နိုဝင်ဘာလ ၁၉ ညနေ့ ၂း ၃၀- ၄း၀၀ အကြား ထိုင်း- မြန်မာ နယ်စပ် တနေ ရာတွင် မြန်မာ အစိုးရ နှင့် ချင်းအမျိုး သား တပ်ဦး အပါအ၀င် တိုင်းရင်းသား လက် နက်ကိုင် အဖွဲ့များဖြစ် သည့် KNPP, KNU, KIO တို့ တွေ့ဆုံမှု ရလဒ်အရ စီအဲန် အက်ဖ် နှင့် မြန်မာ အစိုးရ ကိုယ်စား လှယ်တို့ ၂၀၁၂ ဇန္န၀ါရီ ပထမ ပတ်အတွင်း ချင်းပြည် နယ်မြို့တော် ဟားခါးတွင် တွေ့ဆုံ ဆွေးနွေးမှု ပြုလုပ်ကြ မည်ဟု သိရသည်။ရှမ်း လက်နက်ကိုင် အဖွဲ့ (RCSS) နှင့် မြန်မာ အစိုးရ ကိုယ်စား လှယ်များ တွေ့ဆုံပြီး တဆက်တည်း တွေ့ဆုံခြင်း ဖြစ်ပြီး တွေ့ဆုံပွဲတွင် CNF မှ ဥက္ကဌ ပူးဇင်ကျုံးနှင့် တွဲဖက် အထွေထွေ အတွင်း ရေးမှူး(၁)၊ နိုင်ငံရေး တာဝန်ခံ၊ တိုင်းရင်းသား အမျိုးသား ကောင်စီ အတွင်း ရေး မှူးဖြစ်သူ ဒေါက်တာ ရွှေခါး တို့ တက်ရောက်သည်။
အစိုးရငြိမ်းချမ်းရေးကိုယ်စားလှယ်မှ မီးရထား ၀န်ကြီး ဦးအောင်မင်းက ဦးဆောင်ပြီး ၄င်း၏ အကြံပေးပုဂ္ဂိုလ်များဖြစ်သည့် ဒေါက်တာ တင်မောင် သန်း၊ ဒေါက်တာ ကျော်ရင်လှိုင်နှင့် ဦး လှမောင်ရွှေ တို့ တက်ရောက်သည်။ တွေ့ဆုံပွဲကို တိုင်းရင်း သားလူမျိုးများ ကောင်စီ ( အီးအဲန်စီ) က စီစဉ် လုပ်ပေးခြင်းဖြစ်သည်။
မီးရထားဝန်ကြီး ဦးအောင်မင်းက မြန်မာနိုင်ငံအပြောင်းအလဲရှိနေပြီဖြစ်ပြီး NLD လည်း ပါတီမှတ်ပုံပြန် တင်ပြီဖြစ် ကြောင်း၊ လက်ရှိ အစိုးရ၏ ငြိမ်းချမ်းရေးသည် ယခင်တန်းတူမှုမှုမရှိတဲ့ ငြိမ်းချမ်းရေးမျိုးမဟုတ်ပဲ ထာဝရငြိမ်းချမ်း ရေးဖြစ် ကြောင်း အဲဒီ လမ်းကြောင်းမှာ စီအဲန်အက်ဖ်လည်း ပါဝင်စေချင်ကြောင်း ပြောဆိုသည်။
ယင်းကိစ္စနှင့်ပါတ်သက်ပြီး စီအဲန်အက်ဖ် အထွေထွေအတွင်းရေးမှူး ပူး ပေါလ်ဆီထာက “ကျနော်တို့အနေနဲ့က တွေ့ဆုံ ဆွေးနွေးမှုကနေ ရေရှည်တည်တံ့ခိုင်မြဲတဲ့ တိုင်းပြည်ငြိမ်းချမ်းရေးတည်ဆောက်ဖို့ကို အစဉ်တစိုက်ဦးတည် နေတာဖြစ် တယ်။ ဒါဟာ ကျနော် တို့ရဲ့ ရပ်တည် ချက်ပါ။ လာမည့် နှစ်ဆန်း ပိုင်းမှာ နှစ်ဦးနှစ်ဖက် ကိုယ်စား လှယ်တွေ စေလွှတ်ပြီး တွေ့ဆုံ ဆွေးနွေး နိုင်ဖို့လဲ အဆင်သင့် လုပ်ထား ပါပြီ” ဟု ပြောသည်။
ချင်းအမျိုးသားတပ်ဦးနှင့် ယခင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည် ၂၀၀၇ ခုနှစ်အတွင်း တွေ့ ဆွေး နွေးမှုပြုလုပ်ခဲ့ကြ သည်။
စီအဲန်အက်ဖ် ဥက္ကဌ က ချင်းတိုင်းရင်းသားတွေဟာ ပြည်ထောင်စု ဖွဲ့စည်းချိန်မှာ ပါဝင်ခဲ့သလို ပြည်ထောင်စုမှ ခွဲထွက်လို သူ မဟုတ် ကြောင်း ယခု အပြောင်းအလဲအပေါ် စီအဲန်အက်ဖ်အနေဖြင့် ကြိုဆိုကြောင်း၊ နိုင်ငံရေးတွေ့ဆုံဆွေးနွေးပွဲမှာ ပြည်ထောင်စု အရေး၊ တိုင်းရင်းသားအရေးကိုအလေးထားသင့်ကြောင်း၊ လက်ရှိ သမ္မတကို တိုင်းရင်းသားရေးရာ အကြံပေးပုဂ္ဂိုလ်အဖြစ် ထားရှိစေလိုကြောင်း၊ သေချာတိကျသည့် ငြိမ်းချမ်းရေးလုပ်ငန်းစဉ် ရှိဖို့ ၀န်ကြီး ဦးအောင်မင်း ကိုယ်တိုင် ကိုင်တွယ်စေချင်ကြောင်း ပြောသည်။ဆက်လက်ပြီး နိုင်ငံရေးတွေ့ဆုံဆွေးနွေးပွဲ မဖြစ်ခင် Public Consultation ပြုလုပ်ခွင့်ပြုလုပ်စေလို ကြောင်း ထပ်မံ ပြောဆိုသည်ဟု ကြားသိရသည်။
အစိုးရကိုယ်စားလှယ်များ အနေဖြင့် နှစ်ဖက် အပစ်အခပ် ရရှိရေး၊ ဆက်သွယ်ရေးရုံးဖွင့်လှစ်ရေး၊ လက်နက်ဖြင့် ခရီးသွား လာမှုပြုရာတွင် နှစ်ဖက် အပြန်အလှန် အကြောင်းကြားရေး၊ ဗဟိုအစိုးရ နှင့် တွေ့ဆုံရေး နေ့ရက် နှင့် နေရာ သတ်မှတ် ရေးစသည့် အချက်များကို ဆွေးနွေးကြရန် ကမ်းလှမ်း ခြင်း ဖြစ်သည်ဟုသိရသည်။
ဇန္န၀ါရီတွေ့ဆုံပွဲတွင် ချင်းပြည်နယ်အစိုးရကိုယ်စားလှယ်များနှင့် ဗဟိုအစိုးရမှ လေ့လာသူများတက်ရောက်ကြမှာ ဖြစ်ပြီး စီအဲန် အက်ဖက်ကမူ ယင်းတွေ့ဆုံပွဲအတွက် ၄င်းတို့အတွင်း အရေးပေါ် ဆွေးနွေးမှုများပြုလုပ်ဖွယ်ရှိသည်ဟု ကြားသိရသည်။
No comments:
Post a Comment