အင်းစိန်ထောင်မှာ ရုံးထုတ်တဲ့ ကေအန်ယူခေါင်းဆောင် ပဒိုမန်းငြိမ်းမောင်အမှုကို ကြာသပတေးနေ့က ရုံးထုတ်ရာမှာ လက်ရှိအင်းစိန်ထောင်ပိုင်နဲ့ အငြိမ်းစားယူခဲ့တဲ့ ထောင်ပိုင်ကို စစ်ဆေးတယ်လို့ ပဒိုမန်းငြိမ်းရဲ့ ရှေ့နေဦးကြီးမြင့်က ပြောပါတယ်။“စစ်တာကတော့ ပဒိုမန်းငြိမ်းမောင်ကို လာတွေ့တဲ့ အရာရှိကြီး ၂ ယောက်ရဲ့ မှတ်တမ်းကို ကျနော်တို့က မေးတာပါ။ မေးတဲ့အခါ သူတို့က နေပြည်တော်က အရာရှိဆိုတဲ့အမည်နဲ့ လာပြီး တွေ့တာ မရှိပါဘူးတဲ့။ ဒါပေမယ့် ပဒိုမန်းငြိမ်းမောင်က သူတို့ဆီကို စက်တင်ဘာ ၃ ရက်နေ့ ရောက်တယ်။ ၅ ရက်နေ့မှာ စရဖ ထောက်လှမ်းရေးကို လွှဲပေးလိုက်တယ်။ ကြည့်ရတာ စရဖမှာပဲ တွေ့တယ်လို့ပဲ ယူဆရတယ်ပေါ့။ အဲဒီ မှတ်တမ်းတွေကို စရဖက လာပြီး သက်သေမခံတော့ ကျနော်တို့ တရားရုံးက ဖော်မပေးတဲ့အခါ ကျနော်တို့ အဲဒါကိုတော့ မသိရဘူးဗျာ။”
ဒီကွဲလွဲချက်နဲ့ ပတ်သက်လို့ ပဒိုမန်းငြိမ်းမောင်ကို မေးရာမှာ စက်တင်ဘာ ၃ ရက်နေ့မှာ လာတယ်။ ဗိုလ်မှူးအဆင့်ရှိတယ်လို့ ဖြေခဲ့ပြီး ဒါကို ထောင်အရာရှိတွေက မဟုတ်မှန်ကြောင်း ငြင်းဆိုခဲ့တယ်လို့ ဆိုပါတယ်။
ပဒိုမန်းငြိမ်းမောင်ကို အစိုးရက နိုင်ငံတော်ပုန်ကန်မှု၊ တရားမဝင် အသင်းအပင်းနဲ့ ဆက်သွယ်မှု ပုဒ်မတွေနဲ့ တရားစွဲထားတာ ဖြစ်ပါတယ်။
နောက်တပတ်မှာ ကေအန်ယူနဲ့ အစိုးရအကြား ငြိမ်းချမ်းရေး အကျိုးဆောင်ပေးသူ တောင်ကလေးဆရာတော်ကို တရားခံသက်သေအ ဖြစ် ပင့်ဆောင်ဖို့ စီစဉ်ထားပြီး အစိုးရဘက်ကတော့ မစီစဉ်ပေးနိုင်ဘူးလို့ ဆိုပါတယ်။
လာမယ့်အပတ် ရုံးထုတ်အပြီး လျှောက်လဲချက်ပေးပြီးရင် အမိန့်ချမှတ်ဖို့ပဲ ကျန်တော့တယ်လို့ ရှေ့နေဦးကြီးမြင့်က ပြောဆိုပါတယ်။
ကေအန်ယူခေါင်းဆောင် ပဒိုမန်းငြိမ်းမောင်ဟာ ထိုင်းနိုင်ငံကနေ တရုတ်နိုင်ငံကို လေကြောင်းခရီးနဲ့ အသွားမှာ ထိုင်းနိုင်ငံတွင်း ပြည်ဝင် ခွင့် ဗီဇာမရလို့ တရုတ်နိုင်ငံမှာ သောင်တင်နေရာက မြန်မာအာဏာပိုင်တွေထံ လွှဲပြောင်းပေးခံရပြီး ရုံးတင်ခံနေရတာပါ။
ပြီးခဲ့တဲ့ သီတင်းပတ်တုန်းက တရားခံဘက်က သက်သေ ၈ ဦးတင်တဲ့အနက် ပြည်ထောင်စုဝန်ကြီး ဦးအောင်မင်း အပါအဝင် ၆ ဦးကို ပယ်ချခဲ့ပါတယ်။ ပဒိုမန်းငြိမ်းမောင်ကို ပြန်လည်လွတ်မြောက်မှာပါလို့ အစိုးရပြည်ထောင်စု ဝန်ကြီးတဦးက ကနဦးပိုင်းက ထုတ်ပြောထားဖူးပါတယ်။
No comments:
Post a Comment