ဒီတွေ့ဆုံပွဲမှာ အစိုးရနဲ့ အပစ်ခတ်ရပ်စဲရေး ယူထားတဲ့ကြားက တိုက်ပွဲတွေ ပြန်ဖြစ်နေတာတွေ၊ သျှမ်းတပ်မတော်သားတွေအတွက် ပြန်လည်နေရာချထားရေး ကိစ္စတွေအပါအ၀င် အချက် ၆ ချက်လောက်ကို ဆွေးနွေးခဲ့ကြတယ်လို့ အာစီအက်စ်အက်စ် ရဲ့ ပြောခွင့်ရသူ စိုင်းဆိုင်မိန်းက ပြောပါတယ်။
“အပစ်အခတ်ရပ်စဲရေး လက်မှတ်ထိုးပြီးတဲ့ နောက်ပိုင်း ငြိမ်းချမ်းရေးဖော်ဆောင်ရေးနဲ့ ပတ်သက်လို့ သဘောတူညီထားတဲ့အချက်တွေ အချို့ကိစ္စတွေကို အကောင်အထည်မဖော် နိုင်သေးတဲ့ ကိစ္စတွေကို ဆွေးနွေးတာပါ။ ၆ ချက် ၇ ချက်လောက်ရှိတာပေါ့။ အခု မုန်းထားမှာ အိမ်ဆောင်ပေးတဲ့ ကိစ္စပေါ့နော်။ နောက် တပ်မိသားစုတို့ စစ်ဘေးရှောင်ဒုက္ခသည်တွေကို ပြန်လည် နေရာချထားဖို့အတွက် ဒီကိစ္စတွေနဲ့ ပတ်သက်ပြီးတော့ အရင်က အစိုးရကလည်း ဒီဒေသတွေမှာ ကူညီမယ်လို့ ပြောထားပါတယ်။ ဒီကိစ္စတွေကို ပြန်ပြီး ဆွေးနွေးတာပါ။ နောက်တော့ မူးယစ်ဆေးဝါး တိုက်ဖျက်ရေး လုပ်ငန်း အကောင်အထည်ဖော်တဲ့ နေရာမှာ လက်တွဲ ပူးပေါင်းမှု သိပ်မရရှိသေးတဲ့ အပိုင်းတွေ ဆွေးနွေးပါတယ်။ အပစ်အခတ် အရပ်စဲပြီးနောက် တိုက်ပွဲတွေ ပြန်ဖြစ်နေတဲ့အကြောင်းတွေလည်း ဆွေးနွေးပါတယ်။ ”
ဒါ့အပြင် ရှမ်းပြည်တပ်မတော်ဘက်က ဆက်ဆံရေးရုံးတွေ ထပ်ဖွင့်နိုင်ဖို့၊ နယ်မြေတွေကို သတ်မှတ်ပေးနိုင်ဖို့ တောင်းဆိုထားတယ်လို့လည်း စိုင်းဆိုင်မိန်းက ပြောပါတယ်။
ရှမ်းပြည်တပ်မတော်အနေနဲ့ အစိုးရနဲ့ ပြီးခဲ့တဲ့ ၂၀၁၁ ဒီဇင်ဘာလမှာ အပစ်ခတ်ရပ် လက်မှတ်ရေးထိုးခဲ့တာဖြစ်ပြီး ကာလအားဖြင့် ၂ နှစ်ကြာပြီဖြစ်ပါတယ်။ ဒါပေမယ့် အပစ်ရပ်ချိန်က စပြီး အောက်ခြေအဆင့် နှစ်ဖက်တပ်တွေအကြား ထိတွေ့တိုက်ပွဲတွေ ဆက်လက် ဖြစ်ပွားမှုအကြိမ်ပေါင်းက ရာနဲ့ချီ ရှိနေပြီး ဒီတိုက်ပွဲ အများစုဟာ အစိုးရတပ်က အပစ်ခတ်ရပ် သဘောတူချက်အတိုင်း မလိုက်နာလို့ ဖြစ်ရတာလို့ အာစီအက်စ်အက်စ်က ပြောပါတယ်။
ဦးအောင်မင်းဦးဆောင်တဲ့ အစိုးရ ကိုယ်စားလှယ်အဖွဲ့ကတော့ တိုက်ပွဲတွေလျော့ချနိုင်အောင် ကြိုးစားပေးမယ့်အကြောင်း ရှမ်းလက်နက်ကိုင်အဖွဲ့ကို ပြန်လည်တုံ့ပြန်ပြောဆိုခဲ့တယ်လို့ သိရပါတယ်။
ဒီတွေ့ဆုံပွဲမှာ ရှမ်းပြည် ပြည်လည်ထူထောင်ရေးကောင်စီဘက်က ကိုယ်စားလှယ် ၅ ဦး တက်ရောက်ခဲ့ပြီး အစိုးရဘက်ကတော့ ၁၀ ဦး ကျော်လောက် တက်ရောက်ခဲ့ပါတယ်။
တွေ့ဆုံပွဲအပြီး ညစာစားပွဲမှာတော့ အာစီအက်စ်အက်စ် ဥက္ကဋ္ဌ ဒုတိယဗိုလ်ချုပ်ကြီး ယွက်စစ် ကိုယ်တိုင် တက်ရောက်ပြီး သူတို့အနေနဲ့ အစိုးရက လုပ်ဆောင်နေတဲ့ ငြိမ်းချမ်းရေး ဖော်ဆောင်မှုလုပ်ငန်းတွေကို အားပေးထောက်ခံကြောင်း ပြောဆို နှုတ်ဆက်ခဲ့ကြပါတယ်။
No comments:
Post a Comment