အောင်မင်း | တနင်္လာနေ့၊ သြဂုတ်လ ၂၆ ရက် ၂၀၁၃
စစ်အာဏာရှင်စနစ်မှ ရုန်းထွက်ကာ ဈေးကွက်အခြေပြု စီးပွားရေးစနစ်သို့ ဦးတည်နေသည့် အရှေ့တောင်အာရှ၏ အဆင်းရဲဆုံးနိုင်ငံတစ်နိုင်ငံဖြစ်သည့် မြန်မာနိုင်ငံအနေဖြင့် နောင်လာမည့် ဆယ်စုနှစ် တစ်ခုအကြာတွင် အလွန်အမင်း ချမ်းသာကြွယ်ဝသူပေါင်း ခြောက်ဆခန့် မြင့်တက်လာလိမ့်မည်ဟု အစီရင်ခံစာတစ်ခုတွင် ဖော်ပြထားသည်။
ချမ်းသာကြွယ်ဝမှုများအား ထောက်လှမ်းသည့် အဖွဲ့တစ်ဖွဲ့ဖြစ်သည့် Wealth-X ၏ World Ultra Wealth အစီရင်ခံစာ တွင် ဖော်ပြထားချက်အရ လက်ရှိအချိန်တွင် မြန်မာနိုင်ငံ၌ အမေရိကန်ဒေါ်လာ သန်း ၃၀ နှင့် အထက် ချမ်းသာကြွယ်ဝသူ ၄၀ ခန့်ရှိသည်ဟု သိရသည်။ သို့သော် ၂၀၂၂ ခုနှစ်တွင် ၃၀၇ ဦးဖြစ်လာနိုင်ပြီး ယင်းမှာ ကမ္ဘာပေါ်တွင် အမြန်ဆုံးနှုန်းထားဖြစ်သည်ဟု သိရသည်။
မြန်မာနိုင်ငံအတွင်းရှိ ဟိုတယ်လုပ်ငန်းများ၊ သစ်နှင့် ဘဏ်လုပ်ငန်းကဲ့သို့သော ကုန်သွယ်ရေးလုပ်ငန်းများမှာ လျင်မြန်စွာဖွံ့ဖြိုးလျက်ရှိသည့်အတွက် ချမ်းသာကြွယ်ဝသူများ ယခုကဲ့သို့ တိုးပွားလာနိုင်ခြင်းဖြစ်သည်ဟု Wealth-X ၏ အမှုဆောင်ချုပ် Mykolas Rambus က ပြောသည်။
မြန်မာနိုင်ငံတွင်းမှာ ယခုလိုအခြေအနေမျိုးတွေထိ လမ်းပွင့်လာတာကို မြင်တွေ့ရတဲ့ အခါ၊ ခေါင်းဆောင်မှုပြောင်းလာတဲ့ အခါမှာ လူဦးရေကလည်းများ အာရှမှာလည်းရှိနေတော့ အခွင့်အလမ်း မြောက်များစွာ ရှိပါ တယ်”ဟု Rambus မှ သွန်ဆင်ရိုက်တာ ဖောင်ဒေးရှင်းသို့ ပြောသည်။
မြန်မာနိုင်ငံတွင် ဆင်းရဲချမ်းသာ ကွာဟမှုမှာလည်း အရမ်းကြီးလွန်းသည်။ လူဦးရေ၏ ၂၆ ရာခိုင်နှုန်းမှာ ဆင်းရဲမွဲတေမှုနှင့် ရင်ဆိုင်နေရပြီး ၇၅ ရာခိုင်နှုန်းမှာ လျပ်စစ်ဓာတ်အား ပြတ်တောက်မှုနှင့် ရင်ဆိုင်နေရသည်။ တစ်ဦးချင်း၏ ပျမ်းမျှဝင်ငွေမှာ ကန်ဒေါ်လာ ၈၀၀ နှင့် ၁၀၀၀ အကြားရှိသည်ဟု ကမ္ဘာ့ဘဏ် အဆိုအရ သိရသည်။ ထို့အတူမြန်မာနိုင်ငံမှာ ကုလသမဂ္ဂ၏ လူနေမှုအဆင့်အတန်း သတ်မှတ်ချက်တွင် ပါရှိသည့် နိုင်ငံပေါင်း ၁၈၆ နိုင်ငံတွင် အဆင့် ၁၄၉ နေရာတွင် ရှိသည်။
သို့သော် မြန်မာနိုင်ငံမှာ အာရှတိုက်တွင်းရှိ နိုင်ငံများအနက် တိုးတက်မှု အလျင်မြန်ဆုံးသော နိုင်ငံတစ် နိုင်ငံဖြစ်နိုင်သည်။ ယခင် စစ်ဗိုလ်ချုပ်ဟောင်းများမှ တိုင်းပြည်ရင်းမြစ်များအား ပုဂ္ဂလိကပိုင် စတင်ပြု လုပ်နေပြီဖြစ်သည့် အတွက် မြန်မာနိုင်ငံ၏ သဘာဝအရင်းမြစ်ကြွယ်ဝမှုမှ ရရှိလာမည့် အကျိုးမြတ် အခွင့်အလမ်းများအတွက်နိုင်ငံတကာ ရင်းနှီးမြုပ်နှံသူများမှ စုပြုံရောက်ရှိလာသည်။ နှစ်စဉ်စီးပွားရေး ဖွံ့ဖြိုးတိုးတက်မှုမှာလည်း ခုနစ်ရာခိုင်နှုန်းမှ ရှစ်ရာခိုင်နှုန်းအထိ ရှိလာနိုင်ပြီး ၂၀၃၀ ခုနှစ်တွင် တစ်ဦးချင်းဝင်ငွေမှာ လက်ရှိထက် သုံးဆမြင့်လိမ့်မည်ဟု အာရှဖွံ့ဖြိုးရေးဘဏ်မှ မျှော်မှန်းထားသည်။
ယင်းသို့သော တိုးတက်မှုအား မြန်မာပြည်သူအများစု ခံစားရနိုင်ချေရှိမရှိကိုမူ မေးခွန်းထုတ်နေဆဲပင် ဖြစ်သည်ဟု Rambus က ပြောကြားလိုက်သည်။ “ဒီလိုချမ်းသာကြွယ်ဝမှုက လူတစ်စုလက်ထဲမှာရှိမှာလား သို့မဟုတ် လူထုထံ စီးဆင်းပျံ့နှံ့မှာလားဆိုတာကိုတော့ မေးခွန်းထုတ်စရာရှိပါတယ်” ဟု ၎င်းက ဆိုသည်။
အင်ဒိုနီးရှားနိုင်ငံမှာ ဥပမာကောင်းတစ်ခုဖြစ်သည်။ ဒီမိုကရေစီစနစ်ကို ကူးပြာလာခြင်းနှင့်အတူ စီးပွားရေး ဖွံ့ဖြိုးတိုးတက်မှုလည်း လျင်မြန်လာခဲ့သည်။ သို့သော် ချမ်းသာကြွယ်ဝမှုမှာ လူနည်းစုအတွက်သာ ဖြစ်ခဲ့သည်။ အလားတူ ရုရှနိုင်ငံတွင်လည်း ကွန်မြူနှစ်စနစ် ပျိုလဲသွားပြီးနောက် အလွန်အမင်း ချမ်းသာကြွယ်ဝလာသည့် လူတန်းစားတစ်ရပ်ပေါ်ထွန်းလာခဲ့သည်။ သို့သော် လူလတ်တန်းစားများမှာမူ လျင် လျင်မြန်မြန် တိုးတက်ခြင်း မရှိခဲ့ပေ။
မြန်မာနိုင်ငံတွင်းရှိ အချမ်းသာဆုံးသော သူများ၏ ပိုင်ဆိုင်မှုများမှာ ပုဂ္ဂလိကအိမ်ရာများ ကုမ္ပဏီများ ပိုင်ဆိုင်ခြင်း အဖြစ် ရှိနေသည်ဟု Rambus မှ ဆိုသည်။
Wealth-X အဖွဲ့မှာ ၎င်းတို့၏ စစ်တမ်းအတွက် နိုင်ငံအသီးသီးရှိ ၎င်းတို့၏ စုံစမ်းမှုများနှင့်ချမ်းသာကြွယ်ဝ သူများနှင့် သက်ဆိုင်သည့် မှတ်တမ်းများအား ပေါင်းစပ်သုံးသပ်ကာ ကန်ဒေါ်လာ သန်း ၃၀ နှင့်အထက် ကြွယ်ဝသူများအား မှတ်တမ်းတင် ထားသော အဖွဲ့တစ်ဖွဲ့ဖြစ်သည်။
မကြာသေးခင်က ထုတ်ပြန်ခဲ့သည့် စစ်တမ်းတစ်ခုတွင် ကမ္ဘာ့အချမ်းသာဆုံးပုဂ်္ဂိုလ်များ စာရင်းအား မြောက်အမေရိက တိုက်မှ လွှမ်းမိုးထားကြောင်း တွေ့ရှိရသည်။ သန်း ၃၀ နှင့်အထက်ကြွယ်ဝသူပေါင်း ၆၅၂၉၅ ၏ စုစုပေါင်းပိုင်ဆိုင်မှုမှာ ကန်ဒေါ်လာ ၈ ဒသမ ၈၈ ထရီလီယံခန့်ရှိသည်ဟု သိရသည်။ ယင်း သို့ ချမ်းသာကြွယ်ဝသည့် လူဦးရေပမာဏမှာ ၂၀၁၂ နှင့် ၂၀၁၃ ခုနှစ်အတွင်း ၃ ဒသမ ၃ ရာခိုင်နှုန်းခန့် မြင့်တက်ခဲ့သည်ဟုလည်း ယင်းအစီအရင်ခံစာမှတွေ့ရှိခဲ့ရသည်။
ဖွံ့ဖြိုးဆဲနိုင်ငံများရှိ အလွန်အမင်း ချမ်းသာသူများ တိုးမြှင့်လာမှုတွင် အာဖရိကမှ ဦးဆောင်ခဲ့သည်။ ၅ ဒသမ ၁ ရာခိုင်နှုန်း တိုးမြှင့်လာသည့် အာဖရိကတိုက်တွင် ချမ်းသာကြွယ်ဝသူပေါင်း ၂၅၃၅ ရှိနေပြီး စုစုပေါင်း ပိုင်ဆိုင်မှုမှာ ၃၂၅ ဘီလီယံခန့်ရှိသည်ဟု သိရသည်။
No comments:
Post a Comment