ဖေဖေါ်ဝါရီလ ၂၅- ၂၆ ရက်နေ့တွင် ပေါ်ပေါက်ခဲ့သော ဘီဒီအာရ် ပုန်ကန်မူမှာ ပြီးဆုံးသွား ခဲ့ပြီ ဖြစ်သော်လည်း နောက်ဆက်တွဲ အခြေအနေ များမှာ ရှုပ်ထွေး နေဆဲ ဖြစ်သည်။ယမန်နေ့က ပုန်ကန်မူ အတွင်းသေဆုံးခဲ့သူ စစ်ဘက်ဆိုင်ရာ အရာရှိ် ၄၈ ဦးနှင့် တပ်သား တဦး အပါအ၀င် အကြီးဆုံး ဘီဒီအာရ် တပ်မှူး ဇနီးတို့အား ယမန်နေ့က တပြိုင်နက်တည်း သဂြိုလ်ခဲ့သော်လည်း မည်သူ မည်ဝါမှာ အဓိက တရားခံ ဖြစ်သည်ကိုမူ စစ်အရာရှိများကို သဂြိုလ် ပြီးချိန်ထိ ဖေါ်ထုတ်နိုင်ခဲ့ခြင်း မရှိသည်ကို တွေ့ရသည်။
မီပူရပ်ကွက်မှ ဘင်္ဂလီ သာမန် အရပ်သား တဦးက “အဓိက လက်ရှိ ပြဿနာကတော့ ပုန်ကန်မူကို ဘယ်သူတွေက ဦးစီး ဦးဆောင် လုပ်ခဲ့တယ်။ ပြီးတော့ ခုလို ပုန်ကန်မူ ပေါ်ပေါက်စေတဲ့ နောက်ကွယ်က အကြောင်း အရာတွေက ဘာတွေလဲ ဆိုတာကို ကျနော်တို့ ပြည်သူတွေက သိချင်နေပါတယ်။” ဟု ပြောသည်။
ပုန်ကန်ကို ဦးစီး ဦးဆောင်လုပ်သူများသည် ပုန်ကန်မူ အတွင်း မျက်နာကို အနီစများဖြင့် ဖုံးအုပ်ထား သဖြင့် သူတို့ မည်သူ မည်ဝါ ဖြစ်သည်ကို သိရှိရန်ခက်ခဲပြီး အောက်ခြေ ဘီဒီအာရ် တပ်ဖွဲ့ဝင်များပင် သူတို့ မည်သူ မည်ဝါ ဖြစ်သည်ကို မသိရှိပါ ဟု အခင်း ဖြစ်သည့် အထဲတွင် ပါဝင်သူ ဘီဒီအာရ် တပ်သားများက ပြောဆိုသည်။
အသက်မသေဘဲ လွှတ်မြှောက်လာသူ တဦးမှ စစ်ဘက်ဆိုင်ရာ အရာရှိကြီးများကို မပစ်သတ်မှီ ပုန်ကန်သူများက တန်းစီခိုင်းပြီး “ငါတို့ တန်းစီလာတာ များပြီ။ မင်းတို့ တကြိမ် တန်းစီ” ဟု ဆိုကာ အမျိုးမျိုး ဆဲဆိုပြီးနောက် သေနတ်များဖြင့် တရပ်စပ် ပစ်ခတ်သတ်ဖြတ်ခဲ့သည် ဟုပြောသည်။
ပုန်ကန်မူ အတွင်း ပါဝင်ခဲ့သူ ဘီဒီအာရ် အများအပြားကို ထွက်ပြေးစဉ် ဖမ်းဆီး မိထားပြီး တချို့မှာလည်း ယခုအချိန်ထိ ထွက်ပြေးလွှတ်မြောက်နေတုန်း ဖြစ်သည်။
သတ်မှတ်ထားအချိန်အတွင်း အလုပ်ပြန်ဝင်ရန်နှင့် မ၀င်ရောက်ပါက စစ်ပြေး အဖြစ် သတ်မှတ်မည် ဖြစ်ကြောင်း အစိုးရမှ တရားဝင် ကျေညာပြီးနောက် ရာပေါင်းများစွာသော ဘီဒီအာရ် တပ်ဖွဲ့ဝင်များမှာ တပ်စခန်းသို့ တနင်္ဂနွေနေ့က ပြန်လည် ၀င်ရောက်လာခဲ့သည်။
သို့သော်လည်း အများအပြားမှာမူ ယခုအချိန်ထိ ထွက်ပြေး တိမ်းရှောင်နေတုန်းဖြစ်ပြီး အဆိုပါ ဘီဒီအာရ် တပ်ဖွဲ့ဝင်များကို လုံခြုံရေး တပ်ဖွဲ့ဝင်များက လိုက်လံ ရှာဖွေနေတုန်း ဖြစ်သည်။
“များမကြာမှီ ဘာကြောင့် ပုန်ကန်မူ ပေါ်ပေါက် ခဲ့ရသလဲ ဆိုတာကိုတော့ ရှာဖွေ ဖေါ်ထုတ်နိုင်တော့မှာ ဖြစ်ပါတယ်” ဟု စစ်တပ် အရာရှိ တဦးမှ ပြောသည်။
ယခုအခါ ဘင်္ဂလာဒေခ်ျ့ အစိုးရမှ စုံစမ်း စစ်ဆေးရေး ကော်မီတီကို စစ်ထောက်ချုပ် ဗိုလ်ချုပ် မူဟာမတ် ဂျဟန်းဂီးယား အာလမ် ဦးဆောင်မူဖြင့် ဖွဲ့စည်းထားပြီး များမကြာမှီ ပုန်ကန်မူ ပေါ်ပေါက်ရခြင်းကို ဖေါ်ထုတ်တော့မည် ဖြစ်သည်။
“အခု တပ်စခန်းကို ပြန်မလာဘဲ ရှောင်တိမ်းနေသူတွေဟာ အဓိက တရားခံတွေ ဖြစ်တယ်ဆိုတာကို ကျနော်တို့ ယုံကြည် တွက်ချက်လို့ ရပါတယ်။ ကျနော်တို့ မနေ့ကစပြီး စစ်ဆေးမူတွေကိ်ု စတင်နေပါပြီ။ ဒီနေ့ မဟုတ်ရင်တောင်မှ မနက်ဖြန်မှာ အစီရင်ခံစာ ထုတ်နိုင် ပါလိမ့်မယ်။” ဟု စုံစမ်း စစ်ဆေးရေး အဖွဲ့တွင် ပါဝင်သူ ဗိုလ်မှူးချုပ် အီမန်ဟူဆိန်က သတင်းထောက်များသို့ ပြောသည်။
ဘီဒီအာရ် ပုန်ကန်မူနှင့် ပတ်သက်ပြီး ဘင်္ဂလာဒေခ်ျ့နိုင်ငံ အတွင်း သတင်းအမျိုးမျိုး ဖြစ်ပေါ်နေပြီး အောက်ခြေ ဘီဒီအာရ် တပ်ဖွဲ့ဝင်များအပေါ် အထက် စစ်အရာရှိများက အနိုင်အကျင့်မူကြောင့် ယခုကဲ့သို့ ပုန်ကန်မူ ပေါ်ပေါက်ခဲ့ရသည်ဟုလည်း သတင်းစာ များတွင် ရေးသားဖေါ်ပြသည်။
ဘီဒီအာရ်ခေါ် နယ်ခြားစောင့်တပ်ဖွဲ့မှာ မြန်မာနိုင်ငံက လုံထိန်း တပ်ဖွဲ့နှင့် ဆင်တူပြီး ဘီဒီအာရ်တွင် ဒါရိုက်တာ ဂျင်နရယ် ခေါ် ဦးစီးချုပ်မှ အစ အထက်အရာရှိများကို စစ်တပ်မှ ကူုးပြောင်းလာသူ စစ်အရာရှိများနှင့် ဖွဲ့စည်းထားပြီး အောက်လက် ငယ်သားများမှာ ဘီဒီအာရ် တပ်ဖွဲ့ဝင်များ ဖြစ်သည်။
ယခုကဲ့သို့ အထက် စစ်အရာရှိများကို ပုန်ကုန်မူ ဖြစ်ပွားပြီးနောက် ဘီဒီအာရ်ကို ဆက်လက်ထားရှိတော့မည် မဟုတ်ဘဲ နောက်ထပ် အသွင် တမျိုးနှင့် ဖွဲ့စည်းသွားတော့မည် ဖြစ်ကြောင်းလည်း စစ်ဘက်ဆိုင်ရာ တာဝန်ရှိသူ တဦးမှ ပြောသည်။
ယခုအချိန်ထိ ပျောက်ဆုံးနေသူ စစ်အရာရှိ (၆) ရှိပြီး စစ်တပ် အရာရှိ ၄၀ ကိုမူ အသက်မသေဘဲ စစ်တပ်က ကယ်တင်ခဲ့ရသည်။
No comments:
Post a Comment