၂၆ ကြိမ်မြောက် ဆီးဂိမ်းပွဲတော်

မောင်လင်းဝေ


အင်ဒိုနီးရှားနိုင်ငံ၊ ပလမ်ဘန်မြို့ ၊ သီရိဝီဂျာရာ အားကစားကွင်းကြီးမှာ ပြုလုပ်ခဲ့တဲ့၂၆ ကြိမ်မြောက် ဆီးဂိမ်းဖွင့်ပွဲအခမ်းအနားကလည်း ကြီးကျယ် ထည်ဝါ လှပါတယ်။ နိုင်ငံ့ခေါင်းဆောင်ကြီးတွေ အထူး တန်းစင်မြင့်ကနေ ပရိသတ်ကို လက်ဝှေ့ ရမ်း နှုတ်ဆက် နေရာ ယူကြ ပါတယ်။ အင်ဒိုနီးရှား သမ္မတ ကြီး ဆူဆီလိုဘမ်ဘန်း ယူဒိုယိုနို က ကွင်းဖွင့် နှုတ်ဆက်စကား ပြောကြားခဲ့ပြီးတဲ့အခါမှာ သီရိဝီဂျာရာ အားကစား ကွင်းကြီးရဲ့ ပတ်ပတ်လည်၊ ကောင်းကင်ယံ နဲ့ ကွင်းထဲမှာ လှပတဲ့ မီးရောင် စုံတွေ ဖြာဆင်း ကျလာ ပါတယ်။

ပွဲတော် ကွင်းပြင်ကြီး ပေါ်မှာ မီးရောင်စုံနဲ့ လည်ပတ် နေတဲ့ ခွေးသွားစိတ် ပင်နီယ တွေမှာ ၁၀ ကနေ ၁ အဆုံး ဂဏန်း တခု ချင်းစီ နောက်ပြန် ဖော်ပြ သွားပြီး အနုပညာ ဖျော်ဖြေရေး အစီအစဉ်တွေကို အချက်ပြ လိုက်ပါတယ်။ ယင်းနောက် မှာတော့ အင်ဒိုနီးရှား နိုင်ငံရဲ့  ခေတ်သစ် နည်းပညာ အနုပညာ သစ်တွေနဲ့ ရိုးရာ ယဉ်ကျေးမှု၊ အနုပညာ တွေကို ပေါင်းစပ် တင်ဆက်သွား တာပါ။ ရိုးရာ အ၀တ်အစား၊ လှံကိုင် ရဲမက်များ၊ ဂါဝန်ကိုင် ရင်စီး လုံမများ၊ ရဲတံခွန်များ၊ အောင်လံ တော်များ ကွင်းလယ်မှာ ခုန်ပေါက် ပြေးလွှား ပျံသန်းပြီး အနုပညာ တင်ဆက်မှု တွေကို အစီအစဉ် တခုပြီး တခု ပြုလုပ်သွား ကြတာပါ။ ကွင်းလယ် မှာတော့ ရောင်စုံ ကော်ဇောကွက် အမျိုးမျိုးကို မီးဆလိုက် တွေနဲ့ ဖော်ကျူး ခင်းကျင်း ထားပါတယ်။

ပရိသတ်ကြီးကို ဖမ်းစားသွား တာကတော့ အင်ဒိုနီးရှား နိုင်ငံရဲ့  ကျွန်းတွေကို ရောက်ရှိ လာကြတဲ့ အင်ဒို လူမျိုးတွေရဲ့ အကြောင်း တင်ဆက် မှု ပြကွက် တွေပါ။ အားကစား ကွင်းကြီးဟာ တဖြေးဖြေး ကမ္ဘာ့ မြေပုံကြီး အသွင် ဖြစ်လာ ပါတယ်။ အနီးကပ် ဆွဲယူ ပြသ လိုက်တဲ့ အခါမှာ အင်ဒိုနီးရှား နိုင်ငံ ဖြစ်လာမယ့် ကျွန်းတွေ ပေါ်လာပါတယ်။ မီးရောင်တွေ မှိန်ဖျော့ သွားတဲ့အခါ အားကစား ကွင်းကြီးဟာ ရုတ်ချည်း ပင်လယ်ကြီး သဖွယ် ပြောင်းလဲ သွားပါတယ်။ ပင်လယ်ပြာပြာ လှိုင်းခေါင်း ဖွေးဖွေးမှာ လူးလွန့် နေတဲ့ ရွက်လှေ ကြီးတစီး ရွက်လွှင့် လာတာပါ။ နောက်ခံ တေးဂီတ တွေကလည်း ရိုးရာဗုံ၊ လင်းကွင်း တွေနဲ့ ခေတ်ပေါ် တူရိယာ ပစ္စည်းတွေ အချိုးညီညီ တီးခတ် နေတဲ့ သံစဉ်တွေက ခံစားဖွယ် ကောင်းလှ ပါတယ်။ ရွက်လှေပေါ်က ခေါင်းဆောင်တွေ၊ ရဲမက်တွေ၊ လှေသမား တွေဟာ ကျွန်းပေါ်ကို ခြေချဖို့ ကြိုးစား ခဲ့တဲ့ နောက်ခံ သမိုင်းပြ ကွက်ပါ။ ပရိသတ်အဖို့ ရင်သပ်ရှုမော တင်ဆက်မှု လို့ပြောစရာပါ။

နောက် ပြကွက် တခုကို ညွှန်းဆိုချင် တာကတော့ ရိုးသား လှပတဲ့ အင်ဒို ကျေးလက် လူထုရဲ့  ချမ်းမြေ့ဖွယ် ဘ၀လေး တွေကို ရိုးရာ အက၊ ရိုးရာဂီတ တွေနဲ့ တင်ဆက် တာပါ။ ထူးခြားမှု လေးက ဘာလီ ကျွန်းသူလေး တွေရဲ့ ဘ၀လေး တွေကိုလည်း ရှူမငြီးဖွယ် ပေါင်းစပ် ထင်ဟပ်အောင် ပြသသွား တာပါပဲ။

အရှေ့တောင်အာရှ အားကစား ပွဲတော်ကြီး ကတော့ တရားဝင် ဖွင့်လှစ် ခဲ့ပါပြီ။ သို့ပေမဲ့ ပြဿနာ ရပ်တွေ နဲ့ လုံးထွေး နေတယ် ဆိုတဲ့ သတင်း တွေလည်း ထွက်ပေါ် နေပါတယ်။ ပွဲတော်နဲ့ ပတ်သက်ပြီး ချစား မှုတွေ၊ ဆောက်လက်စ အဆောက် အအုံတွေ၊ လက်မှတ် အရောင်း ထိုင်းမှု စတဲ့ ပြဿနာ တွေကလည်း တသီးတသန့် ရှိနေတယ်လို့ စိတ်ထောင်း ကိုယ်ကြေဖြစ် နေတဲ့ အားကစား ပွဲစီစဉ်သူ တွေက ၀န်ခံ ပြောဆိုခဲ့ ပါတယ်။ အားကစား ပွဲတော်ကို နိုင်ငံမြို့တော် ဂျကာတာ နဲ့ တောင်ပိုင်း ဆူမတြား မှာရှိတဲ့ ပလမ် ဘန်မြို့တို့မှာ ကျင်းပသွား မှာပါ၊

အာဏာရ ပါတီ ဘဏ္ဍာ ရေးမှူးက စီးပွားရေး ကုမ္ပဏီ တခုဆီက ဒေါ်လာ ၃ သန်း လာဘ်ယူပြီး အားကစားရွာ တည်ဖို့ တင်ဒါချ ပေး လိုက် တယ် ဆိုတဲ့ စွပ်စွဲချက် ထွက်လာ တာကြောင့် ပြဿနာတွေ ပတ်ချာ လည်နေတဲ့ ၂၆ ကြိမ်မြောက် အားကစား ပွဲတော် အတွက် ပိုပြီး စိတ်ထင့်ဖွယ် အခြေအနေ ဖြစ်ခဲ့ရပါတယ်။ ဘဏ္ဍာရေးမှူး ကတော့ လာဘ် ငွေထုတ် ဆွဲပြီး ကမ္ဘောဒီးယား နိုင်ငံကို ထွက်ပြေး သွားခဲ့ ပါတယ် တဲ့။

ဓနသဟာယနိုင်ငံများအားကစားပွဲမှာ အစီအစဉ်မကျမှု၊ ကသောင်းကနင်းဖြစ်ရမှုတွေနဲ့ အိမ်ရှင်အိန္ဒိယမျက်နှာပျက်ခဲ့ရတဲ့ ပုံစံလိုပဲ အင်ဒိုနီးရှား ကြုံတွေ့ခဲ့ရပြီး အဆင်မပြေမှုတချို့နဲ့ ပွဲတော်ကို ဖွင့်လှစ်ခဲ့တာပါ။

တရားဝင် ဖွင့်ပွဲမစခင် နိုဝင်ဘာ ၃ ရက်နေ့က စပြီး ယှဉ်ပြိုင် ကစားနေကြတဲ့ လူအများဆုံး နှစ်ခြိုက်တဲ့ ဘောလုံးအားကစားပွဲဟာလည်း ပွဲကြည့်သူ ထောင် ဂဏန်းလောက်ပဲ လာရောက်ခဲ့ပါတယ်။ မျှော်မှန်းထားတာထက် အလွန်းနည်းတဲ့ ပရိသတ် ပမာဏပါ။

ဆီးဂိမ်းရဲ့  အဓိက ဟဲဗီးဝိတ် ကစားပွဲ ကြီးကတော့ ဘောလုံး ပါပဲ။ ဆီးဂိမ်း ဖွင့်ပွဲ မတိုင်မီမှာ အုပ်စု (ပ) က မလေးရှား၊ စင်္ကာပူ၊ အင်ဒိုတို့က ၁ – ၂ – ၃ အဆင့်၊ အုပ်စု (ဒု) မှာတော့ မြန်မာ၊ ဗီယက်နမ်၊ တီမောတို့က ၁ -၂ – ၃ အဆင့် အနေအထား တွေကနေ ကွင်းဖွင့်ပွဲ အပြီး နိုဝင်ဘာ ၁၂ ရက် နေ့မှာ ဗီယက်နမ်က ဘရူးနိုင်းကို ၈ ဂိုးပြတ် အနိုင် ရခဲ့တဲ့ အတွက် အုပ်စုဗိုလ် နေရာကို ရောက်လာ ခဲ့ပါတယ်။ မျှော်လင့်ထား သလို အိမ်ရှင် အင်ဒိုကလည်း စင်္ကာပူကို ၂းဝ အနိုင် ကစားပြီး အုပ်စုဗိုလ် ဖြစ်လာခဲ့ ပါတယ်။

ထိုင်းအသင်း အနေနဲ့ ၁၃ ရက်နေ့ အိမ်ရှင် အင်ဒိုနဲ့ ကစားရတဲ့ ပွဲမှာ ၂ ယောက် ထုတ်ခံ ရပြီး ၃း၁ နဲ့ ရှုံးနိမ့် သွားခဲ့တဲ့ အတွက် အိပ်ယာ လိပ်ခဲ့ ရပါတယ်။ ဆီးဂိမ်း ဘောလုံး သမိုင်းမှာ ထိပ်တန်း အသင်း ထိုင်းအတွက် အင်ဒိုကျွန်း မှာပါ ရေနစ် ခဲ့ရ တယ်လို့ ဆိုရမှာပါ။

မြန်မာ သင်းကတော့ အလယ်တန်း နဲ့ရှေ့တန်း တိုက်စစ်မှူး တွေရဲ့  အတွဲမိမိ ကစား သွားနိုင်တဲ့ အတွက် ဂိုးပြတ် နိုင်ခဲ့တာပါ။ နောက် တန်းက ကာကွယ် ဖျက်ထုတ်နိုင် ပေမဲ့ တယောက်နဲ့ တယောက် နားလည်မှု လွဲနေ တဲ့အတွက် အသင်းကြီး တွေနဲ့ တွေ့လို့ ခြိမ်းခြောက် ခံရရင် တည်ငြိမ်မှု နည်းနိုင် ပါတယ်။ ဖိလစ်ပိုင် အသင်းကို အသင်း စုစည်းမှု အားနဲ့  ၅းဝ နဲ့ အပြတ် အနိုင် ရခဲ့တဲ့ အတွက် ဆီမီးဖိုင် နယ် ပြေးလမ်းပေါ် တက်လှမ်းဖို့ အခွင့် သာခဲ့ ပါပြီ။ ၁၅ ရက်နေ့မှာ ကစားရမဲ့ တီမောအသင်း နဲ့ လက်ကျန် ပွဲဟာ ခြေကုန် ရေကုန်ထုတ် ကစား ရမယ့် အနေ အထားမှာ ရှိပါတယ်။ ကမ္ဘောဒီးယား နဲ့ ဘရူနိုင်းတို့ဟာ အမှတ်ဖြည့် အသင်းများ အဆင့်သာ ရှိပါတယ်၊

ဆီးဂိမ်းသမိုင်းကျဉ်း

၁၉၅၈ ခုနှစ် မေလ ၂၂ ရက်နေ့ ၃ ကြိမ်မြောက် ဂျပန်နိုင်ငံက အိမ်ရှင်လက်ခံ ကျင်းပခဲ့တဲ့ ၃ ကြိမ်မြောက် အာရှအားကစားပွဲတော်မှာ အရှေ့တောင်အာရှ ကျွန်းဆွယ်နိုင်ငံတွေ ဆုံတွေ့ခဲ့ကြပြီး ဒေသဆိုင်ရာ အားကစားအဖွဲ့အစည်း ရှိသင့်တယ်လို့ စဉ်းစားခဲ့ကြပါတယ်။ နောက်ပိုင်းမှာ ထိုင်း နိုင်ငံဆိုင်ရာ အိုလံပစ်ကော်မတီ ဒုဥက္ကဌဖြစ်လာမယ့် လန် စူကွမ်နိုင်ပရာဒစ် က အရှေ့တောင်အာရှ ကျွန်းဆွယ် အားကစားပွဲ (Southeast Asian Peninsular Games) ဆိုတဲ့ အမည်သညာပြုခဲ့တာ ဖြစ်ပါတယ်။

ထိုင်း၊ မြန်မာ၊ မလေးရှား၊ လာအို၊ တောင်ဗီယက်နမ်၊ ကမ္ဘောဒီးယား (နောက်ပိုင်း စင်ကာပူ ပါဝင်လာပါတယ်) တို့က SEA GAME ဖြစ်လာ မဲ့ SEAP တည်ထောင်သူ နိုင်ငံတွေ ဖြစ်ကြပြီး အားကစားပွဲတော်ကို ၂ နှစ် တကြိမ် ကျင်းပဖို့ ဆုံးဖြတ်ခဲ့ကြတာပါ။ ပထမဦး ဆုံးပွဲကို ဘန်ကောက်မြို့မှာ ၁၉၅၉ ခုနှစ်က ကျင်းပတော့ ထိုင်း၊ မြန်မာ၊ မလေး၊ စင်ကာပူ၊ တောင်ဗီယက်နမ် နဲ့ လာအိုနိုင်ငံတို့ ပါဝင်ပါတယ်၊ အားကစား အမျိုးအစားပေါင်း ၁၂ ခု မှာ အားကစားသမားပေါင်း ၅၂၇ ဦးနဲ့ ပါဝင်ယှဉ်ပြိုင်ခဲ့ကြတာပါ။

၈ ကြိမ်မြောက် အားကစားပွဲမှာ အင်ဒိုနီးရှားနဲ့ ဖိလစ်ပိုင်ကို အဖွဲ့ဝင်လက်ခံဖို့ စဉ်းစားခဲ့ပြီး ၁၉၇၇ ခုနှစ်မှာ အဲဒီ ၂ နိုင်စလုံး ပါဝင် ယှဉ်ပြိုင် ခွင့်ရခဲ့ပါတယ်။ အဲဒီနှစ်မှာပဲ SEAP အဖွဲ့ချုပ်ကနေ အရှေ့တောင်အာရှ အားကစားအဖွဲ့ချုပ် (Southeast Asian Games Federation – SEAGF) လို့ အမည်ပြောင်းခဲ့ပြီး ပွဲတော်က ဆီးဂိမ်းလို့ လူသိများလာခဲ့ပါတယ်။

ဘရူနိုင်းကို ဂျကာတာမှာ ကျင်းပခဲ့တဲ့ ၁၀ ကြိမ်မြောက်ပွဲတော်မှာ ၀င်ခွင့်ပေးခဲ့သလို၊ အရှေ့တီမောက ၂၀၀၃ ခုနှစ် ဗီယက်နိုင်၊ ဟနွိုင်းမှာ ကျင်းပခဲ့တဲ့ ၂၂ ကြိမ်မြောက်ပွဲမှာ အဖွဲ့ဝင်အဖြစ် ပါဝင်ယှဉ်ပြိုင်ခွင့်ရခဲ့ ပါတယ်။ အာဆီယံ အဖွဲ့ ဝင်နိုင်ငံတွေ ဖြစ်လာတဲ့ နိုင်ငံတွေ ပူး ပေါင်း ကျင်းပလာခဲ့တဲ့ အရှေ့တောင် အာရှ အားကစားပွဲတော်ဖြစ်တဲ့ (ဆီးဂိမ်း) ကို ကျင်းပလာခဲ့တာ ၅၄ နှစ်တိုင်ခဲ့ပြီ ဖြစ်သလို ၂၆ ကြိမ်မြောက်လည်း ဖြစ်ပါတယ်။

ဒီပြိုင်ပွဲကို ယခု တကြိမ်ကို ထည့်တွက်မယ် ဆိုရင် အင်ဒိုက (၄) ကြိမ်၊ ထိုင်းက (၆) ကြိမ်၊ မလေးရှားက (၄) ကြိမ်၊ စင်ကာပူက (၃) ကြိမ်၊ ဗီယက်နမ်က (၁) ကြိမ်၊ ဘရူနိုင်းက (၁) ကြိမ်၊ လာအိုက (၁) ကြိမ် အိမ်ရှင်အဖြစ် လက်ခံကျင်းပခဲ့ပါတယ်။ ၁၉၆၅ ခုနှစ် တတိယအကြိမ် မြောက်ပွဲတော်ကို လာအိုမှာ ကျင်းပခွင့် ပေးပေမဲ့ လာအိုမှာ ဘဏ္ဍာရေး အခြေအနေ မတက်နိုင်တာကြောင့် မလေးရှား နိုင်ငံကို လွှဲပေး ခဲ့ပါတယ်။

ကမ္ဘေားဒီးယားက ၁၉၆၃ ခုနှစ် ၃ ကြိမ်မြောက် အားကစားပွဲတော် ကျင်းပခွင့် ရခဲ့ပေမဲ့ တိုင်းပြည် မငြိမ်မသက် ဖြစ်နေတာကြောင့် မကျင်း ပနိုင်ခဲ့ပါဘူး။ ၃ ကြိမ်မြောက်ပွဲကို ဖျက်သိမ်းခဲ့ရပါတယ်။ အဲဒါကြောင့် အိမ်ရှင်အဖြစ် တကြိမ်မှာ မကျင်းပဖူးသေးတဲ့ နိုင်ငံတခုလို့လည်း ပြောလို့ရပါတယ်။

မြန်မာနိုင်ငံကတော့ အိမ်ရှင် အဖြစ် (၂) ကြိမ် လက်ခံ ကျင်းပခဲ့ ဖူးပါတယ်။ ၁၉၆၁ နဲ့ ၁၉၆၉ ခုနှစ် တို့မှာပါ။ နှစ်ကြိမ် စလုံး မြန်မာ နိုင်ငံ က ရွှေတံဆိပ် အများဆုံး ရရှိခဲ့ ပါတယ်။ အရှေ့တောင်အာရှ အားကစားပွဲ (ဆီးဂိမ်း) ဟာ ဒေသတွင်း နိုင်ငံတွေရဲ့  အားကစားပွဲတော် ဆိုပေမဲ့ ချစ်ကြည်ရေး၊ ပူးပေါင်း ဆောင်ရွက်ရေး၊ နိုင်ငံရေး၊ စီးးပွားရေးနဲ့ ဒေသတွင်း တည်ငြိမ်ရေး စတာတွေ အတွက်လည်း ရည်ရွယ် ကျင်းပ တာလို့ ဆိုနိုင် ပါတယ်။ ဒီပြိုင်ပွဲက အစပြုပြီး အာရှ အားကစား ပွဲတော်၊ အိုလံပစ် စတဲ့ ကမ္ဘာ့ ပြိုင်ပွဲတွေကို တက်လှမ်း ယှဉ်ပြိုင် နိုင်ခွင့် ရနိုင်တဲ့ အခွင့် အလန်းတွေ လည်း ရှိနေ တာကြောင့်ပါ။

ဒီနှစ် အင်ဒို ဆီးဂိမ်းမှာ နိုင်ငံပေါင်း (၁၁) နိုင်ငံ ပါဝင်ကြမှာ ဖြစ်ပြီး အားကစား အမျိုးအစား (၄၁) ခုမှာ အားကစား သမားပေါင်း (၁၅၉၀၀) ယှဉ်ပြိုင်ကြမှာပါ။ အင်ဒို ဆီးဂိမ်းကို ဒေါ်လာ ( ၁၆.၈) သန်း အကုန် အကျခံ ကျင်းပခဲ့တာ ဖြစ်ပါတယ်။ ပွဲတော်ကို ငွေကြေး ပြည့်စုံရုံ နဲ့ ကျင်းပ ခွင့်ရတာ မဟုတ်ပါဘူး။ ပြည်တွင်း နိုင်ငံရေး တည်ငြိမ်မှု ရှိဖို့လည်း လိုအပ် ပါတယ်။