အောင်ကိုဦး
မန္တလေးတွင် ဆိုင်ကယ်ခိုးသူတစ်ဦးအား ၂၄ နာရီအတွင်း ဇွန်လ ၁ရက် မွန်းလွဲပိုင်းက ဖမ်းမိခဲ့ကြောင်း အောင်မြေသာဇံမြို့နယ်၊ အမှတ်(၂)နယ်မြေရဲစခန်းက ရဲအုပ် ကံအောင်မြင့်က ပြောသည်။
အမှတ်(၂)ပိုင် နယ်မြေဖြစ်သည့် အောင်မြေသာစံမြို့နယ်၊ အိုးဘိုရွှေကျင်ရပ်ကွက်ရှိ မိုးသူဇာကဖေး မှ ယနေ့ နံနက် ၈ နာရီက Tricker ဆိုင်ကယ်တစ်စီးပျောက်နေသည်ဟု လာရောက် အကြောင်းကြားသောကြောင့် စုံစမ်းဖော်ထုတ်ခဲ့ရာ ဆိုင်ကယ်ခိုးသူကို ဖမ်းဆီးရမိခြင်းဖြစ်သည်ဟု ၎င်းကဆိုသည်။
"ကျွန်တော်တို့ သိသိချင်း အကွက်မှူးတွေနဲ့ ပူးပေါင်းစုံစမ်းရှားဖွေပါတယ်။ မန္တလေးတောင်ခြေအနီးက ဘုန်းကြီးကျောင်းတစ်ကျောင်းထဲမှာ ခိုးရာပါပစ္စည်းနဲ့အတူ ဖမ်းမိခဲ့တာပါ။"ဟု ရဲအုပ် ကံအောင်မြင့်ကပြောသည်။
အဆိုပါဆိုင်ကယ်နှင့်အတူ ဖမ်းဆီးရမိသူမှာ စစ်ကိုင်းမြို့နယ်၊ မင်းကွန်း ကင်းရွာမှ ရဲထက်အောင် ၁၉ နှစ်ဖြစ်ပြီး ဆက်စပ်အမှုများရှိမရှိ စစ်ဆေးရာ HUAWEI G 730 ဖုန်းတစ်လုံး ခိုးယူထားကြောင်းလည်း ပေါ်ပေါက်ခဲ့သည်။
ဆိုင်ကယ်ခိုးယူသူ ရဲထက်အောင် ၁၉ နှစ်အား (ပ)၉၇/၁၆ ၊ပြစ်မှု ပုဒ်မ ၃၈၀ ဖြင့် အမှုဖွင့်စစ်ဆေးလျှက်ရှိသည်ဟု ရဲအုပ် ကံအောင်မြင့်ကဆိုသည်။
အမှတ်(၂)နယ်မြေရဲစခန်းအပိုင် အတွင်းတွင် ရက် ၁၀၀ စီမံချက်ဖြင့် ခိုး၊ ဆိုး၊ နှိုက်၊ လောင်းကစားမှုများနှင့် မူးယစ်ဆေးဝါးပပျောက်ရေးအတွက် ရပ်ကင်း၊ လှည့်ကင်း၊ဝပ်ကင်းများဖြင့် ဆောင်ရွက်နေပြီး ရပ်ကွက်နေ ပြည်သူလူထုအားလည်း မှုခင်းကြိုတင်ကားကွယ်ရေးအသိပညာပေး ဟောပြောပွဲများ ဆောင်ရွက်လျှက်ရှိသည်။
No comments:
Post a Comment