ဧပြီလ ၂ ရက်နေ့က နိုင်ငံတော် သမ္မတ ဦးသိန်းစိန်မှ အမိန့်ထုတ်ပြန် ခန့်အပ်လိုက်ခြင်း ဖြစ်သည်။
ဘူးသီးတောင် မြို့နယ် မဲဆန္ဒနယ် အမှတ် (၁) ပြည်နယ် လွှတ်တော်ကိုယ်စားလှယ် မောင်စန်ရွှေသည် ယခင်က မြို့နယ် သမ၀ါယမ ဦးစီးဌာနမှူး အဖြစ် တာဝန် ထမ်းဆောင်ခဲ့သူ ဖြစ်ပြီး ရခိုင်ပြည်နယ် အစိုးရအဖွဲ့တွင် ပြောပိုင် ဆိုပိုင်ခွင့်ရှိသူ စီးပွားရေး ၀န်ကြီး ဦးမြအောင်နှင့် ခင်မင် ရင်းနှီးသူ ဖြစ်ကြောင်း သိရသည်။
ဦးမြအောင်သည် ယခင် ပြည်နယ် သမ၀ါယမ ဦးစီးမှူး ဖြစ်ခဲ့သဖြင့် ယခု ၀န်ကြီး ဖြစ်လာသူ ဦးမောင်စန်ရွှေနှင့် ရင်းနှီးသူ ဖြစ်ကြောင်း၊ သို့အတွက် ဦးမောင်စန်ရွှေအား ဘဏ္ဍာရေးနှင့် အခွန်ဝန်ကြီးဌာန ၀န်ကြီး အဖြစ် ရွှေးချယ် ခန့်အပ်ခြင်း ဖြစ်နိုင်ကြောင်း အမည်မဖေါ်လိုသူ နိုင်ငံရေး သမား တစ်ဦးက သုံးသပ် ပြောဆိုသည်။
တစ်ခြား ဘူးသီးတောင်မှ လူမူရေး လူပ်ရှားဆောင်ရွက်နေသူ တစ်ဦးအား ဆက်လက်မေးကြည့်ရာ ဦမောင်စန်ရွှေ ၀န်ကြီး ဖြစ်လာသော်လည်း မြို့နယ် အတွက် ထူးခြား တိုးတက်မူ တစ်စုံတစ်ရာ ရှိလာမည်ဟု သူ မထင်ကြောင်း ပြောကြားသည်။
“ ဘူးသီးတောင်မြို့နယ်က တက်သွားတဲ့ ကြံ့ခိုင်ရေး ပါတီက ပြည်သူ့ လွှတ်တော် ကိုယ်စားလှယ်တွေရော၊ ပြည်နယ် လွှတ်တော် ကိုယ်စားလှယ်တွေရော ဘယ်သူမှ မြို့နယ် တိုးတက်ရာ တိုးတက်ကြောင်း လုပ်တာ မတွေ့ရဘူး။ လူထု အကျိုးလည်း မလုပ်ဘူး။ အခု ဦးမောင်စန်ရွှေ ၀န်ကြီး ဖြစ်ရင်လည်း ဘာမှ ထူးခြားလာမယ်လို့တော့ ကျွန်တော်တို့ မယူဆဘူး” ဟု ဆိုသည်။
ယခု ဘဏ္ဍာရေးနှင့် အခွန်ဝန်ကြီးဌာန ၀န်ကြီး ဖြစ်လာသူ ဦးမောင်စန်ရွှေသည် ယခင်က ကျူရှင် ဆရာ အဖြစ် လုပ်ကိုင်ခဲ့ဖူးရုံမှ အပ လူမူရေး လုပ်ငန်းများကို လုပ်ကိုင်ဖူးသူ တစ်ဦး မဟုတ်ကြောင်းနှင့် ကြံ့ခိုင်ရေး ပါတီ အရေးကိုသာ တက်တက်ကြွကြွ ဆောင်ရွက်သူ တစ်ဦး ဖြစ်သည်ဟု ဘူးသီးတောင် ဒေသခံက ဆိုသည်။
No comments:
Post a Comment