ဧရာဝတီတိုင်း လမ်းတံတား တင်ဒါနှင့်လေလံများ စိတ်ဝင်စားကြေး ကောက်သည့်စနစ် ဖျက်သိမ်း

ဆလိုင်းသန့်စင်

ဧရာဝတီတိုင်း ဒေသကြီးအတွင်းရှိ လမ်းတံတား ဂိတ်ကြေး လေလံများ၊ လမ်းတံတား တည်ဆောက်ရေး တင်ဒါများ ခေါ်ယူရာတွင် စိတ်ဝင်စားကြေး ကောက်ခံသည့်စနစ်ကို ဧရာဝတီတိုင်း အစိုးရသစ်က ပယ်ဖျက်လိုက်ကြောင်း သတင်းရရှိသည်။

“ဆောက်လုပ်ရေးဌာန လက်အောက်က လမ်းတံတား ဂိတ်ကြေးလေလံတွေမှာ စိတ်ဝင်စားကြေး ကောက်ခံတဲ့စနစ်ကို ဒီနှစ်ကစပြီး ဖျက်သိမ်းလိုက်ပါပြီ။ ဒါက ကျနော်တို့အစိုးရရဲ့ရက် ၁၀၀ စီမံကိန်းအဖြစ် လုပ်ဆောင်တာပါ။ စိတ်ဝင်စားကြေး ကောက်တဲ့ စနစ် အစား Show Money (လေလံဆွဲနိုင်သည့် ငွေပမာဏ) ပြခိုင်း၊ ဘဏ်မှာသွင်းခိုင်းပြီး လေလံပွဲပြီးတဲ့အခါ အဲဒီငွေတွေအကုန် ပြန် ထုတ်ပေးမယ့်စနစ်ကို ပြောင်းလဲထားပါတယ်”ဟု ဧရာဝတီတိုင်း အစိုးရအဖွဲ့ဝင် လျှပ်စစ်၊ စွမ်းအင်၊ စက်မှုလက်မှုနှင့် လမ်းပန်း ဆက်သွယ်ရေး ၀န်ကြီး ဦးဝင်းဌေးက ဧရာဝတီကို ပြောသည်။

ဆောက်လုပ်ရေး ၀န်ကြီးဌာနအနေဖြင့် လမ်း၊ တံတား အသုံးပြုခ ကောက်ခံရေးဂိတ်များအား ယခင်နှစ်များက လေလံပစ်ခဲ့ရာတွင် ကြမ်းခင်းဈေးဖြင့်သာ လုပ်ငန်းရှင်များကို လုပ်ကိုင်စေခဲ့ခြင်းဖြစ်ပြီး လုပ်ကိုင်လိုသူ များပြားသည့်အတွက် စိတ်ဝင်စားကြေး ကောက် ခံ ၍ မဲနှိုက်စေခဲ့ပြီး မဲပေါက်သူအား တနှစ်တာ ကောက်ခံခွင့်ပြုသည့်စနစ် ကျင့်သုံးခဲ့သည်။

လမ်းတံတားလေလံ ကြမ်းခင်းဈေး ကျပ်သိန်း ၃၀၀ အောက် တန်ဖိုးရှိ လမ်းတံတားများအတွက် စိတ်ပါဝင်စားကြေး ကျပ် ၁ သိန်း၊ ကျပ်သိန်း ၃၀၀ မှ ၆၀၀ ကြား တန်ဖိုးရှိ လမ်းတံတားအတွက် ကျပ် ၂ သိန်း နှင့် ကျပ်သိန်း ၆၀၀ အထက် တန်ဖိုးရှိလုပ်ငန်းအတွက် ကျပ် ၃ သိန်း ပေးသွင်းရသည်။

လုပ်ငန်းရှင်များသည် အဆိုပါဂိတ်များ လုပ်ကိုင်ခွင့်ရရန်အတွက် လူ ၃၀၊ ၄၀ ခန့်ကိုငွေထုတ်ပေး၍ မဲနှိုက်စေခြင်းများ လုပ်ဆောင် ခဲ့ကြသည့်အတွက် လမ်းတံတားပွဲတခုတွင် လုပ်ကိုင်လိုသူပေါင်း ၁၅၀ မှ ၃၀၀ ကျော်အထိ ၀င်ရောက်မဲနှိုက်မှုများ ရှိခဲ့သည်။

မဲပေါက်သူက လုပ်ငန်းလုပ်ကိုင်ခွင့် ရရှိပြီးနောက် လေလံမဲနှိုက်ပွဲပြီးဆုံးချိန်တွင် စိတ်ဝင်စားကြေး ကျပ် သိန်း ထောင်နှင့်ချီသည့်ငွေများကို နိုင်ငံတော် ဘဏ္ဍာအဖြစ် သိမ်းယူလေ့ ရှိကြောင်း သိရသည်။

မြောင်းမြမြို့မှ လမ်းတံတားကြေး ကောက်ခံသည့်လုပ်ငန်းရှင် တဦး ဖြစ်သူ ဦးစိုးစိုးက“စိတ်ဝင်စားကြေးစနစ် ဖျက်သိမ်းလိုက်ပြီး Show Money ပြပြီး လုပ်ခိုင်းတဲ့စနစ် ပြောင်းလိုက်တာ ကောင်းပါတယ်။ ဒါပေမယ့် ဧရာဝတီတိုင်းမှာက တံတား ၂၇ စင်းရှိတာ ၂၂ စင်းကို ဖျက်သိမ်းလိုက်တော့ လုပ်ငန်းက ၅ ခုပဲ ကျန်တော့တယ်။ ဒါကိုဝင်ဆွဲဖို့ကျတော့ လူကအရမ်းများပြီး ပြိုင်ဆိုင်မှုတွေက အရမ်း များသွားမယ့် သဘောရှိတယ်”ဟု ပြောသည်။

ဧရာဝတီတိုင်း အတွင်း တံတား ၂၇ စင်း ရှိရာ ပြီးခဲ့သည့် ဧပြီလ အတွင်းက တံတား ၂၂ စင်း ၏ လမ်းတံတား အသုံးပြုမှု ကောက်ခံ သည့် လုပ်ငန်းများကို ဖျက်သိမ်းခဲ့ခြင်း ဖြစ်သည်။

ဆောက်လုပ်ရေးဌာနက အဆိုပါ စိတ်ဝင်စားကြေးစနစ်ကို ဖျက်သိမ်းခဲ့သလို ကျေးလက်ဒေသဖွံ့ဖြိုး တိုးတက်ရေး ဦးစီးဌာနက လည်း ဒေသဖွံ့ဖြိုးရေး လမ်းတံတား ဆောက်လုပ်မှုများအတွက် တင်ဒါ ခေါ်ယူရာတွင် လမ်းတံတား တင်ဒါကြေး တန်ဖိုး၏ ၀.၂ ရာခိုင်နှုန်းကို စိတ်ဝင်စားကြေးအဖြစ် ယခင်နှစ်များက ကောက်ခံသည့်စနစ်ကို ယခုနှစ်တွင် ဖျက်သိမ်းခဲ့သည်။

“စိတ်ဝင်စားကြေး မကောက်ဖို့ ညွန်ကြားချက်က နှစ်လယ်လောက်က ထွက်လာတဲ့အတွက် အဲဒီအချိန်ကတည်းက မကောက် တော့တာပါ။ ယခင်တုန်းက ကောက်ခဲ့တဲ့ဟာတွေကလည်း ဌာနအတွက် ကောက်တာ မဟုတ်ပါဘူး။ နိုင်ငံတော်အစိုးရကိုပေးသွင်း ရတာပါ”ဟု ဧရာဝတီတိုင်းဒေသကြီး ကျေးလက် ဖွံ့ဖြိုးတိုးတက်ရေး ဦးစီးဌာန ညွန်ကြားရေးမှူး ဦးစိုးသန်းက ပြောသည်။

ဧရာဝတီတိုင်းဒေသကြီး ကျေးလက် ဖွံ့ဖြိုးတိုးတက်ရေးဦးစီးဌာနမှ ၂၀၁၆-၂၀၁၇ ဘဏ္ဍာရေးနှစ် ငွေလုံးငွေရင်း အသုံးစရိတ် လမ်း အတွက် ကျပ် ၉၀၀၉ သန်း ရန်ပုံငွေဖြင့် တိုင်းဒေသကြီးအတွင်း ကွန်ကရစ်လမ်း ၂၆ မိုင် ၀.၁၁ ဖာလုံ၊ ကတ္တရာလမ်း ၂.၇ ဖာလုံ၊ ကျောက်ချောလမ်း ၆၉ မိုင် ၇.၇၄ ဖာလုံနှင့် မြေသားလမ်း ၃၂ မိုင် ၁.၉၂ ဖာလုံ ဆောင်ရွက် ရန် အိတ်ဖွင့်တင်ဒါ တင်သွင်းရန် ဇွန်လ ၁၇ ရက် နောက်ဆုံးထား ဖိတ်ခေါ်ထားကြောင်း သိရသည်။

တံတားရန်ပုံငွေ ကျပ် ၁၇၉၉ သန်းဖြင့် ကွန်ကရစ်တံတား ၁၈ စင်း၊ သစ်သားတံတား ၂၁ စင်းနှင့် ရေပြွန် (Box-Culvert) ၂၅ စင်း ဆောက်လုပ်ရန် အတွက် အိတ်ဖွင့်တင်ဒါ တင်သွင်းရန် ဇွန်လ ၁၇ ရက် နောက်ဆုံးထား ဖိတ်ခေါ်ထားသည်။

ဧပြီလအတွင်းက ဧရာဝတီတိုင်းဒေသကြီးအတွင်းရှိ လမ်းတံတား အသုံးပြုခကောက်ခံသည့် ဂိတ်ပေါင်း ၂၂ ဂိတ်ကို လုပ်ငန်းများ ဖျက်သိမ်းခဲ့သည့်အတွက် အဆိုပါဂိတ်များ လုပ်ကိုင်ခွင့်ရရှိရန် ပေးသွင်းခဲ့ရသည့် စိတ်ဝင်စားကြေးများ ပြန်ထုတ်ပေးရန် လုပ်ငန်းရှင် များက တောင်းဆိုခဲ့ရာ ဆောက်လုပ်ရေး ၀န်ကြီးဌာနက ပြီးခဲ့သည့် ဧပြီလအတွင်းက ပြန်လည် ထုတ်ပေးခဲ့ကြောင်း သိရသည်။

မဆလခေတ်က သိမ်းထားသောလယ်မြေ ပြန်လည်ရရှိရန် ဝန်ကြီးချုပ်ထံ တောင်းဆိုမည်

မာန်ဇာမြေမွန်

မဆလခေတ်က သိမ်းဆည်းခံခဲ့ရသော လယ်ယာမြေများ ပြန်လည်ရရှိရန်အတွက် တိုင်းဒေသကြီးဝန်ကြီးချုပ်ထံ တိုင်ကြားတောင်းဆိုသွားမည်ဟု မုံရွာခရိုင်၊ ချောင်းဦးမြို့နယ်မှ လယ်သိမ်းဆည်းခံတောင်သူများက ပြောသည်။

၁၉၇၅ ခုနှစ်တွင် ဧက ၃၅၅၀ ရှိ ပေါက်အင်းစိုက်ကွင်းကို လယ်ယာစိုက်ပျိုးရေးဝန်ကြီးဌာနမှ သိမ်းဆည်းခဲ့ပြီး ၁၉၉၃ ခုနှစ်တွင် ဧက ၁၀၀၀ အားပြန်လည်ပေးအပ်ခဲ့သော်လည်း ပြန်ပေးသည့် မြေများကို မူလပိုင်ရှင် လယ်သမားများက မရရှိခဲ့ဟု သိရသည်။

သိမ်းဆည်းခံခဲ့ရသော အမှတ်(၄) ပေါက်အင်းစိုက်ကွင်းသည် မကျီးခွ၊ မကျီးဘုတ်၊ ရွှေလှေ၊ တောကျောင်းကြီး၊ သုံးပန်လှ၊ စသည့်ကျေးရွာတို့ ပါဝင်ခဲ့ပြီး တောင်သူ ၂၀၀ ကျော်က မူလပိုင်ဆိုင်ထားကြောင်း သိရသည်။

ထို့ပြင် ၁၉၉၂ ဝန်းကျင်ခန့်က ဆင်ဖြူ ရှင်တံတားဆောက်လုပ်ရန်အတွက်ဟု ဆိုကာ လယ်ယာမြေဧက ၂၀၀ ကျော် သိမ်းဆည်းခံခဲ့ရပြီး တံတားဆောက်လုပ်ပြီးချိန်တွင် ပိုလျှံမြေတစ်ချို့အား ပြန်လည်ပေးအပ်ခဲ့သော်လည်း အစိုးရနှင့် နီးစပ်သူများသာ ရရှိခဲ့သည်ဟုလည်း တောင်သူများက ပြောသည်။

"လယ်သိမ်းခံရတာတွေကို အရင်အစိုးရလက်ထပ်ကတည်းက အကြိမ်ကြိမ် ပြန်လည်တောင်းဆိုခဲ့ပေမယ့် အရာမထင်ခဲ့ပါဘူး၊ ဒါ့ကြောင့်မို့ အခုထပ်မံတောင်းဆိုပါ့မယ်၊ စစ်ကိုင်းတိုင်းဝန်ကြီးချုပ်ထံ
တင်ပြတောင်းဆိုသွားမှာဖြစ်ပါတယ်။ တိုင်းဒေသကြီးအစိုးရအဖွဲ့အနေနဲ့ကလည်း လယ်သိမ်းခံရတာတွေကို အမြန်ဆုံးဖြေရှင်းပေးသွားမယ်လို့ ယူဆမိပါတယ်၊" သိမ်းဆည်းခံလယ်မြေများ ပြန်လည်ရရှိရေးကူညီပေးနေသူ နိုင်ငံရေးအကျဉ်းသားဟောင်း ဦးကျော်ဆွေက ပြောသည်။

ချောင်းဦးမြို့နယ် အမှတ်(၄)ပေါက်အင်းစိုးက်ကွင်းမြေများ ပြန်လည်ရရှိရေးအတွက် ၂၀၁၄ ခုနှစ်အတွင်းက ဆန္ဒပြတောင်းဆိုမှုများလည်း လယ်သိမ်းခံတောင်သူများက ပြုလုပ်ခဲ့ကြသည်။

အစိုးရတပ်မှ ရှမ်းမြောက် မန်ပင်းရွာ ကို မီးရှို့

Kachinnews

ရှမ်းပြည်နယ်မြောက်ပိုင်း ဖာင်းဆိုင်ကျေးရွာ (Hpawng Seng) အနီး မန်ပင်းရွာ (Man Ping) ကို မေ ၂၂၊ ယနေ့ ညနေ ၅ နာရီခွဲခန့် အစိုးရတပ်မှ မီးရှို့ခဲ့ကြောင်း သိရပါသည်။

မုန်းကို (Munggu) ဘက်မှ တက်လာသော ယင်း အစိုးရ စစ်ကြောင်းနှင့် ကချင် လွတ်လပ်ရေး တပ်မတော် KIA တပ်မဟာ ၆ အောက် တပ်ရင်း (၃၈) ကြား ရွာအနီး မွန်းလွဲပိုင်း ၃ နာရီခွဲခန့်မှစပြီး တိုက်ပွဲ ပြင်းထန်ခဲ့ရာ အစိုးရတပ် ဘက် အထိနာသဖြင့် ယခုလို မီးရှို့ခဲ့ခြင်းဖြစ်ကြောင်း KIA တပ်မဟာ ၆ အရာရှိတဦး ကချင်သတင်းဌာန KNG ကိုပြောပါသည်။

ညနေ ၅ နာရီခွဲမှ ရှို့ခံရသော မန်ပင်းရွာ (Man Ping) တွင် ည ၉ နာရီခန့် အထိ မီး မငြိမ်းသေးဘဲ လောင်နေသေးကြောင်း သူက ဆက်ဆိုသည်။

မန်ပင်းရွာ (Man Ping) သည် KIA တပ်ရင်း ၃၈ နယ်မြေဖြစ်ပြီး တရုတ်နယ်စပ် အနီး ကချင်လူမျိုးများ သီးသန့် နေထိုင်ပြီး အိမ်ခြေ ၃၀ ကျော်ခန့်ရှိသော ရွာတစ်ရွာဖြစ်ပါသည်။

ရွာအနီး နယ်စပ်ဘက်တွင် တရုတ်တပ်ဖွဲ့များ ရှိနေသောကြောင့် စစ်ပြေးဒုက္ခသည်များမှာ တစ်ဖက်သို့ မကူးနိုင်ဘဲ အဆင်ပြေသည့် အနီးနားနေရာများတွင်သာ တိမ်းရှောင်နေရကြောင်း KIA တပ်မဟာ ၆ အရာရှိက ဆက်ပြောခဲ့ပါသည်။

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်မှ ၂၁ ရာစု ပင်လုံညီလာခံကို လာမည့် ဇူလိုင်လ အတွင်း ပြုလုပ်နိုင်ရန် ကြိုးပမ်းနေချိန် တစ်ဖက်တွင်လည်း အစိုးရတပ်က နိုင်ငံရေးဆွေးနွေးရန် စောင့်ဆိုင်းနေသည့် ကချင် လွတ်လပ်ရေး အဖွဲ့ KIO/KIA ကို ပြီးခဲ့သည့် ဧပြီလမှ လေကြောင်း အကူအညီဖြင့် ထိုးစစ်ဆင် တိုက်ခိုက်မှုများ အရှိန်မြှင့် ပြုလုပ်နေပါသည်။

မဲဆောက်မြို့ရှိ မယ်တော်ဆေးခန်းအသစ် ဖွင့်လှစ်မည်

ဂျာဆိုင်းပန်

မယ်တော်ဆေးခန်းအား နေရာသစ်တွင် ပြောင်းရွှေ့ ဖွင့်လှစ်ခြင်း အတွက် ဖွင့်ပွဲအခမ်းအနားကို မေလ ၂၈ ရက် နေ့လည် ၁နာရီတွင် ကျင်းပမည်ဖြစ်သည်။

မယ်တော်ဆေးခန်းတည်ရှိရာ နေရာဟောင်းသည် ငှားရမ်းထားသည့်မြေဖြစ်သည့်အပြင် နေရာ အကျယ်အ၀န်း အကန့်အသတ်ရှိသောကြောင့် ဆေးခန်း ပြင်ဆင်တိုးချဲ့ရန် အဆင်မပြေဘဲ အခက်အခဲ များစွာရှိသည့်အတွက် မယ်တော်ဆေးခန်းသစ်အား ဝန်ဆောင်မှုအရည်အသွေး မြှင့်တင်ရန် ရည်ရွယ်ထားသည့် ဆေးခန်းနေရာသစ်တွင် ပြောင်းရွှေ့ဖွင့်လှစ်တော့မည် ဟုသိရသည်။ ဆေးခန်းသစ်၏ တည်နေရာမှာ အမှတ် ၇၀၂/၁ လမ်းသွယ် ၁၊ သာဆိုင်လွဒ်၊ မဲဆောက်၊ တပ်ခ်ခရိုင် ဖြစ်သည်။

လွန်ခဲ့သည့် ၁၀ နှစ်ကာလအတွင်းတွင် မယ်တော်ဆေးခန်းသည် ဆေးခန်းသစ်အတွက် မြေနေရာရှာဖွေခြင်း၊ ရံပုံငွေစုဆောင်းခြင်း၊ ဆေးခန်း အဆောက်အဦများ ပုံစံရေးဆွဲခြင်းနှင့် တည်ဆောက်ခြင်းတို့အား လုပ်ဆောင်ခဲ့ပြီး ယခုအချိန်တွင် ဆေးခန်းနေရာသစ် ဖွင့်လှစ်နိုင်ပြီဖြစ်ကြောင်း လည်းသိရသည်။

မြန်မာနိုင်ငံလုံးအနှံ့ ဒီမိုကရေစီလူထုလှုပ်ရှားမှုကြီးအား မြန်မာစစ်အစိုးရမှ အကြမ်းဖက်နှိမ်နင်းခဲ့ပြီး ငြိမ်းချမ်းစွာ ဆန္ဒပြလှုပ်ရှားသူများ ထောင်နှင့်ချီ၍ မြန်မာနိုင်ငံနယ်စပ်ဒေသများသို့ ရောက်ရှိလာပြီးနောက် ၁၉၈၉ ခုနှစ်တွင် မယ်တော်ဆေးခန်းအား စတင်တည်ထောင်ခဲ့ပါသည်။

အစိုးရတပ် နှင့် KIA သီးခြား ဒေသ နှစ်ခု တွင် တိုက်ပွဲ ဖြစ်ပွား

Kachinnews

မြန်မာ အစိုးရတပ်နှင့် ကချင် လွတ်လပ်ရေး တပ်မတော် KIA ကြား ကချင်ပြည်နယ်နှင့် ရှမ်းပြည်နယ် မြောက်ပိုင်း ဒေသ နှစ် ခုတွင် မေ ၁၉၊ ယနေ့ တိုက်ပွဲများ ဖြစ်ပွားနေပါသည်။

ကချင်ပြည်နယ် တောင်ပိုင်း မံစီမြို့နယ် KIA တပ်ရင်း (၂၇) နယ်မြေတွင်း အစိုးရတပ်များနှင့် တိုက်ပွဲ နှစ်နေရာတွင် ပြင်းထန်စွာ ဖြစ်ပွားနေပါသည်။

တပ်ပျက်သည့် အနေအထား ရောက်နေသည့် အစိုးရ ခလရ (၂၇၆) ရှိရာ အူလန်ပါ (Ulang Pa) ဘက်ကို ခမရ (၆၀၁) စစ်ကူများ ပြန်လည် ဝင်ရောက်လာသဖြင့် ယနေ့ မနက်အစောပိုင်းမှ KIA တပ်ရင်း (၂၇) နှင့် လက်နက်ကြီး အပြန်အလှန် ပစ်ခတ်မှု ဖြစ်ပွားခဲ့ကြောင်း KIA သတင်း ရပ်ကွက် က ပြောသည်။

ထို့အပြင် KIA တပ်ရင်း (၂၇) နယ်မြေ ဖြစ်သည့် မုန်းခေါင် (Mung Hkawng) နှင့် ကရှောက် (Kashawt) ကြား ဂျောင်ဝေါင်ပါ (Jau Wawng Pa) တွင် အစိုးရ ခမရ (၃၁၉) စစ်ကြောင်း နှင့် KIA တပ်ဖွဲ့များ ယနေ့မနက် အစာပိုင်းမှ စပြီး တိုက်ပွဲ ပြင်းထန်စွာ ဖြစ်ပွားလာကြောင်း KIA သတင်းများ ဆက်ပြောသည်။

မေလ (၁၅) တနင်္ဂနွေနေ့ မှစပြီး တိုက်ပွဲအပြင်းအထန် ဖြစ်ပွားလာသည့် မံစီမြို့နယ်တွင် KIA တပ်များကို အစိုးရ ဂျက်တိုက် လေယာဉ် (၂) စီး နှင့် မေလ (၁၇) ရက်နေ့က (၂) ကြိမ်လာရောက် ဗုံးကျဲတိုက်ခိုက်ခဲ့ပြီး နောက်နေ့ တွင်လည်း တိုက်ခိုက်ရေး ရဟတ်ယာဉ် (၂) စီးဖြင့် ထပ်မံ ဗုံးကျဲ တိုက်ခိုက်ခဲ့သည်။

ထို့နောက် ရှမ်းပြည်နယ်မြောက်ပိုင်း တာမိုးညဲ နှင့် မုန်းစီး ကြား၊ မုန်းစီ အနီး ပင်းလုံ ဘက်တွင်လည်း KIA တပ်မဟာ (၆) အောက် တပ်ရင်း (၂) အဖွဲ့နှင့် အစိုးရ တပ်ကြား ယနေ့ တိုက်ပွဲ ဖြစ်နေကြောင်း တပ်မဟာ (၆) အရာရှိတဦး ကချင်သတင်းဌာန KNG ကို အတည်ပြု ပြောခဲ့သည်။

ယင်း KIA တပ်ရင်း (၂) နယ်မြေတွင် တိုင်းရင်းသား လက်နက်ကိုင် တော်လှန်ရေး အဖွဲ့များဖြစ်ကြသည့် ရက္ခိုင်တပ်မတော် (AA)၊ တအောင်းတပ် (TNLA) နှင့် ရှမ်းပြည်တပ်မတော် တောင်ပိုင်း (RCSS) တို့လည်း ရောက်ရှိနေပါသည်။ ၎င်း ဒေသတွင် လက်ရှိ စစ်ရေး လှုပ်ရှားနေသော အစိုးရ စစ်ကြောင်းများတွင် တပ်မ ၁၁၊ ၅၅ နှင့် ၉၉ တို့ ပါဝင်ပြီး ဆက်လက်ပြီး မြောက်ဘက် မုန်းဂျီ၊ မုန်းဘော်၊ မုန်းကို ဒေသများသို့ ချီတက်လာဖွယ် ရှိနေသည် ဟု အထက် က KIA တပ်မဟာ (၆) အရာရှိ ပြောပါသည်။

ရှမ်းမြောက် တိုက်ပွဲများကြောင့် ဒေသခံ တိုင်းရင်းသား ပြည်သူများသည် အစိုးရတပ်များ၏ ပစ်မှတ်ထားကာ အတင်းအကြပ် မေးမြန်း စစ်ဆေးမှုများ ကို ခံနေရခြင်းကြောင့် နေ့စဉ် ခရီး သွားလာရေးတွင် စိုးရိမ်နေရကြောင်း ဒေသခံများ ကချင်သတင်းဌာန KNG ကို ပြောလာပါသည်။

ညောင်တုန်း သဇင်ရေကျော် တောင်သူ ၂၀၀ကျော် ငါးကန်တူးခြင်းရပ်ပေးရန် ဆန္ဒပြ

စည်သူမောင်မောင်

ညောင်တုန်းမြို့၊ သဇင်​​ရေ​ကျော်​​ကျေးရွာ မှ ​တောင်​သူလယ်​သမား အင်​အား၂၀၀​ကျော်​မှာ သဇင်​​ကျေးရွာအနီးရှိ ငါးကန်​တူး​နေခြင်းကို ချက်​ချင်းရပ်​ဆိုင်း​ပေး​ရန်​ ဧရာဝတီတိုင်း​ဒေသကြီးအစိုးရအဖွဲ့ထံ ဆန္ဒ​ဖော်​ထုတ်​​တောင်းဆိုပွဲကို ​မေလ၂၇ရက်​​နေ့တွင်​ ပုသိမ်​မြို့တွင်​ ပြုလုပ်ခဲ့သည်။ "ကျွန်​​တော်​တို့ ​ဒေသခံပြည်​သူ​တွေမှာ လယ်​မဲ့ယာမဲ့လည်းဖြစ်​တယ်​။ လုပ်​ကိုင်​စား​သောက်​ဖို့​နေရာလည်းမရှိဘူး၊ကုမ္ပဏီ​တွေက မလုပ်​နိုင်​လို့ပြန်​အပ်​ထားတဲ့ အင်း​တွေကို ကျွန်​​တော်​တို့က လယ်​​မြေယာ​မြေအဖြစ်​​လျှောက်​တယ်။

ကျွန်​​တော်​တို့ တ​ယောက်​ နှစ်ဧကပဲရတယ်​။ အစိုးရကို ဆင်းရဲနွမ်းပါးတဲ့လူ​တွေကို တန်းတူညီမျှ​ပေး​စေချင်​ပါတယ်​"ဟု သ​ဇင်​​ကျေးရွာ​နေ ဦးဟင်​သန်းက ဆန္ဒ​ဖော်​ထုတ်​ရမှုအား မဇ္ဈိမသို့​ပြောသည်​။ ဆန္ဒ​ဖော်​ထုတ်​ပွဲတွင်​ သဇင်​​ရေ​ကျော်​ ​ကျေးရွာအနီးရှိ အင်း​ချောင်းများအား​ ဒေသခံ​ရေလုပ်​သားများ လွတ်​လပ်​စွာ ရှာ​ဖွေစား​သောက်​​ခွင့်​ရရှိ​ရေး၊ သဇင်​​ကျေးရွာအနီးရှိ ငါးကန်​တူ​နေခြင်းကို ချက်​ချင်းရပ်​ဆိုင်း​ပေး​စေ​ရေး၊ ဆန္ဒ​ဖော်​ထုတ်​​တောင်းဆိုချက်​များကို အမြန်​ဆုံး ကွင်းဆင်းစစ်​​ဆေး​ပေး​ရေး တို့အ​ရေး စသည့်​​ကြွေး​ကြော်​သံများ၊ လက်​ကိုင်​ဆိုင်းပုဒ်​များဖြင့်​ ​တောင်းဆိုခဲ့သည်​။

"ကျွန်​​တော်​တို့က အစိုးရကို သိ​အောင်​ထုတ်​​ဖော်​ပြရတာ၊ ကျွန်​​တော်​တို့ ​တွေ့ဆုံညှိနှိုင်းတာ မြို့နယ်​၊ ခရိုင်​၊ တိုင်းမှာလည်း လယ်​ဆည်​ဝန်​ကြီးနဲ့​တွေ့ဆုံညှိနှိုင်းခဲ့ပါတယ်​။ လုပ်​​ပေးမယ်​လို​ပြောပြီး ယ​နေ့အထိမလုပ်​​ပေးလို့ ဆန္ဒ​ဖော်​ထုတ်​ရတာပါ။ ဆန္ဒ​ဖော်​ထုတ်​တာ ​ငွေကုန်​တယ်။ လူပင်ပန်းတယ်။ မလုပ်​​ပေးလွန်​အားကြီးလို့ တွေ့ဆုံညှိနှိုင်း​ရေးကို သူတို့ဘက်​က လျစ်​လျရှုလို့လုပ်​ရတာပါ" ဟု လယ်​သမားအ​ရေးလိုက်​ပါ​ဆောင်​ရွက်​​ပေးသူ ပုသိမ်​မြို့​မှ နေဦးမြင့်​နိုင်​က မီဒီယာများကို ပြောသည်​။ ၂၀၁၄ခုနှစ်​တွင်​ သဇင်​​ကျေးရွာမှ လယ်​သမား၁၂၉ဦးမှ လယ်​ယာလုပ်​ပိုင်​​ခွင့်​​လျှောက်​ထား​သော်​လည်းမရရှိဘဲ၊လယ်​သမား၆၆ဦးအား တ​ယောက်​လယ်​​မြေ နှစ်ဧကစီ လက်ရှိအစိုးရက လုပ်​ခွင့်​​ပေးပြီး၊ လုပ်​ငန်းရှင်​၅ဦးအား ဧက၄၀၀​ကျော်​ကို ယခင်အစိုးရက ချပေးခဲ့ချထား​ပေး​ကြောင်း ဆန္ဒ​ဖော်​ထုတ်​သူများက ဆိုသည်။

လိုက်နာမှု အားနည်းသည့် ပုဂ္ဂလိက လျှပ်စစ်ကုမ္ပဏီများကို လုပ်ပိုင်ခွင့် ရုပ်သိမ်းမည်

မေသင်္ကြန်

ပုဂ္ဂလိက လျှပ်စစ်ကုမ္ပဏီတွေအနေနဲ့ စာချုပ်ပါအချက်တွေကို လိုက်နာဆောင်ရွက်မှု အားနည်းတာကြောင့် လုပ်ပိုင်ခွင့်တွေ ပြန်လည်ရုပ်သိမ်းသွားမယ်လို့ ရန်ကုန်တိုင်းဒေသကြီး လျှပ်စစ်ဝန်ကြီးက ပြောဆိုလိုက်ပါတယ်။

အရင်အစိုးရလက်ထက်က ရန်ကုန်တိုင်းအတွင်း လျှပ်စစ်ဓာတ်အား ဖြန့်ဖြူးရေး လုပ်ငန်းကို ပုဂ္ဂလိက ကုမ္ပဏီတွေကို ရောင်းချပြီး လုပ်ကိုင်ခဲ့ပေမယ့် လက်ရှိမှာ ကုမ္ပဏီတွေရဲ့ ဝန်ဆောင်မှု အားနည်းတာကြောင့် လျှပ်စစ်မီး ပြတ်တောက်မှုတွေ ဖြစ်ပေါ်ခဲ့ပါတယ်။

ကုမ္ပဏီတွေဘက်က စာချုပ်ပါကတိတွေကို ဖောက်ဖျက်ခဲ့တဲ့အတွက် လျှပ်စစ်ကုမ္ပဏီတွေရဲ့ လုပ်ပိုင်ခွင့်တွေကို ရုပ်သိမ်းဖို့အထိ လုပ်ဆောင်သွားမယ်လို့ ရန်ကုန်တိုင်းဒေသကြီး အစိုးရအဖွဲ့ လျှပ်စစ်ဝန်ကြီး ဒေါ်နီလာကျော်က ပြောဆိုလိုက်တာပါ။

“YESC အနေနဲ့ ဘဏ္ဍာငွေ အကန့်အသတ်ဖြင့် ရန်ကုန်တိုင်းဒေသကြီး တ၀ှမ်းလုံး ဖြန့်ကြက်ဆောင်ရွက်မှုအတွက် Franchise ခွင့်ပြုခြင်းဖြင့် မြို့နယ်အသီးသီးတွင် တပြိုင်နက်တည်း မီးသုံးသူပြည်သူများအတွက် ဓာတ်အား ဖြန့်ဖြူးခြင်းစနစ် ဖွံ့ဖြိုးတိုးတက်စေရေး ပိုမိုဆောင်ရွက်နိုင်ရန် ဖြစ်ပါတယ်။ ဒါပေမယ့် လက်ရှိအနေအထားအရ YESC နဲ့ Franchise ကုမ္ပဏီများအကြား ချုပ်ဆိုထားတဲ့ ပဋိညာဉ်စာချုပ်မှာ Franchise ကုမ္ပဏီများ၏ လုပ်ငန်းတာဝန်များကို ရှင်းလင်း ဖော်ပြထားပါသည်။ သို့သော်လည်း ကုမ္ပဏီများရဲ့ ပဋိညာဉ်စာချုပ်များကို လိုက်နာဆောင်ရွက်ရန် အားနည်းမှု၊ ပျက်ကွက်မှုများ ရှိနေတဲ့အတွက် စာချုပ်များကို ပြန်လည် သုံးသပ်စိစစ်ပြီး၊ ကုမ္ပဏီများရဲ့ အခြေအနေကို ပြန်လည်သုံးသပ်စိစစ်ပြီး၊ လုပ်ကိုင်ခွင့်များ ရုပ်သိမ်းခြင်းများကို ၀န်ကြီးဌာနသို့ တင်ပြ၍ ဆောင်ရွက်သွားမှာ ဖြစ်ပါကြောင်း ရှင်းလင်း ဖြေကြားအပ်ပါတယ်။”

ရန်ကုန်မြို့အတွင်း YESC က အမျိုးသားဓာတ်အားစနစ် ဝယ်ယူတဲ့ယူနစ်နဲ့ ပြန်လည်သုံးစွဲတဲ့ ယူနစ်ပေါင်း နောက်ဆုံးစာရင်းကိုလည်း ဖော်ပြပေးဖို့ ကျောက်တံတား မဲဆန္ဒနယ်က လွှတ်တော်ကိုယ်စားလှယ် ဒေါ်ကြည်ပြာက မေးမြန်းခဲ့ပါတယ်။

“ရန်ကုန်မြို့မှာဆိုရင် လိုအပ်တဲ့ လျှပ်စစ်ဓာတ်အားဟာ ၁၂၀၀ မဂ္ဂါဝပ်ခန့်ရှိပြီး ဓာတ်အားပေးစက်ရုံတွေ၊ မဟာဓာတ်အားလိုင်းတွေကနေ ရန်ကုန်ကို အမှန်တကယ် ပို့လွှတ်တဲ့ ဓာတ်အားပေါင်းက ၁၁၀၀ မဂ္ဂါဝပ်ခန့် ရှိတယ်လို့ သိထားရပါတယ်။ ဒီလို ဓာတ်အားမလုံမလောက် ဖြစ်နေတဲ့အပြင် ဓာတ်အားဖြတ်သန်းရာ လမ်းကြောင်းတလျှောက်မှာလည်း ဓာတ်အားဆုံးရှုံးမှု နှစ်မျိုးဖြစ်တဲ့ Technical Lost နဲ့ Non- Technical Lost တွေ ရှိတဲ့အတွက်ကြောင့် အဆိုပါ ဆုံးရှုံးမှုတွေကို သက်သာအောင်သာ လုပ်နိုင်မယ်ဆိုရင် ဓာတ်အား ပိုမိုသုံးစွဲလာနိုင်မှာ ဖြစ်ပါတယ်။”

ရန်ကုန်မြို့တော် လျှပ်စစ်ဓာတ်အားပေး ကော်ပိုရေးရှင်း (YESC) က အမျိုးသား ဓာတ်အားစနစ် ၂၀၁၅-၂၀၁၆ ဘဏ္ဍာနှစ်အတွက် ဓာတ်အားယူနစ် သန်းပေါင်း ၆၇၀၅ ဒသမ ၀၄၃ ဘီလီယံ ဝယ်ယူခဲ့ပါတယ်။

ဓာတ်အားသုံးစွဲသူတွေဆီ ပြန်လည် ရောင်းချခဲ့တဲ့ ယူနစ်ကတော့ သန်းပေါင်း ၅၉၁၃ ဒသမ ၂၈၂ ဘီလီယံရှိတယ်လို့ လျှပ်စစ်ဝန်ကြီးက လွှတ်တော်မှာ ဖြေကြားခဲ့ပါတယ်။

ခေါင်းဆောင်ကောင်းတစ်ဦးအတွက် ကိုယ်ကျင့်တရားအရေးကြီးကြောင်း မင်းကိုနိုင်ထောက်ပြ

မိုင်စာရာထွေး

ခေါင်းဆောင်ကောင်းတစ်ဦးဖြစ်ရန် ကိုယ့်ကျင့်တရားကောင်းမွန်ရေးသည် အရေးကြီးကြောင်း ၈၈မျိုးဆက်၊ ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ခေါင်းဆောင် ဦးမင်းကိုနိုင်က ထောက်ပြခဲ့သည်။

မေ ၂၇ရက်က IBCတွင် ကျင်းပသည့် Thapyae Foundation ၏ Community Leadership & Social Studies (Class) ကျောင်းဆင်းပွဲအားတွင် တိုင်းရင်းသား ကျောင်းသူကျောင်းသားများအား ပြောကြားခဲ့ခြင်းဖြစ်သည်။

ကျောင်းသားများအနေဖြင့် မည်သည့်ပညာကို ဆည်းပူးသည်ဖြစ်စေ၊ မည်သည့်အလုပ်ကို လုပ်ကိုင်သည်ဖြစ်စေ ကိုယ်ကျင့်တရားကို အကောင်းဆုံး ထိန်းသိမ်းစောင့်ရှောက်ကြရန် လိုအပ်ကြောင်း ဦးမင်းကိုနိုင်က ပြောကြားခဲ့သည်။

မြန်မာနိုင်ငံတွင် တိုင်းရင်းသားများအား ခွဲခြားဖိနှိပ်မှုများရှိပြီး အခွင့်အရေး၊ ရာထူးမပေးမှုများ ရှိနေခြင်းတို့ကြောင့် တိုင်းရင်းသားလူမျိုးများ ပြည်ပကိုထွက်ကာ နိုင်ငံတကာတွင် အလုပ်သွားရောက် လုပ်ကိုင်ခြင်း၊ ပညာဆည်းပူးခြင်းများကို တွေ့မြင်နေရကြောင်း ၎င်းက ပြောသည်။

ရန်ကုန်တိုင်းဒေသကြီး ကရင်တိုင်းရင်သားရေးရာဝန်ကြီးဖြစ်သူ နော်ပန်းသဉ္ဇာမျိုးကလည်း ခေါင်းဆောင်အမျိုးမျိုးရှိပြီး ခေါင်းဆောင်တိုင်း ဦးဆောင်သူ မဟုတ်ကြောင်း နှင့် ခေါင်းဆောင်ကောင်းဖြစ်ရန်ထက် ကိုယ်ကျင့်တရားကောင်းမွန်ရေးသည် အရေးကြီးကြောင်း၊ နောက်လိုက်ကောင်းများဖြစ်ရန်လည်း လိုအပ်ကြောင်း ပြောကြားခဲ့သည်။

ကချင် ဆရာမ ၂ ဦး အမှု စစ်ကြောင်းမှူးအား စစ်မေးခွင့် မရခဲ့

Kachinnews

ကချင် စေတနာ့ ဝန်ထမ်း ဆရာမ နှစ်ဦး အတင်း အဓမ္မပြုကျင့် သတ်ဖြတ်ခံရမှုတွင် စွပ်စွဲခံထားရသော မြန်မာစစ်တပ် ခမရ (၅၀၃) စစ်ကြောင်းမှူး သည် ယနေ့ လားရှိုး ခရိုင်ရဲတပ်ဖွဲ့ရုံး သို့ လာရောက်ခဲ့သော်လည်း KBC အမှုမှန် ဖော်ထုတ်ရေး အဖွဲ့နှင့် မေးမြန်းခွင့် မရခဲ့ကြောင်း သိရသည်။

စွပ်စွဲခံရသူ အရှေ့မြောက်ပိုင်းတိုင်းစစ်ဌာနချုပ် (ရမခ) အောက် သီပေါ နယ်မြေခံ ခမရ (၅၀၃) စစ်ကြောင်းမှူး ဗိုလ်မှူး အောင်ဖြိုးမြင့် (ကြည်း ၃၄၁၀၂) ကို မေးမြန်းခွင့် မရခဲ့ခြင်းနှင့် ပတ်သက်ပြီး အမှုမှန် ဖော်ထုတ်ရေး ကော်မတီ ခေါင်းဆောင် ကချင် နှစ်ခြင်း ခရစ်ယာန် အဖွဲ့ချုပ် (KBC) အထွေထွေ အတွင်းရေးမှူး သိက္ခာတော်ရ ဆရာ Rev. Dr. Hkalam Samson က ယခုလို ပြောပါသည်။

“ဒီနေ့ကတော့ ရဲမှုးနှင့် ကျနော်တို့ တွေ့ဆုံခြင်း လောက်ပါပဲ၊ အဲဒီစစ်ကြောင်းမှူးနဲ့ ကျနော်တို့ ဘာမှ ပြောဆို တဆင့် မေးခြင်းလည်း မလုပ်ခဲ့ဘူး၊ တိုက်ရိုက် မေးခြင်းလည်း မလုပ်ခဲ့ပါဘူး။ မေးဖို့လည်း အခွင့်အရေး မရခဲ့ပါဘူး။”

ရဲတပ်ဖွဲ့ရုံး သို့ ရောက်လာသည့် KBC အမှုမှန်ဖော်ထုတ်ရေးကော်မတီမှ ကိုယ်စားလှယ် ၆ ဦးက စစ်ကြောင်းမှူးကို တိုက်ရိုက် မေးမြန်းချင်သော်လည်း အစိုးရဘက် ခွင့်မပြုတဲ့အတွက် ရှေ့နေ သဘောတရား အရ အမှားအယွင်းများ ဖြစ်လာနိုင်သောကြောင့် ရဲမှုးနှင့်တွေ့ဆုံမှုသာ ဖြစ်နိုင်ခဲ့သည် ဟု ဆရာ Samson က ဆက်ပြောပါသည်။

ထို့ကြောင့် KBC အမှုမှန်ဖော်ထုတ်ရေးကော်မတီ က စစ်ကြောင်းမှူးနှင့် တွေ့ဆုံမေးမြန်းခွင့် မရခြင်းနှင့် ပတ်သက်ပြီး လာမည့်အပတ်အတွင်း အစည်းအဝေးတစ်ခု ပြုလုပ်သွားမည်ဖြစ်ကြောင်း သိရပါသည်။

‘တရားမှု ရှာဖို့ နှောင့်နှေးခြင်းမှာ တရားမှုကို ငြင်းပယ်ခြင်းပါ’ အစီရင်ခံစာတွင် အဓမ္မပြု့ကျင့်သူ အမှု ကျူးလွန်သူ အဖြစ် သံသယဖြစ်ဖွယ် အရှိဆုံးမှာ ယင်း ခမရ (၅၀၃) မှ ဗိုလ်မှူး အောင်ဖြိုးမြင့်နှင့် သူ၏ တပ်ဖွဲ့ဝင်တချို့ ဖြစ်နိုင်သည်ဟု ကချင်အမျိုးသမီးများ အစည်းအရုံး ထိုင်းနိုင်ငံ (KWAT) နှင့် ဥပဒေ အထောက်အကူပြု ကွန်ရက် (LAN) တို့၏ ၂၀၁၆ ဇန်နဝါရီ ၁၉ ပူးတွဲ အစီရင်ခံစာတွင် ခိုင်လုံစွာ သက်သေနှင့် တကွ တင်ပြ ထားသည်။

ဆရာမ မရန်လုရာ (Maran Lu Ra) နှင့် ဆရာမ တန်ဘောင် ခေါန်နန်စင် (Tangbau Hkawn Nan Tsin) တို့ နှစ်ဦးသည် ရှမ်းပြည်နယ်မြောက်ပိုင်း မူဆယ်မြို့ အရှေ့ဘက် မိုင် ၂၀ခန့် အကွာ ကောင်းခါးရွာ တွင် KBC အဖွဲ့ချုပ်မှ စေလွှတ်သော ကျောင်းဆရာမ အဖြစ် ၈ လခန့် တာဝန် ထမ်းဆောင်နေခြင်းဖြစ်သည်။ ထိုချိန် ၂၀၁၅ ဇန်နဝါရီ ၁၉ ရက်ည သန်းခေါင်ယံ ခန့်က ၎င်းတို့ နှစ်ဦး နေထိုင်သော ဘုရားကျောင်းဝင်းသို့ ရွာ အတွင်းရှိ ခမရ (၅၀၃) စစ်သားများ ၀င်ရောက်ကာ အုပ်စုလိုက် အဓမ္မပြုကျင့် ကာ ရက်ရက်စက်စက် သတ်ဖြတ် ခံခဲ့ရသည်။

ပြစ်မှု ကျူးလွန်သော တရားခံ စစ်သားများကို မေးမြန်း စစ်ဆေးခွင့်ပေးရန် KBC အဖွဲ့ချုပ် အမှုမှန် ဖော်ထုတ်ရေး ကော်မတီ မှ ယခင် အစိုးရ အဖွဲ့နှင့် သမ္မတ ဦးသိန်းစိန် ကို စာရေး တောင်းဆိုခဲ့သော်လည်း မရရှိခဲ့ပေ။

ဖွဲ့စည်းပုံအခြေခံဥပဒေကို အသစ်ရေးမည့် ကော်မတီဖွဲ့စည်းရန် ၁၉၉၀ အနိုင်ရ ကိုယ်စားလှယ်များ စီစဉ်

မျိုးသူအောင်

၂၀၀၈ ဖွဲ့စည်းပုံအခြေခံ ဥပဒေကို ပြင်ဆင်ရန်မဖြစ်နိုင်သည့်အတွက် အသစ်ရေးဆွဲရန် ကော်မတီတစ်ရပ်ကို ဖွဲ့စည်းသွားမည် ဖြစ်ကြောင်း ၁၉၉၀ ပြည်သူ့လွှတ်တော် ကိုယ်စားလှယ်များထံမှ သိရသည်။

"အရင်တုန်းက ဖွဲ့စည်းပုံအခြေခံဥပဒေ ပြင်ဆင်ရေးဆိုပြီးတော့ NLDကလည်း တော်တော်လေး ကျယ်ကျယ်ပြန့်ပြန့် လုပ်ခဲ့တယ်လေ။ လက်မှတ်တွေလည်း ၅သန်းလောက်ယူခဲ့တယ်။ တစ်ဖက်ကလည်း CSOတွေ နိုင်ငံရေးပါတီတွေကလည်း ဖွဲ့စည်းပုံအခြေခံဥပဒေပြင်ဆင်ရေးဆိုပြီးတော့ ဒီလှုပ်ရှားမှုတွေ လုပ်ခဲ့ပေမယ့် ဒါတွေက မအောင်မြင်ခဲ့ဘူး။ တစ်ဖက်ကလည်း ဖွဲ့စည်းပုံနဲ့ ပတ်သက်ရင် တပ်က ကာကွယ်စောင့်ရှောက်မယ်ဆိုတာနဲ့ပဲ စကားပြောနေတယ်။ ဒီလိုအခြေနေမျိုးနဲ့ ဖွဲ့စည်းပုံအခြေခံဥပဒေကို လွှတ်တော်ထဲမှာ ပြင်မယ်ဆိုတာ လုံးဝမ ဖြစ်နိုင်တော့ဘူးဆိုတာ ကျွန်တော်တို့ သိတယ်"ဟု ၁၉၉၀ ခုနှစ် ငပုတောမြို့နယ် ပြည်သူ့လွှတ်တော် ကိုယ် စားလှယ်ဟောင်း ဦးဒေးဗစ်လှမြင့်က ပြောသည်။

ကော်မတီကို ၁၉၉၀ ပြည်သူ့လွှတ်တော်ကိုယ်စားလှယ်များ၊ တိုင်းရင်းသားခေါင်းဆောင်များ၊ ပညာ ရှင် များနှင့် အရပ်ဖက်လူမှုအဖွဲ့အစည်းများဖြင့် ဖွဲ့စည်းသွားမည်ဟု ဆိုသည်။

၁၉၉၀ ရွေးကောက်ပွဲ ၂၆ ပြည့် အခမ်းအနားကို မေလ ၂၆ရက်က ရန်ကုန်မြို့ ယုဒဿန် ရိပ်သာတွင် ပြုလုပ်ခဲ့ပြီး ယင်းကဲ့သို့ ဆုံးဖြတ်ခဲ့ကြခြင်း ဖြစ်သည်။

ယင်း အခမ်းအနားမှ ဆုံးဖြတ်ချက် ၆ချက်နှင့် တောင်းဆိုချက် ၆ချက်ကို ချမှတ်ခဲ့ကြခြင်း ဖြစ်ပြီး အခမ်း အ နားသို့ ၁၉၉၀ခုနှစ် ရွေးကော်ခံ လွှတ်တော်ကိုယ်စားလှယ်များ၊ နိုင်ငံရေးအဖွဲ့အစည်းများမှ ကိုယ်စားလှယ်များ တက်ရောက်ခဲ့ကြသည်။

အခမ်းအနားတွင် ၁၉၉၀ ရွေးကောက်ပွဲ သီပေါမြို့နယ် လွှတ်တော်ကိုယ်စားလှယ်ဟောင်း ရှမ်းအမျိုးသားများ ဒီမိုကရေစီအဖွဲ့ချုပ် ဥက္ကဋ္ဌ ဦးခွန်ထွန်းဦးကလည်း ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ခြင်းမပြုလုပ်နိုင်ပါက လက်ရှိ ဖြစ်ပွားနေသော တိုင်းရင်းသားဒေသများမှ စစ်ပွဲများကို ရပ်တန့်နိုင်မည် မဟုတ်ကြောင်း ပြောကြားခဲ့သည်။

၁၉၉၀ ပြည်သူ့လွှတ်တော်ကိုယ်စားလှယ်များ အပါအ၀င် လူထုလူတန်းစား အလွှာပေါင်းစုံ ပါဝင်သော နိုင်ငံရေး တပ်ပေါင်းစုတစ်ရပ်ဖွဲ့စည်းသွားမည် ဖြစ်ပြီး နိုင်ငံအတွင်း တရားဥပဒေစိုးမိုးရေးနှင့် လူ့အခွင့်အရေး ထိန်းသိမ်းကာကွယ်ရေးအတွက် လူ့အခွင့်ရေးချိုးဖောက်မှုဆိုင်ရာ စုံစမ်းဖော်ထုတ်ရေး ကော်မတီများကို နိုင်ငံတစ်ဝှမ်းရှိ ရပ်ကွက် ကျေးရွာများတွင် ဖွဲ့စည်းသွားမည်ဖြစ်ကြောင်း ၁၉၉၀ ရွေးကောက်ပွဲ ၂၆ ပြည့် အခမ်းအနား တောင်းဆိုချက်များအရ သိရသည်။

ဖွဲ့စည်းပုံအသစ်ရေးဆွဲရေးကော်မတီကို လာမည့် ၁လ၊ ၂လ အတွင်း စတတင်ဖွဲ့စည်းမည် ဖြစ်ပြီး ပါဝင်မည့် လွှတ်တော်ကိုယ်စားလှယ်များ၊ တိုင်းရင်းသားကိုယ်စားလှယ်များနှင့် ပညာရှင်များကို ထုတ်ပြန်ပေးသွားမည် ဖြစ်ကြောင်း သိရသည်။

တပ်မတော်ငြိမ်းချမ်းရေး မူ ၆ ချက်ကို ရုပ်သိမ်းပေးရန် ၉၀ အမတ်များ တောင်းဆို

နော်နိုရင်း

ပြည်တွင်းငြိမ်းချမ်းရေးဖော်ဆောင်မှုလုပ်ငန်းတွေ အောင်မြင်စွာ အကောင်အထည်ဖော်နိုင်ဖို့ ကာကွယ်ရေးဦးစီးချုပ်က ချမှတ်ထားတဲ့ မူ ၆ ချက်ကို ရုပ်သိမ်းပေးဖို့ ၁၉၉၀ ပြည်သူ့လွှတ်တော်ကိုယ်စားလှယ်တွေက တောင်းဆိုလိုက်ပါတယ်။

ရန်ကုန်မြို့ ယုဒသန်ခန်းမမှာ ဒီကနေ့ ကျင်းပတဲ့ ၁၉၉၀ ပြည့်နှစ် မေ ၂၇ ရက် ပါတီစုံဒီမို ကရေစီ အထွေထွေရွေးကောက်ပွဲ ၂၆ နှစ်ပြည့်အခမ်းအနားမှာ တောင်းဆိုလိုက်တာဖြစ်ပါ တယ်။

၁၉၉၀ ရွေးကောက်ခံကိုယ်စားလှယ်တွေအနေနဲ့ တိုင်းရင်းသားတွေနဲ့ မဟာမိတ်ရှိတဲ့အတွက် သူတို့လက်မခံတဲ့အပြင် ကာကွယ်ရေးဦးစီးချုပ်ရဲ့ မူကလည်း ငြိမ်းချမ်းရေးအတွက် လက်မခံနိုင်စရာတွေဖြစ်လို့ ပယ်ဖျက်ဖို့ တောင်းဆိုတာလို့ ၁၉၉၀ ရွေးကောက်ခံအမတ် ဦးနိုင်းနိုင်းက ဒီဗွီဘီကိုပြောပါတယ်။

“ဦးတို့ဟာ ယူအန်အေဆိုတဲ့အဖွဲ့နဲ့ မဟာမိတ်အဖွဲ့ရှိတယ်လေ။ ယူအန်အေက တိုင်းရင်းသားစုများနဲ့ ဖွဲ့ထားတဲ့ မဟာမိတ်အဖွဲ့အဲဒါ သူတို့ သဘောမတူတော့ ဦးတို့လည်းသဘောမတူဘူး။ လေ့လာကြည့်တဲ့အခါမှာလည်း ဒီအချက်က ငြိမ်းချမ်းရေး အတွက်ကို သေချာမသွားနိုင်ဘူးလေ။ ဒီအချက်တွေကို အခိုင်အမာကိုင်မယ်ဆိုရင် ငြိမ်းချမ်းရေးကို ဆွေးနွေးမယ့်လူတွေက ဒီအချက် ၆ ချက်ဟာ အဓိက အခြေခံ ဥပဒေကိစ္စလည်းပါတယ်ဗျာ။ဆိုတော့ လက်မခံနိုင်စရာတွေရှိတယ်။ လက်နက်ကိုင်အဖွဲ့တွေ လက်မခံချင်စရာရှိတယ်။ ဆိုတော့ အဲဒါကို ဖျက်ပြီးတော့မှ အချက်အသစ်တွေ ပြန်ပြီးဆွေးနွေးဖို့ လိုလိမ့်မယ်လို့ထင်တယ်လေ။”

ကာကွယ်ရေးဦးစီးချုပ်ရဲ့ မူ ၆ ချက်ကတော့ ထာဝရငြိမ်းချမ်းရေးရယူရန်အတွက် အမှန်တကယ်ဆန္ဒရှိရန်၊ သဘောတူစာချုပ်များတိုင်း ကတိတည်ရန်၊ ငြိမ်းချမ်းရေးသဘော တူညီချက်များအပေါ် အမြတ်မထုတ်ရန်၊ ဒေသခံပြည်သူများအပေါ် ၀န်ထုပ်ဝန်ပိုးမဖြစ်ရန်၊ နိုင်ငံတော်ကထုတ်ပြန်ထားသည့် တည်ဆဲဥပဒေများကို လိုက်နာရန် နဲ့ ဒို့တာဝန်အရေးသုံးနှင့် ဒီမိုကရေစီအနှစ်သာရကို လက်ခံပြီး ၂၀၀၈ ဖွဲ့စည်းပုံအခြေခံဥပဒေဖြင့် ဒီမိုကရေစီလျှောက်လှမ်းနေမှုတွင် လိုက်ပါဆောင်ရွက်ရန် စတဲ့အချက်တွေဖြစ်ပါတယ်။

တိုင်းရင်းသားတွေဘက်ကတော့ နောက်ဆုံးအချက်နဲ့ပတ်သက်လို့ သဘောထားကွဲလွဲမှုတွေရှိနေပြီး တချို့အဖွဲ့တွေကတော့ ဒီအချက်အပေါ် လက်မခံနိုင်သလို ဒီမူတွေအားဖြင့်လည်း ငြိမ်းချမ်းရေး တည်ဆောက်မှုကို အဟန့်အတားဖြစ်လိမ့်မယ်လို့ ပြောဆိုနေကြပါတယ်။

ဒီကနေ့ ကျင်းပပြုလုပ်တဲ့ ၁၉၉၀ ရွေးကောက်ပွဲ အထိမ်းအမှတ်အခမ်းအနားမှာ အရင် န၀တ-နအဖ စစ်အစိုးရအုပ်ချုပ်စဉ်ကာလက ပြည်သူတွေအပေါ် ကျုးလွန်ခဲ့တဲ့ လုပ်ရပ်တွေအတွက် ၀န်ချတောင်းပန်ဖို့နဲ့ သိမ်းဆည်းလယ်မြေတွေအားလုံးပိုင်ရှင်ကို ပြန်ပေးပြီး တောင်သူလယ်သမားတွေအပေါ် ဥပဒေမဲ့ ကျူးလွန်ခဲ့သူတွေကို အရေးယူပေးဖို့ ၁၉၉၀ ပြည်သူ့လွှတ်တော်ကိုယ်စားလှယ်များအဖွဲ့က တောင်းဆိုပါတယ်။

မြစ်ဆုံစီမံကိန်းဖျက်သိမ်းပေးဖို့၊ နိုင်ငံရေးအကျဉ်းသားအားလုံး လွှတ်ပေးပြီး အထွေထွေလွတ်ငြိမ်းချမ်းသာခွင့်ပေးဖို့၊ လွတ်လပ်စွာထုတ်ဖော်ပြောဆိုခွင့်၊ စုရုံးခွင့်၊ စီတန်းလှည့်လည်ခွင့် ထိခိုက်စေတဲ့ ဥပဒေတွေဖျက်သိမ်းပေးဖို့ စတာတွေလည်း တောင်းဆိုထားပါတယ်။

၂၀၀၈ ဖွဲ့စည်းပုံအခြေခံဥပဒေကို လွှတ်တော်တွင်း ပြင်ဆင်ဖို့ မဖြစ်နိုင်လို့ ဖွဲ့စည်းပုံအခြေခံဥပဒေအသစ်ရေးဆွဲမယ့် ကော်မတီတရပ်ကို ၁၉၉၀ အမတ်တွေ တိုင်းရင်းသားခေါင်းဆောင်တွေ၊ ပညာရှင်တွေနဲ့ အရပ်ဘက်အဖွဲ့အစည်းတွေနဲ့ ဖွဲ့စည်းဖို့လည်း ၁၉၉၀ အမတ်ဟောင်းတွေက ဆုံးဖြတ်လိုက်ပါတယ်။

ဒါ့အပြင် လူ့အခွင့်အရေး ချိုးဖောက်မှု စုံစမ်း ဖော်ထုတ်ရေးကော်မတီတွေ ဖွဲ့စည်းသွားဖို့နဲ့ တောင်သူ လယ်သမားအရေး အလုပ်သမားအခွင့်ရေးတွေ ဆောင်ရွက်သွားဖို့လည်း (အမ်ပီယူ) အဖွဲ့က ဆုံးဖြတ်ထားပါတယ်။

ဗိုလ်ချုပ်မှူးကြီး စောမောင်ခေါင်းဆောင်တဲ့ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ) အာဏာသိမ်းစစ်အစိုးရက ၁၉၉၀ ပြည့်နှစ်မေလမှာ ဒီမိုကရေစီနည်းကျ ရွေးကောက်ပွဲကျင်းပပေးခဲ့ပေမယ့် မဲအများစုနဲ့ အနိုင်ရတဲ့ အမျိုးသားဒီမိုကရေစီအဖွဲ့ချုပ်ကို အာဏာလွှဲပေးဖို့ ပျက်ကွက်ခဲ့ပါတယ်။

ဒါ့အပြင် အဲဒီအချိန်က အနိုင်ရတဲ့ပါတီ၊ ခေါင်းဆောင်တွေ၊ နိုင်ငံရေးသမားတွေ၊ လွှတ်တော်ကိုယ်စားလှယ်တွေကိုလည်း နည်းမျိုးစုံနဲ့ ဖိနှိပ်၊ ဖမ်းဆီး၊ ထောင်ချခံခဲ့ရပြီး တချို့ အသက်ဆုံးရှုံးခဲ့ရပါတယ်။

ဒီကနေ့ ရန်ကုန်မှာကျင်းပတဲ့ ၁၉၉၀ ရွေးကောက်ပွဲ ၂၆ နှစ်ပြည့် အခမ်းအနားကိုတော့ ရွေးကောက်ခံ လွှတ်တော်ကိုယ်စားလှယ်တွေ အပါအ၀င် ကျောင်းသားပြည်သူ ရာချီ တက်ရောက်ခဲ့ပါတယ်။

လိုင်စင်မဲ့ယာဉ် နယ်စပ်မှ တင်သွင်းမှုကို ထိထိရောက်ရောက် အရေးယူတော့မည်

နေသာ

နယ်စပ်မှ တရားမဝင်နည်းလမ်းဖြင့် လိုင်စင်မဲ့ယာဉ်များ တင်သွင်းမှုကို ထိထိရောက်ရောက် အရေးယူသွားမည်ဟု ပို့ဆောင်ရေး နှင့် ဆယ်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်ဇင်မောင်က ပြောကြားလိုက်သည်။ "ဥပဒေကို ရည်ရွယ်ချက်ရှိရှိ ချိုးဖောက်ကျူးလွန်သူများကိုလည်း ထိရောက်ဟန့် တားသည့် ပြစ်ဒဏ်များ ချမှတ်အရေးယူမည်" ဟု ဦးသန့်ဇင်မောင်က ပြောသည်။

 နယ်စပ်ဒေသဝင်ပေါက်များမှ လိုင်စင်မဲ့ယာဉ်များ ထပ်မံဝင်ရောက်မလာနိုင်စေရန် ဌာနစုံ ပူးပေါင်းအဖွဲ့များကိုလည်း ဖွဲ့စည်းကာ တင်းတင်းကြပ်ကြပ် တားမြစ်ဖမ်းဆီးမည်ဟု ဆိုသည်။ ယင်းအပြင် ပြည်တွင်း၌ နည်းလမ်းမျိုးစုံဖြင့် ရောက်ရှိနေသည့် တရားမဝင် မော်တော်ယာဉ်များကိုလည်း လိုင်စင် ထုတ်ပေးမှာ မဟုတ်ဘူးလို့ ၎င်းက ပြောကြားခဲ့သေးသည်။ ပြည်သူအချို့ ဝယ်ယူပိုင်ဆိုင်ထားသော တရားမဝင်လိုင်စင်မဲ့ မော်တော်ယာဉ်များအား သင့်တော်သည့်နည်းလမ်း တစ်မျိုးမျိုးဖြင့် တရားဝင်လိုင်စင်ရအောင် ဆောင်ရွက်ပေးနိုင်ခြင်းရှိ၊ မရှိ ကရင်ပြည်နယ် မဲဆန္ဒနယ်အမှတ် (၅) မှ အမျိုးသားလွှတ်တော်အမတ် ဦးစိုင်းသန်းနိုင်က အမျိုးသားလွှတ်တော်တွင် မေးမြန်းခဲ့ခြင်းဖြစ်သည်။

ယင်းအမေးကို ဝန်ကြီးက "တရားဝင်လိုင်စင်ရရှိအောင် ဆောင်ရွက်ပေးရန် အစီအစဉ်မရှိပါကြောင်း ရှင်းလင်းဖြေကြားအပ်ပါသည်" ဟု ပြောကြားခဲ့သည်။ လိုင်စင်မဲ့ယာဉ်များ လိုင်စင်ရရှိအောင် ဆောင်ရွက်ပါက တရားဝင်တင်သွင်းလာသော ယာဉ်ပိုင်ရှင်များ နစ်နာမှုရှိခြင်း၊ Sale Centre များ၊ Show Room များ ထိခိုက်လာနိုင်သဖြင့် ကန့်ကွက်မှုများဖြစ်ပေါ်လာနိုင်ခြင်း ၊ ပြည်တွင်းကားဈေးကွက် ကမောက်ကမ ဖြစ်နိုင်ခြင်း၊ တည်ဆဲဥပဒေ၊ နည်းဥပဒေများကို ဖောက်ဖျက်ကျော်လွန်သည့် အခြေအနေတို့ ဖြစ်ပေါ်လာနိုင်ကြောင်း ပြည်ထောင်စုဝန်ကြီးက ရှင်းပြသည်။

 ပြည်တွင်း၌ ရောက်ရှိနေသော တရားမဝင်လိုင်စင်မဲ့ယာဉ်များအား အာဏာပိုင်အဖွဲ့အစည်းများမှ စီမံချက်များချမှတ်ပြီး ဖမ်းဆီးအရေးယူသည့်နည်းဖြင့် တရားမဝင်လမ်းကြောင်းမှ ယာဉ်များထပ်မံဝင်ရောက် ခြင်းမရှိစေရန် ထိန်းချုပ်ဟန့် တားမည်ဟု ပြည်ထောင်စုဝန်ကြီးကဆိုသည်။ ယခင်နယက အစိုးရလက်ထက် (၃၀.၆.၂၀၁၀) ရက်နေ့ တွင် ကျင်းပပြုလုပ်သည့် ကုန်သွယ်မူဝါဒ ကောင်စီ အစည်းအဝေး အမှတ်စဉ် (၂၀/၂၀၁၀) မှ ယာဉ်ကာလတန်ဖိုး၏ ၈၅% ပေးဆောင်စေ၍ တရားဝင်ယာဉ်အဖြစ် မှတ်ပုံတင်ဆောင်ရွက်ပေးခဲ့သည်။

တို့ပြည်တို့မြေ ဒီနှစ်အစီအစဉ် မှ လူမှုဘဝဇာတ်လမ်းတချို့

မောင်တောမြို့နယ် ကျေးရွာအုပ်ချုပ်ရေးမှူး အစည်းအဝေးတွင် သေနတ်ပစ်ခံရ၍ တစ်ဦးသေ

နိရဉ္စရာ၊

ရခိုင်ပြည်နယ် မောင်တောမြို့နယ် ဖါးဝပ်ချောင်းကျေးရွာတွင် ကျေးရွာ အုပ်ချုပ်ရေးမှူးမှ ဒေသခံ ပြည်သူ ၃၀ ကျော်နှင့် အုပ်ချုပ်ရေးမှူးရုံးတွင် အစည်းအဝေး လုပ်နေစဉ် အမည်မသိသူ တစ်ဦးမှ သေနတ်ဖြင့် ၀င်ရောက် ပစ်ခတ်သဖြင့် တစ်ဦး သေဆုံးသွားကြောင်း သတင်း ရရှိသည်။

သေဆုံးသူမှာ ဖါးဝပ်ချောင်း ကျေးရွာအုပ်ချုပ်ရေးမှူးဟောင်း ခေါ်ဘီအာမောက်ဟု သိရသည်။

“ ဖြစ်တာက ဒီကနေ့ နံနက် ၉ နာရီ ၁၀ နာရီ အကြားလောက်မှာ ဖြစ်တာပါ။ အဲဒီမှာ ဖါးဝပ်ချောင်း ရခိုင်ရွာဆိုတာရှိတယ်။ ဖါးဝပ်ချောင်း မူဆလင်ရွာဆိုတာ ရှိပါတယ်။ လက်ရှိ ဖားဝပ်ချောင်း အုပ်ချုပ်ရေးမှူးက ရခိုင်ဖြစ်ပါတယ်။ သူက တစ်ခြား မူဆလင် လူကြီး သုံးဆယ်ခန့်နဲ့ ဖါးဝပ်ချောင်း မူဆလင်ကျေးရွာမှာရှိတဲ့ အုပ်ချုပ်ရေးမှူးရုံးမှာ ရပ်ရွာ တိုးတက်ရေး ကိစ္စအတွက် ဆွေးနွေးနေစဉ်မှာ မူဆလင် တစ်ဦးက ဆိုင်ကယ်နဲ့ ၀င်ရောက်လာပြီး ယခင် အုပ်ချုပ်ရေးမှူးဟောင်း ခေါ်ဘီအာမောက်ကို သေနတ်နဲ့ တည့်တည့်ပစ်ပြီး ထွက်ပြေးသွားပါတယ်။ ခေါ်ဘီအာမောက်က ပွဲချင်းပြီး ဆုံးသွားပါတယ်” ဟု ဖားဝပ်ချောင်းကျေးရွာသား တစ်ဦးက နိရဉ္စရာသို့ ပြောကြားသည်။

ယခု သေနတ်ဖြင့် ၀င်ပစ်ခံရသော ကျေးရွာ အုပ်ချုပ်ရေးမှူးရုံးမှာ နယ်ခြားစောင့်တပ်ဖွဲ့နှင့် သုံးဖာလုံ အကွာတွင် တည်ရှိသည်ဟု သိရသည်။

အဆိုပါ အခင်းဖြစ်ပွားမှုနှင့် ပတ်သက်ပြီး မောင်တော မြို့နယ်မှူးအား ဆက်သွယ်မေးမြန်းရာ “ ဖြစ်တာတို့ မှန်ပါတယ်။ တစ်ဦးသေပါတယ်။ အလောင်းက ခု မောင်တောမြို့နယ် ဆေးရုံကို ရောက်နေပါပြီ။ သိရတာက သူတို့ ဘင်္ဂလီ အချင်းချင်း ၀င်ပစ်သွားတယ်လို့ သတင်းရပါတယ်။ ဘာကြောင့် ပစ်တယ်ဆိုတာတော့ မသိရသေးပါဘူး” ဟု ပြောကြားသည်။

မောင်တောမြို့နယ် အုပ်ချုပ်ရေးမှူးအား ဆက်သွယ်မေးမြန်းရာ ဖြစ်စဉ်မှာ မှန်ကန်ကြောင်း၊ တစ်ဦးသေသည်ဟု သတင်းရကြောင်း၊ ယခု စစ်တွေသို့ ရောက်ရှိနေ၍ ဖြစ်ပျက်ပုံ အသေးစိတ်ကို မသိရှိရသေးကြောင်း ပြောကြားသည်။

မိုးလေးရက်ဆက်တိုက်ရွာသွန်းခဲ့တာကြောင့်နှမ်းခင်းပျက်စီး

ပညာရေး ပြုပြင်ပြောင်းလဲဖို့ မူက စမလား၊ လူက စမလား

တင်တင်မြင့် (ဒဿ နိက)

ပညာရေးစနစ် ပြုပြင်ပြောင်းလဲရေး အသံမြည်ခဲ့သည်မှာ ကြာပြီ ဖြစ်သည်။ အရင်းစစ်လိုက်လျှင် ကျောင်းသားဗဟိုပြု စနစ်ဆိုတော့ မူက ကောင်းနေသည်ကို တွေ့ရသည်။ သို့သော် ထိုမူကို အကောင်အထည်ဖော်မည့် လူတွေဘက်ကရော ဘာတွေ ပြင်ဆင်ဖို့ လိုမည်လဲ ဆိုသည်ကလည်း ဦးစားပေး ဆွေးနွေးစရာဖြစ်ရာ လက်ရှိ ဖြစ်ပျက်နေသည့် ပညာရေးစနစ်ကို အမှန်အတိုင်း သုံးသပ်ကြည့်ရန် လိုပါသည်။

ပညာရေး၊ အထူးသဖြင့် အခြေခံပညာ သင်ကြားရေးဟု ဆိုရာတွင် သင်ကြားပေးသူနှင့် သင်ယူသူဟု နှစ်မျိုးနှစ်စားရှိသည်။ ယင်း နှစ်မျိုးနှစ်စားကို ချိတ်ဆက်ထားသည်မှာ သင်ရိုးညွှန်းတမ်း ဖြစ်ပြီး ယင်း သင်ရိုးညွှန်းတမ်းကို ပုံဖော်သည်မှာ သင်ကြားရေး နည်းစနစ် ဖြစ်သည်။ ထို့ကြောင့် “သင်ကြားပေးသူ”၊ “သင်ယူသူ”၊ “သင်ရိုးညွှန်းတမ်းနှင့် သင်ကြားရေး နည်းစနစ်” တို့ ပြည့်စုံမှသာ အရည်အချင်းပြည့်ဝသော အနာဂတ် လူ့စွမ်းအား အရင်းအဖြစ်ကို မွေးထုတ်နိုင်ပါမည်။

သင်ကြားသူ နှစ်မျိုး

လည်ပတ်နေသော အခြေခံပညာ သင်ကြားရေး စနစ်ကြီးတွင် သင်ကြားသူ ဆရာ၊ ဆရာမများကို အစိုးရ ဝန်ထမ်းနှင့် ပုဂ္ဂလိက ကဏ္ဍဟု နှစ်ပိုင်း ခွဲနိုင်သည်။

နံနက်အချိန်မှန် ကျောင်းတက်၊ ညနေ အချိန်မှန် ကျောင်းဆင်း အစိုးရဝန်ထမ်း ဆရာ၊ ဆရာမများ၏ လစာမှာ တနှစ်လျှင် ပျမ်းမျှ ၂၅ သိန်းခန့် ရသည်။ တနှစ်ပတ်လုံးတွင် မိသားစု စားဝတ်နေရေး ခက်ခဲပါက တချို့တလေ ကျူရှင်ပြကြရသည်။ တိုင်ကြားမှုရှိလျှင် အရေးယူခံရသေးသည်။ စာသင်ခန်းတခန်းလျှင် ကျောင်းသားဦးရေ ၅၀ မှ ၆၀ အကြား ထိန်းကျောင်း သင်ကြားရသည်။ သင်ရိုးကုန်သင်ကြားရေး တာဝန်မှသည် တခြားသော ကျောင်းဗာဟီရများကိုလည်း တာဝန်ယူရပြီး ဗျာများရသည်။

နောက်ဆုံးတော့ ရှဥ့်လည်းလျှောက်သာ ပျားလည်းစွဲသာ ဖြစ်အောင် မေးခွန်နှင့် သက်ဆိုင်ရာ ရွေးသင်ကြတော့သည်။ အတွက်သမားများက သင်ပုန်းပေါ်တွက်ပြ၊ ကျောင်းသားကကူးယူ၊ ပြီးတော့ အလွတ်ရသည်အထိ ပြန်တွက်ထား။ အကျက်သမားကလည်း မေးခွန်အသင့်၊ အဖြေအသင့် သင်ပုန်းပေါ်ရေး၊ ကျောင်းသားက ကူးယူ၊ အလွတ်ကျက်စေ၊ ဒါပဲခိုင်းတော့သည်။ သူတို့မှာ သင်ကြားရေး ကောင်းကောင်း၊ မကောင်းကောင်း ကျောင်းအုပ်ချုပ်သူက ဝင်ရောက် စွက်ဖက်ခြင်းမရှိ။ ချုပ်ရလျှင် ပြဋ္ဌာန်းစာအုပ်ပါ သင်ခန်းစာများကို စေ့စုံစွာ သင်ကြားရန်ထက် စာမေးပွဲ အောင်မြင်ရေးကို ရှေးရှု သင်ကြားရသည့် အခြေအနေသို့ ရောက်သွားသည်။ (ဤသည်မှာ အောင်ချက်ကောင်းရေး ပညာရေးစနစ်၏ စနက်ကြောင့်လည်း ဖြစ်သည်။)

ပုဂ္ဂလိက ကျောင်းများတွင် သင်ကြားသော ဆရာ၊ ဆရာမများ၏ တနှစ်ပျမ်းမျှ ဝင်ငွေမှာ သိန်း ၁၀၀ ဝန်းကျင် ရှိသည်။ စာသင်ကြားမှု အားလပ်ချိန်တွင် တခြား ကျူရှင်များ သင်နိုင်သည်။ ပုဂ္ဂလိက ကျောင်းတွင် အတန်းတတန်း၏ ကျောင်းသားဦးရေမှာ အစိုးရကျောင်းများနှင့် မကွာ၊ ၅၀၊ ၆၀ ခန့် ရှိသည်။ သို့သော် ကျောင်းသား ကျောင်းသူများကို ထိန်းကျောင်းမည့် ဆရာ၊ ဆရာမ ၂ ဦး၊ ၃ ဦးအထိ ရှိသည်။ ဆရာ၊ ဆရာမ များအနေဖြင့် သင်ရိုးကိုသာ အာရုံစိုက်သင်ကြားနိုင်ပြီး တခြား ကျောင်းဗာဟီရကို လုပ်ရန် မလို။

ပုဂ္ဂလိက ကျောင်းမှ ဆရာ၊ ဆရာမများမှာ စာမေးပွဲမေးခွန်းတွင် မည်သည့်သင်ခန်းစာ မည်သည့်စာမျက်နှာမှ မည်သည့် လေ့ကျင့်ခန်းကို စစ်မေးမည်ကို မသိကြပါ။ စာမေးပွဲမေးခွန်းလွှာမှာ သက်ဆိုင်ရာ ကျောင်းများနှင့် တွဲဖက်ထားသော အစိုးရကျောင်းများက ထုတ်သော မေးခွန်းလွှာများကို ဖြေဆိုကြရသည်။ ပြင်ပဆရာများက သင်ခန်းစာ အားလုံးနီးပါး သင်ပေးကြရသည်။ စာပိုသင်ပေးရသည့်အတွက် စာပိုကြေသည်ပဲ လွယ်လွယ်ဆိုပါစို့။ အောင်ချက်ကောင်းမှလည်း ကျောင်းတည်ထောင်သူက သဘောကျမည်၊ နောက်နှစ်များတွင် ကျောင်းသားပိုရမည်။

သင်ယူသူ နှစ်မျိုး

သင်ယူရသူ ကျောင်းသူ ကျောင်းသားများ အပိုင်းကို လေ့လာရလျှင် အစိုးရကျောင်းမှ ကျောင်းသားများ အနေဖြင့် အနည်းဆုံးအားဖြင့် ကျောင်းခေါ်ချိန် ပြည့်မီရေး အရေးကြီးသည်။ ကျောင်းဆင်းလျှင် ကျူရှင်ကို ပြေးရသေးသည်။ ကျောင်းစာရော ကျူရှင်စာပါ လုပ်ရသည်။ အိမ်-ကျောင်း-ကျူရှင် သံသရာလည်နေသည်။ အသစ်အသစ်ကို စဉ်းစားတွေးတောဖို့ မဆိုထားနှင့်၊ သင်ပြီးသား သင်ခန်းစာများနှင့်သာ လုံးလည်လိုက်နေကြရသည်။

ပုဂ္ဂလိက ကျောင်းများတွင် စာသင်ချိန် ခွဲခြားမှုကို ကျောင်းအလိုက် အဆင်ပြေသလို ပိုင်းခြား အသုံးပြုခွင့်ရှိသည်။ တချို့ ကျောင်းများတွင် စာသင်ခန်း အခက်အခဲကြောင့်လည်း စာသင်ကြားပေးချိန်ကို နံနက်နှင့် နေ့လည် နှစ်ချိန်ခွဲကြသည်။ ဒီတော့ ကျောင်းသားက တရက် ၂၄ နာရီမှာ အိပ်ချိန် ၈ နာရီကိုဖယ်လိုက်၊ သူ့အတွက် သင်ခန်းစာ လေ့လာချိန် ၁၆ နာရီရှိမည်၊ ထိုအထဲက တရက် သင်ယူချိန် ၅ နာရီ နုတ်လိုက်ဦး။ သူ့အတွက် အချိန်ပို ၁၁ နာရီလုံးလုံး ကျန်နေသေးသည်။ အဲဒီထဲကမှ မိမိသင်ခန်းစာကို လေ့ကျင်ချိန်၊ နားချိန်၊ တခြား ဗဟုသုတပိုင်းဆိုင်ရာ လေ့လာချိန် စသဖြင့် ကောင်းသည်ရော၊ ဆိုးသည်ပါ လေ့လာခွင့်ရမည်။

အစိုးရကျောင်းများနှင့် ပုဂ္ဂလိက ကိုယ်ပိုင်ကျောင်းများ၏ ကျောင်းဖွင့်ချိန် ကွဲပြားပြီး ကျောင်းတည်ဆောက်ပုံ အနေအထားလည်း မတူကြပေ။ အစိုးရကျောင်းများ၏ ကျောင်းဖွင့်ချိန်သည် နှစ်စဉ်ဇွန်လ ၁ ရက်နေ့မှ စတင်ဖွင့်လှစ် သင်ကြားသည်။

ကိုယ်ပိုင်ကျောင်းများသည် ဧပြီ ၂၀ ကျော်သည်နှင့် စတင်ဖွင့်လှစ်ကြသည်။ တကျောင်းနှင့် တကျောင်း ကျောင်းဖွင့်ရက်လည်း မတူကြပေ။ သို့သော် မည်သည့် ပုဂ္ဂလိကကျောင်းမျှ ဇွန် ၁ ရက် မဖွင့်ကြချေ။ ၎င်းရက်ထက် တလ သို့မဟုတ် ၄၅ ရက်စောဖွင့်ကြသည်။

ကျောင်အနေထားမှာ အစိုးရကျောင်း အများစုသည် ကျောင်းအင်္ဂါရပ်နှင့်အညီ ကျောင်းသူ ကျောင်းသား လွတ်လပ်ပျော်ရွင်စွာ သင်ကြားနိုင်သည်။ ကိုယ်ပိုင်ကျောင်းအများစုမှာ ကျောင်းအင်္ဂါရပ်နှင့် ညီသည့်ကျောင်း မရှိသလောက် ဖြစ်နေသည်။

စာမေးပွဲ

စာမေးပွဲဆိုသည်မှာ သင်ယူပြီး သင်ခန်းစာများအပေါ် ကျောင်းသား ကျောင်းသူ မည်မျှ သင်ယူတတ်မြောက် ပြီးပြီ ဆိုသည်ကို အကဲဖြတ်ရန် စစ်ဆေးခြင်း ဖြစ်သင့်သည်။ သို့သော် ကျွန်ုပ်တို့နိုင်ငံရှိ ကျောင်းသား၊ မိဘ၊ ဆရာ အားလုံးက အတန်းအောင်မြင်ရေးကို ပိုအလေးထားနေကြသည်။ စာမေးပွဲ ဖြေဆိုချိန် နီးလာလျှင် ကျောင်းသား၊ မိဘ၊ ဆရာ (ပုဂ္ဂလိက ကျောင်းဆရာများ အပါဝင်) စာမေးပွဲ ခန့်မှန်းခြေ မေးခွန်းရရေး ဦးတည်ကြသည်။ အစိုးရစစ် စာမေးပွဲများပင် မေးခွန်းကြို ပေါက်ကြားသဖြင့် ဆရာများ အရေးယူခံကြရသည့် သတင်းများ ကြားသိရသည်။

စာမေးပွဲဖြေဆိုချိန်နီးကပ်လာလျှင် အဖြေတွဲလျှက် တပွဲတိုးစာအုပ်များ ကျောင်းသား ကျောင်းသူ လက်ထဲသို့ ရောက်လာသည်။ တချို့မှာ လက်ရေးနှင့်ကူးထားသည်။ တချို့က မိတ္တူများ ဖြစ်သည်။ စာအုပ်ကိုယ်စီ လက်ဝယ်ရကြပြီဆိုတော့ အစိုးရကျောင်းက ကျောင်းသားရော ပြင်ပကျောင်းများမှ ကျောင်းသားများပါ စာအုပ်ပါ မေးခွန်းနှင့် အဖြေကိုသာ အပြန်ပြန် အလှန်လှန် ကျက်ကြတော့သည်။ အောင်စာရင်း ဖွင့်ချိန်တန်တော့ အစိုးရကျောင်း၊ ပုဂ္ဂလိက ကျောင်းများမှ ကျောင်းသား ကျောင်းသူအားလုံးလိုလို အတူတူအောင်ကြသည်။ မအောင်လျှင် ပြန်ဖြေစနစ်ဖြင့် ပြန်ကုစားဖြေဆိုခွင့် ပြုထားသည်။ ကျောင်းသားအားလုံး အောင်ကြသည်။ သင်ပေးသူ အမျိုးအစားက နှစ်မျိုး၊ သင်ယူသူ အမျိုးအစားကလည်း နှစ်စား၊ သင်ရိုးနှင့် မေးခွန်းလွှာက အတူတူ။

တချို့သော ပြင်ပကျောင်းများမှ ကျောင်းသားများက လပတ်စာမေးပွဲ မဖြေရဘဲ အစိုးရကျောင်းများမှ ကျောင်းသားများက ဖြေဆိုနေရသည့် မတူညီမှုများလည်း ရှိသေးသည်။

သင်ယူ တတ်မြောက်မှု

ဒသမတန်း ကျောင်းသူတဦးက “ခုနှစ်ပြည်ထောင်မင်း” ဟူသည် အဘယ်နည်းဟု မေးလာသည်။ သင်နားလည်သလို အရင်ပြောပါဟု ခွင့်ပြုလိုက်သောအခါ “ဆန်ခုနှစ်ပြည်ကို နန်းတွင်းထဲတွင် ထောင်ထားသောကြောင့် ထင်ကြောင်း” ဖြေလေသည်။ အထက်တန်းပြ ဆရာတဦးက m ကို “နှစ်ခုံးအမ်”၊ n ကို “တခုံး အန်”၊ l ကို “တုတ်ချောင်း အယ်” ဟု ပြော၍ သင်နေသည်။

ဒီတော့ သင်ကြားပေးသူ၏ အရည်အချင်းပိုင်းကို ထည့်သွင်းစဉ်းစားရန် လိုလာသည်။ စဉ်းစားကြရပေတော့မည်။ ဘွဲ့များ တသီကြီး ရခြင်းနှင့် ကလေးများကို စာတတ်မြောက်အောင် သင်ခြင်းက မသက်ဆိုင်ပေ။ နိုင်ငံရေး၊ စီးပွားရေး၊ အသိပညာ စသည်တို့ ချွတ်ခြုံကျနေသော နိုင်ငံတနိုင်ငံအတွက် သင်ကြားနိုင်မှု စွမ်းရည်ရှိသော ဆရာ၊ ဆရာမများ အထူး လိုအပ်သည်။

ပြီးခဲ့သည့် ၅ နှစ်တာကို ပြန်သုံးသပ်ကြည့်လျှင် ပုဂ္ဂလိက ကိုယ်ပိုင်ကျောင်း ဥပဒေ ပြဌာန်းပေးပြီး ပုဂ္ဂလိက ကိုယ်ပိုင်ကျောင်းများ ဖွင့်လှစ်ခွင့်ပြုလိုက်သည်။ တကယ့်ကို ကျောင်းသားရော မိဘပါ အဆင်ပြေကောင်းမွန်သည့် စနစ်ကောင်းတခု ဖြစ်လာပါ၏လော။ လူ့စွမ်းအား ရင်းမြစ်ကောင်းများ မွေးထုတ်ပေးနိုင်၏လော။ နိုင်ငံတကာ တက္ကသိုလ်များတွင် ဆက်လက် ပညာသင်ကြား နိုင်သည့် အရည်ချင်းပြည့်မီသော ကျောင်းသား၊ ကျောင်းသူ မည်မျှ ပေါ်ထွန်းလာခဲ့သနည်း။ ပြင်ပ ပုဂ္ဂလိက သင်ကြားရေး ကျောင်းများ (နိုင်ငံတကာနှင့် ချိတ်ဆက် သင်ကြားနေသော ကျောင်းများကို မဆို) ပေါ်ထွန်းလာခြင်းကြောင့် ဆရာနှစ်မျိုး၊ ကျောင်းသားနှစ်မျိုး ကွဲပြားသွားသည်ကိုမူ မြင်မိသည်။

ကျောင်းသား ဗဟိုပြု စနစ်

ကျောင်းသား ဗဟိုပြုစနစ် ဖော်ဆောင်ဖို့လိုသည်မှာ မှန်ပေသည်။ သို့သော် သင်ကြားသူ၏ အခန်းကဏ္ဍ၊ သင်ယူသူ၏ အခန်းကဏ္ဍ ညီမျှမှုရှိဖို့တော့ လိုသည်။ ယခု မြန်မာနိုင်ငံ ပညာရေးကဏ္ဍမှာ ကွာဟလွန်းနေသည်။ ငွေတတ်နိုင်သူ ပညာသင်စတမ်းပုံစံ ရောက်နေသည်။ အခြေခိုင်ဖို့ လိုသည်။

ကျောင်းသား ဗဟိုပြုစနစ် ဆိုသောကြောင့် ကျောင်းသားများကိုသာ ကွက်ကြည့်နေ၍ မဖြစ်သေး။ အရည်အချင်းရှိသော လူ့စွမ်းအား အရင်းအမြစ် မျိုးဆက်သစ်များ မွေးထုတ်နိုင်ရေးအတွက် သင်ကြားပေးသူများ၏ စွမ်းရည်မြှင့်တင်ရေးကိုလည်း ပထမ ဦးစားပေးဖို့ လိုနေသေးသည်။ ထို့ကြောင့် မူကောင်းကို ဖော်ဆောင်နိုင်မည့် လူကောင်း သင်ကြားသူများ ဖြစ်ရေးကလည်း လက်ငင်း လုပ်ရမည့် ခြေလှမ်း ဖြစ်သည်ဟု ယုံကြည်မိပါသည်။

လူငယ်ညီလာခံကိုတံတားဦးမြို့မှာကျင်းပ

မလိုအပ်သည့် နေရာများမှ လမ်းလယ် ကွန်ကရစ်တုံးများ ပြန်ဖယ်ရှားနေ

သူဇာ

ယာဉ်တိုက်မှု လျှော့ချရန် ရည်ရွယ်ချက်ဖြင့် ရန်ကုန်မြို့ လမ်းမကြီးများပေါ်တွင် ကွန်ကရစ်တုံးများ ချထားသော်လည်း တချို့နေရာများတွင် မလိုအပ်သဖြင့် ပြန်လည် ဖယ်ရှားနေကြောင်း သိရသည်။

မေလ ၂၆ ရက်နေ့က ကျင်းပသည့် ရန်ကုန်တိုင်းဒေသကြီး လွှတ်တော် အစည်းအဝေးတွင် လသာမြို့နယ် မဲဆန္ဒနယ် အမှတ် (၂) မှ လွှတ်တော်ကိုယ်စားလှယ် ဦးကျော်မင်းဟန်က ပြည်သူများ သွားလာရေး အခက်အခဲများ မရှိစေရန် လမ်းမများပေါ်မှ ကွန်ကရစ်တုံးများကို ဖယ်ရှားရန် အစီအစဉ်ရှိ၊ မရှိ မေးမြန်းခဲ့ရာ ရန်ကုန်တိုင်းဒေသကြီး၊ လျှပ်စစ်၊စက်မှုလက်မှုနှင့် လမ်းပန်းဆက်သွယ်ရေး ၀န်ကြီး ဒေါ်နီလာကျော်က ဖြေကြားခဲ့ခြင်း ဖြစ်သည်။

“ယခုဆို မဟာဗန္ဓုလလမ်းနဲ့ အနော်ရထားလမ်းတို့မှ ကွန်ကရစ်တုံးများကို စတင် ဖယ်ရှားနေပြီ ဖြစ်ပါတယ်။ နောက်ပိုင်းမှာလည်း ပြည်လမ်းနှင့် ကမ္ဘာအေး ဘုရားလမ်းများမှ ကွန်ကရစ်တုံးများကို ထပ်မံ ဖယ်ရှားသွားမည် ဖြစ်ပါတယ်” ဟု ၀န်ကြီး ဒေါ်နီလာကျော်က ဆိုသည်။

မေလ ၁၉ ရက်နေ့က ရန်ကုန်တိုင်းအစိုးရ အဖွဲ့ အစည်းအဝေးပြုလုပ်ပြီးနောက် ယင်းသို့ ဖယ်ရှားရှင်းလင်းရန် ဆုံးဖြတ်ခဲ့ကြောင်း၊ ယခု ဖယ်ရှားခြင်းသည် စမ်းသပ် ဖယ်ရှားနေခြင်း ဖြစ်ပြီး နေရာအားလုံးမှ ကွန်ကရစ်တုံးများကို ဖယ်ရှားမည် မဟုတ်ဘဲ ယာဉ်သွားလာမှု ခက်ခဲသည့် တချို့နေရာများကို သေချာ စိစစ်လေ့လာပြီးမှ ပြန်လည် ဖယ်ရှားမည် ဖြစ်ကြောင်း သိရသည်။

ရန်ကုန်တမြို့လုံးအတွက် ထုတ်လုပ်ထားသည့် ကွန်ကရစ်တုံး အရေအတွက်မှာ ၂၀၁၅-၂၀၁၆ ဘဏ္ဍာနှစ်တွင် အတုံးပေါင်း ၄၄၀၀၀ ကျော် ရှိပြီး ကုန်ကျစရိပ် စုစုပေါင်း ကျပ် ၁ ဒသမ ၆ ဘီလီယံကျော် ရှိကြောင်း ရန်ကုန်မြို့တော် စည်ပင်သာယာရေး ကော်မတီ ထုတ်ပြန်ချက်အရ သိရသည်။

လွှတ်တော် ကိုယ်စားလှယ် ဦးကျော်မင်းဟန်၏ တင်ပြချက်များအရ ကွန်ကရစ်တုံး တတုံးလျှင် ငွေကျပ် ၃၅၀၀၀ တန်ဖိုးရှိကြောင်း၊ လက်ရှိ မဟာဗန္ဓုလ လမ်းတွင် ချထားသည့် ကွန်ကရစ်တုံး အရေအတွက်မှာ ၂၀၀ ခန့် ရှိကြောင်း ကွန်ကရစ်တုံး ချထားခြင်းသည် အကျိုး တစုံတရာ မရှိကြောင်း၊ ကွန်ကရစ်တုံးများကို ဖယ်ရှားပြီး အဆင့်မြင့် CCTV များ တပ်ဆင်အသုံးပြုသင့်ကြောင်း ထည့်သွင်းပြောကြားခဲ့သည်။

ယခင် ဦးသိန်းစိန် အစိုးရလက်ထက်အတွင်း ပြီးခဲ့သည့် ၂၀၁၄ ခုနှစ် ကုန်ပိုင်းလောက်က စတင်ပြီး ရန်ကုန်မြို့တွင်းရှိ အဓိက လမ်းမကြီးများတွင် စနစ်တကျ သွားလာ ရပ်တန့်ခြင်း မရှိဟု ဆိုကာ ခရီးသည်တင် ယာဉ်လိုင်းများအတွက် လမ်းမကြီးများ၏ လက်ယာဘက်တွင် သီးသန့် လမ်းကြောင်းများ ကန့်သတ်ကာ ကွန်ကရစ်တုံးများနှင့် ပိုင်းခြားပေးသည့် စနစ်ကို ကျင့်သုံးခဲ့ခြင်း ဖြစ်သည်။

ခြောက်နှစ်အရွယ်ကလေးငယ် ကျောက်ကပ်ခိုင်းတဲ့အဖွဲ့ သတ်ဖြတ်တာဖြစ်နိုင်ယူဆ

မန္တလေး - ချောင်းဝန်းလမ်းဘေးမှပျိုးခြံများ ဖယ်ရှားပေးရန် လမ်းဦးစီးဌာနမှ အကြောင်းကြားထား

အောင်ကိုဦး

မန္တလေးနှင့် ချောင်းဝန်းလမ်းတစ်လျှောက်ရှိ ပျိုးခြံတစ်ချို့ကို လမ်းနယ်ကျူးကျော်သည်ဟုဆိုကာ ဖယ်ရှားပေးရန် ပုသိမ်ကြီးမြို့နယ်လမ်းဦးစီးဌာနက မေလ ၂၇ ရက်က အကြောင်းကြားထားသည်ဟု သိရသည်။ "ကျွန်တော်တို့အနေနဲ့ကတော့ မဖယ်ရအောင် စာပြန်တင်ပါမယ်။ ဘာဖြစ်လို့လဲဆိုတော့ လမ်းနဲ့လည်းလွတ်ပါတယ်။ အဆောက်အဦးတွေဘာတွေ ဆောက်ထားတာလည်းမရှိဘူး။ ပျိုးပင်လေးတွေနဲ့ အလှပန်းပင်လေးတွေ ချရောင်းတာပါ။"ဟု ပျိုးခြံပိုင်ရှင် ဦးအေးချိုက ပြောသည်။ အဆိုပါနေရာတွ ပျိုးခြံပေါင်း ၁၀ ခြံရှိနေပြီး ၂၀၁၂ခုနှစ်ကတည်းက စတင်ရောင်းချနေခြင်းဖြစ်သည်။

အကြောင်းကြားစာရရှိထားသူ ဦးစိန်လှကလည်း "လမ်းဘေးဝဲယာ စိမ်းလန်းစိုပြေမှုလည်းရှိတယ်။ လမ်းသွားလမ်းလာတွေကိုလည်း အနှောက်အယှက်မဖြစ်ဘူး။ ဒါကို ဘာကြောင့်ဖယ်ခိုင်းနေတယ် ဆိုတာ မသိဘူး။လမ်းချဲ့မှာတို့ ဒါမှမဟုတ် တစ်ခုခုလုပ်ဖို့ရှိတယ်ဆို ဖယ်ပေးမှာပေါ့။ လောလောဆယ်တော့ ဘာလုပ်ရမယ်ဆိုတာ မသိသေးဘူး။" ဟုပြောသည်။

 မေ ၂၇ ရက် နေ့လည် ၂ နာရီက ပေးပို့လာသည့် အကြောင်းကြားစာထဲတွင် "ပုသိမ်ကြီးမြို့နယ် လမ်းဦးစီးဌာန၏ ကွပ်ကဲမှုအောက်တွင်ရှိသော မန္တလေး၊ ချောင်းဝန်းလမ်း၊ မိုင်တိုင်အမှတ် (၂/၁)နှင့် (၂/၂) အတွင်း ကျူးကျော်ထားသော ပျိုးခြံများ ဇွန်လ ၆ ရက်တွင် နောက်ဆုံးဖျက်သိမ်းရန်နှင့် လိုက်နာမှုမရှိပါက တည်ဆဲဥပဒေအရ တရားစွဲဆို အရေးယူသွားမည်။" ဟု ပါရှိသည်။

 ထိုသို့အကြောင်းစာရရှိသော ပျိုးခြံပိုင်ရှင်များက စုပေါင်း၍ မန္တလေးတိုင်းဒေသကြီး ဝန်ကြီးချုပ်ထံ အသနားခံစာတင်၍ ဆက်လက်ရောင်းချခွင့်ပြုရန် လုပ်ဆောင်သွားမည်ဟု ပျိုးခြံပိုင်ရှင်များကဆိုသည်။

မလေးရှားနဲ့ခြေစမ်းပွဲ ဧရာဘဏ်ဖိတ်ခေါ်ဖလားပြိုင်ပွဲ

နိုင်ငံရေးအရ Black List စာရင်း အသွင်းခံထားရသူများကို ဖြေလျှော့ပေးရန် စီစဉ်နေ

ထက်နိုင်ဇော်

နိုင်ငံရေးအရ Black List (နာမည်ပျက်စာရင်း) အသွင်းခံထားရသူ အားလုံးကို ဖြေလျှော့ပေးရန် အစိုးရသစ်၏ ရက် ၁၀၀ စီမံချက် တွင် ထည့်သွင်းထားကြောင်း အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စု ၀န်ကြီး ဦးသိန်းဆွေ က ပြောသည်။

မေလ ၂၆ ရက်က ၀န်ကြီး ဧည့်ခန်းမဆောင်၌ မီဒီယာ တချို့နှင့် တွေ့ဆုံစဉ် ၀န်ကြီး ဦးသိန်းဆွေက အထက်ပါအတိုင်း ပြောဆိုခြင်း ဖြစ်ပြီး ဖြေလျှော့မှု စတင်မည့် နေ့ရက်အချိန်ကိုမူ တိတိကျကျ ပြောဆိုခြင်း မရှိပေ။

“ဒီအချိန်မှာ နိုင်ငံရေးအရ၊ ဒီမိုကရေစီအရ ပွင့်လင်းမြင်သာမှု ရှိလာပြီဖြစ်လို့ ကိုယ်ယုံကြည်ရာကို ဥပဒေနဲ့အညီ ပြောရေးဆိုခွင့်တွေ ရှိလာပြီ ဖြစ်တယ်။ အထူးသဖြင့် အဲဒီလို အင်အားစုတွေကို ဖြေလျှော့ပေးချင်တာက အဓိက ကျပါတယ်။ ဖြေလျှော့ပြီးတဲ့အခါမှာ နိုင်ငံရေးအရ အမည်မည်း စာရင်း(Black List) အသွင်းခံရသူတွေအားလုံး ဖြေလျှော့တဲ့အထဲမှာ ပါမယ်လို့ ပြောချင်ပါတယ်”ဟု ၀န်ကြီး ဦးသိန်းဆွေက ပြောသည်။

နိုင်ငံရေး ယုံကြည်ချက်အရ ပြည်ပသို့ ထွက်သွားခဲ့သူများကိုလည်း မြန်မာနိုင်ငံတွင် အမြဲတမ်း နေထိုင်ခွင့်(PR)၊ နိုင်ငံသား ပြန် လည် ပြုခွင့်တို့ကို ဥပဒေနှင့်အညီ ခွင့်ပြုပေးသွားမည်ကြောင်း၊ ပြန်လည် လျှောက်ထားရာတွင်လည်း လွယ်လွယ်ကူကူ ဖြစ်စေရန် စီစဉ်ပေးမည် ဖြစ်ကြောင်းလည်း ၀န်ကြီးက ပြောပြသည်။

ပြည်ဝင်ခွင့် ဗီဇာများကိုလည်း လူဝင်မှု ကြီးကြပ်ရေး ဥပဒေ၊ လုပ်ထုံးလုပ်နည်းများနှင့်အညီ ဖြေလျှော့ဆောင်ရွက်ခြင်းကို ရက်ပေါင်း ၁၀၀ အတွင်း ပြုလုပ်မည်ဟုလည်း သိရသည်။

ဝန်ကြီး ဦးသိန်းဆွေက“တချို့ဗီဇာတွေက သက်တမ်းနည်းနည်း တိုနေတယ်။ နိုင်ငံတကာ စံချိန်စံညွှန်းနဲ့ညှိပြီးတော့မှ နည်းနည်း တိုးပေးမယ်။ ပြီးရင် လာတဲ့အခါ၊ ပြန်တဲ့အခါ ဖြည့်ရတဲ့ Form တွေရှိတယ်။ အဲဒီအချက်အလက်တွေကိုလည်း လိုအပ်သလောက်ပဲ ကောက်မယ်။ ပြီးရင်တချို့ ထောက်ခံစာတွေ ဘာတွေ တောင်းတာတွေ ရှိတယ်။ အဲဒီထောက်ခံစာကိုလည်း လိုအပ်သလောက်ပဲ တောင်းတော့မယ်။ အဲဒီလို ဖြေလျှော့ပေးမယ်”ဟုလည်း ပြောသည်။

ထို့အပြင် နိုင်ငံခြားသား အလုပ်သမား ဥပဒေ၊ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေး ဥပဒေတို့ကို ပြည်ထောင် စု လွှတ်တော်သို့ တင်သွင်းနိုင်ရန် ပြင်ဆင်ဆောင်ရွက်လျက် ရှိသည်ဟုလည်း သိရသည်။

“အခုလို ဥပဒေ မပြဌာန်းဘူးဆိုရင် နိုင်ငံခြားသား အလုပ်သမားတွေကို အဲဒီဥပဒေနဲ့ အရေးယူလို့မရဘူး။ အခွင့်အရေး မရဘူး ဖြစ် နေ တယ်။ နိုင်ငံခြားသား လုပ်သား ဥပဒေမှာ အဲဒီလို အချက်အလက်တွေ ပြည့်ပြည့်စုံစုံ ဖြစ်အောင် ပါသွားမယ်”ဟု ဦးသိန်းဆွေက ပြောပြသည်။

၂၀၁၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းမှ ရရှိသည့် ဘာသာရေးဆိုင်ရာ အချက်အလက်များကိုလည်း ရက် ပေါင်း ၁၀၀ အတွင်း ထုတ်ပြန်နိုင်ရန် စီစဉ်နေကြောင်း၊ ၁၉၈၂ ခုနှစ် နိုင်ငံသား ဥပဒေနှင့်အညီ သက်ဆိုင်သည့် စိစစ်ရေး ကတ်ပြား တမျိုးမျိုး ထုတ်ပေးနိုင်ရေး၊ ရွှေ့ပြောင်းနေထိုင်သူများနှင့် အလုပ်သမားများအတွက် အိမ်ထောင်စု လူဦးရေ စာရင်းနှင့် ကိုင်ဆောင် သင့်သော မှတ်ပုံတင် တမျိုးမျိုး စိစစ်ထုတ်ပေးခြင်းတို့ကိုလည်း ဆောင်ရွက်ပေးမည့် ဖြစ်ကြောင်း သိရသည်။

ထိုင်းနိုင်ငံ အစိုးရနှင့် မြန်မာအစိုးရတို့ကြား အလုပ်သမား အလုပ်ခန့်ထားရေးဆိုင်ရာ နားလည်မှု စာချွန်လွှာ(MoU) လက်မှတ် ရေး ထိုးနိုင်ရေး ဆောင်ရွက်ခြင်း၊ အမျိုးသား အဆင့် အလုပ်အကိုင်ဆိုင်ရာ ကျွမ်းကျင်မှုဆွေးနွေးပွဲ ကျင်းပခြင်း၊ ကျွမ်းကျင်လုပ်သားများ မွေးထုတ်ပေးနိုင်ရေး အတွက် အသက်မွေးပညာ သင်တန်းကျောင်းများ ဖွင့်လှစ်ပေးခြင်းနှင့် နိုင်ငံအဆင့် ကျွမ်းကျင်မှု အသိအမှတ်ပြု လက်မှတ် ထုတ်ပေးခြင်းတို့ကို ဆောင်ရွက်ပေးမည်ဟုလည်း ၀န်ကြီး ဦးသိန်းဆွေက ပြောသည်။

ထို့အပြင် ဧရာဝတီတိုင်းနှင့် ရခိုင်ပြည်နယ်တို့တွင် ရွှေ့ပြောင်း အလုပ်သမားများ ထောက်ပံ့ကူညီရေး ဗဟိုဌာန(Migrant Workers Resource Center – MRC) ၁ ခုစီ ဖွင့်လှစ်နိုင်ရေးအတွက် ဆောင်ရွက်နေသည်ဟုလည်း သိရသည်။

“ရက် ၁၀၀ အတွင်း လုပ်ရမယ့် ကိစ္စတွေမှာ တချို့က စနေပြီ။ တချို့ကတော့ မကြာခင် စတင်နိုင်ဖို့ ရှိနေပါပြီ”ဟု ၀န်ကြီး ဦးသိန်းဆွေ က ပြောဆိုသွားသည်။

လျှပ်စစ်ကဏ္ဍနဲ့ လုပ်ငန်းကျွမ်းကျင် သင်တန်းအောင်လက်မှတ်

အလုပ်အကိုင်အခွင့်အလမ်းအတွက် ကျွမ်းကျင်မှုဆိုင်ရာ စိန်ခေါ်မှုများ ကြုံလာနိုင်ဟု ဒုသမ္မတ ဦးမြင့်ဆွေပြော

နေသာ

နိုင်ငံဖွံ့ ဖြိုးမှု နှင့်အတူ အခွင့်အလမ်းများ ပေါ်ပေါက်လာနိုင်သကဲ့သို့  အလုပ်အကိုင်အခွင့် အလမ်းအတွက် ကျွမ်းကျင်မှုနှင့်ပက်သက်၍ စိန်ခေါ်မှုများလည်း ကြုံတွေ့ လာနိုင်ကြောင်း ဒုတိယသမ္မတ ဦးမြင့်ဆွေက ပြောသည်။ "မိမိတို့ လက်ရှိအခွင့်အရေးများကို လက်လွတ်ဆုံးရှုံးရသည့်အနေအထား နှင့် အလုပ်အကိုင်အခွင့်အလမ်းအတွက် ကျွမ်းကျင်မှုနှင့်ပက်သက်၍ စိန်ခေါ်မှုများကြုံတွေ့ လာနိုင်ပါတယ် " ဟု ဒုတိယသမ္မတ ဦးမြင့်ဆွေက မေ ၂၇ရက်က အမျိုးသားအဆင့်လုပ်သားထုဆိုင်ရာ ကျွမ်းကျင်မှု ဖွံ့ ဖြိုးတိုးတက်ရေး ဆွေးနွေးပွဲတွင် ပြောသည်။

 မြန်မာနိုင်ငံတွင် ပြောင်းလဲလာသော စီးပွားရေးဈေးကွက် နှင့် အညီ ပြည်တွင်းပြည်ပ ရင်းနှီးမြုပ်နှံမှုလုပ်ငန်းများ တိုးတက်လာရာတွင် အလုပ်ဌာန/ စက်ရုံများတွင် ကျွမ်းကျင် လုပ်သားများနှင့် အင်ဂျင်နီယာများ အချိုးကျကျ ဖွံဖြိုး တိုးတက်ရန် လိုအပ်နေသည်ကို အထူးသတိပြုရန်လိုသည်ဟု ၎င်းကပြောသည်။ "ဝင်ရောက်လာမည့် ရင်းနှီးမြုပ်နှံမှု ကဏ္ဍများနှင့်အညီ မွေးထုတ်ပေးနိုင်မည်ဆိုပါက ကျွမ်းကျင်လုပ်သား ပြတ်လပ်မှုပြဿနာကို ဖြေရှင်းပေးနိုင်မည်ဖြစ်သော်လည်း လက်တွေ့တွင် ပြည်တွင်း လုပ်သားဈေးကွက်၌ နိုင်ငံခြားသားလုပ်သားများက အချို့ နေရာတွေမှာ အစားထိုးနေရာယူလျက်ရှိပါတယ် " ဟု ၎င်းကဆိုသည်။

 မြန်မာနိုင်ငံတွင် လူဦးရေ ၅၁.၄ သန်းခန့် အနက် အလုပ်လုပ်နိုင်သော လူဦးရေမှာ ၃၂သန်းခန့် ရှိကြောင်း အလုပ်သမား၊ လူဝင်မှုကြီးကြပ်ရေး နှင့် ပြည်သူ့ အင်အားဝန်ကြီးဌာနမှသိရသည်။ မေလ ၂၇ရက်က နေပြည်တော် MICC 2တွင် ပြုလုပ်သည့် အမျိုးသားအဆင့်လုပ်သားထုဆိုင်ရာ ကျွမ်းကျင်မှု ဖွံ့ ဖြိုးတိုးတက်ရေးဆွေးနွေးပွဲသို့  တိုင်းဒေသကြီးပြည်နယ် အစိုးရအဖွဲ့မှ အလုပ်သမားရေးရာဝန်ကြီးများ၊ မြန်မာနိုင်ငံအလုပ်အကိုင် နှင့် ကျွမ်းကျင်မှုဖွံ့ဖြိုးတိုးတက်ရေး ဗဟိုအဖွဲ့ ဝင်များ၊ အထူးဖိတ်ကြားထားသူများ နှင့် ပြည်တွင်းပြည်ပမှ ကျွမ်းကျင်ပညာရှင်များတက်ရောက်ဆွေးနွေးကြသည်။ မေ ၂၇၊ ၂၈ရက်များတွင် နှစ်ရက်တာကျင်းပမည့် အဆိုပွဲဆွေးနွေးပွဲမှ ဆွေးနွေးမှုများအပေါ် တာဝန်ရှိသူအဆင့်ဆင့်က သက်ဆိုင်ရာ ကဏ္ဍအလိုက် တာဝန်ယူဆောင်ရွက်ရန် လိုအပ်သည်ဟု ဒုတိယသမ္မတ ဦးမြင့်ဆွေကပြောကြားခဲ့သည်။

ငြိမ်းချမ်းရေး ညီလာခံ မှာ နိုင်ငံရေးပါတီအားလုံး ပါဝင်ခွင့်ရမှာ မဟုတ်