Friday, May 31, 2013

လားရှိုးပဋိပက္ခ နောက်ဆက်တွဲ သံသယရှိသူ ၄၄ ဦးကို ဖမ်းထားပြီ

နန်းသီရိလွင်

မေ ၂ဂ ရက်နေ့မှ စတင် ဖြစ်ပွားခဲ့သော လားရှိုးမြို့ အဓိကရုဏ်းတွင် ပါဝင်ခဲ့သူများဟု ယူဆရသူ ၄၄ ဦးကို ဖမ်းဆီးထိန်းသိမ်း ထားပြီး စုံစမ်း ဖော်ထုတ်မှုများ ဆက်လက် လုပ်ဆောင်နေကြောင်း ပြည်နယ် သတင်းနှင့် ပြန်ကြားရေး အဖွဲ့ထံမှ သတင်း ရရှိသည်။

ဖမ်းဆီးထားသူ ၄၄ ဦးကို စုံစမ်းစစ်ဆေးရန် စစ်ကြော ဖော်ထုတ်ရေးနှင့် တရားစွဲဆိုရေးအဖွဲ့ကို စသုံးလုံး၊ မီးသတ်တပ်ဖွဲ့၊ မူးယစ်တပ်ဖွဲ့၊ ခရိုင် ဥပဒေအရာရှိ၊ ရဲတပ်ဖွဲ့စသည်တို့ဖြင့် မေလ ၃၀ ရက်နေ့က စတင်ဖွဲ့စည်းခဲ့ကြောင်း သိရသည်။

“ဒီအဖွဲ့က စစ်မယ်၊ ပြီးတော့ ကျူးလွန်ထားတဲ့ အတိုင်းအတာအရ ရုံးတင် အပြစ်ပေးနိုင်အောင် လုပ်မယ်။ ထပ်ဖမ်းဆီးနိုင်ဖို့ ဆိုတာကလည်း ဒီ ၄၄ ဦးကို စစ်ဆေး မေးမြန်းထားတဲ့ ရလဒ်တွေအပေါ်မှာပဲ မူတည်သွားမှာ” ဟု ရှမ်းပြည်နယ် ပြန်ကြားရေး နှင့် ပြည်သူ့ဆက်ဆံရေး ဦးစီးဌာန ဒုတိယညွှန်မှူး ဒေါ်ခင်စန်းက ဧရာဝတီကို ပြောသည်။

အမျိုးသမီးငယ် တဦးကို ဓာတ်ဆီဖြင့်ပက် မီးရှို့ကာ ပဋိပက္ခကို စတင်ဖန်တီးခဲ့သူ ကိုနေ၀င်းကို မည်သည့်နေရာတွင် ဖမ်းဆီး ထိန်းသိမ်းထားသည်၊ မည်သို့ စစ်ဆေးမေးမြန်း အရေးယူ ဆောင်ရွက်နေသည်ကိုမူ မိမိမသိကြောင်း ဒေါ်ခင်စန်းက ဆိုသည်။

ပဋိပက္ခနှင့် ပတ်သတ်သော အရေးယူစုံစမ်းနေမှု၊ လားရှိုးမြို့၏ လုံခြုံရေးအခြေအနေတို့ကို စုံစမ်းမေးမြန်းရန် ဒုတိယ ပြည်နယ် ရဲတပ်ဖွဲ့နှင့် လားရှိုးခရိုင် ရဲတပ်ဖွဲ့မှူး ရုံးများသို့ ဧရာဝတီက တွေ့ဆုံရန် အကြိမ်ကြိမ် ကြိုးစားခဲ့သော်လည်း သက်ဆိုင်ရာ တာဝန်ရှိသူများက ငြင်းဆိုခဲ့သည်။ ဖမ်းဆီးထားသည့် ၄၄ ဦးကို မည်သည့် ရဲစခန်းတွင် ဖမ်းဆီးထားကြောင်း ကိုလည်း ပြည်နယ် ပြန်ကြားရေးက ပြောဆိုရန် ငြင်းဆိုခဲ့သည်။

မေ ၂၈ ရက်က ဈေးရောင်းနေသူ အမျိုးသမီးငယ် တဦးကို လူလတ်ပိုင်း အမျိုးသား တဦးက ဓာတ်ဆီပက် မီးရှို့ရာမှ စတင်ခဲ့သော အဓိကရုဏ်းကြောင့် ဗလီ ၁ လုံး၊ ဘာသာရေးကျောင်း ၃ ကျောင်း အပါအ၀င်၊ လူနေအိမ်များ၊ ဈေးဆိုင်ခန်းများ ဖျက်စီးခံခဲ့ရပြီး ငွေကြေးအားဖြင့် ကျပ် သိန်း ခြောက်ရာရှစ်ဆယ့်လေးသိန်းနှင့် နှစ်သောင်းခွဲကျော် ဆုံးရှုံးခဲ့ရကြောင်း ပြည်နယ် ပြန်ကြားရေးက သတင်းထုတ်ပြန်သည်။

အဓိကရုဏ်းကြောင့် လူ ၁ ဦးသေဆုံးကာ ၄ ဦး ဒဏ်ရာရပြီး ဓာတ်ဆီလောင်း မီးရှို့ခံရသူ အမျိုးသမီးကို ပြည်နယ် ပြည်သူ့ ဆေးရုံကြီး ခွဲစိပ်ဆောင်တွင် အရေးပေါ် ကုသနေရကြောင်း သိရသည်။ အဓိကရုဏ်းကြောင့် လားရှိုးမြို့နေ မွတ်စလင် တထောင်ကျော်သည် မန်ဆူ ရှမ်းဘုန်းတော်ကြီး ကျောင်းတွင် ဒုက္ခသည်များအဖြစ် ခိုလှုံနေရသည်။

အခွန်ဆောင်ရန် ခက်ခဲသဖြင့် တရုတ်ကုန်စည် တရားမဝင် တင်သွင်းမှု များပြား

နန်းဆိုင်နွမ်

တရုတ်ပြည်မှ တရားမ၀င် တင်သွင်းသည့် ကုန်ပစ္စည်းများ ရှိနေရခြင်းမှာ လိုင်စင်အခွန်ဆောင်ရေး ကြန့်ကြာ ခက်ခဲနေကြောင်း သိရသည်။

နိုင်ငံတော်အစိုးရ အနေဖြင့် လိုင်စင်ပိုင်း၊ ကုန်ပစ္စည်းပိုင်းများနှင့် ပတ်သက်ပြီး ဖြေလျှော့ပေးထားသော်လည်း လိုင်စင်ရရန် အချိန်ကြန့်ကြာမှုရှိကာ ဈေးကွက် နောက်ကျမည်ကို စိုးရိမ်သဖြင့် လိုင်စင်အခွန် မဆောင်ကြခြင်း ဖြစ်ကြောင်း မူဆယ်မြို့တွင် နေထိုင်သည့် ကုန်သည် ဒေါ်စိုးစိုးက ဧရာဝတီသို့ ပြောသည်။

“အခုက ဘာပဲဖြစ်ဖြစ် အပြိုင်အဆိုင် လုပ်နေရတာ။ ကိုယ့်ပစ္စည်းက ဈေးကွက်ကို နောက်ကျ ရောက်သွားရင် တခြားသူ
ဦးသွားမယ်၊ ဈေးကွက် ပေါက်သွားမယ်။ လိုင်စင်လုပ်ဖို့ကလည်း လူတွေများ၊ ရုံးအလုပ် လုပ်ရတာလည်း ခက်တော့ သွားမလုပ် ဖြစ်တာပါ”
ဟု ဒေါ်စိုးစိုးက ဆိုသည်။

လူသုံးကုန်ပစ္စည်းများ၊ စားသောက်ကုန် ပစ္စည်းများသည် ဈေးကွက်အတွင်း အမြန် ရောက်နိုင်မှသာလျှင် တနိုင်တပိုင် လုပ်ကိုင် နေသူများအတွက် အဆင်ပြေနိုင်ကြောင်း၊ Mobile Team များက ဖမ်းဆီးမည်ကို ကြောက်သဖြင့် တောလမ်းမှ ရှောင်ကွင်း သွားနေရကြောင်း သူက ပြောသည်။

“အခွန်ဆောင်နေရင်လည်း ဘာမှ ထူးလာတာ မဟုတ်ဘူးလေ။ အလုပ်ပိုသွားတာပဲ ရှိတယ်။ ဒီလို ကယ်ရီနဲ့ လုပ်စား လာတာလည်း ကြာပါပြီ။ အခွန်ဆောင်ရခက်လို့ အခွန်ရှောင်ပြီး မှောင်ခို သွင်းတာပါ” ဟု တရုတ်ပြည် ထုတ်ပစ္စည်းများကို တင်သွင်းနေသည့် ကုန်သည် အမျိုးသမီးတဦးက ဧရာဝတီသို့ ပြောသည်။

ဈေးကွက်ကို အပြိုင်အဆိုင် လုနေရသဖြင့် တရားဝင် လိုင်စင်အခွန် ဆောင်သည့် ကိစ္စကို အများ အဆင်ပြေစေရန်၊ မခက်ခဲစေရန် လျှင်မြန်စွာ အမြန်ဆုံး ဆောင်ရွက်ပေးစေလိုကြောင်း၊ ယခုအခါ ကုန်သည်များအတွက် လိုင်စင် လုပ်ပေး နေသော်လည်း ကယ်ရီကိုသာ အားကိုးနေရသေးကြောင်း ၎င်းက ဆိုသည်။

“ကျနော်တို့ Mobile Team အဖွဲ့ကတော့ အခွန်မဆောင်၊ လိုင်စင်မရှိတဲ့ ပစ္စည်းမှန်သမျှ ဖမ်းဆီးပါတယ်။ အများဆုံး ဖမ်းမိတဲ့ ပစ္စည်းကတော့ စားသောက်ကုန်တွေ၊ ကားအပိုပစ္စည်းတွေ များပါတယ်။ အခွန်ဆောင်ဖို့ ကိစ္စမှာလည်း အကောက်ခွန်က တရက်တည်း အပြီး လုပ်ပေးနေပါတယ်။ ဒါပေမယ့် လူများတော့ ကြားကောင်းကြာနိုင်ပါတယ်” ဟု နယ်စပ် ကုန်သွယ်ရေးဇုန် ဒုတိယ ညွှန်ကြားရေးမှူး ဦးဝင်းလွင်က ဧရာဝတီသို့ ပြောသည်။

အခွန်ဆောင်သည့်အခါ ရုံးကိစ္စ အလုပ်လုပ်နေရသဖြင့် ကြန့်ကြာသောကြောင့် ကုန်သည်အများစုက မလုပ်ချင်ကြကြောင်း၊ အခွန်မဆောင်သည့် ကုန်များသည် ဈေးကွက်သို့ အမြန် ရောက်ကာ အကျိုးအမြတ် များများရသောကြောင့် ကုန်သည် အများစုမှာ အခွန်မဆောင်ကြခြင်း ဖြစ်ကြောင်း သိရသည်။

Mobile Team အဖွဲ့အနေဖြင့် ဖမ်းထားသည့် ပစ္စည်းများကို လုပ်ထုံးလုပ်နည်းအရ အကောက်ခွန်ဌာနသို့ လွှဲပြောင်းပြီး လေလံတင် ရောင်းချကာ နိုင်ငံတော် ဘဏ္ဍာငွေအဖြစ် သိမ်းဆည်းမည် ဖြစ်ကြောင်း ဦးဝင်းလွင်က ပြောသည်။

“နိုင်ငံတော်အစိုးရက စားသောက်ကုန်ဆိုရင် အရက်၊ ဘီယာ၊ စီးကရက်က လွဲပြီး ကျန်တာ လျော့ပေး ထားပါတယ်။ စားသောက်ကုန် ဆိုရင်လည်း ကျန်းမာရေးဌာနက သတ်မှတ်ချက်နဲ့ ညီညွတ်လား၊ မညီညွတ်လားဆိုတာ ကျနော်တို့ စစ်ပါတယ်။ အခွန်ဆောင်ဖို့ လိုင်စင်တွေ လုပ်ဖို့လည်း ပညာပေး ကဏ္ဍတွေ လုပ်ပေးနေပါတယ်။ ရုံးကိစ္စ ဖြည့်စွက်ရတာတွေ ခက်ခဲ နေတယ်ဆိုတာ ကျနော်တို့ သိပါတယ်” ဟု သူက ဆိုသည်။

နယ်စပ်ဒေသသို့ ပြေးဆွဲနေသည့် လိုင်းကားများသည် ကုန်သည်များ အခွန်မဆောင်သည့် ပစ္စည်းများကို သယ်ယူ မပေးတော့ကြောင်း၊ ထိုပစ္စည်းများ သိမ်းဆည်းခံရပါက ကားသမားများ မလျော်ပေးနိုင်ခြင်းကြောင့် ဖြစ်ကြောင်း ကားသမား အသိုင်းအ၀န်းက ဆိုသည်။

နိုင်ငံတော်က လိုင်စင်အပိုင်း၊ ကုန်ပစ္စည်းအပိုင်း များနှင့် ပတ်သက်၍ ဖြေလျှော့ပေးမှုများ ရှိသော်လည်း ကုမ္ပဏီ လုပ်ငန်းရှင် တချို့သည် အခွန်ရှောင်ရန် တရားမ၀င် လမ်းကြောင်း အမျိုးမျိုးမှ ကွင်းရှောင် သယ်ပို့နေကြောင်း၊ သွင်းကုန်များတွင် စက်သုံးဆီ အများဆုံး ဖြစ်ပြီး အရက်၊ ဘီယာနှင့် ဆေးလိပ်များ ပါဝင်ကြောင်း၊ ယင်း ကုန်ပစ္စည်းများကို စီးပွားရေးနှင့် ကူးသန်း ရောင်းဝယ်ရေး ၀န်ကြီးဌာန (စီးပွား/ ကူးသန်း) က တရားဝင် ခွင့်ပြုသွားရန် ရှိကြောင်း သိရသည်။

လားရှိုးပဋိပက္ခလျော့ပါး - ဒုက္ခသည်တထောင်ခန့်ရှိနေဆဲ

သျှမ်းသံတော်ဆင့်

သျှမ်းပြည်မြောက်ပိုင်း လားရှိုးမြို့နယ် ၃ ရက်တာ ဖြစ်ပွါးခဲ့သော ဘာသာရေးဆိုင်ရာ ပဋိပက္ခမှာ ယနေ့တွင်လျော့ပါး သွားပြီဖြစ်သော်လည်း မန်ဆူ ဘုန်းကြီးကျောင်းတွင် ဒုက္ခသည် တထောင်ခန့်ရှိနေကြောင်း လားရှိုးမြို့သတင်း ရပ်ကွက်က ဆိုပါသည်။

“ ဒီနေ့တော့ မြို့ထဲမှာ ဈေးဆိုင်တချို့ပြန်ဖွင့်နေပြီ ။ လမ်းမပေါ်မှာ လူသွားလူလာလဲနဲနဲကျဲကျဲ တွေ့နေရတယ်။ ရိုက်မှု နှက်မှုတော့ ထပ်မကြားရသေးဘူး။ အိမ်တိုင်းလိုလိုမှာ ရွှေတိဂုံဘုရားပုံတော်တွေ မဟာမြတ်မုနိဘုရားပုံတော် တွေကိုအိမ် ရှေ့မှာ ထင်ထင်ရှားရှားကပ်ထားတယ်။ သျှမ်းအိမ်တွေဆိုရင်တော့ သျှမ်းအလံ ထူထားတယ်” ဟု လားရှိုးမြို့ခံ စိုင်းဆိုင် က ပြောသည်။

မေလ၂၈၊ ၂၉ နှင့် ၃၀ ရက်နေ့အတွင်းဖြစ်ပွါးခဲ့သော မူစလင်ဘာသာဝင်များနှင့် လူတစုတို့၏ ရိုက်နှက်သတ်ဖြတ်မှု နေအိမ်နှင့်ဗလီများမီးရှို့မှုတို့ကြောင့် အစိုးရထုတ်ပြန်ခဲ့သော အရေးပေါ် ဥပဒေ ပုဒ်မ ၁၄၄ ကြောင့် လားရှိုးမြို့တွင်း ဆိတ်ငြိမ်လျှက်ရှိခဲ့သည်။

ထိုပဋိပက္ခများကြောင့် ဆုံးရှုံးမှုသိန်းပေါင်းထောင်ချီပြီး လူတဦးသေဆုံးမှုရှိကြောင်း၊ အများအပြားဒဏ်ရာရှိကြောင်း၊ မူစလင်ဘာသာဝင်(အများစုပါဝင်သော) ဒုက္ခသည် ၁၀၀၀ ခန့် မန်ဆူဘုန်းကြီးကျောင်း တွင်ခို လှုံနေလျက် ရှိကြောင်း ၊ ၎င်းတို့အား ပြည်သူ့အားကစားကွင်း မိုးလုံလေလုံခန်းမသို့ပြောင်းရွှေ့မည်ဆိုသည့် သတင်းလည်းထွက်ပေါ်နေကြောင်း မြို့ခံလူငယ် အမျိုးသမီးတဦးက လည်းပြော သည်။

“ဒုက္ခသည်တွေကိုတော့ မြို့ထဲကလူတွေနဲ့ ယူနီဆက်က အစားအသောက်တွေလာပေးတယ်။ လမ်းပေါ်မှာ သွားလာမှုရှိ နေတယ် ဆိုပေမယ့် သတိတော့ထားနေတုန်းဘဲပေါ့နော်။ ဆူပူမှုဖြစ်အောင်လုပ်တဲ့လူတွေရဲ့ စိတ်ကို မှမခန့်မှန်းတတ်တာ။ သူတို့ဘယ်ချိန်ဘယ်နေရာမှာ ဘာကိုမီးထပ်ရှို့မလဲ စိုးတထိတ်ထိတ်နဲ့ပေါ့” ဟု အဆိုပါအမျိုး သမီးကပြောသည်။

မေလ ၂၈ ရက်ညက လားရှိုးမြို့၌ ဓါတ်ဆီရောင်းအမျိုးသမီး မအေးအေးဝင်အား ကျိုင်းတုံမှတ်ပုံတင်ကိုင်ဆောင်သည့် ဦးနေဝင်းက ဓါတ်ဆီလောင်းမီးရှို့ရာမှာ လားရှိုးမြို့တွင်း ဗလီနှင့်လူနေအိမ်များမီးရှို့မှုဖြစ်ပွါးခဲ့သည်။

အဆိုပါ မီးရှို့မှုဖြစ်ပွားအောင်စတင်လုပ်ဆောင်ခဲ့သော တရားခံ ဦးနေဝင်းသည် ကျိုင်းတုံမြို့၌ လေယာဉ်လက်မှတ်ပွဲစား လုပ်ကိုင်နေသူတဦးဖြစ်ပြီး ၎င်း၏ အထက်စီးဆက်ဆံမှု ရိုင်းပျမှုကြောင့် ကျိုင်းတုံလူထုမှ အမြင်မကြည်ဖြစ်ကြ ကြောင်းလည်း ကျိုင်းတုံဒေသခံ အိုက်စိုင်းကလည်း သျှမ်းသံတော်ဆင့်အားပြောပြသည်။

၎င်းသည် မန္တလေး၊ ကျိုင်းတုံနှင့် တောင်ကြီးမြို့ တို့တွင် ဆူပူမှု ဖြစ်ဖို့ ဖန်တီးခဲ့ဖူးပြီး လားရှိုး၌ အမျိုးသမီးအား ဓာတ်ဆီ လောင်းမီးရှို့မှုမှသာ ပဋိပက္ခ ပေါ်လာကြောင်း မေလ ၂၉ ရက်နေ့က မြစ်ကြီးနား တွင် သတင်းထောက်များနှင့် တွေ့ဆုံစဉ် ငြိမ်းချမ်းရေးဖော်ဆောင်ရေးလုပ်ငန်းကော်မတီ ဥက္ကဌ ပြည်ထောင်စုဝန်ကြီး ဦးအောင်မင်းက ပြောဆိုခဲ့ကြောင်း ဒီဗီဘီသတင်းဌာနကလည်း ဖော်ပြထားသည်။

သျှမ်းပြည်နယ်နေ့က အဓမ္မမှုကျူးလွန်သည့် တပ်သား ထောင်ဒဏ် ၉ နှစ်ချမှတ်ခံရ

သျှမ်းသံတော်ဆင့်

သျှမ်းပြည်တောင်ပိုင်း ကျေးသီးမြို့နယ်တွင် ဖေဖော်ဝါရီလ (သျှမ်းပြည်နယ်နေ့) က သားသည်မိခင်တဦး အား ဓါးပြတိုက် မုဒိန်းကျင့်သည့် အစိုးရတပ်ပြေးအားယနေ့ လူထုတရားရုံး၌ ပြစ်ဒဏ်ချမှတ်ခဲ့ရာ ထောင်ဒဏ် ၉ နှစ် ချမှတ်ခံရကြောင်း ဒေသခံ များကပြောသည်။

“ အစက သူ့ကို အထူးစစ်ခုံရုံးဖွဲ့ပြီးစစ်ဆေးမယ်လုပ်သေးတယ်။ ဒါပေမယ့် နောက်တော့ စစ်တပ်က တာဝန်ဝတ္တရား လစ် ဟင်းမှု ၊ မူးယစ်မှုဘဲ ကိုင်တယ်။ ဆိုတော့ မြို့နယ်တရားရုံးကနေ သူ့ကို မုဒိန်းကျင့်မှု ထောင်ဒဏ် ၆ နှစ်၊ ညအချိန်ပုန်း လျှိုး ကျော်နင်းမှု ထောင်ဒဏ် ၂ နှစ် နဲ့ စစ်တပ်ကပေးတာအလုပ်ကြမ်းနဲ့ ထောင်ဒဏ် ၁ နှစ် စုစုပေါင်း သူ့ကို ထောင်ဒဏ် ၉ နှစ်ချမှတ် ပေးတယ်” ကျေးသီးမြို့ခံ ပါ့အေးနန်းက သျှမ်းသံတော်ဆင့်အားပြောပြသည်။

ဖေဖော်ဝါရီ ၇ ရက် ညသန်းခေါင်အချိန်က ကျေးသီးမြို့ မိုင်းနင်အုပ်စု နောင်ယုံးရွာသူ တဦးအား ခလရ ၁၃၁ မှတပ်သား မောင်ဦး က ဓါးပြတိုက်အဓမ္မ ပြုကျင့်ခဲ့သည်။ ထိုသို့မပြုကျင့်မီကလည်း နောင်ယုံးရွာထဲရှိ အိမ်နှစ်လုံးကို ခိုးဝင်ခဲ့ သေး ကြောင်း၊ ကျေးရွာအတွင်း ရေအားလျှပ်စစ်မီးကြိုးအားလည်း ခုတ်ဖြတ်ခဲ့သေးကြောင်း သိရသည်။

အဆိုပါတပ်သားမောင်ဦးသည် ၂၀၁၁ က တကြိမ် ၂၀၀၇ ကတကြိမ် သျှမ်းပြည်အလယ်ပိုင်း ဒေသခံအမျိုးသမီး များအား မုဒိန်းကျင့်ခဲ့ဖူးသည်ဟုလည်း ကျေးသီးမြို့ခံများက ပြောပြသည်။

“အဲဒီအချိန်တွေတုန်းက စစ်အုပ်ချုပ်ရေးစနစ်ဆိုတော့ လျော်ကြေးလဲမရ၊ ပြစ်ဒဏ်လဲမစီရင်ဘဲ အဲလိုဘဲပြီးသွားတယ်။ အခုတော့ ကျနော်တို့ မြို့နေလူထုတွေ ရပ်မိရပ်ဖနဲ့ ကျေးရွာအုပ်ချုပ်ရေးမှူးတွေရဲ့အင်အားနဲ့ အလကားဖြစ်မသွားအောင် ဝိုင်းကူပြီးတွန်းအားပေးကြတယ်။ ဆိုတော့အမှုကိုစီရင်နိုင်ခဲ့တယ်” ဟု ဒေသခံ စိုင်းခမ်းကလည်း သျှမ်းသံတော်ဆင့်အား ပြောပြသည်။

၂၀၀၈ ဖွဲ့စည်းပုံအခြေခံဥပဒေပါ တပ်မတော် အခန်းကဏ္ဍ ၊ အခန်း ၈ ပုဒ်မ ၃၄၃ စစ်ဘက်တရားစီရင်ရာတွင် - တပ်မတော် သားများအတွက် အဖွဲ့ဖြင့်ဖြစ်စေ၊ တဦးတည်းဖြစ်စေ ဥပဒေနှင့် အညီစီရင်နိုင်သည်၊ တပ်မတော်ကာကွယ်ရေး ဦးစီးချုပ်၏ အဆုံးအဖြတ်သည် အပြီးအပြတ်ဖြစ်သည် ဟုပါရှိပါသည်။

သမ္မတနှင့် တွေ့ဆုံရန် RCSS မှ တောင်းဆို

ဖြူဖြူကို

ရှမ်းပြည် ပြန်လည် ထူထောင်ရေး ကောင်စီ (RCSS) သည် အကောင်အထည် မဖေါ်နိုင်သေးသော သဘော တူညီချက်များကို တင်ပြနိုင်ရန် သမ္မတနှင့် တွေ့ဆုံခွင့်ပေးရန် တောင်းဆို ထားသည်ဟု ပြောခွင့်ရသူ ဗိုလ်မှူး စိုင်းလောဝ်ဆိုင်က ဆိုပါသည်။

“ ပြီးခဲ့တဲ့ မေလ (၁၃) ရက်နေ့က ဦးအောင်မင်းတို့နဲ့ MPC မှာ တွေ့တုန်း တောင်းဆိုခဲ့တာပါ။ သူကတော့ ဒုသမ္မတနဲ့ တွေ့ဖို့ပြောပါတယ်။ လာမယ့် ဇွန်လပေါ့နော်။ ကျနော်တို့ ကတော့ ဒီကိစ္စကို လာမယ့် ဇွန်လ ဗဟို ကော်မီတီ အစည်းအဝေးကို အရင် တင်ပြပြီးမှ တွေ့ကြမယ့် အချိန်ကို ထပ်ချိန်းမယ်လို့ ပြောထားခဲ့တယ်။” ဟုဆိုပါသည်။

RCSS သည် ပြည်ထောင်စု ငြိမ်းချမ်းရေး ဖေါ်ဆောင်ရေး ကော်မီတီများနှင့် ထပ်မံ တွေ့ဆုံရန် အတွက် သွားရောက် ညှိနှိုင်းစဉ်က သမ္မတနှင့် တွေ့ဆုံရန် တင်ပြခဲ့ခြင်း ဖြစ်ပါသည်။ RCSS သည် အစိုးရနှင့် ပြည်နယ် အဆင့် အပါအ၀င် ပြည်ထောင်စု အဆင့်၌ (၃) ကြိမ် ဆွေးနွေးခဲ့ပြီး သဘော တူညီချက်ပေါင်း (၄၀) ကျော် သဘော တူထားခဲ့ပါသည်။

သို့သော် ဤအချက်များထဲမှ ဆက်ဆံရေးရုံး ဖွင့်လှစ်ခြင်း ကိစ္စနှင့် နယ်မြေ ဖြတ်သန်း သွားလာရေး ကိစ္စ၌ လက်နက် မပါပဲ အကြောင်းကြားပြီး သွားလာကြရန် ဆိုသည့် အချက်နှစ်ချက်ကိုသာ အကောင်အထည် ဖေါ်ခဲ့ပါသည်။

ဤကဲ့သို့ သဘော တူထားသော်လည်း အစိုးရ စစ်ကြောင်းများသည် အကြောင်းကြားမှု မရှိဘဲ RCSS ဒေသထဲသို့ ၀င်ရောက် လှုပ်ရှားသဖြင့် အကြိမ် (၆၀) နီးပါးခန့် တိုက်ပွဲဖြစ်ပွား ခဲ့ပါသည်။ တိုက်ပွဲဖြစ်ပေါ်တိုင်းလည်း သမ္မတထံ စာရေးခဲ့ သော်လည်း ထူးခြားမှု မရှိခဲ့ကြောင်း ဆိုပါသည်။

RCSS သည် သဘော တူညီချက် (၄၀)ကျော်ထဲမှ သဘောတူထားသည့် တပ်နေရာ ချထားရေး၊ နယ်မြေ သတ်မှတ်ရေး၊ မူးရစ် ဆေးဝါး ပူးပေါင်း တိုက်ဖျက်ရေးနှင့် ဒေသ ဖွံ့ဖြိုးရေး လုပ်ငန်းများ စသည့် အရေးကြီး ကိစ္စများကို အကောင်အထည် ဖေါ်ရန် လိုအပ်ကြောင်း သမ္မတအား တိုက်တွန်း လိုသဖြင့် တွေ့ဆုံရန် လိုအပ်ကြောင်း တောင်းဆိုခြင်းဖြစ်ပါသည်။

“ကျနော်တို့တောင်းဆိုတာက သဘော တူညီချက်မှာ ပါပြီးသား အချက်တွေပါ။ အဲဒါကို အကောင်ထည်ဖော်ဖို့က အစိုးရ ဘက်ကလည်း မလုပ်ဘူး။ တပ်မတော်ကလည်း မလိုက်လျောဘူး။ ပူးပေါင်းဆောင်ရွက်မှု မရှိဘူး ဆိုလျှင် အပြန်အလှန် ယုံကြည်မှု တည်ဆောက်နေတယ် ဆိုတာပြောလို့ မရနိုင်ပါဘူး။ အပြန်အလှန် အသိမှတ်ပြုကြတာ မဟုတ်ဘူးလို့ ကျနော်တို့ ပြောချင်ပါတယ်” ဟု ဆိုပါသည်။

ဤအခြေအနေတွင် သမ္မတ ရုံးဝန်ကြီး ဦးအောင်မင်းသည် RCSS ဥက္ကဌ အနေဖြင့် ဒုတိယ သမ္မနှင့် တွေ့ဆုံရန် ဖိတ်ခေါ် လိုက်ခြင်းဖြစ်ပါသည်။ RCSS သည် နိုင်ငံရေး အရ တန်းတူရေး၊ ကိုယ်ပိုင်ပြဌာန်းခွင့် ရှိရေး၊ မူးယစ်ဆေးဝါး ပြသနာ ဖြေရှင်းရေးကို ပိုမိုဆွေးနွေး စေချင်ကြောင်း ဆိုပါသည်။

RCSS သည် ၂၀၁၁ ခုနှစ် နိုဝင်ဘာ (၁၉) ရက်နေ့တွင် အစိုးရနှင့် အပစ်အခတ် ရပ်စဲ ထားပါသည်။ ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်းကော်မီတီ ဒုဥက္ကဌ ဦးသိန်းဇော်သည် အပစ်အခတ် ရပ်စဲထားသော အဖွဲ့များနှင့် ဖြစ်ပေါ်ခဲ့သော တိုက်ပွဲများသည် လက်အောက်ခံ ပြသနာသာ ဖြစ်ပြီး ငြိမ်းချမ်းရေးကို ထိခိုက်စေသော ပြသနာများ မဟုတ်ကြောင်း ပြီးခဲ့သည့် မေလ (၉) ရက်နေ့တွင် ရှမ်းပြည် တိုးတက်ရေး ပါတီ ကိုယ်စားလှယ်များနှင့် တွေ့ဆုံစဉ် ပြောကြား ခဲ့ပါ သည်။

KIO မတရားအသင်းမှ ပယ်ဖျက်ပြီး ဆက်သွယ်မှုဖြင့် ဖမ်းထားသူများ လွှတ်ပေးမည်

မေခ

ကချင်လွတ်မြောက်ရေးအဖွဲ့ KIO ကို မတရားအသင်းအဖြစ်မှ ပယ်ဖျက်ပြီး တပတ်အတွင်း မတရားအသင်းဆက်သွယ်မှုဖြင့် ဖမ်းဆီးခံထားရသူများကို ပြန်လည်လွှတ်ပေးသွားမည်ဟု သမ္မတရုံးဝန်ကြီး ဦးအောင်မင်းက အာမခံ ပြောဆိုသည်။

ဦးအောင်မင်းနှင့် ပြည်ထောင်စု ငြိမ်းချမ်းရေးဖော်ဆောင်ရေး ကော်မတီတို့သည် မြစ်ကြီးနားမြို့အနီးရှိ ဒုက္ခသည်စခန်းများကို ကုလသမဂ္ဂ အထူးကိုယ်စားလှယ် မစ္စတာ ဗီဂျေးနမ်ဘီးယားနှင့် လှည့်လည်ကြည့်ရှုစဉ် လက်ရှိတွင် KIO အဖွဲ့နှင့် ငြိမ်းချမ်းရေးရပြီးဖြစ်၍ မတရားအသင်းအဖြစ် ကြေညာထားခြင်းမှ ပယ်ဖျက်သွားရန်ရှိကြောင်း၊ ထို့နောက် မတရားအသင်း ဆက်နွယ်မှုဖြင့် ဖမ်းဆီးခံခဲ့ရသူများမှာ “လုပ်ထုံးလုပ်နည်းအရ” လွှတ်မြောက်မည်ဟု ဦးအောင်မင်းက ဧရာဝတီသို့ ပြောသည်။

မတရားအသင်း ဆက်သွယ်မှုများနှင့် ပတ်သက်ပြီး ကချင်ပြည်နယ် ပြည်သူ့လွှတ်တော် ကိုယ်စားလှယ် ဒေါ်ဒွဲဘူက ပုဒ်မ ၁၇/ ၁ နှင့် ဖမ်းဆီးခံထားရသူများအရေး မြစ်ကြီးနား ဆွေးနွေးပွဲတွင် ပြည်ထောင်စု ငြိမ်းချမ်းရေး ကော်မတီသို့ တင်ပြခဲ့ကြောင်းနှင့် အလားအလာ ကောင်းကြောင်း ပြောသည်။

“တိုင်းရင်းသားတိုင်းမှာ ဒီပုဒ်မနဲ့ စွဲခံခဲ့ရသူတွေရှိတော့ လွှတ်ဖို့ ဆွေးနွေးခဲ့ပါတယ်။ ဒီကိစ္စက အကောင်အထည်ပေါ်လာမယ် ထင်ပါတယ်။ ဘယ်လောက်မြန်မြန်ဖြစ်မလဲဆိုတာကတော့ လုပ်ဆောင်မယ့် အစိုးရအပေါ် မူတည်ပါတယ်” ဟု ဒေါ်ဒွဲဘူက ဧရာဝတီသို့ ပြောသည်။

ပြည်ထောင်စု ငြိမ်းချမ်းရေးဖော်ဆောင်ရေး ကော်မတီ ဂျာမိုင်ကောင်း နှစ်ခြင်းဒုက္ခသည်စခန်း အရောက်တွင်လည်း မတရားသင်းနှင့် ဆက်သွယ်မှုဖြင့် ဖမ်းဆီးခုံရုံးတင် ခံရသော ကချင်စစ်ပြေးဒုက္ခသည်တဦးဖြစ်သည့် ဦးဘရန်ရှောင် ပြန်လွှတ်ပေးရေးအတွက် စခန်းတာဝန်ခံက တင်ပြရာ ဦးအောင်မင်းက ဦးဘရန်ရှောင်ကို နောက်ဆုံးအမိန့်ချပြီး တပတ် အတွင်း ပြန်လွှတ်မည်ဟု ကချင်လူထုရှေ့တွင် အာမခံပြောကြားခဲ့သည်။

” ဦးဘရန်ရှောင်အမှု နောက်ဆုံးအမိန့်ချဖို့ထိ ရောက်နေပြီ။ အမှုမှာ ထောင်ဒဏ်ကျသည်ဖြစ်စေ မကျခံရသည်ဖြစ်စေ ဘယ်လိုပဲ ဆုံးဖြတ်ပါစေ။ ဦးဘရန်ရှောင် တပတ် အတွင်း နေရပ်ကို ပြန်လာနိုင်ဖို့ အာမခံတယ် ”ဟု ဦးအောင်မင်းက ပြောကြားသည်။

ဦးအောင်မင်းက လက်ရှိ ၎င်းအနေဖြင့် တရားရုံးမှ၎င်း တဦးတည်း အမိန့်ဖြင့်၎င်း ခေါ်ယူပေး၍မရကြောင်း၊ ယခင် တပ်မတော်လက်ထက်တွင် ချက်ချင်းခေါ်ယူ၍ ရသော်လည်း ယခု ဒီမိုကရေစီစနစ်တွင် တရားရေးအာဏာနှင့် လွှတ်တော်အာဏာတို့အပေါ်တွင် အစိုးရက စွက်ဖက်၍ မရကြောင်း၊ သို့အတွက် တရားရုံး နောက်ဆုံးအမိန့်ချပြီးမှသာ ပြန်လည်လွှတ်ပေးရန် သမ္မတ၏ အထူးအာဏာကို သုံးပြီး လွှတ်နိုင်မည်ဖြစ်ကြောင်း ရှင်းလင်းပြောကြားသည်။

“ဒီကိစ္စကို ကျနော့်သိက္ခာနဲ့ ရင်းပြီး အာမခံပါတယ်”ဟုလည်း ဧရာဝတီမှ မေးမြန်းချက်ကို ဦးအောင်မင်းက တုန့်ပြန်ပြောဆိုသည်။

ဦးဘရန်ရှောင်အမှုကို ဦးအောင်မင်းထံတင်ပြခဲ့သူ ဂျာမိုင်ကောင်းဒုက္ခသည်စခန်းမှ ဦးအောင်မြတ်က အမှုကို တရားမျှတစွာ ဖြစ်စေလိုကြောင်း ပြောသည်။“ခု ချက်ချင်းလွှတ်ပါလို့ မပြောပါဘူး။ တရားမျှမျှတတ ဖြစ်ဖို့ မျှော်လင့်ပါတယ်။ စစ်မှန်တဲ့ မျှတမှု လိုချင်ပါတယ်”ဟု ပြောသည်။

လက်ရှိ ကချင်ပြည်နယ်အတွင်း မတရားအသင်းပုဒ်မနှင့် အရေးယူထားသည့် အမှုပေါင်း ၆၁ မှုရှိပြီး ဖမ်းဆီးစွပ်စွဲခံထားရသူ ၇၆ ယောက်ရှိကာ စုစုပေါင်း ဖမ်းဆီးစွပ်စွဲခံထားရသူများအနက်မှ ၄၉ ဦးမှာ အမှုစစ်ဆေးပြီးဖြစ်ကြောင်းနှင့် ၂၇ ဦးမှာ ဆက်လက် စစ်ဆေးခံနေရကြောင်း ပြည်သူ့လွှတ်တော် ကိုယ်စားလှယ် ဒေါ်ဒွဲဘူ ကောက်ယူထားသောစာရင်းများအရ သိရသည်။

ပဋိပက္ခကြောင့် လားရှိုးမြို့မှာ လုံခြုံရေးတင်းကြပ်ချထား

ABC

မြန်မာနိုင်ငံအရှေ့မြောက်ပိုင်း ​ရှမ်းပြည်နယ် ​လားရှိုးမြို့မှာ ​ဘာသာရေးနဲ့လူမျိုးရေးဆန်တဲ့ ​ပဋိပက္ခတွေဖြစ်ခဲ့တဲ့အတွက် ​ရာနဲ့ချီတဲ့ ​မွတ်စလင်လူမျိုးတွေဟာ ​ဗုဒ္ဓဘုန်းကြီးကျောင်းမှာခိုလုံနေရပြီး ​ကျောင်းဝင်းတ၀ိုက်မှာ ​လုံခြုံရေးတွေ ​တင်းတင်းကြပ်ကြပ်လည်း ​ချထားတယ်လို့လည်း ​သိရပါတယ်။

ပဋိပက္ခတွေကြောင့် ​မွတ်စလင်လူမျိုး ​တစ်ထောင်နှစ်ရာကျော်လောက်ကို ​မန်းဆူဗုဒ္ဓဘာသာ ​ဘုန်းကြီးကျောင်းမှာ ​ခိုလုံနေထိုင်ခွင့်ပေးထားရပါတယ်။

ပြီးခဲ့တဲ့ ​မတ်လ ​၂၈နဲ့ ​၂၉ရက်နေ့တွေမှာဖြစ်ခဲ့တဲ့ ​ပဋိပက္ခကြောင့် ​လူတစ်ဦးသေဆုံးခဲ့ပြီး ​အနည်းဆုံး ​လူ၎ဦးလည်းဒဏ်ရာရခဲ့တဲ့အပြင် ​နေအိမ်တွေ၊ ​ဆိုင်ခန်းတွေနဲ့ ​ဗလီတလုံးပါ ​မီးရှို့ဖျက်ဆီးခံလိုက်ရတယ်လို့ ​သိရပါတယ်။

ပြီးတော့ ​ပဋိပက္ခအတွင်းမှာ ​ဗုဒ္ဓဘာသာ ​ဘုန်းကြီးတချို့လည်း ​ပါဝင်ပတ်သက်နေတယ်လို့ ​သတင်းတွေထွက်ပေါ်နေပါတယ်။

ပဋိပက္ခကြောင့် ​မေလ ​၂၈ရက် ​ညနေကစပြီး ​လားရှိုးမြို့တွင်းမှာ ​ပုဒ်မ ​၁၄၄ ​ထုတ်ပြန်ထားခဲ့သလို ​လုံခြုံရေးတွေလည်း ​ပိုမိုတင်းကျ ​ချထားလိုက်ပြီး ​အာဏာပိုင်တွေက ​စစ်ဆေးမှုတွေလုပ်နေတယ်လို့လည်း ​သိရပါတယ်။

အခုဆိုရင် ​လုံခြုံရေးအတွက် ​စစ်သားသုံးရာနဲ့ ​ရဲနှစ်ရာ ​ချထားတယ်လို့ ​နာမည်မဖော်လိုတဲ့ ​ရဲတစ်ဦးက ​ရိုက်တာ ​သတင်းကိုပြောပြခဲ့ပါတယ်။ ​လားရှိုးမြို့မှာ ​လူဦးရေ ​တစ်သိန်းသုံးသောင်းလောက်ရှိတယ်လို့ ​သိရပါတယ်။

ရဲတပ်ဖွဲ့များ ပထမအကြိမ် တိုက်ခိုက် ခံရခြင်း

ရွှေဟင်္သာ

တအာင်း (ပလောင်) ဒေသ တခုဖြစ်သည့် ရှမ်းပြည်နယ်မြောက်ပိုင်း မန်တုံမြို့နယ်ရှိ မန်ပါတ်ရွာမှ ရွှေလီ တာဝါ လျှပ်စစ် တာဝါတိုင်စောင့် တာဝန်ကျ ရဲတပ်ဖွဲ့ဝင် (၃) ဦး ယမာန်နေ့က ပစ်သတ် ခံရသည်ဟု တအာင်းကျောင်းသားနှင့် လူငယ်များ အစည်းအရုံးမှ အတွင်းရေးမှူး (၁) က ဆိုပါသည်။

“ အခု အဲဒီရဲ (၃) ယောက်ကို မန်တုံဆေးရုံမှာပဲ ရင်ခွဲ စစ်ဆေးနေပါတယ်၊ ဒီညနေလောက် ပြီးမလား မသိဘူး၊ ဒီနေ့မနက် မန်တုံပြည်သူ့စစ်တွေရော ရဲတွေရော သွားသယ်တုန်းက သေနတ်ကျည်ဆန် ထိမှန်တဲ့ ပုံစံနဲ့သေဆုံးခဲ့တယ်လို့ ပြောတယ်” ဟု တအာင်း ကျောင်းသားနှင့် လူငယ်များ အစည်းအရုံးမှ အထွေထွေ အတွင်းရေးမှူး (၁) ဖြစ်သူ မိုင်းမျိုးအောင်မှ ဆိုပါသည်။

အပစ်ခံရသည့် ရဲတပ်ဖွဲ့ဝင်များမှာ စိုးသိန်း (တပ်ကြပ်ကြီး)၊ ရဲဝင်း (တပ်ကြပ်)၊ အမည်မသိ (ဒု-တပ်ကြပ်တစ်ဦး) တို့ဖြစ်ကြပြီး မည်သူ့ လက်ချက်ဖြစ်သည်ကို လောလောဆယ် မသိရသေးကြောင်း ဆိုပါသည်။ ၄င်းတို့သည် လကုန်ရက်ဖြစ်၍ တာဝန် ကျရာ ရွှေလီ တာဝါလျှပ်စစ် တာဝါတိုင်မှ မန်တုံတို့ လာရောက်စဉ် မန်တုံ-နမ္မတူလမ်း၇-မိုင်တံတား အရောက်တွင် ပစ်သတ် ခံရခြင်း ဖြစ်ကြောင်း ဆိုပါသည်။

မန်တုံ ရဲမှာမူ ယခု ပစ်ခတ်မှုသည် ဤဒေသတွင် လှုပ်ရှားနေသည့် တိုင်းရင်းသား လက်နက်ကိုင်အဖွဲ့များ၏ လက်ချက်ဖြစ်နိုင်သည်ဟု စွပ်စွဲ ထားပါသည်။ သို့သော် တအာင်း အမျိုးသား လွတ်မြောက်ရေး တပ်မတော်TNLA မှာမူ ၄င်းတို့ လက်ချက် မဟုတ်ကြောင်း ငြင်းဆိုပါသည်။

၎င်းမန်တုံဒေသတွင် ကချင် လွတ်လပ်ရေး တပ်မတော် တပ်မဟာ (၄) ဒေသ တပ်ဖွဲ့၊ ရှမ်းပြည် တိုးတက်ရေး ပါတီ၊ ရှမ်းပြည် ပြန်လည် ထူထောင်ရေး ပါတီနှင့် တအာင်း အမျိုးသား လွတ်မြောက်ရေး တပ်မတော် လက်နက်ကိုင် အဖွဲ့တို့ လှုပ် ရှားနေကြသည့်နေရာဖြစ်သည်။

မန်တုံဒေသ၌ ဖြစ်ခဲ့သော တိုက်ခိုက် မှုများသည် အများအားဖြင့် တပ်မတော် တပ်ဖွဲ့များနှင့်သာ တိုက်ခိုက် ခဲ့ကြသော်လည်းယခု ရဲများ တိုက်ခိုက်မှုသည် ပထမဆုံး အကြိမ် ဖြစ်သည်ဟုလည်း တအာင်းကျောင်းသားနှင့် လူငယ်အစည်း အရုံး၏သတင်းနှင့် လူ့အခွင့်အရေးဌာနမှ ယနေ့ ထုတ်ပြန်သည့် ကြေငြာချက်၌ ဖော်ပြထားပါသည်။

လားရှိုးရှိ မွတ်စလင် ဒုက္ခသည်များ မန်ဆူ ရှမ်းဘုန်းတော်ကြီး ကျောင်းတွင် ခိုလှုံခွင့်ရ

နန်းသီရိလွင်


လားရှိုးမြို့နယ်အတွင်းနေထိုင်ကြသည့် မွတ်စလင်များကို လားရှိုးမြို့ ရပ်ကွက် ၁၂ သီရိမင်္ဂလာ မန်ဆူ ရှမ်းဘုန်းတော်ကြီး ကျောင်းအတွင်းတွင် ဒုက္ခသည်စခန်း ဖွင့်လှစ် ခိုလှုံခွင့်ပေးနေကြောင်း သတင်းရရှိသည်။

ယနေ့ နေ့လယ် ၂ နာရီအချိန်တွင် နောက်ဆုံး ရရှိသော သတင်းများအရ သီရိမင်္ဂလာ မန်ဆူ ရှမ်းဘုန်းတော်ကြီးကျောင်း အတွင်း ရပ်ကွက်အသီးသီးမှ မွတ်စလင် အိမ်ထောင်စု ၂၃၉ အိမ်ထောင်စု၊ လူဦးရေအားဖြင့် ၁၃၅၉ ဦး ရောက်ရှိနေကြောင်း သိရသည်။

“လူတွေက ထပ်ထပ် တိုးလာတယ်။ ငွေကြေး တတ်နိုင်တဲ့သူတွေကတော့ မန္တလေးအထိ ပြေးကြတာပေါ့။ ကျနော်တို့လို လူတန်းစားတွေကျတော့ အနီးအနားတော၊ တောင်တွေ ထဲပဲ ပြေးရတာ။ ကိုယ့်ဟာကိုယ် ပုန်းတာနဲ့ စာရင် ဒီ ဘုန်းကြီးကျောင်းမှာ နေရတာ ပိုအသက်ရှူချောင်တယ်” ဟု မန်ဆူ ရှမ်းကျောင်းတွင် ခိုလှုံနေသူ မွတ်ဆလင် တဦးက ဆိုသည်။

ရပ်ကွက်များအတွင်း ကျန်ရှိနေသော ဒုက္ခသည်များကို သက်ဆိုင်ရာမှာ ရှာဖွေ ကယ်ဆယ်နေပြီး မန်ဆူရှမ်းကျောင်းသို့ ပို့ပေးနေကြောင်း သိရသည်။

“ရပ်ကွက်ထဲ ကျန်နေတဲ့သူတွေကို ခေါ်ဖို့ ကျနော်တို့ အဖွဲ့ ငါးဖွဲ့ ဖွဲ့ထားပါတယ်။ အဲဒီအဖွဲ့တွေက ရပ်ရွာထဲမှာ လိုက် ကြေညာတယ်၊ စုံစမ်းတယ်၊ သတင်းရတာနဲ့ ကျနော်တို့ တပ်နဲ့ လှမ်းချိတ်တယ်။ တပ်က လုံခြုံရေးအပြည့်နဲ့ သွားခေါ်တယ်၊ သူတို့ကပဲ ဒီကို လာပို့တယ်။ ဒါက ဖြစ်ကတည်းက နေ့စဉ်လုပ်နေတာပါ။ အစကတော့ ဒုက္ခသည်တွေကို သက်ဆိုင်ရာ နယ်မြေ ရဲကင်းတွေမှာ ထားပေမယ့် မနေ့မနက်က စလို့ ဒီကျောင်းကို ပြောင်းလာပေးတာပါ” ဟု လားရှိုးမြို့နယ် အထွေထွေ အုပ်ချုပ်ရေး ဦးစီးဌာနမှ တာဝန်ရှိသူ တဦးဖြစ်သည့် ဦးအောင်ကိုကိုက ဧရာဝတီကို ပြောသည်။

မွတ်စလင် ဒုက္ခသည်များကို ရှာဖွေရန်အတွက် အထွေထွေ အုပ်ချုပ်ရေး ဦးစီးဌာနမှူး ၁ ဦး၊ လက်ထောက် ညွှန်မှူး ၁ ဦး၊ ဌာနဆိုင်ရာ ၄ ဦး၊ ရပ်ကျေး အုပ်ချုပ်ရေးမှူးများ၊ ရပ်မိရပ်ဖ ၃ ဦးစီ၊ ရဲအရာရှိ ၁ ဦးနှင် လုံခြုံရေးအင်အား ဆယ်ဦး၊ သံဃာတော် ဆယ်ပါး ပါဝင်သော အဖွဲ့ ငါးဖွဲ့ကို ဖွဲ့စည်း ဆောင်ရွက်နေကြောင်း ၎င်းက ဆိုသည်။

မန်ဆူ ရှမ်းကျောင်းအတွင်းရှိ ဒုက္ခသည် သုံးပုံ ၂ ပုံကို ယနေ့ ညနေပိုင်း ထမင်းစားပြီးချိန်တွင် မြို့နယ် အားကစားရုံသို့ ထပ်မံ ပို့ရန် စီစဉ်ထားကြောင်းလည်း သိရသည်။

“ဒီမှာ လူအရမ်းများလာတော့ မိုးရွာရင် ကော်ရစ်ဒါမှာ နေနေရသူတွေ အတွက် ဒုက္ခရောက်နိုင်တယ်။ အဲဒါကြောင့် အခု အားကစားရုံမှာ အိမ်သာ ထပ်ဆောက်နေတယ်။ ဒီညနေတော့ သူတို့ကို ပြောင်းပေးပါမယ်” ဟု ဦးအောင်ကိုကိုက ဆိုသည်။

မန်ဆူ ရှမ်းကျောင်းရှိ ဒုက္ခသည်များ စီမံခန့်ခွဲရေးအတွက် ဌာနဆိုင်ရာများ၊ လူမှုရေး အဖွဲ့အစည်းများနှင့် ကော်မတီ ဖွဲ့စည်းထားပြီး ကျောင်းထိုင်ဆရာတော်နှင့် ပူးပေါင်းလုပ်ဆောင်နေကြောင်း၊ ဒုက္ခသည်များ၏ စားရေး သောက်ရေးအတွက် ပုဂ္ဂလိက အလှူရှင်များ၊ ကမ္ဘာ့ စားနပ်ရိက္ခာ အစီအစဉ်နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီတို့မှ ဆန်အိတ်များ လှူဒါန်းထားပြီး ကျန်းမာရေး ဆေးပေးခန်းကိုပါ ဒုက္ခသည်စခန်းအတွင်း ဖွင့်လှစ်ပေးထားကြောင်း သိရသည်။

မန်တုံမြို့နယ်မှ ရဲဝန်ထမ်းသုံးဦး လုပ်ကြံခံရ

ဟင်္သာနီ (မွန်မြေ) | သောကြာနေ့၊ မေလ ၃၁ ရက် ၂၀၁၃

ပလောင် ကိုယ်ပိုင်အုပ်ချုပ်ခွင့်ရဒေသ ရှမ်းပြည်နယ် မန်တုံမြို့နယ်ရှိ မန်ပါတ်ရွာမှ ရွှေလီ လျှပ်စစ်တာဝါတိုစောင့် တာဝန်ကျနေသည့် ရဲတပ်ဖွဲ့ဝင်သုံးဦး မေ ၂၉ ရက်တွင် လုပ်ကြံခံရသည်ဟု တအာင်း ကျောင်းသားနှင့် လူငယ်များအစည်းအရုံးက ကြေ ညာချက်ထုတ်ပြန်သည်။

လုပ်ကြံခံခဲ့ရသည့် ရဲတပ်ဖွဲ့ဝင်များမှာ စိုးသိန်း (တပ်ကြပ်ကြီး)၊ ရဲဝင်း (တပ်ကြပ်)၊ အမည်မသိ (ဒု-တပ်ကြပ် တစ်ဦး) တို့ဖြစ်သည်ဟု တအာင်း ကျောင်းသားနှင့် လူငယ် အစည်းအရုံး၏ သတင်းနှင့် လူ့အခွင့်အရေး ဌာန၏ မေ ၃ဝ ထုတ်ပြန်ချက်တွင် ပါရှိသည်။

''အဲဒီရဲသုံးယောက်ကို မန်တုံ ဆေးရုံမှာပဲ ရင်ခွဲစစ်ဆေးနေပါတယ်၊ ဒီညနေလောက် ပြီးမလားမသိဘူး၊ ဒီနေ့ မနက် မန်တုံ ပြည်သူ့စစ်တွေရော ရဲတွေရောသွားသယ်တုန်းက သေနတ်ကျည်ဆန် ထိမှန်တဲ့ ပုံစံနဲ့
သေဆုံးခဲ့တယ်''
ဟု တအာင်း ကျောင်းသားနှင့် လူငယ်များအစည်းအရုံး အထွေထွေအတွင်းရေးမှူး ၁ မိုင်းမျိုးအောင်က ပြောသည်။

''သူတို့ မိဘတွေက ပြောတာတော့ သူတို့ကိုလမ်းပေါ်မှာစောင့်ပြီး သေနတ်နဲ့ ပစ်တယ်လို့ပြောတယ်၊ သူတို့ သေနတ်တွေနဲ့ပဲလား အခြား သေနတ် တွေနဲ့လားတော့ မပြောတတ်သေးဘူး'' ဟုလည်း တအာင်း
ကျောင်းသားနှင့် လူငယ်များ အစည်းအရုံး အထွေထွေအတွင်းရေးမှူး မလိုည်းလှားရိုင်းက မဇ္ဈိမကို ပြောသည်။

အဆိုပါ ရဲတပ်ဖွဲ့ဝင်များကို လုပ်ကြံသည့် တရား ခံကိုမူ မသိရသေးဘဲ မန်တုံရဲစခန်းမှ စုံစမ်းနေဆဲဖြစ်သည်ဟု တာဝန်ကျ ရဲဝန်ထမ်းတစ်ဦးက မဇ္ဈိမကိုပြောသည်။ ရဲသားတို့၏ ရုပ်အလောင်းကို သင်္ဂြိုဟ်ရန် မန်တုံမြို့နယ် ''မိုးသောက်ကြယ်'' နာရေးကူညီရေးအသင်းက အကူအညီပေးမည်ဖြစ်သည်။ အစိုးရဝန်ထမ်း ရဲတပ်ဖွဲ့ ဝင်များကို တိုက်ခိုက်ခံရခြင်းသည် ယခုအကြိမ်မှာ ပထမဆုံး ဖြစ်သည်။

သမ္မတ ဦးသိန်းစိန်နှင့် ဒု ဗိုလ်ချုပ်ကြီး ယွက်စစ်တို့ တွေ့ဆုံရန် စီစဉ်ပေးမည်ဟု ဦးအောင်မင်း ပြော

သန်းထိုက်ဦး


သမ္မတ ဦးသိန်းစိန်နှင့် ရှမ်းပြည် ပြန်လည်ထူထောင်ရေး ကောင်စီ (RCSS) ဥက္ကဋ္ဌနှင့် ရှမ်းပြည်တပ်မတော် (SSA) တောင်ပိုင်း၏ ဒုတိယ ဗိုလ်ချုပ်ကြီး ယွက်စစ်တို့ တွေ့ဆုံဆွေးနွေးနိုင်ရေးကို စီစဉ်ဆောင်ရွက်ပေးနိုင်ကြောင်း ပြည်ထောင်စုအဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဌ ဝန်ကြီး ဦးအောင်မင်းက အလွတ်သဘော ပြောဆိုသည်ဟု သိရသည်။

မေလ ၁၃ ရက်နေ့က ရန်ကုန်မြို့ရှိ ငြိမ်းချမ်းရေး ပြန်လည် ထူထောင်ရေး လုပ်ငန်း ဗဟိုဌာန (MPC) တွင် SSA တောင်ပိုင်းမှ ကိုယ်စားလှယ်တချို့က အပစ်အခတ် ရပ်စဲရေး ကိစ္စရပ်များကို သွားရောက်တွေ့ဆုံ ဆွေးနွေးရာတွင် ဦးအောင်မင်းက ထို့ကဲ့သို့ ပြောကြားခြင်း ဖြစ်ကြောင်း SSA တောင်ပိုင်း ပြောခွင့်ရပုဂ္ဂိုလ် ဗိုလ်မှူး စိုင်းလောင်ဆိုင်းက ဧရာဝတီသို့ ပြောသည်။

“MPC မှာ ကျနော်တို့ ဦးအောင်မင်းနဲ့ သွားတွေ့တုန်းကတော့ သမ္မတနဲ့ တွေ့ဖို့ စီစဉ်ပေးမယ်၊ အလည်အပတ်လာခဲ့ပါ၊ နှုတ်နဲ့ ဖိတ်တာ၊ တရားဝင် ဖိတ်တာ မဟုတ်သေးဘူး” ဟု ၎င်းက ဆိုသည်။

SSA တောင်ပိုင်း အနေနှင့် နှစ်ဖက် ခေါင်းဆောင်များ တွေ့ဆုံနိုင်ရေးအတွက် နှုတ်ဖြင့် ဖိတ်ခေါ်ခြင်းထက် စာနှင့် တရားဝင် ဖိတ်ကြားခြင်းကို လိုလားကြောင်း သိရသည်။

“နိုင်ငံတော် သမ္မတကြီးနဲ့ အစိုးရ အကြီးအကဲများနဲ့ တွေ့ဆုံခွင့် ရရင်တော့ သွားဖို့ ဆန္ဒရှိတယ်။ ဘာလို့လဲ ဆိုတော့ ငြိမ်းချမ်းရေး တည်ဆောက်တာ နိုင်ငံတော် အကြီးအကဲတွေနဲ့ ပူးပေါင်ပြီးတော့ လုပ်ရမယ့် ကိစ္စပဲ။ အဲဒီတော့ သူတို့နဲ့ တွေ့ပြီးတော့ ယုံကြည်မှုတွေ တည်ဆောက်နိုင်မယ်၊ အပြန်အလှန် လေးစားမှုတွေလည်း တည်ဆောက်နိုင်မယ်၊ ကျနော်တို့ ဖော်ဆောင်လို့တဲ့ ငြိမ်းချမ်းရေးကို အထောက်အကူ ပြုပါလိမ့်မယ်လို့ ယုံကြည်တဲ့ အတွက်ကြောင့် တွေ့ချင်တဲ့ဆန္ဒရှိတယ်” ဟု ဗိုလ်မှူး စိုင်းလောင်ဆိုင်းက ဆက်ပြောသည်။

ဒု ဗိုလ်ချုပ်ကြီး ယွက်စစ်ကလည်း သမ္မတ ဦးသိန်းစိန်နှင့် တွေ့ဆုံခဲ့ပါက အပစ်အခတ်ရပ်စဲရေး၊ နိုင်ငံရေး၊ ထာဝရ ငြိမ်းချမ်းရေး တည်ဆောက်နိုင်ရေး အချက် ၃ ချက်ကို အဓိကထား၍ ဆွေးနွေးမည်ဟု ပြောခဲ့ဖူးကြောင်း ၎င်းက ဆိုသည်။

အစိုးရအနေနှင့် အပြန်အလှန် ယုံကြည်မှု တည်ဆောက်နေသည့် ကာလအတွင်း တိုက်ပွဲများ ပြန်လည် ဖြစ်ပွားခြင်း၊ ပြည်ထောင်စု အဆင့် ဆွေးနွေးပွဲမှ သဘောတူညီမှုများ အကောင်အထည် ဖော်ဆောင်ခြင်းတို့ကို မပြုလုပ်ရသေးကြောင်း ဗိုလ်မှူး စိုင်းလောင်ဆိုင်းက ရှင်းပြသည်။

“မူးယစ်ဆေးဝါး ပြဿနာ ၀ိုင်းပြီးတော့ ဖြေရှင်းဖို့အတွက် အစိုးရဖက်က ဟုတ္တိပတ္တိ မပြောကြသေးဘူး။ သဘောတူညီမှု အချက်ပေါင်း ၄၀ ကျော်အထဲမှာ အကောင်အထည် ဖော်ဆောင်နေတာ ၂ ခုပဲ ရှိသေးတယ်။ သမ္မတနဲ့ တွေ့ရင်တော့ ဆွေးနွေးနိုင်မယ့် အချက်တွေကို ဆွေးနွေးဖို့ အဲဒီလိုတော့ ရည်ရွယ်ထားပါတယ်” ဟု ၎င်းက ဆိုသည်။

ယင်း သဘောတူညီချက် ၂ ချက်မှာ SSA တောင်ပိုင်း တပ်ဖွဲ့ဝင်များ၏ ဆက်ဆံရေးရုံးများ ဖွင့်လှစ်နိုင်ခြင်းနှင့် လက်နက် မကိုင်ဆောင်ဘဲ လွတ်လွတ်လပ်လပ် သွားလာနိုင်ခြင်းတို့ ဖြစ်ကြောင်း သိရသည်။

၂၀၁၂ ခုနှစ် မေလ ၁၉ ရက်နေ့က ရှမ်းပြည်နယ် အရှေ့ပိုင်း ကျိုင်းတုံမြို့တွင် ဒု ဗိုလ်ချုပ်ကြီး ယွက်စစ် ဦးဆောင်သော ကိုယ်စားလှယ်အဖွဲ့နှင့် အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီအဖွဲ့တို့ ပြည်ထောင်စုအဆင့် နောက်ဆုံး တွေ့ဆုံဆွေးနွေးခဲ့ပြီး သဘောတူ လက်မှတ်ရေးထိုးခဲ့သည်။

မူးယစ်ဆေးဝါး ပူးတွဲနှိမ်နင်းရေး၊ SSA တောင်ပိုင်း အဖွဲ့အား မတရားအသင်းအဖြစ်မှ ပယ်ဖျက်ပေးရေး၊ နိုင်ငံရေးပါတီများနှင့် ဒေသခံပြည်သူလူထုများ လွတ်လပ်စွာ တွေ့ဆုံဆွေးနွေးရေး၊ နိုင်ငံသား စိစစ်ရေးကတ်ပြားများ ပြုလုပ်ပေးရေး၊ SSA အဖွဲ့နှင့် မိသားစုဝင်များ နေရာချထားရေး၊ စီးပွားရေးလုပ်ငန်းများ ဖော်ဆောင်ရေးစသည့် အချက်တို့ ပါဝင်ကြောင်း သိရသည်။

ထို့အပြင် SSA တောင်ပိုင်း ထိန်းချုပ် ဒေသတွင် ရှမ်းတောင်တန်း ချယ်ရီ အမည်ဖြင့် ကုမ္ပဏီ ၆ ခု တည်ထောင်ရန် အစိုးရက ပြီးခဲ့သည့် မေလ ၁၄ ရက်နေ့က ခွင့်ပြုထားပြီး ခရီးသွားလုပ်ငန်း၊ သယ်ယူပို့ဆောင်ရေး၊ ကျောက်မျက်ရတနာနှင့် ကုန်သွယ်ရေး လုပ်ငန်း၊ ၀န်ဆောင်မှုလုပ်ငန်း၊ ကုန်ထုတ်လုပ်ငန်းနှင့် ဟိုတယ်လုပ်ငန်းတို့ လုပ်ဆောင်မည်ဟု သိရသည်။

အစိုးရက မီဒီယာ ဥပဒေသစ် ထုတ်ပြန်ပြီးလျှင် SSA တောင်ပိုင်းအနေဖြင့် “ရှမ်းလွတ်မြောက်ရေး သတင်း အေဂျင်စီ” (Tai Freedom News Agency) ဖွင့်လှစ်ရန်လည်း အစီအစဉ်ရှိကြောင်း သိရသည်။

ပိန်းခမ်းတောင်မှ TNLA တိုက်ပွဲများနှင့် အစိုးရ စစ်ဆင်မှုများ

ရွှေဟင်္သာ

တအာင်း အမျိုးသား လွတ်မြောက်ရေး တပ်မတော် TNLA သည် အစိုးရ ခလရ (၁၄၄) တပ်ဖွဲ့နှင့် ရှမ်းပြည်မြောက်ပိုင်း နမ့်ခမ်းမြို့နယ် မိုင်းဝီး ကျေးရွာ အုပ်စု ပိန်းခမ်းရွာ အလွန် စေတီကုန်း အနီးတွင် ယနေ့ မနက်ပိုင်း တစ်နာရီ အချိန်တွင် ရင်ဆိုင် တိုက်ပွဲ ဖြစ်ပွား ခဲ့သည်ဟု TNLA အရာရှိ တစ်ဦးက ဆိုပါသည်။

“ တိုက်ပွဲက မနက် (၂) နာရီနီးပါး အထိ ဖြစ်တယ်။ သူတို့က ကင်းပုန်း ၀တ်တယ်။ လွယ်ဟွမ်ရွာဘက် လမ်းအထွက် ဘုရားကုန်း အနီးမှာလေ။ သူတို့နဲ့ TNLA တပ်ရင်း (၄၇၈) က တပ်ခွဲ (၁) အဖွဲ့နဲ့ ဖြစ်ခဲ့တယ်။ ကြားတာက အစိုးရဖက်က အနည်းဆုံး ၃ ဦး ဒါဏ်ရာ ရတယ်လို့ မျက်မြင်တွေက ပြောတယ်ဗျ” ဟု ဆိုပါသည်။

T.N.L.A နှင့် အစိုးရ တပ်များသည် မကြာခဏ တိုက်ပွဲ ဖြစ်ပွား လာနေပါသည်။ ယမာန်နေ့ မေလ (၂၉) ရက်နေ့ ကလည်း TNLA တပ်ရင်း ၁၁၂ တပ်ဖွဲ့နှင့် အစိုးရ ခလရ ၄၅ တပ်ဖွဲ့ အပါအ၀င် ခလရ ၁၂၃ တပ်ဖွဲ့ ရဲတပ်ဖွဲ့ နှင့် ပြည်သူ့စစ်တို့နှင့် ကွတ်ခိုင်မြို့နယ် မိုင်းယုလေးနှင့် လူမ်ကမ်ရွာ အကြား (လားရှိုး-မူဆယ် ကားလမ်း အနီး)တွင် တိုက်ပွဲဖြစ်ခဲ့ပါသည်။


တိုက်ပွဲသည် နံနက် ၃ နာရီခွဲမှ ၅ နာရီခွဲ နာရီ အထိ ဖြစ်ပွားခဲ့ပြီး အစိုးရဖက်မှ အနည်းဆုံး ၅ ဦး ထိခိုက် ကျဆုံး ခဲ့သည်ဟု ဆိုပါသည်။

ထို့အပြင် ရှမ်းပြည်နယ် မြောက်ပိုင်း ကျောက်မဲ ခရိုင် မိုင်းငေါ့မြို့နယ်ခွဲ ခုန်ခါဒေသတွင်လည်း TNLA တပ်ရင်း (၇၁၇) နှင့် အစိုးရ ခမရ (၅၀၁) တို့က မနက် (၃) နာရီမှ (၅) နာရီ အထိ တိုက်ပွဲဖြစ်ပွား ခဲ့ရာ အစိုးရ ဖက်မှ (၂) ဦးသေဆုံးပြီး (၃) ဦး ဒါဏ်ရာ ရခဲ့သည်ဟုဆိုပါသည်။

အလားတူ TNLA တပ်ရင်း၂၅၆ တပ်ဖွဲ့နှင့် အစိုးရ ခမရ (၅၀၂) တပ်ဖွဲ့ အပါအ၀င် ဒေသခံ ပြည်သူ့စစ် ခေါင်းဆောင် ထွန်းမြတ်လေး အဖွဲ့ တို့သည်လည်း ယမာန်နေ့ နေ့လည် တစ်နာရီခွဲမှ (၂) နာရီခွဲ အထိ နမ့်ဆန်မြို့နယ် အိုမ်ပါရ် (နမ့်ခေး) ကျေးရွာ အနီးတွင် တိုက်ပွဲဖြစ်ပွား ခဲ့ပါသည်။ ၄င်းတိုက်ပွဲ၌ အစိုးရ ဖက်မှ အနည်းဆုံး (၆)ဦး ထိခိုက် ဒါဏ်ရာ ရကြောင်း TNLA ဖက်မှ ဆိုပါသည်။

တအာင်း ဒေသ စစ်ဆင်ရေး များသည် ရှမ်းပြည်နယ် မြောက်ပိုင်း နမ့်ဆန် မြို့ပေါ်ရှိ အမှတ် (၁) စစ်ဆင်ရေး ကွပ်ကဲမှု ဌာန ချုပ်မှူး ကခ (၁) မှူး ဗိုလ်မှူးချုပ် ဇော်ဦးမှ ဦးဆောင် ညွှန်ကြားနေခြင်း ဖြစ်ပါသည်။ ၄င်းသည် နမ့်ဆန်မြို့ တစ်ဝိုက် ၅ မိုင် ၀န်းကျင်ကို ကင်းပုန်း ၀တ်ခြင်းနှင့် နယ်မြေ စိုးမိုးရေး လှုပ်ရှားမှုများ အမြဲတမ်း စစ်ဆင် လာနေပါသည်။

၎င်းတို့သည် တအာင်းဒေသ၌ ခပ်စိပ်စိပ် လှုပ်ရှား လာနေပြီး တပ်ဖွဲ့ လှုပ်ရှားမှုကိုလည်း နေ့ခင်း လှုပ်ရှားမှုထက် ညပိုင်း လှုပ်ရှားမှုကို ပိုလုပ်လာပါသည်။

“မနက် မိုးလင်းတာနဲ့တိုက်ပွဲဖြစ်လို့ ကောင်းမယ့်နေရာကို ကျနော်တို့နဲ့နီးတဲ့ နေရာမှာ နားပြီး တိုက်ပွဲအတွက် ပြင်ဆင်ကြပါတယ်။ ဒေသ အတွင်း လှုပ်ရှားမှု ပိုပြီး စိပ်လာတဲ့ အတွက် တိုက်ပွဲက ပိုပြီး ဖြစ်လာတယ်။ အဲဒါပါဘဲ” ဟု TNLA အရာရှိ တစ်ဦးက ဆိုပါသည်။

အစိုးရ စစ်ဆင်ရေးများသည် KIA နှင့် ဆွေးနွေးနေစဉ် အချိန် အတောအတွင်း TNLA တပ်များအား ပိုမို စစ်ဆင် လာနေသည့် အသွင်ဆောင်ပါသည်။ TNLA သည် မူးရစ်ဆေးဝါး တိုက်ဖျက်ရေးနှင့် နယ်မြေ စိုးမိုးရေး အတွက် လှုပ်ရှားလျှက် ရှိရာ မူးရစ်ဆေးဝါး စိုက်ပျိုးသော ဒေသခံ ပြည်သူ့စစ်များနှင့် ထိပ်တိုက် တိုးနေပါသည်။ ဤသို့ကြောင့် အစိုးရ တပ်များသည် ဒေသခံ ပြည်သူ့စစ်များနှင့် ပူးပေါင်းပြီး TNLA ကို စစ်ဆင်နေခြင်း ဖြစ်သည်ဟု TNLA ဖက်မှ ယူဆပါသည်။

အစိုးရ တပ်ဖွဲ့ များသည် တအာင်း ဒေသကို ဖြတ်သန်း သွားသော တရုတ် ပိုက်လိုင်း လုံခြုံရေး ကိစ္စနှင့် နယ်မြေ စိုးမိုးရေး အတွက်ကို ရည်ရွယ်ပြီး တအာင်း ဒေသ၌ တပ်အင်အား (၂၅) ရင်းဖြင့် အင်းအား (၄၀၀၀) ခန့်အထိ တိုးချဲ့ ချထားပါသည်။ ထို့နည်းတူ တအာင်းဒေသ၌ ရှိနေသော တိုင်းရင်းသား လက်နက်ကိုင် အင်အားမှာ အနည်းဆုံး (၁၆) ရင်းခန့် ရှိပြီး လူအင်အား (၃၀၀၀) ခန့် ရှိနိုင်ကြောင်း အကဲခတ်များက ဆိုပါသည်။

လူထုအားကိုးသည့်ချောင်းရေအား တရုတ်ရာဘာခြံအတွက် ဝ တပ်ဖွဲ့ဖြတ်သုံး

သျှမ်းသံတော်ဆင့်

သျှမ်းပြည်အရှေ့ပိုင်း မိုင်းတုံမြို့နယ် ပုံပါကျင်မြို့နယ်ခွဲအတွင်းရှိ လယ်သမားများ အားကိုးရသည့် ချောင်းရေ အား ချောင်းဦးပိုင်းမှ ဖြတ်ယူပြီး တရုတ်ရာဘာခြံအတွက် အသုံးပြုမည်ဟု တောင်ပိုင်း ၀ တပ်ဖွဲ့က အာဏာ သုံးပြီး ပြောဆိုလာသည်ဟု ဒေသခံများက ပြောပါသည်။

“ကျနော်တို့ ပုံပါကျင်မှာ နမ့်ဟူးချောင်းမှ ထဲ စီးဝင်တဲ့ ချောင်းလက်တက်ငယ် သုံးခု ရှိတယ်။ နမ့်ခဲမ် ချောင်း တခုဘဲ လယ်သမားတွေအတွက် အသုံးဝင်တာ။ တခြားချောင်းတွေက အဲဒီလောက်အသုံးမဝင်ဘူး။ ဘာဖြစ် လို့ အဲဒီနမ့်ခဲမ်ချောင်းကိုမှ လာလုယူတာလဲ။ နမ့်ထလန်းချောင်း နမ့်ယုံးချောင်းမှာ သွားသွယ်ယူပါလား” - ဟု လယ်သမား တဦးက ပြောပါသည်။

နမ့်ခဲမ်ချောင်းဦး အား တရုတ်ရာဘာခြံအတွက် သွယ်ယူရန် ဗမာစကားကျွမ်းကျင်သည့် ၀ တပ်ဖွဲ့မှ တရုတ် အမျိုးသားတဦးက ပုံပါကျင်ရပ်မိရပ်ဖထံ ‘ရာဘာခြံအတွက် ငါတို့ နမ့်ခဲမ်ချောင်းကို သွယ်ယူမယ်’ ဟုလာ ရောက်ပြောဆိုကြောင်း၊ ‘နမ့်ခဲမ်ချောင်းသည် လယ်ဧကများစွာ ပေးကျွေးရမှာဖြစ်သည့်အတွက် မပေးနိုင်ဘူး ’ ဟု ရပ်ရွာလူထုက တုန့်ပြန်ရာ အဆိုပါ ဝ တပ်ဖွဲ့ဝင်က ‘ခင်ဗျားတို့ကို ခွင့်လာတောင်းတာမဟုတ်ဘူး၊ အသိ လာပေးတာ’ - ဟု ပြန်လည်ပြောဆိုခဲ့ကြောင်း ဒေသခံ လယ်သမားများက ပြန်လည် ပြောပြသည်။

“ကျနော်ကိုယ်တိုင်လဲ လယ်သမားပါ။ ငယ်ကတည်းက လယ်လုပ်လာတာ။ ဒီဒေသမှာ နမ့်ခဲမ်ချောင်းကို အား ကိုးနေရတဲ့ လယ် ဧကနှစ်ထောင်လောက်ရှိတယ်။ ဝ တပ်ဖွဲ့အနေနဲ့ အာဏာသုံးပြီး အဲဒီလိုလာ မလုပ် သင့် ဘူးလေ။ အများနဲ့ဆိုင်တဲ့ ချောင်းရေ မိမိကိုယ်ကျိုးစီးပွားအတွက် ရယူပြီး လူထု လယ်သမားတွေ အခက် အခဲဖြစ်လာအောင် ပြဿ နာ ဖြစ်လာအောင် လုပ်တာတော့ မခံနိုင်ဘူး။ အဲဒါကြောင့် ပြဿနာမဖြစ်အောင် ကြိုတင်တားဆီးနိုင်ဖို့အထက်ကို တင်ပြရမှာဘဲ” - ဟု မိုင်းတုံမြို့ မဲဆန္ဒနယ် အမှတ် ၂ ပြည်သူ့လွှတ်တော် ကိုယ်စားလှယ် စိုင်းဝင်းမြတ်ဦး က ပြောပါသည်။

အဆိုပါချောင်းရေသည် လယ်အတွက်အပြင် အစိုးရရုံးများ၊ ရဲစခန်း၊ ကျောင်း၊ ဆေးရုံ၊ နှင့် မြို့တွင်း ၅ ရပ် ကွက်လုံးက နေ့စဉ် အသုံးပြု အားထားရသည်ဟုဆိုသည်။ ထို့အတွက် ဆွေးနွေးရန် ၀ အာဏာပိုင်များအား မြို့နယ်အုပ်ချုပ်ရေးမှူး ဦးမင်းဦး က ယနေ့ ၁၀ နာရီ က ခေါ်ယူခဲ့သည်ဟု ရပ်ကွက်အကြီးအကဲတဦးက ပြောသည်။

နမ့်ခဲမ်ချောင်းဦးမှတဆင့် ရာဘာခြံရေသွင်းရန် လေးလက္မလုံးပတ်ပိုက်ဖြင့် သွယ်ယူမည်ဖြစ်ကြောင်း၊ အဆိုပါ ရာဘာခြံများမှာ ဝ တပ်ဖွဲ့နာမည်ခံပြီး ဗမာစကား သျှမ်းစကားလုံးဝမတတ်သည့် တရုတ်ပြည်မှလာသည့် ပြည်ကြီးတရုတ် လူမျိုးများက ပိုင်ဆိုင်သည်ဟု ဆိုသည်။ စီမံကိန်းစရန် ဝ တပ်ဖွဲ့မှ ဘူဒိုဇာကားများ ချောင်းဦးပိုင်းသို့ ဦးတည်သွားနေသည်ဟု သိရသည်။

ကလေး ၂ယောက်ထက်မယူရ ဥပဒေရပ်တန့်ဖို့ ကုလတောင်းဆို

ABC

မြန်မာနိုင်ငံအနောက်ပိုင်း ​ရခိုင်ပြည်နယ်အတွင်းမှာ ​နေထိုင်တဲ့ ​ရိုဟင်ဂျာမွတ်စလင်လူမျိုးတွေကို ​ကလေးနှစ်ယောက်ထက်မယူရ ​ဥပဒေ ​အသက်ဝင်ကျင့်သုံးတော့မယ်ဆိုတဲ့ ​အစိုးရရဲ့ ​ကန့်သတ်ချက်ကို ​ရပ်တန့်ပေးဖို့ ​ကုလသမဂ္ဂက ​တောင်းဆိုလိုက်ပါတယ်။

မြန်မာနိုင်ငံမှာ ​ဖြစ်နေတဲ့ ​ဘသာရေးနဲ့လူမျိုးရေးဆန်တဲ့ ​ပဋိပက္ခတွေကြောင့် ​မကြာသေးခင်ကပဲ ​ရိုဟင်ဂျာမွတ်စလင်လူမျိုးတွေ ​ကလေးနှစ်ယောက်ပိုမယူရ ​ဥပဒေကို ​အသက်ဝင်ကျင့်သုံးဖို့ ​မြန်မာအစိုးရ ​ထုတ်ပြန် ​ပြောဆိုလိုက်ပါတယ်။

ရခိုင်ပြည်နယ်မှာ ​ဗုဒ္ဓဘာသာနဲ့ ​ရခိုင်လူမျိုးတွေ ​ကြားမှာ ​ပဋိပက္ခဖြစ်ပွားခဲ့ပြီးနောက်ပိုင်း ​အခုလို ​ဥပဒေမျိုးထုတ်ပြန်လိုက်တာဟာ ​အခြေခံလူ့အခွင့်အရေးကို ​ချိုးဖောက်ရာကျတယ်လို့ ​ကုလသမဂ္ဂ ​လက်ထောက်ပြောခွင့်ရပုဂ္ဂိုလ် ​မစ္စတာ ​Eduardo ​del ​Buey ​က ​ပြောလိုက်ပါတယ်။

ကလေးနှစ်ယောက်ထက် ​ပိုမယူရဥပဒေဟာ ​ရိုဟင်ဂျာမွတ်စလင်လူမျိုးတွေ ​အများစုနေထိုင်တဲ့ ​မြို့နယ်နှစ်ခုမှာပဲ ​ကျင့်သုံးဖို့ ​ချမှတ်လိုက်တာဖြစ်တယ်လို့ ​ရခိုင်ပြည်နယ်က ​အာဏာပိုင်တွေက ​ဆိုပါတယ်။

အခုလို ​ဥပဒေမျိုးကို ​အသက်ဝင်ကျင့်သုံးဖို့အတွက် ​အစိုးရပြောလိုက်ပြီးတဲ့နောက်ပိုင်းမှာပဲ ​မြန်မာ့ ​ဒီမိုကရေစီခေါင်းဆောင် ​ဒေါ်အောင်ဆန်းစုကြည်ကလည်း ​ဒါဟာ ​အခြေလူ့အခွင့်အရေးကို ​ချိုးဖောက်ရာကျတယ်လို့ ​ဝေဖန်လိုက်ပါတယ်။

ကလေးနှစ်ယောက်ထက်ပိုမယူရဥပဒေဟာ ​ယခင် ​စစ်အစိုးရလက်ကတည်း ​စတင်ခဲ့တာဖြစ်ပြီးတော့ ​အခုအချိန်ကျမှ ​အသက်ဝင်ကျင့်သုံးဖို့ ​ချမှတ်လိုက်တာဖြစ်ပါတယ်။

ရခိုင်ပြည်နယ်မှာ ​ဗုဒ္ဓဘာသာရခိုင်လူမျိုးနဲ့ ​ရိုဟင်ဂျာ ​မွတ်စလင်လူမျိုးတွေကြား ​ဖြစ်ခဲ့တဲ့ ​ပဋိပက္ခတွေကြောင့် ​အိုးအိမ်မဲ့ ​ဒုက္ခသည်အဖြစ်နေထိုင်ရတဲ့ ​လူဦးရေ ​တစ်သိန်းလေးသောင်းနီးပါးရှိပြီး ​များသောအားဖြင့် ​ရိုဟင်ဂျာမွတ်စလင်လူမျိုးတွေ ​ဖြစ်တယ်လို့ ​သိရပါတယ်။

မောင်တော ဆူပူမူတွင် ပါဝင်၍ ၀ရမ်းပြေး ဖြစ်နေသူများကို အာဏာပိုင်များက ငွေယူ၍ ရွာတွင် လက်ခံထား

နိရဉ္စရာ

ရခိုင်ပြည်နယ် မောင်တောမြို့နယ် လောင်တုံ ကျေရွာအုပ်စုမှ ရခိုင်ရွာ တစ်ရွာအား ၂၀၁၂ ခုနှစ် ဇွန်လ အတွင်းက ၀ိုင်းဝန်း တိုက်ခိုက်ရာတွင် ခေါင်းဆောင် အဖြစ် ပါဝင်၍ အာဏာပိုင်များက ဖမ်းဆီးရန် လိုလားနေသူ ၀ရမ်းပြေး ၃၇ ဦးကို ဒေသအတွင်းက အရာရှိငယ်များက ငွေယူ၍ ကျေးရွာများတွင် လက်ခံထားသည်ဟု သတင်း ရရှိသည်။

၂၀၁၂ ခုနှစ် ဇွန်လ ၈ ရက်နေ့ ညနေက လောင်တုံ အုပ်စုရှိ စေတီပြင် ရခိုင် ကျေးရွာအား ၀ိုင်းဝန်း တိုက်ခိုက်ရာတွင် ဦးဆောင် ပါဝင်သူများကို လုံခြုံရေးတပ်ဖွဲ့ဝင်များက လိုက်လံ ဖမ်းဆီးရာ မွတ်ဆလင် ရွာသား (၈) ဦးကို လက်ရ ဖမ်းဆီးမိပြီး ကျန် ၃၇ ဦးမှာ ဘင်္ဂလာဒေခ်ျ့ဘက်သို့ ထွက်ပြေးသွားခဲ့ကြသည်ဟု သိရသည်။

ဖမ်းဆီးရမိသူ (၈) ဦးကို သက်သေ အထောက်အထား ခိုင်လုံသဖြင့် မောင်တောမြို့နယ် တရားရုံးက ထောင်ဒဏ် (၇) နှစ်စီ အသီးသီး ချမှတ်လိုက်သည်ဟု ဆိုသည်။

ကျန် (၃၇) ဦးမှာ တစ်ဘက်နိုင်ငံသို့ ထွက်ပြေးသွားသဖြင့် သူတို့အား တရားခံပြေး၊ တဘက်နိုင်ငံသို့ ထွက်ပြေးသူ (ဘီဒီပြေး) များ အဖြစ် သတ်မှတ်လိုက်သည်ဟု သိရသည်။

“ အခု သူတို့ ရွာတွေ ဖြစ်ကြတဲ့ ဆင်သေပြင်တို့၊စေတီပြင်ရွာတို့မှာ ပြန်ရောက်နေကြပါပြီ။ လောင်တုံ ကင်းစခန်းမှူး တပ်ကြပ်ကြီး ++ နဲ့ လောင်တုံ ကျေးရွာ အုပ်ချုပ်ရေးမှူး ++ တို့ကို တစ်ဦကို ကျပ် တစ်သိန်းကနေ (၅) သိန်းထိ ပေးပြီး နေနေကြပါတယ်။ သူတို့တွေဟာ ကျေးရွာကို ၀ိုင်းဝန်း တိုက်ခိုက်တုန်းက ဦးဆောင် ပါဝင်သူတွေ ဖြစ်တယ်လို့ တရားရုံးမှာ သက်သေ ထွက်ဆိုထားသူတွေ ဖြစ်ကြတဲ့ ရခိုင်ရွာသားတွေကတော့ သူတို့ပြန်ရောက်လာပြီးတဲ့ နောက်ပိုင်းမှာ လုံခြုံရေးကို အထူး စိုးရိမ်နေကြပါတယ်” ဟု လောင်တုံ အုပ်စု စေတီပြင် ရွာသား တစ်ဦးက ပြောသည်။

ဒေသဆိုင်ရာ ရဲတပ်ဖွဲ့ အရာရှိငယ်များသည် နယ်စပ် လုံခြုံရေး နစက တပ်ဖွဲ့ဝင်များ လောင်တုံကျေးရွာသို့ လာရောက်သည့် အခါတိုင်း အဆိုပါ တရားခံပြေးများအား အကြောင်းကြားပြီး ပုန်းအောင်းနေထိုင်ရန် စေခိုင်းထားသည်ဟု အဆိုပါ ရွာသားက ပြောသည်။

၂၀၁၂ ခုနှစ် ဇွန်လ ၈ ရက်နေ့က မောင်တောမြို့ပေါ်တွင် ဆူပူ အကြမ်းဖက်မူ ဖြစ်ပွားပြီးနောက် မောင်တောမြို့နယ် မြောက်ပိုင်း လောင်တုံ ကျေးရွာ အုပ်စုတွင် ပါဝင်သော အိမ်ခြေ (၅၀) ခန့်ရှိသည့် စေတီပြင် ရခိုင်ရွာအား ဆင်သေပြင်၊ စေတီပြင် စသော ကျေးရွာများမှ မူဆလင် ဘာသာဝင် တစ်ထောင်ကျော်ခန့်သည် တိုက်ခိုက်ရန် ၀ိုင်းဝန်းလာခဲ့ကြသည်ဟု အဆိုပါ ရွာသားက ပြောသည်။

“ အဲဒီအချိန်က အမှတ် (၅) နယ်မြေမှူး ဗိုလ်မှူး သိန်းထိုက်အောင်သာ ၅ မိနစ် အတွင်း အချိန်မီ မရောက်လာခဲ့ရင် ကျွန်တော်တို့ ရွာသားတွေ အကုန်လုံး အသတ်ခံရမယ်။ ဗိုလ်မှူးက ဘယ်သူ့အမိန့်ကို မစောင့်ဘဲ သေနတ်ပစ်ထည့်လိုက်မှ ၀ိုင်းလာတဲ့ ဘင်္ဂါလီတွေ အကုန်လုံး ထွက်ပြေးသွားကြပါတယ်” ဟု ဆိုသည်။

အဆိုပါ ဖြစ်စဉ်တွင် သက်ဆိုင်ရာမှ ဦးဆောင်သူ ၄၅ ဦးကို တရားစွဲဆိုခဲ့ရာ (၈) ဦးကိုသာ ဖမ်းဆီး တရားစွဲဆိုနိုင်ခဲ့သော်လည်း ကျန် ၃၇ ဦးကိုမူ တစ်ဘက်နိုင်ငံသို့ ထွက်ပြေးသွားသဖြင့် ဖမ်းဆီး တရားစွဲဆိုနိုင်ခြင်း မရှိကြောင်း သိရသည်။

ယခုအခါ အဆိုပါ တရားခံပြေးများမှာ ပြန်လည် ရောက်ရှိနေကြပြီဟု ဆိုသည်။

အဆိုပါ ကိစ္စနှင့် ပတ်သက်ပြီး လောင်တုံ ရဲစခန်းသို့ ဆက်သွယ်ရန် ကြိုးစားသော်လည်း ဖုံးနံပတ် မရှိသဖြင့် ဆက်သွယ်နိုင်ခြင်း မရှိခဲ့ပါ။

မြန်မာအစိုးရနှင့် KIO မြစ်ကြီးနားဆွေးနွေးပွဲမှ တိုက်ပွဲလျော့ချရန် သဘောတူ

KNG

ကချင်ပြည်နယ် မြစ်ကြီးနားမြို့တွင် ကချင်လွတ်မြောက်ရေးအဖွဲ့ (KIO)နှင့် မြန်မာအစိုးရငြိမ်းချမ်းရေး ကိုယ်စား လှယ်အဖွဲ့တို့ကြား ၃ ရက်ကြာဆွေးနွေးမှုအပြီး နှစ်ဖက်ကြား ပစ်ခတ်တိုက်ခိုက်မှုများလျော့ချပြီး တိုက်ပွဲထပ်မံ မဖြစ်ပွားအောင် ထိန်းသိမ်းသွားရန်ပါသော အချက် ၇ ချက် သဘောတူညီလက်မှတ် ရေးထိုးခဲ့သည်။

၎င်းသဘောတူညီချက်တွင် အစိုးရနှင့် KIO တို့ကြား နိုင်ငံရေးဆွေးနွေးမှုများ ဆက်လက်ဆောင်ရွက်သွားရန်၊ ပစ်ခတ်တိုက်ခိုက်မှုများလျော့ချခြင်း တိုက်ပွဲထပ်မံ မဖြစ်ပွားအောင် ထိန်းသိမ်းခြင်းတို့ကို ဆောင်ရွက်သွားရန်၊ နယ်မြေလုံခြုံရေးအရ နေရပ်စွန့်ခွာ ရွှေ့ပြောင်းနေထိုင်သည့် ပြည်သူများအတွက် ပြန်လည်ထူထောင်ရေး ကိစ္စရပ်များကို ညှိနှိုင်းဆောင်ရွက်သွားရန်နှင့် တပ်ပိုင်းဆိုင်ရာ တပ်နေရာချထားမှုများ ညှိနိုင်းဆောင်ရွက်သွား ရန်တို့ ပါဝင်သည်။

ထို့ပြင် လိုအပ်သော လုပ်ငန်းစဉ်များညှိနှိုင်းဆောင်ရွက်နိုင်ရန် KIO ကိုယ်စားလှယ်များနှင့် အလုပ်အဖွဲ့ (Technical Team) ကို မြစ်ကြီးနားမြို့တွင် ထားရှိသွားရန်နှင့် နောက်တစ်ကြိမ်ဆွေးနွေးပွဲတွင် ယခုအကြိမ်တက်ရောက်သည့် အဖွဲ့များမှ ကိုယ်စားလှယ်များ ပြန်လည်တက်ရောက်ရန်နှင့် အခြားဖိတ်ကြား လိုသောအဖွဲ့များရှိပါက နှစ်ဖက်ညှိနှိုင်းဆောင်ရွက်သွားရန်တို့ကို သဘောတူခဲ့ခြင်းဖြစ်သည်။

၎င်းတွင် နှစ်ဖက်ကိုယ်စားလှယ်များ ပါဝင်သော စောင့်ကြည့်ကြီးကြပ်ရေးအဖွဲ့ (Joint Monitoring Committee) ဖွဲ့စည်းရန်အတွက်ကိုတော့ မူအားဖြင့်သာ သဘောတူထားခြင်းဖြစ်သည်။

အစိုးရနှင့် KIO ကြား ယခင်ဆွေးနွေးပွဲများတွင်မှာတော့ “သဘောထားထုတ်ပြန်ချက်” သာ ဖြစ်ပြီး ယခုဆွေးနွေးပွဲတွင် “သဘောတူညီချက်” ဟူ၍ ထုတ်ပြန်လိုက်ခြင်းဖြစ်သည်။

ထိုသို့ ထုတ်ပြန်လိုက်ရခြင်းအားဖြင့် အစိုးရဘက်မှ အနည်းငယ်လိုက်လျောမှုများရှိပြီး သဘောတူထားသည့် အတိုင်း လက်တွေ့တွင် ဆက်လက်လုပ်ဆောင်သွားပါက အောင်မြင်သည့်ဘက်ကို ရောက်သွားနိုင်မည်ဟု ယုံကြည်ကြောင်း ငြိမ်းချမ်းရေးဆွေးနွေးရေး အကျိုးဆောင်အဖွဲ့ (PCG) မှ ဦးခပရာ ခွန်းအောင် (Hka Pra Hkun Awng) က ပြောသည်။

“ရွှေလီဆွေးနွေးပွဲမှာ စစ်ရှိန်လျော့သွားဖို့ ထုတ်ပြန်ခဲ့တဲ့နောက်မှာ ကချင်ပြည်နယ်ဘက်မှာတော့ လျော့သွား တယ်လို့မြင်တယ်။ အခုလဲ ဆက်ပြီး တိုက်ပွဲမဖြစ်အောင် ထိန်းထိန်းသိမ်းသိမ်းနေမယ် ဆိုတာတွေကိုကြည့် ရင်တော့ တပ်ပိုင်းနဲ့ပတ်သက်ပြီး သူတို့သဘောတူထားတဲ့အတိုင်း လက်တွေ့လုပ်ဆောင်သွားရင်တော့ အောင် မြင်မယ်လို့မျော်လင့်တယ်။ တကယ်လို့များ စာရွက်မှာပဲ သဘောတူရေးထားရင်လဲ လက်တွေ့မှာ လိုက်မလုပ် ဘူးဆိုရင်တော့ အဲဒါက အားလုံးသိတဲ့အတိုင်းပဲလေနော်။”

ယခုဆွေးနွေးပွဲတွင် “အစိုးရဘက်က အပစ်ခတ်ရပ်ဆဲရေး လက်မှတ်ထိုးမယ်ဆိုတာကို KIO အနေနဲ့တော့ ၁၇ နှစ်ရဲ့ အတွေ့အကြုံကြောင့် အပစ်ခတ်လက်မှတ်မထိုးဖို့ဆိုတာက မဖြစ်နိုင်ဘူးဆိုပြီးပြောတဲ့အပေါ်မှာတော့ KIO တွေရဲ့လိုအပ်ချက်ကို အစိုးရကနေပြီး လက်ခံတဲ့သဘောလို့မြင်တယ်” ဟု ဦးခပရာ ခွန်းအောင် ကပြောသည်။

မေလ ၂၉ ရက်နေ့တွင် KIA ဘက်မှ ဒု-စစ်ဦးစီးချုပ် ဗိုလ်ချုပ် ဂွန်မော်နှင့် အစိုးရဘက်မှ ကာကွယ်ရေးဝန်ကြီးဌာန ဒုဗိုလ်ချုပ်ကြီး မြင့်စိုးတို့သည် သီးသန့် တံခါးပိတ်ဆွေးနွေးမှုများ ပြုလုပ်ခဲ့ကြောင်း သိရသည်။

KIO နှင့် အစိုးရတို့သည် မေလ ၂၈ မှစပြီး ကချင်ပြည်နယ် မြစ်ကြီးနားမြို့ မနောကွင်းမဂျွယ်ခန်းမဆောင် (Majoi Gawknu) တွင် ၃ ရက်ကြာ ငြိမ်းချမ်းရေးလုပ်ငန်းစဉ်များ ဆွေးနွေးသွားရာ တွင် စောင့်ကြည့်လေ့လာသူအဖြစ် ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာဗီဂျေနမ်ဘီးယား၊ တရုတ်ပြည်သူ့သမ္မတနီုင်ငံသံရုံး ဒုတိယ သံရုံးတာဝန်ခံ Mr. Lu Zhi၊ တိုင်းရင်းသားလက်နက်ကိုင် အဖွဲ့အစည်း ၈ ဖွဲ့၏ ကိုယ်စားလှယ်များနှင့် ဖိတ်ကြားထားသော မြို့မိမြို့ဖ ၁၀ ဦးတက်ရောက်ခဲ့ခြင်းဖြစ်သည်။

ငြိမ်းချမ်းရေးဆွေးနွေးပွဲတွင် KIO ဘက်မှ ဦးဆွမ်လွတ်ဂမ်ဦးဆောင်သော အဖွဲ့ ဒု-စစ်ဦးစီးချုပ် ဗိုလ်ချုပ် ဂွန်မော်၊ ဒု-ဗိုလ်မှူးကြီး လဖိုင်လ၊ ဒု-ဗိုလ်မှူးကြီး ခွန်နော်၊ ဗိုလ်မှူးကြီး ဇော်တောင်၊ ဒုဗိုလ်မှူးကြီး နော်ဘူ၊ ဗိုလ်မှူးကြီး စိန်ဂေါင်၊ ဦးနော်ထွယ်တို့ဖြစ်သည်။

အစိုးရဘက်မှ ပြည်ထောင်စု ငြိမ်းချမ်းရေးလုပ်ငန်းဖော်ဆောင်ရေးလုပ် ငန်းကော်မတီဒုဥက္ကဌ ဦးအောင်မင်း ဦးဆောင်သော မွေးမြူရေးဝန်ကြီး ဦးအုန်းမြင့်၊ ဒုဗိုလ်ချုပ်ကြီး မြင့်စိုး၊ ဗိုလ်ချုပ်ဇော်ဝင်း၊ ဗိုလ်မှူးကြီး ကျော်စိုးဝင်း၊ ဗိုလ်မှူးကြီး သန်းအောင်၊ ကချင်ပြည်နယ် ၀န်ကြီးချုပ် ဦးလဂျွန်ငန်ဆိုင်း၊ အမျိုးသားလွတ်တော် ကိုယ်စားလှယ် ဦးခက်ထိန်နန်နှင့် ပြည်သူ့လွှတ်တော်ကိုယ်စားလှယ် ဒေါ်ဒွဲဘူတို့ တက်ရောက်ခဲ့သည်။

ယခုဆွေးနွေးမှုသည့် KIO နှင့် အစိုရအကြား အမိမြန်မာနိုင်ငံတွင် ပထမဆုံးကြိမ်းပြုလုပ်ခြင်းဖြစ်ပြီး နောက်ထပ်ဆွေးနွေးရန်ရှိသော်လည်း မည်သည့်အချိန်၊ နေရာတွင် ဆွေးနွေးမည်ကို မသိရသေးပါ။

လားရှိုး အကြမ်းဖက်မှုတွင် မသင်္ကာသူ ၃၅ ဦး ရဲက ဖမ်းဆီးထား

စောဇင်ညီ

မေလ ၂၈ ရက်နေ့က စတင်ဖြစ်ပွားခဲ့သော လားရှိုး အကြမ်းဖက်မှုများနှင့် ပတ်သက်၍ မင်္သကာသူ ၃၅ ဦးကို မြို့နယ် ရဲစခန်းများတွင် ဖမ်းဆီးထိန်းသိမ်းထားကြောင်း ရှမ်းပြည်နယ် မြောက်ပိုင်း ခရိုင် ရဲစခန်းမှ အတည်ပြု ပြောကြားသည်။

ထိုဖမ်းဆီး ထားသူများမှာ ပဋိပက္ခတွင် ပါဝင်သူများဟု ယူဆရပြီး အခင်း စတင် ဖြစ်ပွားသည့် နေ့တွင်ပင် ဖမ်းဆီးထိန်းသိမ်းမှုများ လုပ်နိုင်ခဲ့ကြောင်း အဆိုပါ ခရိုင်ရဲ စခန်းမှ တာဝန်မှူးက ပြောသည်။

“တနေ့က၊ စဖြစ်တဲ့နေ့က ၂၀ ဖမ်းထားပါတယ်။ နောက်နေ့မှာတော့ ၁၅ ယောက် ဖမ်းဆီးထာပါတယ်” ဟု တာဝန်မှူးက မဇ္ဈိမကို ပြောသည်။

ယနေ့ အကြမ်းဖက်မှုများ ငြိမ်သက်နေပြီ ဖြစ်သော်လည်း မြို့အစွန်ရှိ ရပ်ကွက်များ၌ လူစုရုံးနေသည် ဆိုသည့်ကောလာဟလများ ထွက်ပေါ်နေကြောင်းလည်း ခရိုင်ရဲစခန်း တာဝန်မှူးက ဆိုသည်။

သို့သော် ပြန်ကြားရေး ဒု-ဝန်ကြီး ဦးရဲထွဋ်ကမူ ထို နှစ်ရက်တာအတွင်း လားရှိုးမြို့ပေါ် ဆူပူ ဖျက်ဆီးမှုများတွင် ဦးဆောင်ပါဝင်သူဟု ယူဆရသူ ၂၅ ဦးအား လုံခြုံရေးတပ်ဖွဲ့များက ဖမ်းဆီး စစ်ဆေးလျက်ရှိကြောင်း ၎င်း၏ ဖေ့စ်ဘွတ် စာမျက်နှာတွင် ရေးသားထားသည်။

“ဖမ်းဆီးထားသူ အားလုံးဟာ လားရှိုး မြို့ပေါ်ရပ်ကွက်များမှ ဖြစ်ပါတယ်။ အခြားဒေသများမှ လားရှိုးမြို့ကို လာရောက်ပြီး ဆူပူအကြမ်းဖက်မှုများ မပြုလုပ်နိုင်စေရန်အတွက် မနေ့က စပြီး မြို့ဝင် ဂိတ်များမှာလည်း ရှာဖွေစစ်ဆေးမှုများ ပြုလုပ်လျက်ရှိကြောင်း” ဟု ဦးရဲထွဋ် က ရေးသားထားသည်။

ပဋိပက္ခကြောင့် ပိတ်ထားသော မြို့မဈေးနှင့် ဆိုင်ခန်းအချို့လည်း ပြန်ဖွင့်ပြီဖြစ်ကြောင်း လာရှိုးမြို့နေ ဒေသခံများ ထံမှ သိရသည်။

“ဒီနေ့ မြို့ ပေါ်မှာတော့ ဘာသံမှ မကြားဘူး။ မြို့မဈေးလည်း ပြန်ဖွင့်ပြီ။ လူစုလူဝေးတွေတော့ ရှိသေးတယ်။ ဒါပေမယ့် ဘာမှ မဖြစ်ကြဘူး” ဟု လားရှိုးမြို့နေ ကိုနေဖြိုး က ပြောသည်။

ပဋိပက္ခကြောင့် နေအိမ် ဆုံးရှုံးခံရသူများအတွက် အမှတ် ၇ နှင့် အမှတ် ၈ ရပ်ကွက်တို့တွင် ဒုက္ခသည် စခန်း နှစ်ခု ဖွင့်လှစ်ထားပြီး ဖြစ်ကြောင်း ကိုနေဖြိုးက ပြောပြသည်။

ပုဒ်မ ၁၄၄ အား ဆက်လက်ထုတ်ပြန်ထားဆဲ ဖြစ်သည်။

“နောက်ကွယ်မှာ နိုင်ငံရေး အမြတ်ထုတ်သူတွေ၊ ဘာသာရေး ခုတုံးလုပ်သူတွေ ရှိကောင်း ရှိနိုင်ပါတယ်။ ရဲတွေ စစ်တပ်တွေကလည်း သူတို့အလုပ် သူတို့ တာဝန်ကြေအောင် လုပ်နေကြပါတယ်” ဟု ရှမ်းတိုင်းရင်းသားများ ဒီမိုကရက်တစ်ပါတီမှ မူဆယ်မြို့နယ် ဥက္ကဋ္ဌ ဦးစိုင်းဖိုးအောင် က ပြောသည်။

အကြမ်းဖက်မှုများကြောင့် ဆိုင်ခန်း ၃၂ ခန်း၊ မော်တော်ယာဉ် ၂ စီး၊ ရုပ်ရှင်ရုံ ၁ ရုံ၊ ဘာသာရေး အဆောက်အအုံ ၃ လုံး၊ မော်တော်ဆိုင်ကယ် ၁၁ စီး ပျက်စီးဆုံးရှုံးခဲ့ပြီး လူ ၁ ဦး သေဆုံးကာ ၅ ဦး ဒဏ်ရာရရှိခဲ့ကြောင်း ဒု-ဝန်ကြီး ဦးရဲထွဋ် ၏ ဖေ့ဘွတ် စာမျက်နှာတွင် ဖော်ပြထားသည်။

မြစ်ကြီးနား ဆွေးနွေးပွဲ အပစ်ရပ် အကြို သဘောတူ

မေခ

မြစ်ကြီးနားမြို့တွင် ၃ ရက်ကြာ ဆွေးနွေးပွဲပြုလုပ်အပြီး ကချင်လွတ်မြောက်ရေးတပ် KIOနှင့် ပြည်ထောင်စုငြိမ်းချမ်းရေးကော်မတီတို့ အပစ်အခတ်ရပ်စဲရေး အကြို သဘောတူညီချက် ၇ ချက်ကို လက်မှတ်ရေးထိုးခဲ့ကြသည်။

အခြေခံပဏာမ သဘောတူညီချက်အနေဖြင့် နှစ်ဖက်နိုင်ငံရေး ဆွေးနွေးမှုများ ဆက်လက်ဆောင်ရွက်ရန်၊ နှစ်ဖက်တပ်ဖွဲ့များ ပစ်ခတ်တိုက်ခိုက်မှု လျှော့ရေးနှင့် တိုက်ပွဲများ ဆက်လက်မဖြစ်ပွားရေး ထိန်းသိမ်းဆောင်ရွက်သွားရန်၊ နှစ်ဖက်ကိုယ်စားလှယ်များပါသော စောင့်ကြည့်ကြီးကြပ်ရေးအဖွဲ့ ဖွဲ့ရန်၊ IDP ဒုက္ခသည်များ ကို ပြန်လည်ထူထောင်နိုင်ရေး နှစ်ဖက်ဆောင်ရွက်ရန်၊ တပ်ပိုင်းဆိုင်ရာ နေရာချထားရေး ဆက်လက်လုပ်ဆောင်ရန်၊ KIO ကိုယ်စားလှယ်များ မြစ်ကြီးနားတွင် ထားရှိရန်၊ နောက်တကြိမ်ဆွေးနွေးပွဲတွင် အခြားဖိတ်ကြားလိုသောအဖွဲ့များ ရှိလျှင် နှစ်ဖက်ညှိနှိုင်းဆောင်ရွက်ရန်နှင့် နောက်တကြိမ် ဆွေးနွေးပွဲ၌ ယခုတက်ရောက်သည့်အဖွဲ့များ ပြန်လည်တက်ရောက်ရန် တို့ပါဝင်သည်။

သဘောတူ လက်မှတ်ရေးထိုးမှုနှင့်ပတ်သက်၍ KIO မှ ဗိုလ်ချုပ် ဆွမ်လွတ်ဂွမ်မော်က “တပ်တွေ တဖက်နဲ့တဖက် အပစ်အခတ် မရှိဖို့က စောင်ကြည့်အဖွဲ့တွေ ထားဖို့လိုတယ်။ ဒီမှာ စည်းကမ်းချက်တွေ လိုက်နာရမယ့် ကျင့်ဝတ်တွေ စပြီး ရေးဆွဲပြီးမှသာ စစ် ထပ်ဖြစ်မဖြစ် ရှင်းရှင်းလင်းလင်း သိနိုင်မှာပါ ”ဟု ပြောကြားသည်။ စစ် ထပ်ဖြစ်မဖြစ် အာမခံချက်ပေးနိုင်ခြင်း ရှိမရှိ ဧရာဝတီမှ မေးမြန်းရာ “အာမခံချက်ဆိုတာထက် မဖြစ်အောင်ကို လုပ်ဆောင်သွားမှာပါ”ဟု ဖြေကြားသည်။

အပစ်အခတ် ရပ်စဲရေး မပါဝင်သည့် အဆိုပါဆွေးနွေးပွဲရလဒ်အပေါ် ဦးအောင်မင်းကလည်း ယခုဆွေးနွေးပွဲတွင် အခြားတိုင်းရင်းသားအဖွဲ့များနှင့် ယခင်က ဆွေးနွေးပြီးနောက်ပိုင်း အားနည်းချက်များကို ပြင်ဆင်ကာ ဆွေးနွေးထားခြင်း ရလဒ်ဖြစ်ပြီး အပြည့်စုံဆုံးဖြစ်အောင် လုပ်ဆောင်နိုင်ခဲ့ခြင်းဖြစ်ကြောင်း၊ အခြား တိုင်းရင်းသားအဖွဲ့များနှင့် တိုက်ပွဲ ဆက်လက်ဖြစ်ပွားနေရခြင်းမှာ အပစ်အခတ် ရပ်စဲခဲ့သော်လည်း နယ်မြေပိုင်းခြားရေးအပေါ် ဆက်မလုပ်နိုင်သေးခြင်းကြောင့်ဟု ပြောကြားသည်။

“တိုက်ပွဲတွေ ဆက်ဖြစ်နေတာက တပ်မတော်နဲ့ သိပ်မဆိုင်ပါဘူး။ ဦးအောင်မင်း လိုအပ်ချက်ပါ။ တပ်မတော်က နိုင်ငံကာကွယ်တဲ့ သဘောပါ။ နယ်မြေ မပိုင်းခြားနိုင်သေးတဲ့ အဖွဲ့တွေ ဖြစ်နေတာပါ။ နှစ်ဖက်စလုံးက ဒီပေါ်မှာ ကိုယ့်မြေကိုယ် ကာကွယ်ရင်းနဲ့ နားလည်မှုတွေ လွဲကုန်တာပါ။ ဒီဟာတွေ မဖြစ်အောင် ခု KIO နဲ့ ဆွေးနွေးစဉ်မှာ နှစ်ဖက်ကို စောင့်ကြည့်အဖွဲ့တွေ ထားဖို့ လုပ်ထားပါတယ်”ဟု ဦးအောင်မင်းက ဧရာဝတီသို့ ပြောသည်။

နှစ်ဖက်ကိုယ်စားလှယ်များပါသော စောင့်ကြည့်ကြီးကြပ်ရေးအဖွဲ့တွင် KIO မှ ကိုယ်စားလှယ်၊ အစိုးရဘက်မှ ကိုယ်စားလှယ်အပြင် ကချင်ရပ်မိရပ်ဖများပါ ပါဝင်ဖွဲ့စည်းသွားမည်ဟု သိရသည်။

“တပ်မတော်အနေနဲ့က ဘယ်တော့မှပြောတဲ့စကား ကတိကို ပြန်မရုတ်သိမ်းသလို ပြောတဲ့အတိုင်းဘဲ လုပ်ပါတယ်။ အပစ်အခတ် ရပ်စဲရေး လက်မှတ်မထိုးနိုင်သေးပေမယ့် ဒီလောက်ထိ လုပ်ဆောင်နိုင်တဲ့အပေါ် အားရမှု ရှိပါတယ်။ တပ်မတော်ဟာ ဘယ်တော့မှ စည်းကမ်းမဖောက်ပါဘူး”ဟု ကာကွယ်ရေးဦးစီးချုပ်၏ အထူးအာဏာကုန် လွှဲအပ်ခံထားရသည့် ဗိုလ်ချုပ်ကြီး မြင့်စိုးကလည်း ပြောဆိုသည်။

၃ ရက်ကြာ ဆွေးနွေးပွဲကို တက်ရောက်ခဲ့သည့် ကချင်ပြည်နယ် လွှတ်တော်ကိုယ်စားလှယ် ဦးခက်ထိန်နမ်ကလည်း “ဆက်ဆံရေးတွေက အမြဲတမ်းအတွက် ပြန်ဖြစ်လာပြီ။ စောင့်ကြည့်မှုအဖွဲ့လည်း ရှိလာတော့ ဒါဟာ အရင်နဲ့မတူတဲ့ တိုးတက်မှုလို့ ပြောလို့ရပါတယ်။ နှစ်နှစ်တာ ကာလမှာ ဒီလောက်တိုးတက်မှုအပေါ် အားလုံး ၀မ်းသာရမှာပါ” ဟု ပြောသည်။

ဆွေးနွေးပွဲရလဒ်နှင့်ပတ်သက်ပြီး UN ကိုယ်စားလှယ် မစ္စတာနမ်ဘီးယားက “ဒီကနေ့ သဘောတူညီလိုက်နိုင်တဲ့ အစည်းအဝေးရဲ့ ရလဒ်က သမိုင်းဝင်တိုးတက်မှုတခုလို့ ကျနော် မြင်ပါတယ်။ ပြီးတော့ အစည်းအဝေးကလည်း ပြည်တွင်းမှာ ကျင်းပတာ ဖြစ်တယ်။ ပြီးတော့ ငြိမ်းချမ်းရေးအဓွန့်ရှည်ဖို့ လုပ်ငန်းစဉ်တွေ ချမှတ်နိုင်ခဲ့တယ်။ သူတို့နှစ်ဖက်စလုံးက အစည်းအဝေးတွေ ဆက်လက်လုပ်ဆောင်ဖို့ ဆုံးဖြတ်နိုင်တာက အရေးကြီးတယ်လို့ မြင်ပါတယ်”ဟု မှတ်ချက်ပေး ပြောကြားခဲ့သည်။

တရုတ်ကောင်စစ်ဝန် မစ္စတာ လူဇီ (Lu Zhi) ကလည်း “ဒါဟာ အပြန်အလှန် နားလည်မှု ယုံကြည်မှုတွေ တည်ဆောက်နိုင်တဲ့ အောင်မြင်မှုတခုပါ။ နောက်ဆုံး သူတို့ ရလဒ်ကောင်းတွေ ထွက်လာတယ်။ ဒါဟာ နောက်တကြိမ် ဆွေးနွေးပွဲအတွက် လမ်းဖွင့်ပေးတာဖြစ်တယ်လို့ မြင်ပါတယ်။ နောက်တကြိမ်မှာ ဒီထက် ရလဒ်ကောင်းတွေ ရှိလာမယ် ထင်တယ်”ဟုပြောခဲ့သည်။

ငြိမ်းချမ်းရေး ဆွေးနွေးပွဲများ အဆက်မပြတ် လုပ်ဆောင်နိုင်ရေးအတွက် မြစ်ကြီးနားမြို့တွင် KIO ရုံးခွဲ ပြန်လည်ဖွင့်ကာ ၎င်းမှတဆင့် ဗဟိုအဆင့် ညှိနှိုင်းမှုများကို ဇွန်လအတွင်းတွင် ဆက်လက်လုပ်ဆောင်သွားရန် စီစဉ်ထားကြောင်း သိရသည်။

မြန်မာနိုင်ငံ ဆီးကိမ်းကို ဖိလစ်ပိုင်က အားကစားသမားလျော့ချ ဆန္ဒပြ

ABC

မြန်မာနိုင်ငံမှာ ​ကျင်းပမယ့် ​အရှေ့တောင်အာရှ ​အားကစားပွဲတော်မှာ ​မြန်မာအားကစားအာဏာပိုင်က ​မြန်မာတွေ ​ပိုကျွမ်းကျင်တဲ့ ​အားကစားတွေ ​ထည့်သွင်းတာကို ​မကျေနပ်တဲ့အတွက် ​ဖိလိပိုင်နိုင်ငံက ​သပိတ်မှောက်တဲ့အနေနဲ့ ​အားကစားသမားဦးရေ ​လျော့ချပို့ဆောင်မယ်လို့ ​သိရပါတယ်။

ပြီးခဲ့တဲ့ ​နှစ်အားကစားပွဲတော်အတွင်း ​ဖိလိပိုင်နိုင်ငံက ​ကစားသမား ​အယောက် ​၅၀၀ ​ကျော် ​ပို့ဆောင်ခဲ့ပေမယ့် ​မြန်မာနိုင်ငံမှာ ​ကျင်းပမယ့် ​အားကစားပွဲတော်မှာတော့ ​အယောက် ​၄၀ ​ကျော်သာ ​ပို့ဆောင်မယ်လို့ ​သိရပါတယ်။

လူအများ ​ကစားတဲ့ ​တင်းနစ်အားကစားနဲ့ ​ကိုယ်လက်ကြံ့ခိုင်ရေးအားကစားတွေကို ​မြန်မာက ​ပယ်ချပြီး ​မြန်မာတွေ ​တတ်ကျွမ်းတဲ့ ​ရိုးရာ ​ချင်းလုံးပွဲတွေ၊ ​ကာယဗလပြိုင်ပွဲတွေ ​ဦးစားပေး ​ထည့်သွင်းတာကို ​မကျေနပ်တဲ့အတွက် ​ခုလို ​ကစားသမားဦးရေ ​လျော့ချပြီး ​ပို့ဆောင်မှာ ​ဖြစ်တယ်လို့ ​သိရပါတယ်။

တခြားနိုင်ငံတွေကလည်း ​အလားတူ ​လုပ်ဆောင်ဖို့ ​ဖိလိပိုင်အားကစားအာဏာပိုင်တွေက ​တိုက်တွန်းထားပေမယ့် ​စင်္ကာပူနိုင်ငံကတော့ ​မြန်မာနိုင်ငံရဲ့ ​လုပ်ရပ်ကို ​ထောက်ခံလိုက်ပြီး ​ဒါဟာ ​ရိုးရာထိန်းသိမ်းရာရောက်ပြီး ​ဒေသတွင်းက ​ရိုးရာလက္ခာဏာ ​မြင့်တင်ရာ ​ရောက်တယ်လို့ ​ပြောလိုက်ပါတယ်။

မြန်မာနိုင်ငံမှာ ​အရှေ့တောင်အာရှ ​အားကစားပွဲတော် ​ဆီးဂိမ်းကို ​ဒီဇင်ဘာလကျရင် ​ကျင်းပမှာ ​ဖြစ်ပါတယ်။

၁၅၀၀ တန်ဖုန်း ကဒ်ပျက်လျှောက်သည့် အရေအတွက်များလာ၍ တစ်ပတ်ကြာမှ ကတ်ပြန်ရမည်

ချိုကို

ပြီးခဲ့သည့် ဧပြီလအတွင်းက ချထားပေးခဲ့သော MEC အမှတ်တံဆိပ် စီဒီအမ်အေ ၈၀၀ မဂ္ဂါဟဇ် ဖုန်းများ ကဒ်ပျောက်၊ ကဒ်ပျက်သည့် အရေအတွက်များလာ၍ ကဒ်အသစ် ပြန်လည်လျှောက်ထားရာတွင် တစ်ပတ်ခန့် ကြာမြင့်မည်ဖြစ်ကြောင်း ရန်ကုန်မြို့ စာတိုက်ကြီး၊ ဆက်သွယ်ရေး မန်နေဂျာရုံးရှိ ဖုန်းကဒ်ပျက်၊ပျောက်မှုများကို ကတ်အသစ်ပြန်လည်ထုတ်ပေးရန် တာဝန်ယူထားသော ဆက်သွယ်ရေးဝန်ထမ်း တစ်ဦးကပြောသည်။

ယင်းကဒ်များကို ကဒ်ပျက် လျှောက်ထားရာတွင် ယခင်က နေ့ချင်းပြီး ဆောင်ရွက်ပေးနိုင်သော်လည်း ယခုလ အတွင်းတွင် ယင်းကဒ်ပျက်အတွက် လျှောက်ထားခြင်း တစ်ပတ်အတွင်း ကြာမြင့်မည်ဖြစ်သည်ဟု သိရသည်။ ယင်းအပြင် ပျက်ဆီးသွားသော ဖုန်းကတ်များကို MEC ကုမ္မဏီမှ ပြန်လည်စိစစ်သောအခါ အမှန်တကယ် ဖုန်းကဒ်မပျက်ဘဲ လျှောက်ထားခြင်းများလည်း ရှိနေသည်ဟု အဆိုပါ ဆက်သွယ်ရေး ၀န်ထမ်းက ဆိုသည်။

စာတိုက်ကြီး၊ ဆက်သွယ်ရေးမန်နေဂျာရုံးရှိ အဆိုပါ ၀န်ထမ်းက `အရင်က ဖုန်းကဒ်ပျက်တာတွေကို နေ့ချင်းပြီး ထုတ်ပေးတယ်။ ဒါပေမယ့်ခုနောက်ပိုင်းမှာ ဖုန်းကဒ်ပျက်လို့ဆိုပြီး လာလျှောက်တဲ့ သူတွေက အရမ်းများလာတယ်။ အဲဒါနဲ့ MEC ကုမ္မဏီဘက်ကနေ စစ်ဆေး ကြည့်တဲ့ အခါ အမှတ်တကယ် ဖုန်းကဒ်မပျက်ဘဲ လာလျှောက်တာတွေတွေ့နေရတယ်။ အဲဒါကြောင့်ဖုန်းကဒ်ပျက် လာလျှောက်တဲ့ ကဒ်တွေကို MEC ဘက်ကနေ သေချာပြန်လည် စိစစ်ပေးပြီး အမှန်တကယ်ပျက်မှ ပြန်လည်ထုတ်ပေးမယ်ဆိုပြီး စစ်ဆေးနေလို့ တစ်ပါတ်ကြာမြင့်ရတာပါ´ဟုပြောသည်။

လက်ရှိတွင် ကျပ် ၁၅၀၀ တန် ဖုန်းကဒ် ပျောက်ခြင်းကို ကျပ်နှစ်သောင်းဖြင့် အသစ်ပြန်လည်လျှောက်ထားနိုင်ကာ သုံးရက်ခန့်သာ ကြာမြင့်ပြီး ဖုန်းကဒ်ပျက်မှုကိုမှု အခကြေးငွေ ပြန်လည်ကောက်ခံခြင်း မရှိဘဲ ဖုန်းကဒ်သစ်ပြန်လည်ထုတ်ပေးနေကြောင်း သိရသည်။

MEC အမှတ်တံဆိပ် ဖုန်းကဒ်ပျောက်မှု၊ ဖုန်းကဒ်ပျက်မှုများကို ဖုန်းကဒ်သစ်ဖြင့် ပြန်လည်လှဲလှယ်ပေးရာတွင် တစ်ရက်လျှင် ဖုန်းကဒ်ပေါင်း ၁၅ ခုမှ ၂၀ ခု အထိ နေ့စဉ် ထုတ်ပေးနေရကြောင်း မြန်မာ့ဆက်သွယ်ရေးမှ သိရသည်။

MEC CDMA ဖုန်းကဒ်ပျောက်ခြင်း ၊ပျက်ခြင်းများကို ဖုန်းကဒ်ပြန်လည်ရရှိ်ရန် လျှောက်ထားရာတွင် ဖုန်းကဒ် ပိုင်ဆိုင်ကြောင်း စာချုပ်မရှိပါက ဖုန်းပိုင်ဆိုင်ကြောင်း ရဲစခန်းထောက်ခံစာ၊ ရပ်ကွက်ထောက်ခံစာ၊ ဖုန်းကဒ် ချိုးထားသည့် uim Card နှင့် ဖုန်းပိုင်ရှင်၏ မှတ်ပုံတင် မိတ္တူ (သို့) လာရောက် လျှောက်ထားသူ၏ မှတ်ပုံတင် မိတ္တူများ လိုအပ်မည်ဖြစ်ကြောင်း သိရသည်။

ယင်း ၁၅၀၀ တန်ဖုန်းကဒ်များကို မြန်မာ့ဆက်သွယ်ရေးလုပ်ငန်းက ဧပြီလ ၂၄ ရက်နေ့က စတင်ချထားပေးခြင်းဖြစ်ပြီး တစ်နိုင်ငံလုံး အတိုင်းအတာဖြင့် တစ်လလျှင် အလုံးရေ ၃၅၀၀၀၀ ချထားပေးခြင်းဖြစ်သည်။

မေလအတွက် ယင်းဖုန်းကဒ်များကို မေလ ၂၀ ရက်နေ့တွင် ချထားပေးမည်ဟု တရားဝင်ပြောကြား ထားသော် လည်း အချို့ရပ်ကွက်များတွင် ချထားပေးခြင်း မရှိခဲ့ပေ။ ယင်းဖုန်းများကို တိုင်းဒေသကြီး အစိုးရများ၏ အစီအစဉ်ဖြင့် ချထားပေးခြင်းဖြစ်သည်။

ပြည်တွင်းတွင် မိုဘိုင်းဖုန်းကဒ်များကို ယခင်က ကျပ် သိန်းဆယ်ဂဏန်းဖြင့် ၀ယ်ယူရပြီး ပြီးခဲ့သည့် နှစ် အတွင်းက ကျပ်နှစ်သိန်း၊ နှစ်သိန်းခွဲတန်ဖိုးများဖြင့် ချထားပေးခဲ့ခြင်း ဖြစ်သည်။

ပဲခူးတိုင်း မုန်းမြို့တွင်လည်း အဓိကရုဏ်း ဖြစ်ပြန်

ကြယ်ပြာ

ပဲခူးတိုင်းဒေသကြီး ကျောက်ကြီးမြို့နယ် မုန်းမြို့တွင် မြန်မာနှင့် မွတ်စလင် သမီးယောက်ဖနှစ်ဦး အရက်သောက်ပြီး ခိုက်ရန်ဖြစ်ပွားရာမှ အဓိကရုဏ်း အဆင့်အထိ ဖြစ်ပွားခဲ့ကြောင်း သိရသည်။

မေ ၂၉ ရက်နေ့ ညနေက အဓိကရုဏ်းကြောင့် မုန်းမြို့ ၁ ရပ်ကွက်မှ ဗလီတလုံးနှင့် စာသင်ကျောင်း တကျောင်း ပျက်စီးသွားခဲ့ကြောင်းနှင့် ည ၇ နာရီခန့်တွင် အခြေအနေ ထိန်းသိမ်းလိုက်နိုင်ကြောင်း ကျောက်ကြီးမြို့နယ် ရဲတပ်ဖွဲ့မှူးရုံးမှ တာဝန်ရှိသူ တဦးက ဆိုသည်။

“ဒီနေ့မနက် မုန်းမြို့ကို ဒုတိုင်းမှူး၊ ခရိုင်မှူးနဲ့ မြို့နယ်မှူးတို့ သွားကြတယ်၊ ဘုန်းကြီးတွေက တရားခံကို ပြင်းပြင်းထန်ထန် အရေး ယူပေးဖို့ တောင်းဆိုကြတယ်” ဟု အဆိုပါ တာဝန်ရှိသူက ဧရာဝတီသို့ ပြောသည်။

ဖြစ်စဉ်မှာ မွတ်ဆလင် အမျိုးသားက ၎င်းနှင့် သမီးယောက်ဖ တော်စပ်သူ မြန်မာအမျိုးသားအား ရိုက်နှက်လိုက်ကြောင်း၊ ရိုက်သူကို မုန်းမြို့ ရဲစခန်းမှ လာရောက် ခေါ်ဆောင်သွားခဲ့ကြောင်း၊ ရန်ပွဲ အနီးတွင်ရှိနေသော လိန်ပင် ကျောင်းဆရာတော်က ဘုန်းတော်ကြီးများနှင့် လူများကို စုရုံးခေါ်ဆောင်လာပြီး ယင်းတရားခံအား ထုတ်ပေးရန် ရဲစခန်းသို့သွားရောက် တောင်းဆို ခဲ့ကြောင်း၊ မထုတ်ပေးခြင်းကြောင့် ယခုကဲ့သို့ ပြုလုပ်ခဲ့ခြင်း ဖြစ်ကြောင်း သိရသည်။

ယမန်နေ့ညကပင် အခြေအနေမှာ ငြိမ်သက်သွားခဲ့ပြီး ဖြစ်သော်လည်း ရဲများအနေဖြင့် မြို့လုံခြုံရေး ချထားမှုမှာ အလွန် အားနည်းနေကြောင်း ကျောက်ကြီးမြို့နယ် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဦးအောင်မင်းလွင်က ပြောသည်။

“တောင်ငူခရိုင် မြို့နယ် ၆ ခုက NLD တွေ ပေါင်းပြီးတော့ ကြေညာချက် ထုတ်မှာပါ။ ဟိုတခါက ဒီလိုမျိုး ဖြစ်ဖူးလို့ ကြပ်မတ် ထားတဲ့ ကြားထဲက ဒီကိစ္စ ဖြစ်သွားတယ်။ ဒါတွေကို ဖြေရှင်းဖို့ ခရိုင်အစည်းအဝေး ဒီနေ့ လုပ်ထားပါတယ်” ဟု ထန်းတပင်မြို့နယ် ပြည်သူ့လွှတ်တော် ကိုယ်စားလှယ် ဦးစိန်ထွန်းက ဧရာဝတီသို့ ပြောသည်။

ဧပြီလအတွင်းက ကျောက်ကြီးမြို့ရှိ ကွမ်းယာဆိုင်များနှင့် ဓာတ်တိုင်များတွင် ကပ်ထားသော ၉၆၉ စတစ်ကာများအား မွတ်စလင် တဦးက ခွာလိုက်ခြင်းနှင့် ပတ်သက်ပြီး ဆူပူမှု ဖြစ်ပွားခဲ့ရာ ရဲစခန်းမှနေ၍ ယင်း မွတ်စလင်းအား ပြစ်ဒဏ် ချမှတ်ခဲ့ခြင်းကြောင့် ပြေလည်မှု ရရှိခဲ့သည်။

မုန်းမြို့ ပဋိပက္ခအား စတင်ခဲ့သော မြန်မာနှင့် မွတ်ဆလင် အမျိုးသား နှစ်ဦးစလုံးအား အော်ဟစ်ဆဲဆိုမှု၊ ရိုက်နှက်မှု စသည့် ပြစ်မှုဆိုင်ရာ ဥပဒေ ပုဒ်မ ၂၉၄/ ၃၂၅ ဖြင့် အမှုဖွင့် အရေးယူထားကြောင်း သိရသည်။

ယနေ့ညနေတွင် ပဲခူးတိုင်း ရဲမင်းကြီးက ပဲခူးတိုင်းအတွင်းရှိ မြို့နယ်များမှ သာသနာပိုင်များကို ခေါ်ယူ တွေ့ဆုံ အသိပေးမှုများ ပြုလုပ်နေကြောင်း၊ ဝေါမြို့တွင် နေထိုင်သူတဦးက ဧရာဝတီသို့ ပြောသည်။

သူပုန်ကျောင်းသား တဦးရဲ့ ပြည်တော်ပြန် ခရီးစဉ် (၄)

ထက်အောင်ကျော်

မနက်ခင်းတခင်းမှာ ၂၅ နှစ်အတွင်း ပထမဆုံး မြန်မာနိုင်ငံရဲ့ မနက်စာကို သုံးဆောင်ဖို့ မြို့လယ်က နာမည်ကြီး လက်ဖက်ရည်ဆိုင်တခုဆီ ကျနော် ရောက်ပါတယ်။ ဘာ စားရင်ကောင်းမလဲဆိုပြီး ဆိုင်နံရံကိုကြည်လိုက်တော့ စားစရာ စာရင်းကို မတွေ့ပဲ ဘုန်းကြီးပုံနဲ့ ဘုန်းကြီးတွေရဲ့ အဆိုအမိန့်တွေကို နံရံ အပြည့် တွေ့ရပါတယ်။

ဥရောပမှာတော့ စားသောက်ဆိုင်လိုနေရာတွေမှာ ဘာသာရေးကိစ္စရေးလေ့မရှိပါ။ ဒါပေမယ့် ထိုင်းနိုင်ငံက နယ်မြို့တချို့မှာတော့ တခါတလေ ဘုန်းကြီးပုံတွေ့ရတတ်တဲ့အတွက် ထိုင်းနဲ့ ဆင်တယ်လို့ ပြောရမယ်။ စားပွဲပေါ်မှာတော့ စမူဆာ၊ ကြက်ကြွပ်ကြော်နဲ့ တခြားမုန့် ၄-၅ မျိုး တင်ထားပါတယ်။ မြန်မာနိုင်ငံမှာ ဥရောပနဲ့ အမေရိကားလို အစားအသောက်တွေကို စံချိန်မှီ မမှီ စစ်ဆေးတဲ့စနစ် မရှိသေးဘူး၊ ရန်ကုန်က ဆီတွေ မသန့်ဘူး၊ ဟင်းသီးဟင်းရွက်တွေမှာလည်း ဓာတုဆေးပါတယ်ဆိုပြီး နာမည်ကြီးနေတဲ့အတွက် မနေ့ညက ဘာမှမစားရဲလို့ ဗိုက်ကလည်း အတော်ဆာနေပါပြီ။

ဆာပေမယ့် လျှောက်စားလို့ မဖြစ်သေး။ ကျနော့်အရင် ရန်ကုန်ရောက်ဖူးတဲ့ ပြည်တော်ပြန်တွေဆို ၀က်သားတုတ်ထိုးတွေ၊ အသုတ်စုံတွေ၊ ကြံရည်တွေကြောင့် တချို့ ၀မ်းလျှော ၀မ်းပျက်ဖြစ်ပြီး ဆေးရုံတင်ရတဲ့အထိ အခြေအနေ ဆိုးသွားတယ်။ ဒါ ကြောင့် ကားမတိုက်အောင် ”သွား” သတိထားရသလို၊ ၀မ်းမလျှောအောင် ”စား” သတိလည်း ထားနေရပါတယ်။ အပြင်မှာ အနေကြာသွားတာကြောင့် မြန်မာအစားအသောက်တွေကို ကျနော်တို့လျှာတွေ အရသာခံချင်တိုင်း ကျနော်တို့ ဗိုက်တွေက ခွင့်မပြုတော့ပါဘူး။

”လက်ဖက်ရည်ပဲ အရင်ပေးပါ” လို့ စားပွဲထိုးကိုပြောတော့ ချိုပေါ့၊ ချိုဆိမ့်၊ ပေါ့ကျ ဘယ်ဟာလဲ လို့ထပ်မေးပါတယ်။ နိုင်ငံရပ်ခြားက ကော်ဖီဆိုင်တွေမှာ ကာဖယ်ချီနို၊ ကာဖေးလာတေး၊ အမေရိကာနို၊ အက်စပရက်ဆို စသဖြင့် မှာနေကြပေမယ့် လက်ဖက်ရည်ဆိုင် မထိုင်တာ လက်ဖက်ရည် မသောက်ဖြစ်တာကြာပြီဖြစ်လို့ ဘာမှာရမှန်း ကျနော် ချက်ချင်း မဆုံးဖြတ်နိုင်။ နောက်ဆုံးတော့ သူငယ်ချင်းတွေသောက်တဲ့ ”ပေါ့ကျ” ကိုပဲ မှာပါတယ်။

စမူဆာသုတ်မှာပြီး စားဖို့ပြင်နေတုန်း ဘေးစားပွဲမှာ ထိုင်နေတဲ့ စားသုံးသူတဦးရဲ့ ချောင်းဟန့်သံ၊ ခံတွင်းရှင်းသံ ကြားရလို့ လှည့်ကြည့်မိပါတယ်။ ရေနွေးကြမ်းခွက်နဲ့ ပလုပ်ကျင်းပြီး စားပွဲအောက်က အမှိုက်ပုံးထဲ ”ဗျစ်” ဆိုပြီး ကွမ်းသွေးနဲ့ တခြားအညစ်အကြေးတွေကို ထွေးချလိုက်ပါတယ်။ ပြီးတော့ သလိပ်ဟန့်ပြီး တံတွေးပါ ထပ်ထွေးလိုက်ပြန်ပါတယ်။ ဒီလုပ်ရပ်ကို ကျနော်က အထူးအဆန်း ကြည့် နေပေမယ့် တခြားစားပွဲက လူတွေအတွက်တော့ မထူးတော့တဲ့ နေ့စဉ်မြင်ကွင်း ဖြစ်နေပုံပါ။

နဂိုကတည်းကမှ မသန့်တဲ့ အစားအသောက်ဆိုပြီး အားရပါးရ မစားရဲ ဖြစ်နေတဲ့ ကျနော် ဒီလို မြင်ကွင်းမျိုးကို မြင်ရတဲ့အခါ ဆက်မစားနိုင်တော့ပဲ ရပ်သွားတယ်။ ရေနွေးကြမ်း ပန်းကန်လုံးကို သံသယနဲ့ ကြည့်နေတုန်း ဆေးလိပ်မီးခိုးက ကျနော့် နှာခေါင်းဝထဲ ၀င်လာတယ်။ ဒုက္ခပါပဲ။ စားသောက်ဆိုင်အတွင်း ဆေးလိပ်သောက်တဲ့လူက ဘေးက တခြား စားသုံးသူတွေကို လုံးဝ ဂရုမစိုက်ပါ။ ကိုယ့်အပြုအမူဟာ တခြားလူ အနှောင့်အယှက်ဖြစ်မလား စဉ်းစားဖို့ မြန်မာတွေ မေ့လျော့နေခဲ့တာ ဘယ်လောက် ကြာသွားခဲ့ပြီလဲ။

တကယ်ဆိုရင် လူထုကျန်းမာရေး အရေးတယူလုပ်ကြတဲ့ နိုင်ငံအတော်များများမှာ လူကြား ဆေးလိပ်သောက်ခွင့် မရှိတော့ပါ။ ဘန်ကောက်မှာ မြို့လည်ကောင် ဆေးလိပ်သောက်ချင် သတ်မှတ်ထားတဲ့ နေရာမှာ သောက်၊ ပြီးရင် ဆေးလိပ်ခွက်ထဲပစ်ခဲ့၊ မဟုတ်ရင် ဒဏ်တပ်ခံထိမယ်။ နော်ဝေးမှာတော့ အများပြည်သူနဲ့ဆိုင်တဲ့နေရာတင်မက ကိုယ့်အိမ်ထဲမှာတောင် ဆေးလိပ်သောက်ခွင့်မရှိ။ အသက်မပြည့်သေးတဲ့ ကလေးတွေရှေ့မှာဆို လုံးဝ မသောက်ရပါ။ ရန်ကုန်မှာကတော့ အသက်မပြည့်သေးတဲ့ ကလေးတွေကိုယ်တိုင် ဆေးလိပ်ရောင်းတာ သောက်တာတွေကို တွေ့ရတော့ ကလေးသူငယ်အခွင့်အရေးဆိုတာ အတွေးက ရောက်သွားမိပြန်တယ်။

ပြီးတော့ ကွမ်းတံတွေး။ ကွမ်းစားတာ ထား၊ ထွေးတာက ရန်ကုန်တမြို့လုံး ရဲရဲနီ။ တွေ့တဲ့နေရာ ကွမ်းတံတွေး ထွေးတာတွေကိုလည်း မယဉ်ကျေးတဲ့ လုပ်ရပ်တခုအဖြစ် အစိုးရက ကန့်ကွက်မယ့်ပုံ မတွေ့ရသေးပါ။ ကျနော်ငှားစီးဖူးတဲ့ တက္ကစီသမားတိုင်းလိုလို မီးပွိုင့်လိုနေရာ ဖြစ်ဖြစ်၊ ကားကျပ်လို့ ခဏတဖြုတ် နားတာဖြစ်ဖြစ် တံခါးဖွင့်ပြီး လမ်းမပေါ် ကွမ်းတံတွေး ထွေးချလိုက်တာပါပဲ။ ဘတ်စ်ကားတွေအပါအ၀င် နေရာအတော်များများမှာ ”ကွမ်းသွေးမထွေးရ” ဆိုတဲ့ ဆိုင်းဘုတ်တွေရှိပေမယ့် အဲဒီဆိုင်းဘုတ်တွေကိုယ်တိုင် ကွမ်းတံတွေး ပေနေပါတယ်။

ဆေးလိပ်သောက်တာ၊ ကွမ်းစားတာကို အပြစ်မမြင်ကြပေမယ့် အရက်သောက်တာကိုတော့ မြန်မာတွေ မကောင်းမှုလို့ မြင်ကြပါတယ်။ ဘုရားမကြိုက်တဲ့ အလုပ်၊ ၅ ပါးသီလမှာ သူရာမေရိယ ဆိုပြီး ပညတ်ထားလို့ ထင်တယ်။ တနည်းအားဖြင့်ဆိုရင်တော့ အရက်သောက်သုံးမှုကို ကျန်းမာရေးရှုဒေါင့်ကနေ မကြည့်ဘဲ ဘာသာရေးရှုဒေါင့်နဲ့ ချည်းကပ်တဲ့ သဘောမျိုးလို့ ကျနော် ထင်ပါတယ်။

မနက်စာစားပြီး ဟိုတယ်ပြန် အင်တာနက်သုံးတော့ လိုင်းက မချိတ်။ ကောင်တာမှာ သွား ပြောတော့ ”ဒီက ဖြစ်တာမဟုတ်ဘူး အကို။ မြန်မာတယ်လီပို့စ်က ဖြစ်နေတာ။ ကျနော်တို့ ဘာမှ မတတ်နိုင်ဘူး” လို့ ပြောတဲ့အတွက် ကျနော်လည်း ဘာမှမတတ်နိုင်။ ဒါ မြန်မာပြည်၊ ဒီတိုင်းပြည်အတွက် ငါတို့ တိုက်ပွဲဝင်ခဲ့တာလို့ ကိုယ့်ကိုယ်ကို ပြန်နှစ်သိမ့်နေရတယ်။

နောက်တနေ့ တစ်ရက်ကို ဒေါ်လာ ၃၀ တန် သို့မဟုတ် ကျပ်ငွေ ၃ သောင်းတန် ပေးငှားရတဲ့ ဟိုတယ်ခန်းကနေ အလကားနေလို့ရမယ့် မိတ်ဆွေတယောက်ရဲ့ အိမ်ခန်းဆီ ပြောင်းပါတယ်။ မပြောင်းလို့ မဖြစ်။ ဒေါ်လာ ၃၀ ဆိုတာဟာ ဥရောပနဲ့ အမေရိကားက လူတွေအတွက် သိပ်မပြောပလောက်ပေမယ့် ရန်ကုန်က ကျောင်းဆရာတဦးရဲ့ တလ၀င်ငွေက ကျပ် ၆ သောင်းသာ ရှိပါတယ်။ သူများ တလဝင်ငွေနဲ့ ညီမျှသောငွေကို ကျနော်က ၂ ရက်တည်းနဲ့ သုံးလိုက်ရတာ စိတ်မသန့်ဖြစ်လာပါတယ်။

ကျနော့်မိတ်ဆွေရဲ့အခန်းက မြို့လယ်လမ်းကြား တနေရာက ၆ ထပ်တိုက် အပေါ်ဆုံးထပ်။ (အလွှာလို့ ရန်ကုန်သားတွေက အသုံးများတယ်)။ ၆ ထပ်ကနေ ၂ ထပ်အထိ ရှိသမျှ အခန်းအားလုံး နိုင်လွန်ကြိုးတွေ တွဲလောင်းချထားပြီး ဧည့်သည်လာရင် အဲဒီကြိုးကို ဆွဲရပါတယ်။ ဒါဆိုရင် အပေါ်မှာ ခေါင်းလောင်းမည်ပြီး အိမ်ရှင်က ၀ရံတာကိုထွက်လာ၊ တရပ်ကွက်လုံး ကြားအောင် အောက်ကိုအော်ပြော၊ သေချာပြီဆိုတော့မှ အဲဒီကြိုးကနေတဆင့် သော့ချိတ်ပြီး ချပေး။ ”သြော်… မင်းသိုက်ရဲ့ ကြိုးဆိုတာ ဒီလိုကိုး” ဆိုပြီး ကျနော့်ပါးစပ်က လွှတ်ကနဲ ထွက်သွားတယ်။

ဒါရိုက်တာ မင်းသိုက်ရဲ့ ကြိုးဆိုတာကတော့ ပြီးခဲ့တဲ့နှစ်အတွင်း ဒေါ်အောင်ဆန်းစုကြည် ဦးစီးကျင်းပတဲ့ ဖလင်ပွဲမှာ ပထမ ဆုရသွားတဲ့ ရုပ်ရှင်တိုပါ။ ရန်ကုန်က ဓာတ်လှေကားမရှိ၊ လူခေါ်တဲ့ လျှပ်စစ်ခေါင်းလောင်းနဲ့ စကားပြောစက် မရှိတဲ့ တိုက်ခန်းတွေမို့ မြန်မာ့နည်းမြန်မာ့ဟန် ကြိုးဆွဲစနစ်သုံးတာကို ထိထိမိမိ တင်ပြထားတဲ့ ရုပ်ရှင်ပါ။

အဲဒီတော့ ကျဉ်းမြောင်း ကောက်ကွေ့ ညစ်ထေးလှတဲ့ လှေကားကို ချွေးပြန်တဲ့အထိ တက်ပေတော့။ ဒါကြောင့် ဘန်ကောက်၊ ချင်းမိုင်တို့နဲ့ သန့်ပြန့်မှု အတော်ကွာလို့ နယူးဒေလီနဲ့ တူတယ်လို့ ပြီးခဲ့တဲ့အပတ်က ကျနော် ပြောမိတာပါ။ လူနေတိုက်တန်းတင်မက ရုံးခန်းတွေပေါ်တက်တဲ့ လှေကားတွေမှာလည်း ကွမ်းတံတွေးတွေ၊ ဆေးလိပ်တိုတွေ၊ ဖုံတွေ၊ အမှိုက်တွေနဲ့ ညစ်ထေးနေတာကို တွေ့ခဲ့ရပါတယ်။

ရန်ကုန်က တိုက်တွေ ၆ ထပ်အထိ ဓာတ်လှေကား ဆင်စရာမလိုဘဲ ၆ ထပ်ကျော်မှ ဓာတ်လှေကားဆင်ပေးရတယ်။ ဒါကြောင့် ကန်ထရိုက်တိုက်လို့ ခေါ်တဲ့ တိုက်အများစုဟာ ၆ ထပ်ပဲ ဆောက်ကြတယ်လို့ မိတ်ဆွေက ပြောတယ်။ ဓာတ်လှေကားနဲ့ လေအေးစက်ဟာ ရန်ကုန်မှာ ဇိမ်ခံ ပစ္စည်းလို့လည်း သူက ဆိုပါတယ်။ ”ဓာတ်လှေကားကတော့ မရှိတာပဲ ကောင်းပါတယ်ဗျာ။ ဓာတ်လှေကားစီးရင် မီးပျက်သွားရင် ဒုက္ခများလိမ့်မယ်”တဲ့။

ရန်ကုန်မှာ တနေ့ နှစ်ခါလောက် မီးပျက်တာကို ကျနော် ကြုံပါတယ်။ မြို့ထဲက တိုက်တန်းတွေမှာတင် ပျက်တာမျိုး မဟုတ်။ မင်္ဂလာဒုံ အပြည်ပြည်ဆိုင်ရာ လေဆိပ်မှာတောင် ပျက်တယ်လို့ ကြုံဖူးသူတွေက ပြောတော့ အံ့ဩရတယ်။ ကြီးကြီးကျယ်ကျယ် ပြောမယ်ဆိုရင်တော့ နိုင်ငံရဲ့ အခြေခံအဆောက်ဦတွေက ဘာမှ တိုးတက်မှု မရှိသေးလို့ပဲ ကောက်ချက်ဆွဲမိပါတယ်။ မီးက မမှန်၊ ရေက မလာ။ မြို့ပတ်ရထားနဲ့ ဘတ်စ်ကားတွေက ဟောင်းနွမ်း။ လိုရာ အလွယ်တကူ ဝယ်နိုင်မယ့် ၂၄ နာရီဖွင့်တဲ့ ဆဲဗင်းအလဲဗင်းလို ဆိုင်တွေ ရန်ကုန်မှာ မရှိသေးပါ။

ရန်ကုန်မြို့ကြီးရဲ့ လွဲချော်မှု အတော်များများကို ငြီးငြူပြီးတော့ ကျနော်ရောက်သွားတဲ့နေရာက အဲဒီလွဲချော်မှုတွေကို ပြင်မယ်လို့ မျှော်လင့်ရတဲ့ အမျိုးသားဒီမိုကရေစီအဖွဲ့ချုပ် NLD ရုံးခန်းပါ။ ပါတီ ခေါင်းဆောင်တွေကို အင်တာဗျုးလုပ်ဖို့ သွားခြင်းမဟုတ်။ တချိန်က DVB မှာ တာဝန်ထမ်းစဉ်က နေ့စဉ် တယ်လီဖုန်းခေါ် သတင်းမေးရင်းနဲ့ ရဲဘော်ရဲဘက်တွေလို ရင်းနှီးနေတဲ့ ရုံးအဖွဲ့မှူးနဲ့ မိတ်ဆွေဟောင်းတွေကို တွေ့ဆုံနှုတ်ဆက်ဖို့ပါ။

”အဲဒီ ဖုန်းပေါ့ဗျာ။ ခင်ဗျားတို့ နေ့စဉ်ခေါ်ပြီး ကျနော်တို့ကို ဒုက္ခပေးခဲ့တာ” လို့ ရုံးအဖွဲ့မှုး ဦးသိန်းဦးက ကျနော့်ကို လုပ်ဖေါ်ကိုင်ဖက်တဦးသဘွယ် နှုတ်ဆက်ပါတယ်။ ဦးသိန်းဦး၊ ဦးစိုးဝင်း၊ ဒေါ်လဲ့လဲ့၊ ဒေါ်အေးအေးမာ အပါဝင် NLD ရုံးမှာ တွေ့တဲ့ လူအတော်များများကို ဆယ်နှစ်ဆယ်မိုးလောက် နေ့စဉ်ဖုန်းခေါ်ပြီး သတင်းမေးဖူးပေမယ့် အခုမှ ပထမဆုံးအကြိမ် လူချင်းတွေ့ဖူးတာ ဖြစ်ပါတယ်။ အခုတော့ NLD ဟာ လွန်ခဲ့ တဲ့ ၁၀ နှစ်ကျော် ဒီပဲယင်းကာလကလိုမျိုး အပိတ်ဆို့ခံ အဖမ်းဆီးခံ ပါတီတခု မဟုတ်တော့ပါ။ အလားတူ DVB ကလည်း အရင်လို ပြည်ပအခြေစိုက် အတိုက်အခံ သတင်းဌာန မဟုတ်တော့ပါ။ ဒါကိုပဲ တိုးတက်မှုတခုအဖြစ် သတ်မှတ်ရမလား။

NLD နာယကလည်း ဖြစ် သတင်းစာဆရာကြီးလည်း ဖြစ်သူ ဦးဝင်းတင်နဲ့ တွေ့ချင်ကြောင်းပြောတော့ NLD အလံနဲ့ ဒေါ်အောင်ဆန်းစုကြည်ပုံ ကပ်ထားတဲ့ ဖိုးဝှိးကား အနီရောင်ကြီးနဲ့ ဦးဝင်းတင်ရှိရာ ကျောက်မြောင်းကို လိုက်ပို့ပေးပါတယ်။ “ကြည့်လုပ်နော် ကားဆရာ။ စွမ်းအားရှင်တွေနဲ့ လမ်းမှာ တိုးနေပါဦးမယ်” ဆိုပြီး ကျနော်က နောက်တော့ အဲဒီလိုမျိုးတော့ မရှိတော့ပါဘူးလို့ ကားဆရာက ရယ်ပြီးပြောပါတယ်။

ဦးဝင်းတင်က ဗီဒီယိုရီပို့တွေမှာ မြင်ဖူးနေတဲ့အတိုင်းပါပဲ။ ”ပါတီထဲမှာလည်း ပြောရဲဆိုရဲသူ သိပ်မရှိဘူးဗျာ။ နိုင်ငံခြားသတင်းထောက်တွေက ကျနော့်ဆီချည်းပဲ လာ မေးနေကြတယ်” ဆိုပြီး ကျနော့်ကို သတင်းသမားတဦးအဖြစ် သူက ရှုမြင် နှုတ်ဆက်ပါတယ်။ ဒေါ်အောင်ဆန်းစုကြည်ရှေ့မှာ ဘယ်သူကမှ ဆန့်ကျင်ဘက် စကားမပြောရဲဘူးဆိုတဲ့ နိုင်ငံခြားသတင်းစာပါ သူ့မှတ်ချက် စကားတွေအကြောင်း ကျနော်တို့ ဆွေးနွေးဖြစ်ပါတယ်။ ”ကျနော်ကတော့ ကျနော့် အမြင်ကို ပွင့်ပွင့်လင်းလင်း ပြောနေတာပဲဗျာ။ သူတို့မကြိုက်လည်း မတတ်နိုင်ဘူး” လို့ စစ်သားတပိုင်း အစိုးရ လို့ သူခေါ်တဲ့ လက်ရှိ ဦးသိန်းစိန်အစိုးရအကြောင်းလည်း ဦးဝင်းတင်က ပယ်ပယ်နယ်နယ် ဝေဖန်နေဆဲပါ။

တနေ့တည်းပဲ ညနေ ၆ နာရီမှာ အမျိုးသားသတင်းဆု ချီးမြှင့်တဲ့ အမျိုးသားကဇာတ်ရုံဆီ ကျနော် ရောက်သွားပါတယ်။ အ၀င်ဝမှာ ကင်မရာ တကားကားနဲ့စတွေ့တာက DVB သတင်းအဖွဲ့။ ဟိုဖက်ဘေးမှာတော့ စကိုင်းနက်ရုပ်သံက လိုက်ဖ်လွှင့်တဲ့ အသံလွှင့်ကားတွေနဲ့။ တရုတ်အစိုးရက လက်ဆောင်ပေးထားတဲ့ ဇာတ်ရုံထဲ ၀င်လိုက်တော့ ”လေလှိုင်းပေါ်ကလူသတ်သမား”တွေ ဖြစ်ခဲ့တဲ့ ဘီဘီစီ၊ ဗီအိုအေ၊ ဒီဗွီဘီက ညွှန်ကြားရေးမှူးတွေအပါအဝင် မီဒီယာအသီးသီးက တာဝန်ရှိသူတွေ တန်းစီနေရာယူလို့။

”ဆင်ဆာမရှိတော့ဘူးဆိုပေမယ့် မီဒီယာတွေကို ဘယ်သူပိုင်သလဲ။ မီဒီယာ အုံနာရှစ် ပေါ်လစီ မရှိပဲနဲ့ တော့ လွပ်လပ်စွာ ရေးသားခွင့်ရနေပြီလို့ မပြောနိုင်သေးပါဘူး” လို့ အကောင်းဆုံး အယ်ဒီတာ့အာဘော် ဆုရသွားတဲ့ မသီတာ(စမ်းချောင်း)ရဲ့ စကားသံက အားလုံးကို လှုပ်နှိုးလိုက်ပါတယ်။ အရင်က ဒါမျိုး ဘယ်ပြောလို့ ရပါ့မလဲ။ အခုတော့ နိုင်ငံရေး အကျဉ်းသားဟောင်းရေးတဲ့ ”အသွင်မတူမှုနှင့် ပဋိပက္ခအသွင်ပြောင်းခြင်း” ဆိုတဲ့ အယ်ဒီတိုရီရယ် ဆုပေးတယ်ဆိုကတည်းက ဒါ မီဒီယာလောက တိုးတက်မှုတခုလို့ ဆိုသင့်တာပေါ့။

ပြီးတော့ အကောင်းဆုံး သတင်းဆု၊ အကောင်းဆုံး ဆောင်းပါးဆု၊ အကောင်းဆုံး ကာတွန်းဆု၊ အကောင်းဆုံး သတင်းဓာတ်ပုံဆု၊ အကောင်းဆုံး ရုပ်သံဆု စသဖြင့် ကြေငြာပါတယ်။ ”ဘာကြောင့် အကောင်းဆုံး အသံလွှင့်ဆုနဲ့ အကောင်းဆုံး အွန်လိုင်းဆု မပေးတာလဲ” ဆိုပြီး ကျနော်က နောက်တော့ ရှေ့နှစ်ကျရင်ဖြစ်လာမှာပါလို့ ဘေးနားမှာထိုင်တဲ့ သတင်းထောက်တဦးက ပြောပါတယ်။ အကောင်းဆုံး ရုပ်သံဆုကို ဒီနှစ်မှ စပေးတဲ့အတွက် ရှေ့နှစ်ကျရင် အကောင်းဆုံး အသံလွှင့်ဆုနဲ့ အွန်လိုင်းဆု ပါလာနိုင်တယ်လို့ သူက တွက်ပါတယ်။

တကယ်ဆို ဘီဘီစီနဲ့ ဗွီအိုအေ အပါအ၀င် လိုင်းတိုရေဒီယိုတွေကို နားထောင်နေတဲ့ ပရိတ်သတ်က ဂျာနယ်နဲ့ သတင်းစာ ဖတ်တဲ့ ပရိတ်သတ်ထက် ဆယ်ဆမက များတယ်ဆိုတာ ဆုရွေးချယ်ရေးအဖွဲ့ဝင်တွေ မသိပဲနေပါ့မလား။ Facebook အပါဝင် အွန်လိုင်းအသုံးပြုပြီး သတင်းရယူနေတဲ့ မြန်မာပရိတ်သတ်လည်း တိုးလာနေတယ်ဆိုတာကိုလည်း သူတို့သိမှာပါ။

ပွဲပြီးလို့ အိမ်ပြန်တဲ့အခါမှာတော့ မသီတာပြောတဲ့ ဒီနေ့ မြန်မာမီဒီယာတွေကို ဘယ်သူတွေက ပိုင်ဆိုင်ထားပါသလဲဆိုတဲ့ မီဒီယာ အုံနာရှစ်ကိစ္စက ကျနော် ခေါင်းထဲ ကပ်ပါလာပါတယ်။သူပုန်လူထွက် သတင်းထောက်ဆိုတော့ သိက္ခာကို ရိက္ခာလဲရတဲ့အဖြစ်မျိုး ဘယ်တော့မှ မလုပ်နိုင်။ အစိုးရပြန်ကြားရေးဌာနမှာ တာဝန်ထမ်းဖို့ လုံးဝစိတ်ကူးမရှိ။ ခရိုနီ၊ ခရိုပြာတွေပိုင်တဲ့ မီဒီယာမှာလည်းလုပ်ဖို့ စိတ်မ၀င်စား။ ဒိုနာတွေ ကြော်ညာတွေပေါ် မှီခိုနေရတဲ့ မီဒီယာသမား ဘ၀မျိုးကိုလည်း စိတ်က သိပ်မလိုလား။ ကိုယ်ပိုင်မီဒီယာထောင်ဖို့တော့ ဝေလာဝေး အရင်းအနှီးက မရှိသေး။ လွတ်လပ်တဲ့ ဖရီးလန့်စ် ဂျာနယ်လစ်တဦးအဖြစ် ရန်ကုန်မီဒီယာလောကမှာ ရပ်တည်ဖို့ ဆိုတာရော ကျနော့်အတွက် နေရာရှိနေသေးသလား။

လားရှိုးပဋိပက္ခ ပျက်စီးမှုတန်ဖိုး သိန်း ၆ဝဝ ရှိ လုံခြုံရေးအဖွဲ့များ တိုးချဲ့ဖွဲ့စည်း

သိင်္ဂီထွန်း

ရှမ်းပြည်နယ် လားရှိုးမြို့တွင် မေလ ၂၈ ရက်ကဖြစ်ပွားခဲ့သော ပဋိပက္ခများမှ မီးလောင်ပြီး ပျက်စီးဆုံးရှုံးခဲ့မှု တန်ဖိုး သိန်း၆ဝဝ နီးပါးရှိပြီး လုံခြုံရေးအတွက် အဖွဲ့ငါးဖွဲ့ ဖွဲ့စည်းလိုက်သည်ဟု လားရှိုးမြို့ ပြန်ကြားရေးနှင့် ပြည်သူ့ဆက်ဆံရေး ရုံးမှ လက်ထောက်ညွှန်ကြားရေးမှူး ဦးဝေလင်းက မဇ္ဈိမကို ပြောသည်။

ဖွဲ့စည်းလိုက်သည့် လုံခြုံရေးအဖွဲ့များတွင် အထွေထွေအုပ်ချုပ်ရဲမှူး၊ ရဲတပ်ဖွဲ့၊ စစ်တပ်နှင့် သံဃာတော်များ ပါဝင်ပြီး ''လုံခြုံရေးအဖွဲ့ ငါးဖွဲ့ချထားတယ်။ ညနေကမှ အစည်းအဝေးလုပ်တာဆိုတော့ ကျွန်တော်တို့လည်း အသေးစိတ်ကိုတော့မသိရသေးဘူး'' ဟု ဦးဝေလင်းက ပြောသည်။ ရိုက်နှက်မှုများ ဖြစ်ပေါ်လာခြင်းကြောင့် အခြေအနေကို ထိန်းသိမ်းရန် ဖွဲ့စည်းခြင်းဟုလည်း သူက ဆိုသည်။

ပဋိပက္ခများအတွင်း လားရှိုးမြို့ အမှတ် (၈) ရပ်ကွက်တွင် ယမန်နေ့ညနေက မီးရှို့မှုဖြစ်ပွားခဲ့ပြီး ဗလီတစ်လုံး၊ အစ္စလာမ် မိဘမဲ့ ကျောင်းနှင့် ပြန်/ဆက်ဌာနပိုင်ဆိုင်ခန်း နှစ်ခန်းအပါအဝင် ပုဂ္ဂလိက ဆိုင်ခန်းများနှင့် ဂိုထောင်များ မီးလောင်ကျွမ်းခဲ့ပြီး ဆုံးရှုံးမှုတန်ဖိုး အတိအကျမှာ ၅၈၃ ဒသမ ၈ သိန်း ဖြစ်သည်ဟုလည်း ပြန်ကြားရေးနှင့်ပြည်သူ့ဆက်ဆံရေးရုံးက ထုတ်ပြန်သည်။

ထို့အပြင် မေလ၂၉ရက်နေ့လည်တွင် အမှတ် (၇) ရပ်ကွက်၌ လူတစ်စုက အကြမ်းဖက်ရိုက်နှက်မှုကြောင့် အစ္စလာမ်ဘာသာ ဝင်တစ်ဦးသေဆုံးကာ အမျိုးသားလေးဦးနှင့် အမျိုးသမီးတစ်ဦး ဒဏ်ရာရရှိခဲ့ပြီး လားရှိုးမြို့ပြည်သူ့ဆေးရုံတွင် ဆေးကုခံယူနေသည်။ တစ်ဦးမှာ ဦးခေါင်းဒဏ်ရာရကာ ခွဲစိတ်ခန်းသို့ ပို့ထားရကြောင်းပြန်ကြားရေးနှင့် ပြည်သူ့ဆက်ဆံရေးဝန်ကြီးဌာနမှ သိရသည်။

ထိုရပ်ကွက်တွင်ပင် သတင်းထောက် နှစ်ဦးအား ရိုက်နှက်မှုဖြစ်ပွားရာ တစ်ဦးမှာ ဦးခေါင်းကွဲခဲ့ပြီး တစ်ဦးမှာ သံတုတ်ဖြင့် နောက်ကျောကို ရိုက်နှက်ခြင်းခံခဲ့ရသည်။ ''ကျွန်တော်တောင် အခုပဲ အရိုက်ခံလိုက်ရတယ်။ ကျွန်တော်က ခေါင်းကွဲသွားတယ်။ ကျွန်တော့်သူငယ်ချင်းကိုလည်း နောက်ကနေ သံတုတ်နဲ့ ရိုက်လိုက်တယ်။ ခုထိမထနိုင်ဘူး။ ကင်မရာထဲက မန်မိုရီကတ် (Memory Card) ကိုလည်း ယူထားလိုက်တယ်။ ဆေးခန်းတွေ လည်း ပိတ်တယ်'' ဟု လားရှိုးဒေသခံ အလွတ်တန်းသတင်းထောက် ကိုခွန်ဇော်ဦးက မဇ္ဈိမကိုပြောသည်။

ယမန်နေ့ ည ၈ နာရီမှာလည်း ညကိုးနာရီကျော်လျှင် မထွက်ရအမိန့် ပုဒ်မ ၁၄၄ ချက်ချင်းထုတ်ပြန်ခဲ့ရပြီး ရဲတပ်ဖွဲ့နှင့် စစ်တပ်အင်အားများ ချထားခဲ့သေးသော်လည်း နေ့လည်ပိုင်းတွင် ပြန်လည်ဖြစ်ပွားခဲ့သည်။

''မြို့ကကျယ်တော့ လုံခြုံရေးယူနိုင်တဲ့ နေရာတော့ အေးချမ်းပေမယ့် မြို့ပြင်တွေမှာတော့ နေ့လည်ပိုင်းမှာ လှုပ်လှုပ်၊ လှုပ်လှုပ်ဖြစ်နေတုန်းပဲ'' ဟု ကျားဖြူပါတီဝင် အမျိုးသားလွှတ်တော်ကိုယ်စားလှယ် ဦးစိုင်း စံမင်းကပြောသည်။

မေလ ၂၉ ရက်တွင် လားရှိုးမြို့ရှိ မြို့မဈေးနှင့် ဈေးဆိုင်များအားလုံး ပိတ်ထားကြပြီး မနက်ပိုင်းတွင် အခြေအနေ တည်ငြိမ် မှုရှိကြောင်းဒေသခံများကပြောကြသည်။

ယနေ့ နေ့လည်ပိုင်းတွင် သာသနာရေးဝန်ကြီး ဦးဆန်းဆင့်၊ ရှမ်းပြည်နယ်ဝန်ကြီးချုပ် စဝ်အောင်မြတ်၊ နယ်စပ်ရေးရာဝန်ကြီး ဗိုလ်မှူးကြီး အောင်သူတို့သည် လားရှိုးမြို့ သာသနာ့ဗိမာန်တွင် သံဃာတော်များ၊ အစ္စာလာမ်ဘာသာရေးခေါင်းဆောင်များ၊ ခရစ်ယာန်ဘာသာရေးခေါင်းဆောင်များနှင့် တွေ့ဆုံခဲ့ကြသေးသည်။

ယနေ့ မြန်မာ့ရေးရာသတင်းများ May,31st,2013

( 60 )ရန်ကုန် စတော့အိပ်ချိန်း လာတော့မည်

( 59 )ကလေးမွေးနှုန်း ကန့်သတ်ချက် ရုတ်သိမ်းဖို့ ကုလတောင်းဆို

( 58 )အများပြည်သူ သယ်ယူပို့ဆောင်ရေးအဖွဲ့ ဖျက်သိမ်းရခြင်းအကြောင်းရင်း ဥက္ကဋ္ဌ မသိ

( 57 )မြန်မာနိုင်ငံမှာ ပြုလုပ်မယ့် ဆီးဂိမ်းစီစဉ်ပုံကို ဖိလစ်ပိုင်က မကျေနပ်

( 56 )US urges Myanmar to remove its two child policy for Muslims

( 55 )ဇွန်လ ၇ ရက်တွင် ရဲတိုက်ကို ရုံးထုတ်မည်

( 54 )2 Myanmar nationals and Singaporean jailed for sham marriage offence

( 53 )မုံရွာမြို့ ကန်သာယာကန်အနီးမှ လက်ပစ်ဗုံးနှစ်လုံးနှင့် ကျည်ဆံများတွေ့ရှိ

( 52 )Myanmar-China gas pipeline ready for trial operations

( 51 )အစိုးရတပ်များ ရှမ်းတပ် ဝတ်စုံဖြင့် ပလောင်တပ်ကို တိုက်ခိုက်ဟု PSLF စွပ်စွဲလိုက်

( 50 )Myanmar worker charged with murder of engineer at Penjuru Lane

( 49 )ပြည်ခိုင်ဖြိုးသည်သာ အားကိုးရာအဖြစ်စည်းရုံးရန် ဦးခင်အောင်မြင့် ညွှန်ကြား

( 48 )Myanmar signs peace deal with Kachin rebels

( 47 )ပျော်ဘွယ်တွင် မိုးမရွာ၍ ရပ်ကွက်အချို့ သောက်ရေပြတ်လပ်

( 46 )Troops flood Myanmar town as Muslims flee

( 45 )အစိုးရနှင့် KIO တိုက်ပွဲမဖြစ်ရေး၊ ပူးတွဲစောင့်ကြပ်ကြည့်ရေး အပါအဝင် ၇ ချက် သဘောတူ

( 44 )Troops patrol Myanmar, Muslims hide

( 43 )၂၀၁၅ ခုနှစ် ရွှေးကောက်ပွဲ မတိုင်မှီ ရခိုင် အမျိုးသား ပါတီကြီး တစ်ရပ်ပေါ်ပေါက်ရေး RNDP မျှော်မှန်း

( 42 )Myanmar, Kachin reach tentative ceasefire

( 41 )နိုင်ငံတကာ လေကြောင်းလိုင်း မန္တလေး တိုက်ရိုက်ပြေးဆွဲလာပြီးနောက် ပြည်တွင်းလိုင်းများ ခရီးသည် ထက်ဝက်လျော့ကျ

( 40 )Myanmar economy could quadruple to US$200bil

( 39 )၈၅ ကြိမ်မြောက် မြောက်ဦး သျှစ်သောင်း ဘုရားများ ဗုဒ္ဓပူဇနိယပွဲတော် အောင်မြင်စွာပြီးဆုံး

( 38 )Hundreds of Myanmar Muslims flee

( 37 )ကျောင်းဖွင့်ရာသီမို့ ရွှေဈေးကွက် အေးနေ

( 36 )Thailand should let go of Dawei pipedream

( 35 )ရှမ်းပြည်နယ်အတွင်း လျှပ်စစ်ဖြန့်ဖြူးခွင့် ပုဂ္ဂလိကသို့ လုပ်ပိုင်ခွင့် ပေးတော့မည်

( 34 )Muslims arrive at a monastery used to shelter internally displaced people after a riot between Muslims and Buddhists in Lashio township

( 33 )သတင်းသမားများကို အစိုးရ အကာအကွယ်ပေးရန် လိုအပ်

( 32 )Burma rebels agree ceasefire deal

( 31 )ကျိုက်မရောမြို့နယ်မှ ရှေးဟောင်းဂူများ ထိန်းသိမ်းရန် မွန်ပြည်နယ် အစိုးရညွှန်ကြား

( 30 )Man from Myanmar arrested for murder of compatriot in Penjuru Lane

( 29 )နံရံတွင် သမ္မတပုံဆွဲသူ ဒဏ်ငွေ ၁ သိန်း ချမှတ်ခံရ

( 28 )Myanmar: International capacity up 50%; new regional points include Hong Kong, Seoul Incheon and Tokyo Narita

( 27 )အစိုးရနှင့် KIO တိုက်ပွဲမဖြစ်ရေး၊ ပူးတွဲစောင့်ကြပ်ကြည့်ရေး အပါအဝင် ၇ ချက် သဘောတူ

( 26 )MasterCard’s reach in Myanmar increases with KBZ Bank

( 25 )ကမ္ဘာအေးရှိ ကျောက်မျက်ခန်းမကြီး ပြင်ဆင်ပြီးပါက ဓါတ်ခွဲခန်းတခု ထားမည်

( 24 )Philippines protests SEA Games sports selection

( 23 )လားရှိုးဆူပူမှု ၁ ဦးသေဆုံး၊ ၅ ဦးဒဏ်ရာရ

( 22 )Fearful Burmese Muslims shelter in monastery

( 21 )ဆင်ပေါင်ဝဲမြို့နယ်မှ သိမ်းထားသော ယာမြေများ ပြန်ရရေး ထွန်တုံးတိုက်ပွဲစ

( 20 )Fear Grips Lashio After Burma’s Latest Anti-Muslim Riots

( 19 )ကေအိုင်အိုနှင့် အစိုးရ သဘောတူညီချက် ၇ ချက်ကို လက်မှတ်ရေးထိုး

( 18 )Anti-Muslim Violence Spreads to Town in Central Burma

( 17 )ထားဝယ်ရှိ စစ်တပ်က သိမ်းထားသော မြေများအတွက် စာရင်းလာကောက်ယူ

( 16 )Plans Under Way to Repatriate Burma’s Refugees

( 15 )မှတ်ပုံတင်မထားသည့် ပိုးသတ်ဆေးကို ဈေးကွက်အတွင်းမှ ပြန်သိမ်းမည်

( 14 )Low Wages in Burma Threaten Thailand’s Hold on Japanese Investors

( 13 )ကျိုက်မရောမြို့နယ်မှ ရှေးဟောင်းဂူများ ထိန်းသိမ်းရန် မွန်ပြည်နယ် အစိုးရညွှန်ကြား

( 12 )Myanmar, Kachin rebels agree on ceasefire

( 11 )နိုင်ငံတ၀န်း ကျောင်းအပ်ရာတွင် အမျိုးမျိုးဖြစ်နေ

( 10 )Myanmar national to be charged with murder

( 9 )လှိုင်သာယာ စက်ရုံအလုပ်သမားများ ဆန္ဒပြမှု မပြေလည်သေး

( 8 )Myanmar Economy Could Quadruple to $200 Billion

( 7 )လားရှိုး မန်ဆူရှမ်းဘုန်းကြီးကျောင်းတွင် ဒုက္ခသည် ၁၀၀၀ ခန့် ခိုလှု

( 6 )25 suspects detained for riot in north Myanmar

( 5 )အလုပ်သမား လူမှုဖူလုံရေး ဥပဒေသစ် လက်တွေ့ကျင့်သုံးရန် ပြင်ဆင်နေ

( 4 )Suu Kyi to attend Myanmar energy conference

( 3 )ဂျပန်ရင်းနှီးမြှုပ်နှံမှု ၀င်တော့မည့်အတွက် ပြည်တွင်းလုပ်ငန်းရှင်းများ ကြိုပြင်ရန်လို

( 2 )Thailand withers as Myanmar progresses

( 1 )သားသမီးဦးရေ ကန့်သတ်မှု အမေရိကန်စိုးရိမ်

Thursday, May 30, 2013

မူစယ်မြို့ အကြမ်းဖက်မှု အချိန်မီ တားဆီးနိုင်ခဲ့

သျှမ်းသံတော်ဆင့်

ယမန်နေ့ညပိုင်း ၉ နာရီခန့်က သျှမ်းပြည် (မြောက်ပိုင်း) မူစယ်မြို့တွင် အစ္စလာမ်ဘာသာဝင်များ ၀တ်ပြုကိုးကွယ် နေ သည့် နေအိမ် နှစ်လုံးကို လူအုပ်စုက အကြမ်းဖက်ဖျက်ဆီးရန် ကြိုးပမ်းစဉ် အာဏာပိုင်များက အချိန်မီ ကြိုတင် တားဆီး နိုင်ခဲ့ ကြောင်း အာဏာ ပိုင်သတင်းရပ်ကွက်က ပြောသည် ။

ယမန်နေ့ ညနေပိုင်းက လားရှိုးမြို့တွင် ဖြစ်ပွားခဲ့သည့် အမျိုးသမီးတစ်ဦးအား အစ္စလာမ်ဘာသာဝင်ဆိုသူ အမျိုးသား တစ်ဦး က ဓါတ်ဆီလောင်းမီးရှို့ခဲ့သည့်ဖြစ်စဉ်အပြီး မူစယ်မြို့၌လည်း
လူများစုဝေးလာကာ အစ္စလာမ်ဘာသာဝင်များဝတ်ပြုနေ သည့် နေအိမ်များအား ဖျက်ဆီးရန် ကြိုးပမ်းမှုရှိခဲ့ရာ အချိန်မီ လူစုခွဲ တားဆီးနိုင်ခဲ့ကြောင်း မူစယ်မြို့ အာဏာပိုင် နှင့် နီးစပ်သူတစ်ဦးက ပြောသည် ။

“မြို့ခံတချို့လည်းပါတယ်။ ၁၀၅ မိုင်ဘက်က လူတွေလည်းပါတယ်။ မူစယ်မှာ စုဝေးပြီး (တရားမဝင်ပေါ့နော်) အစ္စလာမ်ဘာသာ ၀င်တွေ ဗလီလိုသဘောထားပြီး ၀တ်ပြုနေတဲ့ နေအိမ်တွေကို ဖျက်ဖို့ လုပ် နေတုန်း ရပ်ကွက်အုပ်ချုပ်ရေးမှူးတွေ မီးသတ်တပ်ဖွဲ့တွေ အာဏာပိုင်အဖွဲ့တွေက တားဆီးလိုက်နိုင်တယ် ” ဟု သူက ဆိုသည် ။

မူစယ်မြို့နှင့် ကပ်နေသည့် တရုတ်နိုင်ငံ ရွှေလီမြို့၌ ရခိုင်ပြည်နယ်ဘက်မှ ၀င်ရောက်လာသော အစ္စလာမ်ဘာသာဝင် အ မြောက်အများ နေထိုင်လျှက်ရှိရာ အဆိုပါ ဘာသာဝင်များ မူစယ်ဘက်သို့ ၀င်ရောက်၍ အကြမ်းဖက်လုပ်ရပ်များ ပြုလုပ် လာမည်ကို ဒေသခံများ စိုးရိမ်နေရကြောင်းလည်း သိရသည် ။

“ အဲဒီအကြမ်းဖက်မှုတွေ ဖြစ်နေတာကလေ ဗမာဘက်က စလုပ်တာတွေရှိသလို ကုလားတွေဘက်က လုပ်တာတွေလည်း ရှိနေတာ ပေါ့နော်။ ဟိုတစ်လောကပဲ ဒီမူစယ်မှာ ဗလီကိစ္စနဲ့ပတ်သက်ပြီး ကုလားတွေဘက်က ဆန္ဒပြမဲ့ဟာမျိုးတွေ လုပ်လာ တာလည်းရှိတယ်။ ရွှေလီဘက်မှာဆို ကုလားတွေများတော့ သူတို့ဝင်လာပြီး အကြမ်းဖက်မှာလည်း စိုးရိမ်နေရတယ် ” ဟု မူစယ်ဒေသခံတစ်ဦးက ဆိုသည် ။

လားရှိုး အကြမ်းဖက်မှု ဖြစ်စဉ်ကြောင့် ယမန်နေ့ညပိုင်းက တရုတ် - မြန်မာနယ်စပ် ကျယ်ဂေါင် - မူစယ်ဝင်ထွက်ပေါက်များ အားလုံး တရုတ် အာဏာပိုင်များက ပိတ်ပင်ထားကြောင်း ကုန်သည်များ အပြောအရ သိရသည် ။

ဘာသာရေးဆိုင်ရာ အကြမ်းဖက်မှုများ လားရှိုးမြို့၌ စတင်ဖြစ်ပွားခဲ့ရာ သျှမ်းပြည် (မြောက်ပိုင်း) အတွင်း အကြမ်းဖက်မှု များ မကူးစက်စေရေး အတွက် လုံခြုံရေးအရ အသင့် ပြင်ဆင်ထားကြောင်းလည်း စောစောက အာဏာပိုင်နှင့် နီးစပ်သူက ဆက်ပြောသည် ။

ယနေ့နေ့လည်ပိုင်းတွင် မူစယ်မြို့၌ အခြေအနေ မငြိမ်သက်မှုများ ဆက်လက်ဖြစ်ပေါ်နေကြောင်းလည်း သိရသည် ။

သြစတြေးလျား ပါလီမန်တွင် သွားရောက်ဟောပြောသူ ဗိုလ်မှူး ကြီးနယ်ဒါးမြ ဆစ်ဒနီ မြန်မာ့လူ့အဖွဲ့ အစည်းနှင့် တွေ့ဆုံ

စောကျော်ခွီး (ကေအိုင်စီ)

ဗိုလ်ချုပ်ကြီးစောဘိုမြ၏သား ဗိုလ်မှူးကြီး နယ်ဒါးမြသည် သြစတြေးလျားနိုင်ငံ၊ ဆစ်ဒနီမြို့ရှိ မြန်မာ့လူမှုအဖွဲ့အစည်း နှင့် Malta Street, Villawood ရပ်ကွက်ရှိ သြစတြေးလျား ကေအဲန်ယူ ကိုယ်စားလှယ် မန်းချစ်စိန်၏ နေအိမ်တွင် ယနေ့ ညနေ ၅နာရီခွဲမှ ည ၈နာရီအထိ တွေ့ ဆုံဆွေးနွေးခဲ့သည်။

၎င်းဆွေးနွေးပွဲကို သြစတြေးလျား ကရင်အမျိုးသားအဖွဲ့(AKO)မှ စီစဉ်ဆောင်ရွက်ခြင်းဖြစ်ပြီး ဆစ်ဒနီရှိ ကချင်၊ မွန် နှင့် ကရင်တိုင်းရင်းသားများ အပါအဝင် ABSDF ၊ JACDB မှ ကိုယ်စားလှယ်များ၊ NLD-LA လွှတ်တော်အမတ်များနှင့် ရေဒီယိုမြန်မာ့အသံ ကိုယ်စားလှယ်များ စုစုပေါင်းလူ ၃၀ဦးကျော် တက်ရောက်ခဲ့ကြသည်။

“နိုင်ငံတကာ အစိုးရတွေအနေနဲ့လည်း မြန်မာအစိုးရနဲ့ ပြုမူဆက်ဆံတဲ့နေရာမှာ တဖက်ကိုပဲ နားမထောင်ဘဲ ကျန် တစ်ဖက်က တိုင်းရင်းသားတွေရဲ့အသံဖြစ်တဲ့ တိုင်းရင်းသားအဖွဲ့(၁၁)ဖွဲ့ ပေါင်းထားတဲ့ တိုင်းရင်းသားလူမျိုးများ ဖက် ဒရယ်ကောင်စီ UNFC ရဲ့အသံကိုလည်းပဲ နားထောင်သင့်ပါတယ်။”ဟု ဗိုလ်မှူးကြီးနယ်ဒါးမြက ပါလီမန်တွင် သူ ပြော ဆိုခဲ့ခြင်းကို ပြန်လည် ပြောပြသည်။

ဗိုလ်မှူးကြီးနယ်ဒါးမြသည် သြစတြေးလျား လွှတ်တော်အမတ် Luke Simpkins နှင့် အနောက်သြစတြေးလျားမှ အထက်လွှတ်တော်အမတ် Dean တို့၏ တာဝန်ယူ ဖိတ်ကြားချက်အရ “မြန်မာနိုင်ငံမှ လူနည်းစုတိုင်းရင်းသားများအ ရေး မည်သို့ဖြစ်လာမည်နည်း”ဆိုသည့် ခေါင်းစဉ်ဖြင့် သြစတြေးလျားနိုင်ငံ မြို့တော်ကန်ဘာရာ ပါလီမန်တွင် မေလ ၂၇ရက်နေ့က သွားရောက်ပြောကြားခဲ့သည်။

“လူထုဟာ ကျနော်တို့အင်အားတွေ ဖြစ်တယ်။ ပြည်တွင်းပြည်ပမှာရှိတဲ့ ပြည်သူလူထုကို ပြန်လည် စုစည်းပြီး မျှော် မှန်းတဲ့ပန်းတိုင်ကို အရောက်သွားကြပါစို့”ဟု ဗိုလ်မှူးကြီးနယ်ဒါးမြက ပြောကြားခဲ့သည်။

ယနေ့ မြန်မာအသိုင်းအ၀ိုင်းနှင့် တွေ့ဆုံသည့် ဆွေးနွေးပွဲတွင် တိုင်းရင်းသားအသီးသီးနှင့် ဒီမိုကရေစီအင်အားစုများ က ယနေ့ ဖြစ်ပေါ်ပြောင်းလဲနေသော ပြည်တွင်းအခြေအနေနှင့် ငြိမ်းချမ်းရေးလုပ်ငန်းစဉ်များကို တိုင်ပင်နှီးနှော ဖလှယ်မှုများ ပြုလုပ်ခဲ့သည်။

အလားတူ ဆွေးနွေးပွဲ တက်ရောက်သူ စောပေါလုက “မြန်မာအစိုးရက ဟန်ဆောင်ပြောင်းလဲပြပြီး တန်းတူရေး၊ အမျိုးသားပြန်လည်သင့်မြတ်ရေးတွေ ပြောနေပါစေအုံး။ သူတို့ရဲ့လုပ်ရပ်၊ လုပ်ငန်းစဉ်တွေကတော့ မဟာဗမာကြီးစိုး ရေးပဲ ဖြစ်တယ်။ အခုလို ဗိုလ်နယ်ဒါးတို့ ပြည်ပကိုလာပြီး ရှင်းလင်းပြတာ အတော်အားရဖို့ကောင်းတယ်။”ဟု ပြော သည်။

ဗိုလ်မှူးကြီးနယ်ဒါးမြသည် မနက်ဖြန် မေလ ၃၀ရက်နေ့တွင်လည်း ဆစ်ဒနီမြို့ရှိ ကရင်လူမှုအသိုင်းအ၀ိုင်းများနှင့် တွေ့ဆုံရန် ရှိသေးကြောင်း သိရသည်။

လားရှိုးမှ မီးရှို့ခံရသည့် အမျိုးသမီး အသက် စိုးရိမ်စရာမရှိ

နန်းသီရိလွင်


လားရှိုး ပဋိပက္ခကို စတင်ဖြစ်ပွားစေခဲ့သော ဓာတ်ဆီလောင်း မီးရှို့ခံရသည့် မှုခင်းဖြစ်စဉ်တွင် မီးရှို့ခံခဲ့ရသည့် အသက် ၂၄ နှစ်အရွယ် မအေးအေးဝင်းမှာ လားရှိုးခရိုင်ပြည်သူ့ ဆေးရုံတွင် ကျန်းမာရေးအခြေအနေ တိုးတက် ကောင်းမွန်လျက်ရှိပြီး အသက်အန္တရာယ် စိုးရိမ်ရသည့် အခြေအနေ မရှိတော့ကြောင်း သတင်းရရှိသည်။

ကျိုင်းတုံမြို့မှ လာရောက်သည့် ကိုနေ၀င်းဆိုသူက မအေးအေးဝင်းကို ဓာတ်ဆီလောင်း မီးရှို့ခဲ့ပြီးနောက် ဘာသာရေးနှင့် လူမျိုးရေး ပဋိပက္ခများ ဖြစ်ပွားပြီး တဦးသေဆုံး၍ ၄ ဦးဒဏ်ရာရရှိခဲ့ကြောင်း၊ လားရှိုးမြို့ပေါ်ရှိ ဗလီ၊ နေအိမ်နှင့် ဆိုင်ခန်းများ အပါအ၀င် အဆောက်အအုံ၊ ကား၊ ဆိုင်ကယ်များ မီးရှို့ဖျက်ဆီး ခံခဲ့ရကြောင်း၊ သတင်းဌာနတချို့နှင့် အင်တာနက်လူမှု ကွန်ရက် facebook စာမျက်နှာများတွင် မအေးအေးဝင်း သေဆုံးပြီ၊ ကျန်းမာရေး အလွန်ဆိုးရွားနေပြီ ဆိုသော သတင်းများ ရေးသားဖော်ပြလျှက် ရှိသော်လည်း လက်ရှိတွင် လူနာ မအေးအေးဝင်းမှာ ကျန်းမာရေးအခြေအနေ တိုးတက် ကောင်းမွန်ကြောင်း လားရှိုးခရိုင် ပြည်သူ့ဆေးရုံအုပ်ကြီး ဒေါက်တာဒီပါတ်က ဧရာဝတီသို့ ပြောသည်။

“လူနာက စိုးရိမ်ရတဲ့ အနေအထားမှာ မရှိဘူး။ ကျန်းမာရေး ကောင်းနေတယ်။ ဆီးကောင်းကောင်း သွားတယ်။ ဆီး ကောင်းတယ် ဆိုတာက သူ့ရဲ့ ကျန်းမာရေးပဲ။ မီးလောင် ဒဏ်ရာတွေရဲ့ သဘာဝက ရေဓာတ်ဆုံးရှုံးတာ၊ ရေဓာတ်ကို ကျနော်တို့ က ဖြည့်ပေးနေရတာ။ ဒီမနက် ဆီး ၁၂၀၀ စီစီလောက် ကောင်းကောင်း သွားတယ်ဆိုတော့ လူနာရဲ့ အနေအထား ကောင်းတယ်လို့ ပြောလို့ ရတယ်။ အဖျားဝင်တာ မရှိဘူး။ အရည်မျိုလို့ ရတယ်” ဟု ဒေါက်တာ ဒီပါတ်က ဧရာဝတီကို ပြောသည်။

မအေးအေးဝင်း၏ မိသားစုဝင်များက မအေးအေးဝင်း၏ ကျန်းမာရေး တိုးတက်မှုရှိပြီး အနည်းငယ် သက်သာစ ပြုလာပြီဟု ဧရာဝတီသို့ ပြောဆိုကြသည်။

“သူ စကားမပြောနိုင်ဘူး။ အစာ မစားနိုင်ဘူး။ အရည်တိုက်လို့ ရပေမယ့် တခါတလေ ပြန်အန်တယ်။ အော်ပရေးရှင်း ၀င်ပြီးကာစ အခြေအနေနဲ့ စာရင်တော့ အခုနည်းနည်း သက်သာလာတယ်လို့ ထင်ပါတယ်” ဟု မိသားစုဝင် တဦးက ဆိုသည်။

လားရှိုးမြို့တွင် မေ ၂၈ ရက်နေ့ ကျိုင်းတုံမြို့နယ်မှ ရောက်ရှိလာသော အသက် ၄၀ အရွယ် ကိုနေ၀င်းဆိုသူက အသက် ၂၄ နှစ်အရွယ် မအေးအေးဝင်းကို ဓာတ်ဆီနှင့်ပက်ပြီး မီးရှို့ခဲ့ကြောင်း၊ ယင်းမီးရှို့မှုကြောင့် ဗလီ၊ နေအိမ်များ မီးရှို့ခြင်း၊ ဘာသာခြား အုပ်စုနှစ်ခုအကြား တိုက်ခိုက်မှုများဖြစ်ပွားပြီး ပဋိပက္ခစတင်ခဲ့ကြောင်း၊ ပဋိပက္ခကြောင့် ယနေ့အချိန်အထိ လူတဦး သေဆုံးပြီး ၄ ဦးဒဏ်ရာ ရရှိထားပြီး ညမထွက်ရအမိန့် ပုဒ်မ ၁၄၄ ထုတ်ပြန်ထားကြောင်း၊ မွတ်စလင်များ ပိုင်ဆိုင်သော စီးပွားရေး လုပ်ငန်းများ၊ ဗလီအဆောက်အအုံများ ဈေးဆိုင်များ မီးရှို့ဖျက်ဆီးခံခဲ့ရရာ လူနေအိမ် ၈ လုံး၊ ဆိုင်ခန်း ၁၇ ခန်း၊ ဗလီ ၁ လုံး၊ ဘာသာရေး ကျောင်း ၃ ကျောင်း၊ ကား ၃ စီး ပျက်စီး ဆုံးရှုံးခဲ့ကြောင်း လားရှိုးခရိုင် ရဲတပ်ဖွဲ့က သတင်းထုတ်ပြန်ထားသည်။

ကျွန်ပြန် ရဲဘော် ခိုင်ဓညလင်း မိခင် ကွယ်လွန်

နိရဉ္စရာ

အိန္ဒိယ ထောင်ထဲတွင် နှစ်ပေါင်း ၁၃ နှစ်ကျော် ထိန်းသိမ်းခံခဲ့ရပြီး ယခု နယ်သာလန်နိုင်တွင် ခိုလုံရောက်ရှိနေသူ ခိုင်ဓညလင်း၏ မိခင်သည် လွန်ခဲ့သော အင်္ဂါနေ့က ကွယ်လွန်သွားခဲ့ကြောင်း သတင်း ရရှိသည်။

သေဆုံးချိန်မှာ ခိုင်ဓညလင်း မိခင် ဖြစ်သူ ဒေါ်မကျော့သာမှာ အသက် (၈၆) နှစ်ရှိပြီ ဖြစ်သည်။ ပေါက်တောမြို့ အမှတ် (၃) ရပ်ကွက် နေအိမ်တွင် နာတာရှည် လူကြီး ရောဂါဖြင့် ကွယ်လွန် သွားခဲ့သည်ဟု သိရသည်။

၁၉၉၀ ခုနှစ်မှ စပြီး ပြည်ပသော ရောက်ရှိနေသော ခိုင်ဓညလင်းမှာ အိမ်မှ ထွက်ခွာလာပြီး နောက်ပိုင်း မိခင်ဖြစ်သူနှင့် တစ်ကြိမ် တစ်ခါမျှဆုံတွေ့ နိုင်ခဲ့ခြင်း မရှိကြောင်း ပြောသည်။

ခိုင်ဓညလင်း အပါအ၀င် ညီအစ်မ သုံးဦးကျန်ရှိခဲ့သည်ဟု သိရသည်။

ခိုင်ဓညလင်းသည် စစ်တွေ တက္ကသိုလ်တွင် တက်ရောက် ပညာသင်ကြားခဲ့သော ကျောင်းသား တစ်ဦး ဖြစ်ပြီး ၁၉၈၈ ခုနှစ် အရေးအခင်း နောက်ပိုင်းတွင် ကျောင်းမှ ထွက်ပြီး ပြည်ပသို့ ထွက်ခွာခဲ့ကာ ၁၉၉၅ ခုနှစ် ရခိုင်ပြည်လုံးဆိုင်ရာ ကျောင်းသားနှင့် လူငယ်များ အစည်းအရုံးတွင် ဒုဥက္ကဌ အဖြစ် စတင် ဆောင်ရွက်ခဲ့သူ ဖြစ်သည်။

ဗိုလ်ရာဇာ ဦးဆောင်သော NUPA နှင့် ပူးပေါင်းပြီးနောက် ပါတီဗဟိုကော်မီတီ အဖြစ်ဆောင်ရွက်ခဲ့ကာ ၁၉၉၈ ခုနှစ် အိန္ဒိယ နိုင်ငံ အန်ဒမန်ကျွန်းတွင် ဗိုလ်ရာဇာတို့နှင့် အတူ အခြေစိုက် စခန်း တည်ဆောက်ရန် သွားရောက်စဉ် ပါဝင်ခဲ့သည်။

ဗိုလ်ရာဇာနှင့် ခေါင်းဆောင် (၅) ဦးအား အိန္ဒိယ စစ်တပ်မှ သတ်ဖြတ်ပြီး နောက် အိန္ဒိယ အစိုးရ၏ဖမ်းဆီး ထိန်းသိမ်းခြင်းကို ၁၃ နှစ်ကျော် ခံခဲ့ရသည်။