Monday, November 30, 2009

တရားမျှတသည့် ရွေးကောက်ပွဲ ကျင်းပပေးမည်ဟု ဗိုလ်ချုပ်မှူးကြီးပြော

ရန်ပိုင် Monday, 30 November 2009

လာမည့် ၂၀၁၀ ပြည့်နှစ်တွင် ဖွဲ့စည်းပုံ အခြေခံ ဥပဒေနှင့်အညီ တရားမျှတသည့် ရွေးကောက်ပွဲ ကျင်းပပေးမည်ဟု သောကြာနေ့က နေပြည်တော်တွင် ပြုလုပ်ခဲ့သည့် ပြည်ထောင်စု ကြံ့ခိုင်ရေးနှင့် ဖွံဖြိုးရေး အသင်းကြီး၏ နှစ်ပတ်လည် အစည်းအဝေးတွင် စစ်အစိုးရ ခေါင်းဆောင် ဗိုလ်ချုပ်မှူးကြီးသန်းရွှေက ပြောဆိုလိုက်သည်။

ထိုသို့ ဗိုလ်ချုပ်မှူးကြီးက ပြောဆိုခဲ့သော်လည်း ပါဝင်ယှဉ်ပြိုင်မည့် နိုင်ငံရေးပါတီများအနေဖြင့် မှတ်ပုံတင်ဖွဲ့စည်းခွင့်၊ လွတ်လပ် စွာ စည်းရုံး ဟောပြောခွင့်မရရှိသေးကြောင်းနှင့် ရွေးကောက်ပွဲဥပဒေများကိုလည်း ထုတ်ပြန်ခြင်းမရှိသေးကြောင်း ၀ါရင့်နိုင်ငံရေး သမားကြီး သခင်ချန်ထွန်းကပြောသည်။

“ရွေးကောက်ပွဲ လုပ်မယ်သာဆိုတယ်၊ အခုအချိန်အထိ အမျိုးသားဒီမိုကရေစီ အဖွဲ့ချုပ် (NLD) ဆိုရင် ရုံးချုပ်သာဖွင့်ခွင့်ပေး ထားတာ၊ နယ်ရုံးတွေ အပိတ်ခံထားရတာပဲ” ဟု ၎င်းကဆိုသည်။

နိုင်ငံတကာ အသိအမှတ်ပြုသည့် ရွေးကောက်ပွဲ ပြုလုပ်မည်ဆိုလျှင် ယခုအချိန်ကာလကတည်းက လွတ်လပ်စွာ စည်းရုံးခွင့် လွတ်လပ်စွာဖွဲ့စည်းခွင့်၊ ဟောပြောခွင့်၊ ဆွေးနွေးခွင့်၊ သတင်းမီဒီယာများ လွတ်လပ်စွာ ရေးသားခွင့် ပြုရမည် ဖြစ်ကြောင်း၊ ယခုအခါ စစ်အစိုးရ အနေဖြင့် ၎င်းတို့နှင့် နီးစပ်သည့်နိုင်ငံရေးပါတီများနှင့် စစ်အစိုးရအဖွဲ့ဝင် ၀န်ကြီးတချို့ကိုသာ ရွေးကောက်ပွဲ အတွက် နယ်လှည့် စည်းရုံးခွင့်များ ပေးအပ်ထားကြောင်း သခင်ချန်ထွန်းက ထောက်ပြဝေဖန်သည်။

ထို့အပြင် မကြာသေးမီက ၀ါရင့်နိုင်ငံရေးသမားကြီးများကလည်း အမျိုးသားပြန်လည်သင့်မြတ်ရေး၊ အမျိုသား ရင်ကြားစေ့ရေး တို့အတွက် တွေ့ဆုံဆွေးနွေးရန် တိုက်တွန်းထားသည့် စာကို နိုဝင်ဘာလ ၂၈ ရက်နေ့က ဗိုလ်ချုပ်မှူးကြီး သန်းရွှေထံ လိပ်မူပြီးပေးပို့ခဲ့ကြောင်းသိရသည်။

ယခုကဲ့သို့ရွေးကောက်ပွဲနှင့် ပတ်သက်၍ ဗိုလ်ချုပ်မှူးကြီးပြောဆိုသည်မှာ ပြီးခဲ့သည့် တပ်မတော်နေ့တွင် တကြိမ်၊ စစ်မှုထမ်းဟောင်း ညီလာခံတွင်တကြိမ်နှင့် ယခု ကြံ့ခိုင်ဖွံဖြိုးရေးအသင်း နှစ်ပတ်လည် အစည်းအဝေးတွင်တကြိမ် ပြောဆိုခဲ့ကြောင်း၊ ထိုသို့ပြောဆို ခြင်း ကို လေ့လာခြင်းအားဖြင့် ရွေးကောက်ပွဲကိုပြုလုပ်မည်မှာ သေချာသည်ဟု အဓိပ္ပာယ်ရရှိကြောင်း ချင်းမိုင်မြို့ အခြေစိုက် မြန်မာ့အရေးလေ့လာသူ ဦးဝင်းမင်းကဆိုသည်။

“ရွေးကောက်ပွဲနဲ့ ပတ်သက်လို ဥပဒေမထုတ်သေးဘူးဆိုတာက သူတို့ဘက်က ကြိုတင်ပြင်ဆင်မှုက သိပ်မသေချာသေးလို့၊ အား နည်းနေသေးလို့ သူတို့ပါတီမနိုင်နိုင်သေးလို့” ဟု ၎င်းကပြောသည်။

ထို့အပြင် ယခုကျင်းပမည့် ရွေးကောက်ပွဲသည် နိုင်ငံတကာမှ တောင်းဆိုနေသည့်အတိုင်း လွတ်လပ်ပြီး တရားမျှတသည့် ရွေး ကောက်ပွဲ ဖြစ်နိုင်ရန် အလားအလာနည်းပါးကြောင်း၊ အဘယ်ကြောင့်ဆိုသော် မြန်မာဒီမိုကရေစီခေါင်းဆောင် ဒေါ်အောင်ဆန်းစု ကြည်၊ ကိုမင်းကိုနိုင် နှင့် အတိုက်အခံနိုင်ငံရေးခေါင်းဆောင်များ၊ တိုင်းရင်းသားခေါင်းဆောင်များအား ဖမ်းဆီးထားခြင်းမှ ပြန်လွှတ် ပေးခြင်းမရှိသေးကြောင်း၊ ထို့အပြင် လွတ်လပ်စွာ စည်းရုံးဟောပြောခွင့်မရှိသည်ကို လေ့လာခြင်းအားဖြင့် ရွေးကောက်ပွဲသည် တရားမျှတမှုရှိလိမ့်မည်ဟု မထင်ကြောင်း ဦးဝင်းမင်းက သုံးသပ်သည်။

ရခိုင်ဒီမိုကရေစီအဖွဲ့ချုပ် အတွင်းရေးမှူး ဦးအေးသာအောင်ကလည်း “စစ်အစိုးရအနေနဲ့က လာမယ့် ရွေးကောက်ပွဲကို မဖြစ်မနေ ကျင်းပလိမ့်မယ်၊ သူတို့အတွက် နိုင်ငံတကာက အသိအမှတ်ပြုဖို့ အရပ်သား ရုပ်ပြအစိုးရတခု လုပ်ပြရမယ်၊ နောက်ပြီး ၂၀၀၈ ခုနှစ် ဖွဲ့စည်းပုံကိုလည်း အသိအမှတ်ပြု ခံရဖို့ လိုမယ်” ဟု ပြောသည်။

စစ်အစိုးရအနေဖြင့် ရွေးကောက်ပွဲကို NLD အား ၀င်ရောက်ယှဉ်ပြိုင်စေချင်ကြောင်း၊ သို့မှသာ ၎င်းတို့ပြုလုပ်သည့် ရွေးကောက်ပွဲအား နိုင်ငံတကာမှ အသိအမှတ်ပြုမည်ဖြစ်ကြောင်း၊ သို့သော်လည်း ၁၉၉၀ ပြည့်နှစ် ရွေးကောက်ပွဲတွင် NLD အပြတ်အသတ် အနိုင်ရသကဲ့သို့ ယခုရွေးကောက်ပွဲတွင် အနိုင်ရရှိသွားမည်ကို စိုးရိမ်သည့်အတွက် စည်းရုံးလှုပ်ရှားခွင့် အချိန်နည်းပါးစေရန် ရွေးကောက်ပွဲဥပဒေများကို အချိန်နီးကပ်မှသာ ပြဌာန်းပေးလိမ့်မည်ဟု ထင်ကြောင်း ဦးအေးသာအောင်က ပြောသည်။

တခြားသော ဒီမိုကရေစီစနစ်ကျင့်သုံးသည့် တိုင်းပြည်များတွင် ရွေးကောက်ပွဲတခုကို တိုတောင်းသော အချိန်ကာလတခုသတ်မှတ် ပြဌာန်းပြီး ပြုလုပ်နိုင်သော်လည်း၊ မြန်မာနိုင်ငံကဲ့သို့ ယခုမှ စတင်ပြီးပါတီစုံရွေးကောက်ပွဲကို ကျင်းပမည်ဖြစ်သည့်အတွက် ပါဝင်ယှဉ်ပြိုင်မည့် နိုင်ငံရေးပါတီများအား ပါတီမှတ်ပုံတင်ခွင့်၊ စည်းရုံးခွင့် စသည်များကို ပြုလုပ်နိုင်ရန်အတွက် အချိန်ကာလ

အားဖြင့် အနည်းဆုံး ၁ နှစ် နှင့် ၁ နှစ်ခွဲခန့်ပေးရမည်ဖြစ်ကြောင်း၊ သို့မှသာလျှင် နိုင်ငံတကာမှ အသိအမှတ်ပြုသည့် သန့်ရှင်း မျှတသည့် ရွေးကောက်ပွဲတခု ဖြစ်လာမည်ထင်ကြောင်း မြန်မာ့အရေးလေ့လာနေသူ ဦးအောင်နိုင်ဦးကလည်း သုံးသပ်သည်။

၁၉၉၀ ပြည့်နှစ် မေလတွင် ပြုလုပ်ခဲ့သည့် ရွေးကောက်ပွဲတွင် ပါတီများဖွဲ့စည်းခွင့်ကို ၁၉၈၈ ခုနှစ် အောက်တိုဘာလတွင် စတင်ခွင့် ပြုခဲ့ပြီးနောက် ရွေးကောက်ပွဲ ဥပဒေကို ထုတ်ပြန်ခဲ့သည့်အတွက် နိုင်ငံရေးပါတီများ အားလုံး အတွက် စည်းရုံးလှုပ်ရှားခွင့် အချိန်အားဖြင့် ၁ နှစ်ကျော်ခန့်ရရှိခဲ့သည်။ ထို့နောက် ရွေးကောက်ပွဲ ကျင်းပရန် ၃ လခန့် အလို၌ ရုပ်မြင်သံကြားမှ စည်းရုံးခွင့်များ ပေးခဲ့သည်။

အမျိုးသားပြန်လည်သင့်မြတ်ရေး ဖြစ်ပေါ်ရန် ၀ါရင့်နိုင်ငံရေးသမားကြီးများ တိုက်တွန်း

မင်းနိုင်သူ / ၃၀ နိုဝင်ဘာ ၂၀၀၉

ဒေါ်အောင်ဆန်းစုကြည်က ဗိုလ်ချုပ်မှူးကြီး သန်းရွှေထံသို့ ပေးပို့ထားသည့်စာကို အခြေခံကာ ၀ါရင့်နိုင်ငံရေးသမားကြီးများက ၎င်းတို့၏ သဘောထားတရပ်ကို ဗိုလ်ချုပ်မှူးကြီးသန်းရွှေထံ နိုဝင်ဘာ (၂၈) ရက်တွင် ပေးပို့ခဲ့သည်။

“အဓိကကတော့ အစိုးရအနေနဲ့ ပြန်လည်သင့်မြတ်ရေးလမ်းကြောင်းပေါ် အမြန်ဆုံးတက်လာဖို့ ၀ါရင့်နိုင်ငံရေးသမားကြီးတွေ အနေနဲ့ ဆန္ဒရှိတယ်ဆိုတာကို ဖော်ပြလိုက်တာပါ” ဟု ၀ါရင့်နိုင်ငံရေးသမားကြီး ဦးသာဘန်းက ပြောသည်။

ဒေါ်အောင်ဆန်းစုကြည်က မြန်မာနိုင်ငံအပေါ် အရေးယူပိတ်ဆို့ထားမှုများကို ရုပ်သိမ်းရေးကိစ္စ နောက်ဆက်တွဲဟူသောပေးစာ နိုဝင်ဘာ (၁၁) ရက်တွင် နအဖဥက္ကဋ္ဌ ဗိုလ်ချုပ်မှူးကြီးသန်းရွှေထံ ပေးပို့ခဲ့ပြီး သူ့အနေဖြင့် နိုင်ငံအကျိုးရှိစေမည့် ကိစ္စရပ်များကို ပူးပေါင်းဆောင်ရွက်နိုင်ရန်အတွက် ဗိုလ်ချုပ်မှူးကြီးသန်းရွှေနှင့်လည်း တွေ့ဆုံဆွေးနွေးလိုပါကြောင်း အဆိုပါစာတွင် ဖော်ပြထားသည်။

သို့ရာတွင် အဆိုပါစာနှင့်စပ်လျဉ်း၍ နအဖစစ်အစိုးရဘက်မှ သီတင်း (၂) ပတ်ကျော်အကြာ တုံ့ပြန်မှုတစုံတရာ မရှိခဲ့သည့်နောက် ၀ါရင့်နိုင်ငံရေးသမားကြီးများက ၎င်းတို့၏ သဘောထားကို ထုတ်ဖော်ပြောကြားလိုက်ကြခြင်းဖြစ်သည်။

ဝါရင့်နိုင်ငံရေးသမားကြီးများ၏စာတွင် ၀ါရင့်အဖွဲ့အနေဖြင့် ၁၉၉၅ ခုနှစ်မှစ၍ ယနေ့အထိ (၁၄) နှစ်တိုင်တိုင် အမျိုးသား ပြန်လည်သင့်မြတ်ရေးအတွက် အကြံပေးခြင်း၊ ပန်ကြားခြင်းများ ပြုလုပ်ခဲ့ကြောင်း၊ ယခုလည်း ဒေါ်အောင်ဆန်းစုကြည်၏ ပေးစာသည် အမျိုးသားပြန်လည်သင့်မြတ်ရေး ဖော်ဆောင်ပေးနိုင်မည့် စာတစောင်ဖြစ်နေကြောင်း၊ ဗိုလ်ချုပ်မှူးကြီး သန်းရွှေအနေဖြင့်လည်း ဗုဒ္ဓအဆုံးအမများနှင့်အညီ မေတ္တာတရားရှေးရှုပြီး အမျိုးသားပြန်လည်သင့်မြတ်ရေးအတွက် ကြိုးပမ်းဆောင်ရွက်သွားသင့်ကြောင်းတို့ကို ရေးသားထားကြောင်း ဦးသာဘန်းက ပြောသည်။

“၀ါရင့်အဖွဲ့အနေနဲ့ အစဉ်တစိုက် တိုက်တွန်းနေတာက အမျိုးသားပြန်လည်ရင်ကြားစေ့ရေးပါပဲ။ လိုအပ်ရင် လိုအပ်သလို စာရေးသား တိုက်တွန်းနေတာပါ။ နအဖအစိုးရဘက်က တုံ့ပြန်မှုရှိတာ မရှိတာက သူ့အပိုင်းလေ။ တို့ လုပ်စရာရှိတာ၊ ပြောစရာရှိတာကို လုပ်တာပြောရမှာက တို့အပိုင်းလေ” ဟုလည်း ၎င်းက ပြောသည်။

ဝါရင့်နိုင်ငံရေးသမားကြီးများအဖွဲ့ကို လွတ်လပ်ရေးအတွက် တိုက်ပွဲဝင်ခဲ့ကြသော သခင်ဟောင်းများ၊ ပြည်သူ့ရဲဘော်ဟောင်းများက ဦးဆောင်ဖွဲ့စည်းခဲ့ခြင်းဖြစ်ပြီး စတင်ဖွဲ့စည်းစဉ်က (၂၃) ဦး ပါဝင်သော်လည်း ယခုအခါ (၁၀) ဦးခန့် သာ ကျန်းမာရေးကောင်းမွန်စွာ ရှိနေကြောင်း သိရသည်။

“ဗိုလ်မှူးအောင်တို့၊ သခင်သိန်းဖေတို့ စဖွဲ့ခဲ့တာပါ။ နောက်တော့ တချို့တွေလည်း ကွယ်လွန်ကုန်ကြ။ တချို့တွေလည်း ကျန်းမာရေး ညံ့ကုန်ကြနဲ့။ အခု သွားလာလှုပ်ရှား ပြောနိုင်ဆိုနိုင်တာက (၇) ဦး၊ (၈) ဦးလောက်ပဲ ရှိပါတော့တယ်” ဟု ဦးသာဘန်းက ပြောသည်။

ထိုင်းရေတပ်ကပစ်သဖြင့် မြန်မာစစ်သားများ ဒဏ်ရာရ

သန်းထိုက်ဦး Monday, 30 November 2009

ထိုင်းနိုင်ငံ ရေပိုင်နက် အတွင်း ထိုင်းနှင့် မြန်မာ နှစ်နိုင်ငံ စစ်သားများ သောကြာနေ့က အပြန်အလှန် ပစ်ခတ်မှု ဖြစ်ပွား ခဲ့ရာ မြန်မာ့ တပ်မတော်မှ ဗိုလ်ကြီး တဦးနှင့် တပ်သား လေးဦး ဒဏ်ရာ ရရှိ ခဲ့ကြောင်း သိရှိရသည်။

တနင်္သာရီတိုင်းကော့သောင်းမြို့အခြေစိုက် ခြေလျင်တပ်ရင်း အမှတ် ၂၆၂ မှ စစ်သားများက မြန်မာရေပိုင်နက်အတွင်း ၀င်ရောက်လာသည့် ငါးဖမ်းလှေများကို လိုက်လံ ဖမ်းဆီးစဉ် ထိုင်းရေပိုက်နက်အတွင်း ကျူးကျော်ဝင်ရောက်ခဲ့သဖြင့် နှစ်ဘက် စစ်တပ်များ အပြန်အလှန် ပစ်ခတ်မှု ဖြစ်ပွားခဲ့ခြင်း ဖြစ်သည်။

လိုက်လံ ဖမ်းဆီးသည့် မြန်မာစစ်သားများက စစ်ဝတ်စုံ ၀တ်ဆင်ထားခြင်း မရှိကြောင်း၊ ထို့ကြောင့် ထိုင်း ငါးဖမ်းသမားများက ၎င်းတို့ကို ပင်လယ်ဓားပြဟု ထင်မှတ်ပြီး ထိုင်းရေတပ်ကို အကြောင်းကြားခဲ့ပြီး နောက်ပိုင်း ထိုသို့ ပစ်ခတ်မှု ဖြစ်ပွားခဲ့ကြောင်း မြန်မာ စစ်တပ်နှင့် နီးစပ်သူတဦးဖြစ်သည့် မောင်တူးက ဧရာဝတီသို့ ပြောသည်။

ဒဏ်ရာရရှိသူများမှာ ခြေလျင်တပ်ရင်း အမှတ် ၂၆၂ မှ တပ်စုမှူး လွင်မင်းသူ နှင့် တပ်သားများ ဖြစ်ပြီး ယခုအခါ ကော့သောင်းမြို့တွင် ဆေးကုသမှု ခံယူနေကြောင်း သိရသည်။

ငါးခိုးဖမ်းသည့် လှေများကို လိုက်လံစစ်ဆေးစဉ် စစ်သားများက ကော့သောင်းမြို့မှ ပုဂ္ဂလိကပိုင် စက်လှေတစီးကို ချောဆွဲသွားခဲ့ကြောင်း၊ စက်လှေတွင် လုပ်ကိုင်သူ လှေသမားတချို့လည်း ဒဏ်ရာရရှိခဲ့ကြောင်း ထိုဒေသတွင် နေထိုင်သူ စာနယ်ဇင်းသမားတဦးက ပြောသည်။

ပစ်ခတ်မှု ဖြစ်ပွားစဉ် ထိုင်းရေတပ်မှ စစ်သည်အင်အား ၃၀ခန့်ရှိပြီး၊ မြန်မာ့တပ်မတော်ဘက်မှ ၇ဦးခန့်သာ ရှိသည်ဟု ဆိုသည်။

ပစ်ခတ်မှုနှင့် ပတ်သက်ပြီး နှစ်နိုင်ငံ အာဏာပိုင်များက တစုံတရာ ထုတ်ဖော် ပြောကြားခြင်း မရှိသေးပေ။

မြန်မာ့ရေပိုင်နက်သည် တခြားဒေသများထက် ငါးမျိုးစုံ ပိုမို ကျက်စားသဖြင့် ဒေသတွင်း နိုင်ငံများမှ ငါးဖမ်းလှေများက ၀င်ရောက်ပြီး ငါးဖမ်းလေ့ရှိသည်။

ရဲနှင့် စစ်တပ်ကိုလည်း ဆိုင်ကယ်စီးခွင့် ပိတ်ပင်

အောင်ကျော်မိုး / ၃၀ နိုဝင်ဘာ ၂၀၀၉

ပြီးခဲ့သည့် စက်တင်ဘာ လမှ စ၍ ရဲ၊ စစ်တပ်နှင့် ဌာန ဆိုင်ရာ အချို့ကို ရန်ကုန် စည်ပင်သာယာ နယ်နိမိတ် အတွင်း သုံးဘီးရောင် ဆိုင်ကယ်များ စီးနင်း ခွင့်ပြုခဲ့ သော်လည်း ယခုအခါ လုံးဝ စီးနင်းခွင့် ပြုတော့မည် မဟုတ်ကြောင်း စုံစမ်း သိရသည်။


ပန်းဆိုးတန်းလမ်း နိုင်ငံကူးလက်မှတ် ထုတ်ပေးရေးရုံးတွင် တာဝန်ကျသည့် သတင်းတပ်ဖွဲ့ အရာရှိတဦးက “ကျနော်တို့ ဆိုင်ကယ်တွေက ဒီဇင်ဘာ (၁၅) ရက်နေ့အထိပဲ စီးခွင့်ရှိတော့တယ်။ အဲဒီနေ့နောက်ပိုင်း စီးခွင့်လုံးဝ မရှိတော့ဘူးလို့ စစ်ဒေသက ညွှန်ကြားတယ်။ အကြောင်းပြချက်တော့ လုံးဝမပေးဘူး” ဟု ပြောသည်။

နအဖစစ်အစိုးရသည် ၎င်းတို့၏ စစ်ဌာနချုပ်နှင့် ဝန်ကြီးရုံးများ ရန်ကုန်တွင် ရှိစဉ်ကတည်းက စည်ပင်သာယာနယ်နိမိတ်အတွင်း အများပြည်သူ ဆိုင်ကယ်စီးခွင့် လုံးဝပိတ်ပင်ထားခဲ့သော်လည်း ရဲ၊ ထောက်လှမ်းရေးနှင့် ဌာနဆိုင်ရာအချို့ကို ဆက်လက် စီးနင်းခွင့်ပြုထားခဲ့ပြီးနောက်ပိုင်း ရယက အဆင့်သာမက အခြားနီးစပ်ရာများကပါ ရောစီးလာသည့်အတွက် စည်းကမ်းချက်အမျိုးမျိုး ထုတ်ပြန်ခဲ့သည်။

သို့သော် ဆိုင်ကယ်စီးခွင့်ရသူများသည် ရဲ၊ စစ်တပ်အပါအဝင် အာဏာပိုင်အဖွဲ့အစည်းက လူများသာဖြစ်ခြင်းကြောင့် ယာဉ်ထိန်းရဲများအနေဖြင့် စည်းကမ်းထိန်းသိမ်းရေးကို လုံးဝလုပ်ကိုင်၍ မရခဲ့ပေ။

ထိုသို့ ဆိုင်ကယ်များကို စည်းကမ်းထိန်းသိမ်းရန် ခက်ခဲလာခြင်းကြောင့် ပြီးခဲ့သည့် စက်တင်ဘာလကစပြီး စည်းကမ်းချက်အသစ် ထပ်မံချမှတ်ခဲ့သည်။

အဆိုပါစည်းကမ်းချက်အရ ရဲ၊ စရဖနှင့် ဌာနဆိုင်ရာအလိုက် ဆိုင်ကယ်စီးခွင့်ရသည့်သူ အရေအတွက် သတ်မှတ်ပေးလိုက်ပြီး အဆိုပါ စီးခွင့်ရသူများသည် ကိုယ်စီးမည့်ဆိုင်ကယ်ကို လိမ္မော်ရောင် ဆေးမှုတ်ပြီးမှ စီးခွင့်ပေးခြင်းဖြစ်ပြီး အဆိုပါအချိန်က ဆိုင်ကယ် စုစုပေါင်း (၁,ဝ၁၂) စီးကို စီးခွင့်ပြုထားခဲ့သည်။

ထိုသို့ စီးခွင့်ပြုထားသည့် ဆိုင်ကယ်များအနက် ယခုအခါ လျှပ်စစ်ဝန်ထမ်းများစီးသည့် ဆိုင်ကယ် (၆၅) စီးမှလွဲပြီး ကျန် ဆိုင်ကယ် အားလုံးကို နိုဝင်ဘာ၊ ဒီဇင်ဘာလအတွင်း အဆင့် (၃) ဆင့်ခွဲကာ လုံးဝတားမြစ်ပိတ်ပင်သွားမည်ဖြစ်ကြောင်း စုံစမ်းသိရသည်။

သုံးဘီးရောင် သတ်မှတ်ပြီး ဆိုင်ကယ်စီးနင်းခွင့်ပြုထားခြင်းအားဖြင့် ရန်ကုန်စည်ပင်သာယာ နယ်နိမိတ်တွင် ဆိုင်ကယ်စီးသူ မှန်ပါက အာဏာပိုင်အဖွဲ့အစည်းက လူများသာဖြစ်မည်ဟု ပြည်သူတို့က ထင်ထင်ရှားရှား မှတ်သားနိုင်သည့်အတွက် စိုးရိမ်ပြီး ယခုကဲ့သို့ ဆိုင်ကယ်စီးခွင့် ရုပ်သိမ်းခြင်းလည်း ဖြစ်နိုင်ကြောင်း သတင်းတပ်ဖွဲ့ အရာရှိတဦးက ထင်မြင်ချက်ပေးသည်။

ရန်ကုန်မြို့ခံများကမူ အာဏာပိုင်အဖွဲ့အစည်းမှလူများ သုံးဘီးရောင်ဆိုင်ကယ် စီးခွင့်ရခြင်းကို မကျေနပ်နေသည့်အတွက် ယခုကဲ့သို့ ပိတ်ပင်မည်ဆိုခြင်းကို ကျေနပ်နေကြကြောင်း သိရသည်။

အရိပ်မဲ့သောပန်းကလေးများ

စန္ဒာမွန်

ပဲခူးတိုင်း ညောင်လေးပင် ရွာက မိုးသက်နှင့် မိုးသူ ညီအစ်မ နှစ်ယောက် ဟာ သူတို့အိမ်မှာ စားဝတ်နေရေး မပြေလည်လို့ ထိုင်း နိုင်ငံမှာ အလုပ် လာလုပ် နေပါတယ်။ အဲဒီ ညီအစ်မ နှစ်ယောက်ဟာ တစ်ယောက်က အသက်(၂၃) နှစ်၊ သူ့ညီမက (၁၇) နှစ်၊ ဖြစ်ပါတယ်။

နှစ်ယောက် စလုံးက အပျိုတွေ ဖြစ်ကြတယ်။ ပထမ ကတော့ သူတို့ မဲဆောက် စက်ရုံမှာ လုပ်နေတယ်။ ဒါပေမဲ့ အိမ်ကိုတော့ ငွေမပို့ နိုင်ဘူး။ ဘာကြောင့်လဲ ဆိုတော့ လစာက နည်းနည်း ပဲရတယ်။ စားလောက် ရုံပဲ ငွေမပိုဘူး။ သူတို့ လာတုန်းက လမ်းစရိတ် ရဖို့ အိမ် ပေါင် ထားရတယ်။

တစ်နေ့ ကျတော့ ko Tout ဆိုတဲ့ ပွဲစား တစ်ယောက်က သူတို့ကို အခုလို လာပြောပါတယ်။ “ဘန်ကောက်မှာ အလုပ် ကောင်းတယ်။ ဝင်ငွေလည်း ကောင်းတယ်။ အကယ်လို့ နင်တို့ သွားလို့ ရှိရင် လမ်းစရိတ် ၆၀၀၀ ဘတ်ပဲပေး” ပွဲစားက ဘန်ကောက်မှာ အလုပ်သွား လုပ်ဖို့ တိုက်တွန်း ပါတယ်။

သူတို့နှစ်ယောက်ဟာ ဘန်ကောက်မှာ အဆင်ပြေမယ်ထင်ပြီး ပွဲစားနဲ့လိုက်လာခဲ့ပါတယ်။ ပွဲစားကလည်း သူနဲ့သူ့ညီမ လေးကို အတူတူမထားပဲနဲ့ သူ့ကို်ကျတော့ သူဌေးအိမ်မှာ ဘတ်ငွေ ၂၀၀၀၀နဲ့လာရောင်းထားပါတယ်။ အဲဒီအိမ်မှာ လင်မယားနှစ်ယောက်ပဲရှိတာ။ သူဌေးအိမ်မှာ နေနေတာ အပြင်လည်းမထွက်ရဘူး။ သူတို့ကလည်း ထိုင်းစကားမတတ် ဘူး။ အိမ်ကလည်း အမြဲသော့ခတ်ထားပါတယ်။

သူအလုပ်လုပ်တာ (၅)လလောက်ကြာပြီးနောက် သူဌေးမကိုမေးလိုက်တယ်။ သူ့အကြွေး ဘယ်တော့ကျေမလဲ။ သူဌေး မကပြောတယ်။ အကယ်လို့ သူတို့ကို ကလေးမွေးပေးရင် ကျေပြီး။ သူဌေးမကလည်း ကလေးမရဘူး။ သူကအဲဒီလို လုပ်တာကိုသဘောမတူဘူး။ သူဌေးမက သူ့ယောကျာ်းနဲ့အတူ အတင်းအိပ်ခိုင်းတယ်။ အဲဒီလိုနဲ့ပဲ သူကိုယ်ဝန်ရသွား တယ်။ သူဌေးနဲ့ သူဌေးမကလည်း သူ့ကိုယ်ဝန်ကုိုဆေးရုံမှာသွားမပြဘူး။ ဆေးခန်းငယ်ငယ်မှာပဲသွားပြပေးတယ်။ သူကလေးမွေးတော့ အမွှာယောကျာ်းလေး(၂)ယောက်ရတယ်။ သူဌေးနဲ့သူဌေးမက သူ့ကိုကလေးနဲ့အတူ (၁၀)ရက်ပဲ ပေးနေတယ်။ (၁၀)ရက်ပြည့်သွားတော့ အဲဒီကလေး(၂)ယောက် ကိုယူလိုက်တယ်။ သူ့ရဲ့ကလေးငိုသံကြားတဲ့အချိန်မှာ သူနို့တိုက်ချင်ပေမဲ့လည်း တိုက်ခွင့်မရခဲ့ဘူး။ အဲဒီအချိန်မှာ သူအရမ်းကို ခံစားခဲ့ရတာ။

နှစ်လလောက်ကြာတော့ သူဌေးမက သူကို အိမ်ကနေ မောင်းထုတ်တယ်။ သူငိုိယိုပြီး သူဌေးကိုတောင်းပန်တယ်။ လစာ နည်းနည်းပဲပေး ကလေးကိုတွေ့ရရင်ပြီးရော သူ့ကိုတော့ အိမ်ကနေ မမောင်းထုတ်ပါနဲ့။ သူဘာပြောပြောသူဌေးမက ဂရုမစိုက်ဘူး။ နေ့လည်(၂) နာရီလောက်မှာ သူဌေးမက Taxi driver တစ်ယောက်ကိုခေါ်ပြီး အိမ်ကနေမထွက်လာခင် သူဌေးမနဲ့ Driver ဘာပြောနေလည်း သူနားမလည်ဘူး။

ခဏကြာတော့ သူနဲ့Taxi driver အိမ်ကနေထွက်လာပါတယ်။ ထွက်လာပြီး (၂) လောက်ကြာတော့ driver သမားက ကားရပ်ပြီး သူ့ကို ဖျက်စီးဖို့ ကြံ လိုက်တယ်။ အဲဒီအချိန်မှာ သူတစ်ခုခု ကောက်ကိုင်မိပြီး ခုခံလိုက်ပါတယ်။ ပြီးတော့ ကားထဲကနေ ဖိနပ်မပါပဲနဲ့ ကမန်းကတန်း ပြေးထွက်လာပါတယ်။ သူပြေးလာနေတဲ့အချိန်မှာ စိတ်ကောင်းတဲ့ အခြား driverတစ်ယောက်က သူ့ကိုကူညီတယ်။ သူအဆက်အသွယ် ရလွယ်ဖို့ ဈေးတစ်နေနေရာမှာ သွားထားတာပေးတယ်။

သူမောလည်းမောတယ် ဗိုက်ကလည်းဆာတယ်။ ဘယ်သွားရမှန်းလည်းမသိဘူး။ ဈေးကနေ သူဆက်လျှောက်လာပါ တယ်။ ပြီးတော့ ဘုန်းကြီးကျောင်းတစ်ကျောင်းတွေ့ပြီး ဝင်သွားပါတယ်။ စားစရာတွေ မေးလိုက်တယ်။ အဲဒီမှာ မွန်တစ် ယောက်နှစ်ယောက် အဆောက်အအုံတွေ ဆောက်နေတာကိုတွေ့ပြီး ဒီမှာခဏနေဖို့ခွင့်တောင်းလိုက်တယ်။ နောက်(၂) ရက်လောက်ကြာတော့ နေမကောင်းဖြစ်တာ။ ဆေးရုံတက်ရပြီး ဆရာဝန်ကမေးတာပေ့ါနော် ဘာတွေဖြစ်ခဲ့လဲ။ သူ့ရဲ့ အကြောင်းတွေ ဆရာဝန်ကိုပြောပြလိုက်တယ်။ ဆရာဝန်က မဟာချိုင်မှာရှိတဲ့ safe house ကိုဖုန်းဆက်လိုက်တယ်။

အဲဒီ safe house ဟာ လူကုန်ကူးခံရတဲ့အမျိုးသမီးတွေကို ကူညီတာပေါ့နော်။ အခုဆို သူ safe house မှာရှိနေပါတယ်။ သူ့ညီမတစ်ယောက်ကလည်း မဲဆောက်ကနေ ထွက်လာကတည်းက ဘာသတင်းမှ သူမကြားမိဘူး။ ဘာပြဿနာဖြစ် နေလည်း သူမသိဘူး။ ဒီအဖြစ်ပျက်ဟာ ဘန်ကောက်မှာ ဖြစ်ခဲ့တဲ့ အဖြစ်ပျက်ပေါ့နော်။ အဲဒီ သူဌေးအိမ်ကို အရေးယူဖို့ လည်း သူက လိပ်စာ လည်းမသိဘူး။ ဘယ်မှာနေလည်းသူမသိဘူး။

မိုးသက်နှင့် မိုးသူတို့လုို ရောင်းစားခံရတဲ့ အမျိုးသမီးတွေ ဘယ်လောက်များများ ရှိနေတယ်ဆိုတာ တိတိကျကျ မသိရ သေးပေမဲ့ ထိုင်းနိုင်ငံကို ရောက်လာတဲ့ မိန်းကလေးအများစုဟာ သက်ဆိုင်ရာ လူကုန်ကူးပွဲစားကနေတဆင့် ရောက်လာ ခဲ့တယ်လို့ လေ့လာစစ်တမ်း ကောက်ခဲ့တဲ့ ဘန်ကောက်အခြေစိုက် WCRP ခေါ် အမျိုးသမီးနဲ့ ကလေးအခွင့်အရေးအစီ အစဉ် ဌါနတာဝန်ခံ မိဂျရိုင်းနွန်က အခုလို ပြောပါတယ်။

အဲဒီအမျိုးသမီးတွေဟာ လူကုန်ကူးပွဲစားကနေတဆင့် ရောက်လာခဲတယ်ဆိုတော့ လမ်းခရီးမှာ သူတို့ဒုက္ခအမျိုးမျိုးနဲ့ ကြုံတွေ့ နေရပါတယ်။ တချို့ဆို ဘန်ကောက်နဲ့ မဟာချိုင်ရောက်ဖို့ မဲဆောက်လမ်းက လမ်းလျှောက်ရတယ်။ တော၊ ချုံ ပုတ်မှာ အိပ်ရတယ်။ တခါတလေ ကိုယ်သွားတဲ့ နေရာရောက်ဖို့ လမ်းမှာ ၇ - ၈ ည အိပ်ရတယ်။ တချို့ကျတော့ မြဝတီ လမ်းသွားမယ် ပြောပြီး ဘုရားသုံးဆူလမ်းရောက်သွားတာလည်း ရှိတယ်။ ဒီလိုနဲ့ပဲ ပွဲစားတွေက လိမ်လည်နေပါတယ်။

သူတို့အနေနဲ့ ဒီထိုင်းနုိုင်ငံကို ရောက်ရှိဖို့အတွက် ပွဲစားနဲ့လာ ရတယ်။ ပွဲစားနဲ့လာရတဲ့ အကြောင်းကတော့ တချို့ဆို တခါမှ မသွားဖူးတော့ သွားမတတ်ဘူး။ တချို့ဆို ငွေကြေးမရှိလို့ ပွဲစား ကငွေထုတ်ပေးပြီး ဟိုရောက်မှ ပြန်ဆပ်ပြောတော့ သွားတယ်။ ကိုယ့်အစ်မယောကျာ်း ပဲဖြစ်ဖြစ် ကိုယ့်ရဲ့ဆွေမျိုးပဲဖြစ်ဖြစ်၊ သူကပွဲစားလုပ်တယ်ဆိုပြီး လိုက်လာတာလဲ ရှိတယ်။ အမျိုး သမီးတွေ ဒီတဖက်နိုင်ငံကို အလုပ်လာလုပ်ရတာဟာ မရှိဆင်း ရဲလို့ပဲ ဖြစ်ပါတယ်။ ကိုယ့်နိုင်ငံမှာ လုပ်ဖို့လည်း စားမလောက် ဘူး။ ကိုယ့်အိမ်ရဲ့ စားဝတ်နေရေး၊ ပညာရေး၊ ကိုယ့်သားသမီးရဲ့ အနာဂတ် ကိုယ့်မိဘအတွက် အလုပ်လာလုပ်ရပါတယ်။ ဒါကြောင့် သူတို့ဟာ သူများနိုင်ငံကို အလုပ်လာလုပ်ရပါတယ်။


အမျိုးသမီးတွေဟာ ထိုင်းနိုင်ငံ၊ မလေးရှားနိုင်ငံ၊ မြန်မာနိုင်ငံ ၊ အများအားဖြင့် ရောင်းစား ခံနေရပါတယ်။ တချို့ဟာ မဲဆောက်၊ ဘန်ကောက်၊ မဟာချိုင်၊ သုံးဆူ၊ ပီးနမ်း၊ ဆုဖန်းပူရီ ၊ကန်ချနပူရီ၊ မှာလည်း ရောင်းစားခံနေရတာ ရှိနေဆဲလို့ မိဂျရိုင်းနွန်က ပြောပါတယ်။ အမျိုးသမီးနဲ့ ကလေးအခွင့်အရေးအဖွဲ့အနေနဲ့ လူကုန်ကူခံရတဲ့ အမျိုးသမီးတွေအတွက် သူတို့ လေ့လာစုံစမ်းပြီး သတင်းထုတ်ပေးတယ်။ ငွေကြေးအနေနဲ့ ထောက်ပံ့တာမရှိပါဘူး။ သူတို့ သတင်းယူမယ်။ သတင်းထုတ်မယ်။ ကျန်တဲ့အမျိုးသမီးတွေအတွက် ပညာပေးတယ်။ အမျိုးသမီး အခွင့်အရေးနဲ့ပက်သက်ပြီး လူတွေ သိဖို့ တစ်နှစ် တစ်ကြိမ်၊ သုံးလ တစ်ကြိမ်လုပ်တာလည်း ရှိတယ်။ ဒါပေမဲ့ ရှိသမျှအနေအထား ရသလောက်အခွင့်အရေး လေးနဲ့လုပ်ရတယ်ဆိုတော့ အကျိုးသက် ရောက်မှု နည်းပါးပါတယ်။ မြန်မာနုိုင်ငံမှာ နိုင်ငံရေး စီးပွားရေး လူမှုရေး ပြဿနာ အခက်အခဲတွေနဲ့ တွေ့ကြုံနေရတဲ့အမျိုးသမီးတွေဟာ ရေခြားမြေခြား တပါးနိုင်ငံကို တိုးတက်ကြီးပွါးလိုတဲ့ ရည်ရွယ်ချက်နဲ့ စွန့်စားပြီးလာခဲ့ကြပါတယ်။ အဲဒီမှာ အချို့အမျိုးသမီးတွေဟာ လူကုန်ကူးမှု အန္တရာယ်နဲ့ စိတ်ပိုင်းဆိုင်ရာ အနုိုင်ကျင့်မှု လိင်ပိုင်းဆိုင်ရာစော်ကားမှုတွေနဲ့ တွေ့ကြုံနေရပါတယ်လို့ ဘန်ကောက်အခြေစိုက် WCRP ခေါ် အမျိုးသမီး နဲ့ခလေးအခွင့်အရေးအစီအစဉ် ဌါနတာဝန်ခံ မိဂျရိုင်းနွန်က ပြောပါတယ်။


မြန်မာနုိုင်ငံမှာ မိခင်နဲ့ ကလေးစောင့်ရှောက်ရေးအသင်းတို့ အမျိုးသမီးရေးရာအဖွဲ့တို့ နိုင်ငံတော်အဆင့်အနေနဲ့ အမျိုး သမီးတွေကို ကာကွယ်စောင့်ရှောက်တဲ့ တာဝန်တွေ ရှိပါတယ်။ ဒါပေမဲ့ လူကုန်ခံရတဲ့အမျိုးသမီးတွေအတွက် ကာကွယ် တဲ့နေရာမှာ ထိရောက်မှုနည်းတယ်။ အကယ်လို့ အမျိုးသမီးရေးရာအနေနဲ့ ထိထိရောက်ရောက်လုပ်ဆောင်သွားမယ် ဆိုရင် ဘယ်လိုပဲ ပြောပြော လူကုန်ကူးခံရတဲ့အဖြစ်ကနေ လွတ်မှာပဲ။ လူကုန်ကူးခံရတဲ့လူကို ကာကွယ်တားဆီးဖို့ အတွက် ထိုင်း-မြန်မာနှစ်နိုင်ငံ သဘောတူညီချက်ရှိခဲ့ပါတယ်။ သို့သော်လည်း နိုင်ငံတော်အစိုးရ ကနေပြီးတော့ ထိထိ ရောက်ရောက် အရေးယူ လုပ်ဆောင်ခြင်း မရှိဘူးလို့ မြန်မာအမျိုးသမီးသမဂ္ဂ ပြည်တွင်းစည်းရုံးရေး တာဝန်ခံ မိဆူးပွင့် ကပြောပါတယ်။


အစိုးရတစ်ရပ်အနေနဲ့ကလည်း နိုင်ငံတကာစံချိန်စံနှန်းတွေကို လက်ခံပြီးတော့ ဒီမိုကရေစီ နိုင်ငံတစ်ခုဖြစ်ဖို့ အတွက်ဆိုယင် ဒီအမျိုးသမီးလူဦးရေထက်ဝက်ကျော်ရှိတဲ့ ဒီအမျိုးသမီးထုရဲ့ စွမ်းအားကိုပစ်ပယ်မထားဘဲ လျစ်လျူရှု့မထားဘဲနဲ့ ဒီအမျိုးသမီးတွေ နိုင်ငံရေး၊ လူမှုရေး ဘက်ပေါင်းစုံမှာ ထူးထူးချွန်ချွန် ပေါက်ပေါက် မြောက်မြောက် ဖြစ်လာအောင်လို့အတွက် ကြံဆောင်ပေးနိုင်မဲ့ လုပ်ငန်းစဉ် အဆင့်ဆင့်ချမှတ်ပြီးတော့မှ ဆောင်ရွက်ရမယ့်အခြေအနေတွေ ရှိပါတယ်။ ပညာပေးမှုတွေလုပ်သွားရင် ဒီစနစ်ကြီးကိုပြိုကျသွားတဲ့ တနေ့မှာ ကျမတို့ အစပြု ပေါ်ထွန်းလာနိုင်အောင် လုပ်နိုင်မယ်လိ်ို့ ကျမတို့ မျှော်လင့်ပါတယ်။

အမျိုးသမီးများဟာ ဘာသာရေးအရသော်လည်းကောင်း ယဉ်ကျေးမှု ဓလေ့ထုံးစံအရ သော်လည်းကောင်း ကိုယ်ခန္ဓာ အနေအထားအ ရသော်လည်းကောင်း၊ ပတ်ဝန် ကျင်က အားနွဲ့ သူရယ်လို့ သတ်မှတ်ထားကြသလုို တချို့နေရာမှာယင် လူ့အသိုင်းအဝိုင်းမှာ ဖယ်ကြဉ် ခံနေရပါ တယ်။ ယဉ်ကျေးမှုဓလေ့ထုံးစံနဲ့ အမျိုး သမီးတို့ရဲ့အခွင့်အရေးကြား ကွဲပြားခြားနားမှု လေးတွေကို ထိုင်းနိုင်ငံအခြေစို်က် မြန်မာအမျိုး သမီများသမဂ္ဂ ပြည်တွင်းစည်းရုံးရေးတာဝန်ခံ မိဆူးပွင့် ပြောပြခဲ့တာက။

အိမ်ထောင်ပြုတဲ့အချိ်န်မှာ အိမ်ထောင်ကွာ ရှင်းတဲ့အခါမှာ ချထားတဲ့ဓလေ့ထုံးစံတွေ ရှိတဲ့အပေါ်မှာ တချို့ဓလေ့ထုံးစံ မှာအိမ် ထောင်ပြုပြီးရင် ကွာရှင်းခွင့်မပြုဘူး။ အယူအဆ မျိုးယုံကြည်ကြတာလည်း ရှိတယ်။ ဒီလိုအနေထားတွေမှာ ဒီအမျိုးသမီးတွေရဲ့ ဘဝကိုထိခိုက်လာတဲ့ အခြေအနေတွေဖြစ်လာတာလည်းရှိတယ်။ နောက်တဖက်မှာ ဒီအစဉ် အလာဓလေ့ထုံးတမ်းတော့ အာရှစံချိန်စံနှန်းနဲ့ကြည့်မယ်ဆုိုရင် အမျိုးသမီးတွေကို ဒီအိမ်ထဲမှာ နေတာ မီးဖိုချောင်ကိစ္စမှာ နိုင်နင်းတာသမီးမိန်ကလေးဖြစ်ရင် ပညာသိပ်တတ်ဖို့မလိုပါဘူး။သားယောကျာ်း လေးပဲ အရေးကြီးတယ်ဆိုပြီးတော့ သားယောကျာ်းလေးကို ဦးစားပေးတဲ့အယူအဆတွေ အစွဲအလမ်းတွေ ရှိတယ်။ ဆိုတော့ဒီလိုအယူအဆ အစွဲအလမ်းတွေ ဒီလိုဓလေ့ထုံးတမ်း ယုံကြည်းမှုတွေကြောင့် အမျိုးသမီး တွေမှာ ခွဲခြားခံရတဲ့အခြေအနေတွေဖြစ်လာတယ်။

၂၀၀၀ ခုနှစ်ကုလသမဂ္ဂ လုံခြုံရေးကောင်စီကနေချမှတ်ထားတဲ့ ဆုံးဖြတ်ချက်အမှတ် (၁၃၂၅)က ကမ္ဘာ့ငြိမ်းချမ်းရေး လုပ်ငန်းတွေမှာ အမျိုးသမီးတွေပါဝင်မှုနဲ့ သက်ဆိုင်ပြီးတော့ စံနစ်တကျချဥ်းကပ်ဆောင်ရွက်ဖို့ အာမခံထားပေမဲ့လည်း လက်တွေ့မှာတော့ အကောင်အထည် ဖေါ်ဘို့ အလှန်းကွာနေဆဲပါဘဲလို့ ဆိုထားပါတယ်။ ဒီမိုကရေစီနဲ့ လူ့အခွင့်အရေး ဆိတ်သုဉ်းနေရတဲ့ မြန်မာနိုင်ငံမှာ နိုင်ငံရေး၊ စီးပွါးရေး၊ လူမှုရေးပြဿနာကြောင့် ပြည်ပမှာ ရွေ့ပြောင်းအလုပ်သမား အဖြစ် အလုပ်လုပ်နေကြတဲ့ အမျိုးသမီးတွေရဲ့ ဂုဏ်သိက္ခာနဲ့ဘဝအာမခံချက်အတွက် ရေရာ သေချာမှုမရှိသေးဘူးလို့ အမျိုးသမီးအခွင့်အရေးလှုပ်ရှားသူတွေက သုံးသပ်ထားပါတယ်။

ပုခက်လွှဲတဲ့လက်ဟာ ကမ္ဘာကိုအုပ်စိုးနိုင်ရမယ်ဆိုတဲ့စကား၊ သာဓကတွေရှိခဲ့ပေမဲ့ ဒီမိုကရေစီနဲ့ လူ့အခွင့်အရေး ဆိတ် သုဉ်းနေတဲ့ မြန်မာနိုင်ငံမှာတော့ ယုံတမ်းစကားလိုဖြစ်နေပါပြီး။ ကြပ် တည်းလှတဲ့ လူနေမှုဘဝကြောင့် အမျိုးသမီးတွေ ရဲ့ဘဝဟာ ရေနည်းတဲ့ငါးပမာ တခြားနိုင်ငံတွေမှာ သောင်တင်နေတာ တနေ့တခြား များလာပါတယ်။ သူတို့ရဲဘဝကို မြှင့်တင်ဘို့ စောင့်ရှောက်ပေးနိုင်ဘို့ဟာ မရေမရာပြဿနာတွေက ဆီးကြိုနေပါတယ်။ နေပူကြဲကြဲထဲမှာ ပန်းကလေး များဟာအားခဲပြီး ပွင့်နေရတော့ သူတို့အတွက် ဘဝလုံခြုံမှုဆိုတဲ့ အရိပ်အာဝါသတခုခုတော့ ရှိစေချင်ပါတယ်။


AIDS ရောဂါဝေဒနာခံနေရသည့် မြန်မာအမျိုးသမီးပြည့်တန်ဆာ(၂)ဦးထပ်မံကွယ်လွန်ပြန်

Kaowao

ထိုင်းနိုင်ငံ ရနောင်း မြို့နယ် ဖန်းငါး ဒေသတွင် ဖွဲ့စည်း ထားသည့် စေတနာရှင် လူမှု ကာကွယ် စောင့်ရှောက်ရေး အဖွဲ့ အစည်းမှ ကယ် တင် ခဲ့သော AIDS ဝေဒနာသည် အမျိုးသမီး ပြည့်တန်ဆာ (၁၂)ဦး အနက် နောက်ထပ် နှစ်ဦး နိုဝင်ဘာ (၂၈)ရက် နံက်အချိန် ခူရပူရီမြို့ ဆေးရုံမှာ ထပ်မံ ကွယ်လွန် သွားပြီးဟု ရောဂါသည် နှင့် နီးစပ်သူ တစ်ဦးမှ ပြောသည်။

နိုဝင်ဘာ(၂၇)ရက်နေ့နံက်တွင်လည်း နှစ်ယောက်ဆုံးသွားတဲ့အတွက် စုစုပေါင်း(၄)ဦးသေဆုံးသွားခဲ့ပြီး ဆေးရုံ၌ ကျန်ရှိတဲ့သူ(၃)ဦးကလည်း အသက်ယဲ့ယဲ့မျှသာကျန်နေသည်ဟုဆို၏။ အဆိုပါ ဆုံးပါးသွားသော အမျိုးသမီးနှစ်ဦး မှာ သံဖြူဇရပ်မြို့နယ် ကရုတ်ပိရွာသူတစ်ဦးနှင့် တောင်ဖလုကျေးရွာဇာတိဟု ဆိုပါသည်။

ထို့အပြင်နိုဝင်ဘာ(၂၈)ရက်တွင် ဖန်းငါးမြို့အခြေစိုက် စေတနာရှင်လူမှုကာကွယ်စောင့်ရှောက်ရေးအဖွဲ့မှ အမျိုးသမီး ပြည့်တန်ဆာပေါင်း(၃၂)ဦးကို ထပ်မံကယ်တင်နိုင်ခဲ့ပြီး အဆိုပါအမျိုးသမီးများကိုဆေးစစ်ခဲ့ရာမှာ HIV ရောဂါပိုး မတွေ့ရှိဟုဆိုပါ၏။ အဆိုပါအမျိုးသမီးများသည် မွန်ပြည်နယ်၊ ကရင်ပြည်နယ်ကျေးရွာများမှဖြစ်ပြီး လူကုန်ကူးပွဲစား တွေကနေတဆင့် ပြည့်တန်ဆာအဖြစ် ရောင်းချခြင်းခံရတဲ့သူတွေဟု ဆိုပါသည်။ ဒီအကြောင်းကို ဒေသခံလူမှုကာ ကွယ်စောင့်ရှောက်ရေးအဖွဲ့ဝင်တစ်ဦးက အခုလိုပြောပြခဲ့ပါသည်။

မနေ့က ချွန်ဖွန်ကနေကယ်တင်ရခဲ့တဲ့အမျိုးသမီး(၄)ဦးကတော့ ရောဂါမရှိသေးဘူး။ သူတို့ရောင်းချခံရတာ(၈)ရက် ဘဲရှိသေးတယ်။ ပြီးတော့ အမျိုးသမီး(၂၈)ယောက်ကလည်း အဲဒီအမျိုးသမီး(၄) ယောက်နဲ့ဆက်စပ်နေတယ်။ ဝင်လာတဲ့လူတွေက ဖဲကတာရွာက(၁၂)ယောက် ကော့ဝမ်းက(၃ဝ)ယောက်လို့ သူတို့ပြောပြတယ်။ အဲဒီလူမှောင်ခို ဂိုဏ်းတွေကတော့ အဆက်အသွယ်တော်တော်ကောင်းတယ်။ နိုင်ငံရပ်ခြားအထိသူတို့ အမျိုးသမီးတွေကိုပို့နေသည် ဟု ပြောသွားပါတယ်။

စေတနာရှင်လူမှုကာကွယ်စောင့်ရှောက်ရေး အဖွဲ့အစည်းမှ ကယ်တင်ထားသောအမျိုးသမီးများကို နေရပ်သို့ပြန်ပို့ မည်ဖြစ်ပြီး ကျန်ရှိနေသော AIDS ရောဂါဖြစ်ပွါးနေသည့်အမျိုးသမီး(၃)ဦးမှာ ခူရပူရီမြို့ဆေးရုံ၌ပင် ဆေးကုသမှု ခံယူနေသော်လည်း မျှော်လင့်ချက်ကင်းမဲ့နေပြီး သူမတို့၏နောက်ဆုံးအချိန်ကိုသာ စောင့်ကြည့်နေရသည်ဟု လူနာ နှင့်နီးစပ်သူတစ်ဦးမှ ပြောပါသည်။

သုံးနိုင်ငံ ဓါတ်ငွေ့ ပိုက်လိုင်း စီမံကိန်း ဘင်္ဂလာဒေ့ရ်ှမှ ပြန်လည် စဉ်းစားမည်

Narinjara News

ပိုက်လိုင်း ဖြတ်သန်းခ အတွက် နှစ်စဉ် အမေ ရိ ကန် ဒေါ်လာ သန်းပေါင်း ၁၂၀ ကျော် ရရှိမည့် အိန္ဒိယ - ဘင်္ဂလာဒေခ်ျ့- မြန်မာ သုံးနိုင်ငံ ဓါတ်ငွေ့ ပိုက်လိုင်း စီမံကိန်းကို ဘင်္ဂလာ ဒေခ်ျ့ နိုင်ငံမှ ပြန်လည် စတင် အကောင် အထည် ဖေါ်ဆောင်ရွက် လိုကြောင်း သက်ဆိုင်ရာ ဘင်္ဂလာ တာဝန်ရှိ သူများမှ ထုတ်ဖေါ် ပြောကြား လိုက်သည်။

“ ၀န်ကြီးချုပ် ချိတ်ခ်ဟာ ဆီးနာရဲ့ ခွင့်ပြုချက် အရ သုံးနိုင်ငံ ပိုက်လိုင်း စီမံကိန်း ပြန်လည် အကောင် အထည် ဖော်နိုင်အောင် မြန်မာ၊ အိန္ဒိယ တို့နဲ့ ဆွေးနွေး မှုတွေ ပြန်လုပ်ဖို့ ကျနော်တို့ရဲ့ နိုင်ငံခြားရေး ၀န်ကြီး ဌာနကို တင်ပြ ထားလိုက် ပါပြီ ဖြစ်ပါတယ်” ဟု စွမ်းအင် နှင့် သယံဇာတ ၀န်ကြီး ဌာနမှ အတွင်းဝန် မိုဟာမက် မိုဆိန်က ပြောသည်။

အိန္ဒိယ-ဘင်္ဂလာဒေခ်ျ့- မြန်မာ ဂတ်စ် ပိုက်လိုင်း ဖေါက်လုပ်ရေး စီမံကိန်းမှာ သုံးနှစ်ကျော်ကြာ ရပ်တန့်နေခဲ့ပြီးနောက် ယခုကဲ့သို့ ဘင်္ဂလာဒေခ်ျ့က စတင် အဆိုပြုလာခဲ့ခြင်း ဖြစ်သည်။

ယခုကဲ့သို့ ဘင်္ဂလာဒေ့ရ်ှနိုင်ငံမှ ဓါတ်ငွေ့ ပိုက်လိုင်း ဖေါက်လုပ်ရေး စီမံကိန်းကို စတင်ရန် ပြန်လည် အဆိုပြုလာခဲ့ခြင်းမှာ ၎င်းတို့ နိုင်ငံအတွင်း ဂတ်စ် ဓါတ်ငွေ့ ပြတ်လပ်မှုနှင့် ရင်ဆိုင်နေရမည့် အနေအထားသို့ ရောက်ရှိလာ၍ ဖြစ်သည်။

“ စွမ်းအင် မလုံလောက်မူ ပြဿနာက ကျွန်တော်တို့ တိုင်းပြည် ဖွံ့ဖြိုးတိုးတက်ရေးကို အနှောင့်အယှက် ဖြစ်လာစေပါတယ်။ အဆိုပါ ဓါတ်ငွေ့ပိုက်လိုင်း စီမံကိန်းကိုသာ အကောင်အထည် ဖေါ်နိုင်မယ် ဆိုရင် ဓါတ်ငွေ့တွေကို မြန်မာနိုင်ငံက တင်သွင်းခွင့် ရရှိရေးအတွက် ကြိုးပမ်း သွားမှာ ဖြစ်သလို ပိုက်လိုင်း ဖြတ်သန်းခ အတွက် နှစ်စဉ် ၀င်ငွေ အပါအ၀င် တခြား အကျိုးအမြတ် တွေလည်း အများကြီး ရရှိနိုင်ပါတယ်” ဟု စွမ်းအင်ဝန်ကြီးက ပြောသည်။

ဘင်္ဂလာဒေခ်ျ့ နိုင်ငံအနေဖြင့် ယခုအခါ သူ့နိုင်ငံတွင်းမှ ထွက်သော ဂတ်စ်များကို နိုင်ငံအတွင်း လိုအပ်သော လျှပ်စစ်စွမ်းအင် ကဏ္ဍတွင် အသုံးပြုသည်သာမက ပြည်သူများ ထမင်းဟင်းချက်ပြုတ်ရာတွင် အသုံးပြုနိုင်ရန်အတွက်လည်း နေ့စဉ် ဖြန့်ဖြူးပေးသည်။

ဘင်္ဂလာဒေခ်ျ့ နိုင်ငံတွင် ၂၀၂၁ ခုနှစ်အတွက် ဓါတ်ငွေ့ ပြတ်လပ်မူနှင့် ရင်ဆိုင်ရနိုင်ကြောင်း လေ့လာသူများက သုံးသပ်ထားသည်။

ရခိုင်ကမ်းလွန် ပင်လယ်ပြင် ရွှေဓါတ်ငွေ့သိုက်မှ ထုတ်လုပ်မည့် သဘာဝဓါတ်ငွေ့ကို ဘင်္ဂလာဒေ့ရ်ှကိုဖြတ်၍ အိန္ဒိယသို့ တင်ပို့နိုင်ရန် ပိုက်လိုင်း တည်ဆောက်ရေးစီမံကိန်းကို သုံးနိုင်ငံ စွမ်းအင်ဝန်ကြီးများက ၂၀၀၅-ခု ဇန္န၀ါရီလတွင် ရန်ကုန်မြို့၌ ပထမဆုံး အကြိမ် နားလည်မှု စာချွန်လွှာ မူကြမ်းကို လက်မှတ် ရေးထိုး ခဲ့ကြသည်။

၉၅၀-ကီလိုမီတာ ရှည်လျားမည့် အဆိုပါ ပိုက်လိုင်းကို မြန်မာနိုင်ငံ ရခိုင်ပြည်နယ် မြောက်ပိုင်းမှ တဆင့် ဘင်္ဂလာဒေ့ရ်ှနိုင်ငံကို ဖြတ်ကာ အိန္ဒိယ အနောက် ဘင်္ဂလားပြည်နယ်ထိ အဝေးပြေး ကားလမ်းမ အတိုင်း တည်ဆောက် သွားမည်ဟု စီစဉ်ခဲ့ကြသည်။

ပိုက်လိုင်းကို အကြောင်းပြု၍ ဘင်္ဂလာဒေ့ရှ် နိုင်ငံက အိန္ဒိယနိုင်ငံကို ဖြတ်၍ ဟိမ၀န္ဒာဒေသမှ ရေအား လျှပ်စစ် တင်သွင်းခွင့်ပြုရန်နှင့် နီပေါ ၊ ဘူတန်နိုင်ငံတို့နှင့် ကုန်သွယ်ခွင့်များပေးရန် အဆိုပါမူကြမ်းတွင် ထည့်သွင်း တောင်းခံခဲ့ခြင်းကြောင်း ဘင်္ဂလာဒေ့ရ်ှနှင့် အိန္ဒိယတို့အကြား သဘောထားကွဲလွဲခဲ့ကြပြီး ပိုက်လိုင်းစီမံကိန်းမှာ တိုးတက်မှုတစ်စုံတရာမရှိဘဲ နှောင်းနှေး ကြန့်ကြာနေခဲ့သည်။

၂၀၀၆ ခုနှစ်တွင် အိန္ဒိယနှင့် မြန်မာနိုင်ငံတို့က ဘင်္ဂလာဒေ့ရ်ှကို အပြီးပိုင်ရှောင်ကွင်းနိုင်ရန် အိန္ဒိယနိုင်ငံ အရှေ့မြောက်ဘက်ရှိ မီဇူရမ်နှင့် အာသန်ပြည်နယ်များကိုဖြတ်ကာ အနောက် ဘင်္ဂလား ပြည်နယ်ထိ ဖောက်လုပ်တည်ဆောက်မည့် ကီလိုမီတာ ၁၄၀၀ ရှည်လားသည့် ပိုက်လိုင်းစီမံကိန်းသစ်ကို ရေးဆွဲခဲ့ကြသည်။

မြန်မာ-ဘင်္ဂလာဒေ့ရှ်-အိန္ဒိယ သုံးနိုင်ငံပိုက်လိုင်းစီမံကိန်းမှာ ရှေ့တိုးဆောင်ရွက်နိုင်ခြင်း မရှိဖြစ်နေချိန်တွင် တရုတ်နိုင်ငံကို မြန်မာစစ်အစိုးရမှ ဂတ်စ် ရောင်းချရန် သဘောတူလိုက်သဖြင့် အဆိုပါ ဂတ်စ် ပိုက်လိုင်းစီမံကိန်းမှာ ရပ်တန့်သွားခဲ့သည်။

ရခိုင့်ကမ်းလွန်ပင်လယ်ပြင်ရှိ ရွှေဓါတ်ငွေ့သိုက် Block A1 နှင့် A2 တွင် သဘာဝဓါတ်ငွေ့ပမာဏ ၆ ထရီလီယံကုဗပေခန့် တွေ့ရှိထားပြီး အိန္ဒိယသို့ တင်ပို့ ရောင်းချရန် မြန်မာစစ်အစိုးရနှင့် ဆွေးနွေးလျက်ရှိသည်ဟု ကွင်းဆင်းလုပ်ကိုင်နေသည့် ကျွမ်းကျင်သူများကပြောသည်။

ရခိုင့် ကမ်းလွန် ပင်လယ်ပြင်မှ ထွက်ရှိမည့် ဂတ်စ်မှာ တရုတ်နိုင်ငံ၏ လိုအပ်ချက်ကို ဖြည့်ဆည်းပေးနိုင်ရုံသာမက ထပ်မံ ရောင်းချပေးနိုင်ရန် ဓါတ်ငွေ့ပမာဏ ပိုလျှံ နေသေးသည်ဟု သူတို့က ပြောသည်။

ရခိုင့်ကမ်းလွန်သဘာဝဓါတ်ငွေ့လုပ်ကွက်များတွင် တောင်ကိုးရီးယားဂတ်စ်ကော်ပိုရေးရှင်း (KOGAS) ၊ အိန္ဒိယရေနံနှင့်သဘာဝဓါတ်ငွေ့ကော်ပိုရေးရှင်း (ONGC)၊ ဂဲလ်အိန္ဒိယနှင့် (Gail India) နှင့် ဒေ၀ူးအင်တာနက်ရှင်နယ် (Daewoo International) တို့မှ ရင်းနှီးမြှပ်နှံထားကြပြီး အစုရှယ်ယာအသီးသီးပိုင်ဆိုင်ထားကြသည်။

သုံးနိုင်ငံဓါတ်ငွေ့ပိုက်လိုင်းစီမံကိန်း အကောင်အထည် ဖော်နိုင်မည် ဆိုလျှင် ဘင်္ဂလာဒေ့ရှ် နိုင်ငံတွင် ဒေါ်လာသန်း ၃၀၀ ကျော်ခန့် ရင်နှီးမြှပ်နှံလာကြမည့်အပြင်၊ ပိုက်လိုင်းဖြတ်သန်းခ အဖြစ်လည်း တစ်နှစ်လျှင် ဒေါ်လာ သန်း ၁၀၀ ကျော်ရရှိမည်ဖြစ်ပြီး၊ ပိုက်လိုင်းစီမံ ခန့်ခွဲခ အဖြစ် တစ်နှစ်လျှင် ဒေါ်လာ ၂၅ သန်း အသီးသီးရရှိလာမည်ဟု ဘင်္ဂလာဒေ့ရှ် စွမ်းအင်ဝန်ကြီးဌါနမှ အရာရှိများက ပြောသည်။

၂၀၀၇-ခုနှစ် ဘင်္ဂလာဒေ့ရ်ှအိမ်စောင့်အစိုးရ လက်ထက်တွင် ထိုပိုက်လိုင်း စီမံကိန်းအား ပြန်လည် အကောင်အထည်ဖော်နိုင်ရန် ကြိုးပမ်း ခဲ့သော်လည်း မြန်မာနိုင်ငံမှ ဂတ်စ်ကို အိန္ဒိယသို့ မရောင်းဘဲ တရုတ်ကို ရောင်းချခဲ့သဖြင့် အောင်မြင်မှုမရရှိခဲ့ခြင်း မရှိကြောင်း သိရှိရသည်။

အလေးအနက် စဉ်းစားသင့်သော ရွှေ့ပြောင်းအလုပ်သမားအရေး

အင်ဒီ ဟောလ်

ထိုင်းအစိုးရက နိုင်ငံအတွင်း အလုပ်လုပ်ကိုင် နေကြသည့် မြန်မာရွှေ့ပြောင်း အလုပ်သမားများကို တရားဝင် သတ်မှတ် ပေးနိုင်ရေးဆိုင်ရာ မူဝါဒတရပ်ကို ထုတ်ပြန် ကြေညာခဲ့သည်။ အလုပ်သမားများ အနေနှင့် မြန်မာနိုင်ငံသား စစ်မှန်ကြောင်း စိစစ်ရေး အစီအစဉ်ကို ဆောင် ရွက်ကြရမည်ဟု ဆိုသည်။ အစိုးရမဟုတ်သည့် အဖွဲ့အစည်း (အန်ဂျီအို) အများစုလည်း မျက်စိလည် ခေါင်းရှုပ်ကုန်ကြရသည်။


ထိုင်းအစိုးရ အနေနှင့် တရားမ၀င် ရွှေ့ပြောင်း မြန်မာနိုင်ငံသားများ အရေး ဖြေရှင်း နိုင်ရန် လက်တွေ့မကျသော မျှော်မှန်းချက်များ ထားရှိနေသည်ဟု သူတို့က ယုံကြည်နေကြသည်။

ယခုအခါ ထိုင်းနိုင်ငံတွင် မြန်မာနိုင်ငံမှ ရွှေ့ပြောင်းလူထု ၃ သန်း ပတ်ဝန်းကျင် ရှိနေသည်။ ပြည်ထဲရေးဝန်ကြီးဌာနမှ နေ ထိုင်ခွင့်နှင့် အလုပ်သမားရေးရာ ၀န်ကြီးဌာနမှ "တရားဝင်" အလုပ်သမား လက်မှတ်များ ထုတ်ပေးနေစေကာမူ ထိုင်းနိုင်ငံ တွင်း တရားမ၀င် ၀င်ရောက်လုပ်ကိုင်နေထိုင်ကြဆဲဖြစ်ပြီး မြန်မာနိုင်ငံသို့ ပြန်လည်ပို့ဆောင်ခံရမည့် အခြေအနေများနှင့် လည်း ရင်ဆိုင်နေကြရသူများ ရှိနေသေးသည်။

ထိုင်းနိုင်ငံအတွင်း ရွှေ့ပြောင်းမြန်မာများကြောင့် ရာဇ၀တ်မှုများ၊ ရောဂါဘယများ၊ အလုပ်လက်မဲ့ဖြစ်ရမှုများ စသည့် အမျိုး စုံသော ပြဿနာများ ပေါ်ပေါက်ရသည်ဟု သတင်းများတွင်လည်း ဖော်ပြထားသည်။ သို့သော်လည်း ရွှေ့ပြောင်းလုပ်သား များ၏ အခွင့်အရေးနှင့်လုပ်အား အရေးပါမှုကိုလည်း တရားဝင် အသိအမှတ်ပြုထားပြန်သည်။

နိုင်ငံသား စိစစ်ရေး အစီအစဉ် ဆိုသည်ကို ပြောနေကြသည်မှာ ၁၀ နှစ်မျှ ရှိတော့မည်။ မြန်မာနှင့် ထိုင်းနိုင်ငံ အစိုးရများ အကြား နားလည်မှုစာချွန်လွှာ (MoU) တရပ်ကို ၂၀၀၃ ခုနှစ်၊ ဇွန်လ ၂၁ ရက်နေ့ကပင် လက်မှတ် ရေးထိုးထား ခဲ့ကြပြီး ဖြစ်သော်လည်း လက်တွေ့အကောင်အထည် မဖော်နိုင်သေးဘဲ ရှိနေခဲ့သည်။

ယခုတော့ နိုင်ငံသား စိစစ်ရေး လုပ်ငန်းစဉ်က ဖြစ်လာတော့မည်။ ထိုင်း-မြန်မာ နယ်စပ် ဂိတ် ၃ နေရာတွင် နှစ်နိုင်ငံလုံး၌ နိုင်ငံသား စိစစ်ရေးဌာန(၆) ခုကို ဖွင့်လှစ် ဆောင်ရွက်နေကြပြီ ဖြစ်သည်။ နောက်ထပ် စိစစ်ရေးဌာန ၂ ခု ထပ်မံဖွင့်လှစ်ရန် လည်း စီစဉ်ထားကြသည်။ ယခုအခါ မြန်မာရွှေ့ပြောင်းလူထုများ အကြား၌ သတင်းများလည်း ပျံ့နှံ့နေသည်။ သူတို့ ပထမ ဦးစွာ မြန်မာပြည်သို့ ပြန်ရမည်။ ပြန်လာသည့်အခါ ယာယီနိုင်ငံကူးလက်မှတ် ရရှိလာမည်ဖြစ်ပြီး ထိုင်းနိုင်ငံတွင် ၂ နှစ်ကြာ နေထိုင်နိုင်မည့် ဗီဇာရရှိမည် ဖြစ်သည်။ ယခုအခါ နိုင်ငံသားစိစစ်ရေးကိစ္စ လုပ်သင့် မလုပ်သင့် မဟုတ်တော့ဘဲ၊ မည်သို့ မည်ပုံ ထိရောက်စွာလုပ်ဆောင် နိုင်မည်နည်းဟူသော ဆွေးနွေးမှုမျိုး ဖြစ်နေကြပြီ။

နိုင်ငံသား စိစစ်ရေး အစီအစဉ်က မြန်မာရွှေ့ပြောင်း အလုပ်သမားတဦးအတွက် စိုးရိမ်ထိတ်လန့်ဖွယ်ရာ ခြောက်အိပ်မက် မျိုး ဖြစ်နေသည်။ ဤလုပ်ငန်းစဉ်ကြောင့် ရွှေ့ပြောင်းလုပ်သားများတွင် နှစ်မျိုးနစ်နာဖွယ် အကြောင်း ရှိနေသည်။ ပထမ အချက်မှာ ဤလုပ်ငန်းစဉ်အတွက် ကုန်ကျစရိတ်ဖြစ်ပြီး၊ ဒုတိယအချက်မှာ ရွှေ့ပြောင်းလုပ်သားများက သူတို့၏ "ရန်သူ" သဖွယ်ဖြစ်နေသည့် မြန်မာအစိုးရနှင့် ဆက်ဆံရာတွင် ကြုံရနိုင်သည့် အန္တရာယ် ဖြစ်သည်။ အထူးသဖြင့် တိုင်းရင်းသား လူနည်းစုများအတွက် အမှန်တကယ် ကြောက်ရွံ့စိုးရိမ်ဖွယ် ကိစ္စလည်း ဖြစ်သည်။ အကြောင်းမှာ တိုင်းရင်းသားလူမျိုးစုများ သည် စစ်အစိုးရကို ဆန့်ကျင်၍ ဆက်လက် စစ်ပွဲဆင်နွှဲနေကြဆဲကြောင့် ဖြစ်သည်။

ထိုင်းအစိုးရကလည်း နိုင်ငံသားစိစစ်ရေး လုပ်ငန်းစဉ်ကို တတ်နိုင်သမျှ ရှုပ်ထွေးေ၀၀ါးရန် လုပ်နေသည်။ ပွင့်လင်းမြင်သာမှု မရှိသကဲ့သို့ ငွေကုန်ကြေးကျလည်း များလှသည်။ ရွှေ့ပြောင်းလူထုများအကြား၊ အလုပ်သမား အဖွဲ့များနှင့် အစိုးရ မဟုတ် သည့် အန်ဂျီအို အဖွဲ့များအကြားတွင် သတင်းပြန်ကြား ဆက်သွယ်ရေး လုပ်ငန်းများ လုပ်ဆောင်ခြင်း မရှိဘဲ၊ ဤ ကိစ္စကို အစိုးရ အရာရှိအနည်းငယ်နှင့် အလုပ်ရှင် အနည်းငယ်ကသာ သိရှိကြသည်။ ကြားပွဲစားများကို စည်းကျပ်ရန် မဆောင် ရွက်နိုင်ကြသည့်အတိုင်း ထိုသူများက ယခုကိစ္စအတွက် အမေရိကန်ဒေါ်လာ ၁၀၀ မှသည် ၃၀၀ အထိ ကုန်ကျ ငွေကို အလုပ်သမားများထံမှ တောင်းယူနေကြသည်။ ရွှေ့ပြောင်းအလုပ်သမားများ အနေနှင့် လုပ်ခအနည်းငယ်မျှနှင့် ရှင်သန် ရုန်းကန်နေကြရသည့် အခြေအနေတွင် အလွန်မှ မဖြစ်သင့်သော ကိစ္စလည်း ဖြစ်သည်။

နိုင်ငံသား စိစစ်ရေး အစီအစဉ်နှင့် ပတ်သက်၍ တရားဝင် ဖော်ပြချက် ဟူသည်မှာ မြန်မာအစိုးရက ရွှေ့ပြောင်းလူထုများ (မြန်မာနိုင်ငံမှ တရားမ၀င် ထွက်ခွာသွားကြပြီး စစ်အစိုးရအပေါ် ယုံကြည်မှုနည်းနေကြသူများ) အကြား ပေးသည့် လက် ကမ်းသတင်းလွှာ တခုပင် ရှိသည်။ ဤလုပ်ငန်းစဉ်သည် အန္တရာယ်မရှိကြောင်း၊ ကုန်ကျစရိတ်နည်းပါးကြောင်းနှင့် ရင်းနှီး လက်ကမ်းနွေးထွေးစွာ ဆောင်ရွက်ပေးမည် ဖြစ်ကြောင်း စသဖြင့် ဖော်ပြထားသည်။

ရွှေ့ပြောင်းလူထုအကြားတွင်မူ ကောလာဟလများက ပျံ့နှံ့လျှက်ရှိနေသည်။ မြန်မာ နိုင်ငံတွင်း ကျန်နေသူ မိသားစုများထံမှ မြေသိမ်းယူခြင်း၊ ဘန်ကောက်မှ ရွှေ့ပြောင်းအခြေချလုပ်သားများ ၆၀ (သို့မဟုတ် ပြောသူအပေါ် မူတည်၍ ၂၀၀ အထိ အရေအတွက် အပြောင်းအလဲလည်း ရှိနိုင်သည်) ခန့် မြ၀တီစိစစ်ရေးဂိတ်သို့ နိုင်ငံသား စိစစ်ရေးကိစ္စများ လုပ်ဆောင်ရန် ရောက်ရောက်ချင်း မြန်မာအစိုးရကဖမ်းဆီးလိုက်ပြီး အင်းစိန်ထောင်သို့ ပို့ခြင်း၊ ငွေညှစ်ခြင်း၊ ထိုမျှမက ရွှေ့ပြောင်းအလုပ် သမားများအကြား ယခု နိုင်ငံသားစိစစ်ရေးကိစ္စ ရှောင်လွှဲနိုင်ရန် မိမိကိုယ်ကိုသတ်သေခြင်း စသည့် ကောလာဟလများ ပြောဆိုနေကြသည်။ ထိုင်းနှင့် မြန်မာအစိုးရများက အောက်တိုဘာလ ၁၂ ရက်နေ့တွင် ဤကောလာဟလများကို ငြင်းဆိုခဲ့ ကြသည်။

သို့သော်လည်း နှစ်နိုင်ငံအစိုးရများက ယခုလုပ်ငန်းစဉ်ကို သိုသိပ်စွာ လုပ်ကိုင်နေကြခြင်းမှာ အပြစ်ဆိုဖွယ်ရာ ရှိနေပါ သေးသည်။ ကြားပွဲစားဆိုသူများကရော မည်သူများပါနည်း။ မည်သို့မည်ပုံ နိုင်ငံသား ဟုတ် မဟုတ် စစ်ဆေးသနည်း။

ဤလုပ်ငန်းစဉ် လုပ်ဆောင်ပုံက မည်သို့ ရှိနေသနည်း။ မည်သူက အကျိုးအမြတ် ဖြစ်နေသနည်း။ တချို့သော လျှောက် လွှာများက အမြန်ကျလာပြီး တချို့လျှောက်လွှာများက မည်သည့်အကြောင်းကြောင့် ကြာမြင့်နေရပါသနည်း။ မည်သည့် အတွက်ကြောင့် မွတ်စလင်များကို ချန်ဖယ်ထားရပါသနည်း။ လာအိုနှင့် ကမ္ဘာဒီးယားနိုင်ငံများမှ ရွှေ့ပြောင်းအခြေချ လုပ် သားများကို ဆောင်ရွက်ပေးခဲ့သည့်နည်းတူ မြန်မာများကို ထိုင်း နိုင်ငံအတွင်း ဆောင်ရွက်ပေးနိုင်ရန် မည်သည့်အတွက် ကြောင့် ခွင့်မပြုပါသနည်း။ ယခု နိုင်ငံသား စိစစ်ရေးလုပ်ငန်းစဉ်သည် လာမည့် ၂၀၁၀ ခုနှစ်တွင် မြန်မာနိုင်ငံ၌ ကျင်းပမည့် ရွေးကောက်ပွဲနှင့် တနည်းတဖုံ သက်ဆိုင်မှု ရှိနေပါသလော စသဖြင့် မေးခွန်းများစွာ ရှိနေကြပါသည်။

မဖွံ့ဖြိုးသေးသည့် နိုင်ငံတခု၊ ခြစားမှုလည်း ထူပြော၊ ဒီမိုကရေစီနည်းကျ အစိုးရလည်းမရှိ၊ ရှည်လျားစွာ ထိစပ်နေသော နယ်စပ်ချင်းလည်း ဆက်စပ်နေသည့် နိုင်ငံတခုနှင့် တရားမ၀င် လူဝင်ရောက်မှု ပြဿနာကို ဖြေရှင်းရန် ဆိုသည်မှာ ကမ္ဘာ ပေါ်တွင် ဖွံ့ဖြိုးပြီးဟူသည့် အဆင့်မြင့်နိုင်ငံများအတွက်ပင် ခက်ခဲလှသော ပြဿနာလုပ်ငန်း ဖြစ်ပါသည်။ သို့သော် ဤ စံနှုန်းထားနှင့် နှိုင်းယှဉ်ရမည်ဆိုလျှင် ထိုင်းနိုင်ငံက ဆောင်ရွက်နေသော လုပ်ငန်းမှာ ညံ့ဖျင်းလှပါသည်။

ရွှေ့ပြောင်း အခြေချနေထိုင်မှုဆိုသည်မှာ သဘာဝအလျောက် ဖြစ်ပေါ်နေသည့် ဖြစ်စဉ်တခုမျှသာ ဖြစ်ပြီး လူများက သူတို့ နှင့် သူတို့မိသားစု ပိုမိုတိုးတက်ကောင်းမွန်မည့် ရေကြည်ရာ၊ မြက်နုရာကို ရှာဖွေနေကြပါသည်။ တခုခုပို၍ ထူးခြားသည့် နေရာ၊ သူတို့ဘ၀အတွက် အပြောင်းအလဲ ဖြစ်စေမည့် နေရာကို ရှာနေကြသည်။ တနည်းအားဖြင့် သူတို့ဘ၀ လုံခြုံရေးကို ခြိမ်းခြောက်နေသည့် ပဋိပက္ခများနှင့် ဝေးရာသို့ ပြောင်းရွှေ့လိုကြသည်မှာ ဓမ္မတာပင် ဖြစ်သည်။

၁၉၉၀ ခုနှစ် အစောပိုင်းကာလများမှစ၍ ထိုင်းနိုင်ငံက ရွှေ့ပြောင်းလုပ်သားများ မှတ်ပုံတင်ရေးအတွက် မစို့မပို့ မူဝါဒများ စတင်ချမှတ် ကျင့်သုံးလာခဲ့သည်။ ပထမပိုင်းတွင် တချို့သောခရိုင်များနှင့် တချို့လုပ်ငန်းကဏ္ဍများကို ကန့်သတ်၍ ခွင့်ပြုပေးခဲ့သည်။ အစီအစဉ် မကျလှသော ပြဿနာချဉ်းကပ်မှုတွင် ၀န်ကြီးအဖွဲ့မှ ဆုံးဖြတ်ချက်များ ချမှတ်ခြင်း၊ ထိုသူ များအတွက် လွတ်ငြိမ်းချမ်းသာခွင့် ပြုခြင်း၊ ရွှေ့ပြောင်း လုပ်သားများ မှတ်ပုံတင်နိုင်မည့် အခွင့်အလမ်းများ ယာယီခွင့်ပြု ခြင်း၊ အနည်းအကျဉ်းမျှသော လူထုပြန်ကြားဆက်သွယ်ရေး လှုပ်ရှားမှုများ ဆောင်ရွက်ခြင်းများကို ပြုလုပ်ခဲ့ကြသည်။ အလုပ် သမားရေးရာဝန်ကြီးဌာနရှိ အရာရှိများက ယခုလုပ်ငန်းစဉ် စတင်ပြီးနောက်မှ အလုပ်သမား မှတ်ပုံတင်ရေးကိစ္စကို ကြားသိ ကြရခြင်း၊ များသောအားဖြင့် အလုပ်ရှင်များနှင့် ရွှေ့ပြောင်း အခြေချလူထုအကြား နောက်တနှစ်တွင် ပြီးဆုံး တော့မည့် ၎င်းအစီအစဉ်များနှင့် ပတ်သက်၍ သတိမမူမိဘဲ ရှိနေကြခြင်းတို့မှာ များစွာ အံ့သြဖွယ် ကိစ္စ မဟုတ်ပါ။

မြန်မာရွှေ့ပြောင်း အခြေချလူထုက ၎င်းတို့၏ နှလုံးသားအတွင်းမှ ငြင်းဆန်နေကြသည့် အရေးကြီးကိစ္စ အချက်တခု ရှိပါ သည်။ ၎င်းမှာ သူတို့က မွေးရပ်ဇာတိမြေမှ တရားမ၀င် ထွက်ခွာလာခဲ့ကြခြင်း ဖြစ်ပြီး (အကယ်၍ သူတို့ပြန်ပါက တရား စွဲဆို ဖမ်းဆီးခံရနိုင်၍ ထောင်ချခံရနိုင်ဖွယ် အခြေအနေလည်း ရှိနေသည်။) သူတို့က ဤသို့ဖြင့် ထိုင်းနိုင်ငံတွင်း တရားမ၀င် ခိုးဝင်နေထိုင်ကြခြင်း၊ နယ်စပ်ဖြတ်ကျော်ခွင့် ခွင့်ပြုသက်တမ်း သက်တမ်းလွန်သည့်တိုင် နေထိုင်နေကြခြင်း ဖြစ်သည်။

ထိုသူများက ထိုင်းနိုင်ငံတွင်းသို့ တရားမ၀င် ၀င်ရောက်လာကြသည်။ သို့မဟုတ် တရားဝင် ၀င်ရောက်လာပြီးမှ အချိန် ကြာကြာ နေထိုင်နေကြသည်။ အကြောင်းမှာ မြန်မာနှင့် ထိုင်းနိုင်ငံ အစိုးရများအကြားတွင် အလုပ်လုပ်နိုင်သော တရားဝင် သဘောတူညီချက်၊ နားလည်မှု စာချွန်လွှာ (MoU) များ ရှိမနေသောကြောင့် ဖြစ်သည်။ ထိုင်းနိုင်ငံတွင်း သို့ တရားမ၀င် ခိုးပို့ပေးကြမည့် ကြားပွဲစားများလည်း အများအပြား ရှိနေကြသည်။ ထိုင်းနိုင်ငံ၏ စီးပွားရေးစနစ်ကလည်း ထိုသူများ၏ လုပ်အားကို အကြီးအကျယ် မှီခိုနေကြရပြီး အထူးသဖြင့် လုပ်အားခနည်းနည်းပေး၍ လုပ်စေလိုသော လုပ်ငန်းများတွင် ထိုသူများကို အလိုရှိနေကြသည်။

ရွှေ့ပြောင်း အခြေချလုပ်သားများသည် အန္တရာယ် အများဆုံး၊ အညစ်ညမ်းဆုံး၊ အနိမ့်ကျဆုံး လုပ်ငန်းခွင်များတွင် လုပ် ဆောင်နေကြရပါသည်။ သူတို့ မတော်တဆ ထိခိုက်ဒဏ်ရာရမည်ဆိုလျှင်လည်း လျော်ကြေးခံစားခွင့်များ ရှိမနေပါ။ ထိုသူများက တရားဝင်အရ မော်တော်ဆိုင်ကယ် မောင်းနှင်ခွင့်မရှိသလို၊ သူတို့မှတ်ပုံတင်ထားသည့် ခရိုင်ပြင်ပသို့ ခရီး ထွက်ခွာခွင့်လည်း မရှိကြပါ။ တချို့သောနေရာများတွင် လူစုလူဝေးဖြင့် တွေ့ဆုံ စုစည်းခွင့်ပင် မရှိကြပါ။

နိုင်ငံသား စိစစ်ရေး အစီအစဉ်သည် ယခုကဲ့သို့ ချွတ်ချော်လွဲမှားသည့် စီမံခန့်ခွဲမှုများ ရှိနေသော်လည်း လိုအပ်သည့် လုပ်ငန်းစဉ် တခုပင် ဖြစ်သည်။ အကြောင်းမှာ မြန်မာရွှေ့ပြောင်း အခြေချလူထုသည် ထိုင်းနိုင်ငံတွင် ပျောက်ကွယ်သွား မည် မဟုတ်ဘဲ ထိုင်းနိုင်ငံ စီးပွားရေးစနစ်အတွက်လည်း ထိုသူများကို လိုအပ်နေသောကြောင့်ပင်။

အောက်တိုဘာလ ၁၆ ရက်နေ့ထုတ် ဘန်ကောက်ပို့စ် (Bangkok Post) သတင်းစာ၏ အယ်ဒီတာ့အာဘော်က အမှန် အတိုင်း မှတ်ချက်ပေး ရေးသားခဲ့သေးသည်။ "ပြဿနာ ရေသောက်မြစ်မှာ မြန်မာနိုင်ငံတွင်ပင် ဖြစ်သည်။ မြန်မာစစ် အစိုးရက ၎င်း၏ပြည်သူများကို အကြောက်တရားလွှမ်းမိုးထားစေရန် အကြမ်းဖက်ဆောင်ရွက်နေသမျှ ဤပြဿနာများ ပြီးဆုံးသွားမည် မဟုတ်ပါ။ ဤအဖုအထုံးများကို ပြည်တွင်း ပြည်ပဖိအားများဖြင့် ဖြေရှင်းရမည် ဖြစ်သည်။ ထိုင်းနိုင်ငံက ၎င်း၏ ရွှေ့ပြောင်းလုပ်သားများကို စည်းမျဉ်းချမှတ် ထိန်းသိမ်းရန်၊ ထိုသူများအတွက် သင့်လျော်သည့် လူမှုဖူလုံရေးနှင့် လုပ်ငန်းခွင် ခံစားခွင့်များ ပံ့ပိုးပေးရန် တာဝန်ရှိနေမှုကို ငြင်းပယ်နေ၍ မရပါ" ဟု ဖော်ပြရေးသားထားခဲ့သည်။

မည်သည့် အားနည်းချွတ်ယွင်းချက်များ ရှိသည်ဖြစ်စေ၊ ထိုင်းနိုင်ငံ၏ နိုင်ငံသား စိစစ်ရေးလုပ်ငန်းစဉ်ကို ဆက်လက်အားပေး ထောက်ခံရမည်ပင် ဖြစ်သည်။ ၎င်းက အဓိပ္ပာယ်ရှိသော ဆွေးနွေးငြင်းခုန်မှုများနှင့် ဤလုပ်ငန်းကို စတင်ခဲ့သည်။ မြန်မာ ရွှေ့ပြောင်း အလုပ်သမားများအတွက် စနစ်တကျ ခေါင်းပုံဖြတ်မှုများနှင့် ကြုံတွေ့ရသည့်အခါ ထိုင်းနိုင်ငံရှိ မြန်မာလုပ်သား များမှာ ကမ္ဘာပေါ်တွင် အနစ်နာ အခံစားရဆုံး အလုပ်သမားဟုပင် ဆိုနိုင်တော့သည်။ မွေးရပ်ဇာတိမြေ နိုင်ငံကလည်း ၎င်း ကိုယ်ပိုင် ပြည်သူများ၏ လိုအပ်ချက်များကို တုံ့ပြန်ဆောင်ရွက်ပေးရန် လျစ်လျူရှုထားကြသေးရာ အားနည်း ချက်ရှိနေ သော ယခုနိုင်ငံသားစိစစ်ရေး အစီအစဉ်သည်ပင် မြန်မာရွှေ့ပြောင်းလူထုအတွက် ရည်ရွယ်ချက်ကောင်းနှင့် ဆောင် ရွက် ခဲ့သော်လည်း ပြဿနာများ ပေါင်းစုံနှင့် ကြုံရသည်။

ပို၍ ဆွေးနွေးညှိနှိုင်းမှုများ၊ လွတ်လပ်ပွင့်လင်းသော ဆွေးနွေးမှုများ ရှိလာလျှင် သန်းနှင့်ချီသည့် မြန်မာရွှေ့ပြောင်း အခြေချ အလုပ်သမားများသည် ပို၍ ကောင်းမွန်သော အနာဂတ်အတွက် မျှော်လင့်ချက်များကို ရရှိလာစေနိုင်သည်။ သူတို့အားလုံး အပြုခံသဘော သက်ရောက်နေသည့် သားကောင်များ ဖြစ်နေကြပါသည်။ သူတို့၏ ပြဿနာ အခက်အခဲများအတွက် အဖြေရရှိနိုင်ရန် အလေးအနက် ဆောင်ရွက်ပေးရန် လိုအပ်နေသကဲ့သို့ သူတို့အတွက် ခံစားထိုက်သော အခွင့်အရေးလည်း ဖြစ်ပါသည်။

ANDY HALL ရေးသားသည့် A Debate Worth Having? ကို ဆီလျော်အောင် ပြန်ဆိုဖော်ပြပါသည်။

Andy Hall သည် ဘန်ကောက်မြို့ အခြေစိုက် လူ့အခွင့်အရေးနှင့် ဖွံ့ဖြိုးရေးဖောင်ဒေးရှင်း (Human Rights and Development Foundation) မှ ရွှေ့ပြောင်းလူထု တရားမျှတမှု ရရှိစေရေး အစီအစဉ်၏ ဒါရိုက်တာဖြစ်ပါသည်။

ရန်ကုန် တိရစ္ဆာန်ဥယျာဉ် မြေနေရာ ရောင်းချကြောင်းသတင်း မမှန်ကန်

အောင်ထက်

တိရစ္ဆာန် ဥယျာဉ် (ရန်ကုန်) မြေနေရာအား ရောင်းချပြီး ဖြစ်၍ တိရစ္ဆာန် များအား မြန်မာပြည် အလယ်ပိုင်း ဘေးမဲ့ တောများသို့ ရွှေ့ မည်ဟူသော သတင်းများ ရန်ကုန်မြို့ အတွင်း ထွက်ပေါ် လျက်ရှိရာ ၎င်းတို့မှာ အခြေ အမြစ် မရှိသော သတင်း များသာ ဖြစ်ကြောင်း ရန်ကုန် တိရစ္ဆာန် ဥယျာဉ်၏ အုပ်ချုပ်ရေးမှူး ဦးညိုအေးက ငြင်းဆို လိုက်သည်။

အသက်အရွယ် အိုမင်းနေသည့် ဟိမ၀န္တာ ၀က်ဝံ (၁၅) ကောင်အား အလောင်းတော်ကဿပ ဘေးမဲ့တောသို့လွှတ်ရန် စီစဉ်နေခြင်းကို ထင်ယောင်ထင်မှား ပြောဆိုနေခြင်းဖြစ်နိုင်သည်ဟု ၎င်းက ပြောသည်။

ရန်ကုန်မြို့ခံများက ရန်ကုန်တိရစ္ဆာန်ဥယျာဉ်ဝင်းအတွင်းမှ တိရစ္ဆာန်များ နည်းသွားသည့်အတွက် ယခင်ကဲ့သို့ ကြည့်ရှုချင်စဖွယ် မရှိဟု ပြောကြသည်။

“နှစ်ချီပြီးနေလာတဲ့ တိရစ္ဆာန်အတော်များများကို မနှစ်က ဇူလိုင်လောက်က နေပြည်တော် တိရစ္ဆာန်ဥယျာဉ်ကို ပို့လိုက်တယ်။ ခုဆို ကြံ့တကောင်၊ သစ်ကုလားအုတ်တကောင်၊ ခြင်္သေ့ဆို လုံးဝမရှိတော့ဘူး၊ အကောင်ငယ်တချို့လောက်ပဲ ကျန်ခဲ့တော့ အနားယူ အပန်းဖြေတဲ့သူ အရမ်းနည်းသွားတယ်” ဟု ကျောင်းဆရာမတဦးက ပြောသည်။

တိရစ္ဆာန်ဥယျာဉ်မှ အုပ်ချုပ်ရေးမှူးကမူ “ရန်ကုန် တိရစ္ဆာန်ဥယျာဉ်က ခွဲပို့တာ နည်းပါတယ်။ မင်္ဂလာဒုံ၊ လှော်ကားဥယျာဉ်က ဘေးမဲ့ တိရစ္ဆာန်တွေရယ်၊ ကျားဖြူ (၂) ကောင်လို ပြည်ပက လာရောက်လှူဒါန်းတဲ့ တိရစ္ဆာန်တွေကိုသာ နေပြည်တော် တိရစ္ဆာန်ဥယျာဉ် ပို့တာဖြစ်တယ်” ဟု ပြောသည်။

တိရစ္ဆာန်ဥယျာဉ် (ရန်ကုန်) ကို ၁၉၀၁ ခုနှစ်တွင် ပြည်သူတို့၏ အလှူငွေ (၂) သိန်း (၄) သောင်းကျပ်ဖြင့် မြေရိုင်း (၆၁) ဧကကို ရှင်းလင်းပြီး စတင်တည်ဆောက်ခဲ့သည်။ ၁၉၀၆ ခု ဇန်န၀ါရီတွင် အသစ်ဆောက်လုပ်ကာ “၀ိတိုရိယဘုရင်မပန်းခြံနှင့် တိရစ္ဆာန်ဥယျာဉ်” ဟု အမည်ပေးခဲ့သည်။

ဥယျာဉ်ဝင်းအတွင်း ၁၉၉၇ ခု အောက်တိုဘာ (၇) ရက်တွင် နိုင်ငံတကာအဆင့်မီ ဘက်စုံကစားကွင်းကို ဖွင့်လှစ်နိုင်ခဲ့သည်။

နေ့စားဝန်ထမ်းများအပါအ၀င် ၀န်ထမ်း (၃၀၀) ခန့် ပုံမှန် လုပ်ငန်းခွင်ဝင်လျက်ရှိပြီး ဥယျာဉ်အတွင်း တိရစ္ဆာန်အစားအစာဆိုင် (၁၂) ဆိုင်၊ ဆိုင်ငယ် (၂၀) ခန့်နှင့် ပြင်ပမှ လစဉ် အခွန်ပေးသွင်းရောင်းချသည့် ဆိုင်များ ဖွင့်လှစ်ထားရှိသည်။

“တနှစ်ထက်တနှစ် လေလံကြေးတွေ မြင့်လာတယ်။ လက်ဖက်ရည်၊ အအေးဆိုင်တွေက တလ (၂၂၅,၀၀၀) ကျပ် ပေးသွင်းရတယ်။ ဆင်အစားအစာအရောင်းဆိုင်ဆို တလ (၁၅) သိန်းလောက်သွင်းရတယ်။ လူအ၀င်နည်းတဲ့ ခုလိုရာသီဆို လစဉ်ကြေးအလျဉ်မီအောင် မနည်းလုပ်နေရတယ်” ဟု ဆိုင်ရှင်တဦးက ပြောသည်။

တိရစ္ဆာန်ဥယျာဉ် (ရန်ကုန်) သည် မြေဧရိယာအကျယ် (၆၉.၂၅) ဧကရှိပြီး နှစ်စဉ် အပန်းဖြေရန် လာရောက်သူ (၁) သန်းခွဲခန့် ရှိကြောင်း သိရသည်။

“တိရစ္ဆာန်ဥယျာဉ်သည် ရန်ကုန်မြို့၏ အထင်ကရ နေရာများဖြစ်သည့် ကန်တော်ကြီး၊ ရွှေတိဂုံဘုရား၊ အလံပြဘုရားလမ်း (စစ်ရုံး) များနှင့် နီးနေသည့်အတွက် လုပ်ငန်းရှင်များက မျက်စိကျနေကြကြောင်း ဗဟန်းမြို့နယ်တွင်းမှ စီးပွားရေးလုပ်ငန်းရှင်တဦးက ပြောသည်။

အမျိုးသမီးများကို အကြမ်းဖက်မှု ရပ်တန်းကရပ် (ရုပ်သံသတင်း)

မဇ္ဈိမသတင်းဌာန

ယနေ့ မြန်မာ့ရေးရာ သတင်းများ Nov,30th,2009

( 29 )Japan to allow resettlement of Burmese refugees

( 28 )ရခိုင်ဒေသ ရေအောက် ဓာတ်ငွေ့ ပိုက်လိုင်းကို စင်္ကာပူနှင့်မြန်မာ ဆောက်မည်

( 27 )Burma should democratize on its own

( 26 )မြန်မာပရိတ်သတ်များ ဆီးဂိမ်းပြိုင်ပွဲ LIVE ကြည့်ရှုခွင့် မရ

( 25 )Media and Medical Ethics Controversy Hits Rangoon

( 24 )ရတနာပုံ FC အသင်းကြီးနှင့် အရန်အသင်းတို့ ရလဒ်ပြောင်းပြန်ဖြစ်နေ

( 23 )Thai Navy Vessel Fires on Burmese Soldiers

( 22 )မြန်မာလူငယ်များက ရွေးကောက်ပွဲတွင် မဲပေးမည်လော

( 21 )We will stand by our 14 November position

( 20 )ခွဲစိတ်ခံပြီး သေဆုံးခဲ့သည့် ကျောင်းသူလေးကိစ္စ စုံစမ်းရေးအဖွဲ့က စုံစမ်းဖော်ထုတ်မည်

( 19 )SPDC into election campaign in Chin state

( 18 )ရေအားလျှပ်စစ် စီမံကိန်းအတွက် ကချင်ဒေသခံများ ဖိအားပေးခံရ

( 17 )Nobel Laureate Stiglitz to Advise Junta on Poverty

( 16 )ရန်လုံကျိုင်း နယ်စပ်ကုန်သွယ်ရေးစခန်း မဖြစ်လာသေး

( 15 )Here Today, Gone Tomorrow

( 14 )ဆားတောင်သူများအတွက် ချေးငွေအစီအစဉ် ဖျက်သိမ်း

( 13 )Asian Parliamentarians insist on a free & fair 2010 Burma polls

( 12 )အယ်ဒီတာဟောင်း ကိုညီညီထွန်း ဖောက်ခွဲမှုနှင့် နှိပ်စက်ခံနေရ

( 11 )Column reunites Bob and ‘Burmese Bandit’

( 10 )စပါးထွက်နုန်း ကောင်းသော်လည်း ဈေးမတက်၍ လယ်သမားများ မပျော်နိုင်

( 9 )Burmese 'pirate' murderers of cruising sailor jailed for 25 years

( 8 )သင်္ဘောနစ်မြုပ်၍ အိဒ်ပွဲတော် အိမ်ပြန်သူ ၃၀ ကျော် သေဆုံး

( 7 )Asian MPs Insist On A Free & Fair 2010 Burma Polls

( 6 )ကလေး ၃ ဦး မတရား ပြုကျင့်ခံရ

( 5 )EU seeks more flexible camps

( 4 )Ejected from Singapore

( 3 )ကိုညီညီအောင် အမှု တရားလိုသက်သေများကို စစ်ဆေး

( 2 )Prison for 3 Burmese teenage killers

( 1 )A tour of Burma from Mandalay to Bagan reveals a country of harsh contrasts

Sunday, November 29, 2009

ကိုယ့်ပေါင် ကိုယ်လှန်ထောင်းနေရ

ရေကြောင်းတက္ကသိုလ်ကျောင်းသားတဦး

ကျတော်က ရေကြောင်းကျောင်းသားတယောက်ပါ။ ကျောင်းတက်နေဆဲပါပဲ။ ကျောင်းမှာ အတော်ကြာကြာ နေခဲ့သူဆိုလည်း ဟုတ်ပါတယ်ဗျာ။ ခုရေကြောင်းတက္ကသိုလ်သတင်း တွေ့တော့ ပြောချင်စိတ်ကလေးတွေ ပေါ်လာလို့ပါ။ reply မလုပ်ချင်တောင်မှ အကြောင်းသင့်ရင် စုံစမ်းနိုင်ပါတယ်။

လာမယ့် ကျောင်းဖွင့်ရာသီမှာ ဒုတိယနှစ်ကနေ စတုတ္ထနှစ်အထိ ကျောင်းသားတွေ စစ်ရေးပြ တပတ်ကို နှစ်ရက် ဆင်းရမယ်တဲ့။ တခါမှ အရင်က မရှိခဲ့ပါဘူး။ ကျောင်းဖွင့်စမှာ ကျောင်းဟာ အသိပညာကို ဦးစားပေးမယ်၊ ယူနီဖောင်းတွေ၊ စစ်ရေးပြတွေ မလိုဘူး စသဖြင့် ပြောခဲ့ပါတယ်။ ခုတော့ဖြင့် မယောင်ရာဆီလူး ဒီလိုအချက်တွေ ပိုလာပြီး ကုမ္ပဏီတွေနဲ့ ကျောင်းသားတွေကို နာမည်ကောင်းယူ စပ်ပေးနေတာဟာလည်း ပွဲစားလုပ်နေတာသာဖြစ်ပြီး စာသင်ကြားရေးနဲ့ ပတ်သက်ရင် ပိုအားနည်းလာတာသာ အဖတ်တင်ပါတယ်။

ကျောင်းက ဝေးသလောက် ဖယ်ရီလုံလောက်အောင် မရှိတာအစ၊ ဆရာမတွေ ကျူရှင်သင်တာအဆုံး အချင်းချင်းလွှဲချနေကြ ပေမယ့် ISO လေး ဘာလေးနဲ့ တဖက်က မောက်မာပြနေတာပါ။

တကယ်တော့ ကျောင်းမှာ သင်ရိုးညွှန်းတမ်း သေချာမရှိတာ၊ text book, lecture note, hands-out, reference ဘာဆိုဘာမှ ရေရေရာရာမရှိတာ ကျောင်းသားတွေ အသိဆုံးပါ။ နောက်ဆုံးတော့ ဆရာတွေ ပင်စင်ယူ၊ အလုပ်ပြောင်းကုန်ပြီး brain drain brain waste ဖြစ်ကုန်တာကလွဲရင် မြန်မာနိုင်ငံမှာ ဘာကြောင့် ဒါလောက်ခေတ်စားပြီး သည်းခြေကြိုက်ဖြစ်နေကြတယ်ဆိုတာ ကျောင်းသားတယောက်အနေနဲ့တောင် နားမလည်နိုင်တော့အောင်ပါပဲ။ ကျောင်းမှာ တနေ့တခြား တိုးပွားလာတာက စစ်ဘက်က ပြောင်းလာတဲ့ အရာရှိအရာခံတွေပါပဲ။ သူတို့က ကျောင်းသားတွေ သူတို့ကို အလေးပြုတာ ခံချင်ပုံရပါတယ်။
ဒါကို မိဘတွေ မသိဘူးလား။ ကျောင်းသားတွေကတော့ ခပ်ချာချာလို့ မပြောနိုင်ပါဘူး။ (ကိုယ့်ဘက်ကိုယ်ယက်တာ မဟုတ်ပါဘူးဗျ) ဆယ်တန်းအောင်မှတ်တွေ မြင့်တယ်ဆိုတော့ နည်းနည်းတော့ မှန်းနိုင်ပါတယ်။ ကျောင်းရောက်စ နှစ်တွေမှာတော့ တက်ကြွနေကြတာပေါ့။ ကြာကြာဝါးတော့မှ ခါးမှန်းသိတော့ ထွေးထုတ်ရ ခက်နေပြန်တာပါပဲ။ အထူးသဖြင့် ကျောင်းမှာ ဟိုဟာအဆင်မပြေ၊ ဒီဟာ အဆင်မချောတွေ များလာမှ စိတ်ကုန်ပြီး ဂိမ်းကစား၊ ကျောင်းလစ် ဖြစ်တာပါ။ အမှတ်မကောင်းဘူးဆိုတာ ကျောင်းသားတွေ ညံ့ဖျင်းတာထက် စီမံခန့်ခွဲမှု ညံ့လို့ပါ။ ဆရာတွေထဲမှာ အပျံစားတွေရှိတာ သေချာပါတယ်။ တချို့ဆို နိုင်ငံတကာက သူ့နယ်ပယ်မှာ သူ အသိအမှတ်ပြုခံရသူတွေပါ။

ဒါပေမယ့် စီမံမှုညံ့တာက အခရာဖြစ်နေတော့ ကျောင်းသားရော ဆရာပါ ဒဏ်မခံနိုင်တော့ပါဘူး။ အိုင်အက်စ်အိုဆိုတာ ဘာလဲလို့ မေးချင်လိုက်တာဗျာ။ မော်ကွန်းထိန်းတယောက် ရောက်စက ကျတော့်ကို မေးတယ်။ ကျောင်းမှာ ဘာတွေလိုတယ်ထင်လဲတဲ့။ ကျနော်က ရှင်းပြတယ်။ ဘယ်လို လုပ်ကိုင်ဆောင်ရွက်ရင် အဆင်အပြေဆုံးဖြစ်မယ်ဆိုတာ အကြံပြုတယ်။ နောက်ဆုံးတော့ သူလည်း ဟိုလူ့ လက်ညှိုးထိုး၊ ဒီလူ့လွှဲချနဲ့ ယောင်ဝါးဝါး လုပ်ပစ်လိုက်တယ်။ ဒီလိုကျောင်းမျိုးမှာ ဘယ်လိုဆရာကောင်းတွေက ခိုဝင်လာပြီး ကျောင်းသားတွေကို ပညာဝေမျှပေးနိုင်မှာလဲ။ ရှိနေတဲ့ဆရာတွေတောင် ကျောင်းသားတွေက အားနာနေတာ။ တော်ပါပြီဗျာ။ ကိုယ့်ပေါင် ကိုယ်လှန်ထောင်းနေရတာ။ နောက်မှ ရေးတော့မယ်။

ကောက်ပဲသီးနှံပျက်စီးရသဖြင့် အလုပ်အကိုင်ရှားပါးလာသော အညာတောင်သူများ

သျှမ်းသံတော်ဆင့်

သျှမ်းပြည် (မြောက်ပိုင်း) မူဆယ်မြို့မှ တဆင့် နယ်စပ် ဂိတ်အတိုင်း တရုတ် ဘက်ခြမ်း ကျယ်ခေါင် - ရွှေလီမြို့ သို့ နေ့ စဉ် အကြောင်း အမျိုး မျိုးဖြင့် ဖြတ်သန်း သွားလာ နေသော မြန်မာပြည် သားများ ထဲတွင် တရုတ်ပြည် ဆိုသည်ကို အိပ်မက်ပင် မမက်ဘူး ခဲ့သော အညှာသား ကိုထွန်းထွန်းတို့ မိသား စုလည်း အပါအ၀င် ဖြစ်သည်။

အညှာဒေသဟု ဆိုလိုက်သည်နှင့် မြန်မာပြည်အလယ်ပိုင်း အပူပိုင်းဇုံ အတွင်းပါဝင်သည့် အရပ်ဒေသတစ်ခု ကို ထန်းပင် ထန်းတော ထနှောင်းတောများ စေတီဘုရားပုထိုးများနှင့် မြူလိုလို ဖုန်မှုန့်လိုလို ထနေတတ်သည့် အရာ များနှင့်တွဲ၍ အမြင်အာရုံတွင်လွမ်းမောဘွယ် ပြေးမြင်လာရတော့သည်။

သူတို့တစ်တွေရဲ့ တမူထူးခြားလှတဲ့ ဟန်ပန်အမူအရာနှင့် ခပ်နွမ်းနွမ်းဝတ်စားဆင်ယင်ပုံကို အကဲခတ်ရင်း သူတို့ မွေးရပ်ဇာတိကို ခွဲခွာလာရသည့် အကြောင်းအရင်းကို ခပ်ရေးရေးပုံဖေါ်ကြည့်နေမိသည်။

တကယ်တော့ ကိုထွန်းထွန်းတို့ မိသားစုက မိထ္ထီလာမြို့နယ် မြောက်လယ်ကျေးရွာအုပ်စုမှ တောင်သူများဖြစ်ကြပြီး ယခုနှစ် မိုးရာသီတွင် ထိုအရပ်၌ ရာသီဥတုဖေါက်ပြန်သဖြင့် စိုက်ပျိုးထားသည့် ကောက်ပဲသီးနှံများဆုံးရှုံးသွားကာ ၀င်ငွေအခက်အခဲကြောင့် ရရာအလုပ်လုပ်ရှာရန် ရေကြည်ရာမျက်နုရာသို့ ထွက်ခွာလာသူများ ဖြစ်သည်။

တရုတ်နယ်စပ်သို့ ယခင်ရောက်ရှိနှင့်ပြီးသား သူတို့အရပ်မှ မိတ်ဆွေများ၏ အဆက်အသွယ်ဖြင့် နယ်စပ်တွင်ဖွင့်လှစ်ထား သည့် မြန်မာလူမျိုးလုပ်ငန်းရှင်တစ်ဦးပိုင်သော ကားနှင့်ပတ်သက်သည့် အလုပ်ရုံတွင် အလုပ်ကူညီ လုပ်ကိုင်ရင်းယာယီ စခန်းချနေထိုင်နေကြသည်။

မတူကွဲပြားလှသည့် အရပ်မို့ အထာမကျသေးသည့် သူတို့က အရာရာနှင့် တစိမ်းပြင်ပြင်ရှိနေသည်။ အလုပ်ရုံ အတွင်းရှိ အလုပ်သမားများစားရန် ထမင်းချက် ဟင်းချက်အလုပ် အပြင် ကားနှင့်ပတ်သက်သည့် အလုပ်များကိုလည်း ကူညီ လုပ်ကိုင်ရင်း ဗျာများနေပုံရသော ကိုထွန်းထွန်းက ၀င်လာသမျှလူများကို အကဲခတ်ကြည့် နေတတ်သည်။

နဂိုကမှ ဆင်းရဲတွင်းနက်နေသည့် မြန်မာပြည်သားများအဖို့ ယခုနှစ်မိုးက မညှာမတာပြုရက်တယ်ဟု တွေးထင် နေပုံရသည့် ကိုထွန်းထွန်းက မြေနိမ့်ရာလှံစိုက်ဆိုသလိုဖြစ်ခဲ့ရသည့် သူတို့အရပ်မှတောင်သူများ အထိနာခဲ့ပုံကို ယခုလို ပြန်ပြောင်း ပြောပြသည်။

“ဒီနှစ် မိုးခေါင်တာက မိုးဦးကျတာနဲ့ဒီကနေ့အထိ အပင်စိုက်မိုးရယ်လို့ နှင်းမိုးလောက်ပဲရွာခဲ့တယ် ဒီကြားထဲမှာသီးပင် ဖြစ်နိုင်တဲ့မိုးက လုံးလုံးမရွာခဲ့ဘူး အခုက တောရွာတွေမှာက အိမ်မှာမကပ်နိူင်တော့ဘူး ဘေးမှာထွက်ပြီးအလုပ်လုပ်ကြ ရတယ် ” လို့ မချိတင်ကဲ ပြောသည်။

အဓိကမိုးခေါင်ခဲ့သည့်နေရာတ၀ိုက်ဖြစ်သည့် မိထ္ထီလာမြို့နယ် အနောက်ဘက်ခြမ်းတွင် တောင်သူများ အားထား စိုက်ပျိုးကြသော ပဲစေးငုံ နှမ်း ငရုပ် စသည့်သီးနှံတို့ ပျက်စီးဆုံးရှုံးသွားရသည်။

ကိုထွန်းထွန်းက ဧက (၄၀) ခန့်ပိုင်ဆိုင်သည့် တောင်သူကြီးတစ်ဦးဖြစ်ကာ ယခင်မိုးလေ၀သ ကောင်းမွန်သည့် နှစ် များက မိသားစု စားဝတ်နေရေးအတွက် မပူပန်ရသော်လည်း ယခုနှစ်အဖို့ အညာတောင်သူများ အခက်အခဲများ စွာ နှင့်ရင်ဆိုင်ကြုံ တွေ့ နေရကြောင်း ပြောသည်။

သူတို့ဒေသရှိတောင်သူတို့ အဓိက ၀င်ငွေရရှိသည့် စိုက်ပျိုးသီးနှံ ၃ မျိုးအနက် နှမ်းကရိတ်သိမ်းပြီးစီးကာ ငရုပ် နှင့်ပဲစေးငုံ မှာ မသိမ်းရသေးပါ။

သူတို့အဖို့ ရိတ်သိမ်းပြီးနှမ်းက မျိုးစားလောက်သာ ရရှိခဲ့ပြီး ငရုပ်မှာ ရိတ်သိမ်းချိန်တိုင်သော်လည်း မိုးမကောင်းခဲ့ သဖြင့် မရိတ်သိမ်းနိုင်သေးပဲ ဖြစ်နေရသည်။ ပဲစေးငုံမှာမိုးမရွာသည့်ဒဏ်ခံနိုင်သော်လည်း ယခုနှစ်အပင်နှင့်အသီးသိပ်မကောင်း လှကြောင်း ဆိုသည်။

“နှမ်းကလည်း မျိုးစားလောက်ပဲရခဲ့တယ် ဒီရဲ့ရှေ့မှာကြတော့ ငရုပ်ကုလားအော် မိုးကောင်းတဲ့နှစ်တွေနဲ့စာလို့ရှိ ရင် ဒီနှစ်က မခူးရသေးဘူး မိုးကောင်းတဲ့ နှစ်တွေဆိုရင်တော့ ခူးပြီးပြီ အပင်အနေအထားကျတော့လည်း ခါတိုင်းဆိုလို့ရှိရင် ဂျိုင်းတစ်ရပ် ဒီနှစ်ပိုင်းကျတော့ ဒူးပေါင်လည်ပဲ အသီးအားနှုန်းကျတော့လည်း နည်းသွားပြီ ” လို့ ဆက် ပြောသည်။

ယခုလို ကောက်ပဲသီးနှံဆုံးရူံးရသည့်အနေအထားက မိုးခေါင်ခဲ့သည့် မိထ္ထီလာ အနောက်ခြမ်းမှ တောင်သူများ အားလုံးလိုလို ကြုံတွေ့နေရသည်။

အပူပိုင်းဒေသ မိုးခေါင်ဒေသခြင်း တူသော်လည်း ချောင်းမြောင်းနှင့် ဆည်တမံတို့နှင့်နီးပြီး ရေရရှိသည့် မိထ္ထီလာမြို့ မုန်တိုင်နယ် တ၀ိုက်တောင်သူတို့ကတော့ မထောင်းသာလှဟု ဆိုသည်။

သျှမ်းပြည် (မြောက်ပိုင်း) မူဆယ်မြို့သည် ကိုထွန်းထွန်းကဲ့သို့သော တနယ်တကျေးမှ လာရောက်စီးပွားရှာလို သူများ အတွက် မျက်စိကျချင်စရာ ဖြစ်သည်။

တရုတ်-မြန်မာနှစ်နိုင်ငံ အဓိကကုန်သွယ်ရေး လမ်းကြောင်းကြီး ပေါ်တွင်ရှိသည့် နယ်စပ်အ၀င်အထွက် မြို့ဖြစ် သည့် အတွက် မြန်မာပြည်တွင်းရှိ အခြားသောမြို့များနှင့်စာလျှင် စီးပွားရေးအကွက်အကွင်း ပိုကောင်းသည်ဟု ဆိုရမည် ဖြစ်သည်။

နယ်စပ်ကုန်သွယ်ရေး လမ်းကြောင်းပေါ်တွင် ရှိသောကြောင့် သာမန်လက်လုပ်စားများအတွက် အလုပ်အကိုင် သစ်ရှာဖွေရာ တွင် ပိုမိုလွယ်ကူသည်ဟု ဆိုလျှင်မှားမည်မထင်ပေ။ ယုတ်စွအဆုံး ကုန်တင်ကုန်ချ အထမ်းသမားတော့လုပ်စား ၍ရသေး သည်။

အကြံဥာဏ် ကောင်းလျှင်ကောင်းသလို လုပ်တတ်ကိုင်တတ်လို့ကတော့ ကြီးပွားချမ်းသာနိုင်သည့် အခွင့်အလမ်းများစွာ လည်းရှိသည်။

ထိုသို့သော စီးပွားရေးအားသာချက်များရှိသည့်အပြင် ရာသီဥတုကောင်းမွန်လှသော နယ်စပ်မြို့လေးအား တနယ် တကျေးမှ စီးပွားရှာသူများ ပြောင်းရွေ့နေထိုင်လာကြသူများအဖို့ ရွေးချယ်စရာ ဖြစ်နေသည်ကတော့ အဆန်းမဟုတ် တော့ပါ။

အခက်အခဲဖြစ်နေသည့် အညာအရပ်မှ တောင်သူများက ကိုထွန်းထွန်းကဲ့သို့ပင် ပြင်ပတွင် အလုပ်အကိုင်သစ်ရှာရန် အတွက် နေရပ်စွန့်ခွာထွက်ခွာလာသူ မနည်းလှကြောင်း သိရသည်။

“ မိုးကွက်ကျားရွာခဲ့တဲ့ နယ်ကတောင်သူတွေအားလုံးလိုလိုပဲ ခံရတယ် နွားစာရိတ် နွားကျောင်းကျတော့လည်း ထုံးစံလိုဖြစ်နေတော့ အလုပ်လို့မခေါ်တော့ဘူး ၁၀၀ ရာခိုင်နှုန်းလို့ပြောလို့ရတယ် အိမ်တိုင်းနီးနီးပဲ ကျနှော်တို့ရွာဆိုရင် အိမ်ခြေ ၁၅၀ လောက်ရှိတယ် မြောက်လယ် ကျေးရွာအုပ်စုက ၉ ရွာ ရှိတယ် ” လို့ ပြောသည်။

အလားတူ မြန်မာပြည်အလယ်ပိုင်း အညာအရပ်ဒေသတစ်ခုဖြစ်သည့် စစ်ကိုင်းတိုင်း မုံရွာမြို့နယ် ကန္နီနယ် တ၀ိုက်တွင် လည်း ယခုနှစ် မိုးခေါင်ခဲ့သဖြင့် အဆိုပါဒေသတ၀ိုက်မှ တောင်သူများ အလုပ်အကိုင် မရှိသည့် ဒဏ်ကို အလူးအလဲ ခံနေရသည်။

အဆိုပါ ဒေသမှတောင်သူများလည်း စိုက်ပျိုးထားသည့် ကောက်ပဲသီးနှံများ ပျက်စီးဆုံးရှုံးကြရပြီး ရရာအလုပ်လုပ်ဖို့ ပြင်ပထွက်ခွာကြရသည်ဟု ကန္နီနယ်မှ တောင်သူတစ်ဦးကလည်း ပြောသည်။

“ မိုးခေါင်တယ် မြေပဲ နှမ်း ပဲစေးငုံ စပါးပေါ့ စပါးကတော့ဘာမှကိုမရဘူး စပါးက အခုချိန်ထိမစိုက်ရသေးဘူးပျိုးပင်က တည်းက သေကုန်တာ နှမ်း က မိုးဦးနှမ်းမရဘူး နောက်ပိုင်းနှမ်း မိုးဦးနှမ်း နှစ်သီးရှိတာကိုး မိုးခေါင် တော့အကုန် သေကုန်တာ ဘာမှမရဘူး မိုးလေးနည်းနည်းကျတော့ ဘယ်လိုခေါ်မလဲ မိုးလယ်သီးနှံပေါ့ မြေပဲ လောက်ပဲနည်းနည်း ကျဉ်းကျဉ်းဖေါ်ရတယ် အခက်အခဲက လူတိုင်းဖြစ်နေတယ် မူး (မူးမြစ်) ရေ၀င်စပါးရှိတဲ့ဘက် စပါးရိတ်ပြီးအဲဒီစပါးတွေ ယူစားရုံပ ” လို့ ပြောသည်။

ယခုအခါ ကန္နီနယ်သားတို့လည်း ၀င်ငွေရရှိမည့် လုပ်ငန်းသစ်များ ရှာဖွေရန် မူးမြစ်ရေရရှိသည့် စစ်ကိုင်းတိုင်းအထက်ပိုင်း နယ်တ၀ိုက်နှင့် အိန္ဒိယနယ်စပ်တမူး ကလေးဘက် မိုးမြေပဲဆွတ်ရန် ခရီးထွက်ကုန်ကြကြောင်း သူကပြောသည်။

အညာတောင်သူများ အတွက် ထပ်ကြိုးစားလျှင် အောင်မြင်နိုင်မည့် မျှော်လင့်ချက်များ ရှိနေအုံးမည် ဖြစ်သော်လည်း တောင်သူတို့ဘ၀ တဖြည်းဖြည်း နိမ့်ကျလာပုံကို ခေတ်နှင့်နှိုင်းယှဉ်၍ ကိုထွန်းထွန်းက အခုလို ပြောသွား သည်။

“ကျနှော်တို့ဘက်တွေတော့ သီးနှံရမှ စားဝတ်နေရေးအဆင်ပြေမယ် နှစ်စဉ်တော့ ပဲစေးငုံ ၄ ၊ ၅ ဆယ်(တင်း) စပါး ၁၀၀(တင်း) ဟိုးအရင် အဖိုးအဖွားတွေခေတ်က စပါး ၁၅၀ ၊ ၂၀၀ ရတယ် အခုကျနှော်တို့ခေတ်ကျတော့ ၁၀၀ စံချိန်မှီရဖို့ဆိုတာ မလွယ်တော့ဘူး ” လို့ ဆိုသည်။

ပျောက်ကွယ်လုလုမွန်ရိုးရာမိချောင်းတူရိယာ

ကွန်းအိနု

လွန်ခဲ့တဲ့ နှစ်ပေါင်း များစွာ ကတည်းက ပေါ်ထွန်း ခဲ့တဲ့ မွန်ရိုးရာ မိချောင်း တူရိယာဟာ မွန်လူမျိုး တို့ရဲ့ အထွတ် အမြတ် ထားတဲ့ တူရိ ယာတခု ဖြစ်ပါတယ်။ မွန် လူမျိုး တို့ရဲ့ ရှေးဟောင်း ယဉ်ကျေးမှု ကနေ ဆင်းသက်လာတဲ့ အမျိုး သားရေး လက္ခဏာ တရပ်လို့ ဆိုပါတယ်။ ရှေးအစဉ် အဆက် ဆက်က အမြတ် တနိုး တီးခတ်လာ ခဲ့တဲ့ ရိုးရာ မိချောင်း တူရိယာဟာ အခုချိန်မှာ ကျွမ်းကျွမ်း ကျင်ကျင် တီးခတ် တတ်တဲ့ သူနည်း လာပါပြီးလို့ ဆိုပါတယ်။

ခေတ်ရေစီးကြောင်း ပြောင်းလဲ သွားတာ နဲ့အမျှ အဟောင်း နေရာမှာ အသစ်သစ်တို့ အစားထိုး ဝင်ရောက် လာတာဟာ ဓမ္မတာ တခုလို့ ဆိုပေမဲ့ ခေတ်ဘယ်လို ပြောင်းပြောင်း မိမိ အမျိုး သားရဲ့ ရိုးရာ ယဉ်ကျေးမှု မတိမ်ကော မပပျောက် သွားအောင် ထိန်းသိမ်း သွားဘို့ဟာ လူမျိုးတိုင်း ရဲ့ သမိုင်းပေး တာဝန် တခုပါ။ တကယ်လို့ လူမျိုး တမျိုးရဲ့ ရိုးရာ ယဉ်ကျေးမှု အသွင် လက္ခဏာ ပျောက်ကွယ် သွားယင် သည်လူမျိုး ပျောက်ကွယ် သွားတာ နဲ့မခြား ဘူးလို့ သမိုင်း သုတေသီ တို့က ဆိုပါတယ်။

အဲဒီလိုရှည်လျားတဲ့သမိုင်းကြောင်းတွေနဲ့ရှိလာခဲ့တဲ့ မိချောင်းတူရိယာရဲ့ နောက်ခံသမိုင်းကြောင်းရာဇဝင်တွေကို မွန်ဂီတ သမိုင်းလေ့လာသူ နိုင်အောက်ပိုင်က အခုလိုရှင်းပြခဲ့ပါတယ်။

“ဗုဒ္ဓြွမြတ်စွာဘုရားပွင့်တော်မူတဲ့အချိန် ရာမညတိုင်း ဒဂုံမြို့မှာ ဥက္ကလာပမင်း ထီးနန်းစိုးစံစဉ်ကာလမှာပေါ့။ အဲဒီအချိန် သူ့ရဲ့သားတော် မင်းနန္ဒာဟာ သံလျှင်ဘက်ကမ်းက ချစ်သူရှင်မွေ့နွန်းဆီသွားရာမှာ ငမိုးရိပ် မိချောင်းကိုဘဲ စီးသွားလေ့ ရှိတယ်။ တနေ့တော့ စီးတော် မိချောင်းငမိုးရိပ်နဲ့ ရန်သူမလက်တိုတို့ရင်ဆိုင်တိုက်ပွဲဖြစ် ခဲ့ရာမှာ မင်းသား မင်းနန္ဒာ အန္တရာယ်ကျရောက်မှာစိုးလို့ ငမိုးရိပ်မိချောင်းက အာခံ တွင်းထဲမှာငုံထားပြီး ဒဂုံဘက် ကမ်းကိုကူးလာခဲ့တယ်။ ဒီဒဂုံ ဘက်ကမ်းလဲရောက်ရော မိချောင်းရဲ့ခံတွင်းမှာရှိတဲ့မင်းသားခင်မျာ အသက် ရှုမွန်းကြပ်ပြီးအသက်ပါမလာတော့ဘူး။ အဲဒါနဲ့ဥက္ကလာပမင်းကြီးဟာ သားတော်စိတ်နဲ့ စိတ်ထောင်းကိုယ်ကြေဖြစ်နေ တယ်ပေါ့။ နောက်ဆုံးတော့ နန်းတော်ထဲ မှာမိချောင်းရုပ်ကြိုးတပ်တူရိယာတီထွင်စေပြီး သားတော်ကိုသတိရ လွမ်း ဆွတ်တဲ့အထိန်းအမှတ်အနေနဲ့ မိချောင်းတူ ရိယာပေါ်လာခဲ့တယ်လို့ ကျွန်တော့်ဆရာ မိချောင်းတူရိယာပညာရှင် နိုင်ထဝိုင် ပြောပြခဲ့ပါတယ်။”

ကြိုးတပ်တူရိယာထဲမှာဆိုယင် ကြိုးသုံးချောင်းသာရှိတဲ့ မွန်ရိုးရာမိချောင်း တူရိယာဟာတကယ့်ကိုထူးခြား ပါတယ်။ စူးရှ တဲ့အသံလွင်လွင် လေးနဲ့ နဝင်ပီယံဖြစ်စေပြီး နားသောတအာရုံကိုလည်း ထူးထူးခြားခြားမြူးကြွစေပါတယ်။ ရှေးဟောင်း မိချောင်းတူရိယာဟာ အခြားကြိုး တပ်တူရိယာနဲ့မတူတဲ့ ထူးခြားမှုတွေကို နိုင်အောက်ပိုင်ပြောပြပါသေးတယ်။

“မိချောင်းတူရိယာနဲ့အခြားတူရိယာ ကွာဟချက်ဆိုတာက မိချောင်းဆိုတာကသူက(Slite)လုပ်လို့ရတယ်။ ဥပမာမွန်မှာ ဆိုလို့ရှိရင် လခြမ်းသူကအသံသေ။ ပတ္တလားအသံသေ။ မိချောင်းဆိုတော့(Slite )လုပ်လို့ ရတယ်။ အသံတွေကအရွေ့ အပြောင်းလုပ်လို့ရတယ်။ ”

ပဒေသရာဇ်စံနစ်ရဲ့ဆိုးမွေကြောင့် ကိုယ်ပိုင်ပြဌာန်းခွင့်၊ ကိုယ့်ကြမ္မာကိုယ် ဖန်တီးခွင့် ဆုံးရှုံးခဲ့တဲ့ မွန်လူမျိုး တွေအတွက် အရင်ကထီးသုံးနန်းသုံးဖြစ်ခဲ့တဲ့ မွန်ရိုးရာမိချောင်းတူရိယာကို ထိန်းသိမ်းစောင့်ရှောက်သူမဲ့ပြီး လက်တဆုတ်စာ ပညာ ရှင်တွေကဘဲ ရိုးရာအမွေအနှစ်မပျောက်ပျက်အောင် ထိန်းသိမ်းနေကြပါ တယ်လို့ ဆိုပါတယ်။ လက်ရှိမိချောင်းတူရိယာ ပညာရှင်နဲ့ ပက်သက်ပြီး နိုင်အောက်ပိုင်က အခုလိုပြောပါတယ်။

“အခုဆိုယင်ကျွန်တော်သိသလောက်ပေါ့နော်။ မိချောင်းတူရိယာကိုကျွမ်းကျွမ်းကျင်ကျင်တီးတတ်တဲ့သူဆိုလို့ ဆရာ နိုင်ထဝိုင်ရယ် ဆရာနိုင်ချင်ရယ် ဆရာနိုင်ရွှေပြည်ရယ် ဆရာနိုင်ထောပိုင်ရယ် ဆရာနိုင်ဟံသာရယ် ဒါဘဲကျန်တော့တယ်။ ကျန်တဲ့သူတွေက ပညာရှင်အဆင့်ရောက်ဘို့တော်တော်ကိုကြိုးစားရအုံးမယ်။”

မိချောင်းတီးခတ်တဲ့လက်ကွက်တွေဟာ အခြားတူရိယာတွေနဲ့မတူပါဘူး။ နည်းပရိယာယ်အပိုင်းတွေများပြီးတော့ ကျွမ်း ကျင်မှုရှိမှသာ အကွက်သံစဉ်တွေကိုဖေါ်နိုင်မယ်လို့နိုင်အောက်ပိုင်ကဆိုပါတယ်။

မိချောင်းတီးကွက်ဆိုတာက ပထမဦးဆုံးစတီးတာနဲ့ မွန်တွေက ဇယ်နဲ့စတီးတယ်။ ဇယ်ဆိုတာက စီစကေးပေါ့။ ဗမာသံနဲ့ ဆိုရင်သံမှန်ပေါ့။ နောက်ပြီးတော့ တန်းပွန်း(တင်ပန်) ဆိုတာက ဗမာမှာ(၅)ပေါက်သံနဲ့သွားကိုက် ညီတယ်။ ဘာကြောင့် ဗမာသံ ငါးပေါက်နဲ့ ကိုက်ညီ သလဲ ဆိုယင် ဗမာက အောက်ဘက် ကနေ စရေတွက် လာတယ်။ မွန်မှာ ကျတော့ အပေါ်ဘက် ကရေ တွက်တယ်။ အဲဒါတော့ ကွာတယ်။ မွန်မှာ ကျတော့ တစ် နှစ် သုံး လေး ငါး ဘယ်ဘက် ကရေတယ်။ မြန်မာ ဂီတမှာ ကျတော့ ညာဘက် အခြမ်း ကရေတယ်။ ဗမာက ရေတွက်တော့ ငါးပေါက် နဲ့သွား ကိုက်ပြီး မွန်ကျတော့ လေးပေါက်နဲ့ ကိုက်တော့ တန်းပွန် (တင်ပန်) လို့ခေါ်တယ်။

ရှေးဟောင်းကြိုးတပ်တူရိယာထဲမှာဆိုယင် ဆရာခင်မောင်လေးရဲ့လေ့လာချက်အရ (၇)မျိုးရှိတယ်လို့ ဆိုပါတယ်။ မွန်ရိုးရာမိချောင်းတူရိယာက စောင်းအမျိုးအစားထဲမှာ ပါတယ် လို့လဲဆိုပါတယ်။
(၁) ရစ်ခေါင်းပုံစောင်း
(၂) မိကျောင်းခေါင်းစောင်း
(၃) နဂါးခေါင်းဗျပ်စောင်း
(၄) မိုးသားခေါင်းဗျပ်စောင်း
(၅) ဗူးကြီးဗျပ်စောင်း
(၆) ကြိုးတစ်ချောင်းတပ် ဗူးဗျပ်စောင်း
(၇) ဗူးကလေးဗျပ်စောင်း။
ထန်မင်းဆက်လက်ထက် တရုတ်ပြည်ရောက်မိချောင်းစောင်းဟာ ယခုမွန်တို့အသုံးအပြုနေတဲ့ မိကျောင်း စောင်းမျိုး ဖြစ်တယ်လို့ ဆရာကြီးဒဂုန်နတ်ရှင်ကဆိုထားပါတယ်။ တရုတ်ပြည်ရောက် မိကျောင်းစောင်း(၂)ခုအနက် တစ်ခုရဲ့ပုံ သဏ္ဍာန်ဟာ အခုမိကျောင်းကဲ့သို့ဖြစ်နေပါတယ်။ (၄)ပေရှည်ပြီးတော့ ခြေလေးချောင်းရှိတယ်လို့ ဆိုပါတယ်။ ဝမ်းဗိုက် ဟောင်းလောင်းရှိနေပြီး ကျောဘက်မှာမိကျောင်းရေနဲ့တန်ဆာဆင်ထားပါတယ်။ ကြိုး(၉)ချောင်းကို ဆန့်တန်းရန်အကန့် ထားရှိထားပါတယ်။ လက်ဝဲဘက်နှင့် လက်ယာဘက်မှာ ရွှေ့ပြောင်းနိုင်တဲ့ ခလုတ် (၁၂) ခုရှိပါတယ်။ အခြားထူးခြားချက် တစ်ခုကတော့ မိကျောင်းစောင်းနှင့် မတူအောင်ရောင်စုံခြူးပန်းခြူးနွယ်တို့နဲ့ တန် ဆာဆင်ထားပြီး မြွေသားရေနဲ့ ဖုံးအုပ် ထားပါတယ်။

ထိုစဉ်က တရုတ်မိကျောင်းစောင်းပြုလုပ်ထားပုံကတော့ အခုမွန်တို့အသုံးအပြုနေတဲ့ မိကျောင်းတူရိယာ နဲ့အခြေခံအား ဖြင့် တူညီပေမဲ့လည်း ယခုမွန်မိကျောင်းမှာ ကြိုး(၃)ချောင်းသာပါရှိပြီး လက်ဝဲလက်ယာမှာ ရွှေ့ပြောင်းနိုင်သော ခလုတ် များမပါရှိဘဲ ထိပ်တစ်ဘက်တစ်ချက်မှာ ကြိုးညှိဘို့အတွက် ဒလက်သုံးခုပါရှိပါတယ်။ ယင်းမိကျောင်းပုံစံကနေယခုခေတ် မိကျောင်းပုံစံသို့ ပြောင်းလဲခဲ့သလားလို့တွေးတောစရာပါ ။ မည်သို့ပင်ဖြစ်စေ ယခုအခါမိကျောင်းတူရိယာကို မွန်တို့က သာအသုံးပြုနေကြလို့ ထန်မင်းဆက်လက်ထက် တရုတ်နန်းတော် ရောက်နေခဲ့တဲ့ မိကျောင်းစောင်းဟာ ယခုမွန်မိ ကျောင်းတူရိယာမျိုးဖြစ်တယ်လို့ ဆရာကြီးဒဂုန်နတ်ရှင်ရဲ့အဆိုကို လက်သင့်ခံရမယ်လို့ ဆရာခင်မောင်လေးက သုတေ သနပြုရေးသားထားပါတယ်။

ယနေ့လက်ရှိအနေအထားကတော့ ပြောင်းလဲလာတဲ့ ခေတ်ရေစီးကြောင်းအနေအထားအရသော်၎င်း မွန် အမျိုးသားတို့ အနေနဲ့ ကိုယ့်ကြမ္မာကိုယ်ဖန်တီးပိုင်ခွင့်ဆုံးရှုံးနေလို့ မွန်ရိုးရာမိချောင်းတီးခတ်မှုအတတ်ပညာဟာ တိမ်ကောလုနီးပါးဖြစ် နေပါပြီး။ မွန်ဂီတပညာရှင်တွေအနေနဲ့ မျိုးဆက်သစ်လူငယ်တွေကို လက်ဆင့်ကမ်း သင်ကြားနေပေမဲ့ အတိုင်းတာတခု အထိဘဲလုပ်ဆောင်နိုင်ပါသေးတယ်။

အခုခေတ်မွန်လူငယ်အဆိုတော်တွေထဲမှာ ခေတ်ပေါ်တေးဂီတနဲ့ ရိုးရာမိချောင်းဒူရိယာတီးလုံး တေးသွားတွေကို တွဲဖက် အသုံးပြုတာ တချို့တလေတော့ ရှိနေပါသေးတယ်၊ ဒါပေမဲ့လည်း မိချောင်းဒူရိယာကို တကယ်ကျွမ်းကျွမ်းကျင်ကျင် တီး ခတ်နိုင်တဲ့သူကတော့ သိပ်ကို နည်းသွားပါပြီးလို့ နိုင်အောက်ပိုင်ကအခုလို ဆွေးမြေ့စွာ ပြောပြပါတယ်။ သူ့ရဲ့မျက်လုံး တွေဟာ အနာဂါတ်ရဲ့မျှော်လင့်ချက်အတွက် လင်းတခါ မှိန်တလှည့်ဖြစ်နေလေရဲ့။

အခုခေတ်လူငယ်တွေဆိုတာတွေက အခုခေတ်သစ်တူရိယာတွေဝင်လာတယ်။ ကိုယ့်ရဲ့ရိုးရာယဉ်ကျေးမှု တူရိယာတွေ ကို သူတို့ချစ်မြတ်နိုးမှသာ သူတို့ထိန်းသိမ်းစောင့်ရှောက်နိုင်မယ်။ ဒီထိန်းသိမ်းတဲ့နေရာမှာ လေ့လာ လိုက်စားတဲ့ နေရာမှာ အရင်ကထက်နည်းပါးလာတယ်။

လက်ရှိမြန်မာနိုင်ငံမှာ စစ်အစိုးရအနေနဲ့ရိုးရာအဆိုအကအရေးအတီးပြိုင်ပွဲတွေ ကျင်းပပြီး မြန်မာ့ယဉ် ကျေးမှုအသွင် လက္ခဏာတွေမပျောက်ပျက်အောင် ထိန်းသိမ်းနေတယ်ဆိုပေမဲ့ တိုင်းရင်းသားတို့ရဲ့ ဂီတ၊ယဉ်ကျေး မှုတွေကို ထိန်းသိမ်း မှုမရှိသေးတာကြောင့် တိုင်းရင်းသား ယဉ်ကျေးမှုတွေ ပျောက်ကွယ်သွားကို စိုးရိမ်မိ တယ်လို့ နိုင်အောက်ပိုင်က ပြောပါ တယ်။ သူ့ရဲ့ဘေးနားမှာရှိနေတဲ့မိချောင်းတူရိယာလေးဟာ သိမ်ငယ်တဲ့မျက်လုံးနဲ့ တီး ခတ်နိုင်မဲ့ပိုင်ရှင်သစ်ကို မျှော်လင့် နေသယောင်ယောင်ရှိနေပါတယ်။

မြန်မာ့နိုင်ငံရေး အကျပ်အတည်း ရှေ့တလှမ်းတိုးနိုင်မည်လော

NEJ

၂၀၀၇ စက်တင်ဘာ ရွှေဝါရောင်တော်လှန်ရေးကို လူမဆန်စွာ အကြမ်းဖက်နှိမ်နင်းပြီးနောက် နိုင်ငံရေးအကျပ်အတည်း ဆိုက်ခဲ့သည့် နအဖစစ်အုပ်စုသည် (၁၄) နှစ်ကြာ ကျင်းပလိုက် ရပ်နားလိုက် ပြုလုပ်ခဲ့သည့် ညောင်နှစ်ပင် အမျိုးသားညီလာခံကို အလျင်အမြန် အဆုံးသတ်ကာ ၂၀၀၈ ဖွဲ့စည်းပုံအခြေဥပဒေမူကြမ်းဆိုသည်ကို ထုတ်ပြန်ခဲ့သည်။

ထို့နောက် မြန်မာပြည်သူများ နာဂစ်ဆိုင်ကလုန်းမုန်တိုင်းဒဏ်ကြောင့် အပူမီးတောက်လောက်နေချိန် ၂၀၀၈ ခုနှစ်၊ မေလတွင် ဆန္ဒခံယူပွဲပြုလုပ်ပြီး ညောင်နှစ်ပင် ဖွဲ့စည်းပုံအခြေခံမူကြမ်းကို ဖုတ်ပူမီးတိုက် လိမ်လည်အတည်ပြုခဲ့သည်။ (၉၂) ရာခိုင်နှုန်းကျော် သော ဆန္ဒမဲဖြင့် အတည်ပြုကြောင်း မျက်နှာပြောင်တိုက်ကြေညာပြီး ၂၀၁၀ ပြည့်နှစ်တွင် လွတ်လပ်ပြီး တရားမျှတသည့် ရွေးကောက်ပွဲကို ကျင်းပပေးမည်ဟု တဆက်တည်း ထုတ်ပြန်ခဲ့လေသည်။

သို့သော် ၁၉၉၀ ပြည့်နှစ် ပါတီစုံဒီမိုကရေစီရွေးကောက်ပွဲတွင် အပြတ်အသတ် အနိုင်ရရှိခဲ့သည့် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ပါလီမန်တွင် စစ်ဗိုလ်တမတ်သား အလိုအလျောက်ပါဝင်မည့် နအဖ၏ ၂၀၀၈ ညောင်နှစ်ပင်ဖွဲ့စည်းပုံ အခြေခံဥပေဒကို လက်မခံဘဲ ဖွဲ့စည်းပုံအခြေခံဥပဒေပါ ဒီမိုကရေစီနည်းမကျသည့် အချက်အလက်များကို ပြင်ဆင်ပေးမှသာ ၂၀၁၀ ရွေးကောက်ပွဲကို ၀င်ရောက်ယှဉ်ပြိုင်ရန် စဉ်းစားမည်ဟု ၂၀၀၉ ခုနှစ် ဧပြီလ (၂၉) ရက်နေ့တွင် ရွှေဂုံတိုင်ကြေညာစာတမ်း ကို ထုတ်ပြန်ကာ တောင်းဆိုခဲ့သည်။ အန်အယ်လ်ဒီ၏ ရွှေဂုံတိုင်ကြေညာစာတမ်းပါ တောင်းဆိုချက်များကို ပြည်တွင်းပြည်ပရှိ အတိုက်အခံအင်အားစုများကလည်း သဘောတူ ထောက်ခံခဲ့ကြသည်။

နအဖစစ်အုပ်စုကမူ အန်အယ်လ်ဒီ၏ ရွှေဂုံတိုင်ကြေညာစာတမ်းပါ တောင်းဆိုချက်ကို အကြောင်းပြန်ကြားခြင်းမရှိဘဲ သူတို့၏ အစီအစဉ်အတိုင်း ၂၀၁၀ ရွေးကောက်ပွဲ ကျင်းပရန်အတွက်သာ ကျိတ်ပုန်းခုတ်ပြင်ဆင်နေခဲ့သည်။ သို့သော် ပြီးခဲ့သည့် မေလဆန်းတွင် အမေရိကန်နိုင်ငံသား ဂျွန်ဝီလျံယက်တောအမှု ဖြစ်ပွားခဲ့ချိန်မှစ၍ မြန်မာနိုင်ငံရေးအခင်းအကျင်းသည် အပြောင်းလဲကြီး ပြောင်းလဲခဲ့လေသည်။ ဂျွန်ယက်တောအမှုနှင့် ဆက်နွှယ်ကာ အမေရိကန်ဆီးနိတ်လွှတ်တော်အမတ် ဂျင်မ်ဝက်ဘ် ရောက်ရှိလာပြီးနောက် မြန်မာ့နိုင်ငံရေးဇာတ်ခုံတွင် အမေရိကန်အစိုးရ၏ ကြားဝင်ဆောင်ရွက်မှုသည် တမဟုတ်ချင်း ရှေ့တန်းသို့ တက်လှမ်းလာခဲ့လေသည်။ မကြာသေးမီ ရက်ပိုင်းအတွင်းက အမေရိကန်နိုင်ငံခြားရေးဝန်ကြီးဌာနမှ အရှေ့အာရှနှင့်ပစိဖိတ်ရေးရာ လက်ထောက်နိုင်ငံခြားရေးဝန်ကြီး မစ္စတာ ကာ့တ်ကမ်ဘဲလ်နှင့် ဒု-လက်ထောက်နိုင်ငံခြားရေး ၀န်ကြီး စကော့မာရှယ်တို့အဖွဲ့ လာရောက်သည့် ခရီးစဉ်အထိပင်ဖြစ်သည်။

သို့သော် မစ္စတာကာ့တ်ကမ်ဘဲလ်နှင့် စကော့မာရှယ်တို့ လာရောက်သည့် ခရီးစဉ်၏ ရလဒ်သည်လည်း ယခင့်ယခင် ကြားဝင်ဆောင်ရွက်ခဲ့ကြသည့် ကုလသမဂ္ဂအထူးကိုယ်စားလှယ်များ၏ ခရီးစဉ်များနှင့် မခြားနားသော အခြေအနေမျိုးဖြင့်သာ အဆုံးသတ်ခဲ့သည်ကို တွေ့မြင်ရပေသည်။ နအဖစစ်အုပ်စုဘက်မှ အဆုံးအဖြတ်ပေးနိုင်သည့် စစ်ခေါင်းဆောင် ဗိုလ်ချုပ်မှူးကြီး သန်းရွှေနှင့် တွေ့ဆုံခွင့်မရရှိဘဲ ပြန်သွားခဲ့ရပြီးနောက် ယခင်ကိုယ်စားလှယ်များနည်းတူ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများကို လွှတ်ပေးရန်၊ တွေ့ဆုံဆွေးနွေးရေးလုပ်ရန် ထိုသို့ထင်သာမြင်သာသည့် တိုးတက်မှုများရှိမှသာ စီပွားရေးအရ ပိတ်ဆို့အရေးယူမှုများကို လျော့ပေါ့ပေးသွားမည်ဆိုသည့် ဖြေကြားမှုများဖြင့် ခရီးစဉ်အား အဆုံးသတ်ခဲ့သည်ကို တွေ့ရသည်။

အနည်းငယ်ထူးခြားသည်မှာ ကာ့တ်ကမ်ဘဲလ်၏ ခရီးစဉ်၌ ယခင်ကိုယ်စားလှယ်များ လာရောက်စဉ်က ကန့်သတ်ခံထားရသည့် အမျိုးသားဒီမိုကရေစီအဖွဲ့ချုပ် ဗဟိုကော်မတီဝင် ဦးဝင်းတင်နှင့် ညီညွတ်သောတိုင်းရင်းသားများ မဟာမိတ်အဖွဲ့ (ယူအန်အေ) မှ တိုင်းရင်းသားခေါင်းဆောင်များကို တွေ့ဆုံခွင့်ရခဲ့ခြင်းနှင့် စီးပွားရေးပိတ်ဆို့မှု လျှော့ပေါ့ရေးအတွက် မက်လုံးပေးပြောဆိုနိုင်မှုတို့ပင်ဖြစ်သည်။

နအဖစစ်အုပ်စုဘက်မှ ပြုမူဆက်ဆံပုံကို သတိထားသုံးသပ်ကြည့်လျှင်မူ အမေရိကန်အစိုးရ၏ ကြားဝင်ဆောင်ရွက်မှုကို လက်ခံခဲ့သည့် သူတို့၏ ရည်ရွယ်ချက်သည် အမေရိကန် လိုလားသည့်အတိုင်း တွေ့ဆုံဆွေးနွေးရေးလုပ်ရန်နှင့် နိုင်ငံရေးအရ တိုးတက်မှုရှိကြောင်း ပြသနိုင်ရန် လုပ်ကိုင်ဆောင်ရွက်လို၍ မဟုတ်ဘဲ သူတို့စစ်အုပ်စုအပေါ် အထိနာစေသည့် စီပွားရေးပိတ်ဆို့ အရေးယူမှုများကို လျှော့ပေါ့ပေးစေလိုခြင်းကြောင့်သာ အတိုက်အခံအင်အားစုများနှင့် ဟန်ပြတွေ့ဆုံခွင့်ပြုခဲ့ခြင်းဖြစ်သည်ကို တွေ့ရှိရမည်ဖြစ်ပေသည်။

နအဖလိုလားသည်က အမေရိကန်ဘက်မှ စီပွားရေးပိတ်ဆို့အရေးယူမှုများကို အရင်လျှော့ပေါ့ပေးစေလိုခြင်းဖြစ်ပြီး အမေရိကန်အစိုးရအနေဖြင့်က ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများအားလုံးကို လွှတ်ပြီး စစ်မှန်သည့် တွေ့ဆုံဆွေးနွေးမှုကို အရင်ပြုလုပ်မှ လျှော့ပေါ့ပေးလိုခြင်းဖြစ်သည့်အတွက် နအဖ၏ အကြံအစည်နှင့် အမေရိကန်အစိုးရ၏ ကြားဝင်ဆောင်ရွက်သည့် ရည်ရွယ်ချက်သည် လတ်တလောအခြေအနေတွင် ဖြောင့်ဖြောင့်ကြီး ဆန့်ကျင်နေသည်ကို တွေ့မြင်ရပေသည်။

ထို့အပြင် နအဖစစ်အုပ်စုက သူတို့စိတ်ကြိုက်ရေးဆွဲထားသည့် ၂၀၀၈ အခြေခံဥပဒေကို အသက်သွင်းချင်၍သာ ၂၀၁၀ ရွေးကောက်ပွဲကျင်းပလိုနေခြင်းဖြစ်သဖြင့် တတ်နိုင်သမျှ အတိုက်အခံအင်အားစုများ၏ ပါဝင်ခွင့်ကို ကန့်သတ်ထားလိုသည်။ သို့သော် အမေရိကန်၊ ဂျပန်နှင့် အနောက်အုပ်စုအစိုးရများက ပါဝင်သင့် ပါဝင်ထိုက်သည့် ပုဂ္ဂိုလ်များကို ၀င်ရောက်ယှဉ်ပြိုင်ခွင့်ပြုမှ ရွေးကောက်ပွဲကို အသိအမှတ်ပြုမည်ဟု ဆိုသည့်အတွက် အတိုက်အခံတို့ တောင်းဆိုနေသည့် တွေ့ဆုံဆွေးနွေးရေးပြုလုပ်ရန်နှင့် ဖွဲ့စည်းပုံအခြေခံဥပဒေကို ပြင်ဆင်ရန် ဆန္ဒမရှိသည့် နအဖစစ်အုပ်စုအဖို့ ရှေ့ဆက်ရန် အခက်တွေ့နေလေသည်။

အတိုက်အခံအင်အားစုများဘက်သို့ ငဲ့စောင်းကြည့်ရှုလျှင်လည်း မိမိတို့လိုလားသည့် တွေ့ဆုံဆွေးနွေးရေးနှင့် ဖွဲ့စည်းပုံအခြေခံဥပဒေ ပြင်ဆင်ရေးကို နအဖဘက်မှ မဖြစ်မနေ လက်ခံဆောင်ရွက်လာစေရန်အတွက် ဖိအား (လူထုတိုက်ပွဲ၊ စစ်ရေး၊ သံတမန်ရေးဖိအား) ပေးနိုင်သည့် အနေအထားမျိုး မတွေ့ရသေးပေ။ ထိုသို့ နအဖဘက်မှလည်း အလျှော့မပေး (အာဏာမစွန့်ချင်)၊ အတိုက်အခံဘက်မှလည်း နအဖစစ်အုပ်စု အလျှော့မပေး၍ မရအောင် ဖိအားပေးနိုင်ခြင်းမျိုးမရှိလျှင် လူကြီးနေရာမှ ကြားဝင်ဆောင်ရွက်သည့် အမေရိကန်အစိုးရအနေဖြင့် နအဖနှင့် အတိုက်အခံတို့အကြား တစုံတရာ ပြေလည်မှုရရှိအောင် မည်သို့မည်ပုံ ဆက်လက်ဆောင်ရွက်မည်လဲ သို့တည်းမဟုတ် ယခုအတိုင်းပင် မြန်မာ့နိုင်ငံရေး အကျပ်အတည်း လိပ်ခဲတည်းလည်း ဆက်ဖြစ်နေဦးမည်လားဆိုသည်ကို စောင့်ကြည့်အကဲခတ်ရဖို့ရှိပေသည်။

သမိုင်းသင်ကြားချက်တွေထဲက သတိပြုစရာတခု

ရဲဘော်ဖိုးသံချောင်း

တလောလေးကပဲ ပထမကမ္ဘာစစ်ပြီးဆုံးတာ အနှစ် (၉ဝ) မြောက်တဲ့ အခမ်းအနားများကို ဥရောပအနှံ့အပြားမှာ ခမ်းခမ်းနားနား ကျင်းပခဲ့ကြတာတွေ့ရပါတယ်။ ဗြိတိသျှဘုရင်မကြီးအပါအဝင် နိုင်ငံအများအပြားက ထိပ်သီးတွေ တက်ရောက်ကြပါတယ်။ ဒါပေမယ့် လူ့အသက်ပေါင်း (၈၇) သိန်းကျော် ချုပ်ငြိမ်းစေခဲ့တဲ့ ဒီစစ်ပွဲကြီး ပြီးသွားတာကြာပြီဖြစ်လို့လားမသိ၊

ဒီအခမ်းအနားမှာရော၊ ဒီကာလအတွင်း မီဒီယာတွေမှာရော ဒီစစ်ကြီးပေါက်ဖွားလာပုံ၊ အဆုံးသတ်သွားပုံတွေနဲ့ပတ်သက်လို့ သိပ်မပြောကြတော့ပါဘူး။ ပြောရတာများလို့ မောသွားကြတာလား၊ သဗ္ဗေသတ္တာအဝေရာဟောန္တုပဲ လုပ်လိုက်ကြတာလား မပြောတတ်ပါ။ ဒီနေရာမှာတော့ အဲဒီအထဲက မမေ့သင့်တဲ့ သင်ခန်းစာတခုကို ပြန်ထောက်ပြချင်ပါတယ်။
ဒုတိယကမ္ဘာစစ်နဲ့ ပထမကမ္ဘာစစ်တို့ဆက်နေပုံကို မှတ်မိကြလိမ့်အုန်းမယ်လို့ ထင်ပါတယ်။ ကမ္ဘာစစ်ကြီးတခုပြီးလို့ အနှစ် (၂ဝ) မရှိခင်မှာဘဲ နောက်ကမ္ဘာစစ်ကြီးတခုအတွက် ပြင်ဆင်ကြတာ၊ ခြေပုန်းခုတ်ကြတာ၊ တကယ်လည်း ပေါက်ကွဲထွက်လာတာ စတဲ့ကိစ္စတွေဟာ မတော်တဆတိုက်ဆိုင်မှုတွေမဟုတ်ပါဘူး။ အထူးသဖြင့် ဒုတိယကမ္ဘာစစ်ကြီးမှာ စတင်စစ်ခင်းသူဟာ ပထမ ကမ္ဘာစစ်ကြီးတုန်းက စစ်ရှုံးခဲ့သူဖြစ်တယ်ဆိုတဲ့အချက်ဟာ သတိမပြုဘဲမနေသင့်ပါဘူး။

ပထမကမ္ဘာစစ် ဘယ်လိုအဆုံးသတ်ခဲ့တယ်ဆိုတာကို ပြန်စဉ်းစားကြည့်ပါ။ စစ်ရှုံးသူဂျာမဏီအပေါ်မှာ ဗာဆိုင်းစာချုပ်- The Treaty of Versailles (၂၈-၆-၁၉) ၊ လော်ဇန်းစာချုပ် The Treaty of Lausanne (၂၄-၇-၂၃ ခု)၊ စိန့်ဂျာမိန်းစာချုပ် The Treaty of St. Germain (၁ဝ-၉-၁၉) စတဲ့စာချုပ်တွေ အများကြီးချုပ်ဆိုပြီး စစ်ရှုံးသူတွေကို ဖိထားခဲ့တာဖြစ်ပါတယ်။ ဗာဆိုင်း စာချုပ်ကိုဆိုရင် ဗြိတိန်နိုင်ငံကတောင်မှ ဂျာမဏီအပေါ်မှာတောင်းဆိုတာ သိပ်ပြင်းထန်လွန်းတယ်လို့ ပြောခဲ့ပါတယ်။ ဒီစာချုပ် ကြောင့်မို့ ဂျာမဏီနိုင်ငံဟာ စစ်မဖြစ်မီကရှိခဲ့တဲ့ သူ့နယ်မြေဧရိယာရဲ့ (၁၃.၅) ရာခိုင်နှုန်း (လူဦးရေ ၇ သန်း) ကို ဆုံးရှုံးသွားခဲ့ပါတယ်။ နောက်ပြီး ပြည်ပမှာရှိတဲ့ သူတို့ကိုလိုနီတွေ အားလုံးကိုလည်း လက်လွှတ်လိုက်ရပါတယ်။ တခါ တူရကီဟာဆိုရင်လည်း လော်ဇန်းစာချုပ်ကြောင့် သူ့ရဲ့ အော်တိုမန်အင်ပါယာဆိုတာကို လုံးဝလက်လွှတ်လိုက်ရပြီး နယ်မြေတွေ အများကြီးဆုံးရှုံးသွားပါတယ်။ ဟက်ဘ်စဘဂ်အင်ပါယာ (Habsburg empire) ကို ဆုံးရှုံးလက်လွှတ်လိုက်ရတဲ့ သြစထရီးယားနိုင်ငံဟာလည်း သူ့နဂိုဒေသတွေ ခွဲထုတ်ပေးပစ်ရ၊ သူ့တပ်ကို (၃) သောင်းအထိ လျှော့ချရ စသဖြင့် တသက်အခဲမကျေစရာတွေ ခံစားခဲ့ရပါတယ်။

ဒီလိုမတရားတဖက်သတ်ကျတဲ့ စစ်ပြေငြိမ်းစာချုပ်တွေကြောင့်မို့ ဒုတိယကမ္ဘာစစ်ကြီး ပေါ်ပေါက်တယ်ဆိုတာကို ကမ္ဘာ့သမိုင်း ပညာရှင်တွေနဲ့ စွယ်စုံကျမ်းအတော်များများကပဲ အသိအမှတ်ပြုကြပါတယ်။ မတရားအချုပ်ချယ်ခံခဲ့ရတဲ့ နိုင်ငံတွေမှာ အမျိုးသားရေးစိတ်ဓာတ်နဲ့ လူထုကို စည်းရုံးလို့အကောင်းဆုံးလည်း ဖြစ်ခဲ့ပါတယ်။ စစ်ပွဲကြီးတပွဲပြီးတယ်ဆိုတိုင်း ငြိမ်းချမ်းရေးအတွက် အာမခံချက် ရတာမဟုတ်ကြောင်း ဒီခေတ်လူသားတွေကို ဒီသမိုင်းက ဖော်ပြနေပါတယ်။ နောက်ပြီး ပဋိပက္ခတွေကို တဖက်သတ်ဖြေရှင်းတဲ့နည်းနဲ့ ဖြေရှင်းလို့မရကြောင်းလည်း သင်ခန်းစာယူသင့်ပါတယ်။

ဒါနဲ့တဆက်တည်း၊ မကြာသေးမီကမှ ပြီးဆုံးသွားတဲ့ စစ်အေးစစ်ပွဲကိစ္စကိုလည်း ပြန်စဉ်းစားစရာသင့်ပါတယ်။ စစ်အေးစစ်ပွဲ ဆိုတာကြီးဟာ သေနတ်သံတချက်မကြားရဘဲ ပြီးသွားတယ်လို့ ပြောရင်ရပါတယ်။ ဘယ်လိုစစ်ပြေငြိမ်းစာချုပ်၊ အပစ်အခတ်ရပ်စဲရေး လက်မှတ်ရေးထိုးတာတွေမရှိဘဲ သိန်းနဲ့ချီတဲ့ ဝါဆောစာချုပ်တပ်ဖွဲ့ဆိုတဲ့ ဧရာမစစ်တပ်တွေလည်း ပျောက်ကွယ်သွားပါတယ်။ ဒါပေမယ့် အဲဒီလိုဖြစ်သွားတဲ့အတွက် အဲဒီဒေသတွေမှာ တကယ်တမ်းငြိမ်းချမ်းရေးရခဲ့ပါသလား။ မနည်းလှတဲ့ နိုင်ငံတွေမှာ ဒုတိယကမ္ဘာစစ် ပြီးတဲ့နောက် အကြီးမားဆုံးပြိုကွဲမှုတွေနဲ့ ပထမဆုံးသေနတ်သံတွေ ပြန်ကြားလာရတယ် မဟုတ်ပါလား။ ပြောရရင် ဝါဆောစစ်အုပ်စု မရှိတော့တဲ့အတွက် နေတိုးစစ်အုပ်ရဲ့ တည်ရှိမှုဟာလည်း အဓိပ္ပာယ်မရှိတော့ပါဘူး။ တရားအရဆိုရင် သူလည်း တဖြည်းဖြည်း ပျောက်ကွယ်ရတော့မှာပါ။ ဒါပေမယ့် အခုတော့ အဲဒီလိုမဟုတ်ဘဲ နေတိုးကိုတိုးချဲ့လာလိုက်တာ ရုရှားနဲ့နယ်စပ်ချင်း ကပ်နေတဲ့ နိုင်ငံတွေကိုတောင် ရောက်လာပါပြီ။ ဒီလိုနဲ့ ပူတင်တို့ဘက်ကလည်း အခုအခါ အမျိုးသားရေးကြွေးကြော်သံတွေကိုတင်ပြီး စစ်အင်အားတိုးချဲ့တာ၊ ဖြည့်ဆည်းတာတွေ လုပ်လာလို့ ဒုတိယစစ်အေးစစ်ပွဲကို ပြန်ရောက်လာအုန်းမှာလားလို့ တွေးစရာ၊ မေးစရာဖြစ်လာနေပါတယ်။ တပါတည်း ဗမာပြည်နိုင်ငံရေးရဲ့ အခုနောက်ဆုံးဖြစ်ပေါ်မှုတွေဟာ အဲဒီမပေါ်ပေါက်သေးတဲ့ ဒုတိယစစ်အေးစစ်ပွဲနဲ့များ ဆက်နေသလားလို့တောင် တွေးစရာဖြစ်လာနေတယ်မဟုတ်ပါလား။

ကမ္ဘာစစ်တခုပြီးတော့ နောက်ကမ္ဘာစစ်တခု။ စစ်အေးစစ်ပွဲတခုပြီးတော့ နောက်စစ်အေးစစ်ပွဲတခု။

ဒီလိုပါပဲ။ သမိုင်းမှာ တဖက်စီးနင်းဆုံးဖြတ်ခဲ့၊ လုပ်ကိုင်ခဲ့တာတွေဟာ တကယ်တမ်းပြီးပြတ်သွားတာ မဟုတ်ပါဘူး။ တန်ပြန်တဲ့ အကျိုးဆက်တွေနဲ့ ကြုံရတတ်ပါတယ်။ ဒီကနေ့ ဗမာနိုင်ငံမှာ ဒီနေ့ဖြစ်ပျက်နေတာတွေကိုကြည့်ပြီး အရာရာကို နအဖစစ်အုပ်စုက ထင်သလို ခြယ်လှယ်လုပ်ကိုင်နိုင်နေပြီ၊ နအဖစစ်အစိုးရဟာ သင်္ခါရတရားနဲ့ကင်းလွတ်နေသူတွေဖြစ်တယ်၊ ကျန်တဲ့တနိုင်ငံလုံး၊ ပြည်သူတရပ်လုံးဟာ သူတို့ပေးသနားတဲ့ စပေ့စ်လေးထဲမှာပဲ လှုပ်ရှားကြပေတော့လို့ဆိုပြီး ၂ဝ၁ဝ ရွေးကောက်ပွဲကို တခုတည်းသော တလမ်းသွားလမ်းကြောင်းလို ပြောသူတွေက ပြောနေကြပါတယ်။ ဒီလိုအနေအထား အောက်မှာ နအဖဗိုလ်ချုပ်တွေဟာလည်း နေမြင့်လေအရူးရင့်လေဆိုသလို အဲဒီလိုမြှောက်ပြောတာတွေကို နားထောင်ရင်း စိတ်ကြီးဝင်သထက်ဝင်၊ အတိုက်အခံတွေကို ရှိတယ်လို့တောင်မှ သဘောမထားဘဲ လုပ်ချင်တာလုပ်နေကြပါတယ်။

၁၉၉ဝ ပြည့်နှစ် ရွေးကောက်ပွဲမှာ ပြည်သူတွေက တခဲနက်မဲပေးထားတဲ့ အမျိုးသားဒီမိုကရေစီအဖွဲ့ချုပ်ကို ရန်ကုန်မှာသာ တမြို့တည်းမှာသာ ဆိုင်းဘုတ်တင်ခွင့်ပေး၊ သူတို့ကိုဖားနေတဲ့ “ပြည်ထောင်စုမြန်မာနိုင်ငံအမျိုးသားနိုင်ငံရေးအဖွဲ့ချုပ်” ဆိုတဲ့ အဖွဲ့လိုဟာတွေကိုတော့ တိတ်တိတ်ထောက်ပံ့ကြေးတွေပေးပြီး တပြည်လုံးမှာ လှုပ်ရှားခိုင်းထားပါတယ်။ ဒီလိုပဲ ဗမာပြည်နိုင်ငံရေးမှာ ဘုရားကားအောက် မျောက်ကားအထက် ဖြစ်နေတာကြာပါပြီ။

စစ်အာဏာရှင်တွေရဲ့ ၂ဝ၁ဝ ရွေးကောက်ပွဲနဲ့နီးလာလေလေ၊ အမျိုးသားဒီမိုကရေစီအဖွဲ့ချုပ်ကို ရွေးကောက်ပွဲမဝင်ရင် ဖျက် သိမ်းပစ်မယ်၊ အမျိုးသားဒီမိုကရေစီအဖွဲ့ချုပ်ထဲမှာ ရွေးကောက်ပွဲဝင်ဖို့ ဆုံးဖြတ်ချက်ကျပြီးပြီ စတဲ့ကောလာဟလတွေ အကျယ် အပြန့် ကြားလာရပါတယ်။ ဘယ်သူကလွှင့်တယ်ဆိုတာတော့ မသိရပါဘူး။ ဒါပေမယ့် ကြက်တူရွေးထက်ကဲနေတဲ့ မယ်ဘော်တွေကတော့ အမျိုးသားဒီမိုကရေစီအဖွဲ့ချုပ်ကို ဖျက်သိမ်းပစ်ခံချင်သလားလို့တောင် မောက်မောက်မာမာ၊ မိုက်မိုက်ရိုင်းရိုင်းတွေ ရေးနေကြပါတယ်။ သူတို့အနေနဲ့ ဒီလိုရေးလိုက်ခြင်းအားဖြင့် အမျိုးသားဒီမိုကရေစီအဖွဲ့ချုပ်ကိုလည်း မခြောက်လှန့်နိုင်ဘူး၊ ပြည်သူလူထုကိုလည်း မျက်စိလည်အောင်မလုပ်နိုင်ဘူးဆိုတာ သူတို့သိပါတယ်။ တကယ်က ဆရာလုပ်တာအကျင့်ပါနေတဲ့ သူတို့ဟာ နအဖစစ်ဗိုလ်ချုပ်တွေကို “ချလိုက်ပါတော့လား” ဆိုတာမျိုး အကြံပေးတိုက်တွန်းနေတာသာ ဖြစ်ပါတယ်။

အထက်မှရေးခဲ့သလိုပဲ သမိုင်းဆိုတာ အသာစီးရနေတုန်း တဖက်သတ်လုပ်ခဲ့တာတွေနဲ့ချည်း ပြီးသွားတာမဟုတ်ပါဘူး။ တန်ပြန်ကိစ္စတွေ ပေါ်ထွက်လာနိုင်ပါတယ်။ တန်ပြန်တယ်ဆိုရင် ပိုတောင်ပြင်းထန်၊ ပိုတောင်သဲသန်တတ်တယ်ဆိုတာကိုလည်း မမေ့သင့်ပါဘူး။


စနစ်တကျလေးတော့ ပျက်စေချင်

ရန်ကုန်သားတာတေ

ကျွန်ုပ် ဆြာတေ ဒီနေ့ ဆိုက်ကားထွက်ဖို့ မလွယ်တော့ ...။ မနေ့က လ မသာသည့် ည မှောင်မည်းမည်းတွင် .. မလင်းသော လမ်းမီးတိုင်အောက် … ဆိုက်ကား မှောက်သွား သောကြောင့် ဖြစ်သည်။ လူက သိပ်မထိ သော်လည်း ဆိုက်ကားခွေတော့ တော်တော်လေးလိန်သွားသည်။ ဦးရုက္ခစိုးကြီး ပြောဖူးသည့် လကမ္ဘာနှင့် တူသော ကျင်းကြီးကို မမြင်ဘဲ နင်းမိသောကြောင့်ဖြစ်သည်။

မဒမ်တေက ပွစိပွစိ ရေရွတ်နေသည်။ ဒီနေ့ ကမ္ဘာ့ အကြမ်းဖက်မှု ဆန့်ကျင်ရေးနေ့ ဆိုတော့ သူ့ ပွစိပွစိကို လွှတ်ပေး ထားလိုက်သည်။ တော်ကြာ ပြန်ပြောမိတာကို စကားလုံးဖြင့် အကြမ်းဖက်သည်ဟု စွပ်စွဲနေမှဖြင့်။

မဒမ်တေ။ ။ အဲဒီဆိုက်ကားခွေပြင်ရင် ဘယ်လောက်ကုန်မှာလဲ။

ဆြာတေ။ ။ ၅ ထောင်၊ ၁ သောင်းလောက်တော့ ကုန်မှာပေါ့ကွာ။

တကယ်တော့ ပိုပိုသာသာလေး ပြောလိုက်ခြင်းဖြစ်သည်။ ဒါမှ ဘတ်ငွေလေး နည်းနည်းပါးပါး ထွက်လာမည် မဟုတ်လား။


မဒမ်တေ။ ။ ဒုက္ခပါပဲ … ကိုတာတေရယ်။ ရှင်ကလည်း ဒီလောက်ကြီးတဲ့ ချိုင့်ကြီးတောင် မမြင်ဘူးလား။

ဆြာတေ။ ။ သြော် … လမ်းမီး ပျက်နေတာလေ။ လကလည်း မသာတော့ ဘယ်မြင်ပါ့မလဲ။

မဒမ်တေ။ ။ လမ်းမီးပျက်တာ သတင်းမှမဟုတ်ဘဲ၊ လကတော့ တိမ်ဖုံးရင် ဘယ်မြင်ရမလဲရှင့် ...။ တော့်ဘာသာ သွားနေ လာနေကျလမ်း … ဒီနားမှာ ချိုင့်ရှိတယ် … ဟိုနားမှာ ချိုင့်ရှိတယ် မှတ်ထားမှပေါ့။

ဆြာတေ။ ။ သွားနေလာနေကျလမ်း ဘယ်နားမှာ ဘာရှိတယ်ဆိုတာ မျက်စိမှိတ်ပြီးတောင် သိသေးတယ်။ အဲဒီချိုင့်က မနက်ပိုင်းမှာ မရှိသေးဘူးဟ။ ညကျမှ ဘယ်ကဘယ်လို ရောက်လာလဲ မသိဘူး။

မဒမ်တေ။ ။ ကဲပါ … ထားလိုက်ပါတော့။ ၅ ထောင်၊ ၁ သောင်းအကုန်ခံပြီးတော့ ရှင့်ခွေကို မပြင်နိုင် သေးဘူး။ ဒီနေ့တော့ ဆိုက်ကား နားလိုက်တော့ပေါ့။ ဒါပေမယ့် ရှင်က ဘာလုပ်မှာလဲ။

ဆြာတေ။ ။ ငါက … ဒေဝါလီမဂ္ဂဇင်းအတွက် စာမူ ကြွေးလေး ပေးစရာရှိတာ ရေးမလားလို့ ...။

တကယ်တော့ “စာရေးမလို့ စဉ်းစားနေတာ” ဆိုပြီး ငုတ်တုတ် ငိုက်မည့် အကြံနှင့် ဖြစ်သည်။ မဒမ်တေ ကလည်း ကျွန်ုပ်၏ ဇနီးပီပီ အကြံကို သိပုံရသည်။ “ရှင် စာရေးမလို့ စဉ်းစား နေတာဆိုပြီး ငိုက်မလို့ မဟုတ်လား … သိတယ်၊ မရဘူး … ဆိုက်ကား မထွက်ရင် အိမ်အလုပ်ကူလုပ်၊ လောလောဆယ် ထမင်း တအိုးတည်” ဟူ၍ အမိန့်တရပ် ချမှတ်လိုက်လေတော့သည်။

ထိုစဉ် ကျွန်ုပ်တို့ရှေ့၌ ကိုယ်ရောင်ကိုယ်ဝါ ပြိုးပြက်တောက်ပနေသူတဦး ရုတ်တရက် ကိုယ်ထင်ပြလေသည်။ တခြားသူမဟုတ် … ကျွန်ုပ်၏ ဇာတ်လိုက်ကျော်ကြီး ဦးရုက္ခစိုးပင် ဖြစ်သည်။

ရုက္ခစိုး။ ။ ဘယ်လိုလဲ ကိုတာတေ၊ ဆိုက်ကားထွက်မရလို့ အနားယူမယ်ထင်တယ် … ဟုတ်လား။

ဆြာတေ။ ။ ဆိုက်ကားမထွက်တာတော့ ဟုတ်တယ်။ အနားယူတာတော့ မဟုတ်ပါဘူး ဦးရုက္ခစိုးရယ်။ ခုပဲ ထမင်းအိုးတည်ဖို့ ဆန်ဆေးနေရပြီ မတွေ့ဘူးလား။

ရုက္ခစိုး။ ။ ထမင်းတည်တာများ … ပေါင်းအိုးလေးနဲ့ … ခလုပ်ကလေး ထောက်ဆို နှိပ် … ပြီးသွားတဲ့ဥစ္စာ။

ဦးရုက္ခစိုး၏ အပြောကို မဒမ်တေက မျက်စောင်းထိုးကြည့်ရင်း .. “ကြည့်သေးတာပေါ့” ဟု ဆိုသည်။ မီးက သဘောကောင်းစွာ လာနေသည်။ ကျွန်ုပ်က ဆန်ဆေးပြီးသားအိုးကို ပေါင်းအိုးထဲ ထည့်ကာ ခလုပ်နှိပ်လိုက် သည်။

ဆြာတေ။ ။ ထမင်းအိုး တည်တာကတော့ ခလုပ်ကလေး နှိပ်ရုံဆိုတော့ လွယ်ပါတယ် ဦးရုက္ခစိုးရယ်။ မလွယ်တာက စာရေးတာပါ။ ကုန်ကြမ်းက တဖြည်းဖြည်းရှားလာပြီ။ ဦးနှောက်ဘယ်လို သုံးရတယ်ဆိုတာ ဒီမိန်းမ နားလည်တာ မဟုတ်ဘူး။

ဦးရုက္ခစိုးကို ပြောသလိုလိုနှင့် မဒမ်တေကို လှမ်းတွယ်လိုက်စဉ် မီးက ပျက်သွားသည်။ “ကဲ … မီးက ပျက်သွားပြီ … ရှင် ဘယ်လိုဆက်လုပ်မလဲ” ဆိုသည့် အဓိပ္ပာယ်မျက်စောင်းကို မဒမ်တေက ထိုးသည်။

ဆြာတေ။ ။ မီးက ခဏလေး ပျက်တာ နေမှာပါကွာ … စောင့်ကြည့်လိုက်မယ်။

ရုက္ခစိုး။ ။ မဖြစ်ဘူးထင်တယ်နော် ဆြာတေ … အီးပီစီမှာ အမျိုးရှိရင်တောင် သိဖို့ မလွယ်လောက်တဲ့ ကိစ္စ။

ဆြာတေ။ ။ ဟာ … သိပြီ … ဦးရုက္ခစိုးက တန်ခိုးရှင်ပဲ။ မီး ဘယ်အချိန် ပြန်လာမလဲ မသိဘူးလား။

ရုက္ခစိုး။ ။ ကြံကြံဖန်ဖန် … ။ တခြားကိစ္စတွေမှာသာ တန်ခိုးရှင် … ဒီလျှပ်စစ်မီးကျတော့ မသိဘူးဗျ။

ထိုစဉ် မီးက ဖျပ်ခနဲ ပြန်လာသည်။

ဆြာတေ။ ။ ကဲ … မီးလာပြီ ဆိုတော့ … ကုန်ကြမ်းအကြောင်း ဆက်ဆွေးနွေးရင် ကောင်းမယ် … ။

ရုက္ခစိုး။ ။ တခုတော့ရှိတယ် … မိုးလေဝသ ဌာနအကြောင်း ရေးပါလား။ နိုင်ငံတကာမှာ မိုးလေဝသ သတင်း အချက်အလက်တွေကို အခမဲ့ ဖြန့်ဝေနေတဲ့အချိန်မှာ … မြန်မာနိုင်ငံမှာတော့ ပိုက်ဆံပေးမှ သတင်း ရမယ်တဲ့။

ဆြာတေ။ ။ ဒါကတော့ ဦးရုက္ခစိုးရယ် … ။ သူတို့လည်း ဖားကောင်ရေ တိုးချဲ့မွေးမြူဖို့ ငွေလိုလို့ နေမှာပေါ့။ အဲဒီအကြောင်းကတော့ မရေးတော့ပါဘူး။

ရုက္ခစိုး။ ။ ဖားက ဘာကိစ္စ မွေးရပြန်တာတဲ့တုန်း။

ဆြာတေ။ ။ ဦးရုက္ခစိုးကလည်း ဝေးရန်ကော … မိုးလေဝသနဲ့ ဇလဗေဒဦးစီးဌာနမှာ ခေတ်မီစက် ကိရိယာတွေ ဝယ်မတပ်နိုင်လို့ ဖားတွေပဲမွေးပြီး မိုးလေဝသအခြေအနေ ခန့်မှန်းရမယ်လေ ...။

ဧည့်သည်လာတိုင်း မဒမ်တေ့ ဆူအောင့်ခြင်းမှ ခေတ္တလွတ်ငြိမ်းချမ်းသာခွင့် ရလေ့ရှိသည့် ကျွန်ုပ်၏ ဘဝပေး ကုသိုလ်ကြောင့် ဦးရုက္ခစိုးကြီး ပြန်မသွားစေရန် စကားကို အမျှင်မပြတ်အောင် ပြောနေရ လေသည်။ ထိုစဉ် လျှပ်စစ်မီးက ပျက်သွားပြန်သည်။ ဒီတချီမှာတော့ ထမင်းအိုးက ဆူပွက်သည့် အဆင့် စတင် နေပြီ ဖြစ်သည်။ မဒမ်တေက ကျွန်ုပ်ကို “ဘယ့်နှယ်ရှိစ” ဆိုသည့် မျက်နှာပေးဖြင့် ကြည့်သည်။

ဆြာတေ။ ။ ခုန တောင် ပြန်လာသေးတာပဲ … ခဏပဲပျက်တာနေမှာပါ … စောင့်ကြည့်တာပေါ့။

ကျွန်ုပ်တို့ အနားတွင်တော့ ထမင်းအကျက်ကို စောင့်ဆိုင်းနေသော ကျွန်ုပ်၏ ဘု စု ခရု ငါးကောင်က ဝန်းရန်နေသည်။ သူတို့၏ ကြွက်စီ၊ ကြွက်စီ အသံများကြောင့် လေပေးမဖြောင့်နိုင်သည့်အတွက် …

ဆြာတေ။ ။ ထမင်းလည်း မကျက်သေးဘူး ဆိုတော့ … မိန်းမ … ကလေးတွေကို ရေချိုးပေး လိုက်ပါလား။

မဒမ်တေ။ ။ မီးမလာလို့ ရေလည်း မလာဘူးလေ။ ရှင်ပဲ ရေတွင်းက သွားထမ်းရမှာ ...။

မဒမ်တေ့ လက်နက်ကြီးက ပြင်းလေစွ။ ကျွန်ုပ်ဘက်ကို ပြန်လှည့်လာသောကြောင့် အသာငြိမ်နေ လိုက်ရသည်။

ရုက္ခစိုး။ ။ ကျုပ်အကြံပေးရရင်တော့ လျှပ်စစ်မီးကို အားမကိုးဘဲ မီးသွေးမီးပဲ မွှေးလိုက်ရင် ကောင်းမယ် ထင်တယ်။

ကျွန်ုပ်ဆြာတေ မီးစမွှေးလေပြီ။ မီးသွေး မီးဖို တလုံးနှင့် အလုပ်ရှုပ်နေစဉ် … လူတဦး ငိုက်စိုက် ငိုက်စိုက်ဖြင့် ကျွန်ုပ်၏ ဂေဟာထဲ ဆိုက်ဆိုက်မြိုက်မြိုက် ဝင်လာသည်ကို တွေ့လိုက်ရသည်။ ဦးရုက္ခစိုးက ဧည့်ထောက် ခံလိုက်သည်။

ရုက္ခစိုး။ ။ ဟာ … ချိုကုပ်ဒူးကြီး … ဘယ်က လှည့်လာတာလဲ။ ကျုပ်က လေးလပတ်စည်းဝေးထဲ ရောက်နေတယ် အောက်မေ့လို့။

ချိုကုပ်။ ။ ဟုတ်တယ်လေ … ပျင်းစရာကြီးပါဗျာ ...။ ပြောပြီးသားတွေပဲ ပြန်ပြောကြမှာ။ အဲဒါကြောင့် စိတ်ညစ်လို့ထွက်လာတာ။

ကျွန်ုပ်ဆြာတေကတော့ မီးကို အားကျိုးမာန်တက် မွှေးဆဲဖြစ်သည်။ တည်လက်စ ထမင်းအိုးက အေးနေပြီ။ ထိုစဉ် လျှပ်စစ်မီးက ပြန်လာပြန်သည်။ ထို့ကြောင့် ထမင်းအိုးကို လျှပ်စစ်နှင့်သာဆက်တည်ထားလိုက်သည်။

ရုက္ခစိုး။ ။ ကိုတာတေ … ဘယ်လိုလဲ။ လျှပ်စစ်နဲ့ပဲ ဆက်ချက်မလို့လား။

ချိုကုပ်။ ။ ဘာဖြစ်ကြတာလဲ … မီးပျက်တာလား။ မီးပျက်တာလောက်တော့ မဆန်းဘူး ထင်တယ်ဗျ ..။ ကျုပ်တိုင်းပြည်မှာ အကုန်ပျက်နေတာပဲဟာ။ မပျက်ဘူးဆိုရင်သာ ဆန်းတာ ...။

ရုက္ခစိုး။ ။ ဟုတ်ပါတယ်။ ဒီနေ့က ကိုတာတေ ထမင်းချက် တာဝန်ကျလို့ မီးမလာတဲ့ကိစ္စ အသံထွက် နေတာ။

ချိုကုပ်။ ။ လျှပ်စစ်မီး မလာရင် မီးမွှေးချက်ပေါ့ဗျာ။ ဆန်းတာမှတ်လို့။ ရေအားလျှပ်စစ်က ဈေးကောင်း တယ် .. ဘာလုပ်ဖို့ ပြည်သူလူထု သုံးမလဲ။ သူများနိုင်ငံ ရောင်းစားမှာပေါ့ မဟုတ်ဘူးလား။ လမ်းတွေ ပျက်တော့လည်း ကိုယ်ထူကိုယ်ထ ခင်းလိုက်။ ကျုပ်က ပြည်သူလူထုကို ထုသားပေသား ကျအောင် လေ့ကျင့်ပေးနေတာ။ ဒါမှ လာမယ့် အနာဂတ်နိုင်ငံတော် တည်ဆောက်တဲ့အခါ ခံနိုင်ရည်ရှိမှာ ...။

ရုက္ခစိုး။ ။ ဒါဆို … ဝန်ထမ်းတွေ၊ တပ်မတော်သားတွေ၊ ရဲတွေ အကျင့်ပျက်တာကျတော့ကော။

ချိုကုပ်။ ။ ဒါလည်း … အသစ်မဟုတ်ပါဘူး။ တယောက်တလေ ပျက်တာမှ မဟုတ်တာ။ အကုန်လုံး ပျက်တာပဲဟာ။ မပူနဲ့ … သူလည်းပျက်၊ ကိုယ်လည်းပျက် ဆိုတော့ ပျက်တယ်လို့ကို ထင်စရာ မရှိတော့ဘူး။

ဆြာတေ။ ။ ချိုကုပ်ဒူးကြီး လက်ထက်မှာ ကောင်းတာ တခုမှ မရှိတော့ဘူး ထင်တယ်နော်။

ချိုကုပ်။ ။ ဘာမှမရှိဘူး။ တမျိုးတော့မထင်ပါနဲ့ဗျာ၊ နောက်တက်မယ့် အစိုးရ … အလုပ်မလုပ်မှာစိုးလို့ … ပြဿနာလေးတွေ ချန်ခဲ့တာပါ။

ထိုစဉ် လျှပ်စစ်မီးက ပြန်ပျက်သွားပြန်သည်။ ဒီတခါ ထမင်းအိုးအဖုံး ဖွင့်ကြည့်လိုက်တော့ ဆန်စေ့တဝက် ထမင်းဖြစ်ခါစ တဝက် အနေအထား၊ ဖိုပေါ်ပြောင်းတင် ငှဲ့ချက်ဖို့လည်း အဆင်မပြေတော့၊ ခုတော့ ထမင်းအိုး တကယ် ပျက်ပြီ။ ချိုကုပ်ဒူးကြီး ကတော့ အာပေါင်အာရင်း သန်သန်ဖြင့် ဆက်ဆွေးနွေးနေဆဲ။

ချိုကုပ်။ ။ လူတွေကလည်းတော်တော် ဆိုးတယ်ဗျာ၊ ဟိုဟာပျက် … ပျက်ပြန်ပြီ၊ ဒီဟာပျက် … ပျက်ပြန်ပြီနဲ့ ...။ အဲဒါကြောင့် ဒီမိုကရေစီနဲ့ သူတို့ကို မထိုက်တန်သေးဘူးလို့ ပြောနေရတာ။

ထိုစဉ် ငြိမ်နေသော မဒမ်တေက ဝင်ပြောသည်။ ကျွန်ုပ်လှမ်းတားဖို့ အလျင်မမီတော့ ...။

မဒမ်တေ။ ။ ချိုကုပ်ဒူးကြီးတို့ ပျက်ချင်သလိုပျက်ပါ။ ပျက်ချင်တာတွေ ပျက်ပါ …။ ပျက်တယ်ဆိုတာ ကျမတို့အတွက် လုံး ….. ဝ မဆန်းတဲ့အတွက် ပြဿနာ … လုံး ….... ဝ မရှိပါဘူး။ မီးပဲ ပျက်ပျက်၊ ရေပဲ ပျက်ပျက်၊ လမ်းပဲ ပျက်ပျက်၊ အကျင့်တွေပဲ ပျက်ပျက် … ပျက်လို့ရပါတယ်။

ချိုကုပ်။ ။ အင်း … ကိုတာတေ … ခင်ဗျားမိန်းမကမှ သဘောထား ပြည့်ဝသေးတယ်၊ တွေ့လား။

မဒမ်တေ ဝင်ပြောသည်ကို ချိုကုပ်ဒူးကြီး သဘောခွေ့သွားသည်။

မဒမ်တေ။ ။ တခုတော့ရှိတယ် … ချိုကုပ်ဒူးကြီးတို့ ပျက်တာတွေက နည်းနည်း ပရမ်းပတာ နိုင်လွန်းတယ်။ ပျက်ချင်ရာ … ပျက်နေပေမယ့် … စနစ်တကျ ပျက်တယ်ဆိုရင် နည်းနည်း ခံနိုင်သေးတာပေါ့။ ခုဟာက ဘယ်အချိန်မှာ … ဘယ်ဟာက ဘယ်လို ပျက်မယ်ဆိုတာ မသိရတော့ ကျမတို့လည်း ဘာလုပ်ရမှန်း မသိတော့ဘူး ...။ ခုပဲကြည့် … လျှပ်စစ်မီးက ဘယ်လို ပျက်နေမှန်းမသိတော့ ကျမတို့ မိသားစု ဒီနေ့ ထမင်း ငတ်ပြီရှင့် သိရဲ့လား။

ဗိုက်ဆာသောကြောင့် အော်ငိုနေသော ကျွန်ုပ်၏ ဘုစုခရုတို့ အသံနှင့် မဒမ်တေ့ ဒေါသက ကျွန်ုပ်ဂေဟာကို လွှမ်းမိုးလျက်ရှိရာ ဆက်နေလျှင် ဒေါသစက်ကွင်း သင့်မည်ကို သိသော ချိုကုပ်ဒူးကြီး ထိုင်ရာက ထသည်။

ချိုကုပ်။ ။ ဟုတ်ပြီ ဟုတ်ပြီ ဒါ မှတ်သားရမယ့် အချက်ပဲ၊ ကျုပ် အခုလုပ်နေတဲ့ လေးလပတ် အစည်းအဝေးမှာ တင်ပြပေးပါ့မယ်။

ချိုကုပ်ဒူးကြီး ကမန်းကတန်း ထလစ်သွားသည်။ ဦးရုက္ခစိုးကတော့ ဘယ်အချိန်ကတည်းက ကိုယ်ရောင် ဖျောက်သွားလိုက်သည် မသိ။ ကျွန်ုပ်မှာတော့ မဒမ်တေ့ ဒေါသစက်ကွင်း ဗဟိုချက်တွင် တဦးတည်း အားငယ်စွာ ကျန်ခဲ့လေတော့သတည်း။

မြို့လယ်စည်ပင် အမှိုက်ရွေးပုံက ဒေသခံများ စိတ်ညစ် (ရုပ်သံသတင်း)

မဇ္စျိမသတင်းဌာန


သနားစရာ ကောင်းတဲ့၊ အကာ အကွယ်မဲ့ ခဲ့တဲ့ လူနာလေး တွေထဲက နှစ်ယောက် အကြောင်း ပြောပြ ချင်ပါတယ်။ သူတို့က မတူညီတဲ့ နေရာ ကနေ လာကြတာပါ။

တဦးက မကွေးတိုင်းက တောင်သူလုပ်ငန်း လုပ်ကိုင်သူ အမျိုးသမီးဖြစ်ပါတယ်။ သူ ကိုယ်ဝန်ပျက်ကျပြီးတဲ့နောက် သွေးသွင်း ကုသခံရာကနေ HIV ပိုး ကူးစက်ခဲ့ပါတယ်။ သူ ဘယ်လိုကြောင့် ဒီရောဂါပိုး ရခဲ့သလဲဆိုတာ သူ မသိဘူး။ သူ့ယောက်ျားကို အထင်လွဲတယ်။ သူ့ယောက်ျား အပျော်အပါး လိုက်စားလို့ သူ့ယောက်ျားဆီက ကူးတာလို့ တောက်လျှောက် စွပ်စွဲပြီး ရန်တွေ့နေတော့တာပါပဲ။ ယောက်ျားဖြစ်သူက ရှင်းပြတာကို လက်မခံ၊ ရန်လုပ်နဲ့ သံသရာ လည်နေတာပါ။

အဖြစ်မှန်ကို သိသွားကြတာကတော့ သူတို့ အိမ်ကို မိတ်ဆွေနှစ်ယောက် ရောက်လာတဲ့နေ့မှာ ဖြစ်ပါတယ်။ ဒီလူတွေရောက်လာတော့ ပြဿနာတက်နေတဲ့ သူတို့ လင်မယား အတော်လေး ထိတ်လန့်သွားတယ်လို့ ဆိုပါတယ်။ မိတ်ဆွေနှစ်ယောက်လုံး ယားနာတွေ တကိုယ်လုံး ပေါက်နေကြပြီး အတော်လေး ပိန်လှီနေတယ်တဲ့။ AIDS အဆင့် ရောက်သွားတယ် ပြောရမှာပါ။ ဒီမိတ်ဆွေနှစ်ယောက်က လာတောင်းပန်တာပါ။ သူတို့ မသိလို့ သွေးလှူမိတယ် သူတို့မှာ AIDS ဖြစ်နေပါတယ်ဆိုပြီး လာတောင်းပန်တော့ လင်မယား ဘာလုပ်လို့ လုပ်ရမယ်ကို မသိ ဖြစ်သွားတယ်။ သူတို့ သတင်းကို ကြားရတဲ့ ကျမတို့ အဖွဲ့ဝင်တယောက်ဖြစ်တဲ့ ကိုပါလေးက သူတို့ဆီကို သွားပြီး ပညာပေး ဆွေးနွေးတယ်၊ ပြီးတော့ ကျမဆီ ပို့လိုက်ပါတယ်။

ဒီလိုနဲ့ ဒီအမျိုးသမီးလေး ရန်ကုန်ရောက်လာတယ်။ ကျမဆီ လာတယ်။ သူ့မှာ နေစရာမရှိ။ ဘုန်းကြီးကျောင်းတွေမှာ ထားရတာလည်း အဆင်မပြေ။ ဒါနဲ့ ကျမ အဖေပိုင်တဲ့ အိမ်ကလေးမှာ သူ့ကို ထားတယ်။ နယ်ခြားမဲ့ ဆရာဝန်များ အဖွဲ့က ဖွင့်ထားတဲ့ AZG ဆေးခန်းကို သွားပြတယ်။ နောက်တော့ သူ ARV ဆေး ရပါတယ်၊ ဒီဆေးက HIV ပိုးကို တိုက်ဖျက်တဲ့ဆေးပါ။

ဒါပေမဲ့ အစောပိုင်းကာလမှာ သူဟာ ဆေးအရှိန်ကြောင့် စိတ်ပိုင်းဆိုင်ရာ ထိခိုက်သွားတယ်။ တကိုယ်လုံး ချွတ်ပြီး အရပ်ထဲ ပတ်ပြေးတဲ့ အဆင့်ထိ ဖြစ်သွားတာပါ။ မျိုးရိုးကြောင့် စိတ်ရောဂါဖြစ်တာတော့ မဟုတ်ပါဘူး။ အခုတော့ သူက ပြန်ကောင်းလာပြီးတော့ ပုံမှန် လုပ်ငန်းခွင် ဝင်နေပါပြီ။

သူ ကိုယ်ဝန်ပျက်ကျတော့ သွေး ၆ ပုလင်း သွင်းရတယ်လို့ ဆိုပါတယ်။ လိုတဲ့သွေးအတွက် အထက်မှာ ပြောခဲ့တဲ့ သူ့မိတ်ဆွေ နှစ်ဦး အပါအဝင် သွေးလှူရှင် ၆ ဦးက လှူကြတယ်။ ဒါပေမဲ့ ဆေးရုံမှာ သွေးစစ်ခဆိုပြီး နှစ်သောင်း တောင်းတယ်လို့ ဆိုပါတယ်။ ဒီတော့ သူက တသိန်းနှစ်သောင်း ပေးခဲ့ရပါတယ်တဲ့။ မှတ်မှတ်ရရ သူပြောသွားတဲ့အတိုင်း ပြန်ပြောပြချင်ပါတယ်။ သူက စကားပြောရင် ‘သ’ တွေကို ‘တ’ လို့ အသံထွက်ပါတယ်။

“ဆရာမရယ် ကျမလည်း နားလည်ပါဘူး။ တိလည်း မတိဘူးလေ။ ခုတော့ တွေးတွင်းလို့ ဖြစ်တယ်ဆိုတာ ကျမ နားမလည်ဘူး။ ခု ဆရာမ ပြောပြတော့ သွေးသွင်းလို့ ဖြစ်တွားတာဆို။ ကျမက ဒီရောဂါကို တတိန်းကျော် ပေးပြီး ဝယ်လိုက်ရတာပေ့ါ” တဲ့။ သူ့ စကားကို ကျမ ခုချိန်ထိ ကြားယောင်နေပြီး စိတ်မကောင်း ဖြစ်ရတုန်းပါပဲ။

ကျမလည်း ပြန်လည် သုံးသပ်ပါတယ်။ သူ့မိတ်ဆွေ နှစ်ယောက်ကလည်း သူတို့မှာ ပိုးရှိမှန်း မသိလိုက်လို့ သွေးလှူမိတယ်။ ဆေးရုံကလည်း ဒီသွေးကို စစ်ဆေးပါတယ်။ စစ်ဆေးခ တသိန်းကျော် ယူလိုက်တာပဲ။ ဝင်းဒိုးကာလလို့ ခေါ်ကြတဲ့ စစ်ဆေးချိန်မှာ လူ့ကိုယ်ခန္ဓာက HIV ပိုးကို တုံ့ပြန်တဲ့ ပဋိပစ္စည်း မထွက်သေးတဲ့ အချိန်ကာလကြောင့် ဖြစ်နိုင်ပါတယ်။ နောက်ဆုံးတော့ သူပြောသလို ရောဂါဆိုးတခုကို ငွေပေးပြီး ဝယ်လိုက်ရသလို ဖြစ်သွားတော့တာပေါ့။ လူတဦးချင်း ပေါ့ဆမှုကနေ အများ ဒုက္ခမရောက်အောင်ကတော့ တတိုင်းပြည်လုံးကို သွေးစစ်ထားရမလို ဖြစ်နေတာပေါ့။

သူကတော့ ပြောပါတယ်၊ သူတို့အကြောင်း စာတွေရေးပါ၊ နာမည်ရင်းတွေ သုံးပါ။ ဒါမှ သူတို့ကို လာမေးတဲ့အခါ ပြောပြနိုင်မယ်၊ သင်ခန်းစာ ယူနိုင်ကြမယ်လို့ ဆိုပါတယ်။

နောက်တယောက်ကတော့ ကလေးလေးပါ။ ကျမနဲ့ တွေ့ချိန်မှာ ၅ နှစ်ကျော် အရွယ်ပဲ ရှိပါသေးတယ်။ သူလည်း သွေးသွင်းရာကနေ ကူးစက်ခံရသူပါ။ ကလေးက အလွန်ပဲ ချစ်ဖို့ကောင်းပါတယ်။ အဖေက ဒုတပ်ကြပ်၊ အမေက ကျောင်းဆရာမ ဖြစ်ပါတယ်။ ကလေး သွေးလွန်တုပ်ကွေးဖြစ်တော့ မင်္ဂလာဒုံ စစ်ဆေးရုံကို ပို့ကြတယ်တဲ့။

အဲ့ဒီမှာ ကလေးအတွက် သွေး အကူအညီ ပေးတာကလည်း ကလေးအဖေရဲ့ မိတ်ဆွေ ရဲဘော် ပုံမှန် သွေးလှူရှင်ပါပဲ။ အကြိမ် ၆ဝ ကျော်နေပြီ ပြောပါတယ်။ ဒါပေမဲ့ လူတွေ မသိလိုက်တာက ဒီလူက နောက်ဆုံးအကြိမ် သွေးလှူပြီး သိပ်မကြာခင်မှာ အကာကွယ်မပါဘဲ အပျော်အပါး လိုက်စားခဲ့တယ် ဆိုတာပါပဲ။ ဒါကို ကာယကံရှင်ကလည်း ထုတ်မပြောဘူး။ ဆေးစစ်ချက်ယူသူ ဆရာဝန်တွေကလည်း မမေးလိုက်မိဘူး။ အကြိမ် ၆ဝ ကျော် သွေးလှူထားတဲ့သူဆိုတဲ့ အချက်ကြောင့် မမေးဖြစ်တာလို့ ယူဆရပါတယ်။

ကောင်းမွန် ခေတ်မီတဲ့ စက်ကြီးတွေနဲ့လည်း သေချာစစ်ဆေးတယ် ဆိုပါတယ်။ ဒါကတော့ သေချာပါတယ်၊ ဝင်းဒိုးကာလ သွားမိနေတာပဲ ဖြစ်ပါတယ်။ ဒီတော့ ကလေးအဖေနဲ့ ဆေးရုံက ဆရာဝန်ကြီးတွေ အပြန်အလှန် အပြစ်တင်တာပေါ့၊ ဆေးရုံက သွေးစစ်တာ မသေချာလို့ ကလေးကို ကူးတယ်လို့ ကလေးအဖေက ပြောတယ်။ ဆေးရုံကလည်း ကလေးဟာ မိဘဆီက ကူးတာဖြစ်လိမ့်မယ်ဆိုပြီး အပြန်အလှန် စွပ်စွဲကြပါတယ်။ သူတို့ကို သွေးဖောက်စစ်မယ်ဆိုပြီး သွေးဖောက်ယူထားချိန် ကျမဆီ ရောက်လာပါတယ်။

ကျမလည်း ကမန်းကတန်းပဲ သူတို့ကို အမျိုးသား သွေးစစ်ဌာနဆီ ခေါ်သွားပြီး သွေးစစ်တာတွေ လုပ်ပေးထားရပါတယ်။ ပြဿနာတက်လာရင် ဆေးရုံက မမှန်ကန်တဲ့ သွေးစစ်ချက်တွေ ထုတ်ပေးပြီး ရှင်းမှာ စိုးလို့ပါ။ အဲ့ဒီလို စစ်လိုက်ရာမှာလည်း ပိုးမတွေ့ပါဘူး။ ဆေးရုံက မှားနေတာ သေချာသွားပါတယ်။

ဒါပေမဲ့ သူကလည်း တာဝန်ထမ်းဆောင်ဆဲ တပ်ကြပ်လေး တယောက်။ ဆေးရုံက ဆရာဝန်ကြီးတွေကလည်း ဗိုလ်မှူး၊ ဒုဗိုလ်မှူးကြီးတွေဆိုတော့ ဘယ်လိုမှ မတုံ့ပြန်ရဲဘူး။ အစောပိုင်းကတော့ တရားစွဲမယ်၊ ကလေးသူငယ် အခွင့်အရေး စောင့်ရှောက်တဲ့ အဖွဲ့တွေဆီ တိုင်မယ်တောမယ်ဆိုတော့ ကျမ ဘက်ကလည်း လိုအပ်တာတွေ လိုက်လုပ်ပေးနိုင်အောင် ပြင်ထားရတာပေါ့။

ဒီအချိန်မှာပဲ ဒီကလေးရဲ့ အဖွားဖြစ်သူ မယ်သီလရှင်က ဒါတွေဟာ ကံ ကံရဲ့ အကျိုးတွေ၊ ဘာမှ ပူလောင်မနေနဲ့၊ ကလေး အတိတ်ကံ မကောင်းလို့ ဖြစ်တာဆိုပြီး လာခေါ်သွားပါတယ်။ ကျမလည်း အတော်လေး အံ့သြမိတယ်။ ကျမတို့ လူမျိုးရဲ့ စိတ်နေစိတ်ထားဟာ ကြောက်စရာ ကောင်းလှအောင်ကို အေးချမ်းတယ် ပြောရမလား၊ ကြောက်တာလို့ ပြောရမလား၊ ဘယ်လို ပြောရမယ်မှန်းကို မသိ၊ ဝေခွဲမရတော့ပါဘူး။
ကျမကတော့ ကျမဆီ ရောက်လာကြတဲ့ သူတွေထဲက သူတို့ နှစ်ယောက်ကို အမှတ်ရနေမိပါတော့တယ်။ ။

(စာရေးသူ မဖြူဖြူသင်းသည် အမျိုးသားဒီမိုကရေစီ အဖွဲ့ချုပ်ဝင်ဖြစ်ပြီး၊ ပါတီ၏ HIV/AIDS ကာကွယ်ရေးနှင့် ကုသရေးအဖွဲ့တွင် လက်ရှိ ဦးဆောင်နေသူတဦး ဖြစ်သည်။ ပါတီခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုဆန္ဒပြသဖြင့် ၂ဝဝ၇ ခုနှစ် မေလတွင် အာဏာပိုင်များက ဖမ်းဆီးခဲ့ရာ HIV ဝေဒနာသည်များက သူမကို ပြန်လွှတ်ပေးရန် ဆန္ဒပြခဲ့ကြသည်။)

ဇီဝမြေသြဇာစိုက်ပျိုးနည်း မြန်မာနိုင်ငံမှာ အားနည်းနေသေး (ရုပ်သံသတင်း)

မဇ္ဈိမသတင်းဌာန

ယနေ့ မြန်မာ့ရေးရာ သတင်းများ Nov,29th,2009

( 16 )Asian Lawmakers Want Regional Powers To End Sufferings In Myanmar

( 15 )Myanmar humanitarian worker granted refugee status

( 14 )Trip to Burma changes guest columnist's life

( 13 )Junta under Scrutiny for Concrete Pre-election Signs

( 12 )Trespassing of forests in Burma from Thailand

( 11 )မြန်မာ သီချင်းများကို တယ်လီဖုန်း မြည်သံ အသုံးပြုရန် အတွက် နိုင်ငံခြားမှ ၀ယ်ယူ

( 10 )Kachins celebrate Thanksgiving in northern Burma

( 9 )ဖမ်းဆီးခံ တရုတ် ငါးဖမ်း သမားတွေအတွက် မြန်မာ အစိုးရကို တောင်းဆို

( 8 )Thailand surveys location for second bridge with Burma

( 7 )၀ါရင့်နိုင်ငံရေးသမားများ တိုင်းပြည်အခြေအနေကောင်း မျှော်လင့်

( 6 )Handcuffing of Burmese-American in court protested

( 5 )စင်ကာပူ Company နှင့် ဓါတ်ငွေ့ပိုက်လိုင်း တည်ဆောက်မည်

( 4 )မြန်မာပြည့်တန်ဆာအချို့ AIDS ရောဂါကြောင့် သေဆုံး

( 3 )SAFC's global appeal swells

( 2 )မြန်မာနိုင်ငံရေး တိုးတက် ပြောင်းလဲဖွယ်ရှိဟု ဖာစီနိုကပြော

( 1 )Burma's minorities must not be overlooked

Saturday, November 28, 2009

သံဃာတော်များ ဆက်လက်ဖိနှိပ်ခံနေရ

ဧရာဝတီ Friday, 27 November 2009

သံဃာများ ဦးဆောင်သော ၂၀၀၇ခုနှစ် ဆန္ဒပြမှုများကို လက်တုံ့ပြန်သည့် အနေဖြင့် စစ်အစိုးရက ရဟန်းသံဃာများကို ဆက်လက် ဖိနှိပ်လျက် ရှိသည်။ စစ်အစိုးရသည် တရားပွဲများကို ပိတ်ပင်ခြင်း ၊ ခရီးသွားလာမှုများအပေါ် ကန့်သတ်ခြင်း စသည့် နည်းလမ်းများဖြင့် သံဃာများကို ဆက်လက် ဖိအားပေးနေသည်။

သံဃာတို့၏ မိသားစုဝင်များလည်း ဖိအားပေးခံနေရသည်ဟု ပြည်ပရောက် သံဃာတပါးက ဧရာဝတီသို့ မိန့်ကြားသည်။

“ဦးပဉ္ဇင်းမိဘတွေက မြို့နယ်အာဏာပိုင်တွေဆီကို လစဉ် သွားပြီး လက်မှတ်ထိုးရတယ်၊ ပြီးတော့ ဦးပဉ္ဇင်းဆက်သွယ်တာနဲ့ သူတို့ဆီကို အကြောင်းကြားရမယ်လို့လည်း အမိန့်ပေးတယ်။

ဦးပဉ္ဇင်းမိဘတွေကို အလုပ်ထုတ်ပစ်ဖို့ အလုပ်ရှင်ကိုလည်း ဖိအား ပေးခဲ့သေးတယ်” ဟု အိန္ဒိယအခြေစိုက် မြန်မာနိုင်ငံလုံးဆိုင်ရာ သံဃာကိုယ်စားလှယ်အဖွဲ့ (ABMRC) အတွင်းရေးမှူးဖြစ်သူ အရှင်ထာဝရက ဧရာဝတီသို့ ပြောပြသည်။

သက်တော် ၂၆ နှစ်ရှိ အရှင်ထာဝရသည် ဆန္ဒပြပွဲများအတွင်း ဦးဆောင်လှုပ်ရှားခဲ့ပြီး ABMRC ကို စတင် တည်ထောင်ခဲ့သည့် သံဃာတပါးဖြစ်သည်။

“၂၀၀၈ ဖေဖော်ဝါရီမှာ အာဏာပိုင်တွေက ဦးပဉ္ဇင်းပိုင်ဆိုင်သမျှ ပစ္စည်းအားလုံးကို သိမ်းသွားခဲ့တယ်၊ အဲဒီကတည်းက ဦးပဉ္ဇင်း သီတင်းသုံးတဲ့ ရန်ကုန်၊ သင်္ဃန်းကျွန်း ဇေယျသိဒ္ဓကျာင်းက သံဃာတော်တွေကို ကျောင်းကနေ ထွက်သွားဖို့ ဖိအားပေးခဲ့တာ အခုဆိုရင် ကျောင်းမှာ ဘုန်းကြီးအိုကြီးတပါးပဲ ကျန်တော့တယ်” ဟု အရှင်ထာဝရက ပြောသည်။

၂၀၀၇ ခုနှစ် စက်တင်ဘာလ ၂၇ ရက်နေ့၌ စစ်အစိုးရက ဆန္ဒပြသူများကို နှိမ်နင်းသဖြင့် သံဃာ အများအပြားသည် ဖမ်းဆီးခံရမှုမှ လွတ်မြောက်နိုင်ရေးအတွက် ၎င်းတို့ သီတင်းသုံးရာ ကျောင်းတိုက်များမှ ထွက်ပြေး တိမ်းရှောင်ခဲ့ကြရသည်။ နိုင်ငံမှ စွန့်ခွာခဲ့ရသည့် သံဃာများလည်း အများအပြား ရှိသည်။

တရားဝင် ထုတ်ပြန်ထားသော အချက်အလက်များအရ မြန်မာနိုင်ငံတွင် သံဃာ အရေအတွက် လေးသိန်းကျော် ရှိကြောင်း သိရသည်။ ဗုဒ္ဓဘာသာ ကိုးကွယ်သူ အများစု နေထိုင်သည့် မြန်မာပြည်တွင် သံဃာများသည် ယုံကြည်ကိုးစားမှု အခံရဆုံး ပုဂ္ဂိုလ်များ ဖြစ်သည်။

မြန်မာနိုင်ငံလုံးဆိုင်ရာ သံဃာ့တပ်ပေါင်းစု အဖွဲ့ကြီး (ABMA) ကို စတင် တည်ထောင်ရာတွင် ပါဝင်ခဲ့သည့် အရှင်ဣဿရိယ က “စစ်အစိုးရက သံဃာတော်တွေနဲ့ ဗုဒ္ဓဘာသာကို ဖိနှိပ်စော်ကားနေတုန်းပဲ။ အခု လက်ရှိ သံဃာ အပါး ၂၅၀ ကျော်၊ သီလရှင် အပါး ၂၀ အဖမ်းခံထားရတယ်” ဟု ဆိုသည်။

သာသနာရေးဝန်ကြီးဌာနသည် သံဃာ့ မဟာနာယကအဖွဲ့မှတဆင့် သံဃာများကို ထိန်းချုပ်ထားသည်။ သံဃာများ ခရီးသွားလာခြင်း၊ တရား ဓမ္မ ဟောကြားခြင်း တို့နှင့် ပတ်သက်ပြီး ကန့်သတ်သည့် အမိန့်များကိုလည်း ထုတ်ပြန်ထားသည်။

ရန်ကုန်မြို့ရှိ ရွှေည၀ါ ဗုဒ္ဓတက္ကသိုလ် ဋ္ဌာနမှူး အပါအ၀င် သံဃာတချို့သည် တရားဟောကြားခြင်း မပြုရန် တားမြစ်ခံထားရကြောင်း သိရသည်။

“ရွှေည၀ါဆရာတော်က သူ့ရဲ့ ‘တကယ့်လွတ်လပ်ရေး’ နဲ့ ‘မတရားမလုပ်ကြပါနဲ့’ အခွေတွေကြောင့် မနှစ် ကတည်းက ရန်ကုန်မှာ တရားပွဲတွေ အပိတ်ခံထားရတာ။ ပြီးခဲ့တဲ့ နိုဝင်ဘာ ၁၉ ရက်နေ့တုန်းက လှည်းတန်းနဲ့ ကြည့်မြင်တိုင်မှာ လပြည့်နေ့ တရားပွဲတွေ လုပ်တော့လည်း ဆရာတော်ဟောဖို့ အပိတ်ခံရသေးတယ်” ဟု ရွှေည၀ါ၌ ပညာသင်ယူခဲ့သည့် ရဟန်းတော်တပါးက ဧရာဝတီသို့ ပြောပြခဲ့သည်။

သာသနာရေးဝန်ကြီးဌာနက သံဃာများ ပြည်ပခရီးသွားရောက်နိုင်ရေး အတွက် လိုအပ်သည့် အထောက်အထား စာရွက်စာတမ်းများ ထုတ်ပေးမှုကို ရပ်ဆိုင်းထားကြောင်းလည်း သိရသည်။

“အခုဆိုရင် အာဏာပိုင်တွေက သံဃာတော်တွေကို အနီးကပ် စောင့်ကြည့်နေကြတယ်၊ ပြီးတော့ ဗီဇာနဲ့ စကောလားရှစ်တွေ ရဖို့လည်း သိပ်ကိုခက်နေတယ်” ဟု ရန်ကုန်တွင် သီတင်းသုံးသည့် အရှင်ပညာသာမိက ဆိုသည်။ သူ၏ မိတ်ဆွေများကိုလည်း အာဏာပိုင်တို့က ဖိအားပေးနေသည်ဟု သိရသည်။

“ဆန္ဒပြပွဲတွေတုန်းက ပါခဲ့တဲ့ ဦးပဉ္ဇင်းရဲ့ မိတ်ဆွေတချို့ ဆိုရင် ဦးပဉ္ဇင်းနဲ့ ခပ်ခွာခွာနေကြပြီးတော့ အခုဆို လူဝတ်လဲသွားကြပြီ၊ ဒေါပုံက ဘုန်းကြီးကျောင်းမှာ ရှိတဲ့ ဦးပဉ္ဇင်း ပိုင်ဆိုင်သမျှ ပစ္စည်းအားလုံးလည်း အသိမ်းခံရတယ်” ဟု ၂၀၀၇ ဆန္ဒပြပွဲများအတွင်း ဦးဆောင်ပါဝင်ခဲ့သူ အရှင် နေမိန္ဒက မိန့်ကြားသည်။

မန္တလေးတိုင်းမှ ကျောင်းထိုင်ဆရာတော်တပါးက “အရပ်ဝတ်နဲ့ လုံခြုံရေးအရာရှိတွေက တချို့ သံဃာတော်တွေနဲ့ ဘုန်းကြီးကျောင်းတွေကို အနီးကပ်စောင့်ကြည့်နေကြတာ” ဟု ဧရာဝတီသို့ ပြောဆိုခဲ့သည်။

မန္တလေးတိုင်းအတွင်း သံဃာတော်များနှင့် အဆက်အသွယ်ရှိသည့် လူငယ်လေးဦး စက်တင်ဘာလတွင် အထိန်းသိမ်းခံခဲ့ရကြောင်း မန္တလေးရှိ ကျောင်းထိုင် ဆရာတော် တပါးထံမှ သိရသည်။

“သူတို့မိသားစုနဲ့ ဆွေမျိုးတွေကတော့ သူတို့အခုဘယ်မှာ ရှိနေသလဲဆိုတာ မသိကြဘူး” ဟု အဆိုပါ ကျောင်းထိုင်ဆရာတော်က မိန့်သည်။

အာဏာပိုင်များသည် ဆန္ဒပြပွဲများတွင် ပါဝင်ခဲ့သည့် ဦးအိန္ဒကကို ဖမ်းဆီးခဲ့ပြီးနောက် ၎င်း၏ ကျောင်းတိုက်ဖြစ်သည့် ရန်ကုန်တိုင်း၊ သင်္ကန်းကျွန်းမြို့နယ်ရှိ မဂ္ဂင် စာသင်တိုက်ကို ပိတ်ပစ်ခဲ့ကြသည်။ ထိုစဉ်က အာဏာပိုင်တို့သည် စာသင်တိုက်အတွင်းရှိ သံဃာများ၊ သီလရှင်များ၊ ဆေးကုသမှုခံယူနေကြသော အိတ်ခ်ျအိုင်ဗီ၊ အေအိုင်ဒီအက်စ် ဝေဒနာရှင် အများအပြားကို အတင်းအကျပ် မောင်းထုတ်ခဲ့သည်။

၂၀၀၉ ခုနှစ် အောက်တိုဘာလတွင် ABMA အဖွဲ့ကြီးက ဗိုလ်ချုပ်မှူးကြီးသန်းရွှေကို ရဟန်းသံဃာများ နှင့် ဗုဒ္ဓဘာသာ အပေါ် စော်ကားမှုများအတွက် ၀န်ချတောင်းပန်ရန် ပျက်ကွက်ခဲ့သဖြင့် ဗုဒ္ဓဘာသာဝင်အဖြစ်မှ ထုတ်ပယ်ကြောင်း ကြေညာခဲ့သည်။

မျက်စိဝေဒနာရှင် ၂ သောင်းခန့်က အခမဲ့ကုသမည် ဆိုသော ကြံ့ဖွံ့ကို ယုံကြည်မှုကင်းမဲ့

သျှမ်းသံတော်ဆင့် စနေနေ့၊ 28 နိုဝင်ဘာလ 2009

ဒေသအတွင်း၌ အခမဲ့ မျက်စိရောဂါကုသပေးမည်ဟု ကချင် ပြည်နယ် မိုးညှင်း မြို့နယ် ကြံ့ဖွံ့ အသင်းက ဖိတ်ကြား လိုက်သဖြင့် မျက်စိ ဝေဒနာရှင် ၂ သောင်း ကျော်ခန့် ဆေးကု သမှုခံယူရန် လာရောက် ခဲ့ကြောင်း သိရသည်။

အဆိုပါ ကုသမှု အစီအစဉ်ကို မိုးညှင်းမြို့တွင် နိုဝင်ဘာလ ၁၆ ရက်နေ့မှ ၁၉ ရက်နေ့အထိ ၄ ရက်ကြာ ပြုလုပ်ခဲ့ ရာ ဝေဒနာရှင် ရာပိုင်း မျှကိုသာ ကုသနိုင် ခဲ့သဖြင့် ကျန်နေသော လူအများ စုက ငွေကုန် လူပမ်း ဖြစ်ကာ ယုံကြည်မှု ကင်းမဲ့ လျှက်ရှိကြောင်း ဒေသခံများ ကပြောသည်။

ကြံ့ဖွံ့ အသင်းက လာမည့် ၂၀၁၀ ခုနှစ် ရွေးကောက်ပွဲ အတွက် စည်းရုံး သည့် အနေဖြင့် ကချင်ပြည်နယ် နှင့် စစ် ကိုင်းတိုင်း အထက် ပိုင်း ဒေသများ ဖြစ်သော ကသာ ၊ မော်လူး ၊ မော်ဟန် ၊ မိုးညှင်း ၊ အင်းတော် နယ်တ၀ိုက်ရှိ မျက်စိ ဝေဒနာရှင် များကို ဖိတ်ခေါ် ခဲ့ခြင်း ဖြစ်ကြောင်း မိုးညှင်း ဒေသခံ တစ်ဦးက သျှမ်းသံတော်ဆင့် သို့ ပြောသည်။

“မျက်မှန်တွေလည်း အလကားပေးမယ် ဆေးလည်းကုပေးမယ်ဆိုပြီး ပရမ်းပတာဖိတ်လိုက်တဲ့အခါ လူက ၂ သောင်း လောက် ပတ်ဝန်းကျင်ဖြစ်သွားတယ် တပြုံကြီးကားတွေနဲ့ဘာတွေနဲ့ အဲလိုနဲ့လုပ်တဲ့အခါကျတော့ လာတဲ့ လူတွေက တည်းစရာနေစရာ စားစရာ ခက်တယ်လေ ဘုန်းကြီးကျောင်းတွေ စာသင်ကျောင်းတွေမှာ အဲဒီလူတွေ ကို နေရာချ ထားတယ် ဟိုမှာ မနိုင်မနှင်းဖြစ်ပြီ တန်းစီရတာဆိုလို့ရှိရင်တစ်နေလုံးမနက်ကနေတန်းစီရတာဟိုကလုပ် တဲ့ လူက လည်းမနိုင်ဘူး မကုရပဲနဲ့ပြန်သွားတယ် တချို့များဆို ဆဲကိုသွားတယ် ” လို့ ဒေသခံက ပြောသည်။

၎င်းအပြင် ဆေးကုသမှုခံယူမည့် ဝေဒနာရှင်များထံမှာ ငွေကြေး တောင်းယူမှုများရှိခဲ့သေးကြောင်း သိရသည်။

“ရှင်းရှင်းပြောမယ်ဆိုရင်တော့ လိုက်အုပ်ကြတာပေါ့ဗျာ အုပ်ကြတော့ ဒီမှာမဲရွေးမယ်ဆိုတဲ့ ဗိုလ်မှူး ဟောင်း ညွန့်အောင် က ဘာပြောသလဲဆိုရင် စားတော့စားကြပေါ့ကွာ ဒါပေမဲ့ဘ၀ပျက်အောင်တော့မလုပ်နဲ့လို့ အဲလောက် တောင်ပါးစပ်ကငြီးတယ်လို့ပြောတယ် တချို့က အကြီးအကျယ်ဒေါကန်တယ် တကယ်ကုမလား ဆိုပြီးလာခဲ့ တာလေ ဒီမှာကျတော့ ထင်သလိုမဖြစ်ဘူးပေါ့ တချို့ဆို ညကြီးကားတွေနဲ့ပြန်ကြတာလေ တချို့ဆိုစားစရာမရှိဘူး လေ ထောင်ကြီးသောင်းငွေတာကုန်ပြီးလာတာ ဘာမှအကျိုးမဖြစ်ဘူးလေ ” သူက ဆက်ပြောသည်။

ဝေဒနာရှင်များကဒေါသထွက်ကာ အိမ်ပြန်သွားသော်လည်း ကြံ့ဖွံ့အသင်းက လူသောင်းနှင့်ချီလာရောက်ခဲ့ သော ယခုစည်းရုံးရေးအစီအစဉ်ကို အောင်ပွဲခံသည့် အနေဖြင့် နိုဝင်ဘာလ ၂၅ ရက်နေ့ က မိုးညှင်းမြို့ကြံ့ဖွံ့ရုံးတွင် ညစာစားပွဲကျင်းပခဲ့ကြောင်း သိရသည်။

“နံမည်ကြီးတဲ့ ရွှေမြင်တင်ဘုရားကို လိုက်ပို့တယ် ဆရာဝန်တွေကို ကျွေးမွေးတယ် ပြန်သွားပြီးတော့ တနေ့ က ကြံ့ဖွံ့ ရုံးမှာ Dinner party ပါတီပေးတယ် လုပ်အားပေးခဲ့တဲ့သူတွေကို တချို့ ၅,၀၀၀ တို့ တချို့ ၁၀,၀၀၀ တို့ အဲလိုပေးတယ်” လို့ စောစောက ဒေသခံက ပြောသွားသည်။