ဘုရားသုံးဆူမြို့ အမှတ်(၂)ရပ်ကွက်ရှိ မြန်မာ့ ဆက်သွယ်ရေးဌာန ရုံးဝင်းအတွင်း ဒီဇင် ဘာ လ ၁၀ ရက် နေ့မှစ၍ ဖုန်းလိုင်းတိုင်များ စိုက် ထူနေ ရာ ယနေ့နံနက်တွင် ပြီးစီးသွား ပြီဖြစ်သည်။ အဆို ပါ GSM ဖုန်း ဆက်သွယ်ရေးလိုင်းကို ယခုလအကုန်တွင် စတင်အသုံး ပြု နိုင် တော့မည်ဟု မြန်မာ့ဆက်သွယ်ရေးဌာန နှင့် နီးစပ်သူတစ်ဦး က ပြောသည်။
၎င်းက “မနက်ဖြန်ဆိုရင်တော့ စက်ပစ္စည်းတပ်ဆင်မယ့် သူတွေ ရောက်လာကြတော့မယ် လို့ သိရပါ တယ်။ နောက်ပြီး ဒီလအကုန်မှာ ဖွင့် မယ်လို့လည်းကြား တယ်” ဟုပြောသည်။
ဘုရားသုံးဆူမြို့တွင် ဖုန်းလိုင်းတိုင်ထောင်ခြင်းနှင့် စက်ပစ္စည်းများ တပ်ဆင်ခြင်းကို မြန်မာ့ ဆက်သွယ် ရေးလုပ်ငန်းမှ ကန်ထရိုက်ရထား သည့်ရွှေသံလွင်ကုမ္ပဏီကလာရောက်တပ် ဆင်ပေးနေခြင်းဖြစ် ကြောင်းလည်း ၎င်းက ဆက်ပြောသည်။
ယခုတည်ဆောက်ပြီးစီးသွားသည့် GSM ဖုန်းလိုင်းတိုင်သည် အမြင့်ပေ ၁၄၀ ရှိသည့်အ တွက် ပြည်သူ များအနေဖြင့် ဘုရားသုံးဆူမြို့မှ သုံးမိုင်ပတ်လည် ဧရိယာအတွင်း GSM ဖုန်းများကို ဆက်သွယ် အသုံးပြုနိုင်ကြမည် ဖြစ်ကြောင်း သိရသည်။
ပြည်တွင်းသုံး GSM ဖုန်းများ ဘုရားသုံးဆူမြို့တွင် အသုံးပြုနိုင်ရန် လာရောက်လုပ်ဆောင်ပေးနေခြင်း နှင့်ပတ် သက်၍ သက်ဆိုင်ရာတာဝန်ရှိ သူများက ဒေသခံများကို လာရောက်ရှင်းလင်း အသိပေးပြော ကြားသွားခဲ့ပြီးဖြစ်ကြောင်းလည်း ဒေသခံတစ်ဦးက ပြောသည်။
ဘုရားသုံးဆူမြို့ ဒေသခံတစ်ဦးက “အဓိကတော့ အခုအစိုးရနဲ့ ငြိမ်းချမ်းရေးယူထားတဲ့ ကေအဲန်ယူက ဒီဒေသတွေမှာ ဆက်သွယ်ရေးကောင်းဖို့ အစိုးရကို တောင်းဆိုထားတာတွေရှိတဲ့ အတွက်လာလုပ်ပေး တယ်လို့ သိရတယ်” ဟုပြောသည်။
ဘုရားသုံးဆူမြို့တွင် GSM ဖုန်းလိုင်းတပ်ဆင်ပြီးစီးသွားပါက ပြည်တွင်းဆက်သွယ်ရေးမှာ ပိုမိုလွယ်ကူကောင်းမွန်လာမှာဖြစ်ပြီးစီးပွားရေး လုပ် ငန်းများအတွက်ပါ များစွာအထောက်အ ကူဖြစ်သောကြောင့် ဒေသခံများက ၀မ်းသာနေကြသည်။
လက်ရှိအချိန်အထိ ဘုရားသုံးဆူမြို့ဒေသခံများသည် ထိုင်းနိုင်ငံတွင် အသုံးပြုနေကြသည့် နံပါတ် ၁၀ လုံးပါသည့် ထိုင်းဖုန်းများကိုသာ အ သုံး ပြုနေကြရဆဲဖြစ်ပြီး ပြည်တွင်းသုံး GSM ဖုန်းကို အသုံးပြုနိုင် တော့မည်ဆိုပါကနှစ်သိန်းတန် GSM ဖုန်းကဒ်များကိုစတင်အသုံးပြုကြ ရတော့ မည် ဖြစ်ကြောင်း သိရ သည်။
No comments:
Post a Comment