့ အဆင့်မီမြို့တော်ဖြစ်ရေး ဒိုင်နာကားလိုင်းများ မြို့ပြင်ထုတ်ပြေးဆွဲမည်

( 30 )Myanmar refugees in China fear trip home after clashes

( 29 )Hundreds of Myanmar rebels flee battles with junta troops, cross into China

( 28 )MP's Burma refugees talk

( 27 )မလေးရှား ထိန်းသိမ်းရေးစခန်းရှိ မြန်မာအလုပ် သမား တဦးရောဂါရ သေဆုံး

( 26 )Suu Kyi's participation in elections

( 25 )Flow of Burmese Refugees into China Dropping

( 24 )Economic Crisis Hits Burmese Migrant Women

( 23 )ကိုးကန့်နှင့် နအဖ တပ်များတိုက်ပွဲ နောက်ကွယ်

( 22 )Burmese unrest may provoke reaction from China

( 21 )Burma's generals go too far

( 20 )နေပြည်တော်သို့ မတိုင်ကြားရန် အစိုးရ ၀န်ထမ်းများကို ညွန်ကြား

( 19 )Burma says 34 killed as border fighting ends

( 18 )Myanmar conflict subsiding (3)

( 17 )Myanmar refugees weigh risks of returning from China

( 16 )Myanmar residents begin to go home

( 15 )ကိုယ်စားလှယ်လောင်းရွှေးချယ်ရန် ရခိုင်စစ်မှူးထမ်းဟောင်း အစည်းအဝေး ကျင်းပမည်

( 14 )A smarter form of Myanmar engagement

( 13 )Tribal fighters crushed

( 12 )'Dozens dead' in fighting in Burma

( 11 )Myanmar says 34 killed as border fighting ends

( 10 )Locke slams NZ English courses for junta

( 9 )Rebels join exodus to China from Myanmar

( 8 )Myanmar Forces Overwhelm Rebels

( 7 )China border clashes stop

( 6 )လှို့ဝှက်စာဖြန့်ခြင်းသည် စစ်အာဏာပိုင်များလုပ်ကြံချက်ဟု နိုင်ဟံသာကပြောဆို

( 5 )Thousands of Myanmar refugees stream into China

( 4 )Myanmar gov't says Kokang region situation returns to normalcy

( 3 )New pipeline could trigger Burma abuse

( 2 )ကိုးကန့် နဲ့ မြန်မာစစ်တပ်အကြား တိုက်ပွဲအရှိန်သတ်

( 1 )China issues rare rebuke after Burma border clashes

Sunday, August 30, 2009

ရန်ကုန်တိုင်း တိုင်းမှူးအတွက် အိတ်ဖွင့်ပေးစာ

ဗိုလ်ထက်မင်း

သို့/
အစ်ကိုကြီးခင်ဗျား …

ရန်ကုန်တိုင်း တိုင်းမှူး ဘ၀ဖြစ် လာရင် နအဖရဲ့ ထိပ်တန်း တန်းစီစာရင်းထဲကို ၀င်သွား ပြီမို့ အစ်ကိုကြီး အနေနဲ့ ကျေနပ်ပီတိ ဖြစ် ကောင်းဖြစ် နေပါလိမ့်မယ်။ ဒါပေမယ့် ရန်ကုန်တိုင်း တိုင်းမှူးရဲ့ နာမည်ကြီး ထမင်း ငတ်ဘ၀ကို အရင် ဆောင်းပါးမှာ တင်ပြထား ခဲ့ပြီး ဖြစ်ပါတယ်။

အစ်ကိုကြီးတို့အနေနဲ့ အရင်လို ညကျောင်း မတက်ရတော့ပေမယ့် ကြပ်ပြေးကို အချိန်နဲ့တပြေးညီ ကွန်ပျူတာ အင်တာနက် အဆင့်မြင့်နည်းပညာတွေနဲ့ အွန်လိုင်းပေါ်မှာ ကွန်ဖရင့်တက်ရတာမို့ အရင်ကနဲ့ ဘာမှ မထူးခြားလှတာကိုလည်း အစ်ကိုကြီး အသိဆုံးဖြစ်မှာပါ။

ရကတတိုင်းမှူးတယောက်အဖို့ ရန်ကုန်မြို့တွင်းမှာ မီးလောင်တာကအစ ကားပေါ်မှာပဲ ယူနီဖောင်းဝတ်၊ ကသုတ်ကရက် ကွင်းဆင်းပြီး သွားကြည့်ရတဲ့ ဒုက္ခကလည်း မသေးလှတာကို အစ်ကိုကြီး သိစေချင်ပါတယ်။ ၁၉၉၁ ဒီဇင်ဘာလ ကျောင်းသားဆန္ဒပြပွဲဖြစ်တုန်းက တိုင်းမှူး ဗိုလ်မျိုးညွန့်တယောက် ကားပေါ်မှာရှိတဲ့ စက်နဲ့ ကတုန်ကယင်ပြောနေရင်း နှလုံးထိခိုက်မှု (Heart attack) ဖြစ်ပွားတဲ့အကြောင်း မြင်လိုက်ရတဲ့ သူငယ်ချင်းတွေ ပြန်ပြောပြတာကိုလည်း အစ်ကိုကြီးကို ဖောက်သည်ချချင်ပါတယ်။

ရကတဟာ အစ်ကိုကြီးတို့ တိုင်းမှူးတွေအဖို့ မီးခဲကြီးပေါ် ဖင်ခုထိုင်နေရတာ မဟုတ်ပါလားခင်ဗျာ။ ရကတတိုင်းမှူးဟာ အခြားတိုင်းမှူးတွေနဲ့ မတူဘဲ စက်ရုပ်ကြီးလို လှုပ်ရှားနေရတဲ့ဘ၀မို့ သနားကရုဏာသက်ဖို့ ကောင်းလှပါတယ်။ လူဖြစ်ရှုံးတဲ့ ကျွန်တယောက်လို စစ်အာဏာရှင်တွေရဲ့ အဖြည့်ခံဘ၀ ရောက်မှန်းမသိ ရောက်နေရတာပါ။ အစ်ကိုကြီးရဲ့ဘ၀ဟာ စစ်အာဏာရှင်တွေရဲ့ ကတော်တွေ၊ သမီး၊ သား၊ မြေးတွေအတွက်ပါမကျန် အစစအရာရာ လိုလေသေးမရှိ ဖြည့်စွမ်းပေးရတဲ့ ရန်ကုန်မြို့တော်ဝန်ရဲ့ဘ၀နဲ့ နင်လား ငါလား မခြားနားတာ တွေ့ရပါတယ်။

အခု ရကတတိုင်းမှူးနဲ့ အရင် ရကတတိုင်းမှူးတို့ ဘာကွာလဲဆိုရင် အရင်က စစ်ရုံးနဲ့တကွ အစ်ကိုကြီးတို့ရဲ့ အဘတွေအားလုံး ရန်ကုန်မှာ ရှိနေတာမို့ ပိုပြီး တာဝန်ကြီးမားပြီး အခုကျတော့ စစ်ရုံးက ကြပ်ပြေးပြောင်းသွားလို့ သက်သာသလိုတော့ ရှိပါတယ်။ ဒါပေမယ့် ပြဿနာတခုရှိတာက ကြပ်ပြေးမှာ မနေချင်လို့ အလုပ်တာဝန် ခေါင်းစဉ်ပြပြီး ရန်ကုန်မှာ နားခိုနေတတ်တဲ့ အာဏာရှင်ဗိုလ်ချုပ်တွေရဲ့ လှုပ်ရှားမှုမှန်သမျှကိုတော့ အစ်ကိုကြီး ‘ခေါင်း’ ရင်းရမှာ ဖြစ်ပါတယ်။

ဒါပေမယ့် စစ်အာဏာရှင်တွေက တိုင်းမှူးတွေအပေါ် စိတ်မချမယုံကြည်လို့ ကစထမှူးအတု အိတ်ဆွဲ ဗိုလ်မြင့်ဆွေကို မကြာခဏ စေလွှတ်ကြပ်မတ်ခိုင်းတာကို အခု အစ်ကိုကြီး သဘောပေါက်လောက်ပြီပေါ့နော်။ ကစထမှူးအတုလို့ ခေါ်တာက ကစထမှူး သဘောသဘာဝအရ အနည်းဆုံး တိုင်းနှစ်တိုင်းကို အုပ်ချုပ်ရမှာဖြစ်ပြီး ယခုတော့ ရကတ တိုင်းတတိုင်းတည်းကိုသာ ကိုင်ခိုင်းလို့ ကစထ (အမှန်အကန် မဟုတ်ဘဲ) အတုလို့ ခေါ်ရတာဖြစ်ပါတယ်။ ထုံးစံမဟုတ်တာ၊ မကြားဖူးတာတွေ ကြားနေရလို့ပါ အစ်ကိုကြီးရယ်။

ရန်ကုန်တိုင်း တိုင်းမှူးကို မယုံလို့ ဗိုလ်မြင့်ဆွေကို အပေါ်က ကိုင်ခိုင်းတာ သိသာလွန်းလှပါတယ်။ စစ်အာဏာရှင်တွေဟာ လေဆိပ်နဲ့ အသံလွှင့်ရုံတွေရှိတဲ့ ရန်ကုန်တိုင်းကို ခွဲထွက်တော်လှန်ပုန်ကန်မှာစိုးလို့ အစစအရာရာ လုပ်ပိုင်ခွင့်မပေးဘဲ ချုပ်ကိုင်ထားသလို အခု ရကတတိုင်းမှူးဟာ အရင်တိုင်းမှူးတွေလောက် အခွင့်အာဏာ မရှိတော့တာကိုလည်း အစ်ကိုကြီး အသိဆုံးဖြစ်ပါတယ်။

အစ်ကိုကြီးနဲ့ သူငယ်ချင်းဖြစ်တဲ့ DSA အပတ်စဉ် (၂၀) တပတ်စဉ်တည်းဆင်း တပ်မတော်လေ့ကျင့်ရေး အရာရှိချုပ် (လကခ) ဖြစ်သွားတဲ့ ဗိုလ်ချုပ်လှဌေးဝင်းတို့ဟာ ရွှေဝါရောင်အရေးတော်ပုံကြီးကြောင့် ရင်တွင်းဖြစ် နှလုံးရောဂါ ရရှိခဲ့တယ်လို့လည်း သိရပါတယ်။ သံဃာတော်တွေကို အစ်ကိုကြီးတို့နှစ်ယောက် ကိုင်တွယ်ဖို့ အကျပ်အတည်းဆိုက်နေချိန်မှာ ကစထမှူး ဗိုလ်မြင့်ဆွေ ရောက်လာပြီး ကကကြည်းရဲ့ အမိန့် (ဗိုလ်သန်းရွှေရဲ့ အပြတ်ရှင်းဖို့အမိန့်) ကိုပါ တဆက်တည်း ညွှန်ကြားလာလို့ အစ်ကိုကြီးတို့ နှလုံးခုန် ပိုမြန်ခဲ့ရတယ်မဟုတ်လား။

အဲဒီတုန်းက အစ်ကိုကြီးက တပ်မ (၇၇) တပ်မမှူးဘ၀နဲ့ နဖူးတွေ့ ဒူးတွေ့ ရင်ဆိုင်ခဲ့ရတယ်နော်။ အစ်ကိုကြီးတို့နှစ်ယောက် သံဃာတော်တွေကို ကိုင်တွယ်ရမှာ ငရဲကြီးမှာစိုးပြီး စောစောပိုင်းကာလမှာ မသိချင်ယောင်ဆောင်ပေးခဲ့တဲ့အတွက် သံဃာတော်တွေ အင်အားထုကြီးမားခွင့် အခွင့်အလမ်းရခဲ့ပါတယ်။

ရွှေဝါရောင်အရေးတော်ပုံကြီးမှာ အစ်ကိုကြီးတို့ သူငယ်ချင်းနှစ်ယောက် ထမင်းလက်ဆုံစားတိုင်း ပေါက်ကွဲသံစဉ်လေးဖြစ်ရပုံနဲ့ ပတ်သက်ပြီး ပြည်သူတွေကို ဖောက်သည်ချရရင် “ဘုန်းကြီးတွေကိစ္စဟာ ပြည်ထဲရေး ရဲအလုပ်ဖြစ်ကြောင်း၊ တပ်က တတ်နိုင်သမျှ ဒုတိယ တပ်မတော်ကာကွယ်ရေးဦးစီးချုပ်ရဲ့ အမိန့်အတိုင်း ၀င်မပါချင်ကြောင်း၊ ကြံ့ဖွံ့၊ စွမ်းအားရှင်နဲ့ ရဲတွေဟာ နိုင်ငံတော်ကနေ အခွင့်အရေးတွေ ယူထားကြပြီး လူထုအုံကြွမှုကိုတော့ နိုင်အောင်မထိန်းနိုင်ကြကြောင်း၊ စစ်တပ်က နာမည်အပျက်ခံပြီး ၀င်ထိန်းရတော့မှာဖြစ်ကြောင်း” စတဲ့ စစ်တပ်က သမိုင်းတရားခံ ဖြစ်ရတော့မယ့်အရေးအတွက် အစ်ကိုကြီးတို့နှစ်ယောက် အစိုးရိမ်ကြီးခဲ့ကြတဲ့အကြောင်းပဲဖြစ်ပါတယ်။

ဒါပေမယ့် ခွင့်မလွှတ်နိုင်တဲ့ကိစ္စမို့ နောင်ဘ၀ကျရင် အစ်ကိုကြီးတို့ ငရဲကျမှာ သေချာသလောက်ရှိနေပြီ အစ်ကိုရေ။ အကိုကြီးတို့နှစ်ယောက်ဟာ ကက (ကြည်း) မှာ စစ်ဦးစီးမှူး (ပထမတန်း) အဖြစ် အတူတူလုပ်ခဲ့ကြပြီး အလားအလာရှိတဲ့ အရာရှိကြီးများလို့ အများက “တစ်” ပေးတာမို့ စိတ်ကူးတွေလည်း ယဉ်ခဲ့ကြမှာပေါ့နော်။ အစ်ကိုကြီး DSA အပတ်စဉ် (၂၀) ကို ဘုရင့်နောင်တပ်ခွဲမှာ တက်ခဲ့တုန်းက ခေတ်အခေါ် ‘ပဲများ’ လွန်းအားကြီးလို့ Nick name အဖြစ် စစ်သူနာပြုအရာရှိမတွေရဲ့ ဟန်ပန်ဂိုက်တွေနဲ့ တူလို့ Cadet မ လို့ နောက်ပြောင်ခေါ်တာ ခံခဲ့ရတယ်နော်။ အစ်ကိုကြီးက အညာသား တောသားပီပီ ရိုးလွန်းအားကြီးတယ်။ အစ်ကိုကြီးအနေနဲ့ ရန်ကုန်တိုင်း တိုင်းမှူးတွေဟာ တယောက်ပြီးတယောက် ဇာတ်သိမ်းမကောင်းလှပုံ တွေကို တွေ့ရမြင်ရခဲ့ပြီးလည်း ဖြစ်ပါတယ်။

အဲဒီတော့ အစ်ကိုကြီးအနေနဲ့ အချိန်မနှောင်းသေးခင် လုပ်သင့်တာကို ပြတ်ပြတ်သားသား ဆုံးဖြတ်လုပ်ကိုင်ပေးဖို့ တိုက်တွန်းချင်တယ်။ အစ်ကိုကြီးလက်ထဲမှာ လေဆိပ်လည်းရှိတယ်။ ပင်လယ်ထွက်ပေါက်လည်းရှိတယ်။ အစ်ကိုကြီးရဲ့ လက်အောက်ခံတပ်တွေအဖြစ် ရကတတပ်တွေအပြင် အစ်ကိုကြီး တပ်မမှူးဖြစ်ခဲ့တဲ့ တပ်မ (၇၇) တပ်လည်း ရှိပြီးဖြစ်တယ်။ ပြည်သူလူထုရဲ့ခေါင်းဆောင် ဒေါ်အောင်ဆန်းစုကြည်လည်း အစ်ကိုကြီးရဲ့ တိုင်းထဲမှာ ရှိနေပြီးဖြစ်တယ်။ အစ်ကိုကြီးရဲ့ ဆုံးဖြတ်ချက် ပြတ်သားလာရင် ပြည်သူလူထုနဲ့ နိုင်ငံတကာက အစ်ကိုကြီးကို သူရဲကောင်းသဖွယ် ကြိုဆိုဂုဏ်ပြုကြမှာ မလွဲဧကန်ဖြစ်ပါကြောင်း တိုက်တွန်းရေးသားလိုက်ရပါတယ်။


လောက်လေးခွနှင့် တုတ်များ စစ်တပ် တပ်ရင်းများတွင် ပြုလုပ်

Narinjara News

ရခိုင်ပြည်နယ် အခြေစိုက် စစ်တပ် တပ်ရင်းများကို လောက်လေးခွနှင့် တုတ်များ ပြုလုပ်ရန် အထက်က ညွန်ကြားထားသည်ဟု သတင်းရရှိသည်။

ယခုကဲ့သို့ လောက်လေးခွနှင့် တုတ်များပြုလုပ်ရန် ညွန်ကြားခံရသော စစ်တပ် တပ်ရင်းများထဲတွင် ဘူးသီးတောင် အခြေစိုက် တပ်ရင်းများ အပါအ၀င် ပလက်ဝ အခြေစိုက် ၂၈၉၊ ပုဏ္ဍားကျွန်း အခြေစိုက် တပ်ရင်း ၅၅၀၊ ရသေ့တောင် အခြေစိုက် ၃၇၈၊ စစ်တွေ အခြေစိုက် ၃၄၄ နှင့် နစက တပ်ဖွဲ့များလည်း ပါဝင်သည်ဟု သိရသည်။

အမည်မဖေါ်လိုသူ စစ်တပ်နှင့် နီးစပ်သူ တဦး၏ အပြောအရ လောက်လေးခွနှင့် တုတ်များကို သြဂတ်စ်လတွင် အပြီး လုပ်ခိုင်ထားပြီး တပ်ရင်းတခုတွင် အနည်းဆုံး လောက်လေးခွ ၁၀၀ နှင့် တုတ် ၁၀၀ စီ ပြုလုပ်ရသည်ဟု သိရသည်။

“ လေးခွကတော့ သားရေတွေနဲ့ စနစ်တကျ လုပ်တာ ဖြစ်ပြီး တုတ်ကတော့ ကြိမ်လုံး တွေကိုတော့ (၂) ပေခန့်စီ ပိုင်းပြီး ရောင်အမဲသုတ်ကာ ပြုလုပ်ထားတာကို တွေ့ရပါတယ်။ အဓိကတော့ ဆန္ဒပြရင် နှိမ်နှင်းဖို့ ရည်ရွယ်ချက် အတွက် ဖြစ်ပါတယ်” ဟု ပြောသည်။

အမည်မဖေါ်လိုသူ တောင်ကုတ်မြို့ခံ တဦးကလည်း “ ကျနော်တို့ တောင်ကုတ်မြို့မှာဆိုရင် ရဲသားတိုင်းမှာ လောက်လေးခွ တလက်၊ တုတ်တချောင်းစီ မြို့လုံခြုံရေးကို တိုးမြှင့်တိုင်း ယူလာပါတယ်။ လောက်လေးခွတွေကိုတော့ အိတ်ထဲမှာ ထည့်ထားပြီး တုတ်တွေက်ိုတော့ လက်မှာ ကိုင်ထားပါတယ်။ ဆန္ဒပြရင် အနီးကပ် တုတ်နဲ့ အရင် ဖြိုခွဲပြီး မရရင် အဝေးက လေးခွတွေနဲ့ ဖြိုခွင်းမယ့် သဘော ဖြစ်ပါတယ်” ဟု ပြောသည်။

မောင်တောမြို့မှ နစကနှင့် နီးစပ်သူ တဦးကလည်း နစက ကျီးကန်းပြင်ဌာနချုပ်တွင် လောက်လေးးခွနှင့် တုတ်များကို ပြုလုပ်နေပြီး အထက်က ညွှန်ကြားချက်အရ ပြုလုပ်နေခြင်း ဖြစ်သည်ဟု ပြောသည်။

ယခုကဲ့သို့ ပြုလုပ်ခိုင်းခြင်းမှာ ယခုနှစ်ရွှေဝါရောင်တော်လှန်ရေးနေ့ နှစ်ပတ်လည်နေ့အတွင်း ရခိုင်ပြည်နယ်တွင် ဆန္ဒပြပွဲများ ပေါ်ပေါက်ကောင်း ပေါ်ပေါက်လာနိုင်သည်ဟု အာဏာပိုင်များက ယူဆထားသဖြင့် ဆန္ဒပြပွဲများ ပေါ်ပေါက်လာပါက ကြိုတင် လက်ဦးမူယူကာ ဖြိုခွင်းနိုင်ရေး အတွက် ယခုကဲ့သို့ လောက်လေးခွနှင့် တုတ်များကို ပြုလုပ်ရန် ညွန်ကြားချက် ထုတ်ထားခြင်း ဖြစ်သည်ဟု လေ့လာသုံးသပ် တဦးက ပြောသည်။

ရှစ်လေးလုံး ၂၁ နှစ်မြောက် ရင်ခုန်သံ


"သားချော့တေး"

သားရေ …
ငိုသံတွေကို လမ်းခင်းပြီးမှ
မင်းရဲ့ နန်းတော်ကြီးဆီ
ရောက်မယ်ဆိုရင်
အဲဒီ့လမ်းကို မလျှောက်လေနဲ့၊
မိုးလောက်ကြီးပဲ မြင့်ပါစေ
လူတွေရဲ့ ပုခုံးကို တက်နင်းပြီးမှ
မင်းဘဝ အထက်တန်းကျမယ်ဆိုရင်
အဲဒီ့အမြင့်ကိုလည်း
မလှမ်းလေနဲ့။

မင်းရဲ့ ယုံကြည်ချက်ကြောင့်
ဘဝတွေပျက်
အိုးအိမ်တွေပျက်
မိသားစုတွေရဲ့
ပျော်စရာ အနာဂတ်တွေလည်း
ကြေကွဲပျက်စီးမယ်ဆိုရင်
အဲဒီ့ယုံကြည်ချက်ကိုလည်း
မင်း အကောင်အထည်
မဖော်လေနဲ့။


မသိနားမလည်သူ
လူတွေကို လှည့်စားပြီးမှ
ဇိမ်ခံခွင့်ရမယ်ဆိုရင်
အဲဒီ့စည်းစိမ်ကိုလည်း
မင်း မမက်မောလေနဲ့။


ဒီလောကကြီးမှာ
သစ်သီးကလေးတလုံး သီးဖို့
အချိန်တွေ အများကြီးယူရမယ်
ပန်းကလေးတပွင့် ပွင့်ဖို့
အဆင့်ဆင့်တည်ဆောက်ခဲ့ရတယ်
မြေနီလမ်း နံဘေးက
တောပန်းလေးတွေကအစ ကြင်နာပါ။


ဒုက္ခရောက်သူကို ဖေးကူပါ
လူသိက္ခာကို စောင့်ရှောက်ပါ
အပြစ်ကင်းမှုတိုင်းကို ချစ်ပါ။


ရိုးသားဖြူစင်သူတွေကို
တဖက်သတ်အနိုင်ယူပြီးမှ
မင်းရဲ့သရဖူကို ရမယ်ဆိုရင်
အဲဒီ့သရဖူကိုလည်း
မင်း လုံးဝ မယူလေနဲ့။

(မိုဃ်းဇော်)


ဒီကဗျာကလေးက ကျမတို့ပြည်သူတွေ ခံစားနေရတဲ့ ခံစားချက်နဲ့ အုပ်စိုးသူတွေရဲ့ အကြောင်းကို နမိတ်ပုံသင်္ကေတတွေနဲ့ ဖော်ထုတ်ပြလိုက်တာလို့ ခံစားမိပါတယ်။

ရှစ်လေးလုံး လူထုအရေးတော်ပုံ ၂၁ နှစ်မြောက် ကျင်းပနိုင်ဖို့ ဒုက္ခသည်စခန်းထဲမှာ ကြိုးစားနေတဲ့အချိန် ကဗျာဆရာမိုဃ်းဇော်ရဲ့ သားချော့တေးက ကျမကိုပါ ချော့လိုက်ပါတယ်။

၁၉၆၂ ဗိုလ်ချုပ်နေဝင်း အာဏာသိမ်းစဉ်က ဓားဓားချင်း၊ လှံလှံချင်းဆိုပြီး ပြည်သူလူထုကို စိန်ခေါ်အုပ်ချုပ်ခဲ့ပါတယ်။ ကျောင်းသားသမဂ္ဂနဲ့ သမဂ္ဂအဆောက်အဦးကို ဗိုလ်နေဝင်းလက်ထက်မှာ ဖျက်ဆီးခံရတယ်။ 7 ဇူလိုင်ဆိုတဲ့ အရေးအခင်းကြီး ပေါ်ပေါက်ခဲ့ရတယ်။ တက္ကသိုလ်ကျောင်းပုရဝဏ်ထဲမှာ ကျည်ဆံခွံတွေနဲ့ လက်နက်ကြီးကြောင့် ပြိုကျပျက်စီးသွားတဲ့ သမဂ္ဂအဆောက်အဦးကြီး အကျည်းတန်ခဲ့ရပါတယ်။

မြန်မာပြည်မှာ ဖောက်ပြန်တဲ့ အုပ်ချုပ်ရေးကို ပြောင်းလဲပစ်ဖို့ အထင်ကရရှိခဲ့တဲ့ အရေးအခင်းတွေ အများအပြား ရှိခဲ့ပါတယ်။ ကျွန်းဆွယ်အရေးအခင်း၊ 7 ဇူလိုင်၊ မှိုင်းရာပြည့်၊ ဦးသန့်၊ အလုပ်သမားအရေးအခင်း အစရှိတဲ့ အရေးတော်ပုံတွေကို စစ်အာဏာရှင်က လက်နက်အားကိုး ဖြိုခွင်းနှိပ်ကွပ်လို့ လူထုဆန္ဒတွေ ယာယီ တိမ်မြုပ်ခဲ့ရပေမယ့် ရှစ်လေးလုံး လူထုအရေးတော်ပုံမှာတော့ လူထုဆန္ဒတွေ အရှိန်အဟုန်နဲ့ ပေါ်ပေါက်ခဲ့ပါတယ်။

မြန်မာပြည် စစ်အာဏာရှင်ခေတ်အဆက်ဆက် နိုင်ငံရေးအကျပ်အတည်း ဖြစ်လာရင် ထွက်ပေါက်အနေနဲ့ အဓိကရုန်းတွေ၊ ကောလာဟလတွေ၊ ကုန်ဈေးနှုန်း အတက်အကျတွေ၊ လောင်းကစားခွင့်တွေနဲ့ လူထုကို လှည့်ဖြားအုပ်ချုပ်ပြီး အာဏာမြဲအောင် အမြဲလုပ်ခဲ့ပါတယ်။ ဖောက်ပြန်တဲ့ အစိုးရများဟာ လူထုဆန္ဒအစစ်အမှန်ကို အင်မတန်စိုးရွံ့ပါတယ်။ ခါးသီးပါတယ်။ ဒါကြောင့် တရားနည်းလမ်းကျကျ ဘယ်တော့မှ ဖြေရှင်းလေ့မရှိပါဘူး။

ကျမ မှတ်မိသေးတယ်။ ဗိုလ်နေဝင်းက မြန်မာ့ရုပ်မြင်သံကြားကနေ "တိုင်းပြည်ကို ဆူဆူပူပူလုပ်မယ်ကြံတဲ့သူတွေ မလွယ်ဘူးသာမှတ်။ စစ်တပ်ဆိုတာ သေနတ်ကို မိုးပေါ်ထောင်မပစ်ဘူး၊ တည့်တည့်ပစ်တယ်လို့ ပြောခဲ့ပါတယ်။" သိပ်မကြာပါဘူး။ ရှစ်လေးလုံး လူထုအရေးတော်ပုံကြီး ပေါ်ပေါက်ခဲ့တယ်။ လူထုလူတန်းစား အလွှာအသီးသီး ပါဝင်ခဲ့တယ်။ ကျောင်းသားပြည်သူ၊ ရဟန်းရှင်လူတွေ ထောင်ပေါင်းများစွာ သေခဲ့တယ်။

စစ်ခုံရုံးတွေဖွင့် အရေးပေါ် ၅ ညနဲ့ "ဥပဒေက မည်သို့ပင်ဆိုစေကာမူ" ဆိုပြီး အမိန့်တွေ ဖတ်ပြတယ်။ ဒီ့နောက် ထောင်ဒဏ်ဘယ်နှနှစ်ဆိုပြီး ပြစ်ဒဏ်ချမှတ်လိုက်တယ်။ ကျောင်းသားလူငယ်တွေ ကျောင်းဝတ်စုံကနေ ထောင်ဝတ်စုံ ပြောင်းဝတ်ခဲ့ရပါတယ်။ စစ်အာဏာရှင်က ကျောင်းစာသင်ခန်းတွေပိတ်ပြီး အကျဉ်းထောင်တံခါးပဲ ဖွင့်ခဲ့ပါတယ်။

၁၉၉၁ ဒီဇင်ဘာ ၃ဝ ရက်နေ့က အင်းစိန် အထူးစစ်ခုံရုံးမှာ ကျောင်းသားကိုစည်သူကို အမိန့်ချခါနီး စစ်အာဏာရှင်က အပြစ်ရှိလား၊ မရှိဘူးလားလို့ မေးခဲ့ပါတယ်။ ကိုစည်သူကလည်း ရဲရဲဝံ့ဝံ့ ပြန်ဖြေခဲ့ပါတယ်။

"အပြစ်ရှိသလား၊ မရှိဘူးလားဆိုတာ မမေးပါနဲ့။ မတရားသူတွေရဲ့ တရားစီရင်တာကို ကျနော်တို့ အသိအမှတ်မပြုနိုင်ဘူး။ ကြိုက်သလိုစီရင်လို့ရတယ်။ ဒါပေမဲ့ ဒါဟာ မတရားမှုပဲ"

ကိုစည်သူတယောက် စစ်အာဏာရှင်ရဲ့ လူမဆန်စွာ ညှဉ်းပန်းနှိပ်စက်မှုကြောင့် ၂ဝဝ၁ ဖေဖော်ဝါရီလမှာ သာယာဝတီအကျဉ်းထောင်ထဲ ကျဆုံးခဲ့ရပါတယ်။

ရှစ်လေးလုံး အရေးတော်ပုံမှာ ပါဝင်ခဲ့သူတွေ၊ လက်ဆင့်ကမ်း သယ်ဆောင်သွားသူတွေ အသက်တွေ ဘဝတွေ စတေးခဲ့ရပါတယ်။ လူထုရဲ့ ဆန္ဒအမှန်ကို လမ်းတွေပေါ်မှာ အသက်တွေနဲ့ ရင်းပြခဲ့ပြီး၊ အကျဉ်းထောင်တွေထဲမှာ ဘဝတွေနဲ့ စတေးပြခဲ့ပါတယ်။ ဘယ်လောက်များ နာကျင်ကြေကွဲဖို့ ကောင်းလိုက်ပါသလဲ။

အကျဉ်းထောင်ထဲက လွတ်လာသူတွေလည်း ဘဝမလုံခြုံလို့ ဒုက္ခသည်စခန်းထဲရောက်လာခဲ့ရတယ်။ မော်လမြိုင် အကျဉ်းထောင်ထဲက လွတ်လာတဲ့ ကျောင်းသားလူငယ် ကိုအောင်မြတ်သူက "ထောင်ထဲမှာ ကျနော်တို့ လူငယ်ဘဝတွေ ကုန်ဆုံးခဲ့ရတယ်။ ထောင်ကလွတ်လာတော့ ကျနော်တို့မှာ ဘာမှပါမလာဘူး။ ဒဏ်ရာပဲ ပါလာတယ်။ ဒီဒဏ်ရာနဲ့ ပြန်ပြီးအသုံးချရမယ်" လို့ ပြောပါတယ်။ ဒီဒဏ်ရာတွေနဲ့ပဲ ရှစ်လေးလုံး ၂၁ နှစ်မြောက် အခန်းအနားကို ကျင်းပနိုင်ဖို့ စီစဉ်ခဲ့ကြပါတယ်။

ရှစ်လေးလုံး ၂၁ နှစ်မြောက် အခန်းအနားမှာ မျိုးဆက်သစ် ကျောင်းသားလူငယ်တွေ သိရှိဖို့ ရှစ်လေးလုံး အရေးတော်ပုံ လူထုဆန္ဒပြပွဲရဲ့ သတင်းဓာတ်ပုံ ပြခန်းလုပ်မယ်။ ကျောင်းသားလူငယ်တွေကို ဟောပြောလှုံ့ဆော်မယ်။ အခန်းအနားနေ့မှာ ကျောင်းသားသမဂ္ဂသီချင်း၊ ခွပ်ဒေါင်းနီ၊ ရှစ်ဆယ့်ရှစ် ဗမာပြည် ဒီမိုကရေစီသီချင်းတွေ သီဆိုကြမယ်လို့ တိုင်ပင်ကြပါတယ်။

အခန်းအနားဖြစ်ဖို့ ငွေကြေးကို ကျင်းပမယ့် ကော်မတီက လူတွေ မတည်ကြတယ်။ လိုအပ်တဲ့ငွေကို မိတ်ဆွေရဲဘော်တွေဆီက ကောက်ခံပြီး ဒုက္ခသည်စခန်းထဲမှာလည်း အဖွဲ့နဲ့ အလှူခံထွက်ကြပါတယ်။ တစိမ့်စိမ့်ရွာနေတဲ့ မိုးရေကြားထဲမှာ မိုးကာခြုံ၊ ခမောက်ဆောင်းပြီး အလှူခံထွက်ရတာပါ။ ဒုက္ခသည်ပီပီ တဘတ်၊ ၅ ဘတ်၊ ၁ဝ ဘတ်၊ ဆန်တဗူး အစရှိတဲ့ ဆန်ငွေကြေးပါဝင်ပြီး အခန်းအနားကို ကျင်းပနိုင်ခဲ့ပါတယ်။

ကျင်းပရေးကော်မတီရဲ့ ကိုယ်စိတ်ပင်ပန်းမှုနဲ့ စစ်အာဏာရှင်ကို နာကြည်းမှုတွေ ရောပြွန်းနေခဲ့ပါတယ်။ ပြခန်းအတွက် ဓာတ်ပုံတွေ ထုတ်တဲ့အချိန်ကတော့ ကျမတို့ စိတ်အထိခိုက်ရဆုံး အချိန်ပါပဲ။ ဆရာဝင်နှစ်ယောက် ဆွဲပွေ့လာတဲ့ မဝင်းမော်ဦးကိုယ်လုံးမှာ သွေးတွေရွှဲလို့။ သေနတ်ဒဏ်ရာကြောင့် နာကျင်မိန်းမောနေတဲ့ သူမ ခံစားရတဲ့ ဝေဒနာတွေ ကျမတို့ဆီပါ ကူးစက်သွားရပါတယ်။ လက်နက်ဆိုလို့ အပ်တိုတချောင်းမှမပါတဲ့ အဖြူအစိမ်းဝတ် ကျောင်းသားကျောင်းသူလေးတွေကို သေနတ်နဲ့ ရက်ရက်စက်စက် ပစ်သတ်ရက်တဲ့ အာဏာရှင်တွေကို ကျမတို့ကမ္ဘာကျေသော်လည်း ဥဒါန်းမကြေနိုင်ပါဘူး။

ဓာတ်ပုံပြခန်း ဟောပြောပွဲတွေလုပ်ပြီး ဒုက္ခသည်စခန်းထဲက ကျောင်း ၄ ကျောင်းကို ဟောပြောရေးအဖွဲ့တွေ သွားရောက်ဟောပြောနိုင်ခဲ့ကြပါတယ်။ ရှစ်လေးလုံး လူထုအရေးတော်ပုံအကြောင်း၊ ခေါင်းဆောင်ဆိုတာ တိုက်ပွဲကြားက ပေါ်တယ်။ ဒီတိုက်ပွဲတွေထဲက မင်းကိုနိုင်၊ မိုးသီးဇွန်၊ ကိုကိုကြီး၊ ကိုဂျင်မီ အစရှိတဲ့ ကျောင်းသားခေါင်းဆောင်တွေအကြောင်း ပြောခဲ့ကြတယ်။ ကိုမင်းကိုနိုင်၊ ကိုမိုးသီးဇွန်တို့ရဲ့ ကဗျာတွေလည်း ရွတ်ပြခဲ့ကြတယ်။

ဒီကဗျာတွေက ကျောင်းသားကျောင်းသူတွေရဲ့ရင်ထဲ အလွယ်တကူ ရောက်သွားပါတယ်။ ကိုမင်းကိုနိုင်က "တိုင်းတပါးကျွန်၊ စစ်တပ်ကျွန်၊ ဘယ်ကျွန်မှမခံ၊ ဒေါင်းအလံဟေ့၊ ကျောင်းနံရံတဝိုက် ဒေါင်းအလံ ပြန်စိုက်မယ်" လို့ ကြွေးကြော်ခဲ့တဲ့ ကဗျာပါ။

ရှစ်လေးလုံး လူထုအရေးတော်ပုံအပြီး စစ်တပ်က အာဏာသိမ်းပြီးနောက် သွေးစွန်းနေတဲ့ မြန်မာပြည်ကို ထုံးသုတ်ဖို့ နေရာအနှံ့ အမိန့်ထုတ်ခဲ့ပါတယ်။ အဲဒီ့အမိန့်ကို ကိုမိုးသီးဇွန်က ဒီကဗျာနဲ့ တုံ့ပြန်ခဲ့ပါတယ်။

"ဒို့ကျောင်းသားသွေး၊ ထုံးဖြူဆေးသုံး၊ ဖျောက်ဖျက်ဖုံးလည်း၊ မဆုံးကမ္ဘာတည်လိမ့်မည်" တဲ့။

ဒီတော့ ကျောင်းသား၊ ကျောင်းသူလေးတွေက ကိုမင်းကိုနိုင်ဆိုတာ ဘယ်သူလဲ၊ ကိုမိုးသီးဇွန်ဆိုတာ ဘယ်သူလဲ။ ခွပ်ဒေါင်းအလံမှာ ခွပ်ဒေါင်းက အဝါဖြစ်ပြီး တခြားဒေါင်းက ဘာလို့စိမ်းနေတာလဲအထိ မေးခွန်းတွေ မေးခဲ့ကြပါတယ်။ သူတို့ကျေနပ်တဲ့အထိ ဟောပြောပွဲ တာဝန်ယူသူတွေက ရှင်းပြနိုင်ခဲ့ကြပါတယ်။

၇.၈.ဝ၉ နေ့မှာ ဓာတ်ပုံပြခန်း ဖွင့်နိုင်ခဲ့ပါတယ်။ ပြခန်းရဲ့ ဝင်ပေါက်မှာ ဗမာစာလုံး ရှစ် (၈) တလုံးထဲ ရေးထားပါတယ်။ ဝင်လာတဲ့သူတွေက ရှစ် (၈) ဂဏန်းထဲက ဝင်လာရပါတယ်။ ကျင်းပရေးကော်မတီက ကျောင်းသားလူငယ်တွေ ပြခန်းလေ့လာနိုင်ဖို့ ဖိတ်ကြားခဲ့ပါတယ်။ ဗုဒ္ဓမစ်ရှင်၊ PAB အထက်တန်းကျောင်း ကျောင်းသားလူငယ်လေးတွေ တန်းစီပြီး လာကြပါတယ်။ ကျောင်းဝတ်စုံနဲ့ လွယ်အိတ်လွယ်လာတဲ့ သူတွေကိုမြင်ပြီး ကြိုဆိုနေကြတဲ့သူတွေ မျက်ရည်ကျခဲ့ကြပါတယ်။ အဲဒီ့လို တန်းစီလာတဲ့ ကျောင်းသားလူငယ်တွေကို သေနတ်နဲ့ ရက်ရက်စက်စက် ပစ်သတ်ခဲ့တာလေ။ ရှစ်လေးလုံး အရေးတော်ပုံရဲ့ မြင်ကွင်းတွေ အာရုံထဲမှာ တဖျတ်ဖျတ်ပေါ်လာပြီး အတိတ်ရဲ့ ပဲ့တင်သံတွေ ကြားခဲ့ရပါပြီ။

ကျောင်းသားလူငယ်တွေ ဓာတ်ပုံ၊ စာစောင်တွေကြည့်ပြီးနောက်မှာ ရှစ်လေးလုံးသတင်း မှတ်တမ်းခွေ ပြခဲ့ပါတယ်။ ဆန္ဒပြလူထုရဲ့ ကြွေးကြော်သံတွေ၊ နောက် သေနတ်သံတွေ၊ သေနတ်သံတွေကြားက ဖရိုဖရဲ ပြေးကြလွှားကြ၊ ဒဏ်ရာရတဲ့ လူတွေကို ပွေ့ယူပြေးလွှားကြတဲ့ ကျောင်းသားပြည်သူတွေရဲ့ သောကအပူတွေ ကျမတို့ဆီ ကူးလာပါတယ်။ ကျမတို့ပြည်သူလူထုရဲ့ သွေးတွေဟာ လမ်းတွေပေါ်မှာ မြင်လို့မကောင်းတော့ပါဘူး။

ကိုယ့်သူငယ်ချင်းရဲ့ အလောင်းကို ကိုယ်တိုင်ပွေ့ယူပြီး ဆေးရုံအထိ ပြေးခဲ့ရတဲ့ ကျောင်းသား ကိုစိုးမြင့်အောင်လည်း မျက်ရည်မထိန်းနိုင်တော့ပါဘူး။ ကြေကွဲဖွယ်ရာနေ့ရက်များကို သတိရအောင် လှုံ့ဆော်ပေးနေပါတော့တယ်။

ကျောင်းသားကလေးငယ်တွေကို ဓာတ်ပုံ၊ ဗီဒီယိုနဲ့ ခံစားမှုပေးပြီး ပြခန်းတာဝန်ခံ ကိုအောင်ဇော်ရှားက ကလေးတွေကို ဗူပေါင်းတွေ မှုတ်ခိုင်းပါတယ်။ "ရှစ်လေးလုံး အရေးတော်ပုံရဲ့ အင်အားတွေ ဗူပေါင်းထဲ မှုတ်သွင်းလိုက်ပါ။ ငယ်တဲ့လူတွေကို ကြီးတဲ့အကိုအမတွေက ဝိုင်းဝန်းကူညီပြီး လက်ဆင့်ကမ်းပေးပါ။ ဖိုးမူတို့၊ ဖိုးခွားတို့ရဲ့ ခံစားချက်တွေ ဗူပေါင်းပေါ်မှာ ဆော့ပင်နဲ့ စာရေးပေးပါ" တဲ့။

ကလေးတွေက သူတို့ကြည့်ထားတဲ့ ဓာတ်ပုံ၊ ဗီဒီယိုကပေးတဲ့ ခံစားမှု၊ ဟောပြောရှင်းပြကြသူတွေရဲ့ စကားကို နားထောင်ထားတဲ့ ခံစားမှုတွေ သူတို့ရင်ထဲ စီးမျောသွားခဲ့တယ်ဆိုတာ ကျမတို့ ယုံကြည်သွားရပါတယ်။

စစ်အာဏာရှင်ကြောင့် ဒုက္ခသည်စခန်းထဲ ရောက်ရှိလာရတယ်။ သူတို့ အမိအဘနဲ့ ခွဲခွာခဲ့ရတယ်။ စာသင်ခန်းထဲမှာ အေးအေးချမ်းချမ်း စာမသင်နိုင်ခဲ့ဘူး။ စာမေးပွဲဖြေနေရင်း စစ်တပ်က ထိုးစစ်ဝင်လို့ ထွက်ပြေးရတယ်။ အေးအေးချမ်းချမ်းနဲ့ တောင်ယာမလုပ်နိုင်ဘူး။ စစ်အာဏာရှင်က သူတို့ ကရင်လူမျိုးတွေကို နှိပ်စက်တာ မဟုတ်ဘဲ၊ မြို့ပေါ်က ဗမာကျောင်းသားလူငယ်တွေကိုပါ ရက်ရက်စက်စက် သတ်ဖြတ်တာပါလားလို့ သူတို့ ခံစားသွားရတယ်။ ဒါကြောင့်လည်း ဗူပေါင်းပေါ်မှာ အားရပါးရ စာတွေရေးပါတော့တယ်။ သူတို့လေးတွေရဲ့ ခံစားချက်တွေက ရိုးစင်းပေမယ့် သိပ်ကို ထိမိပါတယ်။

"ကျမတို့နိုင်ငံ ဒီမိုကရေစီ အမြန်ဆုံးရပါစေ" ၊ "ဒုက္ခသည်စခန်းမှာ မနေရဘဲ ကိုယ့်တိုင်းပြည်ကို ပြန်ချင်ပါတယ်" ၊ "ကျနော်တို့ ကြီးလာရင် စစ်အာဏာရှင်စနစ် မရှိစေရ" ၊ "ကရင့်တော်လှန်ရေး အောင်မြင်ပါစေ" ၊ "စစ်သားတွေက ဘုန်းကြီးတွေကိုပါ ဘာလို့သတ်တာလဲ" ၊ "ကိုမင်းကိုနိုင် အမြန်ဆုံးလွတ်ပါစေ" ၊ "ကျမတို့ ကြီးလာရင် တက္ကသိုလ်ဆိုတဲ့ ကျောင်းမှာ ပညာသင်ခွင့် ရချင်ပါတယ်" ၊ "ကျမ အိမ်ကို အရမ်းပြန်ချင်တယ်" ၊ ''ကျမတို့တိုင်းပြည် ဘာလို့ မလွတ်လပ်တာလဲ" ၊ "ကျနော့်ညီလေးကို မီးဖိုထဲ ထည့်သတ်တဲ့ စစ်သားတွေကို မုန်းတယ်"

သူတို့စာရေးထားတဲ့ ဗူပေါင်းလေးတွေကို ကျမတို့ ဝိုင်းပြီး ဖတ်ပြကြပါတယ်။ သူတို့ရေးထားတဲ့ နာမည်လေးတွေကို ဖတ်ပြရင် သူတို့က လက်ညှိုးထောင်ပြတယ်။ သူတို့ရေးထားတဲ့ စာလေးတွေကို ဖတ်ပြရင် သူတို့မျက်နှာလေးတွေ နီနေအောင် ရှက်ကြသေးတာ။ စာဖတ်ပြပြီး သူတို့ကို ဂုဏ်ပြုတဲ့အနေနဲ့ ဝိုင်းပြီး လက်ခုပ်တီးပေးကြတယ်။ သူတို့ တကယ်ခံစားပြီး ရေးကြတယ်ဆိုတာ ကျမတို့ ခံစားနိုင်ခဲ့ပါတယ်။ ကျမတို့နဲ့ သူတို့လေးတွေ ဒုက္ခဖြစ်ရပုံချင်း မတူပင်မယ့်၊ ဒုက္ခကို ခံစားရပုံချင်းကျ အတူတူမို့လား။

ရှစ်လေးလုံး ၂၁ နှစ်မြောက် အခန်းအနားလုပ်တဲ့နေ့မှာ ကျောင်းသားသမဂ္ဂသီချင်းနဲ့ ဖွင့်ခဲ့ပြီး ရှစ်လေးလုံး အမှတ်တရစကား ပြောကြပါတယ်။ ဂုဏ်ပြုသီချင်းတွေလည်း သီဆိုခဲ့ကြပါတယ်။ အခန်းအနားပြီးခါနီးမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့တကွ မြန်မာနိုင်ငံ အကျဉ်းထောင်အသီးသီးက နိုင်ငံရေးအကျဉ်းသမားတွေကို ဂုဏ်ပြုတဲ့အနေနဲ့ သီချင်းတပုဒ် သီဆိုခဲ့ကြပါတယ်။

အဲဒီ့သီချင်းကတော့ ကျောင်းဆရာလေးရဲ့ အလွမ်းပါ။ သီချင်းရေးသူက နိုင်ငံရေးအကျဉ်းသမားဟောင်း ကိုခွန်စိုင်း။ ၁၉၈၉ မှာ အကျဉ်းကျခံနေရတဲ့ မြန်မာစာ ကထိက ကျောင်းဆရာလေး ကိုဌေးသိမ်းအတွက် ရေးစပ်ခဲ့တာပါ။ ရှစ်လေးလုံး လူထုအရေးတော်ပုံမှာ ကျဆုံးသွားခဲ့တဲ့ ကျောင်းသားလူငယ်တွေ ကျောင်းခေါ်ချိန်မှာ ပြန်မထူးနိုင်ကြတော့ဘူး။ ဒီအခါမှာ ရင်နင့်အောင်ခံစားရတဲ့ ကျောင်းဆရာကိုယ်စား ခံစားပြီး ရေးစပ်ခဲ့တဲ့သီချင်းပါ။

အကျဉ်းထောင်တွေထဲမှာ နိုင်ငံရေးအကျဉ်းသားတွေ သီချင်းသီဆိုခွင့် မရှိပါဘူး။ သီချင်းဆိုရင် အာဏာပိုင်က ရိုက်ပါတယ်။ ထောင်ပြောင်းခံရပါတယ်။ ဒီကြားထဲကပဲ နိုင်ငံရေးသမားတွေ သူတို့ခံစားရတဲ့ ခံစားချက်တွေကို အနုပညာနဲ့ ဖော်ထုတ်ခဲ့ကြပါတယ်။ သီချင်းဆိုတဲ့အခါမှာ ဂီတသံအဖြစ်ဖန်တီးဖို့ ထောင်ဝင်စာလာတွေ့တဲ့ ဟင်းထုပ်ပလပ်စတစ်ကို ကော်ဇလုံမှာ သားရေပင်နဲ့ချည်ပြီး ပတ်လိုက်ပါတယ်။

အကျဉ်းထောင်ထဲမှာ သီဆိုတဲ့အတိုင်း ရှစ်လေးလုံးအခန်းအနားမှာ သရက်ထောင်က လွတ်မြောက်ခဲ့တဲ့ ကိုအောင်ဇော်ရှား၊ သာယာဝတီအကျဉ်းထောင်မှ လွတ်မြောက်လာတဲ့ ကိုစိုးမြင့်အောင်တို့က သီဆိုပေးခဲ့ကြပါတယ်။

သီချင်းထဲကအတိုင်း ရှစ်လေးလုံးအရေးတော်ပုံမှာ ကျောင်းသားတွေ၊ ပြည်သူတွေကို ဒီမိုကရေစီဆိုတဲ့ ကမ်းဘက်ကို သယ်ဆောင်ပေးဖို့ ခန္ဓာကိုယ်တွေ တံတားထိုးပေးခဲ့ကြတာပါ။

ဒုက္ခသည်စခန်းထဲမှာ ရွာနေတဲ့မိုးက ရှစ်လေးလုံး အရေးတော်ပုံမှာ ကျဆုံးသွားတဲ့ ရဟန်းရှင်လူ ကျောင်းသားပြည်သူတွေအတွက် ဂုဏ်ပြုကြေကွဲလို့ ရွာလိုက်တဲ့ မိုးပါ။

ဘယ်လိုမှ ..... မစဲတော့ပါဘူး။

လက်စားမချေကြပါနှင့်၊ သင်ပုန်းချေကြပါ

မြန်မာ နိုင်ငံရှိ တိုင်းရင်းသား လူမျိုးစုများ သည် အမျိုးသား လွတ်မြောက်ရေး၊ ကိုယ်ပိုင် ပြဌာန်းခွင့် ရရှိရေး၊ ဖက်ဒရယ် နှင့် ဒီမိုကရေစီ ရရှိ ရေးအတွက် တိုက်ပွဲဝင်လာခဲ့ပါသည်။ ထို အမျိုးသား လွတ်မြောက်ရေး တိုက်ပွဲသည် မြန်မာ နိုင်ငံ လွတ်လပ်ရေး ရရှိပြီးနောက် ယနေ့ ထိတိုင် တိုင်းရင်းသားများက မြန်မာ စစ်အစိုးရ ခေတ် အဆက်ဆက်ကို ခုခံတိုက်ပွဲ ဆင်နွဲလာခဲ့ကြသည်။

မြန်မာနိုင်ငံတွင် စစ်တပ်တခုတည်းသာ အင်အားကြီးထွားလာပြီး စစ်ဗိုလ်ချုပ်ကြီးများ အုပ်ချုပ်စိုးမိုးနေသည့် ခေတ်ကြီးကို တိုင်းရင်းသား အများပြည်သူက အမှန်အကန် မလိုလားကြဘူး မဟုတ်လား။ ထို့ကြောင့် အမျိုးသား ပြန်လည်သင့်မြတ်ရန်အတွက် မရှိမဖြစ် လိုအပ်သည်ဟု ယူဆပါသည်။

နှစ်ပေါင်း ၆ဝ ကျော် စစ်အစိုးရကို နည်းမျိုးစုံဖြင့် လက်နက်ကိုင်တိုက်ပွဲ တွန်းလှန် တိုက်ခိုက်သည့် တိုင်းရင်းသား အဖွဲ့အစည်းများ တို့သည် မျှော်မှန်းထားသည့် တော်လှန်ရေး၏ အောင်ပွဲဆီ မရောက် ရှိသေးပါ။ ဘယ်တော့မှ ရောက်မည်လဲ ဆိုသည်ကိုလည်း မရေရာပါ။ ထို့ကြောင့် တိုင်းရင်းသား ခေါင်းဆောင်တချို့က စစ်အစိုးရနှင့် အပစ်ခတ် ရပ်စဲရေး ယူခဲ့ကြသည်။ ရည်ရွယ်ချက်မှာ တိုင်းရင်းသားများ၏ အခွင့်အရေးများကို ဆွေးနွေးနိုင်ရန် ဖြစ်သည်။ သို့သော် မှန်းချက်နှင့် နှမ်းထွက်မကိုက် ဆိုသလို ဆိုက်ရောက်နေခဲ့ပါပြီ။

အမှန်တကယ်အားဖြင့် ယခုတွင် အပစ်ရပ် တိုင်းရင်သား လက်နက်ကိုင်အုပ်စုများအား စစ်အစိုးရက ပပျောက်သွားအောင် လုပ်နေပြီ ဖြစ်သည်။ အပစ်ရပ်အဖွဲ့များလည်းပဲ မိမိ ကိုင်ဆောင်ထားသည့် သေနတ်များကို အမှန် တကယ်ပင် စစ်အစိုးရထံ အပ်နှံရမည်လောဟု တွေးမိ ကြပါသည်။ ယခင်က တချို့သော အပစ်ရပ် အဖွဲ့များသည် မျိုးနွယ်စုအချင်းချင်း၊ ညီအစ်ကို အချင်းချင်း၊ စိတ်ဝမ်းကွဲပြီး ပုဂ္ဂိုလ်ရေး အငြိုးအတေး ထားခဲ့ကြပြီး လူကြား၊ သူကြား မကောင်းလောက်အောင် ကရင် ကရင်ချင်း၊ ကရင်နီ ကရင်နီချင်း သတ်ဖြတ်သည့်အထိ ဖြစ်လာခဲ့သည်ပင်။ ဤကဲ့သို့သော ဖြစ်ရပ်များအပေါ် ဘယ်သူ့မှာ အဓိက တာဝန်ရှိသနည်း။

တိုင်းရင်းသားများ အရေးအတွက် တစုတစည်းတည်း မဖြစ်နိုင်အောင် စစ်အစိုးရက နည်းအမျိုးမျိုး ဖြင့် သွေးခွဲ စီမံ အုပ်ချုပ်နေလျက်ရှိသည်။ တိုင်းရင်း သားများ အချင်းချင်း သတ်ဖြတ်ကြလေလေ နအဖ အကြိုက် တွေ့လေလေပင် ဖြစ်သည်။ ဤသို့ဖြစ်ရခြင်းသည် တိုင်းရင်းသားများ ကိုယ်၌က အသိဥာဏ် နည်းပါးနေသည်လော၊ နအဖကပဲ တော်နေတာလား။ သို့မဟုတ် သူ့ဆန်စားပြီး မိုက်ပေးရတော့မည်လော။

သာဓက ရှိပါသည်။ စစ်အစိုးရနှင့် ပထမဆုံး အပစ်ခတ်ရပ်စဲရေး ယူထားသော တိုင်းရင်းသား ဖြစ်သည့် ကိုးကန့် (M.N.D.A) အမည်ရှိ အဖွဲ့သည် အဖွဲ့အတွင်း ခေါင်းဆောင်ဖြစ်သည့် ဖုံကျာရှင်းနှင့် ဖုံကျာဖူး ညီအစ်ကို အုပ်စုနှင့် ရန်မိုးအန်း၊ ရန်မိုးလျံ ညီအစ်ကို အုပ်စုတို့သည် တပ်တွင်း အာဏာလုပွဲ ဖြစ်ခဲ့ကြသည်။ ထိုပွဲမှာ စစ်အစိုးရက သူတို့ နှင့် ပိုနီးစပ်သည့် ဖုံညီအစ်ကိုဘက်က ပါဝင်ကူညီပြီး တိုက်ပေးခဲ့သည်။ အင်အား ၃ဝဝ လောက်သာ ကျန်ရှိသည့် ရန်ညီအစ်ကိုသည် လက်နက်ချခိုင်းပြီး ကျန်အဖွဲ့သည်လည်း သံလွင် အရှေ့ခြမ်း ကုန်းကျန်းမြို့နယ်အတွင်းမှာ ရဲအဖြစ် ထားရှိခဲ့ပါသည်။

အဘယ်ကြောင့်ဆိုသော် နအဖ စစ်အစိုးရ သည် တိုင်းရင်းသား အခွင့်အရေးနှင့် ပတ်သက်ပြီး ဘယ်တော့အခါမှ ဖြေရှင်းဆွေးနွေးပေးမည် မဟုတ်သလို၊ တိုင်းရင်းသား ပြည်သူလူထုများတရပ် လိုလားတောင်းတနေသည့် ဒီမိုကရေစီ အရေးသည်လည်း ပေးမည်မဟုတ်ပါ။

ထို့ကြောင့် တိုင်းရင်းသား မဟာမိတ် ညီအစ်ကို အချင်းချင်းများ၊ မျိုးနွယ်စုအတွင်းရှိ ညီအစ်ကို အချင်းချင်းများတို့သည် အမျိုးသား ပြန်လည် သင့်မြတ်ရေးအတွက် တနည်းတလမ်းအားဖြင့် ဘာသာရေး ခေါင်းဆောင်များ၊ အမျိုးသား ခေါင်းဆောင်များ၊ လူငယ်၊ အမျိုးသမီးများ စသည့် အဖွဲ့အစည်းများတို့သည် မိမိ၏ အမျိုးသား ရှေ့ရေးအတွက် ဒီထက် တိုက်တွန်းလှုံ့ဆော်ပေးရန် လိုအပ်ကြောင်း တင်ပြလိုသည်။

အဘယ်ကြောင့်ဆိုသော် နအဖ စစ်အစိုးရက မက်လုံးပေးဆွဲခေါ်နေသည့် စီးပွားရေးဈေးကွက်နှင့် အမျိုးသားခေါင်းဆောင်တချို့ ခုံမင်သက်ဝင်နေပြီး အမျိုးသားကိစ္စရပ်များကို ကိုယ်နှင့်မဆိုင်သလို နေထိုင်ခဲ့ကြသည်။ အဘယ့်ကြောင့် မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံစရင်းထဲတွင် ပါဝင်သနည်း ဆိုသည်ကို သတိချပ်သင့်ပါသည်။ အခွင့်အရေး အာဏာရှိတုန်း မိသားစု ကောင်းစားရေးအတွက်သာ အလုအယက် ရှာကြံပြီး မိမိ၏ တိုင်းရင်းသား အရေးကို မေ့လျော့ခဲ့သည့် အခြေအနေမျိုး ရောက်ရှိ နေကြသည်ကို မြင်မိပါသည်။

ထို့ကြောင့် တိုင်းရင်းသားအချင်းချင်း၊ မျိုးနွယ်တူ အချင်းချင်းများတို့သည် အမြင်မတူ တာကို ရှောင်ဖယ်ပြီး ပြည်သူအတွက် ဖြစ်သင့် ဖြစ် ထိုက်တာကို ပြန်လည် ပူပေါင်းလုပ်ဆောင်ပြီး တခုတည်းသော တိုင်းရင်းသား ဦးတည်ချက်ဖြစ်သည့် စစ်အာဏာ ရှင်စနစ် ပပျောက် ရေး၊ အနာဂတ် ဖက်ဒရယ်ပြည်ထောင်စု တည်ဆောက်ရေးအတွက် ရည်ရွယ်ပြီး အဖြစ်နိုင်ဆုံးနည်းလမ်းများဖြင့် ပြန်လည်သင့်မြတ်ခြင်းသည် အကောင်းဆုံးသော နည်းလမ်းပါ။

တချိန်က ညီအစ်ကိုများအချင်းချင်း မတူညီသည့် သဘောထား၊ မပြေလည်ခဲ့သော မူဝါဒတချို့ကို ပြန်လည်ညိ‡နိူင်း ဆောင်ရွက် ပြီး တော် လှန်ရေး ကာလမှာ အသက်ပေး လှူဒါန်း သွားခဲ့ကြသော အာဇာနည် ခေါင်းဆောင်များ၏ ရည်ရွယ်ချက်ဖြစ်သည့် မိမိ အမျိုးသား ပြန်လည် လွတ်မြောက်ရေးနှင့် ကိုယ်ပိုင်ပြန်းဌာန်းခွင့်ရရှိရေးအတွက် ညီအစ်ကို တိုင်းရင်းသားများ အချင်းချင်း လက်စားမချေကြပါနှင့် သင်ပုန်းချေကြပါဟု တင်ပြရင်း...

တို့မန္တလေးမြို့ကြီးရဲ့ ပတ်လည်တခို

လွင်ကို

မန္တလေး နန်းတော်ကြီးရဲ့ အပြင်ဘက် ကျုးံပတ်ပတ်လည်မှာ မနက် ဝေလီ ဝေလင်း အချိန် ကျန်းမာရေး လေ့ကျင့်ခန်း ပြုလုပ်နေတဲ့ လူတွေထဲ မြန်မာ လူမျိုးကို ရှာမ တွေ့နိုင် လောက်အောင် ပါပဲ။

“ကျုပ် ပြန်လာတာ မြန်မာ အငွေ့ အသက်တွေ၊ ယဉ်ကျေး မှုတွေ စုစည်း ထားတဲ့ မန္တလေးမြို့ပါ၊ ဘယ်လို ကြောင့် တရုတ်ပြည် ရောက် နေ တာလဲ” လို့ မန္တလေးမြို့ကနေ နှစ် ၂၀ နီးပါး ထွက်ခွာ သွားပြီး ပြန်လည် ရောက်ရှိ လာသူ ဒေသခံ ဦးအောင်ကြည်က အံ့သြတကြီး ရေရွတ်တယ်။ အခုဆိုရင် ဝ၊ ရှမ်း၊ ကိုးကန့် နဲ့ တခြား တိုင်းရင်းသား အမည်ခံ ထားတဲ့ တရုတ် လူမျိုး တွေဟာ မန္တလေးမြို့နဲ့ အပြည့် ဖြစ်နေပါတယ်။

မင်းတုန်းမင်း စတင် တည်ထောင်ခဲ့ပြီး နှစ်ပေါင်း ၁၅၀ ကြာ တည်ရှိခဲ့တဲ့ မန္တလေးမြို့မှာ လူဦးရေ တသန်း နီးပါး ရှိနေပေမယ့် ဗမာလူမျိုး ဒေသခံ တွေကတော့ တရုတ်လူမျိုး တွေရဲ့ တဝက် တောင်မကျန် တော့တာ မြင်ကွင်း တွေက သက်သေ ပြနေတယ်။

မန္တလေးမြို့လယ်ခေါင်မှာ တရုတ်တွေသာ နေနိုင်ကြပြီး မြို့လယ်မှာ နေခဲ့ကြတဲ့ ဒေသခံတွေကတော့ မြို့ပြင်ကို ထွက်ခဲ့ကြရပါတယ်။


“အိမ်တွေကို ပါးစပ်က ခေါ်ဈေးအတိုင်းနဲ့ လုံးဝ ဈေးမဆစ်ဘဲ ၀ယ်တော့ ကျမတို့က ရောင်းတယ်။ သူ့ အိမ်လည်းရောင်း၊ ကိုယ့်အိမ်လည်းရောင်းနဲ့ တဖြည်းဖြည်း တရုတ်တွေ လက်ထဲ အိမ်တွေ အကုန် ရောက် ကုန်တာပဲ” လို့ မန္တလေး ပြည်ကြီးတံခွန်ရပ်နေ ဒေသခံတဦးက ပြောတယ်။

လက်ရှိ မန္တလေးမှာ နေထိုင်ကြတဲ့ တရုတ်လူမျိုးတွေထဲက တော်တော်များများဟာ သူတို့ရဲ့ ဒေသရင်းနိုင်ငံဖြစ်တဲ့ တရုတ်ပြည်မှာတော့ ဒုတိယတန်းစား၊ တတိယ တန်းစားအဆင့်သာ နေရာရသူတွေဖြစ်ပြီး မန္တလေးမှာတော့ လူချမ်းသာ စာရင်းဝင် တွေ ဖြစ်နေပါတယ်။ သူတို့တွေဟာ မြို့လယ်မှာ နေရာယူနေထိုင်ရုံမကဘဲ ဒေသခံတွေရဲ့ စီးပွားရေးတွေကိုပါ ၀င်ရောက်လုပ်ကိုင် လာကြပါတယ်။

“သူတို့မှာရှိတဲ့ငွေနဲ့ တရုတ်ပြည်မှာ ဘာမှ လုပ်စားလို့မရ နိုင်ပေမယ့် ဒီမှာကျတော့ စီးပွားရေး တခု လုပ်နိုင်တဲ့ အပြင် လူတန်းစေ့လည်း နေနိုင်တယ်လေ” လို့ ဒေသခံ ကုန်သည် တဦးက ဆိုတယ်။

မြန်မာနိုင်ငံမှာ တရုတ်ငွေ တယွမ်ကို ၆၀ ကျပ် တန်ဖိုးရှိတဲ့အတွက် ဒီလို ငွေကြေး ကွာဟမှုကလည်း မန္တလေးက စီးပွားရေး လုပ်ငန်းတွေထဲကို အလွယ်တကူ ၀င်ရောက်နိုင်တဲ့ အကြောင်းရင်း ဖြစ်ပါတယ်။

ဒေသခံတွေရဲ့ အသက်မွေးဝမ်းကျောင်း အလုပ်တွေဖြစ်တဲ့ ကုန်သည်လုပ်ငန်း၊ ကျောက်စိမ်း အရောင်းအဝယ် စတဲ့ လုပ်ငန်းကြီးတွေအပြင် အသေးစားလုပ်ငန်းတွေ ထဲမှာပါ တရုတ်တွေ ပါဝင် လုပ်ကိုင်နေတာ မန္တလေးမြို့ကို တပတ်လောက် ပတ်ကြည့်လိုက်ရင် တွေ့ရမှာပါ။

“မန္တလေး ရောက်တုန်း ထမင်းဆီဆမ်း စားဖို့ မနည်းရှာရတယ်။ တရုတ်တွေဖွင့်ထားတဲ့ ဆိုင်တွေချည်းပဲဗျာ။ သူတို့ အစားအစာ တွေကိုတော့ အစုံ စားနိုင်တယ်” လို့ ဦးအောင်ကြည်က ဆိုတယ်။

တချိန်က ကျုံးဘေးပတ်လည်မှာ ညနေခင်း စက်ဘီးကိုယ်စီနဲ့ မန္တလာသူတွေက မြို့ရဲ့ အလှကို အယဉ် ဆင့်ပေးသလို ဖြစ်ခဲ့ပေမယ့် ခုအချိန်မှာတော့ မော်တော် ဆိုင်ကယ် တ၀ီဝီ မောင်းနေတဲ့ တရုတ်လေးတွေကိုပဲ နေရာတိုင်း မြင်နေရတယ်။

အရင်က မန္တလေးတမြို့လုံးအတွက် အဓိကအလုပ် တခုလို ဖြစ်နေတဲ့ မဟာအောင်မြေမြို့နယ် အတွင်းက ကျောက်စိမ်းဈေးကွက်နဲ့ နယ်စပ်ကုန်သွယ်ရေး လုပ်ငန်းတွေကြောင့် မန္တလေးမြို့ကို တရုတ် ခရီးသွား ဧည့်သည် အမြောက်အမြား ရောက်လာကြပြီး နောက်ပိုင်းမှာတော့ ဧည့်သည်ကနေ အိမ်ရှင်တွေလို ဖြစ်လာကြတာလို့ ဒေသခံတွေက ဆိုတယ်။

တရုတ်နိုင်ငံသားတွေ မန္တလေးမှာ တရားဝင်အခြေချနိုင်ရခြင်း အကြောင်းရင်းကတော့ အာဏာပိုင် အဆင့်ဆင့် အနေနဲ့ ငွေကြေးရယူပြီး နိုင်ငံသားစိစစ်ရေး ကတ်တွေ ထုတ်ပေးခဲ့တာကြောင့်ဖြစ်တယ်လို့ ဒေသခံတဦးက ပြောပါတယ်။


“တရုတ်တွေက မန္တလေးမှာမြန်မာ မှတ်ပုံတင်ကို လွယ်လွယ် ကိုင်နေကြတယ်၊ နိုင်ငံသား စိစစ်ရေးကတ်တွေကို လူဝင်မှုကြီးကြပ်ရေး (လဝက) က သူတို့ကိုတော့ အလွယ်ထုတ်ပေးတယ်။ ပိုက်ဆံပေးရင် ရနေတာပေါ့” လို့ သူက ဆိုတယ်။

ဘုရင် မင်းအဆက်ဆက်ရဲ့ အမွေအနှစ်များစွာ ကျန်ရှိနေသေးတဲ့ မြန်မာနိုင်ငံ အထက်ပိုင်းက မန္တလေးမြို့ဟာ ပြီးခဲ့တဲ့ ဆယ်စုနှစ် တခုအတွင်းမှာပဲ နေထိုင်တဲ့လူမျိုး၊ နေထိုင်သူတွေရဲ့ လူမှုအဆင့်အတန်းနဲ့ ရိုးရာ ယဉ်ကျေးမှု တွေ ပြောင်းလဲ သွားလို့ အံ့သြမိတယ်လို့ ရွှေရေးဆောင်ကျောင်းတိုက် ဆရာတော် ဦးဥတ္တမက မိန့်ကြားပါတယ်။

“တရုတ်တွေက အရာရာကို ချယ်လှယ်နေလိုက်တာ၊ ကျောက်စိမ်းတန်းမှာလည်း သူတို့၊ ဈေးချိုမှာလည်း သူတို့၊ ကျမတို့ လုပ်စားစရာကို မကျန်တော့ဘူး” လို့ ဈေးချိုက အထည်ဆိုင်ပိုင်ရှင် တဦးက ပြောတယ်။

ရှေးရိုးဆန်လှတဲ့ ဈေးချိုကြီးထဲမှာ တရုတ်လူမျိုးတွေ ၀င်ရောက်လုပ်ကိုင် လာမှုကြောင့် ဈေးချိုရဲ့ပုံစံ၊ အရောင်း ၀ယ်၊ ဆက်ဆံရေး၊ ၀တ်စားဆင်ယင်ပုံတွေမှာ ရိုးသားပွင့်လင်းတဲ့ အညာသူအညာသားတွေရဲ့ ပုံရိပ်တွေ မမြင်ရ သလောက်ကို ဖြစ်လာပါပြီ။

ရတနာပုံ ဈေးကြီးဟာလည်း ၂၀၀၈ မီးမလောင်ခင်က တရုတ်ငွေနဲ့ ဗမာငွေလဲလှယ်တဲ့ ဈေးကွက် တခု ဖြစ်ခဲ့ပါတယ်။

အရင်မန္တလေး ညဈေးတန်းနေရာထက် ခုချိန်မှာတော့ နယ်စပ်ဒေသက အစားအသောက်၊ အသီးအနှံ တွေရောင်းချနေတဲ့ ၇၇ လမ်းက ညဈေးတန်းက ပိုလို့ ဈေးကွက်ဖြစ်လာတာကို တွေ့ရတယ်။

ကျောက်ဆည်မြို့နယ်ကို ပြောင်းရွှေ့လိုက်တဲ့ AAA ဘိလပ်မြေ စက်ရုံနဲ့ ကျားခေါင်း ဘိလပ်မြေစက်ရုံ တွေဟာလည်း မြန်မာနိုင်ငံသားပိုင် လို့သာ နာမည်တပ်ထားပေမယ့် တကယ်တော့ စက်ရုံပိုင်ရှင်တွေက တရုတ်လူမျိုးတွေပါလို့ အိမ်ဆောက်ပစ္စည်းရောင်းဝယ်သူ တဦးက ဆိုတယ်။

ရှေးမြန်မာဘုရင်တွေ နန်းစံခဲ့တဲ့ မန္တလေးမှာ တရုတ်လူမျိုးတွေရဲ့ အနေအထိုင်၊ အပြုအမူနဲ့ ၀တ်စားဆင်ယင် မှုတွေ လွှမ်းမိုးလာတာကြောင့် နောင်လာမယ့် အနာဂတ်မှာ ယဉ်ကျေးမှု အမွေ အနှစ်တွေ ပပျောက်သွားမှာ စိုးရိမ်ရ တယ်လို့ ဦးအောင်ကြည်က ပြောပါတယ်။


၂၀၁၀ ရွေးကောက်ပွဲ ရွှေ့ဆိုင်းလို၍ ကိုးကန့်စစ် ဖန်တီးဟု ဆို

အောင်သက်ဝိုင်း

စစ်အစိုးရသည် ကိုးကန့်ဒေသနှင့် နယ်စပ်ဒေသများတွင် တိုင်းရင်းသား အပစ်ရပ်အဖွဲ့များနှင့် ပြည်တွင်းစစ် ဖန်တီးတိုက်ခိုက်ပြီး ၂၀၁၀ ရွေးကောက်ပွဲကို ရွှေ့ဆိုင်းနိုင်သည်ဟူသော ထင်မြင်ယူဆချက်များ ရန်ကုန်မြို့ နေ ပြည်သူများအကြားတွင် ပျံ့နှံ့နေကြောင်း သိရှိ ရ သည်။

ကိုးကန့်ဒေသတွင် စစ်အစိုးရနှင့် ဦးဖုန်ကြားရှင်ဦးဆောင်သော ကိုးကန့်ငြိမ်းချမ်းရေးတပ်ဖွဲ့များအကြား တင်းမာ မှုများ သတင်းများ ထွက်ပေါ်ချိန်မှစပြီး မြန်မာ ပြည်သူများအကြား ပြည်ပ အခြေစိုက် အသံလွှင့်ဌာန များမှ သတင်းများကို အထူးအာရုံစိုက်နားထောင်လာကြရာ တိုက်ပွဲများ ဖြစ်ပွား သောအခါ ပိုမိုစိတ်ဝင်တစား ဆွေးနွေးပြောဆိုမှုများ ရှိနေခဲ့ကြသည်။

ရန်ကုန်မြို့နေ တက္ကသိုလ် ကျောင်းသား ၅ ဦး၊ အစိုးရ ၀န်ထမ်း ၂ ဦး၊ သတင်းသမား ၅ ဦး၊ ကုမ္ပဏီရုံး ၀န်ထမ်း ၃ ဦး၊ စီးပွားရေးသမား ၅ ဦးနှင့် အငြိမ်းစား တပ်ကြီး ၂ ဦးတို့ကို ကိုးကန့်ဒေသ စစ်ပွဲ နှင့် ပတ်သက်ပြီး အနာဂတ်အခြေအနေကို မေးမြန်းရာ ပြည်တွင်းစစ်ဖြစ်ပွားရေး ဦးတည်နေပြီ ဟု ပြောဆိုကြပြီး စစ်အစိုးရ၏လုပ်ရပ်ကို ထောက်ခံခြင်း၊ မထောက်ခံခြင်း အပိုင်းတွင် သဘောထားကွဲလွဲလျက်ရှိသည်။

စစ်အစိုးရက ပြည်တွင်းစစ်ဖန်တီးကာ မတည်ငြိမ်မှုများဖြစ်ထွန်းစေပြီး ၂၀၁၀ ရွေးကောက်ပွဲကို ရွှေ့ဆိုင်းခြင်း များဖြစ်ပေါ်လာနိုင်ကြောင်း၊ စစ်အုပ်ချုပ်ရေးဖြင့် ဆက်လက်အုပ်ချုပ်ရန် ရည်ရွယ်ချက် ရှိနိုင်ကြောင်း၊ ၂၀၁၀ ရွေးကောက်ပွဲကျင်းပမည့်ကိစ္စနှင့် ဆက်စပ်ပြီး စစ်အစိုးရ ဗိုလ်ချုပ်များအတွင်း အာဏာလွန်ဆွဲပွဲများ ရှိနေ ခြင်းကြောင့် ပြည်တွင်းစစ်ဖန်တီးပြီး စစ်အုပ်ချုပ်ရေး တည်တံ့ရန် လုပ်ဆောင်ခြင်းဖြစ်ကြောင်း ပြည်တွင်း သတင်းထောက် ၅ ဦး စလုံးက တူညီစွာ သုံးသပ်သည်။

“၂၀၁၀ ရွေးကောက်ပွဲမလုပ်စေချင်တဲ့ စစ်ဗိုလ်ချုပ်တွေကလည်း စစ်တပ်ထိပ်ပိုင်းခေါင်း ဆောင်ပိုင်းမှာကို ရှိနေတယ်။ ဗိုလ်ချုပ်မှူးကြီးသန်းရွှေက ၂၀၁၀ ရွေးကောက်ပွဲကို သူ့သဘောနဲ့သူလုပ်တာ။ အရပ်သား တွေနဲ့ အာဏာဝေခြမ်းအုပ်ချုပ်ရမှာကို တခြား ဗိုလ်ချုပ် တွေက မနှစ်မြို့ကြဘူးလို့ လည်း သတင်းတွေထွက်တယ်” ဟု မန္တလေးသား ဂျာနယ် သတင်းထောက် တဦးက ပြောသည်။

ကိုးကန့်ဒေသတိုက်ပွဲများမှတဆင့် ပြည်တွင်းစစ်ဖြစ်ပွားလာပါက စစ်တပ်အတွင်းတွင်လည်း စစ်အာဏာ သိမ်းမှုများ ပေါ်ပေါက်လာနိုင်သည်ဆိုသော ယူဆချက်များလည်း ပေါ်ထွက်လာသည်။

“ဒုတိယ ဗိုလ်ချုပ်မှူးကြီးမောင်အေးရဲ့ ကြည်းတပ်တွေက ဒီလိုတိုက်ပွဲတွေ ဖြစ်အောင် လုပ်တယ်လို့လည်း ကြားတယ်။ ၂၀၁၀ မတိုင်ခင် စစ်တပ်အတွင်းမှာ အာဏာသိမ်းမှုတွေ ဖြစ်နိုင်တယ်” ဟု ရန်ကုန် သတင်းထောက် တဦးက ဆိုသည်။

အစိုးရ၏ ယခုကဲ့သို့ စစ်ရေးအရ ဖြေရှင်းခြင်းကို သဘောမတူကြောင်းနှင့် တိုက်ပွဲများ အဆုံးသတ်ပြီး ဆွေးနွေးညှိုနှိုင်းသင့်ကြောင်းလည်း ရန်ကုန်သတင်းထောက်များက သုံးသပ်နေကြသည်။

မူးယစ်ဆေးဝါး နှင့် လက်နက်ရောင်းဝယ်ခြင်း တရားမ၀င်လုပ်ငန်းများကို လုပ်ကိုင်နိုင်နေသော ကိုးကန့်နှင့် တိုင်းရင်းသားတပ်ဖွဲ့များကို စစ်ရေးအရက တိုက်ခိုက်ခြင်းသည် မှန်ကန်သော လုပ်ရပ်ဖြစ်သည်ဟု လည်း တချို့ပြည်သူများက ထင်မြင်ယူဆသည်။

“ဘယ်အစိုးရပဲတက်တက် မူးယစ်ဆေးဝါး၊ တရားမ၀င် လက်နက်အရောင်းအ၀ယ် လုပ်တဲ့ ဒီ တိုင်းရင်းသား အဖွဲ့တွေက လုံခြုံရေးနဲ့ ဥပဒေ၊ တရားမျှတမှု ထွန်းကားရေးအတွက် အနှောင့်အယှက် ဖြစ်နေဦးမှာ၊ ဒီလို စစ်အရေးအရ တိုက်ခိုက်တာဟာ ဒီအစိုးရမှ မဟုတ်ဘူး၊နောင် တက်မယ့် အရပ်သား အစိုးရကလည်း ဒီလို တိုက်ရမှာပဲ” ဟု အငြိမ်းစား တပ်ကြပ်ကြီး တဦးက ပြောဆိုသည်။

ဒဂုံတက္ကသိုလ်ကျောင်းသားတချို့ကမူ ကိုးကန့်တိုက်ပွဲကြောင့် ၂၀၁၀ ရွေးကောက်ပွဲ ရွှေ့ဆိုင်း နိုင်သည်ဟု မထင်မြင်ကြောင်း၊ ကိုးကန့်နှင့်တိုက်ပွဲများ ဖြစ်ပွားခြင်းသည် ၂၀၁၀ ရွေးကောက်ပွဲကို သေချာပေါက် ကျင်းပ လိုသောကြောင့် ယခုကဲ့သို့ တိုက်ပွဲများဖန်တီးခြင်းဖြစ်ပြီး စစ်အစိုးရ လက်အောက်ခံ နယ်ခြားစောင့် တပ်ဖွဲ့ အဖြစ် ပြောင်းလဲဖွဲ့စည်းရန် ငြင်းဆန်နေသော တိုင်းရင်းသားတပ်ဖွဲ့များကို ခြိမ်းခြောက်မှု ဟုဆိုလျှင်လည်း
မမှားနိုင်ကြောင်း ပြောသည်။

“ကိုးကန့်နဲ့စစ်တိုက်ပြီး အခြားတိုင်းရင်းသားတပ်ဖွဲ့တွေကို ခြိမ်းခြောက်တဲ့သဘောပဲ။ သူတို့ လက်အောက်ခံ နယ်ခြားစောင့်တပ်မဖွဲ့ရင် စစ်ရေးအရ တိုက်ခိုက်နှိမ်နင်းခံရမယ် ဆိုတာကို ဥပမာပေးလုပ်ဆောင်တယ်လို့ ယူဆပါတယ်”ဟု ဥပဒေအထူးပြုဒဂုံတက္ကသိုလ် ကျောင်းသားတဦးက ထင်မြင်ချက်ပေးသည်။

ကိုးကန့်တိုက်ပွဲများသည် ရေရှည်တိုက်ခိုက်ပြီး ပြည်တွင်းစစ်ပုံစံဖြစ်လာပါက ရန်ကုန်၊မန္တလေးနှင့် နိုင်ငံ တ၀န်း တွင် စီးပွားရေးလုပ်ကိုင်နေသော ကိုးကန့်နှင့် `၀´ တိုင်းရင်းသားများ၏ ရင်းနှီးမြုပ်နှံမှုများ ပြန်လည် ဆုတ်ခွာသွားနိုင်သဖြင့် စီးပွားရေးလောကတွင်လည်း အပြောင်းအလဲ တချို့ရှိလာနိုင်ကြောင်း ရန်ကုန် စီးပွားရေးသမား တဦးက သုံးသပ်သည်။

“ကိုးကန့်နဲ့ ၀ တွေက ပြည်တွင်းစီးပွားရေးလုပ်ငန်း တော်တော်များများမှာ ရင်းနှီးမြုပ် နှံထားတယ်။ တိုက်ပွဲ တွေကြောင့် သူတို့ရဲ့ စီးပွားရေးလုပ်ငန်းတွေ ရပ်သွားမယ်။ စီးပွားရေး ဆုတ်ယုတ်မှုတွေဖြစ်နိုင်သလို ပြည်တွင်းစီးပွားရေးသမားတွေအတွက် ရပ်ဆိုင်းသွားတဲ့စီးပွားရေး လုပ်ငန်းတွေနေရာမှာ လုပ်ကိုင်ဖို့ အခွင့် အလမ်းတွေဖြစ်လာ နိုင်တယ်” ဟု ထိုစီးပွားရေးသမားက ပြောသည်။

ကိုးကန့်နှင့်စစ်မက်ဖြစ်ပွားလျက်ရှိသော နေရာသည် တရုတ်-မြန်မာနယ်စပ်ဒေသဖြစ်သည့် အပြင် နယ်စပ် ဒုက္ခသည်ပြဿနာများကြောင့် မြန်မာအစိုးရကို အစဉ်တစိုက် ထောက်ခံနေသော တရုတ်အစိုးရ၏ မူဝါဒများ
အပြောင်းအလဲဖြစ်ပေါ်နိုင်သည်ဟု ပြောဆိုမှုများလည်း ရှိလာသည်။

“မြန်မာအစိုးရကို ထောက်ခံအားပေးတဲ့ တရုတ်အစိုးရ မူဝါဒ အပြောင်းအလဲဖြစ်နိုင်တယ်။ အဆိုးထဲက အကောင်းထွက်ဆိုသလို မြန်မာ့ဒီမိုကရေစီလှုပ်ရှားမှုကို တရုတ်က ထောက်ခံ အားပေးလာနိုင်ပါတယ်။ အနည်းဆုံး ဒေါ်အောင်ဆန်းစုကြည်ကို ပြန်လွှတ်ပြီး တိုင်းရင်းသားတွေနဲ့အတူ ဆွေးနွေးပွဲစကားဝိုင်း ပေါ် ရောက်လာဖို့ တရုတ်က တွန်းအားပေးမှု ဖြစ်လာနိုင်တယ်”ဟု ရန်ကုန် သတင်းထောက်တဦးက ပြောသည်။

ကိုးကန့်ဒေသတွင်ဖြစ်ပွားနေသော တိုက်ပွဲများနှင့်ပတ်သက်ပြီး စစ်အစိုးရ သတင်း မီဒီယာများက ယခု အချိန်အထိ ထုတ်ပြန်ခြင်း မရှိသေးချေ။

ကြပ်ပြေးသန်းရွှေရဲ့ ကြံ့ဖွံ့ကရေစီ

အောင်ကျော်ခင်

ပြည်သူ အုပ်ချုပ်တာ ကို ဒီမိုကရေစီ လို့ခေါ်ရင် ကြံ့ခိုင်ရေး နဲ့တိုးတက်ဖွံ့ဖြိုး အသင်း အုပ်ချုပ် တာကို ကြံ့ဖွံ့ ကရေစီလို့ ခေါ်ရ လ်ိမ့်မယ်။ ယနေ့မြန် မာပြည်မှာ နေရ တကာ ကြံ့ဖွံ့ မပါရင် မပြီးပါ။ လေဘေး ဒုက္ခသည် တွေကို ကူညီချင်လို့ နိုင်ငံခြား ရောက် မြန်မာ အချို့ ပြည် တော်ပြန်ပြီး အလှူ လုပ်တော့ ကြံ့ဖွံ့က တဆင့် လှူကြရ တယ်။ ကြံ့ဖွံ့ မပါရင် အလှူတောင် မလုပ်နိုင်ဘူ။ နာမည် ရမယ့် ကိစ္စမှာ ကြံ့ဖွံ့က အသား ယူပြီး လူမိုက် အလုပ် ကိုတော့ လက်အောက်ခံ ‘စွမ်းအားရှင်’ ဆိုတာကို လုပ်ခိုင်း တယ်ဆိုပဲ။

ဗိုလ်နေ၀င်းက မဆလတပါတီအာဏာရှင်စနစ် တည်ထောင်သလို ဗိုလ်သန်းရွှေက ကြပ်ပြေးနေပြည်တော်ကနေ ကြံ့ဖွံ့အုပ်ချုပ်ရေးစနစ်ကို တည်ထောင်နေပုံရတယ်။ အာဏာရူးရာက ဘုရင်ရူးရူးပြီး စိတ်ဖောက်ပြန်ပုံမှာလည်း ဒီစစ်ဗိုလ်နှစ်ဦး အသွင်တူကြတယ်။ ယတြာချေဗေဒင်မေး ဘရားတည် စတာတွေကိုလည်း နှစ်ယောက်စလုံး အားကိုးကြတယ်။

ပြည်သူလူထုကို ရန်သူလို သဘောထားတဲ့ပုဂ္ဂိုလ်ကို စိတ်ဖောက်ပြန်သူ Psychopath လို့ ခေတ်ဆရာဝန်တွေက အဓိပ္ပာယ်ဖွင့်တယ်။ စိတ်ဖောက်ပြန်သူဟာ အများလက်ခံတဲ့ ကောင်းမွန်တဲ့ အကျင့်သီလကို ချိုးဖောက်ပြီး အမှန်တရားကို လက်မခံနိုင်ဘူး။ လူ့အဖွဲ့အစည်းက လက်ခံထားတဲ့ ဓလေ့ထုံးစံနဲ့ တရားဥပဒေကိုလည်း ဂရုမစိုက်ဘူး။ စိတ်အနှောင့်အယှက် ဖြစ်လာရင် အလွန်ကြမ်းတမ်းရက်စက်တယ်။

(၁၆) ရာစုမှာ အင်းဝကို အုပ်စိုးတဲ့ ရှမ်းဘုရင် သိုဟန်ဘွားကို ဘုန်းကြီးသတ်ပြီး ဘုရားဖျက်သူအဖြစ် သမိုင်းမှတ်တမ်း တင်ကြတယ်။ ရှမ်းဘုရင်က ဗမာဘုန်းကြီးကိုသတ်သလို (၁၈) ရာစု ဗမာမင်းအလောင်းဘုရား ပဲခူးကိုတိုက်တုန်းက ဆန့်ကျင်တဲ့ မွန်ဘုန်းကြီးတွေကို သတ်တာပဲ။ အာဏာရူးဟာ သူ့အာဏာထိပါးလာမှာကို စိုးရိမ်ပြီး ဘုန်းကြီးကို သတ်တာ ဖြစ်တယ်။

ဘုရားတည်ပြီး ဘုန်းကြီးသတ်တဲ့နေရာမှာ ဗိုလ်နေ၀င်းနဲ့ ကြပ်ပြေးသန်းရွှေ အသွင်တူတယ်။ ဒီလိုလူမျိုးတွေဟာ သူတို့ဖြတ်သန်းခဲ့ရတဲ့ အတွေ့အကြုံမှာ သင်ခန်းစာ ယူနိုင်စွမ်းမရှိကြဘူး။ မဆလခေတ်အတွေ့အကြုံသာရှိတဲ့ ကြပ်ပြေးသန်းရွှေဟာ မဆလအာဏာရှင်စနစ်ပုံစံကို ပြန်လည်တည်ဆောက်ဖို့ ကြိုးပမ်းနေတယ်။ စိတ်ဖောက်ပြန်နေတဲ့ Psychopath တွေဟာ ပြုပြင်ပြောင်းလဲဖို့ နားမလည်နိုင်ဘူး။ သင်ခန်းစာလည်း မယူနိုင်ကြတဲ့အတွက် သူတို့အရင်က လုပ်ခဲ့တာတွေကိုပဲ ထပ်ခါတလဲလုပ်တတ်တယ်လို့လည်း ဆိုတယ်။ ဒီအချက်ကို ကြပ်ပြေးသန်းရွှေက သက်သေပြနေတယ်။

ကြံ့ဖွံ့နဲ့နာမည်တူ အသင်းမျိုးကို လွန်ခဲ့တဲ့ အနှစ် (၅၀) ကျော်ဖြစ်တဲ့ ၁၉၅၈ ခုနှစ် ဗိုလ်နေ၀င်း အိမ်စောင့်အစိုးရ လက်ထက်မှာလည်း ဖွဲ့စည်းခဲ့ဖူးတယ်။ အဲဒီတုန်းကတော့ စစ်တပ်ကို ပြည်သူလူထုက သိပ်ပြီးမုန်းတီးသေးတာမဟုတ်လို့ ‘ကြံ့ခိုင်ရေးအသင်း’ လို့သာ ခေါ်ကြတယ်။

ရှေ့နှစ်ကျင်းပမယ်လို့ မျှော်လင့်ရတဲ့ အထွေထွေရွေးကောက်ပွဲမှာ ကန့်ကွက်ဆန္ဒပြသူကို နှိမ်နင်းဖို့အတွက် ကြံ့ဖွံ့အဖွဲ့ဝင်တွေကို စစ်တပ်နဲ့ရဲက လေ့ကျင့်ပေးနေတယ်လို့ သတင်းထွက်နေတယ်။ မနှစ်က ကျင်းပတဲ့ အခြေခံဥပဒေအတည်ပြုရေး လူထုဆန္ဒ ခံယူပွဲမှာ ကန့်ကွက်သူမရှိဘဲ အားလုံးထောက်ခံမဲပေးအောင် ကြံ့ဖွံ့နဲ့ စွမ်းအားရှင်တွေက စီစဉ်နိုင်ခဲ့တယ်။ အခုတော့ လာမယ့်ရွေးကောက်ပွဲမှာ ကြံ့ဖွံ့အဖွဲ့ဝင်တွေ အနိုင်ရအောင် စီစဉ်နေပြီလို့ ကြားနေရတယ်။

ဒေါ်အောင်ဆန်းစုကြည်နဲ့အဖွဲ့ကို ဒီပဲယင်းမှာ ၂၀၀၃ ခုနှစ်က အကြမ်းဖက်တိုက်ခိုက်တာဟာ ကြံ့ဖွံ့အဖွဲ့ လက်ချက်ဖြစ်တယ် ဆိုတာလောက်ပဲ အပြည်ပြည်ဆိုင်ရာအသိုင်းအ၀ိုင်းက သိတယ်။ တကယ်တော့ ၁၉၉၆ မှာ ဒေါ်အောင်ဆန်းစုကြည်နဲ့ ဦးတင်ဦး တို့ လိုက်ပါလာတဲ့ ကားတန်းကို ၀ိုင်းရိုက်ကတည်းက ကြံ့ဖွံ့အဖွဲ့ဟာ အကြမ်းဖက်ခဲ့တာဖြစ်ပေမယ့် အခုမှ နိုင်ငံခြားစာနယ်ဇင်း အချို့က ကြံ့ဖွံ့အဖွဲ့ကို အန္တရာယ်အဖြစ် ရေးသားလာကြတာဖြစ်တယ်။

၁၉၉၆ ဖေဖော်ဝါရီလ (၁၄) ရက်နေ့က ၀န်ကြီးချုပ်ဦးနု ကွယ်လွန်တဲ့ နှစ်ပတ်လည်အခမ်းအနားမှာ ကြံ့ဖွံ့တွေက ဒေါ်စုတို့အဖွဲ့ကို ခရမ်းချဉ်သီးနဲ့ ၀ိုင်းပေါက်ဖို့ စီစဉ်တယ်။ ဒါကို ကြိုတင်သိရလို့ အပေါက်ခံရရင်တောင် လက်တုံ့မပြန်ဘဲ ဘာကြောင့် ပေါက်ရတာလဲ ဆိုတာလောက်ပဲ မေးကြဖို့ အန်အယ်လ်ဒီအဖွဲ့ဝင်တွေက ပြင်ဆင်ထားကြတယ်။ အကယ်၍ ကြိုတင်ပြင်ဆင်မှုမလုပ်နိုင်ဘဲ အန်အယ်လ်ဒီ အဖွဲ့ဝင်လူငယ်တွေက စိတ်လိုက်မာန်ပါ လက်တုံ့ပြန်မိရင် အန်အယ်လ်ဒီ အဖွဲ့ချုပ်ဟာ ကြံ့ဖွံ့ဆင်တဲ့ အကွက်ထဲဝင်သွားပြီး အန်အယ်လ်ဒီအဖွဲ့ဝင်နဲ့ ကြံ့ဖွံ့တွေ အပြန်အလှန် အကြမ်းဖက်ကြတဲ့အဖြစ်ကို ရောက်သွားမယ်။

စစ်အာဏာရှင်စနစ်ကို အရပ်သားအစိုးရအဖြစ် အသွင်ကူးပြောင်းတဲ့အခါမှာ ကြံ့ဖွံ့အသင်းဟာ အဓိကအခန်းက ပါဝင်လာမယ့် အကြောင်း ထိုင်းနိုင်ငံအခြေစိုက် ဒီမိုကရေစီနဲ့ တိုးတက်ဖွံ့ဖြိုးရေးကွန်ချာအဖွဲ့ Network for Democracy and Development (NDD) က ၂၀၀၆ ခုနှစ်က စာမျက်နှာ (၉၀) အစီရင်ခံစာထုတ်ဝေခဲ့တယ်။ ကြံ့ဖွံ့အသင်းဝင် (၂၀) ကျော်ကို တွေ့ဆုံမေးမြန်းပြီး ရေးထားတဲ့ သုတေသနစာတမ်းပဲ။ ပညာရေး၊ စီးပွားရေးလောက၊ အမှုထမ်းလောကနဲ့ အတိုက်အခံအဖွဲ့အစည်းတွေမှာ ကြံ့ဖွံ့အဖွဲ့ဝင် တိုးပွားလာအောင် ဆောင်ရွက်နေပုံကို ဖော်ပြတယ်။

ကြံ့ဖွံ့အဖွဲ့ထဲဝင်လိုက်ရင် အခွင့်အရေးရပြီး နှောင့်ယှက်မခံရဘူးလို့ ခပ်ပေါ့ပေါ့ပဲ သဘောထားကြတာ များတယ်တဲ့။ စစ်အာဏာရှင်စနစ် သက်ဆိုးရှည်အောင် ကြံ့ဖွံ့အဖွဲ့က အရပ်သားအရေခြုံပေးလိုက်တာကိုတော့ သတိထားမိကြသူ နည်းနေသေးတယ်။ ကြံ့ဖွံ့နာယကအဖွဲ့ရဲ့ ဥက္ကဋ္ဌက ဗိုလ်ချုပ်မှူးကြီး ကြပ်ပြေးသန်းရွှေပါ။ စစ်အစိုးရအဖွဲ့ဝင်အားလုံး နာယကတွေ ဖြစ်တယ်။ ဒါကြောင့် ကြံ့ဖွံ့အဖွဲ့ရဲ့ အပြုအမူဟာ စစ်အစိုးရရဲ့ အပြုအမူလို့ ယူဆနိုင်တယ်။ ကြံ့ဖွံ့အဖွဲ့ဝင်ပေါင်း သန်း (၂၀) ကျော်ရှိတယ်လို့ ဆိုတာမို့ မြန်မာ့လူဦးရေ တ၀က်လောက်ဟာ ကြံ့ဖွံ့အဖွဲ့ဝင်တွေလို ဖြစ်နေတယ်။

ဒါပေမယ့် ကျောင်းသားကျောင်းသူတွေနဲ့ အစိုးရအမှုထမ်းတွေဟာ ကြံ့ဖွံ့အဖွဲ့ကို မ၀င်မနေရ ပါဝင်နေရလို့ အဖွဲ့ဝင်ဦးရေ ဖောင်းကြွနေတာဖြစ်ပုံရတယ်။ ကြံ့ဖွံ့အဖွဲ့ဝင် များပြားလာချိန်မှာ အန်အယ်လ်ဒီ အမျိုးသားဒီမိုကရေစီအဖွဲ့ချုပ်ဟာ ပါတီဝင်ဦးရေ ကျဆင်းအောင် စစ်အစိုးရက လုပ်ထားတယ်။ ဖိနှိပ်မှု၊ ခြိမ်းခြောက်မှု၊ အကြမ်းဖက်မှု၊ ထောင်သွင်းအကျဉ်းချမှု စတဲ့နည်းတွေ သုံးပြီး အန်အယ်လ်ဒီအဖွဲ့ချုပ် လုံးပါးပါးသွားအောင် ကြိုးပမ်းနေတယ်။ ကြံ့ဖွံ့အဖွဲ့ဝင်ဖို့ ငြင်းဆန်တဲ့ အန်အယ်လ်ဒီ ပါတီဝင်တွေကိုလည်း နည်းမျိုးစုံနဲ့ ဒုက္ခပေးတတ်တယ်။

ကိုယ့်ဘက်ကနိုင်ဖို့ အလားအလာမရှိရင် ၀င်ရောတာ အကောင်းဆုံးပဲဆိုပြီး ကြံ့ဖွံ့အဖွဲ့ဝင်ဖြစ်သွားသူတွေ ရှိပေမယ့် မ၀င်ဘဲ တောင့်ခံနေသူတွေလည်း ရှိတယ်။ တချို့ကြတော့လည်း နှောင့်ယှက်တာ မခံရအောင် ကြံ့ဖွံ့အဖွဲ့ထဲ ၀င်လိုက်ပေမယ့် ကြံ့ဖွံ့ဖြစ် ကြောင်း လူသိမခံလိုကြဘူး။ ၁၉၈၈ အုံကြွမှုမှာ မဆလပါတီဝင်တွေ ဒုက္ခရောက်လို့ ပါတီကတ်ပြားဆုတ်ဖြဲပစ်ရတဲ့အဖြစ်ကို သတိရနေကြပုံရတယ်။

အပေါ်ယံကြည့်ရင်တော့ ရပ်ကွက်က အရပ်သားအသင်းကို လူမှုရေးလုပ်ငန်းလုပ်ပေးတဲ့အဖွဲ့လို့ ကြံ့ဖွံ့အဖွဲ့ကို ထင်မြင်စရာ ရှိပါတယ်။ ဒါပေမယ့် တရပ်ကွက်လုံး စစ်အစိုးရကို ထောက်ခံလာအောင် စည်းရုံးလှုံ့ဆော်ပေးသူဟာ ကြံ့ဖွံ့အဖွဲ့ဝင်ပါ။ စစ်အစိုးရ ထောက်ခံပွဲနဲ့ အန်အယ်လ်ဒီ ရှုတ်ချပွဲ ကျင်းပနိုင်သူဟာ ကြံ့ဖွံ့ပါ။ ပြည်သူလူထုကို အကူအညီပေးဟန်ဆောင်ပြီး အနိုင်ကျင့်နေတာ ကြံ့ဖွံ့အဖွဲ့ပါ။

နိုင်ငံခြားကယ်ဆယ်ရေးအေဂျင်စီတွေနဲ့ ကြံ့ဖွံ့အဖွဲ့ လက်တွဲနိုင်ဖို့ စစ်အစိုးရက ကြိုးပမ်းတယ်။ ကြံ့ဖွံ့နဲ့ တွဲမလုပ်ချင်လို့ မြန်မာပြည်ကထွက်ခွာတဲ့ နိုင်ငံခြားလူမှုရေးအေဂျင်စီတွေရှိတယ်။ တနည်းဆိုရင်တော့ ပြင်ပက အဖွဲ့အစည်းတွေ မြန်မာပြည်သူလူထုနဲ့ ဆက်ဆံချင်ရင် ကြံ့ဖွံ့ကတဆင့်သာ ဆက်သွယ်ခွင့်ရှိသလို ဖြစ်နေပါတယ်။ လာဘ်ပေးလာဘ်ယူမှာလည်း ကြံ့ဖွံ့အဖွဲ့ဟာ အများဆုံးပဲ။ အစိုးရငွေ၊ အလှူငွေ၊ ရန်ပုံငွေ စတာတွေကို အလွဲသုံးစားလုပ်တာဟာ ထုံးစံလိုဖြစ်နေပြီ။

ကြံ့ဖွံ့အဖွဲ့ကို နိုင်ငံရေးပါတီအဖြစ် ပထမဆုံးအသိအမှတ်ပြုတာ တရုတ်ကွန်မြူနစ်ပါ။ ၂၀၀၀ ပြည့်နှစ်မှာ ကြံ့ဖွံ့အသင်း ဒု-ဥက္ကဋ္ဌ ဗိုလ်ချုပ်ကြီးဝင်းမြင့်ကို တရုတ်ကွန်မြူနစ်ပါတီက ဖိတ်တယ်။ နောက် (၄) နှစ်လောက်ကြာတော့ ၂၀၀၄ ခုနှစ် စက်တင်ဘာလ ဘေဂျင်းမြို့တော်မှာကျင်းပတဲ့ (၃၅) နိုင်ငံက (၈၄) ပါတီညီလာခံကို ကြံ့ဖွံ့အသင်းတက်တာ တွေ့ရတယ်။ တိုကျိုနဲ့အိန္ဒိယမှာ ကျင်းပတဲ့ အစီအစဉ်တွေမှာလည်း ကြံ့ဖွံ့ပါဝင်နေတယ်။

ဒေါ်အောင်ဆန်းစုကြည်နဲ့ အန်အယ်လ်ဒီအဖွဲ့ချုပ်ဟာ ကြံ့ဖွံ့အဖွဲ့ရဲ့ ပြိုင်ဘက်လိုဖြစ်နေတယ်။ ဒေါ်စုနဲ့ အန်အယ်လ်ဒီ မလှုပ်ရှားနိုင်တဲ့ဘ၀ ရောက်သွားရင် ကြံ့ဖွံ့ပါတီအာဏာရပြီး အခြားပါတီတွေဟာ ကြံ့ဖွံ့ကိုပံ့ပိုးတဲ့အဆင့်မှာသာ ရပ်တည်နိုင်တော့မှာ ဖြစ်တယ်။ ဒီလိုဆိုရင် ဗမာ့နိုင်ငံရေးစနစ်ဟာ ကြံ့ဖွံ့က ကြံ့ဖွံ့အတွက် တည်ထောင်ထားတဲ့ ကြံ့ဖွံ့ကရေစီစနစ် ဖြစ်ဖို့သာ ရှိပါတော့တယ်။

စစ်ကြောရေးစခန်းတွင် ရိုက်နှက်သည့်ဒဏ်ကြောင့် သံဃာတပါး အူကျသည့်ရောဂါ ခံစားနေရ

ဖြိုးကြီး

အရှင်ဆန္ဒာဓိက (ခ) ကိုညီညီစံကို စစ်ကြောရေးစခန်းတွင် ရိုက်နှက်ထားသည့် ဒဏ်ကြောင့် အူကျသည့် ဝေဒနာကို ခံစားနေရသည်။


စစ်ကြောရေးစခန်းမှ ရဲအုပ် ကျော်စိန်နှင့် ဒုရဲအုပ် ပြည်ခိုင်ဇော်တို့က ရိုက်နှက်ခဲ့ခြင်းဖြစ်ကြောင်း (၂၇) ရက်နေ့ တိုင်းတရားရုံတွင် ရုံးထုတ်သည့်နေ့က မိသားစုဝင်များကို အရှင်ဆန္ဒာဓိက က ပြောသည်။

“ဝါးစိမ်းတုတ်နဲ့ ရိုက်တာ အရိုးတွေ ကျိုးသွားတဲ့အထိ ရိုက်တာလို့ပြောတယ်၊ အဲဒီဒဏ်တွေကြောင့် အူကျတာတွေ ဖြစ်နေတယ်၊ လောလောဆယ် ထောင်ဆေးရုံမှာ ပြနေရတယ်” ဟု မိသားစုဝင်တဦးက ပြောသည်။

အာဏာပိုင်များက စစ်ကြောရေးစခန်းတွင် ရိုက်နှက်ကာ ဓါတ်ဆီလောင်း မီးရှို့ဆန္ဒပြရန် ကြံစည်ကြောင်း အတင်းကြပ် ထွက်ဆိုခိုင်းကြောင်း ၎င်းက ဆက်ပြောသည်။

အရှင်ဆန္ဒာဓိကကို အာဏာပိုင်များက ဒေါ်အောင်ဆန်းစုကြည် အမိန့်ချမှတ်ခံရသည့် ယခုလ (၁၁) ရက်နေ့က အင်းစိန်ထောင်ရှေ့ သွားရောက်ကြားနာပြီး အပြန်တွင် ဖမ်းဆီးခဲ့ခြင်းဖြစ်သည်။

အရှင်ဆန္ဒာဓိက အဖမ်းခံရခြင်းနှင့်ပတ်သက်၍ “ဒေါ်အောင်ဆန်းစုကြည်ကို အင်းစိန်ရုံးထုတ်မှာ ဘယ်လိုအမိန့်ချမလဲဆိုတာ သွားနားထောင်ခဲ့တယ်၊ နောက်တော့ အမျိုးသားဒီမိုကရေစီအဖွဲ့ချုပ်ရုံးဘက်ကို လာပြီး သူ့ဒကာ၊ ဒကာမတွေကို နှုတ်ဆက်ပြီးတော့ ပြန်တဲ့အချိန်မှာ ကားအဖြူလေးနဲ့ လူသုံးယောက်က ဦးဇင်းကို အအေးကပ်ချင်လို့ဆိုတော့ ဦးဇင်းကလည်း ငါဘုန်းပေးတာ ပြည့်စုံပြီတဲ့၊ မလိုတော့ပါဘူးဆိုပြီး ပြောတာကို ဦးဇင်းကို ပြောစရာရှိလို့ပါတဲ့၊ မေးစရာလေးရှိလို့ပါဆိုပြီး ခေါ်သွားတာ” ဟု မိသားစုဝင်က ပြောသည်။

ယခုလက်ရှိ အရှင်ဆန္ဒာဓိကကို အင်းစိန်ထောင် အဆောင် (၃) အခန်း (၁) တွင် လူဝတ်လဲထားကာ သာသနာတော် ညှိုးနွမ်းစေသည့် ပုဒ်မဖြင့် ဒုရဲအုပ် ဇော်ဖုန်းဝင်းက တရားလိုပြုလုပ်ကာ တရားစွဲထားပြီး နောက်လ (၃) ရက်နေ့တွင် ရုံးချိန်း ထပ်မံချိန်းဆိုထားသည်။

ယနေ့ မြန်မာ့ရေးရာ သတင်းများ Aug,30th,2009

( 21 )Hundreds of Myanmar rebels flee to China

( 20 )Violence erupts again in Myanmar

( 19 )Myanmar rebel clashes subside

( 18 )Guerillas from Burma retreating to China

( 17 )အမြတ်မရှိ တွက်ခြေမကိုက်၍ ရေလုပ်သားများ အခက်ကြုံ

( 16 )Myanmar clashes spark China flight

( 15 )Myanmar border inhabitants begin to return from China as situation calms

( 14 )Myanmar border clashes prompt China rebuke

( 13 )Fightings keep on in Myanmar's Kokang region

( 12 )China seals Myanmar border

( 11 )Families flee Burma as new wave of fighting breaks out

( 10 )တရုတ်မြန်မာ နယ်စပ် လုံခြုံရေး တင်းကျပ်

( 9 )Charity sale to help refugees from Myanmar

( 8 )Rebel leader says 30 Myanmar troops killed

( 7 )China is losing patience with Burma, its basket-case neighbour

( 6 )30 Myanmar troops killed

( 5 )One killed by bomb along China-Myanmar border

( 4 )US man says dream led to Suu Kyi

( 3 )U.N. Voices Concern As Fresh Fighting Breaks Out In Northeastern Burma

( 2 )မြန်မာစစ်အစိုးရနဲ့ ကိုးကန့် တိုက်ပွဲ တတိယနေ့ အရှိန်လျော့

( 1 )Fresh Fighting Erupts in Burma

Saturday, August 29, 2009

အပြစ်မဲ့ ၂ လကြာ စစ်ကြောရေးစခန်းတွင် ထိန်းသိမ်းခံခဲ့ရသူ ပြန်လည်လွတ်မြောက်

ဗထူး Saturday, 29 August 2009

အမှုစွဲ တရားရုံး တင်ခြင်း မရှိဘဲ ၂ လကျော်ကြာ ထိန်းသိမ်း ခံခဲ့ရသည် ဒေါပုံမြို့ နယ်မှ ကိုနိုင်ငံလင်း သည် ယမန်နေ့က အောင်သပြေ စစ် ကြောရေးစခန်းမှ ပြန်လည်လွတ်မြောက်လာသည်။

ယခုနှစ် ဇွန်လ (၂၆) ရက်နေ့တွင် စာသင်ကြားရာမှပြန်လာသူ ကိုနိုင်ငံလင်းကို အာဏာပိုင်များက ဖမ်းဆီးခေါ်ဆောင်ကာ အောင်သပြေစစ်ကြောရေးစခန်းတွင် ၆၂ ရက်ကြာ ချုပ်နှောင်ထားခဲ့ခြင်းဖြစ်သည်။

“မနေ့က (၁၂) နာရီခွဲမှာ ပြန်လွတ်လာတာပါ။ အိမ်ကို ကားနဲ့လိုက်ပို့ပါတယ်။ ဘာပြစ်မှုမှမရှိလို့ ပြန်လွှတ်တာလို့တော့ ပြောတယ်ဗျ၊ ကျနော်နဲ့အတူတူ အဖမ်းခံရတဲ့ ကိုကျော်ကျော်ကိုတော့ ပြန်မလွှတ်သေးဘူး။ သူ့ကို ဘယ်မှာထားတယ်ဆိုတာလဲ မသိရဘူး” ဟု ပြန်လည်လွတ်မြောက်လာသူ ကိုနိုင်ငံလင်းက ပြောသည်။

ရန်ကုန်မြို့ တာမွေကျောက်မြောင်းအနီး အင်တာနက်ဆိုင်တွင် အင်တာနက် အသုံးပြုနေစဉ် အမည်မသိသူ ၅ ဦးက ဖမ်းဆီးသဖြင့် လိုက်ပါသွားခဲ့သည်ဟု ၎င်းက ဆက်လက်ပြောဆိုသည်။

စစ်ကြောရေးစခန်းသို့ရောက်ပြီး ၃ ရက်တိတိ စစ်ဆေးမေးမြန်းမှုများ ပြုလုပ်ခဲ့ပြီးနောက် နောက်ထပ်မေးမြန်းမှုများ မပြုလုပ်တော့ဘဲ အခန်းတခုတွင် သီးသန့်ထားကာ ပြန်လည်မလွတ်မြောက်မီ ၆ ရက်ခန့်အလိုတွင် အချုပ်ခန်းထဲတွင် ချုပ်နှောင်ခံခဲ့ရပြီး လွတ်မြောက်လာသည့်ရက်အထိ ကောင်းမွန်စွာ နေထိုင်ခဲ့ရကြောင်း ကိုနိုင်ငံလင်းက ပြောသည်။

အောင်သပြေစစ်ကြောရေးစခန်းမှ မေးမြန်းချက်များနှင့်ပတ်သက်၍ ကိုနိုင်ငံလင်းက “အဓိကကတော့ ကျနော်ရဲ့ နောက်ကြောင်းရာဇဝင်ပဲ မေးတယ်။ ဘာလုပ်တယ်၊ အဓိက NLD ရုံးမှာ ဘာတာဝန်ရှိလဲလို့ မေးတယ်။ ကျနော်က အစဝင်ကတည်းက အင်္ဂလိပ်စာပဲ သင်တာ။ အဲဒါပဲ ပြောပြတယ်။ သူတို့က တခြားအဖွဲ့တွေ၊ ဖောက်ခွဲရေးအဖွဲ့တွေနဲ့ ဆက်နွယ်မှုရှိလားဆိုပြီး စစ်တယ်၊ ကျနော်လည်းမသိတော့ မသိဘူးပဲပြောတာပေါ့။ နောက် ဒီတိုင်းပဲထားပြီး ကျနော့်ကို ဆက်မစစ်တော့ဘူး” ဟု ပြောသည်။

ကိုနိုင်ငံလင်းသည် ဒဂုံတက္ကသိုလ်တွင် သင်္ချာဘာသာရပ်အား သင်ကြားနေသူ တတိယနှစ်ကျောင်းသားဖြစ်ပြီး သူ အဖမ်းခံရစဉ် သူ၏ဇနီးသည် မခင်စန္ဒာဝင်းမှာ ကိုယ်ဝန်ဖြင့် နေအိမ်တွင်ကျန်ရစ်ခဲ့သည်။

ယခုကဲ့သို့ ဇနီးသည်နှင့့်် ပြန်ဆုံတွေ့ခွင့်ရသည်ကို ဝမ်းသာကြောင်း ပြောဆိုပြီး သူက “ကျနော်အရမ်း ဝမ်းသာပေမဲ့ အထဲမှာ ကျန်ခဲ့တဲ့ လူတွေအတွက်တော့ အရမ်းစိတ်မကောင်းဘူး။ အောင်သပြေစခန်းမှာ အမှုမတင်ဘဲ ရှိနေတဲ့ လူတွေ အရမ်းများတယ်လို့ ယူဆရပါတယ်။ ကျနော်ကတော့ သေသေချာချာ မသိဘူး။ လူတွေကတော့ အများကြီးပဲ။ ဘယ်သူတွေမှန်းတောင် မသိဘူး” ဟု ပြောသည်။

ပြန်လည်လွတ်မြောက်လာပြီးနောက် သူ၏ နဂိုမူလအလုပ်ဖြစ်သော NLD လူငယ်များကို အင်္ဂလိပ်စာသင်ကြားခြင်းနှင့် ပညာဒါနအဖြစ် စာသင်ကြားခြင်းများကို ဆက်လက်လုပ်ကိုင်သွားမည်ဟု ဆက်လက်ပြောဆိုသည်။

ရက်ပေါင်းမြောက်များစွာ ဖမ်းဆီးခံခဲ့ရသည့် သူ၏ ခံစားချက်နှင့်ပတ်သက်၍ ကိုနိုင်ငံလင်းက “ကျနော့်အတွက်ကတော့ ကျနော်ခံလိုက်ရပေမယ့် နည်းနည်းတော့ ဖြေနိုင်တာပေ့ါ။ ဒါပေမယ့် နောက်ဒီလို မဖြစ်စေလိုချင်ဘူး။ သူတို့ ခုလိုဖမ်းဆီးတာ လုံးဝတရားမဝင်ဘူး။ တရားမဝင်ဘူးဆိုတာ လူတယောက်ကို လမ်းမှာတွေ့ရင် ခေါ်သွားတယ်။ ပြီးတော့ ဖမ်းထားပြီးတော့ အကြာကြီး စစ်ဆေးတယ်။ ရမန်ကိုလည်း နှစ်ခါပဲယူရမှာကို အကြာကြီးယူတယ်။ အဲလိုမျိုးလုပ်တာကိုက လုံးဝ တရားမဝင်ဘူး။ အဲဒါတွေဟာ အစိုးရတရပ်မှာ မရှိသင့်ဘူးလို့ ထင်တယ်၊ ဒါပဲ ပြောချင်တယ်” ဟု ပြောဆိုသွားခဲ့သည်။

ကိုးကန့် တပ်ဖွဲ့ဝင် ၇၀၀ ကျော် တရုတ်အစိုးရထံ လက်နက်ချ

ရန်ပိုင် Saturday, 29 August 2009

ကိုးကန့် တပ်ဖွဲ့ဝင် အင် အား ၇၀၀ကျော်သည် ယနေ့နေ့လယ်ပိုင်းက တရုတ်နိုင်ငံယူနန်ပြည်နယ် အတွင်းသို့ ၀င်ရောက်သွားပြီး တရုတ်အစိုးရထံတွင် လက်နက် အပ်လိုက်ကြောင်း သိရသည်။

ထိုသို့ လက်နက်ချလိုက်သောကြောင့် တိုက်ပွဲများ ဆုံးခန်းတိုင်လု ဖြစ်သွားသည်ဟု တရုတ်မြန်မာ နယ်စပ် အခြေစိုက် စစ်ရေးလေ့လာသူ ဦးအောင်ကျော်ဇော က ပြောဆိုသည်။

“ကိုးကန့်တပ် အင်အား ၇၀၀ လောက် ဒီနေ့နေလယ်က တရုတ်ဘက်ကို ၀င်သွားပြီး၊ တရုတ်အစိုးရဆီမှာ လက်နက်ချလိုက် တယ်၊ တပ်ဖွဲ့ငယ်လေးတွေပဲကျန်တော့တယ်၊ ညီနောင်တပ်ဖွဲ့တွေလည်း ဒီနေ့မနက်လေးနာရီမှာ ဆုတ်သွားပြီ”ဟု ၎င်း က ပြောသည်။

စစ်အစိုးရတပ်က လက်နက်ကြီးများ၊ တင့်ကားများဖြင့် ထိုဒေသအတွင်းသို့ဝင်ရောက် တိုက်ခိုက်ခြင်းဖြစ်ကြောင်း လည်း သိရသည်။

“မြန်မာပြည်သူများ မျက်နှာမထောက်ဘဲ ကုလသမဂ္ဂမှာ စစ်အစိုးရဘက်မှ လိုက်ခဲ့တဲ့တရုတ်နိုင်ငံကို စစ်အစိုးရက ဂရု မစိုက် ကြောင်း ပြသလိုက်တာပဲဖြစ်တယ်၊တရုတ်ကတိုက်ပွဲကြီး မဖြစ်ပါစေနဲ့ပြောတယ်၊ စစ်အစိုးရက လက်နက် ကြီးနဲ့ပစ် ပြလိုက် တယ်”ဟု ဦးအောင်ကျော်ဇော ကဆက်ပြောသည်။

ယခု ကိုးကန့်တပ်ဖွဲ့ဝင်များ လက်နက်ချသတင်းနှင့်ပတ်သက်ပြီး ဧရာဝတီက သီးခြားအတည်ပြုချက် ရယူနိုင်ခြင်း မရှိသေး ပေ။

ယမန်နေ့က ဖြစ်ပွားသော တိုက်ပွဲများတွင် စစ်အစိုးရ တပ်က ပစ်ခတ်မှုကြောင့် တရုတ်နိုင်ငံဘက်သို့ လက်နက်ကြီး ကျည်များကျရောက်ပြီး တရုတ်လူမျိုးတဦး သေဆုံး၍ ၂ ဦးဒဏ်ရာရှိခဲ့သော်လည်း၊ ယနေ့တွင် လက်နက်ကြီးများနှင့် ဆက်လက်ပစ်ခတ်ခဲ့ သေးကြောင်း သိရသည်။

ယမန်နေ့ ကပင် တိုက်ပွဲများ ဖြစ်ပွားနေသော တရုတ်မြန်မာနယ်စပ် တည်ငြိမ်ရေး ကိုထိန်းသိမ်း ဆောင်ရွက်ရန် မြန်မာစစ် အစိုးရ ကို တရုတ်နိုင်ငံခြားရေး ၀န်ကြီး ဌာနက တိုက်တွန်းပြောကြား ထားသည်။

“မြန်မာ့ပြည်တွင်းရေး ဖြစ်သောကြောင့် နိုင်နင်းစွာကိုင်တွယ်ရန်လိုကြောင်း၊ တရုတ်အစိုးရအနေဖြင့် နယ်စပ် ဒေသ တည်ငြိမ်ရေးကို လိုလားကြောင်း၊ မြန်မာနိုင်ငံအတွင်းရှိ တရုတ်နိုင်ငံသားများအား နိုင်ငံသားအခွင့်အရေးများ နှင့် အကာ အကွယ်ပေးရန် တိုက်တွန်းကြောင်း” ဟု တရုတ်နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် Jian Yu ကပြောကြား ခြင်းဖြစ်သည်။

တရုတ်နိုင်ငံဆိုင်ရာ မြန်မာသံအမတ်ဟောင်း သခင်ချန်ထွန်းကမှု“ဗမာစစ်အစိုးရ ဆိုတာ ဘယ်သူမှဂရုမစိုက်ဘူး၊ ကိုယ့်ကိုယ်ကိုယ် သာအထင်ကြီး တယ်၊ တရုတ်ကိုလည်း ထည့်စဉ်းစားမယ် မထင်ပါဘူး” ဟု ဧရာဝတီသို့ပြောသည်။

အဆိုပါ တိုက်ပွဲများကြောင့် ကိုးကန့်ဒေသမှ ဒုက္ခသည် ၃၀၀၀၀ ခန့် ရှိလာသည့်အတွက် စိုးရိမ်ကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး ပြောရေးဆိုခွင့်ရှိသူ မီရှဲလ် မွန်းတပ်စ်ကပြောဆိုသည်။

ပြီးခဲ့သည့်သြဂုတ်လ ၂၃ ရက်နေ့က အာဏာပိုင်တို့က ကိုးကန့် ခေါင်းဆောင် ဦးဖုန်ကြားရှင် ၏ အိမ်တွင် လက်နက်စက်ရုံ ရှိသည်ဟု အကြောင်းပြပြီး ၀င်ရောက်စီးနင်း ခဲ့သည်။

ထို့နောက် ကိုးကန့် အပစ်ရပ်အဖွဲ့ အတွင်း စစ်အစိုးရ အကူအညီဖြင့် အာဏာသိမ်းပွဲ ဖြစ်ပွားခဲ့ပြီးနောက် ခေါင်းဆောင်မှု ကော်မတီကို အသစ် ဖွဲ့စည်းလိုက်ပြီး ၊ ခေါင်းဆောင်ဟောင်း ဦးဖုန်ကြားရှင် သည် ၎င်း၏ တပ်ဖွဲ့များနှင့် အတူ ၀ နယ်ဘက် သို့ ရှောင်တိမ်းသွားခဲ့ရာမှ စစ်အစိုးရတပ်များ နှင့် တိုက်ပွဲများဖြစ်ပွားခဲ့ခြင်းဖြစ်သည်။

ဖုန်ကြားရှင် ဦးဆောင်သော ကိုးကန့်အဖွဲ့သည် ၁၉၈၉ ခုနှစ်တွင် စစ်အစိုးရနှင့် အပစ်အခတ် ရပ်စဲရေး ပြုလုပ်ထားသော တိုင်းရင်းသား လက်နက်ကိုင် အဖွဲ့ဖြစ်သည်။


အမေရိကန်အောက်လွှတ်တော်အရာရှိများ အန်အယ်လ်ဒီနှင့် တွေ့ဆုံ မြန်မာ့နိုင်ငံရေးအခြေအနေများ ဆွေးနွေး

NEJ / ၂၉ သြဂုတ် ၂၀၀၉

အမျိုးသား ဒီမိုကရေစီ အဖွဲ့ချုပ် အန်အယ်လ်ဒီ ဗဟို အလုပ် အမှုဆောင် အဖွဲ့ဝင် များသည် အမေရိကန် အောက်လွှတ်တော်၊ နိုင်ငံခြား ရေးရာ ကော်မတီမှ အရာရှိ (၃) ဦးနှင့် ယမန်နေ့ ညနေပိုင်း တွင် အဖွဲ့ချုပ် အစည်း အဝေး ခန်းမ၌ တွေ့ဆုံ ဆွေးနွေးခဲ့သည်။

ယင်းသို့ ဆွေးနွေး ရာတွင် အန်အယ်လ်ဒီ ဗဟိုအလုပ်အမှုဆောင် အဖွဲ့ဝင်များဖြစ်သည့် ဦးညွန့်ဝေ၊ ဦးသန်းထွန်း၊ ဦးစိုးမြင့်၊ ဦးခင်မောင် ဆွေတို့ နှင့်အတူ ပြန်ကြားရေး အဖွဲ့ဝင် ဦးအုန်းကြိုင်၊ ပြောခွင့်ရ ပုဂ္ဂိုလ် ဦးဉာဏ်ဝင်း နှင့် ရုံးအဖွဲ့မှူး ဦးလှမင်းတို့လည်း ပါဝင်ကြောင်း သိရသည်။

မြန်မာ နိုင်ငံ လက်ရှိနိုင်ငံ ရေးအခြေ အနေ၊ ဒေါ်အောင်ဆန်း စုကြည်၏ လက်ရှိ အခြေအနေ နှင့် နိုင်ငံရေး အကျဉ်းသား များ၏ လက်ရှိ အခြေအနေများ ကို အဓိက ထား ဆွေးနွေးခဲ့ကြ သည်ဟု ဦးဉာဏ်ဝင်းက ပြောသည်။

မြန်မာ့နိုင်ငံရေးဆွေးနွေးရာတွင် အမေရိကန်အောက်လွှတ်တော် အရာရှိများက ရွေးကောက်ပွဲနှင့်ပတ်သက်၍ တိုက်တွန်းသည့် သဘော၊ ဆောင်ရွက်သင့်သည်ဆိုသည့်သဘောမျိုး ပြောဆိုဆွေးနွေးခြင်းမရှိကြကြောင်း ဦးဉာဏ်ဝင်းက ပြောသည်။

အန်အယ်လ်ဒီဘက်မှ ရွေးကောက်ပွဲနှင့်ပတ်သက်၍ မည်သို့သဘောထားရှိသည်၊ ရွေးကောက်ပွဲပြီးပါက မည်သို့ဖြစ်လာမည် ဆိုသည့်အခြေအနေနှင့် လက်ရှိအပစ်အခတ်ရပ်စဲရေးအဖွဲ့များနှင့် မပြေမလည်ဖြစ်နေသည့် အခြေအနေပေါ်တွင် အန်အယ်လ်ဒီ က ဆုံးဖြတ်နိုင်ခြင်းမရှိသေးသည့် အချက်များကို ရှင်းပြခဲ့ကြောင်း သိရသည်။

ဦးဉာဏ်ဝင်းက “ရွေးကောက်ပွဲနဲ့ပတ်သက်လို့ ဦးစိုးမြင့်က ရှင်းပြပါတယ်။ လက်ရှိအားဖြင့် မြန်မာ့နိုင်ငံရေးအခြေအနေနဲ့ ပတ်သက်ရင် နောက်ဆုံးဖြစ်ပေါ်နေတဲ့ နယ်စပ်မတည်မငြိမ်မှု၊ ဒါတွေကို ထည့်သွင်းသုံးသပ်ရမယ်။ နောက်တခုက ရက်ပိုင်းအတွင်းမှာ မြန်မာပြည်တချို့သောနေရာတွေမှာ ဥပဒေမပြဋ္ဌာန်းသေးဘဲနဲ့ တချို့သောပါတီတွေက ဆိုင်းဘုတ်ထောင်ပြီးတော့ ရွေးကောက်ပွဲဝင်ဖို့ ကြွေးကြော်နေတယ်။ ဒီလိုအခြေအနေတွေကို သူတို့ကို ရှင်းပြတယ်။ မြန်မာ့နိုင်ငံရေးနဲ့ပတ်သက်ပြီးတော့ အန်အယ်လ်ဒီကသော်လည်းကောင်း၊ မစ္စတာဘန်ကီမွန်းကသော်လည်းကောင်း အားလုံးပါဝင်နိုင်ရေးလို့ ပြောပြီး ဒီလိုအခြေအနေဖြစ်ပေါ်နေတယ်။ အဲလိုဖြစ်ပေါ်နေတဲ့အခြေအနေမှာ အန်အယ်လ်ဒီက ရွေးကောက်ပွဲဝင်ရေး မ၀င်ရေးဟာ ဆုံးဖြတ်ဖို့မဖြစ်နိုင်သေးဘူးဆိုတာကို သူတို့ကို ရှင်းပြခဲ့တာပါ” ဟု ဆက်လက်ပြောကြားသည်။

ဒေါ်အောင်ဆန်းစုကြည်နှင့်ပတ်သက်၍ လက်ရှိနေထိုင်ရသည့်အခြေအနေနှင့် ထိန်းသိမ်းထားသည့်အခြေအနေကိုလည်း အမေရိကန်အရာရှိများက မေးမြန်းကြသဖြင့် ယင်းအခြေအနေများကို ၎င်းကိုယ်တိုင်ရှင်းလင်းပြခဲ့သည်ဟု ဦးဉာဏ်ဝင်းက ပြောသည်။

၎င်းက “ကျနော်က ပြောပြလိုက်တယ်။ ဒေါ်အောင်ဆန်းစုကြည်က (၃) နှစ်ထောင်ဒဏ်ကျတယ်။ အဲဒီထဲမှာ (၁) နှစ်ခွဲကို ပယ်ဖျက်လိုက်ပြီ၊ (၁) နှစ်ခွဲကျန်တယ်။ ကျန်တဲ့ အဲဒီ (၁) နှစ်ခွဲကို ဆိုင်းငံ့ထားတယ်။ ဆိုင်းငံ့တဲ့အတွက် ဒေါ်အောင်ဆန်းစုကြည် ဟာ လွတ်လပ်စွာနေထိုင်ခွင့်ရှိရမယ်၊ သို့သော်လည်းပဲ မလွတ်လပ်ဘူး၊ အကျဉ်းကျတယ်။ အဲလိုအကျဉ်းကျတာဟာ နအဖအစိုးရရဲ့အမိန့်ကြောင့်။ အဲဒီအမိန့်ကလည်း ဥပဒေမှာ ဒီလိုဆောင်ရွက်ခွင့်မရှိဘူးဆိုတာကို ကျနော်ရှင်းပြတယ်” ဟု ပြောသည်။

နိုင်ငံရေးအကျဉ်းသားများ (၂,၀၀၀) ကျော်ရှိနေသည်ကို အမေရိကန်အရာရှိများက သိနေပြီး ထိုအကျဉ်းသားများ၏ ထောင်တွင်းနေထိုင်ရသည့် အခြေအနေကိုမေးမြန်းကြောင်း၊ ယင်းအခြေအနေများကို ထောင်တွင်းအတွေ့အကြုံများသည့် ဦးခင်မောင်ဆွေနှင့် ဦးအုန်းကြိုင်တို့က ရှင်းပြခဲ့ကြောင်း ဦးဉာဏ်ဝင်းက ပြောသည်။

ထို့အပြင် အန်အယ်လ်ဒီပါတီအတွင်း generation gap ဖြစ်နေသည့်ကိစ္စကိုလည်း မေးမြန်းခဲ့သဖြင့် အဖွဲ့ဝင်လူကြီးများက အဖွဲ့ချုပ်တွင် လူငယ်များသည် နဂိုကတည်းက စိတ်ဓာတ်ရှိပြီးသား လူငယ်များဖြစ်သည့်အတွက် new generation အင်အားများသည် ရှိပြီးသားဖြစ်ကြောင်း ရှင်းပြခဲ့သည်ဟု ဦးဉာဏ်ဝင်းက ဆက်လက်ပြောကြားသည်။

အန်အယ်လ်ဒီ ဗဟိုကော်မတီဝင်များနှင့် တွေ့ဆုံဆွေးနွေးခဲ့သည့် အမေရိကန်အောက်လွှတ်တော် အရာရှိများမှာ ဒီမိုကရက်တစ်ပါတီမှ Lynne Weil နှင့် Jessica Lee၊ ရီပတ်ဘလီကန်ပါတီမှ Dennis Halpin တို့ဖြစ်ပြီး ၎င်းတို့သည် (၄) ရက်ကြာခရီးစဉ်အဖြစ် မြန်မာနိုင်ငံသို့ရောက်ရှိနေစဉ် အန်အယ်လ်ဒီအဖွဲ့ချုပ်ဝင်များနှင့် တွေ့ဆုံခဲ့ခြင်းဖြစ်သည်။

ထိုသို့အရာရှိများ လာရောက်မေးမြန်းမှုနှင့်ပတ်သက်၍ ဦးဉာဏ်ဝင်းက “သူတို့ပြောတဲ့စကားတွေအရပဲ မြန်မာ့နိုင်ငံရေးနဲ့ ပတ်သက်ပြီးတော့ အချက်အလက်တွေ လာရောက်စုဆောင်းတယ်ဆိုတာ ပေါ်နေတယ်။ ဘယ်အတွက်လဲဆိုတာက ကွန်ဂရက် အတွက်လား၊ မူဝါဒသစ်အတွက်လား ဒါတော့ ကျနော်တို့လည်းမသိပါဘူး” ဟု ပြောသည်။

ယခုကဲ့သို့ အမေရိကန်အောက်လွှတ်တော် နိုင်ငံခြားရေးရာကော်မတီမှ အရာရှိ (၃) ဦး၏ မြန်မာနိုင်ငံခရီးစဉ်သည် သြဂုတ် (၁၄) ရက်တွင် မြန်မာနိုင်ငံသို့ (၃) ရက်ကြာလာရောက်ခဲ့သည့် အမေရိကန်အထက်လွှတ်တော်အမတ် ဂျင်မ်ဝက်ဘ်၏ ခရီးစဉ် အပြီး လာရောက်ခြင်းဖြစ်သည်။

မြန်မာနိုင်ငံသို့လာရောက်ခဲ့သည့် အမေရိကန်အထက်လွှတ်တော်အမတ် ဂျင်မ်ဝက်ဘ်က မြန်မာနိုင်ငံနှင့်ပတ်သက်သည့် ဆောင်းပါးတပုဒ်ကို သြဂုတ် (၂၆) ရက်ထုတ် New York Times သတင်းစာတွင် ရေးသားထားပြီး အဆိုပါဆောင်းပါးတွင် အတိုက်အခံ အန်အယ်လ်ဒီပါတီအနေဖြင့် လာမည့်ရွေးကောက်ပွဲတွင် ပါဝင်ဖို့စဉ်းစားစေချင်ကြောင်း တိုက်တွန်းထားသည်။

အဆိုပါ မစ္စတာဝက်ဘ်၏ တိုက်တွန်းချက်နှင့်ပတ်သက်၍ ဒေါ်အောင်ဆန်းစုကြည်နှင့် အန်အယ်လ်ဒီ၏ သဘောထား မည်သို့ရှိသည်ကို ဒေါ်အောင်ဆန်းစုကြည်နှင့် သြဂုတ် (၂၇) ရက်တွင် အယူခံကိစ္စသွားရောက်တွေ့ဆုံခဲ့သည့် ဦးဉာဏ်ဝင်းအား ခေတ်ပြိုင်က မေးမြန်းခဲ့သည်။

၎င်းက “ဒါနဲ့ပတ်သက်ပြီးတော့ ဒေါ်အောင်ဆန်းစုကြည်က ခြုံငုံပြီးတော့ သုံးသပ်ချက်ပေးပါတယ်။ တခုချင်း တခုချင်းတော့ သူမပြောဘူး။ သူပြောတာက မစ္စတာဝက်ဘ်ရဲ့ ပြောဆိုရေးသားနေတဲ့ဟာတွေက အိုဘားမားမူဝါဒတွေလို့ သူမယုံကြည်ဘူးတဲ့” ဟု ပြောဆိုကြောင်း ဦးဉာဏ်ဝင်းက ပြန်လည်ပြောကြားခဲ့ပြီး ရွေးကောက်ပွဲနှင့်ပတ်သက်၍ အန်အယ်လ်ဒီသဘောထားကို ယခုကဲ့သို့ ရှင်းပြသည်။

“ကျနော်တို့ ရွေးကောက်ပွဲဝင်ရေးမ၀င်ရေး စဉ်းစားတာ အဲဒီရွေးကောက်ပွဲရဲ့ ရလဒ်က ပြည်သူလူထုအတွက် အကျိုးရှိလား၊ မရှိလားဆိုတာ ကျနော်တို့လိုချင်တာဖြစ်တယ်။ အဲဒါတွေ လုံးဝမှမရနိုင်ရင် ဘာမှလုပ်စရာမရှိတော့ဘူး” ဟု အန်အယ်လ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက ခေတ်ပြိုင်သို့ ပြောကြားသည်။

အပစ်ရပ်ကို အပြတ်ရစ်ပြီး ပစ် …

ဟန်လေး

လျှပ်စစ်မီးပဲ မှန်မှန်လာအောင် ကြိုးစားပါဦး

တူမောင်ညို

ဟုတ်သော်ရှိ၊ မဟုတ်သော်ရှိပေါ့။

“နျူကလီယား ဓါတ်ပေါင်းဖို ဆောက်ဖို့ လုပ်နေတယ်”၊ “ရုရှားကို ပညာတော် သင်တွေ လွှတ်နေတယ်”၊ “မြောက်ကိုရီးယား နဲ့ ဆက်စပ် လုပ်ဆောင် နေတယ်” စတဲ့ သတင်း တွေက မရည်ရွယ် ပေမယ့်လည်း (နအဖ) စစ်အစိုးရ ကို အရောင်တင် ပေးသ လိုတောင် ဖြစ်နေ ပါတယ်။

ယူရေနီယံသန့်စင်တာတို့၊ နျူကလီယားလက်နက်ထုတ်လုပ်တာတို့ဆိုတာ ဆည်မြောင်းတာတမံနဲ့ တံတားတွေဆောက်သလို လွယ်တာမဟုတ်မှန်း သာမန်ဗဟုသုတရှိတဲ့ လူတိုင်း သိကြပါတယ်။


ဒီကိစ္စနဲ့ပတ်သက်လို့ အိမ်နီးချင်းနိုင်ငံအစိုးရတွေဆီကလည်း တုန့်ပြန်ပြောသံဆိုသံ မကြားရပါဘူး။ ဒီလိုကိစ္စတွေနဲ့ပတ်သက်ပြီး ပြောနိုင်ဆိုနိုင်၊လေ့လာစစ်ဆေးနိုင်တဲ့ (IAEA) အဖွဲ့အစည်းတွေထံကလည်း ပြောသံဆိုသံမကြားရပါဘူး။ ဒီကိစ္စ ဒီလောက်ပဲ ထားကြပါစို့။

ကျနော်ပြောချင်တာက ကျနော်တို့တိုင်းပြည်မှာ လိုအပ်နေတာ နျူကလီးယားစွမ်းအင် မဟုတ်ဘူး။ နျူကလီယားလက်နက်ပိုင်ဆိုင်ဖို့ မဟုတ်ပါဘူး။ လွတ်လပ်ရေးသက်တမ်းနဲ့အမျှ ရှည်ကြာခဲ့ရပြီဖြစ်တဲ့၊ ပြိုကွဲနေတဲ့ အမျိုးသားသွေးစည်းညီညွတ်မှုကို အမြန်ဆုံး ပြန်လည်တည်ဆောက်နိုင်ဖို့ ဖြစ်ပါတယ်။

လွတ်လပ်ရေးလှုပ်ရှားမှုသမိုင်းကိုပဲ ခဏလောက် စောင်းငဲ့ကြည့်လိုက်ပါ။ အမျိုးသားလွတ်လပ်ရေး ပြန်လည်ရရှိဖို့နဲ့ ကိုလိုနီနယ်ချဲ့ကို တိုက်ထုတ်နိုင်ဖို့ဆိုတဲ့ ဦးတည်ချက်အောက်မှာ ပါတီအဖွဲ့အစည်းမျိုးစုံက လူငယ်တွေဟာ တိုင်းတပါးကိုသွားပြီး စစ်ပညာ သင်ခဲ့ကြတယ်။ ဒီလူငယ်တွေကို အမြုတေထားပြီး ဗမာ့လွတ်လပ်ရေးတပ်မတော်ကို ဖွဲ့စည်းခဲ့တယ်။ တခါ ဖက်ဆစ်ဂျပန်တွေက အုပ်စီးထားတဲ့ ဒီတပ်မတော်ကို ဖက်ဆစ်တော်လှန်တဲ့ ပြည်သူ့လွတ်လပ်ရေးကို ဆောင်ကျဉ်းပေးမယ့် တပ်မတော်ဖြစ်အောင် လှည့်ပြောင်းနိုင်ခဲ့ကြတယ်။

အဲဒီလိုသမိုင်းအစဉ်အလာရှိခဲ့တဲ့ တပ်မတော်ကြီးကို (နအဖ)စစ်အုပ်စုက ခြယ်လှယ်အုပ်စီးထားတယ်။ (နအဖ)စစ်အုပ်စုက တပ်မတော်ကိုတင်မကဘူး၊ တတိုင်းတပြည်လုံးအရေးအရာဖြစ်တဲ့ အမျိုးသားနိုင်ငံရေးကိုပါ ထာဝစဉ် အုပ်စီးထားနိုင်ဖို့ ကြိုးပမ်းနေပါတယ်။ ဒီလိုအုပ်စီးမှုတွေကို အထင်အရှားဖေါ်ပြနိုင်တဲ့ သာဓကတစ်ခုကတော့ (နအဖ)စစ်အုပ်စုက အတင်းအကျပ်အတည်ပြုထားတဲ့ “ဖွဲ့စည်းပုံအခြေခံဥပဒေ (၂၀၀၈)” ပဲ ဖြစ်ပါတယ်။

(နအဖ)စစ်အုပ်စု အတင်းအကျပ်အတည်ပြုထားတဲ့ “ဖွဲ့စည်းပုံအခြေခံဥပဒေ (၂၀၀၈)” အသက်ဝင်လာရင် ကျနော်တို့တိုင်းပြည်မှာ စစ်အာဏာရှင်စနစ် တရားဝင်တည်ရှိလာတာပဲ ဖြစ်လိမ့်မယ်။ တခြား ဘာမျှမဖြစ်နိုင်ဘူး။ စစ်အာဏာရှင်စနစ်ရဲ့ အကြမ်းဖက် ဖိနှိပ်ရက်စက်မှုကို ၁၉၈၈ ခုနှစ်မှ ယနေ့အထိ အနှစ်နှစ်ဆယ်ကျော် ကျနော်တို့ကိုယ်တိုင် ကြုံတွေ့ဖြတ်သန်းခဲ့ရဖူးပြီ။ အဲဒီဖြတ်သန်းမှုအတွေ့အကြုံထဲကနေ စစ်အာဏာရှင်စနစ်ဆိုတာကို အနှစ်ချုပ်ပြောပါဆိုရင် အောက်ပါ အချက်နှစ်ချက် ပြောရမှာပဲဖြစ်ပါတယ်။

နိုင်ငံရေးဘက်မှာဆိုရင် -
၁။ စစ်တပ်ကြီးတစ်ခုလုံးကို ကာကွယ်ရေးဦးစီးချုပ် ဦးဆောင်တဲ့ စစ်ဗိုလ်တစ်စု(စစ်အုပ်စု)က ချုပ်ကိုင်ထားပြီး ပြည်သူများနဲ့ ပြည်သူ့အရေး လှုပ်ရှားမှုမှန်သမျှကို အကြမ်းဖက် ဖိနှိပ်ဖမ်းဆီး သတ်ဖြတ်တာပါပဲ။

စီးပွားရေးဘက်မှာဆိုရင် -
၂။ တတိုင်းတပြည်လုံးရဲ့စီးပွားရေးအသက်သွေးကြောမှန်သမျှနဲ့ ဓနဥစ္စာတွေကို လက်ဝါကြီးအုပ် လုယက်သိမ်းပိုက်ထားတာပါပဲ။

ဒါကြောင့် တိုင်းပြည်နဲ့ လူထုရဲ့ လူမှုရေး၊ ပညာရေး၊ ကျန်းမာရေး အစရှိတဲ့ လူမှုဘဝနယ်ပယ်အစုံမှာ အခက်အခဲအကျပ်အတည်း မျိုးစုံနဲ့ ရင်ဆိုင်နေရတယ်။ ဒါကြောင့် ကျနော်တို့ဖြတ်သန်းခဲ့တဲ့ ဖြတ်သန်းနေတဲ့ နှစ် (၂၀) ဆိုတဲ့ကာလတို အတွေ့အကြုံအရ ပြောရရင် ဗမာပြည် ပြည်သူလူထုရဲ့ လက်ငင်းလက်တွေ့လိုအပ်ချက်ဟာ စစ်အာဏာရှင်စနစ်ကို ဖျက်သိမ်းပြီး၊ ငြိမ်းချမ်းရေး၊ ဒီမိုကရေစီရေး၊ အမျိုးသားတန်းတူရေးနဲ့ သွေးစည်းညီညွတ်မှုကို ပြန်လည်တည်ဆောက်ဖို့ပဲဖြစ်ပါတယ်။

ဒီမိုကရေစီလည်းရှိ၊ ငြိမ်းချမ်းမှုလည်းရှိ၊ အမျိုးသားတန်းတူမှုလည်းရှိ၊ ညီညွတ်မှုလည်းရှိတယ်ဆိုရင် ကျနော်တို့တိုင်းပြည်နဲ့ ပြည်သူများဟာ ဂလိုဘယ်ပြိုင်ကွင်းကြီးထဲမှာ စိမ်ခေါ်အကဲစမ်းမှုမှန်သမျှကို ထိထိရောက်ရောက် တုန့်ပြန်နိုင်စွမ်း ရှိလာပါလိမ့်မယ်။ ဒီလိုမှမဟုတ်ရင်တော့ (နအဖ)စစ်အစိုးရလို မမြင်ဖူးတဲ့ အနော်ရထာ၊ ကျန်စစ်သား၊ ဘုရင်နောင်နဲ့ အလောင်းဘုရားရုပ်တုတွေ ထုပြီး ပဒေသရာဇ်လွမ်းတေး ဆိုပြီး ကမ္ဘာကြီးရဲ့ ဟိုအဝေးမှာ ထာဝစဉ် နောက်ကျကျန်နေရစ်ခဲ့ပါလိမ့်မယ်။

နောက်တစ်ကြိမ်ထပ်ပြောရရင် ဗမာပြည်ပြည်သူလူထုရဲ့ လက်ငင်းလက်တွေ့လိုအပ်ချက်ဟာ စစ်အာဏာရှင်စနစ်ကို ဖျက်သိမ်းပြီး၊ ငြိမ်းချမ်းရေး၊ ဒီမိုကရေစီရေး၊ အမျိုးသားတန်းတူရေးနဲ့ သွေးစည်းညီညွတ်မှုကိုတည်ဆောက်ဖို့ပဲဖြစ်ပါတယ်။

ဒီမိုကရေစီ၊ ငြိမ်းချမ်းရေး၊ အမျိုးသားတန်းတူမှုနဲ့ ညီညွတ်မှုတို့ဆိုတာဟာ တိုင်းပြည်ခေတ်မီဖွံဖြိုးရေးအတွက် အဓိကကျတဲ့ အခြေခံကောင်းတွေပဲ ဖြစ်ပါတယ်။ ဒီအခြေခံတွေရရှိလာအောင် တည်ဆောက်ရမှာဖြစ်ပါတယ်။ ဒီအခြေခံကောင်းတွေဟာ နျူကလီးယားစွမ်းအင်၊ နျူကလီးယားလက်နက်တွေထက် အစွမ်းထက်မြက်ပါတယ်။

ဒီအခြေခံကောင်းတွေရရှိရေး ချီတက်ရာလမ်းမှာ အဓိကအတားအဆီးနဲ့ အနှောင့်အယှက်ဖြစ်နေတာက စစ်အာဏာရှင်စနစ်ပဲ ဖြစ်ပါတယ်။ ဒါကြောင့် စစ်အာဏာရှင်စနစ်ကို အကုန်အစင် ဖျက်သိမ်းပစ်ရမယ်။

တိုင်းပြည်နဲ့ ပြည်သူအင်အား ရှိမှသာလျှင် တပ်မတော်အင်အား ရှိပါလိမ့်မယ်။

စစ်အုပ်စုက တိုင်းပြည်နဲ့ တပ်မတော်ကို ဆက်လက်ခြယ်လှယ်အုပ်စီးထားပြီး ပြောနေကြတဲ့ နျူကလီးယားစွမ်းအင်တွေ၊ နျူကလီးယားလက်နက်တွေ ပိုင်ဆိုင်သွားတယ်ဆိုရင်လည်း တိုင်းပြည်နဲ့ ပြည်သူတွေပဲ စစ်အုပ်စုရဲ့ အကြမ်းဖက် ဖိနှိပ်သတ်ဖြတ်တာကို ဆက်လက် ခံနေကြရမှာဖြစ်ပါတယ်။

ဒါကြောင့် စစ်အာဏာရှင်စနစ်နဲ့ ဖွဲ့စည်းပုံအခြေခံဥပဒေ (၂၀၀၈) ကို ဆန့်ကျင်တိုက်ဖျက်ရေးဟာ ဒီကနေ့ကာလရဲ့ တစ်ခုတည်းသော တာဝန်နဲ့ အဓိကလုပ်ငန်းစဉ်ပဲ ဖြစ်ပါတယ်။ ဒီတာဝန်နဲ့ ဒီလုပ်ငန်းကို တပ်မတော်အတွင်းက တိုင်းချစ်ပြည်ချစ် တပ်ဗိုလ်တပ်သားများအပါအဝင် ပြည်သူတစ်ရပ်လုံးက ညီညီညွတ်ညွတ် ထမ်းရွက်ကြပါစို့။

အကယ်၍ (နအဖ) စစ်စိုးရဟာ နျူကလီးယားစွမ်းအင်တို့၊ နျူကလီးယားလက်နက်တို့ ပိုင်ဆိုင်ဖို့ ကြိုးစားနေတယ်ဆိုတဲ့ သတင်းတွေ နောက်ထပ်ကြားလာခဲ့ရင်လည်း “လျှပ်စစ်မီးပဲ မှန်မှန်လာအောင် ကြိုးစားပါဦး” လို့ (နအဖ)စစ်အစိုးရကို ပြောလိုက်ကြပါ။