မြန်မာပြည်တွင်းသတင်းတွေအရ မြန်မာဘောလုံးအသင်းချုပ် ဥက္ကဌ ဦးဇော်ဇော်က ကိုးရီးယားလူမျိုး Park Sung-hwa ကို အလုပ်ထုတ်ပစ်လိုက်တာလို့ ဆိုပါတယ်။
တနင်္လာနေ့က အုပ်စုဘီပွဲမှာ မြန်မာအသင်းက အင်ဒိုနီးရှားအသင်းကို ၁ ဂိုး ဂိုးမရှိနဲ့ ရှုံးနိမ့်ခဲ့ပြီးနောက် မြန်မာပရိသတ်တွေက ကြမ်းတမ်းစွာ တုန့်ပြန်မှုလုပ်ခဲ့ပြီးနောက် ရဲတွေနဲ့ ဘောလုံးပရိသတ်တွေကြား ရုန်းရင်းဆန်ခမှု ဖြစ်ခဲ့ပါတယ်။
မြန်မာအသင်း ရှုံးနိမ့်ခဲ့ရတဲ့အပေါ် သူအနေနဲ့ တာဝန်ယူတယ်ဆိုပေမယ့် အမှတ်တွေ တူနေတဲ့ အင်ဒိုနီးရှားနဲ့ မြန်မာအသင်းတို့ ကန်တဲ့ပွဲမှာ head-to-head မှတ်တမ်းတွေကိုကြည့်ပြီး ဆုံးဖြတ်တဲ့နည်းကို သူမသိခဲ့ရဘူးလို့ ဆိုပါတယ်။
နိုင်ငံတကာ ဘောလုံးလောကမှာတော့ အမှတ်တွေတူနေရင် head-to-head နည်းနဲ့ ဆုံးဖြတ်လေ့မရှိပေမယ့် ဆီးဂိမ်းပြိုင်ပွဲမှာ အဲဒီနည်းကို ကျင့်သုံးပြီး ဆီးဂိမ်းရဲ့ နည်းဥပဒေကို ပွဲတွေပြီးဆုံးမှသာ သိခဲ့ရတယ်လို့ မြန်မာနိုင်ငံ ဘောလုံးနည်းပြဟောင်း Park Sung-hwa က သတင်းစာရှင်းလင်းပွဲမှာ ပြောခဲ့ပါတယ်။
ဒီလို ရှုံးနိမ့်ရတာဟာ သူ့အမှားသာဖြစ်သလို အရင်တုန်းက ကျင်းပတဲ့ အစည်းအဝေးတွေ မတက်ရောက်ခဲ့တဲ့အပေါ်မှာလည်း တောင်းပန်ကြောင်း မြန်မာနည်းပြဟောင်းက ပြောလိုက်ပါတယ်။
ခုလောလောဆယ် ဆီးဂိမ်းအမှတ်ဇယားမှာ ထိုင်းနိုင်ငံက ရွှေတံဆိပ် ၆၄ ခုနဲ့ ထိပ်ဆုံးမှာရောက်ရှိနေပြီး ဗီယက်နမ်နဲ့ အင်ဒိုနီးရှားက ဒုတိယနဲ့ တတိယလိုက်နေသလို မြန်မာနိုင်ငံက စတုတ္ထနေရာမှာ ရှိနေပါတယ်။
No comments:
Post a Comment