အဆိပ်ပင်ကိုရေလောင်းပေးနေကြသူများ

သူရိန်

၂၀၁၀ ခုနှစ်အတွင်း ဘုရားသုံးဆူနယ်စပ်ဒေသတွင် မူယစ်ဆေးဝါး ရောင်းဝယ်ဖောက်ကားမှုနှင့် သုံးစွဲမှု အရှိန်အဟုန်မှာ ယခင်နှစ်များထက် ပိုမို၍ များပြားလာခဲ့သည်။ ရောင်းဝယ်မှုအား ၆၀ ရာခိုင်နှုန်းခန့်ရှိကြောင်း မူယစ်ဆေးဝါးရောင်းဝယ်မှုနှင့် သုံးစွဲမှုအခြေအနေကို လေ့လာနေသူတစ်ဦးက ပြောသည်။

ဘုရားသုံးဆူဒေသတွင် မူယစ်ဆေးဝါး ရောင်းဝယ်ဖြန့်ဖြူးမှုကို ပြုလုပ်နေကြသူများမှာ လက်နက်ကိုင်အဖွဲ့အစည်းများဖြစ်သည့် KPF, DKBA စသည့်အဖွဲ့အစည်းများသာမက မြို့မျက်နှာဖုံးအမည်ခံ ငွေရှင်ကြေးရှင်တချို့တဝက်နှင့် လက်နက်ကိုင်အဖွဲ့အစည်းကို အားကိုးအားထားပြုကာ စီးပွားရှာနေကြသူများဖြစ်သည်။ သာမန်အရပ်သား မူယဝ်ဆေးရောင်းဝယ်သူများဖြစ်ပြီး၊ အဓိကလုပ်ကိုင်နေကြသူများမှာ KPF, DKBA အဖွဲ့အစည်းဝင်များနှင့် မြို့မျက်နှာဖုံးအမည်ခံ ငွေရှင်ကြေးရှင်များသာဖြစ်ကြောင်း အဆိုပါ လေ့လာသူက ထပ်မံ၍ အတည်ပြုပြောဆိုပါသည်။

မြို့ဖြစ်ကာစ ၁၉၉၀ ခုနှစ် နောက်ပိုင်းမှစ၍ ဘုရားသုံးဆူနယ်စပ်ဒေသတွင် မူယစ်ဆေးဝါးရောင်းဝယ်မှုများကို KPF နှင့် DKBA တို့က ပေါ်ပေါ်ထင်ထင် လုပ်ကိုင်လာကြရာမှ ယခုနှစ် ၂၀၁၀ တွင် အရှိန်အဟုန်မြင့်မားစွာဖြင့် တစ်လလျှင် အနည်းဆုံး မူယစ်ဆေးဝါး စိတ်ကြွဆေးပြား (မြင်းဆေး) အလုံးရေ သုံးသိန်း (၃၀၀၀၀၀) ခန့် လစဉ် ဘုရားသုံးဆူဒေသသို့ ရောက်ရှိလာပြီး ဝင်ရောက်ခဲ့သည့်လမ်းကြောင်းများမှာလည်း ဘုရားသုံးဆူ-သံဖြူဇရပ်လမ်းမှ ၂၅ ရာခိုင်နှုန်းခန့် ဘုရားသုံးဆူ-ကြာအင်းဆိပ်ကြီးလမ်းမှ ၂၅ ရာခိုင်နှုန်းခန့် ဘုရားသုံးဆူ-ဖားပြတ်-ခလယ်တံခွန်တိုင်လမ်းမှ ၅၀ ရာခိုင်နှုန်းခန့် တင်သွင်းလာခဲ့ပြီး၊ ဘုရားသုံးဆူဝန်းကျင်ဒေသနှင့် ထိုင်းနိုင်ငံအတွင်းသို့ တင်သွင်းရောင်းချနေကြကြောင်း မူယစ်ဆေးဝါးရောင်းဝယ်သူများနှင့် နီးစပ်သူတစ်ဦးက ပြောပါသည်။

ဘုရားသုံးဆူနယ်စပ်ဒေသသို့ မူယစ်ဆေးများကို သယ်ယူရောင်းချနေကြသည်။ လက်နက်ကိုင်အဖွဲ့အစည်းများအပြင် နယ်စပ်ဒေသ၏ လွတ်လပ်စွာ ကုန်သွယ်နိုင်သော အခွင့်အရေးကို အကြောင်းပြုရန် မန္တလေး၊ တောင်ကြီး၊ လာရှိုးစသည့်ဒေသများမှ ကျောက်ကုန်သည်များ မော်တော်ကားအရောင်းအဝယ်ပြုလုပ်သူများကလည်း မြို့ခံငွေရှင် ကြေးရှင်များနှင့် ပူးပေါင်းကာ မူယစ်ဆေးဝါး ရောင်းဝယ်မှုပြုလုပ်နေကြသည်ကိုလည်း လေ့လာသိရှိခဲ့ရသည်။

ဘုရားသုံးဆူဒေသအတွင်းသို့ ရောက်ရှိလာသော စိတ်ကြွဆေးပြာ (မြင်းဆေး) များကို KPF, DKBA အဖွဲ့အစည်းဝင်များနှင့် ငွေရှင် ကြေးရှင်တချို့က ထိုင်းနိုင်ငံအတွင်းရှိ မူယစ်ဆေးဝါးရောင်းဝယ်သူများနှင့် ဆက်သွယ်၍သော်လည်းကောင် မြို့တွင်းနှင့် ဒေသတွင်း သုံးစွဲသူများအတွက် ၄င်းတို့နှင့် နီးစပ်သည့် လက်လီရောင်းသူများအား ဖောက်သည်ပေး၍သော်လည်းကောင် စိတ်ကြွဆေးများကို ဖြန့်ဖြူးလျှက်ရှိပြီး ဘုရားသုံးဆူမြို့တွင်းရှိ ကရင်စုရပ်ကွက်နှင့် နယ်စပ်ဂိတ်များတွင် အများဆုံးရောင်းချနေကြကြောင်း KPF အဖွဲ့အစည်းနှင့် နီးစပ်သည့်အမည်မဖော်လိုသူတစ်ဦးက ပြောသည်။

စိတ်ကြွဆေးပြား (မြင်းဆေး) ရောင်းဝယ်မှုနှင့် သုံးစွဲမှုအခြေအနေကို လေ့လာထားသူတစ်ဦးကလည်း “ကျနော်သိသလောက်ဆိုရင်တော့ မြင်းဆေးက သုံးမျိုးရှိတယ် XY ကတစ်မျိုး XYZ ကတစ်မျိုး ပြီးတော့ နောက်တမျိုးက ကျနော်ခေါ်မတက်ဘူး၊ ပန်းနုရောင်နဲ့ အစိမ်းရောင်ရှိတယ်၊ ဘုရားသုံးဆူမှာ ဖောက်သည်ဈေး တစ်လုံးကို ဘက်ကိုးဆယ်နဲ့ တစ်ရာကြားမှာရှိတယ်၊ လက်လီဖြန့်တဲ့သူတွေက တစ်လုံးကို ဘတ်တစ်ရာ့နှစ်ဆယ်နဲ့ ရောင်းတယ်၊ ပေါ်ပေါ်ထင်ထင်နဲ့ကို ရောင်းနေတာ ကျနော်နဲ့သိတဲ့လူတစ်ယောက်ဆိုရင် တစ်နေ့ကို အလုံးတစ်ရာလောက်ရောင်းရတယ်၊ သူ့အတွက် တစ်နေ့ နှစ်ထောင်လောက်ကျန်တယ်၊ ဆေးစွဲတဲ့လူတွေလည်း တော်တော်လေးများလာတယ်၊ အများစုကတော့ မြို့ခံလူငယ်တွေ ပိုပြီးတော့ သုံးကြတယ်” ဟု ပြောသည်။

စိတ်ကြွဆေး (မြင်းဆေး) ကို ကျယ်ပြန့်စွာ ရောင်းဝယ်လာကြသည်နှင့်အမျှ ဘုရားသုံးဆူဒေသရှိ ဒေသခံပြည်သူတို့၏ မူယစ်ဆေးဝါးသုံးစွဲမှုများမှာလည်း တစ်စတစ်စနှင့် တိုးပွားလာသည်ကိုတွေ့ရသည်။ လေ့လာသုံးသပ်ချက်များအရ ဘုရားသုံးဆူမြို့တွင် စိတ်ကြွဆေးပြားသုံးစွဲသူ လူလတ်ပိုင်း ၁၅ ရာခိုင်နှုန်းခန့်ရှိပြီး၊ အသက်မပြည့်သေးသူ လူငယ် ၁၀ ရာခိုင်နှုန်းခန့် အမျိုးသမီး ၁၅ ရာခိုင်နှုန်းခန့်နှင့် လက်နက်ကိုင်အဖွဲ့အစည်းဖြစ်သော KPF, DKBA အဖွဲ့အစည်းများတွင် ဆေးသုံးစွဲသူ ၅၀ ရာခိုင်နှုန်းခန့်ရှိကြောင်း လေ့လာသုံးသပ်သူတစ်ဦးက ဆိုပါသည်။

ဘုရားသုံးဆူဒေသမှနေ၍ ထိုင်းနိုင်ငံအတွင်းသို့ စိတ်ကြွဆေးပြားများကို လွန်ခဲ့သည့် ဆယ်ခုနှစ်ခန့်မှစ၍ ခိုးသွင်းရောင်းချနေခဲ့ကြသည်။ ထိုင်းအစိုးရအာဏာပိုင်အဖွဲ့အစည်းများကလည်း မူယစ်ဆေးဝါးများကို စဉ်ဆက်မပြတ်ရှာဖွေဖမ်းဆီးနေသော်လည်း လုံးဝပျောက်ကွယ်သွားအောင် တားဆီးနိုင်ခဲ့ခြင်း မရှိပေ။ အဘယ့်ကြောင့်ဆိုသော် ထိုင်းအာဏာပိုင်အဖွဲ့အစည်းက သာမန်မူယစ်ဆေးရောင်းဝယ်သူများကိုသာ ဖမ်းဆီးနိုင်ခဲ့ပြီး၊ မူယစ်ဆေးဝါးများကို အဓိကကျကျလုပ်ကိုင်နေကြသူများများ ထိုင်းအစိုးရ၏ဌာနဆိုင်ရာဝန်ထမ်းများသာဖြစ်ပြီး၊ ၎င်းဝန်ထမ်းများအား ရှာဖွေစစ်ဆေးခြင်းမရှိသည့်အတွက် ဝန်ထမ်းများကသာလွယ်ကူစွာ လုပ်ကိုင်နိုင်ကြခြင်းကြောင့် ထိုင်းအစိုးရကမူယစ်ဆေးဝါးကို လုံးဝပပျောက်အောင်တားဆီးနိုင်ခဲ့ခြင်း မရှိကြောင်းကိုလည်း မူယစ်ဆေးရောင်းဝယ်မှုနှင့် ပတ်သက်သူတစ်ဦးက ပြောသည်။

စိတ်ကြွဆေးကိုသုံးစွဲကြသည့် ဆယ်ကျော်သက်အရွယ် လူငယ်များထဲတွင် အသိညာဏ်ကို ထိန်းသိမ်းနိုင်စွမ်းမရှိသေးသည့် ကျောင်းသားလူငယ်များလည်းပါဝင်ပေသည်။ မိမိတို့၏ အတ္တအကျိုးကိုသာကြည့်တတ်သော မူယစ်ဆေးဝါးရောင်းသူတို့၏ လူသားခြင်း သားသမီးခြင်း စာနာစိတ်ကင်းမဲ့မှုတို့ကြောင့်သော်လည်ကောင်း မိမိတို့သားသမီးများ၏ ပုံမှန်မဟုတ်သောအခြေအနေကို ဂရုတစ်စိုက်လေ့လာသုံးသပ်နိုင်ခြင်းမရှိသော မိဘတို့၏အသုံးမကျမှုများကြောင့်သော်လည်ကောင်း တာဝန်ကျေ ဝတ္တရားကျေမျှလောက်သာ ရည်ရွယ်ပြီး မိမိတို့၏ သားသပည့်များကို ထိန်းကျောင်း သွန်သင်ဆုံးမနိုင်ခြင်းမရှိသော ကျင့်ဝတ်ငါးဖြာနှင့်မညီသော ဆရာဆရာမတို့ကြောင့်သော်လည်ကောင်း ကျောင်းသားလူငယ်တစ်ချို့မှာ မူယစ်ဆေးစွဲကာ အသက်ဆုံးရှုံးသည်များရှိသလို အဖတ်ဆယ်လို့မရအောင် ဘဝပျက်သွားကြသူများကိုလည်း မျက်ဝါးထင်ထင်တွေ့မြင်ခဲ့ရပေသည်။

ခန္ဓာကိုယ်ကို အရင်းအနှီးပြုကာစားဝတ်နေရေးအတွက် အမျိုးသားပေါင်းစုံနှင့် လိင်ဆက်ဆံအသုံးတော်ခံနေကြရသည့် အမျိုးသမီးအများစုမှာလည်း စိတ်ကြွဆေးပြား (မြင်းဆေး) ကိုသုံးစွဲနေကြသည်။ အသက် (၁၈) နှစ်အရွယ် အမည်မဖေါ်လိုသည့် အမျိုးသမီးငယ်တစ်ဦးက “သမီးတို့ဆေးသုံးတယ်ဆိုတာ စိတ်ရဲ့ထွက်ပေါက်ကိုရှာတာဘဲ ယောကျာင်္းတွေနဲ့ သူတို့အလိုကျဆက်ဆံနေရတော့ မတုန်မလှုပ်နဲ့ ရှက်နေလို့မဖြစ်ဘူးလေ၊ ဒါကြောင့် စိတ်ထဲကတစ်ခြားအရာတွေကို မစဉ်းစားမိအောင်ဆေးရှုရတာဘဲ မကောင်းမှန်းလည်းသိတယ် ဒါပေမဲ့ စိတ်ကိုထိန်းချုပ်လို့မရတော့ဘူး ဆေးသုံးလိုက်တော့ စိတ်ကတက်ကြွလာတယ် ရှက်ရမှန်းလည်းမသိဘူး ကြောက်ရမှန်းလည်းမသိတော့ဘူး သမီးတို့ဘော်ဒါတွေအားလုံးလည်း ဆေးသုံးကြတယ်၊ သုံးရင်း သုံးရင်းနဲ့ဘဲ ဆေးစွဲသွားတယ် ဆေးတစ်လုံး (၁၂၀) တစ်ရာ့နှစ်ဆယ် သမီးတစ်ယောက်ထဲတစ်ခါတစ်လေ ငါးလုံးလောက်သုံးတယ် ဆေးဖိုးကိုပိုရှာရတာပေါ့” ဟု ပြောပြသည်။

ဘုရားသုံးဆူဒေသတွင် စိတ်ကြွဆေးပြားများကို လူကြီး လူငယ် အမျိုးသမီးများက အချိန်အခါမရွေး လွတ်လပ်စွာ သုံးစွဲနိုင်ခြင်းမှာ မူယစ်ဆေးတို့ကို လွယ်ကူစွာဝယ်ယူသုံးစွဲနိုင်ခြင်းတို့ကြောင့်ဖြစ်ကြောင်း ထိုကဲ့သို့ အလွယ်တကူဝယ်ယူနိုင်ခြင်းမှာလည်း ဒေသခံအစိုးရအဖွဲ့အစည်းအာဏာပိုင်များက မူယစ်ဆေးရောင်းဝယ်မှုကို မျက်စိမှိတ် နားပိတ်ပြီး လျှစ်လျူရှုထားကြခြင်းကြောင့်သာဖြစ်ကြောင်း လျှစ်လျူရှုထားရသည့်အကြောင်းအရင်းမှာလည်း အာဏာပိုင်အဖွဲ့အစည်းများက မူယစ်ဆေးဝါးရောင်းဝယ်ရေးများထံမှ အခွန်အကောက်များရရှိနေခြင်းကြောင့်သာဖြစ်ကြောင်း အာဏာပိုင်အဖွဲ့အစည်းများနှင့် ရင်းနှီးသူတစ်ဦးက ပြောသည်။

ထိုသူက “ကျနော်သိသလောက်ဆိုရင် လက်နက်ကိုင်အဖွဲ့အစည်းတွေကဘဲ မြင်းဆေးကို ပင်တိုင်လုပ်တယ် သူတို့ဆီကနေတစ်ဆင့် လက်လီရောင်းတဲ့ လူတွေဆီကိုဖြန့်တယ် သူ့လူ ကိုယ့်လူရှိကြတယ်။ အစိုးရအဖွဲ့အစည်းဖြစ်တဲ့ ရဲတို့က မူယစ်ဆေးတို့ကို အဲဒီအဖွဲ့အစည်းတွေနဲ့ အတိုက်အခံ မဖြစ်ချင်ကြဘူး ဒီတော့ နားလည်မှုယူတယ် ငွေရတယ် သူတို့အတွက်လည်းအန္တရာယ်မရှိဘူး ကျနော်သိသလောက်ဆို မြင်းဆေးရောင်းဝယ်တဲ့လူတွေဆီက တစ်လကိုအနည်းဆုံး ဘတ်နှစ်သောင်းငါးထောင် (၂၅၀၀၀) နဲ့ အများဆုံး ဘတ်သုံးသိန်း (၃၀၀၀၀၀) ထိရတာရှိတယ်” ဟုပြောသည်။

လူသားမျိုးနွယ်စုများ၏ဘဝကို အညွန့်တုံးအောင် ဝါးမျိုပစ်မည့်အဆိပ်ပင်နှင့်တူသည့် မူယစ်ဆေးဝါးရောင်းဝယ်မှုများကို ပြုလုပ်နေကြသည့်လက်နက်ကိုင်အဖွဲ့အစည်းများ မြိုမျက်နှာဖုံးအမည်ခံ ငွေရှင် ကြေးရှင် လူကြီးလူကောင်းများ ၎င်းတို့၏ လက်ဝေခံများအား အရေးယူထိန်းသိမ်းရမည့်အစား ၎င်းတို့၏လုပ်ရပ်များကို လျှစ်လျူရှုကာ ငွေကြေး အခွန်အကောက်များကိုသာ မက်မောနေကြသည့် စစ်အစိုးရ၏ အာဏာပိုင်အဖွဲ့အစည်းများမှာ “အဆိပ်ပင်ကိုရေလောင်း” နေကြသူများသာဖြစ်ကြောင်း ဖေါ်ပြလိုက်ရပေသည်။