ABC
မြန်မာနိုင်ငံရဲ့ ကျန်းမာရေးနဲ့ ပညာရေး ဆိုင်ရာ ဖွံ့ဖြိုးရေးတွေရည်ရွယ်ပြီး စုဖောင်ဒေးရှင်းကို ရန်ကုန်မြို့မှာ မနေ့က စတင် ဖွင့်လှစ်လိုက်ပြီလို့ သိရပါတယ်။
လွန်ခဲ့တဲ့ နှစ်ပေါင်း ၅၀ကျော်က အာရှမှာ ထိပ်တန်း အဆင့် ရှိခဲ့တဲ့ မြန်မာ့ ပညာရေး စနစ်ဟာ အခုအခါ အများ လက်ခံ အသိအမှတ်ပြုတဲ့ အဆင့် မရှိတော့သလို ကျန်းမာရေး စောင့်ရှောက်မှု အခြေအနေတွေလည်း နိမ့်ကျနေတာ ကြောင့် နောင်မျိုးဆက်သစ်တွေကို ရည်ရွယ်တဲ့ အနေနဲ့ အခုလို လုပ်ဆောင်ရတာ ဖြစ်လို့ ဒီအရေးအတွက် အားလုံးပူးပေါင်းပါဝင် လျှူဒါန်းကြပါလို့ စုဖောင်ဒေးရှင်းရဲ့ အင်တာနက် စာမျက်နှာမှာ ဒေါ်အောင်ဆန်းစုကြည်က မေတ္တာရပ်ခံထားပါတယ်။
ဒီ စုဖောင်ဒေးရှင်းကို အမျိုးသားဒီမိုကရေစီ ဥက္ကဌ ဒေါ်အောင်ဆန်းစုကြည် ကနေ ဦးဆောင်ဖွဲ့စည်းတာ ဖြစ်ပြီး အမေရိကန် နိုင်ငံခြားရေး ဝန်ကြီးဟောင်း Hillary Clinton နဲ့ အမေရိကန် သမ္မတဟောင်းရဲ့ ကတော် Laura Bush တို့က ပူးတွဲ သဘာပတိအဖြစ် တာဝန်ယူ ဆောင်ရွက်သွားမှာ ဖြစ်ပါတယ်။
The Lady ဆိုတဲ့ ရုပ်ရှင်ကားမှာ ဒေါ်အောင်ဆန်း စုကြည် အဖြစ် သရုပ်ဆောင်ခဲ့သူ နိုင်ငံခြား ရုပ်ရှင်မင်းသမီး Michell Yeoh ဟာလည်း စုဖောင်ဒေးရှင်း အဖွဲ့ဝင်တဦးဖြစ်ပြီး အဲဒီ ဖွင့်ပွဲကို တက်ရောက် မိန့် ခွန်းပြောသွားခဲ့ပါတယ်။
စုဖောင်ဒေးရှင်း ဖွင့်လှစ်ပွဲ အခမ်းအနားကို အမေရိကန် ပြည်ထောင်စု East West Centre ရဲ့ သတင်း မီဒီယာ ဆိုင်ရာ ညီလာခံ ကျင်းပတဲ့ ဆရာစံ ပလာဇာမှာ ပြုလုပ်ခဲ့တာ ဖြစ်ပြီး နိုင်ငံပေါင်း ၃၀ကျော်က သတင်းသမား ရာနဲ့ချီ တက်ရောက် ခဲ့ကြတယ်လို့ သိရပါတယ်။
No comments:
Post a Comment