ဒုဝန်ကြီး ဦးမြင့်သိန်း ခရီးစဉ်အတွင်း စီးပွားရေးဇုံတည်ဆောက်ရန်နှင့် ပတ် သတ်ပြီး ဒေသခံများနှင့် တွေ့ဆုံခဲ့သည်။
“သူတို့က နိုင်ငံတကာကို တင်ဒါခေါ်ဖို့ အတွက် မြေနေရာတွေကို လာကြည့် တယ်။ အဲဒီမှာ ဒေသ ခံ တွေကို ပြောတာ ကတော့ ဒီမှာ စက်မှုဇုံ တစ်ခု လုပ်ဖို့ရှိတယ်။ ဒါပေမဲ့ တခြားစက်မှုဇုံတွေလို မဟုတ်ဘူး ပွင့်လင်းမြင်သာမှု ရှိရမယ်။ ဒေသခံ ပြည်သူတွေနဲ့ ညှိပြီး လုပ် သွားမယ်လို့ ပြောတယ်။စက်ရုံတခုလုံးအ တွက် ၂ ဧကခန့် အပင်တွေခုတ်လိုက်ရင် ပြန်ပြီး ၄ ဧက ဖြစ်အောင် စိုက်မယ် ဆိုတဲ့စီမံကိန်း တွေ ပါတယ်လို့ ပြောတယ် ”ဟု အလုပ်သမား ဒုဝန်ကြီး ဦးမြင် သိန်းတို့နှင့် တွေ့ဆုံပွဲသို့ တက်ရောက်ခဲ့သည့် ကိုလှမျိုးကျော်က ပြော သည်။
အဆိုပါ တွေ့ဆုံပွဲသို့ လူမှုရေးလုပ်ငန်းများ လုပ်ဆောင်နေသူများနှင့် မြို့မိမြို့ဘ ၂၀၀ ကျောက် တက် ရောက်ခဲ့သည်။
“ကျွန်တော်ကတော့ ဒေသခံတွေရဲ့ ကျန်းမာရေး၊ ပညာရေး အပါအ၀င် လမ်းပမ်း ဆက်သွယ်ရေး တွေ တိုးတက် လာမယ်ဆိုရင် ကျွန်တော်တို့ ကြိုဆိုပါတယ်။ ဒါပေမဲ့ ဆိုးကျိုးတွေ ဖြစ်လာမယ်ဆိုရင်လည်း ဒေသခံတွေကို ပွင့်ပွင့် လင်း လင်း ချပြဖို့ လိုတယ်။ ဒါမှ ဒီစက်ရုံးကို ဆောက် သင့်၊ မဆောက်သင့် ဆိုတာကို ဆုံးဖြတ်နိုင်အောင် သဘာဝ ပတ်ဝန်းကျင်ဆိုင်ရာ ကျွမ်း ကျင်တဲ့ ပညာရှင်တွေကိုပါဝင်တဲ့ စောင့်ကြည့်ရေးအဖွဲ့ တစ်ခုကို ထားဖို့လိုတယ်လို့ ကျွန်တော်က ဒေသခံတွေ ကိုယ်စား ဆွေးနွေးခဲ့ပါ တယ်။”
ဒေသခံများတင်ပြသည့် အချက်များကို အာဏာပိုင်များမှ သဘောတူ လက်ခံခဲ့ကြောင်း ဆွေးနွေးပွဲတွင် ပြောဆို ခဲ့သည်ဟု ဆိုသည်။
ဒုဝန်ကြီး ဦးမြင့်သိန်း ဦးဆောင်သော အဖွဲ့သည် ဟိုတယ်ဆောက်လုပ်ရန် အတွက် ကျောက်ဖြူ ပင်လယ် ကမ်းခြေ အနီး နေရာ ၂ ခုကို သွား ရောက် ကြည့်ရှု့ခဲ့သည်။ ရေနက်ဆိပ်ကမ်း တည်ဆောက်ရန် အတွက် ပဒေးကျွန်း တွင် ၁ နေရာနှင့် သစ်ပုတ်တောင်တွင် ၁ နေရာ ကို ရာ တားခဲ့သည်ဟု သိရသည်။
သို့သော်လည်း အဆိုပါ နေရာများမှာ အပြီးပိုင် သတ်မှတ်ခြင်း မဟုတ်ဘဲ တင်ဒါခေါ်သည့် အချိန်တွင် ရင်းနှီးမြုပ်နှံမည့်ကုမ္ပဏီများ၏ သဘော နှစ်သက်မှုအပေါ် မူတည်ပြီး ရွှေးချယ် သတ်မှတ်သွားမည်ဟု ဆိုသည်။
ယခင် ဆောက်လုပ်နေသည့် ရွှေဂတ်စီမံကိန်း အစိတ်အပိုင်း တခုဖြစ်သည့် မဒေးကျွန်း ရေနက်ဆိပ်ကမ်းကဲ့သို့ ဒေသခံများ အတွက် နစ်နာ မှုများရှိမည်ဆိုလျှင်၊ အလားတူ နစ်နာမူများ ဖြစ်မည်ဆိုလျှင် ဒေသခံများ လက် ခံနိုင်မည် မဟုတ်ကြောင်း ဒေသခံများက တင်ပြ ပြောဆိုခဲ့ ကြသည်ဟု သိရသည်။
ဒေသခံများ၏ လူနေမှု အဆင့်အတန်း မြင့်မာလားမည် ဆိုလျှင် စီမံကိန်းကို ကြိုဆိုနိုင်ကြောင်း ဒေသခံများက ဆွေးနွေးပွဲတွင် တခဲနက် တင် ပြခဲ့ကြသည်ဟု သိရသည်။
No comments:
Post a Comment