မြန်မာနိုင်ငံအပေါ် ပိတ်ဆို့ဒဏ်ခတ်မှုတွေ ရုပ်သိမ်းဖို့ အနောက်နိုင်ငံတွေကို တရုတ်နိုင်ငံက တောင်းဆိုလိုက်ပါတယ်။တရုတ်နိုင်ငံ ဘေဂျင်းမြို့မှာ ဒီဇင်ဘာ ၁ ရက်ကကျင်းပတဲ့ သတင်းစာရှင်းလင်းပွဲမှာ တရုတ် နိုင်ငံခြားရေးဌာန ပြောရေးဆိုခွင့်ရှိသူ ဟောင်းလီက ပြောကြားလိုက်တာပါ။
တရုတ်နိုင်ငံအနေနဲ့ မြန်မာပြည်တွင်း ပြန်လည်ရင်ကြားစေ့ရေးအတွက် မြန်မာအစိုးရဆောင်ရွက်နေတဲ့ မူဝါဒတွေ ကြိုဆိုတဲ့အကြောင်း မြန်မာနဲ့အနောက်နိုင်ငံတွေ ဆက်ဆံရေးတိုးတက်ဖို့အတွက် အပြန်အလှန် လေးစားလိုက်နာမှုကို အခြေခံပြီး ဆက်သွယ်မှုတွေ တိုးလုပ်သင့်တယ်လို့ဟောင်းလီက ပြောပါတယ်။
ဒါ့အပြင် မြန်မာနိုင်ငံ တည်ငြိမ်ရေးနဲ့ ဖွံ့ဖြိုးတိုးတက်ရေးကို အားပေးဖို့ သက်ဆိုင်တဲ့နိုင်ငံတွေအနေနဲ့ ပိတ်ဆို့ဒဏ်ခတ်မှုတွေ ရုပ်သိမ်းသင့်တယ်လို့လည်း တရုတ်နိုင်ငံခြားရေးဌာန ပြောခွင့်ရသူက ပြောကြားသွားပါတယ်။
No comments:
Post a Comment