Tuesday, May 31, 2016

ပညာရေး ရက် ၁၀၀ စီမံချက်မှာ ကျောင်းသားတွေ ပါဝင်လုပ်ဆောင်ပေးဖို့ ဖိတ်ခေါ်


ကျပ် ၂.၈ ဘီလီယံ ငွေစာရင်း ယခင်အစိုးရက မလွှဲခဲ့လို့ ဒေသဖွံ့ဖြိုးရေးမဆောင်ရွက်နိုင်ဟု ဆို

DVB


မကွေးတိုင်းဒေသကြီးမှာ ရေနံလက်ယက်တွင်းလုပ်ငန်းရှင်တွေ ဒေသဖွံ့ဖြိုးရေးအတွက် ထည့်ဝင် ထားတဲ့ ငွေကျပ် ၂.၈ ဘီလီယံ ငွေကြေးစာရင်း အရင်အစိုးရက မလွှဲခဲ့လို့ ဒေသဖွံ့ဖြိုးရေး မဆောင်ရွက်နိုင်ဘူးလို့ လျှပ်စစ်နှင့် စွမ်းအင်ဝန်ကြီးက ပြောပါတယ်။

မကွေးတိုင်းဒေသကြီး ပွင့်ဖြူမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးထွန်းထွန်း မေးမြန်းတဲ့ မကွေးတိုင်းဒေသကြီးအတွင်း ရေနံလက်ယက်တွင်းလုပ်ငန်းရှင်များက ဒေသဖွံ့ဖြိုးရေး အတွက် ထည့်ဝင်ခဲ့သော ငွေကျပ် ၂.၈ ဘီလီယံခန့်ရှိကြောင်း ကြားသိခဲ့ရာ ၎င်းရန်ပုံငွေတွေကို အစိုးရသစ်သို့လွှဲ၊ မလွှဲနှင့် လွှဲခဲ့သည်ဆိုပါက မည်သည့်ဒေသဖွံ့ဖြိုးရေးလုပ်ငန်း အမျိုးအစားများ လုပ်ကိုင်မည်ကို သိရှိလိုခြင်းနှင့်ပတ်သက်တဲ့ ကြယ်ပွင့်ပြမေးခွန်းအပေါ် လျှပ်စစ်နှင့် စွမ်းအင်ဝန်ကြီး ဦးဖေဇင်ထွန်းက ဖြေကြားရာမှာ အခုလိုပြောဆိုခဲ့တာပါ။

“ယခင် မကွးတိုင်းဒေသကြီးအစိုးရအဖွဲ့၏ ၂၀၁၁ ခုနှစ်မှ ၂၀၁၅ ခုနှစ်အထိ လုပ်ငန်း ဆောင်ရွက်ချက်မှတ်တမ်းတွင် တစုံတရာဖော်ပြထားခြင်း မရှိပါကြောင်း၊ အဆိုပါရေနံလက်ယက် တွင်း လုပ်ငန်းရှင်များမှ ဒေသဖွံ့ဖြိုးရေးအတွက် ရန်ပုံငွေထည့်ဝင်ခဲ့သည့် ငွေကြေးနှင့် စာရင်း ဇယားတို့ကို လွှဲအပ်ခဲ့ခြင်းမရှိသဖြင့် အဆိုပါထည့်ဝင်ငွေများနှင့် ပတ်သက်၍ မည်သည့်ဒေသ ဖွံ့ဖြိုးလုပ်ငန်းကိုမျှ ဆောင်ရွက်နိုင်မည်မဟုတ်ပါ။”

အဆိုရှင် မေးမြန်းချက်နဲ့ပတ်သက်ပြီး ငွေကျပ် ၂.၈ ဘီလီယံကို ဒေသဖွံ့ဖြိုးရေးအတွက် ရန်ပုံငွေ ထည့်ဝင်ခဲ့ရမှု မရှိတာကို အစိုးရအဖွဲ့အနေနဲ့ သိရပြီး အရင်အစိုးရအဖွဲ့က ရန်ပုံငွေမည်မျှရရှိပြီး မည်ကဲ့သို့သုံးစွဲခဲ့သည်ကို မသိရတဲ့အတွက် အသေးစိတ်ခိုင်လုံသော အချက်အလက်များရရှိဖို့ ဆက်လက်စုံစမ်းနေတယ်လို့ ဆိုပါတယ်။

၉၀ ခုနှစ်တွေကို အမှတ်ရစေမယ့် ပရဟိတရန်ပုံငွေပွဲ ရန်ကုန်မှာ ပြုလုပ်


ဖက်ဒရယ်ဖွဲ့စည်းပုံအခြေခံဥပဒေတွင် တိုင်းရင်းသားများအတွက် မူဝါဒ ထည့်သွင်းနိုင်ရန် ဆွေးနွေးနေ

ဖနိဒါ

ဖက်ဒရယ် ပြည်ထောင်စု တည်ဆောက်ရာတွင် လိုအပ်သည့် နိုင်ငံရေးဆိုင်ရာ မူဘောင်ရေးဆွဲရေး နှင့်ပတ်သက်သည့် မူဝါဒများ ချပြနိုင်ရန် အလုပ်ရုံဆွေးနွေးပွဲ တစ်ရပ်ကို ထိုင်းနိုင်ငံ၊ ချင်းမိုင်မြို့တွင် တိုင်းရင်းသားအဖွဲ့များက ကျင်းပနေသည်။ မေလ ၂၉ ရက်မှ ၃၀ ရက်များတွင် နှစ်ရက်ကြာ ကျင်းပနေခြင်း ဖြစ်ပြီး လာမည့် ဖက်ဒရယ် ဖွဲ့စည်းပုံအခြေခံဥပဒေတွင် တိုင်းရင်းသားများဖြင့် မူဝါဒ ထည့်သွင်းပါဝင်နိုင်ရန် ရည်ရွယ်၍ မူကြမ်းတစ်ခု ထွက်ရှိရေး ဆွေးနွေးနေကြခြင်းဖြစ်သည်။

“နိုင်ငံရေးတွေ့ဆုံဆွေးနွေးပွဲ ဖြစ်ပေါ်လာရင် ကျနော်တို့ ကဏ္ဍအလိုက် ပေါ်လစီပိုင်း မူကြမ်းလေးတွေကို ညှိနှိုင်းသုံးသပ်နေကြတာ။ ဒီမူကြမ်းတွေကိုလည်း ကျနော်တို့ တစ်နှစ်ကျော်ကျော် အလုပ်ရုံ ဆွေးနွေးပွဲတွေ လုပ်ပြီးတော့ အဲဒီကနေရလာတဲ့ အခြေခံမူကြမ်းသဘောတွေကို ကျနော်တို့ ထုတ်နုတ်တာပါ”ဟု ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ(UNFC)၏ အတွင်းရေးမှူး ခူဦးရယ်က ပြောသည်။

ယခင်အစိုးရနှင့် တစ်နိုင်ငံလုံး အပစ်အခတ် ရပ်စဲရေး လက်မှတ်မထိုးသေးသော တိုင်းရင်းသားလက်နက်ကိုင် အဖွဲ့အစည်းများမှ ခေါင်းဆောင်များ၊ ပြည်တွင်းမှ တိုင်းရင်းသားနိုင်ငံရေးပါတီများများ၊ ပြည်တွင်းပြည်ပ အရပ်ဘက် လူမှုအဖွဲ့အစည်းများ၊ ပညာရှင်များနှင့် ပေါင်းစပ်၍ တစ်နှစ်ကျောက်ကြာ ပြုစုခဲ့သော မူကြမ်းဖြစ်သည်ဟု သူက ပြောသည်။ တိုင်းရင်းသားများ၏ မူကြမ်းတွင် ပညာရေး၊ ကျန်းမာရေး၊ လယ်ယာမြေ၊ အခွန်ကောက်၊ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ၊ သဘာဝ သယံဇာတနှင့် ဒုက္ခသည်များအရေးနှင့် လူသားချင်းစာနာထောက်ထားမှုဆိုင်ရာ စသည့် မူဝါဒ ၉ ခုကို ဆွေးနွေးခဲ့ပြီး ယခုတစ်ကြိမ် ဆွေးနွေးမှုသည် ဘုံသဘောတူညီမှုတစ်ခု ချမှတ်ရန် အပြီးသတ်သော ဆွေးနွေးနေခြင်း ဖြစ်သည်ဟု ခူဦးရယ်က ပြောသည်။ “ကျနော်တို့ ပြန်လည် ပြီးတော့ အဆုံးသတ်တာတော့ ဖြစ်တယ်။ သို့သော် ဒီဟာကို ဘယ်လို ရည်ရွယ်ထားလည်းဆိုတော့ လာမည့် ဖက်ဒရယ် ဖွဲ့စည်းပုံ အခြေခံ ဥပဒေထဲမှာ ပါဝင်သွားဖို့အတွက် လိုအပ်တဲ့ မူသဘောဆောင်တဲ့ အကြောင်း အရာတွေကို ဖွဲ့စည်းပုံထဲမှာ ထည့်သွင်းပါဝင်သွားဖို့အတွက် မူကြမ်းပဲဖြစ်မယ်”ဟု သူက ပြောသည်။

အလုပ်ရုံဆွေးနွေးပွဲတွင် ပြည်တွင်းမှ စည်းလုံးညီညွတ်သောလူမျိုးများ မဟာမိတ်အဖွဲ့ချုပ်(UNA)မှ ကိုယ်စာလှယ်များ၊ တိုင်းရင်းသား လက်နက်ကိုင် အဖွဲ့အစည်း ခေါင်းဆောင်များ၊ ပြည်တွင်းပြည်ပ အရပ်ဘက် အဖွဲ့အစည်းများ အပါအဝင် ၃၀ ကျော်မှ ကိုယ်စားလှယ်ပေါင်း ၆၀ ကျော် တက်ရောက်ဆွေးနွေးနေခြင်း ဖြစ်သည်။ ၎င်းဆွေးနွေးပွဲကို တိုင်းရင်းသား လူမျိုးများ ရေးရာစင်တာ (ပြည်ထောင်စု မြန်မာနိုင်ငံ)-The Ethnic Nationlities Affairs Center-ENAC)က ကမကထ ပြုလုပ်ကျင်းပခြင်းဖြစ်သည်။ ENAC သည် ၂၀၁၃ ခုနှစ် ဇူလိုင်လက မြန်မာနိုင်ငံ ငြိမ်းချမ်းရေးဖြစ်စဉ်တွင် အထောက်အကူဖြစ်စေရန်အတွက် မူဝါဒဆိုင်ရာ အချက်အလက်များ စုဆောင်းနေသော အဖွဲ့အစည်း ဖြစ်သည်။

ဆိပ်ငြိမ်ရပ်ကွက်မှာ အထပ်မြင့် အဆောက်အဦး ဆောက်လုပ်တဲ့အပေါ် ပြော


အစိုးရသစ်ထံ ပြည်သူ့တင်ပြစာ ၂၀၀၀ နီးပါးရရှိ

DVB


အစိုးရသစ်က နိုင်ငံတော်တာဝန်တွေ လွှဲပြောင်း ရယူခဲ့ပြီးနောက် တလကျော်လောက်အတွင်း ပြည်သူ့ တွေဆီက တင်ပြလာတဲ့ စာပေါင်း ၂၀၀၀ နီးပါးရရှိခဲ့တယ်လို့ နိုင်ငံတော်သမ္မတရုံးက ဒီကနေ့ ထုတ်ပြန်ပါတယ်။

၂၀၁၆ မတ်လ ၃၁ ရက်မှ မေလ ၅ရက်အထိ စာတိုက်ကနေပေးပို့ ရောက်ရှိလာတဲ့ ပြည်သူ့ တင်ပြချက်၊ အကြံပြုချက်၊ တိုင်ကြားစာနဲ့ အသနားခံစာ စုစုပေါင်း ၁၉၇၃ စောင် ရှိတယ်လို့ ဆိုပါတယ်။

ဒီအထဲမှာ သမ္မတထံ ပေးပို့တဲ့ စာပေါင်းက ၁၁၆၆ စောင်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံ တင်ပြစာက ၇၈၂ စောင်နဲ့ အစိုးရအဖွဲ့ရုံး ထံပေးပို့တဲ့ စာက ၂၅ စောင်ပါဝင်ပါတယ်။

လက်ခံရရှိတဲ့ စာပါအကြောင်းအရာတွေနဲ့ ပတ်သက်လို့ သမ္မတရုံးဒုညွန်ကြားရေးမှူးချုပ် ဦးဇော်ဌေးက “ယေဘုယျအကြောင်းအရာ စုံတယ်၊ ပိုင်ဆိုင်မှုတွေ၊ အမှုအခင်းကိစ္စတွေ ပြစ်ဒဏ်ကျခံနေရတာတွေနဲ့ ပတ်သက်လို့ အသနားခံတာတွေ နောက် အုပ်ချုပ်ရေးဆိုင်ရာ ပြည်နယ်တိုင်း ခရိုင်မြို့နယ် အဆင့်အထိပါတယ်။ ပုဂိုလ်ရေးတိုင်တာတွေလည်းပါတယ်၊ ၀န်ကြီးဌာနတွေနဲ့ ပတ်သက်တာတွေပါတယ်၊ အောက်ခြေမှာရှိတဲ့ ဌာဆိုင်ရာကိစ္စတွေလည်း ပါတယ်။ အသေးစိတ်ကတော့ ကျနော်လည်း အလွတ်မရဘူး။ လယ်သိမ်းမြေသိမ်းကိစ္စတွေ၊ ဥပဒေကြောင်းအရ သမ္မတဆီကို အသနားခံတင်ပြတဲ့ဟာတွေ ပြစ်မှုပြစ်ဒဏ်တွေနဲ့ ပတ်သက်လို့ လျော့ပေါ့ပေးဖို့ တွေပါတယ်၊ ပြည်သူ့ရေးရာ မူဝါဒတွေနဲ့ ပတ်သက်လို့ အကြံပြုချက်တွေ ကဏ္ဍအလိုက်အကြံပြုစာတမ်းတွေပါပါတယ် ”လို့ပြောပါတယ်။

လက်ခံရရှိတဲ့စာတွေကို ပဏာမစိစစ်ပြီး လိုအပ်သူတွေထံ တင်ပြစာ လက်ခံရရှိကြောင်း၊ မည်သို့မည်ပုံ ဆောင်ရွက်နေကြောင်းစာပြန်ကြားတဲ့အကြောင်းနဲ့ ဆောင်ရွက်ပြီးစီးသွားပါက တင်ပြသူထံ ဆောင်ရွက်ပြီးစီးမှု အခြေအနေများကို ပြန်ကြားပေးတဲ့အပြင် ပြည်သူ့ရေးရာ မူဝါဒဆိုင်ရာ အကြံပြုတင်ပြချက်တွေကိုလည်း သက်ဆိုင်ရာဌာနတွေထံ အသိပေးတာ၊ လွှဲပြောင်း ပေးတာတွေ ဆောင်ရွက်တယ်လို့ သမ္မတရုံး ထုတ်ပြန်ချက်မှာ ဖော်ပြပါတယ်။

ဒါပေမယ့် တင်ပြချက်တွေထဲမှာ လိပ်မူမဟုတ်ဘဲ မိတ္တူသာပေးပို့တာ တိကျ ခိုင်လုံတဲ့ သတင်းအချက်အလက် အကြောင်းအရာ မည်မည်ရရ မပါရှိဘဲ ပစ်စာသဘောမျိုး ဖြစ်နေတာကိုတော့ သိသာစေသင့် စာအမျိုးအစား အဖြစ်သာသတ်မှတ်တယ်လို့ ဆိုပါတယ်။

ပြည်သူတွေနဲ့ အစိုးရထံ အသိပေးတင်ပြချက်တွေကိုလက်ရှိ စာတိုက်ကနေ တဆင့်သာ ပြုလုပ်နိုင်သေးတာဖြစ်ပြီး မကြာခင် အင်တာနက်အွန်လိုင်းနဲ့ မိုဘိုင်းဖုန်းကနေ SMS သတင်းတို ပို့တဲ့ နည်းလမ်းနဲ့ ဆောင်ရွက်နိုင်ဖို့ မိုဘိုင်းအော်ပရေတာတွေနဲ့ ညှိနှိုင်း ဆောင်ရွက်နေတယ်လို့ သိရပါ တယ်။

ယခင် သမ္မတဦးသိန်းစိန် အစိုးရလက်ထက်ကတော့ ပြည်သူ့ တင်ပြချက်တွေကို http://www.mpoofficemail.com ၀က်ဆိုက် ကနေလည်းပေးပို့နိုင်တာ ဖြစ်ပြီး လက်ရှိအစိုးရသစ်က တော့ ဒီဝက်ဆိုက် အဟောင်းကို အသုံးမပြတော့ပါဘူး။

ရွာတည်ဖို့ လှူဒါန်းထားတဲ့ မြေနေရာကို အလွဲသုံးစားလုပ်နေလို့ ပြန်လိုချင်


ကျောက်မဲဆန္ဒပြမှုကြောင့် ရှမ်း၊ တအာင်း စိတ်ဝမ်းမကွဲစေချင်ဟု တအာင်းအဖွဲ့ထုတ်ပြန်

ဖနိဒါ

ရှမ်းပြည်နယ်မြောက်ပိုင်း ကျောက်မဲမြို့တွင် ရှမ်းလူထု ဆန္ဒပြမှုအပေါ် ရှမ်းနှင့် တအာင်းအချင်းချင်း စိတ်ဝမ်းကွဲကာ ပဋိပက္ခဖြစ်ပွားမည်ကို အထူး စိုးရိမ်ကြောင်း တအာင်းအမျိုးသမီးအဖွဲ့အစည်းနှင့် တအာင်းကျောင်းသားနှင့် လူငယ်များအဖွဲ့က မေလ ၂၉ ရက်တွင် ထုတ်ပြန်လိုက်သည်။ မေလ ၂၈ ရက်က ရှမ်းလူထု ၃၀၀၀ ကျော်က တိုက်ပွဲ ရပ်တန့်ရေး ဆန္ဒပြတောင်းခဲ့သည်။

၎င်းဆန္ဒပြမှုကြောင့် ရှမ်း နှင့် တအာင်း စိတ်ဝမ်းကွဲမှု ဖြစ်ပေါ်မည်ကို အထူးစိုးရိမ်ကြောင်း နှင့် လူမျိုးရေးပဋိပက္ခ ဖြစ်ပွားစေမည့် လုပ်ရပ်များ လုပ်ရပ်၊ အပြောအဆို မပြုလုပ်ကြပါရန်၊ ရှမ်းလူထုနှင့် မူလအတိုင်း ချစ်ချစ်ခင်ခင် ပေါင်းသင်းဆက်ဆံကြပါရန် မေတ္တာရပ်ခံလိုက်သည်။ ရှမ်းလူထုများ ဆန္ဒပြပွဲတွင် တိုက်ပွဲ ရပ်တန့်ရေး အပါအဝင် တအာင်းအမျိုးသားတပ်မတော်(TNLA)အား အလိုမရှိ၊ ယခင် အစိုးရနှင့် တစ်နိုင်ငံလုံး အပစ်အခတ် ရပ်စဲထားသော ရှမ်းပြည် ပြန်လည်ထူထောင်ရေးကောင်စီ၊ ရှမ်းပြည် တပ်မတော် (RCSS/SSA) အလိုရှိကြောင်း ဟူသော စာတမ်းများ ပါရှိသဖြင့် ယခုကဲ့သို့ တအာင်းလူထုအား မေတ္တာရပ်ခံချက် ထုတ်ပြန်ရခြင်း ဖြစ်သည်ဟု တအာင်းကျောင်းသားနှင့် လူငယ်များအဖွဲ့က ပြောရေးဆိုခွင့်ရှိသူ မိုင်းမျိုးအောင်က ပြောသည်။ “အဲဒီလိုမျိုး အင်္ဂလိပ်စာတန်းနည်းနည်း၊ မြန်မာစာတမ်းနည်းနည်း သူတို့ ရေးထားတယ်ဗျ။ အဲဒီလို ဖြစ်တဲ့အခါဆိုတော့ ဒါက ဒီလို ပဋိပက္ခကို ပိုမိုကြီးထွားအောင်လုပ်တဲ့ ပုံစံဖြစ်နေတယ်။ အဓိကက တိုက်ပွဲ ရပ်ဖို့ မဟုတ်ဘဲနဲ့ တိုက်ပွဲကို ပိုမိုကြီးထွားအောင်လုပ်တဲ့ ပုံစံမျုိး ကျနော်တို့ မြင်တာပေါ့”ဟု သူက မဇ္ဈိမကို ပြောသည်။

လက်ရှိ မြန်မာနိုင်ငံ၏ စစ်ရေး၊ နိုင်ငံရေးအောက်တွင် ရှမ်းလူထုနှင့် တအာင်းလူထုသည် စစ်ဒဏ်ကြောင့် လူ့အခွင့်အရေး ချိုးဖောက်ခံနေရသည့်အပြင် စစ်ဘေးဒဏ် ခံစားနေရသည့် ဘဝတူညီအစ်ကိုများဖြစ်ပြီး တိုင်းရင်းသား လူမျိုးများလိုလားသည့် စစ်မှန်သော ကိုယ်ပိုင်ပြဌာန်းခွင့်နှင့် ဖက်ဒရယ်နိုင်ငံ မရရှိသေးကြောင်း ထုတ်ပြန်ချက်တွင် ပါရှိသည်။ ယင်းအပြင် တိုင်းရင်းသားအချင်းချင်း စည်းလုံး ညီညွတ်စွာဖြင့် မိမိတို့ နိုင်ငံရေးပန်းတိုင် အောင်မြင်ရေးအတွက် ပူးပေါင်းဆောင်ရွက်ရမည့် အချိန်ဖြစ်ကြောင်း တိုက်တွန်းလိုက်သည်။ အလားတူတအာင်းနှင့် ရှမ်းလူမျိုးများအကြား လူမျိုးရေး ပဋိပက္ခများ ရှောင်လွှဲနိုင်ရန်အတွက် ဒေါသစိတ်များထိန်းချုပ်ပြီး၊ ဒေသခံ ပြည်သူလူုအချင်းချင်း ချစ်ခင်ရင်းနှီးစွာ ဆက်ဆံနေထိုင်ကြပါရန် ပလောင်ပြည်နယ်လွတ်မြောက်ရေးတပ်ဦး (PSLF/TNLA )ကလည်း မေလ ၂၈ ရက်က မေတ္တာရပ်ခံချက် ထုတ်ပြန်ထားသည်။

 မေလ ၁ ရက်မှစတင်ကာTNLA နှင့် RCSS/SSA တို့အကြား ကျောက်မဲမြို့နယ်၊ နမ့်ဆန်မြို့နယ်များအတွင်း တိုက်ပွဲဖြစ်ပွားခဲ့ပြီး စစ်ပြေးဒုက္ခသည်များ ရာနှင့်ချီ ထွက်ပြေးတိမ်းရှောင်နေရဆဲ ဖြစ်သည်။ အလားတူ မြန်မာ့တပ်မတော်နှင့် ရှမ်းပြည်တိုးတက်ရေးပါတီ၊ ရှမ်းပြည်တပ်မတော်(SSPP/SSA)တို့အကြားလည်း တိုက်ပွဲ ဖြစ်ပွားခဲ့ရာ ယနေ့ထိ စစ်ရေးတင်းမာနေဆဲ ဖြစ်ကြောင်း သိရသည်။

ရေအရင်းအမြစ် ရေရှည်ထိန်းသိမ်းဖို့ အစိုးရသစ်လက်ထက်မှာ ရေဥဒေ ပြဌာန်းသင့်


KBC ဆရာမ ၂ ဦး အမှု တရားမျှတ ရေး အစိုးရကို ထပ်မံ တောင်းဆို

Kachinnews


ရှမ်းပြည်နယ် မြောက်ပိုင်း မူဆယ်ခရိုင် ပန်ဆိုင်း (ကြူကုတ်)မြို့ ကောင်းခါးကျေးရွာတွင် အဓမ္မပြုကျင့် အသတ်ခံခဲ့ရသည့် ကချင် ဆရာမ နှစ်ဦး အမှုနှင့် ပတ်သက်ပြီး KBC အမှုမှန် ဖော်ထုတ်ရေး အဖွဲ့ မှ မေလ (၁၈) လားရှိုး ခရိုင်ရဲတပ်ဖွဲ့မှုးရုံး တွေ့ဆုံမှုတွင် အစိုးရကို အချက် ၂ ချက် ထပ်မံ တောင်းဆိုခဲ့သည်။

ယင်းနေ့ တွေ့ဆုံမှုတွင် အမှုမှန် ဖော်ထုတ်ရေး အတွက် ကချင် နှစ်ခြင်း ခရစ်ယာန် အဖွဲ့ချုပ် KBC ဘက်ကလည်း အစိုးရကို စာရေးတောင်းဆိုမှုများ ပြုလုပ်ခဲ့ကြောင်း ပွဲတက်ရောက်သူ KBC မုန်းမောင်ဇုံနယ် နှစ်ခြင်းခရစ်ယာန် အသင်းတော် (Mungmau Ginwang Hkalup Hpung) အထွေထွေ အတွင်းရေးမှုး ဆရာဇော်ရာ မှ ယခုလို ပြောပါသည်။

“စစ်ကြောင်းမှူး တင်မကဘူး အဲတုန်းက ရွာမှာ ရှိနေတဲ့ စစ်သားတွေ အကုန်လုံးကို ကျနော်တို့ စစ်ဆေး မေးမြန်း ချင်တယ်။ နောက်တစ်ချက်က အခုက ရဲတွေ ကြားခံပြီး ကျနော်တို့ကို တဆင့် မေးခိုင်းတဲ့အတွက် သိပ် မထိရောက်ဘူး။ အဲဒါကြောင့် ကျနော်တို့ တိုက်ရိုက် မေးမြန်းနိုင်ဖို့ အဲဒီ အခွင့်အရေး ရှိမှ ကျနော်တို့ စစ်ဆေး တော့မယ် လို့ ၂ ခု ပြောပြီး ပွဲက ပြီးသွားတယ်။”

ယင်းနေ့တွင် အစိုးရတပ် အရှေ့မြောက်ပိုင်းတိုင်း စစ်ဌာနချုပ် ရမခ အောက် ခမရ ၅၀၃ မှ စစ်ကြောင်းမှူး ဗိုလ်မှူး အောင်ဖြိုးမြင့်၊ ဗိုလ်ကြီး မင်းသွင်နှင့် တပ်သား တဦး တို့ကို ရဲတပ်ဖွဲ့မှ တဆင့် မေးမြန်းဖို့ KBC အဖွဲ့ချုပ်ကို ရဲတပ်ဖွဲ့က အကြောင်းကြားခဲ့ခြင်းဖြစ်ပါသည်။

ထို့အပြင် လာမည့် ဇွန် (၄) ရက်နေ့တွင်လည်း KBC အမှုမှန် ဖော်ထုတ်ရေး အဖွဲ့က အစည်းအဝေး ပြုလုပ်ပြီး အမှုမှန် ပေါ်ပေါက်ရေး အတွက် ဆက်လက် လုပ်ဆောင်သွား မည်ဖြစ်သည် ဟု KBC facebook စာမျက်နှာ တွင် ဖော်ပြထားပါသည်။

KBC မှ စေလွှတ်သော စေတနာ့ ၀န်ထမ်း ဆရာမ မရန်လုရာ (Maran Lu Ra)နှင့် ဆရာမ တန်ဘောင် ခေါန်နန်စင် (Tangbau Hkawn Nan Tsin) တို့ နှစ်ဦးသည် ကောင်းခါး ကျေးရွာတွင် ပညာ ဒါန ပြုနေချိန် ၂၀၁၅ ဇန်နဝါရီ ၁၉ ရက်ည သူတို့ နှစ်ဦး နေထိုင်ရာ ဘုရားကျောင်းဝင်း နေအိမ်တွင် အုပ်စုဖွဲ့ အဓမ္မပြုကျင့်ပြီး ရက်ရက်စက်စက် သတ်ဖြတ်ခံခဲ့ရခြင်း ဖြစ်ပါသည်။

လှိုင်သာယာမြို့နယ်ထဲမှာရှိတဲ့ ဆင်းရဲနွမ်းပါး ကျောင်းသားတွေကို လှူဒါန်းသွားမယ်


ပညာရေးဝန်ကြီး နှင့် န.က.သ တွေ့ဆုံမှု အချက်လေးချက် ညှိနှိုင်းဆွေးနွေး

ခင်မြတ်မြတ်ဝေ

ပညာရေး ဝန်ကြီးဒေါက်တာ မျိုးသိမ်းကြီး နှင့် နိုင်ငံလုံးဆိုင်ရာကျောင်းသားများသမဂ္ဂအဖွဲ့ချုပ် (န.က.သ) တွေ့ဆုံကာ အချက်လေးချက်ကို အဓိက ဆွေးနွေးခဲ့သည်ဟု န.က.သ၏ ဗဟိုအလုပ်မှုဆောင် ဇေယျလွင်က မဇ္ဈိမကို ပြောသည်။

မေ ၂၉ရက်က အဆင့်မြင့်ပညာဦးစီးဌာနရုံး၌ ဝန်ကြီး နှင့် န.က.သ ကျောင်းသားများ တွေ့ဆုံခဲ့ခြင်းဖြစ်သည်။

ပညာရေးနှင့်ပတ်သက်၍ ညှိနှိုင်းဆွေးနွေးပွဲတွင် “အရင်အစိုးရတုန်းက ဒီလိုညှိနှိုင်းပွဲမပြောနဲ့ ဖွဲ့တာနဲ့ ဖမ်းခဲ့တာ။ အခုအစိုးရသစ်မှာ ဝန်ကြီးနဲ့ ခေါ်တွေ့ ညှိနှိုင်းတာတော့ အရမ်းကွာဟပါတယ်။ ဒီအပေါ်ကိုလည်း ပထမဆုံးတွေ့ဆုံ ညှိနှိုင်းမှုက ကျောင်းသား နဲ့အစိုးရကြားရင်ကြားစေ့ပေးတယ်။ အမြင်မတူမှုတွေကို ညှိနှိုင်းမှုရတယ်လို့မြင်တယ်" ဟု ၎င်းကပြောသည်။

ဆွေးနွေးပွဲတွင် အဆင့်မြင့်ပညာရေးဥပဒေ ရေးဆွဲထားပြီး အတည်မပြုရသေးမီ အချိန်တွင် ကျောင်းသားသမဂ္ဂများ လွတ်လပ်စွာ လှုပ်ရှားခွင့်ပြုရန်၊ အဆင့်မြင့်ပညာရေးဥပဒေရေးဆွဲရာတွင် တက္ကသိုလ်တစ်ခုချင်းမှ စည်းကမ်းချက်များကို ကျောင်းသားသမဂ္ဂများပါ ပူပေါင်းပါဝင်ရေးဆွဲခွင့်ပြုရန်၊ မြန်မာနိုင်ငံ အင်ဂျင်နီယာကောင်စီ ဥပဒေတွင် ကျောင်းသားများအပေါ် ဖိနှိပ်မှုများရှိနေသည်ဟု ကျောင်းသားများက ခံယူထားသည်အတွက် ပြန်လည်ပြင်ဆင်ရန် အချက်သုံးချက်ကို ကျောင်းသားများဘက်က ဆွေးနွေးခဲ့သည်။

အဆင့်မြင် ပညာရေး ဥပဒေရေးဆွဲရာတွင် ကျောင်းသားသမဂ္ဂများ မှပူပေါင်းပါဝင်နိုင်ရေး အချက်ကို ပညာရေးဝန်ကြီး ဒေါက်တာမျိုးသိမ်းက သဘောတူခဲ့သည်။

ထို့အပြင် ပညာရေးဝန်ကြီးဌာန၏ ရက် ၁၀၀ စီမံကိန်းတွင် ပါဝင်သည့် တက္ကသိုလ် အရည်အသွေးထိန်းရေး စီမံချက်တွင် တက္ကသိုလ်သင်ကြားရေးဆရာ၊ ဆရာမများ၊ ကျောင်းသားများ၏ အသံ (feedback)ကို ပြန်လည်လိုအပ်သည်ဟု ဝန်ကြီးက ပြောသည်ဟု ၎င်းကပြောသည်။

ယင်းအချက်ကို ကျောင်းသားများက ပူးပေါင်းဆောင်ရွက်ရန် ညှိနှိုင်းမှုကို ကျောင်းသားများဘက်က သဘောတူညီခဲ့သည်။

တက္ကသိုလ်ကျောင်းဝန်းအတွင်း မူးယစ်ဆေးဝါးပြဿနာ၊ သွားလားရေးခက်ခဲမှု ပြဿနာ၊ ကျောင်းသားများ ကျန်းမားရေးနှင့်ဆိုင်သည့် ဆေးကုခန်းထားရှိရေး၊ စာသင်ခန်းတွင် လက်တွေ့စမ်းသပ် ကိရိယာ ပြည့်စုံမှုမရှိခြင်း၊ ကျောင်းတွင်း စားသောက်ဆိုင်များ ကျန်းမားရေး နှင့် ညီညွှတ်မှုမရှိခြင်း၊ အိမ်သာများ သန့်စင်မှုမရှိခြင်း စသည့် အခြေခံလိုအပ်ချက်များကို ကျောင်းသားများက တင်ပြဆွေးနွေးခဲ့သည်။

ယင်းအချက်လက်များကို အရေးကြီးလုပ်ဆောင်ရမည့် အချက်များ၊ ရေရှည်လုပ်ဆောင်ရမည့်အချက်များ ဟူ၍ ကဏ္ဍခွဲလုပ်ဆောင်ပေးမည်ဖြစ်ကာ အချို့အချက်များကို ချက်ချင်းလုပ်ဆောင်ပေး၍ မဖြစ်နိုင်သေးကြောင်း ဝန်ကြီးက ပြောသည်ဟု ဆိုသည်။

ညှိနှိုင်းပွဲတွင် ပညာရေးဝန်ကြီးဒေါက်တာ မျိုးသိမ်းကြီး၊ အခြေခံပညာရေး ဦးစီးဌာနမှ ညွှန်ကြားရေးမှူးချုပ်၊ ဆရာအတတ်သင် ဒုညွန်ကြားရေးမှူးချုပ်၊ အဆင့်မြင့်ပညာရေးဦးစီးဌာန ဒုကြားရေးမှူးချုပ်၊ ပညာရေး သုတေသီမှ ဒေါက်တာခိုင်မြဲ အပါအဝင် နိုင်ငံလုံးဆိုင်ရာကျောင်းသားများ သမဂ္ဂအဖွဲ့ချုပ်မှ ကျောင်းသား ၂၇ ဦးတို့ တွေ့ဆုံဆွေးနွေးခဲ့သည်။

နိုင်ငံလုံးဆိုင်ရာ ကျောင်းသားများသမဂ္ဂအဖွဲ့ချုပ် (န.က.သ)သည် တက္ကသိုလ်ကျောင်းသားများသမဂ္ဂ နှင့် မြေလတ် ဗ.က.သအဖွဲ့တို့ ပေါင်းစည်းက မေ ၂၅ရက်ကမှ အသစ်ပြန်လည်ဖွဲ့စည်းထားခြင်းဖြစ်သည်။

ရန်ကုန်တိုင်းအတွင်း ကျုးကျော်တွေကို စာရင်းကောက်ယူဖို့ အခြေအနေ


မန်ပင်း တိုက်ပွဲကြောင့် စစ်ပြေး ရွာသားများ အကူအညီ လိုအပ် နေ

Kachinnews


အစိုးရတပ်နှင့် ကချင် လွတ်လပ်ရေး တပ်မတော် KIA ကြား ရှမ်းပြည်နယ် မြောက်ပိုင်း မုန်းကို (Munggu) ဒေသတွင် သုံးရက်ဆက်တိုက် တိုက်ပွဲဖြစ်နေသောကြောင့် စစ်ပြေးဒုက္ခသည် (IDPs) များ အကူအညီ လိုအပ်နေပါသည်။

တရုတ်နယ်စပ် အနီးရှိ မန်ပင်းရွာ (Man Ping) သည် မုန်းကို (Munggu) နှင့် ဖောင်းဆိုင် (Hpawng Seng) ကြားတွင် တည်ရှိသော ကချင်လူမျိုးများ သီးသန့်နေထိုင်ရာ ရွာငယ်လေး တစ်ခု ဖြစ်ပါသည်။

မုန်းကိုဘက်မှ ချီတက်လာသော အစိုးရ တပ်မ (၉၉) အောက် ခမရ (၁၄) စစ်ကြောင်းနှင့် KIA တပ်မဟာ (၆) အောက် တပ်ရင်း (၃၈) တို့ သည် မန်ပင်း ရွာအနီး မေလ ၂၂ မွန်းလွဲပိုင်းမှ စပြီး တိုက်ပွဲ စတင်ဖြစ်ပွားခဲ့ပါသည်။

တိုက်ပွဲ ဖြစ်သော နေ့ မှာပင် အိမ်ခြေ (၁၈) ခု ကျော် ရှိသော မန်ပင်း (Man Ping) ရွာသား အားလုံးသည် တရုတ်နယ်စပ်သို့ ထွက်ပြေးတိမ်းရှောင်နေပြီ ဖြစ်သည်။

ရွာသားများ တိမ်းရှောင်သွားပြီးနောက် ယမန်နေ့ က နှစ်ဖက်တပ်ဖွဲ့ကြား တိုက်ပွဲ ပြန်လည် ဖြစ်ပွားခဲ့ပြီး ယနေ့ နံနက်ပိုင်းမှာလည်း ရွာအတွင်း သေနတ်သံများ ကြားနေရသေးကြောင်း KIA တပ်မဟာ (၆) ထိပ်ပိုင်း အရာရှိ တစ်ဦး ကချင်သတင်းဌာန KNG ကို ပြောပါသည်။

တနင်္ဂနွေနေ့ မွန်းလွဲပိုင်းတွင် နှစ်ဖက် တပ်ဖွဲ့ကြား မိနစ် ၄၀ ကျော် တိုက်ပွဲဖြစ်ပွား ပြီးနောက် အစိုးရ ခမရ (၁၄) တပ်ဖွဲ့များ ရွာထဲသို့ ဝင်လာပြီး နေအိမ်များကို မီးရှို့ခဲ့သည်။ ထို့အပြင် ဒေသခံ ရွာသားများ ရွာထဲ မ၀င်လာရန် ၎င်းတို့မှ ခြိမ်းခြောက် တားမြစ်ထားသောကြောင့် ယင်း ညနေက နေအိမ် ဘယ်လောက် မီးရှို့ခဲ့သည်ကို မသိသော်လည်း အဝေးမှ မြင်ရသလောက် နေအိမ် (၃)ခု ဖြစ်ကြောင်း နယ်စပ်က မျက်မြင်တစ်ဦး က ပြောပါသည်။

မေလ ၂၂ မှစပြီး တရုတ်ဘက်ခြမ်း လယ်တောတွင် တိမ်းရှောင်နေသော မန်ပင်း (Man Ping) ရွာသား အားလုံး ၈၀ ကျော်ထိ ရှိနေပြီး ၄င်းတို့ တွင် ကလေးသူငယ်များနှင့် သက်ကြီးရွယ်အိုများ ပါကြောင်း ယမန်နေ့ စစ်ပြေးဒုက္ခသည်များကို သွားရောက်ကြည့်ရှု့ခဲ့သည့် မုန်းကို (Munggu) ဒေသခံ တစ်ဦး ကချင်သတင်းဌာန KNG ကို ပြောပါသည်။

မန်ဟိုင်း (Manghai) တရုတ်ရဲများကလည်း ယမန်နေ့ မနက်ပိုင်း စစ်ပြေးဒုက္ခသည်များကို ကိုယ့်အိမ်ကို ပြန်ရန် လာရောက် မောင်းထုတ်ခဲ့နေချိန် ဒေသစံ တော်ချိန် မွန်းလွဲ ၂ နာရီခန့် မှာ သေနတ်သံများ ထပ်မံ ကြားလာသဖြင့် မပြန်နိုင်သေးကြောင်း မေးမြန်း သိရှိရပါသည်။

မန်ပင်း (Man Ping) ရွာ အနီး တစ်ဝိုက် အစိုးရတပ်နှင့် KIA တပ်ရင်း (၃၈) တိုက်ပွဲ ဆက် ဖြစ်လာနိုင်သောကြောင့် စစ်ရှောင် ရွာသားများ အချိန်အတိုအတွင်း နေအိမ်ပြန်နိုင်ရန် မဖြစ်နိုင်သေးကြောင်း KIA တပ်မဟာ (၆) ထိပ်ပိုင်း အရာရှိ က ပြောပါသည်။

ယမန်နေ့ ညနေပိုင်းအထိ မန်ပင်း (Man Ping) စစ်ပြေး ဒုက္ခသည်များသည် သက်ဆိုင်ရာ ဒုက္ခသည် ကူညီရေး အဖွဲ့အစည်းများမှ မည်သည့် အကူအညီမျှ မရရှိဘဲ တရုတ် လယ်တောထဲတွင် ခက်ခက်ခဲခဲ တိမ်းရှောင်နေရကြောင်း ကချင်သတင်းဌာန KNG က စုံစမ်း သိရှိရပါသည်။

အင်းတော်မြို့နယ်၊ မဲဇာရွာ၊ ၂ ရပ်ကွက်ဆက်သွယ်ရေးတာဝါတိုင်မှ အနံများ၊ ဆူည့သံများအပေါ်


ဦးဌေးဦးယာဉ်တန်း လုံခြုံရေး လိုက်ပါမပေးကြောင်း မြို့နယ် ရဲတပ်ဖွဲ့မှူးငြင်း

မျိုးသူရကိုကို

ကြံ့ခိုင်ရေးပါတီ ဒုတိယဥက္ကဋ္ဌ ဦးဌေးဦး၏ ဟင်္သာတမြို့နယ်တွင်း ခရီးစဉ်များတွင် လမ်းကြောင်း လုံခြုံရေးယာဉ်တန်း ပေးအပ်ထားဟု သတင်းထွက်ပေါ်နေမှုမှာ မဟုတ်ဟု ဟင်္သာတမြို့နယ် ရဲတပ်ဖွဲ့မှူး ရဲမှူးတိုးဝင်းက မဇ္ဈိမကို ပြောသည်။ "လုံခြုံရေးယာဉ်တန်းကော တပ်ဖွဲ့ဝင် တစ်ဦးတစ်ယောက်မှ လိုက်ပါခြင်း မရှိပါဘူးခင်ဗျ။" ဟု ပြောသည်။

ယင်းကိစ္စနှင့် ပတ်သက်ပြီး ဟင်္သာတမြို့နယ် တိုင်းဒေသကြီး လွှတ်တော် ကိုယ်စားလှယ် ဦးအောင်ကိုကိုက ဧရာဝတီတိုင်း ဒေသကြီး အစိုးရအဖွဲ့ထံသို့ တင်ပြ မေးမြန်းထားခြင်းဖြစ်သည်။ ဟင်္သာတမြို့ရှိ ဦးဌေးဦး၏ နေအိမ်တွင် နေထိုင်သူတစ်ဦးက "အဘ လာရင်တော့ သူစီးနေကျ ကားနှစ်စီးအပြင် မြို့နယ် ပြည်ခိုင်ဖြိုးက ကားတွေ ပါတာတွေ့ရတယ်။ တစ်ခြားကားတွေလည်း တွေ့တာပေါ့။ အရင်လတွေကအထိ သူလာရင် မော်တော်ပီကယ်ပါတယ်။ မော်တော်ပီကယ်တွေက ရွှေစေတီလမ်းနဲ့ ဈေးကလေးလမ်းဆုံတဲ့ အဘအိမ်နားက လမ်းဆုံမှာ စောင့်ရတယ်။

အခုတစ်ခေါက်တော့ မော်တော်ပီကယ်တို့ လုံခြုံရေး ရဲတို့ ကျနော်လည်း မတွေ့မိသလိုပဲဗျ။ ပုံမှန်အားဖြင့်တော့ ခယက ကားနဲ့ တစ်ခြားကားတွေ ပါလာတာတွေ့ရတယ် ခင်ဗျ။ မှတ်မှတ်ရရ သူတိုင်းမှူး စဖြစ်ခါစ ပထမဆုံး အခေါက်ကဆို သူလာရင် ရပ်ကွက်ထဲ ဝင်ထွက် သွားလာခွင့် ပိတ်တယ်ခင်ဗျ။ သူပြောလိုက်ပုံရပါတယ်။ နောက်တော့ လုံခြုံရေးကားတွေ ပါလာတာ မတွေ့ရသလို သူလိုကိုယ်လိုပဲ ညဘက်ကြီးလည်း ရောက်ချလာတာပါပဲ" ဟု မဇ္ဈိမကို ပြောသည်။ ပြည်ခိုင်ဖြိုး ဥက္ကဌ ဦးဌေးဦး အနေဖြင့် ဟင်္သာတမြို့နယ်သို့ သွားလာရာတွင် လုံခြုံရေးယာဉ်တန်း လိုက်ပါမှုနှင့် ပတ်သက်၍ သတင်းများ ထွက်ပေါ်နေပြီး ဝေဖန်သံများ ရှိနေသည်။

ကညန ရုံးမှာ ကနဦးမှတ်ပုံတင် လာလုပ်တဲ့ယာဉ် နေ့စဉ်ထောင်နဲ့ချီ ရှိနေ


သတင်းယူခွင့် ပိတ်ပင်ခြိမ်းခြောက်သည့် မျိုးချစ်မြန်မာရဟန်းတော်များသမဂ္ဂကို ရှုတ်ချ

နန်းဆိုင်နွမ်


ရန်ကုန်မြို့ ဆီဒိုးနားဟုိုတယ်တွင် ရုိုးရာ ယာဉ်ကျေးမှု ၀တ်စုံဖြင့် ဧည့်ကြို လုပ်မှုကုို မျိုးချစ် မြန်မာ ရဟန်း တော်များ သမဂ္ဂ ကန့်ကွက်ခဲ့ပြီးနောက် ဆီဒုိုးနားဟုိုတယ်မှ တာဝန်ရှိသူများနှင့် မေလ ၂၆ ရက်နေ့တွင် ဆွေးနွေးကြစဉ် သတင်းလာယူသည့် MCN (Myanmar Cable News) မှ သတင်းထောက်ကုို ခြိမ်းခြောက် ပြီးသတင်းရယူခွင့် ပိတ်ပင်သည့်အပေါ် ရှုတ်ချကြောင်း ကြေညာချက်တရက် MCN က ထုတ်ပြန်သည်။

မေ ၂၆ရက်နေ့တွင် မျိုးချစ်မြန်မာရဟန်းတော်များသမဂ္ဂမှ သံဃာတော်တချို့သည် ရန်ကုန်မြို့ ဆီဒိုးနား ဟိုတယ်တွင် ဟိုတယ်ဝန်ထမ်းများ ရိုးရာ ယဉ်ကျေးမှု ဝတ်စုံ ဝတ်ဆင်ပြီး ဧည့်ကြို မှု အပေါ် ဟိုတယ် တာဝန်ရှိသူများနှင့် ဆွေးနွေး ညှိနှိုင်း မှုပြုလုပ်ခဲ့ကြောင်း၊ ထိုဆွေးနွေးမှု နှင့် ပတ်သတ်ပြီး MCN သတင်းထောက်မှ သတင်းရယူခွင့် အား ပိတ်ပင်လျက် ခြိမ်းခြောက်မှု ပြုလုပ်ပြီး မှတ်တမ်းဗွီဒီယို ဖိုင်များ ဖျက်ဆီးပစ်ရန် ကြိုးစားခဲ့ကြောင်း၊ ယင်းကဲ့သုို့ လွတ်လပ်စွာ သတင်း ရယူခွင့် အား တားမြစ်ခဲ့သည့်အပေါ် ရှုတ်ချကြောင်းနှင့် ဖြစ်စဉ်အပေါ် ဥပဒေ အရ အကာ အကွယ် ယူသွားမည် ဖြစ် ကြောင်း MCN က ယနေ့ ကြေညာချက် ထုတ်ပြန်သည်။

မျိုးချစ်မြန်မာရဟန်းတော်များ သမဂ္ဂ ကို သက်ဆိုင်ရာ သံဃာတော်အဖွဲ့အစည်းများက သတိပေးမှုများ ပြုလုပ်ပေးရန်၊ သတင်း လွတ်လပ်စွာ ရယူခွင့် နှင့် တားဆီးမှုကို ကာကွယ် ဆောင်ရွက်ရန် တောင်းဆိုသွားမည် ဖြစ်ကြောင်း MCN TV NEWS (Myanmar Cable News) (မြန်မာကေဘယ်လ်ရုပ်သံသတင်းဌာန) အယ်ဒီတာချုပ် ဦးအံ့ဘုန်းမြတ်က ပြောသည်။

“ဒီပြဿနာကို ပြေလည်အောင် မျိုးချစ်မြန်မာရဟန်းတော်များအဖွဲ့ ကို သက်ဆိုင်ရာ သံဃာအဖွဲ့အစည်းတွေအနေနဲ့ သတင်း လွတ်လပ်စွာရယူခွင့်လိုဟာမျိုးကို တားမြစ်တာတွေကို ကာကွယ်ဖို့ ဆောင်ရွက်ဖို့ ကျနော်တို့ ထပ် တောင်း ဆို သွားမယ်။ တကယ်လို့ မပေးဘူးဆိုရင်တော့ ကျနော်တို့ ထပ်ပြီးတော့ တရားစွဲဆိုသွားမယ်” ဟု ဦးအံ့ဘုန်းမြတ်က ဆိုသည်။

မျိုးချစ်ရဟန်းတော်များ သမဂ္ဂမှ သံဃာတချို့ နှင့် လူပုဂ္ဂိုလ်တချို့က လွတ်လပ်စွာ သတင်းရယူခွင့်၊ လွတ်လပ် စွာ သတင်း ထုတ်ပြန်ခွင့်ကုို တားမြစ်ခဲ့သည့်အပေါ် နိုင်ငံတော်အတိုင်ပင်ခံပုဂ္ဂိုလ်ရုံး၊ နိုင်ငံတော် သမ္မတ ရုံး၊ သာသနာရေး ၀န်ကြီးဌာန၊ နိုင်ငံတော်သံဃမဟာနာယကအဖွဲ့နှင့် သတင်းမီဒီယာကောင်စီ တို့က ဖြေရှင်း ပေးရန် MCN က တောင်းဆိုထားကြောင်း သိရှိရသည်။

ပြည်သူ့ဂုဏ်ရည်ဆုရရှိသူတွေကို မေလ ၂၈ ချီးမြှင့်ပေးအပ်


ဌာနဆိုင်ရာများမှ ပြောရေးဆိုခွင့်ရ ပုဂ္ဂိုလ်များကို မီဒီယာနှင့် ဆက်ဆံရေး သင်တန်းပေးမည်

မျိုးပြည့်သင်း (SocialWatch)

ဝန်ကြီးဌာနတွေရဲ့ ပြောရေးဆိုခွင့်ရှိပုဂ္ဂိုလ်တွေအတွက် မီဒီယာဖွံ့ဖြိုးတိုးတက်ရေးအဖွဲ့အစည်းများ နှင့် ညှိနှိုင်းကာ ပြောရေးဆိုခွင့်သင်တန်းတွေကို နေပြည်တော်ပြန်ကြားရေးဝန်ကြီးဌာနတွင် ပြုလုပ်မည်ဟု ဝန်ကြီးက ပြောသည်။

"ဝန်ကြီးဌာနတွေမှာ ပြောရေးဆိုခွင့်ပုဂ္ဂိုလ်တွေ ရွေးထားတာရှိတယ်၊ အဲ့ဒီပုဂ္ဂိုလ်တွေ သတင်းမီဒီယာနဲ့တွေ့တဲ့အခါမှာ ဘယ်လိုဆောင်ရွက်မယ်ဆိုတဲ့ နည်းလမ်းတွေ၊ သူတို့အရည်အချင်း အရည်အသွေးတွေပြည့်ဝအောင် လေ့ကျင့်တဲ့သဘောမျိုး၊ ရက်တိုသင်တန်းသဘောမျိုး၊ ဒါက ဇွန်လထဲမှာ လုပ်ဖို့ရှိတယ်"ဟု ပြန်ကြားရေးဝန်ကြီးဦးဖေမြင့်က ပြောသည်။

ဇွန်လပထမပတ်မှ ဒုတိယအပတ်အထိ ရက်တိုသင်တန်းတစ်ခု နှင့် တတိယအပတ်မှ စတုတ္တပတ်ထိ ရက်တိုသင်တန်းတစ်ခု ဆိုပြီးသင်တန်းနှစ်ခု ပြုလုပ်သွားမည်ဟု ဆိုသည်။ သင်တန်းကာလကို ၃ရက် လျာထားပြီး ပြည်တွင်း၊ ပြည်ပမှ မီဒီယာပညာရှင်များက သင်ကြားပို့ချမည်ဟု သိရသည်။

သင်တန်းတစ်ခုတွင် ဝန်ကြီးဌာနများ၏ ပြောရေးဆိုခွင့်ရှိသူ နှစ်ဦးစီ တက်ရောက်ရမည်ဖြစ်ပြီး သင်တန်းတစ်ခုကို သင်တန်းသား ၅၀ထက်မနည်း တက်ရမည်ဟု ပြန်ကြားရေးဝန်ကြီးဌာနမှ အမြဲတမ်းအတွင်းဝန် ဦးတင့်ဆွေက မဇ္ဈိမကို ပြောသည်။

"ပြီးရင်ဆက်ပြီးတော့ သင်တန်းတွေပေးဖို့ကို သက်ဆိုင်ရာ media developement partner တွေ(မီဒီယာဖွံ့ဖြိုးတိုးတက်ရေးအဖွဲ့အစည်းတွေ)နဲ့ ထပ်ပြီးတော့ ချိတ်ဆက်နေပါတယ်။ တချို့သံရုံးတွေနဲ့လည်း ပြည်ထောင်စုဝန်ကြီးက ပြောထားတာတွေရှိပါတယ်။ ဒါတွေကတော့ဆက်ပြီးတော့ ရေရှည်ပေါ့ ထပ်ပြီးတော့ပေးသွားဖို့လည်းရှိပါတယ်။"လို့ ဦးတင့်ဆွေက ဆက်ပြောသည်။

အဆိုပါပြောရေးဆိုခွင့်ရှိပုဂ္ဂိုလ်များကို မေလ၂၀ရက်က ရွေးချယ်ပြီးဖြစ်ကြောင်း သတင်းထုတ်ပြန်ထားသည်။

ရွေးကောက်ပွဲကတိတွေကို အကောင်ဖော်မှုရှိမရှိ


ဒေါ်အောင်ဆန်းစုကြည် ထုိုင်းနုိုင်ငံ သွားမည်

ဧရာဝတီ


နုိုင်ငံတော်အတုိုင်ပင်ခံပုဂ္ဂိုလ်ဒေါ်အောင်ဆန်းစုကြည်သည် ထုိုင်းနုိုင်ငံသုို့ လာမည့် ဇွန်လတွင် သွားရောက် လည် ပတ်မည် ဖြစ်ကြောင်း နုိုင်ငံတော်သမ္မတရုံးထံမှ သိရှိရသည်။

ဒေါ်အောင်ဆန်းစုကြည်သည် ထုိုင်းနုိုင်ငံသုို့ ဇွန်လတွင် သွားရောက်လည်ပတ်မည်ဖြစ်သော်လည်း သွားရောက် မည့် နေ့ရက်နှင့်အချိန်ကုို အတိအကျမပြောနုိုင်သေးဘဲ ညှိနှိုင်းနေဆဲဖြစ်ကြောင်း၊ ဒေါ်အောင်ဆန်းစုကြည်၏ ထုိုင်း နုိုင်ငံ ခရီးစဉ်တွင် သမ္မတဦးထင်ကျော် ပါဝင်မည်၊ မပါဝင်မည်ကုို မပြောနုိုင်သေးကြောင်း နုိုင်ငံတော် သမ္မတ ရုံး ပြောခွင့်ရပုဂ္ဂိုလ် ဦးဇော်ဌေးက ပြောသည်။

ဒေါ်အောင်ဆန်းစုကြည်၏ ထုိုင်းနုိုင်ငံခရီးစဉ်သည် ဇွန်လ ၂၃ ရက်နေ့နှင့် ၂၅ ရက်နေ့အတွင်း သွားရောက် မည်ဖြစ် ပြီး သမ္မတဦးထင်ကျော်ပါဝင်မည်ဖြစ်ကြောင်း အစုိုးရသတင်းရင်းမြစ်တချို့ထံမှ သိရှိရသည်။

NLD အစုိုးရသစ်၏ ပထမဆုံးသော နုိုင်ငံခြားခရီးစဉ်အဖြစ် ဒေါ်အောင်ဆန်းစုကြည်နှင့် သမ္မတဦးထင်ကျော် တုို့ သည် မေလတွင် လာနုိုင်ငံသုို့ သွားရောက်ခဲ့ပြီး မေလ ၁၉ ရက်နေ့တွင် သမ္မတဦးထင်ကျော်သည် ရုရှားနုိုင်ငံသုို့ အာဆီယံ-ရုရှား နှစ် ၂၀ ပြည့် အစည်းအဝေး တက်ရောက်ရန် သွားရောက်ခဲ့သည်။

မေလ ၉ ရက်နေ့တွင် ထုိုင်းနုိုင်ငံခြားရေးဝန်ကြီး Don Pramudwinai သည် မြန်မာနုိုင်ငံ လာရောက် လည် ပတ်ခဲ့ ပြီး ဒေါ်အောင်ဆန်းစုကြည်နှင့်တွေ့ဆုံခဲ့ကြောင်း၊ လွန်ခဲ့သည့်အပတ်ကလည်း တပ်မတော်ကာကွယ်ရေး ဦးစီး ချုပ် ဗိုလ်ချုပ်မှူးကြီးမင်းအောင်လှိုင်သည် ထုိုင်းနုိုင်ငံသို့ ၃ ရက်ကြာ သွားရောက်လည်ပတ်ခဲ့ပြီး တပ်ချုပ်၏ ခရီးစဉ်တွင် ထုိုင်းနုိုင်ငံဝန်ကြီးချုပ်၊ ကာကွယ်ရေးဝန်ကြီး၊ ထုိုင်းတပ်မတော်ဦးစီးချုပ် အပါအ၀င် ထုိုင်းအစုိုးရ၊ ထုိုင်းတပ်မတော် ခေါင်းဆောင်များနှင့် တွေ့ဆုံခဲ့ကြောင်း သိရှိရသည်။

လူငယ်၁၆၀ကျော်ပါဝင်တဲ့ဆွေးနွေး လူငယ်ဖိုရမ်မန္တလေးမှာကျင်းပ


ဒဂုံဆိပ်ကမ်းတွင် ဆင်းရဲသားမိသားစုများအတွက် တန်ဖိုးနည်းအိမ်ရာစီမံကိန်း ဂျပန်အစိုးရရန်ပုံငွေဖြင့် တည်ဆောက်နေ

မဇ္ဈိမ

ရန်ကုန်တိုင်းဒေသကြီး ဒဂုံမြို့သစ်(ဆိပ်ကမ်း)မြို့နယ်တွင် တန်ဖိုးနည်းအိမ်ရာ တည်ဆောက်ရေးစီမံကိန်းအား မေ ၂၅ ရက်က စတင်အုတ်မြစ်ချအခမ်းအနားကျင်းပခဲ့ကြောင်း UN_Habitat ၏ ထုတ်ပြန်ချက်အရသိရသည်။

အဆိုပါ အိမ်ရာစီမံကိန်းဝန်းကျင်ရှိ ဆင်းရဲနွမ်းပါးသော ချို့တဲ့သည့် မိသားစုများအား အိမ်ရာနှင့် အခြေခံဝန်ဆောင်မှုများ ပေးသွားရန် UN-Habitat သို့ ဂျပန်အစိုးရက ရန်ပုံငွေ ထောက်ပံ့ခြင်းဖြစ်ကြောင်းလည်း သိရသည်။ ယင်းအိမ်ရာစီမံကိန်းတွင် ဆင်းရဲသောမိသားစု ၂၄၀ အတွက် ငါးထပ်တိုက် ၁၂ လုံးအား ဆောက်လုပ်သွားမည်ဖြစ်သည်။

တန်ဖိုးနည်းအိမ်ရာ အစဦးတည်ဆောက်မှုကို အဆောက်အအုံခြောက်လုံးဖြင့် စတင်မည်ဖြစ်သည်။ အိမ်ရာနေထိုင်ခွင့်အတွက် မရှိဆင်းရဲသားမိသားစုများ၏ အခြေအနေအချက်အလက်များအပေါ် မူတည်ပြီး ရွေးချယ်သွားမည်လည်းဖြစ်သည်။ အိမ်ရာတည်ဆောက်ရေးမြေနေအား ဆောက်လုပ်ရေးဝန်ကြီးဌာနက ခွင့်ပြုချထားပေးခဲ့သည်။

ယခု အုတ်မြစ်ချအခမ်းအနားမှာ ပထမသုတ်အဖြစ် တိုက်ခြောက်လုံး တည်ဆောက်ရေးအတွက် စတင်အုတ်မြစ်ချခြင်းဖြစ်ကာ ယင်းအခမ်းအနားသို့ ဂျပန်သံရုံးကောင်စစ်ဝန် မတ်ဆူယိုဟီဒီယာကီ၊ မြို့ပြအိမ်ရာဖွံ့ဖြိုးရေးဦးစီးဌာန ဒုတိယညွန်ကြားရေးမှူး ဦးစိုင်းသက်နိုင်မိုး၊ UN-Habitat မှ မြန်မာနိုင်ငံဆိုင်ရာ စီမံကိန်းမန်နေဂျာ BijayKarmacharya၊ ရန်ကုန်မြို့တော်ဖွံ့ဖြိုးရေးကော်မတီ မြို့ပြဌာနခွဲ ညွန်ကြားရေးမှူး ဒေါက်တာ်ဦးတိုးအောင်၊ Womaen for the World မှ ဒါရိုက်တာ ဗန်လီဇာအောင်နှင့် ဌာနဆိုင်ရာနှင့် ကုမ္ပဏီများမှ တာဝန်ရှိသူများ တက်ရောက်ခဲ့ကြသည်။

ဆင်းရဲနွမ်းပါးသူမိသားစုများ နေထိုင်စရာအိမ်အခက်အခဲများနှင့် ရင်ဆိုင်နေရခြင်းအပေါ် ဖြေရှင်းရေးအတွက် စတင်စမ်းသပ်အကောင်အထည်ဖော်သည့် စီမံကိန်းတစ်ရပ်ဖြစ်ပါကြောင်း အုတ်မြစ်ချအခမ်းအနားအဖွင့်အမှာစကားပြောရာတွင် UN-Habitat မှ မြန်မာနိုင်ငံဆိုင်ရာ စီမံကိန်းမန်နေဂျာ BijayKarmacharya က ပြောကြားခဲ့သည်။

ဂျပန်ကောင်စစ်ဝန် မတ်ဆူယိုဟီဒီယာကီကလည်း မြန်မာနိုင်ငံက မရှိဆင်းရဲသားများအတွက် ဂျပန်အစိုးရ၏ ကူညီမစမှုအား ဖော်ဆောင်ပေးသည့် မင်္ဂလာရှိသည့် အချိန်ပဲဖြစ်ကြောင်း ၊ မြန်မာပြည်သူများအတွက် ဂျပန်ပြည်သူတို့၏ ကောင်းမွန်သော စိတ်စေတနာကို ဖော်ပြခြင်းဖြစ်ပါကြောင်း ပြောကြားပြီး အစီအစဉ်အတိုင်း စီမံကိန်းအပြီးသတ်နိုင်သည့်အထိ စောင့်ကြည့်သွားမည်ဖြစ်ကြောင်းလည်း ဖြည့်စွက်ပြောသည်။

ဂျပန်အစိုးရသည် UN-Habitat တွင် အားအကောင်းဆုံးအဖွဲ့ဝင်မိတ်ဖက်တစ်နိုင်ငံအဖြစ် ပါဝင်သည်။ UN-Habitat ၏ မြန်မာနိုင်ငံအခြားဒေသများတွင်လည်း ဆင်းရဲသောပြည်သူများအတွက် နေထိုင်မှုမြှင့်တင်ပေးခြင်းနှင့် အခြေခံလိုအပ်ချက်များကို ဖြည့်ဆည်းအကောင်အထည်ဖော်ပေးသည့် အမျိုးမျိုးသောစီမံကိန်းများတွင်လည်း ဂျပန်အစိုးရက ရန်ပုံငွေထည့်ဝင်ပေးထားသည်။ ဂျပန်အစိုးရ၏ နောက်ဆုံးကူညီမှုလုပ်ငန်းအဖြစ် ချင်းပြည်နယ် ပြည်သူများအတွက် အထောက်အပံ့ဖြစ်စေမည့် အခြေခံအဆောက်အအုံတည်ဆောက်ရေးလုပ်ငန်းများကိုလည်း ဇွန်လအတွင်း စတင်ရန် စီစဉ်လျက်ရှိနေသည်။

ဒဂုံဆိပ်ကမ်းမြို့သည် ရန်ကုန်အရှေ့ပိုင်းတွင် တည်ရှိပြီး ၁၉၉၀ ခုနှစ်များဝန်းကျင်က မြို့သစ်စတည်ခဲ့ခြင်းဖြစ်သည်။ လက်ရှိတွင် လူဦးရေအားဖြင့် ၁၆၆၀၀၀ ဝန်းကျင်နေထိုင်လျက်ရှိသည်။

မြန်မာအမျိုးသမီးလက်ရွေးစင်အသင်း ဂျပန်မှာလေ့ကျင့်


ကွတ်ခိုင်မြို့မှ ကျပ် ၄၂ ဘီလီယံ တန်ဖိုးရှိ မူးယစ်ဆေးအမှု တရားခံ ၂ ဦး မမိသေး

ထွန်းထွန်း


ရှမ်းပြည်နယ်၊ ကွတ်ခိုင်မြို့နယ်တွင် ငွေကျပ် ၄၂ ဒသမ ၁ ဘီလီယံတန်ဖုိုးရှိ စံချိန်တင်ဖမ်းဆီးရမိခဲ့သည့် မူးယစ် ဆေးဝါး များ နှင့် ပတ်သက်၍ တရားခံ ၁ ဦးသာ ဖမ်းမိပြီး အဓိကတရားခံဖြစ်သူ လျိုဇီရှောင်နှင့် အောင်ဆန်းတို့ ဖမ်းဆီးရမိရေး အတွက် စုံစမ်း ဆောင် ရွက် နေဆဲဖြစ်ပြီး ဖမ်းမမိသေးကြောင်း ကွတ်ခိုင်မြို့နယ်ရဲစခန်းထံမှ သိရသည်။

တရားခံဖြစ်သူ လျိုဇီရှောင်သည် ယခင်ကတည်းက မူးယစ်ဆေးဝါးအမှုဖြင့် အလုိုရှိနေသော တရားခံပြေး တဦး ဖြစ် ကြောင်း၊ ပြီးခဲ့သည့်မတ်လ ၅ ရက်က မန္တလေး၊ ပြည်ကြီးတံခွန်မြို့နယ် ခြံဝင်းတစ်ခုအတွင်းရှိ ကွန်တိန်နာ နှစ်ခုထဲမှ ကျပ် ၃၆ ဘီလီယံကျော်တန်ဖိုးရှိ မူးယစ်ဆေးဝါးများ ဖမ်းဆီးရမိမှုမှ ထွက်ပြေး တိမ်းရှောင်နေသည့် အဓိက ကွင်း ဆက် တရားခံဖြစ်ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

ကွတ်ခိုင်မြို့နယ် နယ်ထိန်း (တာဝန်ခံ) ရဲအုပ်မြင့်သူက “လက်ရှိ ဖမ်းမိထားတဲ့ယာဉ်မောင်းကို စစ်ကြောရေး ဝင်နေတုန်းပဲ၊ အဓိကတရားခံ ရမိရေးကို စုံစမ်းဖော်ထုတ်နေဆဲပါ” ဟု ဧရာဝတီကို ပြောသည်။

မေလ ၂၈ ရက်နေ့ ကောင်းခါးဘက်မှ ကွတ်ခိုင်မြို့သို့ မောင်းနှင်လာသော ၁၂ ဘီးယာဉ် UD Nissan ယာဉ်အား စစ်ဆေးရာတွင် ဆာလာအိတ် ၁၀၅ အိတ်ဖြင့် ထည့်ထားသည့် WY စာတန်းပါ ပန်းရောင်စိတ်ကြွရူးသွပ် ဆေးပြား ပေါင်း ၂၁,၀၅၀,၀၀၀ ပြားကို ဖမ်းဆီးရမိခဲ့ခြင်းဖြစ်ပြီး ဒေသပေါက်ဈေးအရ ကျပ်သိန်းပေါင်း ၄၂၁,၀၀၀ သိန်း (ကျပ် ၄၂ ဒသမ ၁ ဘီလီယံ) တန်ဖိုးရှိကြောင်း ရဲတပ်ဖွဲ့၏ သတင်းထုတ်ပြန်ချက်အရ သိရှိရသည်။

အဆုိုပါအမှုသည် ရန်ကုန်မြို့ မရမ်းကုန်းမြို့နယ်တွင် ၂၀၁၆ ခုနှစ် မတ်လ ၃ ရက်က စိတ်ကြွဆေးပြား ခြောက်သိန်း ကျော် ဖမ်းဆီးရမိခဲ့သည့် နောက်ကွင်းဆက်အဖြစ် မန္တလေးမြို့တွင် ထပ်မံဖမ်းဆီးရမိခဲ့ခြင်း ဖြစ်သည်ဟု မြန်မာနိုင်ငံ ရဲတပ်ဖွဲ့က သတင်းထုတ်ပြန်ထားသည်။

ကွတ်ခိုင်မြို့နယ် ဒေသခံတဦးက “ဒီဘက် တချို့နေရာတွေမှာ မူးယစ်ဆေးတွေက ဟင်းရွက်ကန်စွန်းလို ဖြစ်နေတယ်၊ အရင်ကတောထဲမှာ လုပ်ကြရာက အခုမြို့ပေါ် လမ်းအချို့မှာ ပေါ်တင်ပဲ လုပ်နေကြတာတွေလဲ တွေ့ရတယ်” ဟု ဧရာဝတီကို ပြောသည်။

မြန်မာနိုင်ငံတွင် မူးယစ်ဆေးဝါး စံချိန်တင်ပမာဏအများဆုံး ဖမ်းဆီးရမိမှုသည် ၂၀၁၅ ခုနှစ် ဇူလိုင် ၂၆ က မင်္ဂလာဒုံမြို့နယ် စက်မှုဇုန်နယ်မြေ ကားလမ်းဘေး၌ ကွန်တိန်နာကားငယ်တစီးအတွင်း ပီနံအိတ်များဖြင့် ထုပ်ပိုးထားသည့် စိတ်ကြွဆေးပြားပေါင်း ၂၆၇ သိန်း ကို ဖမ်းဆီးရမိခဲ့မှု ဖြစ်သည်။

ကွတ်ခိုင်တွင် ဖမ်းဆီးရမိသည့် မူးယစ်ဆေးဝါးများနှင့် ပတ်သက်၍ လက်ဝယ်ဖမ်းမိသူ ယာဉ်မောင်း အောင်အောင် (ခ) ယေစောင့်တဲ့ ဆိုသူကို မယ (ပ) ၃၅/၁၆ ၊ မူး/ စိတ်ပုဒ်မ ၁၅/၁၉ (က)/၂၁ ဖြင့် အမှုဖွင့် စစ်ဆေး လျက်ရှိ ကြောင်း ကွတ်ခိုင်မြို့နယ်ရဲစခန်းထံမှ သိရသည်။

မြန်မာ့ပန်းချီ လောက တိုးတက်ဖို့ လိုအပ်ချက်တွေရှိသေး


မန္တလေးတွင် လောင်းကစားမှုပပျောက်ရေး ဂိမ်းဆိုင်များကို စတင် စစ်ပြီ

အောင်ကိုဦး

မန္တလေးမြို့၊ အောင်မြေသာစံမြို့နယ်တွင် လောင်းကစားမှု ပပျောက်စေရန် ဂိမ်းဆိုင်များနှင့် ကစားကွင်းများကို မေလ၂၈ ရက်က စတင်စစ်ဆေးနေပြီဖြစ်သည်။ အောင်မြေသာစံ အမှတ်(၂)ရဲစခန်းမှ စခန်းမှူး ရဲအုပ် ဇော်ဝင်းမိုး ဦးဆောင်၍ ရပ်ကွက်အုပ်ချုပ်ရေးမှူးများဖြင့် ဝင်ရောက်စစ်ဆေးမှုနေပြီဟု အမှတ်(၂)ရဲစခန်းမှ ရဲအုပ်ကံအောင်မြင့်ကပြောသည်။

 "ဂိမ်းဆိုင်တွေနဲ့ကစားကွင်းတွေကို ဝင်စစ်ဆေးတာပါ။ အဓိကကတော့ ငါးမန်းဂိမ်း ကစားခြင်းရှိမရှိ စစ်ဆေးတယ်။ လိုင်စင်ရှိမရှိလည်း စစ်ဆေးတယ်။ လောင်ကစားမှုတွေ ပပျောက်အောင်လို့ပါ။"ဟု ရဲအုပ် ကံအောင်မြင့် ကပြောသည်။

ရတနာပုံ၊ ဒုံးပျံ၊ AK စသည့်ကလေးကစားကွင်းနှင့် ဂိမ်းဆိုင်များကို ဝင်ရောက်စစ်ဆေးခဲ့ခြင်းဖြစ်သည်။ မန္တလေးမြို့တွင် ငါးမန်းဂိမ်းလောင်းကစားမှုများရှိနေခြင်းကြောင့် မြို့နယ်အလိုက် စစ်ဆေးမှုများ ပြုလုပ်နေခြင်းဖြစ်သည်။

ငြိမ်းချမ်းရေး ကိုကျွမ်းကျင်တဲ့ အရပ်ဖက်အဖွဲ့အစည်းတွေ တွေကိုပါဝင်ပေးသင့်တယ်လို့ သုံးသပ်


မြစ်ဆုံဆည်ပြန်ဆောက်ပြီး ဧရာဝတီမြစ်ကို ဒုက္ခမပေးသင့်ဟု ပြော

ထွန်းထွန်းသိန်း


လျှပ်စစ်စွမ်းအားအတွက် မြစ်ဆုံဆည် ပြန်ဆောက်ပြီး ဧရာဝတီမြစ်ကို ဒုကမပေးသင့်တော့ဘူးလို့ သဘာဝပတ်ဝန်းကျင်အရေး လှုပ်ရှားသူတွေက ပြောဆိုလိုက်ပါတယ်။

မြစ်ဆုံဆည် အထူးစာမျက်နှာများအမည်နဲ့ အောင်ပင်လယ် လူမှုဝန်းကျင် အထူးထုတ်မဂ္ဂဇင်း ထွက်ရှိတဲ့ မိတ်ဆက်ပွဲကို မေလ ၂၈ ရက်က ရန်ကုန်မြို့မှာ ကျင်းပခဲ့ပြီး ဧရာဝတီမြစ်ကို ချစ်မြတ်နိုးသူတွေက ပြောကြားလိုက်တာပါ။

ဧရာဝတီမြစ်ဖျား မေခ-မလိခအောက်ဘက် မြစ်ဆုံဆည်စီမံကိန်းကို အရင်အစိုးရလက်ထက်က ရပ်ဆိုင်းခဲ့ပေမယ့် အခုအစိုးရလက်ထက်မှာ တရုတ်နိုင်ငံဘက်က ပြန်လည်ဆောက်လုပ်ဖို့ တောင်းဆိုနေတာ ဖြစ်ပါတယ်။

“ပြန်ပြည့်မြဲ စွမ်းအင်တွေ၊ တခြားနိုင်ငံနည်းတူ ဒီဘက်ကို စဉ်းစားပြီးတော့ ဧရာဝတီကို လွတ်လွတ်လပ်လပ် စီးဆင်းမှုလည်း ဒေါ်လေးတယောက်တည်း အနေနဲ့ကတော့ ယူဆထားပါတယ်။ အဲတော့ ကျန်တဲ့ မြန်မာပြည်သူလူထု အားလုံးကလည်း ကိုယ်တင်ထားတဲ့၊ ကိုယ်လိုချင်တဲ့ အစိုးရနဲ့အတူ ဧရာဝတီအပေါ်မှာ ဒေါ်လေးတို့ တာဝန်ကျေသွားကြချင်ပါတယ်လို့ ပြောချင်ပါတယ်” လို့ အောင်ပင်လယ် လူမှုဝန်းကျင်မဂ္ဂဇင်းမှ အယ်ဒီတာချုပ် ဒေါ်ဒေ၀ီသန့်စင်က ပြောပါတယ်။

မြစ်ဆုံဆည်ကြောင့် မြန်မာပြည်သူတွေ မှီတင်းနေထိုင်ကြရတဲ့ ဧရာဝတီမြစ်ရေ ခန်းခြောက်မှုအပြင် မြစ်ကြောင်းတလျှောက်က အသက်မွေးဝမ်းကြောင်း ပြုနေသူတွေကိုပါ ဆိုးကျိုးသက်ရောက်စေမှာ ဖြစ်ပါတယ်။

ဆည်မြောင်းပညာရှင် ဦးချိုချိုကတော့ “ဆိုးကျိုးတွေကတော့ ဆည်တွေဆောက်တာ အများကြီးပါ။ အထူးသဖြင့် မြစ်ကြီးတွေ၊ မြစ်မကြီးတွေပေါ်မှာ ဖြစ်နိုင်ရင် မဆောက်ပါနဲ့။ ရှောင်လို့ရရင် ရှောင်ပါ၊ တခြား ရွေးစရာလမ်းရှိရင် ရွေးလိုက်ပါ။ ရေအသုံးချမှုကို ဆည်မဟုတ်ဘဲနဲ့ တခြား သက်သာရာနည်းလမ်းတွေရှိရင် လုပ်ပါ။ မဖြစ်တဲ့အဆုံး ဆိုရင်တော့ ကျနော်တို့ ဆောက်ရမှာပေါ့” လို့ ပြောပါတယ်။

မြစ်ဆုံဆည် တည်ဆောက်မယ့် ဧရိယာဟာ ကြီးမားလွန်းတဲ့အတွက် ရေဝေရေလဲဒေသက သစ်တောတွေ ပြုန်းတီးနိုင်ပြီး စီမံကိန်းအကြောင်းပြ သစ်ခိုးထုတ်မှုတွေလည်း ရှိလာနိုင်ပါတယ်။

“ဆည်တည်ဆောက်မယ်ဆို နံပါတ်တစ် သစ်တောတွေ ရှင်းလင်းခံရမယ်။ နံပါတ်နှစ်က အရင်တုန်းက သစ်ခိုးတဲ့ ကိစ္စတွေမှာ လက်လှမ်းမမီခဲ့တဲ့နေရာက သစ်အကောင်းတွေက ဆည်အားပြုပြီးတော့ ဆည်ထဲကို ဆွဲချမယ်။ ဒါ ဆည်တွေ ဆောက်တဲ့အတွက် မကောင်းတဲ့ အကျိုးကျေးဇူးပေါ့” လို့ မြန်မာနိုင်ငံ သစ်တောအသင်းမှ အတွင်းရေးမှူး ဦးတင်အေးက ပြောဆိုလိုက်တာပါ။

မြစ်ဆုံဆည်စီမံကိန်းကို ၂၀၁၁ ခုနှစ်၊ စက်တင်ဘာလအတွင်း သမ္မတဦးသိန်းစိန် လက်ထက်က ယာယီရပ်ဆိုင်းခဲ့ခြင်းဖြစ်ပြီး အခု ဒေါ်အောင်ဆန်းစုကြည် ခေါင်းဆောင်တဲ့ အစိုးရသစ်လက်ထက်မှာ ပြန်လည်စတင်ဖို့ တရုတ်နိုင်ငံဘက်က ကြိုးစားနေတာပါ။

ပြီးခဲ့တဲ့ မတ်လ ၄ ရက်နေ့က မြန်မာနိုင်ငံဆိုင်ရာ တရုတ်သံအမတ်ကြီး မစ္စတာဟုန်လျန်က သူ့ရဲ့နေအိမ်မှာ သတင်းမီဒီယာနဲ့ တွေ့ဆုံစဉ် မြစ်ဆုံဆည် စီမံကိန်းအတွက် လျော်ကြေးပေးရတဲ့အထိ မဖြစ်နိုင်ဘဲ အားလုံးလက်ခံနိုင်တဲ့ နည်းလမ်းကို အစိုးရသစ်နဲ့ ညှိနှိုင်းသွားမယ်လို့ ပြောကြားခဲ့ပါတယ်။

မြစ်ဆုံ ရေအားလျှပ်စစ် စီမံကိန်းဟာ ကချင်ပြည်နယ် မြစ်ကြီးနားမြို့နဲ့ ၂၇ မိုင်အကွာမှာ တည်ရှိပြီး ဒီစီမံကိန်းကို ၂၀၀၉ ခုနှစ်လောက်ကစပြီး အမှတ် ၁ လျှပ်စစ်စွမ်းအားဝန်ကြီးဌာနနဲ့ တရုတ် China Power Investment Corporation –CPI တို့ အကျိုးတူ ဆောင်ရွက်နေတဲ့ စီမံကိန်းဖြစ်ပါတယ်။

ပြည်ထောင်စုဝန်ကြီး ဒေါက်တာအောင်သူရဲ့ တောင်သူတွေအပေါ် ပြောဆိုချက် တိုင်ကြားစာပို့ဖိုစီစဉ်


ထိရောက်သော ဗဟိုချုပ်ကိုင်မှုလျှော့ချရေးဆီသို့

ဇော်တူးဆိုင်း


မြန်မာနိုင်ငံသည် အစိုးရ ဗဟိုချုပ်ကိုင်မှုလျှော့ချပြီး ဒေသဆိုင်ရာ အစိုးရများသို့ အာဏာခွဲဝေပေးရေး၏ လမ်းဆုံ တခုတွင် ရောက်ရှိနေပါသည်။ အမျိုးသားဒီမိုကရေစီအဖွဲ့ချုပ် (NLD) ၏ ရွေးကောက်ပွဲ ကြေညာချက်တွင်လည်း ပြည်နယ်နှင့်တိုင်း ၁၄ ခုလုံးတွင် ဟန်ချက်ညီမျှစွာ ဖွံ့ဖြိုးတိုးတက်ရေးအတွက် ပွင့်လင်းမြင်သာမှုရှိသော စီမံကိန်းများ ချမှတ်ဆောင်ရွက်သွားမည်ဟု အခိုင်အမာပြောကြားထားသည်။ ဘဏ္ဍာရေး ကဏ္ဍတွင် ဗဟိုချုပ်ကိုင်မှုကို လျှော့ချရန်အတွက် NLD က ပြည်ထောင်စု အစိုးရနှင့် ဒေသဆိုင်ရာ အစိုးရများကြားတွင် ဘဏ္ဍာရေးကိစ္စများအတွက် လုပ်ပိုင်ခွင့်နှင့် တာဝန်များကို ခွဲဝေရယူရန် အလေးအနက် ကတိပြုပြီး ဖြစ်သည်။

ဒေသဆိုင်ရာ အစိုးရများ၏ လုပ်ကိုင်နိုင်စွမ်း ပမာဏနှင့် ပတ်သက်၍ မရေရာသေးသော်လည်း သူတို့၏ အလားအလာက ကြီးမားပါသည်။ လုပ်ငန်းစဉ်ကို နားလည်သဘောပေါက်ရန်အတွက် ဖွဲ့စည်းပြီးခါစ ပြည်နယ်နှင့် တိုင်းလွှတ်တော်များ၏ ၅ နှစ်တာသက်တမ်း အစပိုင်းတွင် လက်တွေ့ကျသော အကူအညီများနှင့် အရင်းအမြစ်ထောက်ပံ့မှု ကြီးကြီးမားမား လိုအပ် ပါလိမ့်မည်။

ယခုလ အစောပိုင်းတွင် စီးပွားရေး ပညာရှင်အဖွဲ့တခုဖြစ်သည့် Renaissance Institute (RI) က The Asia Foundation (TAF) နှင့် အတူပူးပေါင်း၍ စစ်ကိုင်းတိုင်း ဒေသကြီး လွှတ်တော်မှ ကိုယ်စားလှယ်များအတွက် ပြည်သူ့ ဘဏ္ဍာရေးနှင့် အုပ်ချုပ်ရေးဆိုင်ရာ အလုပ်ရုံ ဆွေးနွေးပွဲ တခုကို ၂ ရက်ကြာ ပြုလုပ်ပေးခဲ့ပါသည်။ ဆွေးနွေးပွဲတွင် ပြည်နယ်နှင့် တိုင်း ဘတ်ဂျက် ရေးဆွဲခြင်းနှင့် မြို့နယ်အဆင့်တွင် စည်ပင်သာယာရေးအဖွဲ့များကဲ့သို့သော ဒေသတွင်းဖွံ့ဖြိုးရေး အဖွဲ့များနှင့် ယခု အချိန်အထိ ပြည်ထဲရေး ၀န်ကြီးဌာန၏ လက်အောက်တွင် ရှိနေဆဲဖြစ်သည့် အထွေထွေအုပ်ချုပ်ရေး ဦးစီးဌာန၏ အခန်း ကဏ္ဍတို့ကို အဓိက အလေးပေးခဲ့သည်။

စစ်ကိုင်းတိုင်း ဒေသကြီး လွှတ်တော်ရှိ ကိုယ်စားလှယ် ၁၀၁ ဦးထဲမှ အားလုံးနီးပါး အဆိုပါ အလုပ်ရုံ ဆွေးနွေးပွဲသို့ တက်ရောက်ခဲ့သည်။ တပ်ကိုယ်စားလှယ်များနှင့် စစ်တပ်က ကျောထောက်နောက်ခံပေးထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ်များလည်း အပါအ၀င်ဖြစ်သည်။

အစိုးရက ပြည်သူ့ရေးရာ မူဝါဒ အမျိုးမျိုး၏ အကူအညီဖြင့် နိုင်ငံသားများ၏ လူမှုရေးနှင့် စီးပွားရေး အခက်အခဲများကို မည်သို့ စီမံခန့်ခွဲပေးနိုင်ကြောင်း ကျနော်က အဓိက ဆွေးနွေးခဲ့ပါသည်။ ပြည်သူ့လွှတ်တော် ကိုယ်စားလှယ်ဟောင်း တဦး ဖြစ်ပြီး ယခုအချိန်တွင် ရန်ကုန်တိုင်းဒေသကြီး လွှတ်တော်ကိုယ်စားလှယ် ဖြစ်သော ဒေါ်စန္ဒာမင်းက လွှတ်တော်ကိုယ်စားလှယ် တဦး၏ ဥပဒေပြုရေးဆိုင်ရာ တာဝန်များ နှင့် အစိုးရစီမံကိန်းများကို စောင့်ကြည့်ရေးနှင့် ဆိုင်သော သူ၏ အတွေ့အကြုံများကို ဝေမျှပေးခဲ့ပါသည်။ တက်ရောက်လာသူများ၏ စိတ်အားထက်သန်မှုနှင့် တိုင်းပြည် ပြန်လည်တည်ဆောက်ရေးအတွက် စိတ်ပိုင်းဖြတ်ထားမှုများကို မြင်တွေ့ရသည်မှာ အလွန်အားတက်ဖွယ်ရာ ဖြစ်သည်။

မြန်မာနိုင်ငံ၏ အုပ်ချုပ်ရေး အစဉ်အလာအရ ဗဟိုက တင်းကျပ်စွာ ထိန်းချုပ်ထားသည့် အနေအထားတွင် ရှိနေသူများမှာ တခါတရံတွင် ရိုးရှင်းသော မေးမြန်းစုံစမ်းမှုများ ပြုလုပ်ရန်ပင် တွန့်ဆုတ်နေလေ့ရှိကြပါသည်။ သို့သော် ယခုကိုယ်စားလှယ်များက ကျနော်တို့နှင့် ပူးပေါင်းပါဝင်ကြပါသည်။ သူတို့မေးသော မေးခွန်းအများစုမှာ မေးခွန်းကောင်းများ ဖြစ်သည်။ NLD လွှတ်တော်ကိုယ်စား လှယ်တဦးက မြန်မာနိုင်ငံ လူဦးရေ၏ ၆၀ ရာခိုင်နှုန်းသည် စိုက်ပျိုးရေး ကဏ္ဍတွင် ပါဝင်နေသော်လည်း ကြံ့ခိုင်ရေးပါတီက အတည်ပြုခဲ့သည့် ၂၀၁၆-၁၇ ဘဏ္ဍာရေးနှစ်အတွက် အစိုးရ ဘတ်ဂျက်တွင် မည်သည့်အတွက်ကြောင့် စိုက်ပျိုးရေးနှင့် ကျေးလက်ဖွံ့ဖြိုးရေးအတွက် ၆ ရာခိုင်နှုန်းသာ ချထားပေးခဲ့သနည်းဟု မေးခွန်းထုတ်ခဲ့သည်။

စစ်ကိုင်းတိုင်း ဒေသကြီး လွှတ်တော်မှ အခြား NLD ကိုယ်စားလှယ်တဦးက GDP တိုးတက်လာသော်လည်း ဆင်းရဲနွမ်းပါးမှုက သတ်မှတ်ချက်ထက် နိမ့်ကျနေသော ပြည်သူများအတွက် အမှတ်တကယ် အကျိုးရှိနိုင်ခြင်း ရှိမရှိ စူးစမ်းခဲ့သည်။ ပြီးခဲ့သည့် ၅ နှစ်အတွင်း မြန်မာနိုင်ငံ၏ GDP တိုးတက်နေသော်လည်း သူ၏ မဲဆန္ဒနယ်အတွင်းမှ ဆင်းရဲနွမ်းပါးသူများ၏ ဘ၀က ပြောင်းလဲခြင်း မရှိခဲ့ပါ။

လွှတ်တော်ကိုယ်စားလှယ်များ မေးသည့် အခြားမေးခွန်းများမှာ ထောက်ပံ့ရေး၊ မျှတသော အခွန်ကောက်ခံမှု၊ တင်ဒါ လုပ်ငန်းစဉ်များ၊ အစိုးရစီမံကိန်းများ အကောင်အထည်ဖော်ခြင်းနှင့် စောင့်ကြည့်ခြင်း စသည်တို့နှင့် သက်ဆိုင်သော မေး ခွန်းများ ဖြစ်သည်။

NLD ဦးဆောင်သည့် ဒေသဆိုင်ရာ အစိုးရများက ပြည်သူလူထု၏ မျှော်လင့်ချက်များနှင့် ကိုက်ညီသော ဒီမိုကရေစီကို ပေးနိုင်စွမ်းရှိ မရှိ စောင့်ကြည့်ရမည့် အချိန်တွင် ကနဦးအခြေအနေမှ အင်အားကောင်းသော မေးခွန်းများက ဗဟိုချုပ်ကိုင်မှု လျှော့ချရေးဆောင်ရွက်သည့် နေရာတွင် အရေးပါသည့် အခန်းကဏ္ဍမှ ပါဝင်လာပါလိမ့်မည်။

ပြီးခဲ့သည့် နှစ်ပေါင်း ၆၀ အတွင်း ဖိနှိပ်ချုပ်ချယ်သည့် အစိုးရလက်အောက်တွင် ထိုကဲ့သို့မေးခွန်းမျိုးက အရေးတကြီးလိုအပ်နေသည့် အချိန်တွင် အကန့်အသတ်များကြောင့် မေးခွန်းကောင်းများ ကင်းမဲ့ခဲ့သည့်အတွက် မကောင်းသော မူဝါဒများ ဖြစ်စေခဲ့သည်။ ပြီးခဲ့သည့် ဆယ်စုနှစ်အတွင်း ကျင့်သုံးခဲ့သည့် ပြည်သူ့ဘဏ္ဍာရေးဆိုင်ရာ အလေ့အထများက ညံ့ဖျင်းသည့် မူဝါဒများ မည်သို့ ထွက်ပေါ်လာစေခဲ့သည်ကို မတ်လက ပြုလုပ်သည့် အလုပ်ရုံ ဆွေးနွေးပွဲတွင် ပြည့်စုံသော အချက်အလက်များ တင်ပြခဲ့ပါသည်။

ယခုအချိန်အထိ ဒေသဆိုင်ရာ လွှတ်တော်များတွင် ဘဏ္ဍာငွေ နည်းပါးမှုနှင့် အရင်းအမြစ် ကန့်သတ်မှုများ ရှိနေဆဲဖြစ် ပါသည်။ မူဝါဒဆိုင်ရာ လေ့လာသုံးသပ်မှုများ ပြုလုပ်ရန်အတွက် နည်းလမ်းများ၊ နည်းပညာအထောက်အပံ့နှင့် ကောင်းမွန်သည့် မူဝါဒများ ရေးဆွဲရေးတွင် အဓိပ္ပါယ်ပြည့်ဝစွာ ပါဝင်နိုင်ရန် ဗဟုသုတများ သူတို့အတွက် လိုအပ်နေပါသည်။

စစ်ဘက် ကိုယ်စားလှယ်များ အပါအ၀င် စစ်ကိုင်းတိုင်းဒေသကြီး လွှတ်တော်ကိုယ်စားလှယ် အများအပြားကလည်း သူတို့၏ မဲဆန္ဒ နယ်များမှ လိုအပ်ချက်များကို နားလည်ကြသည့် အသွင် ရှိပါသည်။ သို့သော်လည်း လွှတ်တော်ကိုယ်စားလှယ် အများစု ရင်ဆိုင်နေရသည့် စိန်ခေါ်မှုများက ကြီးမားပါသည်။ ပြည်သူရေးရာ ကိစ္စများတွင် သူတို့ ပထမဆုံးအနေဖြင့် ပါဝင်လာကြသည့် အချိန်လည်း ဖြစ်ပါသည်။ ထိရှလွယ်သည့် ကိစ္စများကိုဖြေရှင်းရန် သူတို့အတွက် ပြည်တွင်းရော ပြည်ပကပါ ကျွမ်းကျင်သူများ၏ လက်တွေ့ကျသော ကူညီမှုများ လိုအပ်နေပါသည်။

သို့သော်လည်း ပြင်ပမှ ပုဂ္ဂိုလ်အများစုက ၂၀၁၁ ခုနှစ်က စ၍ နေပြည်တော်သို့သာ တိုက်ရိုက် အလေးထားနေကြသည်။ မူဝါဒချမှတ်သူများက ဒီမိုကရေစီကို ဖော်ဆောင်ပေးနိုင်ရန် ထိရောက်သော ဗဟိုချုပ်ကိုင်မှုလျှော့ချရေး နှင့် ပတ်သက်သည့် မေးခွန်းကောင်းများ မေးနိုင်ရန် ပြည်နယ်နှင့် တိုင်း အစိုးရများ လွှတ်တော်များအတွက် ထောက်ပံ့မှု ပုံစံအမျိုးမျိုးနှင့် အရင်းအမြစ်များ လိုအပ်နေပါသည်။

ပို့ကုန်တန်ဖိုးမမြှင့်တင်နိုင်သေးသရွေ့ စက္ကူအသစ်ရိုက်နှိပ်မှုတွေကို ဆက်လုပ်နေရဦးမယ်


ရနောင်းလူသတ်မှုကိစ္စ ရန်ကုန်မြို့တွင် သတင်းစာရှင်းလင်းပွဲ ပြုလုပ်

လင်းဆက်အောင်


ထိုင်း-မြန်မာနယ်စပ် ရနောင်းမြို့မှာ ဖြစ်ပွားခဲ့တဲ့ ရနောင်းလူသတ်မှု ကိစ္စကို ရန်ကုန်မြို့ရှိ Orchid Hotel မှာ ဒီကနေ့ မေလ ၃၀ ရက်နေ့က သတင်းစာရှင်းလင်းပွဲ ပြုလုပ်ခဲ့ပါတယ်။

ရနောင်းလူသတ်မှုအစီရင်ခံစာ ထုတ်ပြန်ခဲ့ပြီး ဒီရနောင်းလူသတ်မှုကိစ္စကို သမ္မတကြီးအနေနဲ့ တိုင်းနိုင်ငံအစိုးရ တာဝန်ရှိသူများကို တရားဝင်အကြောင်းကြားပြီး ထိုင်းနိုင်ငံရဲ့ဥပဒေအတိုင်း မှန်မှန်ကန်ကန်ဆောင်ရွက်ပေးဖို့ မေတ္တာရပ်ခံသွားမယ်လို့ ပြောဆိုလိုက်ပါတယ်။

ပြီးခဲ့တဲ့ ၂၀၁၅ ခု စက်တင်ဘာလက ထိုင်းနိုင်ငံ ရနောင်းမြို့က ဆယ်ကျော်သက် ကျောင်းသူတဦး အသတ်ခံရမှုနဲ့ ပတ်သက်ပြီး စွပ်စွဲခံထားရတဲ့ မြန်မာရွှေ့ပြောင်း အလုပ်သမား ၄ ဦးဟာ ရနောင်းရဲတွေရဲ့ ညှဉ်းပန်းနှိပ်စက်မှုကြောင့် ၀န်ခံထွက်ဆိုခဲ့ရတာဖြစ်တယ်လို့ ၂၀၁၅ ခု ဒီဇင်ဘာ ၂၇ ရက်နေ့ထုတ် ဘန်ကောက်ပို့စ်သတင်းမှာ ဖော်ပြပါတယ်။

၂၀၁၅ ခု စက်တင်ဘာလတုန်း ဖြစ်ပွားခဲ့တဲ့ ရနောင်းလူသတ်မှုမှာ မြန်မာရွှေ့ပြောင်း အလုပ်သမားတွေဖြစ်တဲ့ မိုးဇင်အောင် အသက် ၁၉ နှစ်၊ ဇော်လေး အသက် ၂၅ နှစ်၊ မောင်စိန် အသက် ၂၀ နှစ်၊ ကျော်စိုးဝင်း အသက် ၁၈ နှစ်တို့ ၄ ဦးကို လူသတ်မှုနဲ့ စွပ်စွဲခံထားရတာ ဖြစ်ပါတယ်။

ဖမ်းဆီးခံ မြန်မာ ၄ ဦးရဲ့ ဆွေမျိုးတွေနဲ့ ရှေ့နေတွေက သူတို့ ၄ ဦးကို ဖမ်းဆီးခဲ့တဲ့ အောက်တိုဘာ ၂၀ ကနေ ၂၄ ရက်အတွင်းမှာ မျက်နှာကို အ၀တ်နဲ့ စည်းပြီး သေနတ်ပြ ခြိမ်းခြောက်တာတွေ၊ ပလတ်စတစ်အိတ်စွပ်ပြီး မွန်းအောင်လုပ်ကာ လိင်အင်္ဂါကို ထိုးနှက်ကန်ကျောက်တာတွေ လုပ်ပြီး နှိပ်စက်ခဲ့ကြတယ်လို့ ဆိုပါတယ်။

ရဲတွေဟာ အခင်းဖြစ်တဲ့နေ့က ကျူးလွန်ခဲ့တဲ့နေရာနဲ့ အချိန်ကို အမိန့်ပေးစေခိုင်းပြီး လက်မှတ်ရေးထိုးစေခဲ့ကာ သတင်းထုတ်ပြန်ချက်ကို သဘောတူ လက်မှတ်ထိုးဖို့ နာမည်နဲ့တကွ ဖိအားပေး စေခိုင်းခဲ့တာ ဖြစ်တယ်လို့ ကျော်စိုးဝင်းက ပြောပါတယ်။

ရနောင်းမြို့ ဘန်လင်းရပ်ကွက်နေ အသက် ၁၈ နှစ်အရွယ် နန်းဆောင် အောလ၀ီ ဖမ်ဖောဝ်းထောင်း ခေါ် အက်ပဲလ်ဟာ ၂၀၁၅ စက်တင်ဘာ ၂၈ ရက်နေ့က တကိုယ်တည်း လမ်းလျှောက်ပြီး သူငယ်ချင်းဆီကို အလည်သွားစဉ် ရပ်ကွက် ဘုန်းကြီးကျောင်းအနီး လမ်းကြားမှာ အရိုက်ခံရတဲ့ ဒဏ်ရာ ၁၇ ခုနဲ့ သေဆုံးသွားခဲ့ဖြစ်ပါတယ်။

မထသ လက်အောက်က ယာဉ်လိုင်းတွေ စည်းကမ်းချိုးဖောက်မှုဖြစ်ပွားနေဆဲ


စပါးခင်းအတွင်း ဘက်ထရီရှော့ရိုက် ငါးရှဥ့်ဖမ်းဆီးသူ နှစ်ဦးအား ငါးလုပ်ငန်းဥပဒေဖြင့် အရေးယူထား

မာန်ဇာမြေမွန်

စစ်ကိုင်းတိုင်းဒေသကြီး ရွှေဘိုမြို့နယ်၌ စပါးခင်းများအတွင်း ဘက်ထရီရှော့ရိုက် ငါးရှဥ့်ဖမ်းဆီးသူ နှစ်ဦးအား ရေချိုငါးလုပ်ငန်း ဥပဒေဖြင့် အရေးယူထားကြောင်း တိုင်းဒေသကြီး ရဲတပ်ဖွဲ့မှ သိရသည်။

အဆိုပါ ငါးရှဥ့်ဖမ်းဆီးသူ နှစ်ဦးထံတွင် ၁၂ ဗို့ဘက်ထရီ(၂)လုံး၊ အင်ဗာတာကွိုင်ထုပ်(၂)ထုပ်၊ ဘက်ထရီအိုးထည့် ပလပ်တစ်ပုံးဟောင်း(၂)လုံး၊ ဝါးရိုက်တပ်သံချွန်ရှော့တံ(၄)ချောင်း၊ ငါးရှဥ့်ထည့် ပလပ်စတစ်ပုံးအဟောင်း (၂)လုံး တို့နှင့်အတူဖမ်းဆီးရမိခဲ့ပြီး ကျေးရွာအုပ်ချုပ်ရေးမှူးမှတဆင့် ရွှေဘိုမြို့မရဲစခန်းသို့ လာရောက်အပ်နှံခဲ့သည်ဟု ရွှေဘိုမြို့မရဲစခန်းမှ တာဝန်ကျရဲဝန်ထမ်းတစ်ဦးကပြောသည်။

ယင်းကြောင့် ရွှေဘိုငါးလုပ်ငန်းဦးစီးဌာနနှင့် ဆက်သွယ်၍ ဘက်ထရီရှော့ရိုက် ငါးရှဥ့်ဖမ်းဆီးသူ နှစ်ဦးအား အရေးယူပေးပါရန် ရွှေဘိုခရိုင် ငါးလုပ်ငန်းရေး ဦးစီးဌာနမှ တရားလိုပြုလုပ်တိုင်တန်းခဲ့ပြီး ရေချိုငါးလုပ်ငန်းဥပဒေပုဒ်မ-၄၅ အရ အမှုရေးဖွင့်ထားကြောင်း ရွှေဘိုမြို့မရဲစခန်းမှသိရသည်။

အသားဆိုင်တွေကို ကြက်ငှက်တုပ်ကွေး ကွင်းဆင်းပညာပေး


တရုတ်ကုမ္ပဏီ၏ ဘိလပ်မြေစက်ရုံတွင် တန် ၂၅၀၀ တုိုးထုတ်မည်ကို ဒေသခံများ ကန့်ကွက်

ကောင်းမြတ်မင်း


မကွေးတုိုင်း၊ သရက်မြို့ရှိ သရက် ဘိလပ် မြေစက်ရုံကုို ယခင်အစုိုးရက တရုတ်ကုမ္ဗဏီတခု ဖြစ်သော မြန်မာဂျီဒုန်း (Myanmar Jidong) သုို့ လုပ်ပုိုင်ခွင့်ချထားပေးခဲ့ပြီး တရုတ်ကုမ္ဗဏီက စက်ရုံတွင် မူလ တရက် လျှင် တန် ၅၀၀ ဘိလပ်မြေ ထုတ် လုပ် ရာမှ တန်ချိန် ၂၅၀၀ ထပ်မံတုိုးမြှင့် ထုတ်လုပ်မည့်အပေါ် ဒေသခံများက ကန့်ကွက်နေကြကြောင်း သိရှိရသည်။

အဆုိုပါ ဘိလပ် မြေ စက်ရုံ ကုို သမ္မတဟောင်းဦးသိန်းစိန် အစိုးရလက်ထက်အတွင်း မြန်မာဂျီဒုန်း တရုတ်ကုမ္ပဏီ (Myanmar Jidong) ထံသုို့ BOT- စနစ်ဖြင့် နှစ်ရှည်ငှားရမ်း လုပ်ကိုင်နိုင်ရန် အကျိုးတူပူးပေါင်းမှုစာချွန်လွှာဖြင့် လုပ်ကိုင်ခွင့် ပေးအပ်ခဲ့ခြင်းဖြစ်ကြောင်း၊ ဘိလပ်မြေ တရက်လျှင် တန်ချိန် ၂၅၀၀ တုိုးထုတ်ရန် ကျောက်မီးသွေးသုံး ဓာတ်အားပေး စက်ရုံတခုကိုလည်း တည်ဆောက်ရန် ပြင်ဆင်မှုကြောင့် ဒေသခံများက ကန့်ကွက်နေခြင်းဖြစ်ကြောင်း သိရှိရသည်။

သရက်မြို့နယ်အထောက်အကူပြုအဖွဲ့ ဥက္ကဋ္ဌဦးတင်အောင်မြင့်က “တန်ငါးရာဆို အိတ်တသောင်းကို သူတို့ကငါးဆတိုး ထုတ်မယ်။ တနေ့အိတ်ငါးသောင်း၊ ထုံးကျောက်ကို အခြေခံပြီးတော့ ထုတ်မယ်။ သူတို့ထုတ်မယ့်အတိုင်း ဆယ်နှစ် ကျော်လောက်ဆို ထုံးကျောက်တောင်ကြီးက ကျနော်တို့အရှေ့က ပျောက်သွားမှာကို ကျနော်တို့ မြင်နေတယ်။ ငါးဆတိုး ထုတ်လိုက်လို့ ခံစားရမယ့် အမှုန်အမွှားတွေ မီးသင်းဖိုကထွက်လာမယ့် ဘေးထွက်ဆိုးကျိုးတွေအပြင် စရိတ်သက်သာဖို့ ကျောက်မီးသွေး ဓာတ်အားပေး စက်ရုံကိုလည်းသုံးမယ်ဆိုတော့ ကျနော်တို့မြို့သူ့မြို့သားတွေက ဒီအတိုင်း လက်ပိုက်ကြည့် နေလို့ မရတော့ဘူး”ဟု ပြောသည်။

ဘိလပ်မြေတန်ချိန် ၂၅၀၀ တိုးမြှင့်ထုတ်လုပ်ရာ၌ လောင်စာအဖြစ် ကျောက်မီးသွေးသုံး ၁၅ မဂ္ဂါဝပ် ဓာတ်အားပေး စက်ရုံ သစ်တခုကို တရုတ်ကျွမ်းကျင်လုပ်သား ၃၀၀ က တည်ဆောက်မည်ဖြစ်သည်ဟု ရန်ကုန်အခြေစိုက် ဒေသတွင်း ပတ်ဝန်း ကျင်ဆိုင်ရာ အကြံပေးကုမ္ပဏီ (Sustainable Environment Myanmar- SEM Co.Ltd) ၏ အစီရင်ခံစာများအရ သိရှိရ သည်။

ဘိလပ်မြေများ တန်ချိန် တိုးချဲ့ထုတ်လုပ်မည့် အစီအစဉ်နှင့် ပတ်သက်ပြီး သရက်ဘိလပ်မြေစက်ရုံမှ တာဝန်ရှိစက်ရုံမှူးကုို ဧရာဝတီက သွားရောက်မေးမြန်းခဲ့သော်လည်း ဒု-စက်ရုံမှူး ဦးစောထွန်းကြိုင်က တာဝန်အရှိဆုံးဖြစ်သော စက်ရုံမှူး နေပြည်တော်သုို့ သွားရောက်နေ၍ မဖြေဆိုနုိုင်ပါကြောင်း ပြောဆုိုသည်။

သရက်မြို့နယ် မဲဆန္ဒနယ်အမှတ် (၁) မကွေးတိုင်းဒေသကြီး လွှတ်တော်ကိုယ်စားလှယ် ဒေါ်အေးယုမော်က “ကျောက်မီး သွေး သုံးမယ်ဆိုရင်တော့ လက်ခံမှာမဟုတ်ဘူးလို့ ပြောလိုက်တယ်။ သူရဲ့ဆိုးကျိုးတွေက အများကြီးပဲ။ သဘာဝ ပတ်ဝန်း ကျင်လည်း ထိခိုက်တယ်။ အဲဒါကြောင့် ကျမတို့က လက်မခံဘူး။ ပြည်သူတွေရဲ့ဆန္ဒမရှိရင် ဒီစီမံကိန်းကို ရပ်နားသင့်ပါ တယ် လို့ မြန်မာဂျီဒုန်းကုမ္ပဏီကို ကျမပြောလိုက်ပါတယ်”ဟု ဧရာဝတီကို ပြောသည်။

သရက်ဘိလပ်မြေစက်ရုံ အကျိုးတူပူးပေါင်းဆောင်ရွက်မှု စာချွန်လွှာအရ စက်ရုံမှရရှိသည့် အကျိုးအမြတ်ပေါ်တွင် မြန်မာဂျီဒုန်း တရုတ်ကုမ္ပဏီ (Myanmar Jidong) က ၉၇ ဒသမ ၅ ရာခိုင်နှုန်း ရရှိမည်ဖြစ်ပြီး၊ မြန်မာအစိုးရက ၂.၅ ရာခိုင်နှုန်း ခံစားရရှိမည်ဖြစ်ကြောင်း ဒေါ်အေးယုမော်က ဆက်ပြောသည်။

သရက်ဘိလပ်မြေစက်ရုံကို ၁၉၃၅ ခုနှစ်က စတင်တည်ထောင်ခဲ့စဉ်က တရက်လျှင် တန် ၂၀၀ ကျ အင်္ဂလန်နိုင်ငံ ထုတ် စက် ဖြင့် အသုံးပြုထုတ်လုပ်ခဲ့ပြီးနောက်၊ ၁၉၅၇ ခုနှစ်တွင် တရက်လျှင် တန် ၄၀၀ ကျ ဂျာမနီနိုင်ငံထုတ်စက်များဖြင့် ပထမ အကြိမ် တိုးချဲ့ထုတ်လုပ်ကိုင်ခဲ့ကြောင်း၊ ၁၉၆၂ ခုနှစ်တွင် ဂျပန်နိုင်ငံထုတ် စက်များဖြင့် အစားထိုးထုတ်လုပ်ခဲ့ပြီး၊ ၁၉၉၉ ခုနှစ် တွင် တရက်လျှင်တန် ၄၀၀ ကျ တရုတ်နိုင်ငံလုပ် စက်များဖြင့် လုပ်ကိုင်ခဲ့ရာတွင် သဘာဝပတ်ဝန်းကျင် ပျက်စီးမှု ပိုဆိုးရွားလာကြောင်း ဒေသခံများ၏ ပြောဆိုချက်အရ သိရှိရသည်။

မြစ်ဆုံဆည်ပြန်ဆောက်ပြီး ဧရာဝတီမြစ်ကိုဒုက္ခမပေးသင့်


ဆန်စပါးစိုက်ပျိုးထုတ်လုပ်မှု မဟာဗျူဟာ ပြင်ဆင်သင့်ဟု ဝန်ကြီးအကြံပြု

ရူပါအောင်ဝင်း

မြန်မာ့ဆန် အရည်အသွေးတက်ရန် နှင့် နိုင်ငံတကာဈေးကွက်ဝေစု ရရှိနိုင်ရန် မြန်မာနိုင်ငံ၏ ဆန်စပါး စိုက်ပျိုးထုတ်လုပ်မှုဆိုင်ရာ မဟာဗျူဟာ အမှားများကို ပြန်လည်ပြင်ဆင်သင့်ဟု ဧရာဝတီတိုင်းဒေသကြီး စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင်ထိန်းသိမ်းရေးရာဝန်ကြီး ဦးဘဟိန်းက ပြောသည်။

"မြန်မာ့လယ်သမားအများစုက ပါးပါးလေးရင်းပြီးတော့ နည်းနည်းလေးထုတ်ရတဲ့စနစ်ပေါ့၊ ဒီမဟာဗျူဟာ ကျင့်သုံးသမျှ ကာလပတ်လုံး၊ ထွက်လာသမျှ ထွက်ကုန်က ဘာဖြစ်လဲဆိုတော့ အရည်အသွေးအရလည်း ကျဆင်းတာပေါ့၊ ထုတ်လုပ်မှုစွမ်းအားအရလည်းကျဆင်းတာပေါ့" ဟု ဝန်ကြီး ဦးဘဟိန်းက ပြောသည်။

၎င်းက မေ ၂၇ရက်က ပုသိမ်ဟိုတယ်တွင် မြန်မာနိုင်ငံဆန်စပါး အသင်းချုပ်က ဦးဆောင်ပြုလုပ်သည့် ဆန်စပါးစိုက်ပျိုးထုတ်လုပ်မှုဖွံ့ဖြိုးတိုးတက်ရေးဆိုင်ရာ ဆွေးနွေးပွဲတွင် ပြောကြားခဲ့ခြင်းဖြစ်သည်။

ဧရာဝတီတိုင်းတွင် ဆန်စပါးစိုက်ပျိုးထုတ်လုပ်သည့် လုပ်ငန်း တိုးမြှင့်ရန်အတွက် ပထမအဆင့် ပြုပြင်ပြောင်းလဲရေး ဆောင်ရွက်ရာတွင် လာမည့် စပါးစိုက်ရာသီများ၌ မျိုးကောင်းမျိုးသန့်သုံးစွဲလာနိုင်ရန် ယခုနှစ်ကို အခြေခံအဖြစ်သတ်မှတ်မည်ဟု တိုင်းဒေသကြီးဦးစီးမှူး ဦးထွန်းအောင်ကျော်က အဆိုပါ ဆွေးနွေးပွဲတွင် တိုင်းဒေသကြီး အစိုးရ၏ လုပ်ဆောင်မှုများကို ရှင်းပြခဲ့သည်။

"မျိုးကောင်းမျိုးသန့်တစ်ခုတည်းကနေ စိုက်ပျိုးထုတ်လုပ်ခြင်းအားဖြင့်ရရှိ လာတဲ့အကျိုးအမြတ်က သီအိုရီအရရော တကယ့်ကွင်းထဲမှာ လက်တွေ့အရရော၊ ၁၅ရာခိုင်နှုန်းကနေ ၂၀ရာခိုင် နှုန်း၊ တစ်ခြားသွင်းအားစုတွေ ပြုပြင်ပြောင်းလဲခြင်းမရှိသေးဘဲနဲ့တောင် အကျိုးရလာဒ်ရရှိနိုင်တာဖြစ်ပါတယ်။ ဒါကြောင့်မို့ ကျွန်တော်တို့ ဌာနရဲ့ဒီနှစ် ဦးတည်ချက်ကတော့ မျိုးကောင်းမျိုးသန့်ထုတ်လုပ်ရေးကိုပဲဦးတည် ဇောင်းပေးဆောင်ရွက်သွားမှာဖြစ်ပါတယ်" ဟု ၎င်းက ပြောသည်။

ဧက ၂၆၀၀မှ ထွက်ရှိလာသော မျိုးတင်းပေါင်းနှစ်သိန်းကျော်အား စပါးနောက်တစ်ရာသီတွင် မျိုးကောင်း မျိုးသန့်များအဖြစ် တောင်သူများလက်သို့ ဖြန့်ဝေရာတွင် စီမံခန့်ခွဲရန်အတွက် ပုဂ္ဂလိကပိုင်းမှ အကူအညီ များပေးနိုင်ရန်လည်း စိုက်ပျိုးရေးဦးစီးဌာနက ကမ်းလှမ်းခဲ့သည်။

မြန်မာနိုင်ငံဆန်စပါးအသင်းချုပ်မှ အထွေထွေ အတွင်းရေးမှူး ဦးရဲမင်းအောင်ကလည်း "တောင်သူလယ်သမားတွေလည်း အခက်အခဲရှိတဲ့နေရာဖြစ်တော့၊ ရေကြီးတာ၊ ရေနစ်မြှုပ်တာ၊ နောက်တစ်ခုချေးငွေကိစ္စတွေ၊ အကြွေးသံသရာတွေရှိတဲ့အခါကျတော့ နံပါတ်တစ်အစ်ကိုတို့က ပထမဆုံးလုပ်ဖို့က မြို့နယ်အသီးသီးမှာ မျိုးသန့်ထုတ်ဖို့၊ မျိုးကောင်းမျိုးသန့်တွေထုတ်ဖို့စပြီးတော့ ဆောင်ရွက်မယ်" ဟု အသင်းချုပ်က လုပ်ဆောင်ပေးမည့် အခြေအနေကို ရှင်းပြသည်။

ယင်းအပြင် နည်းပညာဖြန့်ဖြူးမှု နှင့် ချေးငွေကိစ္စကို နိုင်ငံတော်အစိုးရက စီစဉ်ဆောင်ရွက်သင်းကြောင်း ၎င်းက တိုက်တွန်းခဲ့သည်။

လက်ရှိတွင် အစိုးရမှ လယ်သမားများကို တစ်ဧက တစ်သိန်းခွဲနှုန်းဖြင့် ငွေချေးပေးနေသည်။

မြန်မာနိုင်ငံဆန်စပါးအသင်းချုပ်အနေဖြင့် မျိုးကောင်းမျိုးသန့်ထုတ်ရေး၊ မျိုးစေ့ပြန်လည်ရောင်းချနိုင်မည့် ဈေးကွက်တစ်ခု ပေါ်ပေါက်ရေး၊ ဆန်စပါးစိုက်ပျိုးမှုနှင့် ဆက်စပ်သည့် ကျေးရွာ၊ မြို့နယ်များတွင် သိုလှော်ရုံများ တိုးပွားလာရေးများကို လုပ်ဆောင်သွားရန် ရှိနေပြီး သိုလှောင်ရုံတိုးပွားလာပါက အခြောက်ခံစက်များ ရင်းနှီးမြှုပ်နှံပေးရန် လိုအပ်ကြောင်းလည်း အကြံပြုခဲ့သည်။

ရေချိုမရှိတဲ့ ရေချိုရွာ


လုံခြုံမှု မရနုိုင်သေးသည့် မြန်မာအမျိုးသမီးများ

ဇူးဇူး


လူမှုရေးပြဿနာတချို့ကြောင့် လူစည်ကားရာနေရာတွေနဲ့ အများပြည်သူသုံး ယာဉ်လိုင်းတွေပေါ်မှာအမျိုးသမီး တွေ အကြမ်းဖက်ခံရတာတွေ၊ လိင်ပိုင်းဆိုင်ရာ အမြတ်ထုတ်ခံရတာတွေ မကြာခဏ ဖြစ်ပွား လျက် ရှိနေပါတယ်။

ဒါဟာမြန်မာနိုင်ငံလူဦးရေရဲ့ ထက်ဝက်ကျော်ရှိတဲ့ အမျိုးသမီးတို့ဘ၀ လုံခြုံမှုမရှိဘူးဆိုတာကို ပြသနေတာဖြစ်ပြီး ဒီလို ကာယအိနြေ္ဒ နှောင့်ယှက်ခံရမှုတွေကို ရပ်တန့်ဖို့ ဘယ်လိုနည်လမ်းတွေနဲ့ ဆောင်ရွက်သင့်နေပြီလဲဆိုတာ အရေး တကြီး အဖြေရှာဖို့ အချိန်တန်နေပါပြီ။

အခုနှစ်ဧပြီလ တလတည်းအတွင်းမှာ လူမှုရေးကိစ္စနဲ့ ပတ်သက်လို့ အမျိုးသမီးငယ်တချို့ ကုို အမျိုးသားတချို့က ဓား၊ ကတ်ကြေးစတဲ့ ချွန်ထက်တဲ့အရာတွေနဲ့ ထုိုးနှက်ခဲ့တဲ့ မှုခင်းဖြစ်စဉ်တွေ ရန်ကုန်တိုင်းဒေသကြီးအတွင်း အမှု ၃ မှုအထိ ဖြစ်ပွားခဲ့ပါတယ်။

ဖြစ်ပွားခဲ့တဲ့ ဖြစ်စဉ်တချို့က သာမန်နာကျင်စေမှုမျိုး မဟုတ်ဘဲ အပြင်းအထန် နာကျင်စေလိုတာကြောင့် လုပ်ဆောင်ခဲ့ကြတာဖြစ်သလို ဖြစ်ပွားရတဲ့ အဓိကအကြောင်းအရင်းကလည်း အချစ်ရေး ပြဿနာကို အခြေခံပြီး ဒေါသအလျောက် ပြုမူလုပ်ဆောင်တာကို တွေ့ရတယ်လို့ ရဲမှုခင်းမှတ်တမ်းတွေမှာ ဖော်ပြထားပါတယ်။

ဒီလိုဖြစ်စဉ်တွေက လူမှုကွန်ရက်တွေကို ကျယ်ကျယ်ပြန့်ပြန့် သုံးစွဲနေကြတဲ့ မြန်မာ့လူ့အဖွဲ့အစည်းအတွင်း ထိတ်လန့်ဖွယ် စိတ်ဝင်စားဖို့ကောင်းတဲ့ သတင်းတွေ ဖြစ်လာပြီး အားနည်းသူကို အင်အားသုံး အကြမ်းဖက် ကျုးလွန်သူအပေါ် ရှုတ်ချသူကရှုတ်ချသလို အကြမ်းဖက်ခံရတဲ့ အမျိုးသမီးကို “သစ္စာမရှိလို့ ခံရတာခံရပစေ”လို့ ပြောဆိုဝေဖန်ပြစ်တင်တာတွေကိုလည်း တွေ့ရပါတယ်။

နောက်ထပ်အကြမ်းဖက် ဖြစ်စဉ်တခုက နေ့စဉ်ရုံးတက်ရုံးဆင်း အလုပ်လုပ်နေကြတဲ့ အမျိုးသမီးတွေ အများ ပြည်သူသုံး ယာဉ်လိုင်းများ စီးနင်းနေချိန်မှာ ပုံစံမျိုးစုံနဲ့ လိင်ပိုင်းဆိုင်ရာ အမြတ်ထုတ်နေခြင်းပဲ ဖြစ်ပါတယ်။

ဒီဖြစ်ရပ်တွေနဲ့ ပတ်သက်လို့ နစ်နာခဲ့ရသူ အမျိုးသမီးတချို့က တခြားအမျိုးသမီးတွေကို အများပြည်သူသုံး မော်တော်ယာဉ်များ စီးနင်းတဲ့အခါ သတိထားနိုင်အောင်၊ တကယ်လို့ ကြုံတွေ့လာရရင်လည်း ရှက်လို့ဆိုပြီး ငြိမ်ခံမနေဘဲ တခုခုတုံ့ပြန်မှုတွေ လုပ်ဆောင်ပါဆိုပြီး လူမှုကွန်ရက်ကနေ သူတို့ကြုံခဲ့ရတာတွေကို ပြန်လည်မျှဝေ ရေးသားနေတာတွေလည်း ခပ်စိပ်စိပ် တွေ့လာရတယ်။

ဒီလိုဖြစ်ရပ်တွေကို သိမြင်လာရတဲ့ အမျိုးသားအများစုနဲ့ တချို့သောအမျိုးသမီးတွေက နစ်နာခဲ့ရသူ အမျိုးသမီး တွေရဲ့ အ၀တ်အစားက ဘယ်လိုဝတ်ထားလို့၊ နေပုံထိုင်ပုံက ဘယ်လိုဖြစ်လို့စသဖြင့် ရှေးရိုးစွဲသေးသိမ်တဲ့ အယူအဆတွေနဲ့ ခံခဲ့ရသူအမျိုးသမီးကို အပြစ်တင်ကြတာကိုလည်း တွေ့ရတယ်။

ဒီလိုရှေးရိုးစွဲ အစဉ်အလာတွေနဲ့ အပြစ်ဖို့တတ်ကြတာက မြန်မာ့လူ့အဖွဲ့အစည်းရဲ့ လူမှုရေးစံနှုန်းကို ဖော်ပြတာပဲဖြစ် တယ်လို့ အခရာအမျိုးသမီးအဖွဲ့ ဒါရိုက်တာဒေါ်ထားထားက ပြောပါတယ်။

တကယ်တော့ အမျိုးသမီးတွေ ဒီလိုကျူးလွန်ခံခဲ့ရတာတွေက အ၀တ်အစား၊ အနေအထိုင်၊ အခြေအနေတွေနဲ့ တိုက်ရိုက် မသက်ဆိုင်ဘဲ ကျူးလွန်သူရဲ့အမြင် ခံယူချက်နဲ့ ယုတ်မာရိုင်းစိုင်းမှုတွေအပေါ်မှာပဲ မူတည်နေတယ်လို့ အမျိုးသမီးအရေး ဆောင်ရွက်နေသူတွေက ပြောပါတယ်။

မြန်မာ့လူ့အဖွဲ့အစည်းရဲ့ ရှေးရိုးစွဲအယူအဆ၊ အစဉ်အလာ၊ ယဉ်ကျေးမှု၊ ဓလေ့ထုံးတမ်းတွေက တခါတရံမှာ ပြစ်မှု ကျူးလွန်မယ့် အမျိုးသားတွေအတွက် အားပေးအားမြှောက်ပြုရာ၊ အကာအကွယ်ပေးရာ ရောက်တဲ့အတွက် ဒါတွေ ကို ပြောင်းလဲချိန်တန်နေပြီလို့ အမျိုးသမီးအရေး ဆောင်ရွက်နေသူတွေ ထောက်ပြဝေဖန်ကြပါတယ်။

အခရာအမျိုးသမီးအဖွဲ့ ဒါရိုက်တာဒေါ်ထားထားက “ကျမတို့ရဲ့ မိသားစုအသိုင်းအ၀ိုင်းထဲမှာ မိန်းကလေးတွေကို သွန်သင်တာတွေက အတင်းရှက်ဖို့ အတင်းကြောက်ဖို့ သွန်သင်ပြီး ယောက်ျားလေးတွေကို အတင်းရဲဖို့ သွန်သင် သလို ဖြစ်နေတယ်။ ဒါတွေကို ပြောင်းသင့်တယ်။ ဒီလိုလှိုက်စားနေတဲ့ ပြဿနာတွေကို ရပ်ဖို့ဆိုရင်တော့ တရား ဥပဒေစိုးမိုးရေးကို အရေးတကြီးနဲ့ ပြင်းပြင်းထန်ထန် ဆောင်ရွက်မှပဲ တဖြည်းဖြည်း ရပ်သွားမယ်လို့ မြင်တယ်”လို့ ဆိုပါတယ်။

တကယ်တော့ အမျိုးသမီးတွေ ကာယအိနြေ္ဒ နှောင့်ယှက်ခံရတယ်ဆိုတာက အမျိုးသမီးတွေအတွက် ဆုံးရှုံးနစ်နာမှု တွေထဲ တခုအပါဝင်ပါပဲ။ ဆုံးရှုံးနစ်နာမှုဆိုတာ ပစ္စည်း၊ ငွေကြေးမှ မဟုတ်ပါဘူး။ ကိုယ့်ရဲ့စိတ်ဓာတ်နဲ့ ပျော်ရွှင်မှုကို ရိုက်ချိုးခံရတာကလည်း ဆုံးရှုံးနစ်နာမှုပဲ ဖြစ်ပါတယ်။

ဒါတွေကို အမျိုးသမီးတွေကိုယ်တိုင်က သိရှိနားလည်ပြီး ကိုယ့်အပေါ် နှုတ်နဲ့သော်လည်းကောင်း၊ ကိုယ်ကာယနဲ့သော် လည်းကောင်း လာရောက်စော်ကားသူကို ချက်ချင်းတုံ့ပြန် အရေးယူနိုင်တဲ့အကျင့်ကို မွေးမြူထားရပါမယ်။

မြန်မာနိုင်ငံဟာ အမျိုးသမီးများကို နည်းမျိုးစုံနဲ့ ခွဲခြားဆက်ဆံမှုပပျောက်ရေး သဘောတူစာချုပ် ဆီဒေါ (CEDAW) ကို လက်မှတ်ထိုးထားတဲ့ နိုင်ငံတနိုင်ငံပဲ ဖြစ်ပါတယ်။ ဒါပေမယ့် ဆီဒေါစာချုပ်နဲ့ ပတ်သက်လို့ သိရှိနားလည်မှု နည်းနေဆဲ ဖြစ်သလို အစိုးရကိုယ်တိုင်ကလည်း အမှန်တကယ် လိုက်နာမှုရှိမရှိဆိုတာလည်း မေးခွန်းထုတ်စရာ အခြေအနေပဲ ဖြစ်ပါတယ်။

အမျိုးသမီးတဦးကို ညစ်ညမ်းတဲ့စကားနဲ့ဆဲဆိုရင် ပြစ်မှုဆိုင်ရာဥပဒေပုဒ်မ ၂၉၄ အရ ၃ လအထိ ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်နိုင်သလို မိန်းမတို့ရဲ့ကာယအိနြေ္ဒထိခိုက်အောင် ပြုလုပ်သူကို ပုဒ်မ ၅၀၉ အရ (၁) နှစ်အထိ အလုပ်မဲ့ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ပါတယ်။

မည်သူမဆို အမျိုးသမီးတဦးဦးကို အလိုမတူဘဲ ကာမစပ်ယှက်တဲ့ပြစ်မှုကို ကျူးလွန်လျှင် ပုဒ်မ ၃၇၆ အရ တသက် တကျွန်း ပြစ်ဒဏ်ဖြစ်စေ၊ ၁၀ နှစ်အထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ရမယ်လို့ ဥပဒေမှာ အတိအလင်း ပြဋ္ဌာန်းထားတာပါ။

ဒါပေမယ့် တကယ့်လက်တွေ့မှာက တရားဥပဒေစိုးမိုးရေး အားနည်းသလို အကြမ်းဖက်ခံရသူ မိသားစုရဲ့ အရှက် အကြောက်တရား၊ အကြမ်းဖက်ခံရသူတွေအတွက် စနစ်တကျ နှစ်သိမ့်ဆွေးနွေး ပညာပေးတာတွေ၊ ကျန်းမာရေး စောင့်ရှောက်မှု မရတာတွေ၊ ပတ်ဝန်းကျင်ရဲ့ ပြစ်တင်ဝေဖန်ခံရမှုတွေနဲ့ လူမှုရေးအရ တားမြစ်ချက်တွေက ကျူးလွန် သူတွေ ကို လွတ်မြောက်စေပါတယ်။

ကျား/မရေးရာ တန်းတူညီမျှရေးကွန်ရက်မှ ဒေါ်မေစပယ်ဖြူက “သူတို့ ဒီလိုအဓမ္မပြုကျင့် ခံရပါတယ်ဆိုတာကို လုံလောက်တဲ့ သက်သေအထောက်အထား လူအများရှေ့မှာ ထပ်ခါစစ်ဆေးရတော့ ထပ်ခါအရှက်ရတာပေါ့။ တရားမျှတမှုကို စီရင်ချက်ချတဲ့အထိ မစောင့်နိုင်တော့ဘဲ သူတို့ကိုယ်တိုင် အမှုရုပ်သိမ်းသွားတာတွေ ရှိတယ်” လို့ ထောက်ပြပါတယ်။

၂၀၁၅ ခုနှစ် အခရာအမျိုးသမီးအဖွဲ့ရဲ့လေ့လာတွေ့ရှိချက်အရ အကြမ်းဖက်ခံရသူတွေအတွက် လိုအပ်တဲ့ ထောက်ပံ့ ပေးမှုမျိုးနဲ့ ပံ့ပိုးကူညီဆောင်ရွက်မှုတွေကို နိုင်ငံအနှံ့အပြားမှာလည်း မတွေ့ရှိရဘူးလို့ ဆိုပါတယ်။
လူမှုကွန်ရက်မှာ အမျိုးသမီးတွေ ဘတ်စ်ကားစီးနေစဉ်မှာ လိင်ပိုင်းဆိုင်ရာ အမြတ်ထုတ်ခံရတာတွေ၊ လမ်းသွားရင်း ကာယအိနြေ္ဒ နှောင့်ယှက်ခံနေရတဲ့အကြောင်း ခပ်စိပ်စိပ်သတင်းတွေထွက်ပြီးတဲ့နောက် ငရုတ်သီးဖျန်း ဆေးဘူးလေး တွေ ဆောင်ထားသင့်တယ်ဆိုပြီး အမျိုးသမီး အချင်းချင်းကြား တိုက်တွန်းလာကြတာကို တွေ့လာရပါတယ်။

အမျိုးသမီးအဖွဲ့တွေက ဒီကိစ္စတွေနဲ့ပတ်သက်ပြီး အသိပညာပေးတဲ့ လှုပ်ရှားမှုတွေ လုပ်ဆောင်ခဲ့ကြသလို အခရာ အမျိုးသမီးအဖွဲ့ဆိုရင် ဘတ်စ်ကားပေါ်မှာ လိင်ပိုင်းဆိုင်ရာ နှောင့်ယှက်ခံရရင် ၀ီစီလေးတွေမှုတ်ပြီး အသိပေးကြ မယ်ဆိုတဲ့ Whistle Campaign မျိုး လုပ်ခဲ့တာရှိသလို ထပ်မံပြီးလည်း လုပ်ဆောင်သွားဖို့ ရှိတယ်လို့ သိရပါတယ်။

ဒါ့အပြင် အမျိုးသမီးတွေကို အကြမ်းဖက်မှု အန္တရာယ်ကနေ ကာကွယ်နိုင်ဖို့အတွက် အမျိုးသမီး သင်တန်းနည်းပြတွေ ဦးစီးပြီး မြန်မာအမျိုးသမီး ကိုယ်လုံပညာသင်တန်း ဖွင့်လှစ်ထားတာတွေလည်း တွေ့ရပါတယ်။
မြန်မာအမျိုးသမီး ကိုယ်လုံပညာသင်တန်းတည်ထောင်သူ ဒေါ်စောယုက “ကျမတို့သင်တန်းက အမျိုးသမီးကို ဦးစားပေးသင်တဲ့ သင်တန်းပါ။ ဘာလို့လဲဆိုတော့ အပြင်သွားတဲ့အခါ ကိုယ့်ကိုတိုက်ခိုက်လာရင် ဘယ်လိုပြန်ပြီး တိုက်ခိုက်မှာလဲ၊ ဘယ်လိုတုန့်ပြန်မှာလဲ။ ယုံကြည်မှုရှိအောင် ကြောက်စိတ်ပျောက်အောင် အဓိကပါ”လို့ပြောပါတယ်။

ဒီသင်တန်းမှာ အမျိုးသမီးတွေအတွက် ခုခံကာကွယ်မှု၊ တိုက်ခိုက်လေ့ကျင့်မှုကိုသာမက အမျိုးသမီးတွေနဲ့ သက်ဆိုင်တဲ့ ဥပဒေတွေ၊ လိင်မှုဆိုင်ရာ အသိပညာပေးခြင်းတွေကိုပါ သင်ကြားပေးတယ်လို့ သိရပါတယ်။
တကယ်တော့ ဒီလိုအရာတွေကို လုပ်ဆောင်တာနဲ့ အမျိုးသမီးတွေ ကာယအိနြေ္ဒ နှောင့်ယှက်ခံရမှုကနေ လုံးဝပပျောက်ကွယ်သွားမှာ မဟုတ်ပါဘူး။ တရားဥပဒေစိုးမိုးရေးအပြင် အမျိုးသားတွေရဲ့ ပြည်သူ့နီတိ ကျင့်ဝတ်တွေအပေါ် လေးစားလိုက်နာဖို့၊ အမျိုးသမီးတွေအပေါ်ထားရှိတဲ့ အမြင်သဘောထားတွေ ပြောင်းလဲဖို့၊ လိင်ပိုင်းဆိုင်ရာ အသိပညာပေးမှုတွေ များများလုပ်ဖို့ လိုအပ်တယ်လို့ အမျိုးသမီးအဖွဲ့အစည်းတွေက ထောက်ပြကြပါတယ်။

ဒီအခြေအနေတွေနဲ့ ပတ်သတ်ပြီး ဒေါ်ထားထားက “ခံယူချက်သဘောထားတွေက ဥပဒေပြုပြင်ပြောင်းလဲတာထက် ပိုခက်တယ်။ ခံယူချက်သဘောထားတွေက ဘာသာရေးလိုလို၊ ယဉ်ကျေးမှုလိုလို ဖြစ်နေတာတွေကို လူတွေက မသိဘူး။ ပြောင်းဖို့ ခက်တယ်။ အဲဒီအချိန်မှာ တရားဥပဒေစိုးမိုးမှုက မရှိတော့ ပိုဆိုးတာပေါ့” လို့ ပြောပါတယ်။

စာရွက်စာတမ်းတွေထဲမှာ ဘယ်လိုပဲအမျိုးသမီးတွေအပေါ် ခွဲခြားဆက်ဆံထားတာ မရှိပါဘူး၊ တန်းတူရည်တူ ဆက်ဆံခွင့် ပေးထားပါတယ်လို့ အော်နေပါစေ၊ လူမှုအသိုင်းအ၀ိုင်း အတွင်းမှာ အမျိုးသမီးတွေအပေါ် ကာယအိနြေ္ဒ နှောင့်ယှက်တာတွေ၊ အကြမ်းဖက်တာတွေ၊ လိင်ပိုင်းဆိုင်ရာအမြတ်ထုတ် စော်ကားမှုတွေ၊ လုပ်ငန်းခွင်အတွင်း ခွဲခြားဆက်ဆံမှုတွေ ရှိနေတာက အမျိုးသမီးတွေဘ၀ လုံခြုံမှုမရှိသေးဘူးဆုိုတာကို မီးမောင်းထိုးပြနေတာပဲ ဖြစ်ပါ တယ်။

ဖက်ဒရယ်စနစ် တည်ဆောက်ဖို့ တိုင်းရင်းသားပါတီ နိုင်ငံရေးသမားတိုက်တွန်း


ကချင်ပါတီ သုံးခု ပေါင်းကာ ပါတီတစ်ခုအဖြစ်ပြန်ဖွဲ့ရန် သဘောတူ

ဖနိဒါ

ကချင်ပြည်နယ်ရှိ ကချင်ပါတီ ၃ ခု ပေါင်းစည်း၍ ပါတီတစ်ခုအဖြစ် ပြန်လည်ဖွဲ့စည်းရန် ကချင်ပြည်နယ် ဒီမိုကရေစီ ပါတီ(KSDP) ဒုတိယ အကြိမ်မြောက် ဗဟိုကော်မတီ ညီလာခံတွင် သဘောတူ ဆုံးဖြတ်လိုက်သည်။ KSDP ပါတီ၊ ကချင်အမျိုးသားများ ဒီမိုကရေစီကွန်ရက်ပါတီ(KNCD)နှင့် ကချင်ဒီမိုကရက်တစ်ပါတီ(KDP)တို့ ပူးပေါင်း၍ တစ်ပါတီထဲဖြစ်ရေးကို ပြီးခဲ့သည့် ဧပြီလက မူအားဖြင့် သဘောတူခဲ့ရာမှ ပါတီ၏ ညီလာခံကို မြစ်ကြီးနားမြို့ရှိ ပါတီရုံးချုပ်တွင် မေလ ၂၇ ရက်နှင့် ၂၈ ရက်များတွင် ကျင်းပ၍ ဆုံးဖြတ်ခဲ့ခြင်း ဖြစ်သည်။

 “၂၀၁၅ ရွေးကောက်ပွဲဟာ အားနည်းချက် တစ်ချို့ရှိသော်လည်း ဒီမိုကရေစီပြုပြင်ပြောင်းလဲရေးအတွက် အရေးကြီးသော သမိုင်းမှတ်တိုင် တစ်ရပ် ဖြစ်တယ်လို့ အမြင်တွေ ဆွေးနွေးတယ်။ ကချင်တိုင်းရင်းသားများ တပါတီ ပူးပေါင်းဖွဲ့စည်းသွားဖို့ ဆိုတဲ့ဟာကို ကျနော်တို့ ညီလာခံကနေ သဘောတူ ဆုံးဖြတ်တယ်”ဟု KSDP ပါတီ၏ ဥက္ကဌ ဒေါက်တာမနမ်တူးဂျာက ပြောသည်။ ပြီးခဲ့သည့် ၂၀၁၅ ရွေးကောက်ပွဲတွင် ကချင်ပါတီများ ကွဲပြားခဲ့သဖြင့် မဲအောင်နိုင်ရေးတွင် ဆုံးရှုံးမှုများရှိခဲ့သလို၊ ကချင်ပါတီများ ပူးပေါင်းရန်အတွက် ပြည်သူလူထုကလည်း တိုက်တွန်းမှုများရှိခဲ့သဖြင့် ကချင်ပါတီ ၃ ခု ပူးပေါင်းရန် သဘောတူခဲ့ခြင်း ဖြစ်သည်ဟု ဒေါက်တာ မနမ်တူးဂျာက မကြာသေးမီက မဇ္ဈိမကို ပြောဆိုခဲ့သည်။

 နှစ်ရက်သာ ဆွေးနွေးမှုတွင် အစိုးရသစ်မှ ၂၁ ရာစု ပင်လုံညီလာခံ ကျင်းပရေးအပေါ် ကြိုဆိုကြောင်း သို့သော် ယခင်အစိုးရနှင့် တစ်နိုင်ငံလုံး အပစ်အခတ် မရပ်သေးသော တိုင်းရင်းသား လက်နက်ကိုင် အဖွဲ့အစည်းများအားလုံး ပါဝင်ရန် စီစဉ်ဆောင်ရွက်ရန်နှင့် ပါဝင်သင့် ပါဝင်ထိုက်သူများလည်း ပါဝင်နိုင်ရေး ကြိုးစားလုပ်ဆောင်ရန် လိုအပ်ကြောင်း သဘောချမှတ်ခဲ့သည်ဟု သူက ပြောသည်။ ထို့ပြင် ကချင်ပြည်နယ် အတိုင်းအတာအနေဖြင့် ငြိမ်းချမ်းရေးနှင့် သက်ဆိုင်သည့် သဘောထားများ ရယူနိုင်ရန်အတွက် (Seminar) နှီးနှောလှယ်ပွဲတစ်ခု ကျင်းပနိုင်ရန် လိုအပ်ကြောင်း သဘောထားချမှတ်ခဲ့သည်ဟု သူက ပြောသည်။ မြန်မာနိုင်ငံတွင် ဖက်ဒရယ် နိုင်ငံတော်တည်ဆောက်ရာတွင် လက်တွေ့ လုပ်ဆောင်ရာတွင် အစိုးရသော်လည်းကောင်း၊ တပ်မတော်သသော်လည်းကောင်း၊ သက်ဆိုင်ရာ ပုဂ္ဂိုလ်များအနေဖြင့် ပြည်သူလူထုသဘောားများကို အလေးထားရန် ဆွေးနွေးဆုံးဖြတ်ခဲ့သည်ဟု ဒေါက်တာ တူးဂျာက ပြောသည်။ “ကျနော်တို့ နိုင်ငံမှာ ပြည်တွင်း ငြိမ်းချမ်းရေးတည်ဆောက်နိုင်ဖို့ အဓိက လိုအပ်နေတာက ဖက်ဒရယ်ကျင့်သုံးနိုင်ဖို့ ဖြစ်တယ်။ ဖက်ဒရယ်နိုင်ငံတည်ထောင်ဖို့ ဖြစ်တယ်။ အဲဒါကို လက်တွေ့ လုပ်ဆောင်တဲ့နေရာမှာဆိုရင် ပြည်သူလူထုရဲ့ အသံ၊ ပြည်သူလူထုရဲ့ သဘောထားကို အလေးထားရမှာ ဖြစ်တယ်”ဟု သူက ပြောသည်။ ညီလာခံသို့ ဗဟိုကော်မတီဝင်၊ ဗဟိုအလုပ်အမှုဆောင်ကော်မတီများ စုစုပေါင်း ၁၂၀ ကျော် တက်ရောက်ခဲ့သည်ဟု သိရသည်။

 ပြီးခဲ့သည့် ဧပြီလ ၂ ရက်က KSDP ပါတီ၊ KNCDပါတီနှင့်KDPပါတီများ ပါတီတစ်ခုတည်း ပူးပေါင်းရန် မူအားဖြင့် သဘော တူညီခဲ့ပြီးနောက် ကချင်နိုင်ငံရေးပါတီများ ပေါင်းစည်းရေးကော်မတီကို ဖွဲ့စည်းခဲ့သည်။ ယင်းကော်မတီသည် မေလ ၂၄ ရက်နှင့် ၂၅ ရက်တွင် ကျင်းပသော အလုပ်ရုံဆွေးနွေးပွဲတွင် ကချင်ပြည်နယ်ရှိ သဘာဝ သယံဇာတ အရင်းအမြစ်များဆိုင်ရာ မူဝါဒ ၇ ရပ်ကို ချမှတ်ခဲ့သည်။ ကချင်ပြည်နယ်တွင် ကချင်တိုင်းရင်းသားပါတီ ၅ ခုရှိပြီး လီဆူအမျိုးသားဖွံ့ဖြိုးတိုးတက်ရေးပါတီ ဒူးလေးပါတီ(LNDP)နှင့် လော်ဝေါ်အမျိုးသားစည်းလုံးညီညွတ်ရေးနှင့် ဖွံ့ဖြိုးရေးပါတီ(LNUDP) တို့ကိုလည်း ပူးပေါင်းလာစေရန် ဆွေးနွေးမှုများ ရှိနေသည်ဟု သိရသည်။

တက္ကသိုလ် ပဋိညာဉ် ရေးဆွဲရာတွင် ကျောင်းသားသမဂ္ဂများ ပါဝင်ခွင့်ပေးမည်ဟု ပညာရေးဝန်ကြီး ပြော

သူဇာ


ပညာရေး ၀န်ကြီး ဒေါက်တာ မျိုးသိမ်းကြီးနှင့် နိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်(နကသ) တွေ့ဆုံရာတွင် အဆင့်မြင့် ပညာရေး ဥပဒေ ရေးဆွဲရေးနှင့် တက္ကသိုလ်တခုချင်းစီက ရေးဆွဲနေသည့် တက္ကသိုလ် ပဋိညာဉ် ရေးဆွဲရေးတွင် ကျောင်းသား သမဂ္ဂများ ပူးပေါင်းပါဝင်ရန် ပညာရေးဝန်ကြီးက ကတိပေး ပြောဆိုကြောင်း သိရသည်။

“ကျနော်တို့ တောင်းဆိုချက် သုံးခုမှာ ဒုတိယ အချက်ဖြစ်တဲ့ တက္ကသိုလ် အဆင့်မြင့် ပညာရေးဆွဲရေးထဲမှာ ကျနော်တို့ ကျောင်းသား သမဂ္ဂအဖွဲ့တွေကို ပါဝင်ခွင့်ပေးဖို့ အဲဒီအဆင့်မြင့်ပညာ ဥပဒေကနေပြီးတော့ ဆက်လက်ရေးဆွဲမည့် တက္ကသိုလ် ပဋိညာဉ်မှာ ကျနော် တို့ ကျောင်းသား သမဂ္ဂတွေကို ပါဝင်ဆောင်ရွက်ခွင့်ပေးဖို့ဆိုတဲ့ အချက်ကို လုပ်ဆောင်ပေးမယ်ဆိုတဲ့အကြောင်း ၀န်ကြီးက အာမခံ ပါတယ်”ဟု နကသ ဗဟို အလုပ်အမှုဆောင်တဦး ဖြစ်သူ ကိုဇေယျာလွင်က ပြောသည်။

ပညာရေးဝန်ကြီး၏ ဖိတ်ခေါ်မှုနှင့် နကသ အဖွဲ့ချုပ်မှ အမှုဆောင် ၂၇ ဦးသည် မေလ ၂၉ ရက်က ရန်ကုန်မြို့တွင် တွေ့ဆုံခဲ့ခြင်း ဖြစ် သည်။

ယင်းတွေ့ဆုံမှုတွင် ပညာရေးဝန်ကြီးက တောင်းဆိုမှု တခုကို လုပ်ဆောင်ခဲ့ပြီး နကသ အဖွဲ့ချုပ်က တောင်းဆိုမှု သုံးခုကို လုပ်ဆောင်ခဲ့ကြောင်း သိရသည်။

နကသ အမှုဆောင်များက အဆင့်မြင့်ပညာရေး ဥပဒေမပေါ်ထွက်လာခင်ကြား ကျောင်းသားသမဂ္ဂများ လှုပ်ရှားရပ်တည်ခွင့် အခြေ အနေ၊ တက္ကသိုလ် တခုချင်းစီတွင် ရေးဆွဲနေသည့် တက္ကသိုလ် ပဋိညာဉ် ရေးဆွဲရာတွင် ကျောင်းသားသမဂ္ဂများ ပါဝင်ရေးနှင့် အင်ဂျင်နီယာ ကောင်စီ ဥပဒေကို အင်ဂျင်နီယာ ကျောင်းသားများအတွက် ပြန်လည် ပြင်ဆင်ရေး တောင်းဆိုချက်များ တောင်းဆိုခဲ့သည် ဟု ဆိုသည်။

“ကျောင်းသားသမဂ္ဂတွေ ရုံးခန်းရရှိဖို့အတွက်ကိုတော့ လက်ရှိကျောင်းသား သမဂ္ဂအဖွဲ့တွေ ညှိနှိုင်းဆောင်ရွက်ပါလို့ ကျနော်တို့ကို ပြောပါတယ်။ ကျောင်းသား သမဂ္ဂကို ရုံးခန်းပေးပါတယ်။ ကျောင်းသား သမဂ္ဂကို တရားဝင် အသိအမှတ် ပြုပါတယ်လို့ ပြောဖို့တော့ သူတို့မှာ ဥပဒေအရ အခက်အခဲ ဖြစ်နေပါတယ်လို့ ပြောပါတယ်။ လှုပ်ရှားဆောင်ရွက်ခွင့်ကိုတော့ အသိအမှတ်ပြုတယ်။ ပါချုပ်တွေနဲ့ တွေ့ဆုံပြီး လှုပ်ရှားဆောင်ရွက်ပါလို့ ပြောတယ်။ ကျနော်တို့ဘက်ကလည်း ပြန်ပြောပါတယ်။ ပါချုပ်တဦးချင်းစီရဲ့ စိတ်ဆန္ဒပေါ် မူတည်ပြီး ကျနော်တို့ ကျောင်းသား သမဂ္ဂတွေက လှုပ်ရှားဆောင်ရွက်သလို ဖြစ်သွားလိမ့်မယ်လို့ ပြောတဲ့အခါမှာ သူတို့ဘက်က ကျောင်းတွေကို ကျောင်းသားသမဂ္ဂတွေနဲ့ ပူးပေါင်းဆောင်ရွက်ဖို့ Message တခု ပေးလိုက်ပါမယ်လို့ ပြောပါတယ်”ဟု ကိုဇေယျာလွင် က ပြောသည်။

အင်ဂျင်နီယာ ကောင်စီ ဥပဒေ ပြင်ဆင်ရေးနှင့် ပတ်သက်ပြီး ၄င်းတို့အနေနှင့် ပြင်ဆင်ရေးအတွက် အချိန်ယူ ဆောင်ရွက်ရမည် ဖြစ် ကြောင်း၊ ပြင်ဆင်ရာတွင် ကျောင်းသားများ ပြင်ဆင်ချင်သည့်အချက်ကို သေချာ ဆွေးနွေးမည်ဟု ပညာရေးဝန်ကြီးမှ ပြောကြားခဲ့ကြောင်းလည်း ၎င်းက ပြောဆိုသည်။

ပညာရေး ၀န်ကြီးဌာနဘက်မှ ဖိတ်ခေါ်သည့် အချက်မှာ ပညာရေး ရက် ၁၀၀ စီမံချက်ထဲ၌ တက္ကသိုလ်များနှင့် ပတ်သက်ပြီး အရည် အသွေး ထိန်းညှိသည့်ပုံစံ လုပ်ဆောင်ရာတွင် နကသ အဖွဲ့ချုပ်မှ ကျောင်းသားများ ပူးပေါင်းဆောင်ရွက်ရန် ဖြစ်ပြီး နကသ များဘက် ကလည်း ပူးပေါင်းပါဝင်ရန် သဘောတူခဲ့သည်ဟု ဆိုသည်။

ယင်းစီမံချက်တွင် နကသ မှ ကျောင်းသားများသည် တက္ကသိုလ် ဆရာ၊ ဆရာမများ၏ ကျောင်းသားများအပေါ် ပညာသင်ကြား သည့် အခြေအနေ၊ အတန်းချိန် မှန် မမှန်၊ သင်ကြားရာတွင် ဆရာ၊ ဆရာမများ၏ ဂရုတစိုက် သင်ကြားမှု ရှိ မရှိ စသည်များကို စောင့်ကြည့် ပြောကြားပေးရန် ဖြစ်ကြောင်း သိရသည်။

နကသ ကို တက္ကသိုလ် ကျောင်းသား သမဂ္ဂ(တကသ) နှင့် ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်(မြေလတ်ဒေသ) တို့က ပူးပေါင်း၍ မေလ ၂၅ ရက်တွင် ဖွဲ့စည်းခဲ့ခြင်း ဖြစ်သည်။

မြန်မာနိုင်ငံ ပညာရေးစနစ် ပြုပြင်ပြောင်းလဲရေး၊ ဒီမိုကရေစီ ပညာရေး စနစ် ဖြစ်ပေါ်လာရေး၊ ကျောင်းသားထု အခွင့်အရေး ကာကွယ် စောင့်ရှောက်ရေး၊ ကျောင်းသားထု စွမ်းရည်မြှင့်တင်ရေး၊ ကျောင်းသား သမဂ္ဂများ လွတ်လပ်စွာ ရပ်တည် လှုပ်ရှားခွင့် ရရှိရေး တို့ကို ထိထရောက်ရောက် ဆောင်ရွက်နိုင်ရန် ရည်ရွယ်၍ နကသ ကို ဖွဲ့စည်းခဲ့ခြင်း ဖြစ်ကြောင်း သိရသည်။

ယနေ့ မြန်မာ့ရေးရာသတင်းများ May, 31st,2016

( 20 )အယ်လ်နီညိုနှင့် ပြောင်းပြန်၊ လာနီညာဖြစ်စဉ် ရာသီဥတု ကြုံတွေ့ရန် ၇၅ ရာခိုင်နှုန်း သေချာ

( 19 )ထိုင်း-မြန်မာ နယ်စပ်က မယ်တော် ဆေးခန်း နေရာသစ်တွင် ဖွင့်လှစ်မည်

( 18 ) အိန္ဒိယသံရုံးတွင် ရှေးဟောင်းအဆောက်အအုံ အပြာရောင်ကမ္ပည်းပြား တပ်ဆင်

( 17 )နကသ ဖွဲ့စည်းမှု ဒဂုံကျောင်းသား သမဂ္ဂ ကန့်ကွက်

( 16 ) မှုခင်းကျဆင်းရေး ရက် ၁၀၀ စီမံချက် ကလေးမြို့တွင် နေ့ည ဆောင်ရွက်

( 15 )ယူရို ၈၆ သန်းကိစ္စ အဆင့်မြင့်အဖွဲ့ စိစစ်မည်

( 14 )မေ ၃၀ ဒီပဲယင်းအကြမ်းဖက်မှု ၁၃ နှစ်ပြည့်အခမ်းအနား ကျင်းပ

( 13 )ပြည်ခိုင်ဖြိုး ပါတီဝင်ဟောင်းများ ပန်ကြားလွှာ ထုတ်ပြန်

( 12 )နကသကျောင်းသားများနှင့် ပညာရေးဝန်ကြီး တွေ့ဆုံမှု ပြေလည်မှုရ

( 11 )စစ်ဘေးဒုက္ခသည်တွေအတွက် အမေရိကန်မှာ ရခိုင်တိုင်းရင်း သားတွေ ဆုတောင်းပွဲကျင်းပ

( 10 )ဒီပဲယင်းအရေးအခင်း ၁၃ နှစ်ပြည့် ကျင်းပ

( 9 )ရှမ်းနဲ့ တအာင်းလူမျိုးတွေ ချစ်ခင်စွာနေထိုင်ကြဖို့ TNLA တိုက်တွန်း

( 8 )ဘုံသဘောတူ မူဝါဒ ရရှိရေး၊ ၃၅ ဖွဲ့ ဆွေးနွေး

( 7 ) မူးယစ်ဆေးပြား အများအပြား ဖမ်းဆီးမိ

( 6 )ပညာရေး ဝန်ကြီးနဲ့ နကသ ကျောင်းသားများ တွေ့ဆုံ

( 5 )စစ်ပွဲတွေရပ်ဖို့ အမေရိကန်ရောက် မွန်တိုင်းရင်းသားတွေ တောင်းဆို

( 4 )ရှမ်း ၁၃ ပါတီ ပူးပေါင်း

( 3 )တိုက်ပွဲတွေရပ်ဖို့ ရှမ်းတိုင်းရင်း သားတွေ တောင်းဆို

( 2 )HIV/AIDS ဟောပြောပွဲကျင်းပ

( 1 )ဒေါ်အောင်ဆန်းစုကြည် ဇွန်လအတွင်း ထိုင်းနိုင်ငံသွားမည်

Monday, May 30, 2016

မယ်တော်ဆေးခန်းကို နေရာသစ်မှာ ပြောင်းရွှေ့ဖွင့်လှစ်


ကျောင်းအပ်ချိန်မှာ ကန့်သတ်ချက်တစ်ချို့ကြောင့် ကလေးတွေ ကျောင်းဝင်ခွင့်


ပဲခူးတိုင်း ကညွတ်ကွင်းမြို့တွင်းလမ်းတွေ ဆိုးနေတဲ့အပေါ်


နိုင်ငံရေးဆွေးနွေးပွဲကို ဖိတ်ကြားခံရရင် လအပ်တာတွေပြင်ဆင်


ရသတံတားဘာသာပြန်စာပေပွဲတော်ရဲ့ ဖွင့်ပွဲ


အမှိုက်သိမ်းကားစစ်စစ် အစီးရေ ၄၅၀နဲ့ အမှိုက်ပုံးပေါင်း လေးသောင်းကျော် လိုအပ်


လက်ရှိပြဌာန်းထားတဲ့ ကျောက်မျက်ဥပဒေက အဆင်မပြေမူ့တွေရှိ


မုံရွာဘိုးဘွားရိပ်သာမှာ နေရာအခက်အခဲကြောင့် နေထိုင်ခွင့် လျှောက်လွှာတွေကို ယာယီပိတ်ထား


Sunday, May 29, 2016

သစ်ချောက်ကျေးရွာမှ ရေရှားပါးတဲ့အတွက် မြစ်ရေတင်စီမံကွန်းဆောင်ရွက်စေချင်


ဒဂုံနှင့် ရတနာပုံ စီမံချက်နှစ်ရပ်ဖြင့် ရန်ကုန်နှင့် မန္တလေးတွင် နှိမ်နင်းမည်

မဇ္ဈိမ

အစိုးရသစ်က ရန်ကုန်တိုင်းဒေသကြီးနှင့် မန္တလေးတိုင်းဒေသကြီးတို့တွင် ဒဂုံနှင့် ရတနာပုံ အထူးစီမံကိန်းနှစ်ရပ်ချမှတ်ကာ မူးယစ်ဆေးဝါးဖြိုခွင်းနှိမ်နှင်းရေးကို လုပ်ဆောင်သွားမည်ဖြစ်ကြောင်း ပြည်ထဲရေးဝန်ကြီးဌာနမှ သိရသည်။

ယင်းအထူးစီမံကိန်းနှစ်ရပ်သည် ဧပြီ ၁ ရက်က စတင်တာဝန်ယူသည့် အစိုးရသစ်၏ ရက် ၁၀၀ စီမံကိန်းအတွင်း အကျုံးဝင်ပါဝင်သော စီမံကိန်းများလည်းဖြစ်သည်။

တစ်ချိန်တည်းတွင် ပြည်ထဲရေးဝန်ကြီးဌာနက နိုင်ငံအနှံ့ ရာဇဝတ်ဂိုဏ်းများအား အရေးယူဆောင်ရွက်ရေးကို လုပ်ဆောင်လျက်ရှိသကဲ့သို့ ရက် ၁၀၀ အတွင်း တရားစွဲဆိုအမှုရင်ဆိုင်နေရသည့် နိုင်ငံရေးတက်ကြွလှုပ်ရှားသူများအား ပြန်လွှတ်ပေးရေးအတွက်လည်း စီစဉ်ဆောင်ရွက်လျက်ရှိနေသည်။

နိုင်ငံတွင် ငွေကြေးခဝါချအလွဲသုံးစားမှုများနှင့် စီးပွားရေးရာဇဝတ်မှုများအား ဖြိုခွင်းနှိမ်နှင်းရေးအတွက်လည်း အထူးစုံစမ်းစစ်ဆေးရေးဌာနက အရှိန်မြှင့်လုပ်ဆောင်သွားမည်လည်းဖြစ်သည်။

လက်ရှိတွင် နိုင်ငံရေးအမှုဖြင့် အမှုရင်ဆိုင်နေရသူပေါင်း ၄၄၀ ဦးအား ပြည်ထဲရေးဝန်ကြီးဌာနက ပြန်လွှတ်ပေးခဲ့ပြီးဖြစ်သည်။

တရားဝင်စာရင်းဇယားများအရ ရန်ကုန်တိုင်းဒေသကြီးအတွင်း မေ ၂၀ ရက်အထိ တစ်လတည်း၌ ရာဇဝတ်မှုပေါင်း ၉၀၀ ကျော် ဖမ်းဆီးနိုင်ခဲ့ကြောင်း သိရသည်။

UPDJC ကို ဒေါ်အောင်ဆန်းစုကြည် ဦးစီးပြီး ပြန်လည် ဖွဲ့စည်းမည်

နန်းဆိုင်နွမ်


ယခင်အစိုးရ လက်ထက်က ဖွဲ့စည်းခဲ့သည့် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ကို နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဦးစီးပြီး ပြန်လည်ဖွဲ့စည်းမည်ဟု သတင်းရရှိသည်။

ယနေ့ နေပြည်တော်ရှိ Horizon Lake View Hotel တွင် ကျင်းပသည့် UPDJC အစည်းအဝေးတွင် ဒေါ်အောင်ဆန်းစုကြည်က ယင်းသို့ သတင်းမီဒီယာများကို ပြောဆိုလိုက်ခြင်း ဖြစ်သည်။

UPDJC ပြောင်းလဲဖွဲ့စည်းမည့် ကိစ္စနှင့် ပတ်သက်၍ ဒေါ်အောင်ဆန်းစုကြည်က “UPDJC ရဲ့ ဖွဲ့စည်းပုံကို ကျမတို့ ပြောင်းလဲ ရပါမယ်။ ဒါတွေကိုလည်း ကျမတို့ ဆက်ပြီးတော့ ကျမတို့ ဒီနေ့ အစည်းအဝေးတွေနဲ့ မနက်ဖြန် အစည်းအဝေးတွေမှာ ဆွေးနွေးသွားမှာ ဖြစ်ပါတယ်” ဟု ပြောသည်။

ဆက်လက်၍ ဒေါ်အောင်ဆန်းစုကြည်က ထိုကဲ့သို့ ပြောင်းလဲရခြင်းမှာ ရွေးကောက်ပွဲရလဒ် ကြောင့် မဟုတ်bJ မူအရ နိုင်ငံရေးအခြေအနေအရ ပြောင်းလဲ ရခြင်း ဖြစ်သည်ဟုလည်း ဆိုသည်။

လက်ရှိ UPDJC တွင် တာဝန်ရှိသူများအဖြစ် ယခင်အစိုးရ လက်ထက်က ငြိမ်းချမ်းရေး ဆွေးနွေးခဲ့သူများ၊ ယခင်အစိုးရနှင့် တနိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် (NCA) ချုပ်ဆိုထားသည့် တိုင်းရင်းသား ၈ ဖွဲ့ ကိုယ်စားလှယ်များ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ်များ ပါဝင်သည်။

ပြန်လည် ဖွဲ့စည်းမည့် UPDJC တွင် တိုင်းရင်းသား အဖွဲ့များ၊ နိုင်ငံရေး အဖွဲ့အစည်းများ၊ အစိုးရအဖွဲ့များ ပြန်လည် ပါဝင်သွားမည်ဟုလည်း သိရသည်။

အသစ်ပြန်လည် ဖွဲ့စည်းရာတွင် တိုးလာမည့် အဖွဲ့ဝင်သစ်များကို ဒေါ်အောင်ဆန်းစုကြည်က ရွေးချယ်သွားမည် ဖြစ်ပြီး ၎င်းတို့အနေဖြင့် မသိရှိပါဟု လက်ရှိ UPDJC အဖွဲ့ဝင်များက ဧရာဝတီသို့ ပြောဆိုထားသည်။

UPDJC ဖွဲ့စည်းရေးကို အမြန်ဆုံး ပြီးအောင် ဆောင်ရွက်ပြီး ငြိမ်းချမ်းရေး ညီလာခံအတွက် ပြင်ဆင်မှုများကို ဆက်လက် လုပ်ကိုင်သွားမည် ဖြစ်ကြောင်း၊ ငြိမ်းချမ်းရေး ညီလာခံ အောင်မြင်ရန် အတွက်လည်း တက်ရောက်လာသည့် ပုဂ္ဂိုလ်များ အနေဖြင့် ပွင့်လင်းစွာ တင်ပြရန်လည်း ဒေါ်အောင်ဆန်းစုကြည်က ပြောသည်။

UPDJC ကို ယခင်အစိုးရနှင့် တိုင်းရင်းသား လက်နက်ကိုင် ၈ ဖွဲ့တို့ အကြား NCA စာချုပ် လက်မှတ်ရေးထိုးပြီး စာချုပ်ပါ အချက်အလက်များအတိုင်း ရက်ပေါင်း ၆၀ အတွင်း နိုင်ငံရေးဆွေးနွေးပွဲ မူဘောင်တရပ်ရေးဆွဲခြင်း၊ ရက်ပေါင်း ၉၀ အတွင်း နိုင်ငံရေးဆွေးနွေးပွဲတခု ကျင်းပရေးတို့ ပြုလုပ်နိုင်ရေးအတွက် အောက်တိုဘာလ ၁၆ ရက်က ဖွဲ့စည်းခဲ့ခြင်း ဖြစ်သည်။

လက်ရှိတွင် UPDJC သည် ၂၁ ရာစု ပင်လုံညီလာခံကို ကျင်းပရန်လည်း စီစဉ်နေကြောင်း သိရသည်။

ယနေ့ မြန်မာ့ရေးရာသတင်းများ May, 29th,2016

( 10 )ရဲအုပ်သေနတ်ဖောက်ခြိမ်းခြောက်

( 9 )စက်မှုဇုန် ၂၄ နာရီ ဓါတ်အားရမယ်

( 8 )ဖားကန့်ကို ရာဇဌာနီ ကုမ္ပဏီ ယမ်းတန်ချိန် ၂ဝဝဝ သယ်ယူ

( 7 )ANP က ဦးဆောင်၍ ရခိုင် စစ်ဘေးရှောင်များအတွက် ယာယီတဲများ ဆောက်လုပ်နေ

( 6 )မဏ္ဍိုင်သုံးရပ် ပူးပေါင်းဆောင်ရွက်ဖို့ ဝန်ကြီးချုပ်တွေကို ဒေါ်အောင်ဆန်း စုကြည် ပြောကြား

( 5 )နှလုံးရောဂါဝေဒနာသည် ကလေးများကို အခမဲ့ဆေးကုသပေးမည်

( 4 )ယူရိုငွေ သန်း ၈ဝ ကျော် စာရင်းရှင်းဖို့ အစိုးရဟောင်း ကို ကျောက်မျက်လုပ်ငန်း ရှင်တွေ တောင်းဆို

( 3 )မှုခင်းကျဆင်းရေး အပါအ၀င် လုပ်ငန်း ၄ ခု ရက် ၁၀၀ အတွင်း လုပ်မည်

( 2 )ဖွဲ့စည်းပုံကြောင့် တိုက်ပွဲဖြစ်ဟု ဦးခွန်ထွန်းဦး ပြောကြား

( 1 )တရားမျှတခြင်းကို ကရုဏာဖြင့် ဖြေရှင်းကြရန် ဒေါ်အောင်ဆန်းစုကြည် ပြော

Saturday, May 28, 2016

ငွေကြေးဖောင်းပွမှု နှစ်စဉ်မြင့်တက်မှု ဆင်းရဲသားများ အလူးအလဲခံနေရဟု ပညာရှင်ပြော

မျိုးသူအောင်

စီးပွားရေးနှင့် ပတ်သက်၍ မူဝါဒများချမှတ်ရာတွင် ရေရှည်အသုံးကျသည့် မူဝါဒများဖြစ်ရန်လိုအပ်ပြီး အစိုးရ ထိန်းကျောင်းမှုပါသော ဈေးကွက်စီးပွားရေးစနစ်မျိုး ဖြစ်ရန်လိုအပ်ကြောင်း အားမာန် Economic Institute ဥက္ကဋ္ဌ ဦးဇော်ဖေဝင်းက ပြောသည်။

၎င်းက Socio-Economic Development in Myanmar မူဝါဒဆိုင်ရာ ဆွေးနွေးပွဲတွင် ယင်းကဲ့သို့ ပြောကြားခဲ့ခြင်းဖြစ်သည်။ အဆိုပါဆွေးနွေးပွဲကို Action Aid မြန်မာ နှင့် မဇ္ဈိမမီဒီယာတို့ ဦးစီးကာ မေလ ၂၈ရက်က ကန်တော်ကြီးပဲလေ့စ်ဟိုတယ်တွင် ပြုလုပ်ခဲ့ခြင်းဖြစ်သည်။

"ထုံးစံအတိုင်းကတော့ ကျွန်တော်တို့က ဈေးကွက်စီးပွားရေးစနစ်တည်ဆောက်ရမှာပါ။ ဈေးကွက်စီးပွားရေးစနစ် ဆိုလို့ အစိုးရက ဘာမှ ဝင်မပါတော့ဘဲ ဈေးကွက်ကို ကြိုက်သလိုလုပ်ကြဆိုပြီးတော့ လွှတ်ထားတဲ့ ဈေးကွက် စီးပွားရေးစနစ်မျိုးမဟုတ်ဘဲနဲ့ အစိုးရ ထိန်းကျောင်းမှုပါသော ဈေးကွက်စီးပွားရေးစနစ် လိုအပ်တယ်လို့ ကျွန်တော်ထင်ပါတယ်" ဟု ၎င်းက ပြောသည်။

ထို့ပြင် မြန်မာနိုင်ငံတွင် ဖြစ်ပေါ်နေသော ငွေကြေးဖောင်းပွမှုကြောင့် အခြေခံလူတန်းစားတွေက အလူးအလဲ ခံစား နေရပြီး နိုင်ငံအတွင်းရှိ အသေးစားအလတ်စား စီးပွားရေးလုပ်ငန်းများကို အစိုးရအနေဖြင့် အကူအညီပေးရန်လို အပ်ကြောင်း ၎င်းက ထည့်သွင်းပြောကြားသွားသည်။

"ငွေဖောင်းပွမှုကြောင့် လူချမ်းသာတွေအတွက် သိပ်မထိခိုက်နိုင်ပါဘူး။ ဘယ်သူတွေထိခိုက်နိုင်မလဲဆိုတော့ ပုံမှန် လက် လုပ်လုပ်စားတွေ၊ လစာနည်းနည်းပဲရတဲ့ ဝန်ထမ်းတွေ။ သာမန်လက်လုပ်လက်စားတွေဟာ ငွေဖောင်းပွ မှု ဒဏ်ကို အလူးအလဲခံရပါတယ်။ နောက်လည်း ဆက်ပြီး ခံရမယ့် သဘောရှိပါတယ်။ ဘာကြောင့်လဲဆိုရင် ငွေ ဖောင်းပွမှုက ဆက်ပြီး ရှိနေလို့ပါပဲ။ " ဟု ဆိုသည်။

ငွေကြေးဖောင်းပွမှုက ၂၀၁၁-၁၂ မှာ ၂.၈ % မြင့်တက်ခဲ့ပြီး ၂၀၁၅-၁၆ ဘဏ္ဍရေးနှစ်၏ ငွေဖောင်းပွမှုနှုန်းမှာ ၂၀၁၄-၁၅ ဘဏ္ဍနှစ် နှင့် နှိုင်းယှဉ်လျှင် ၁၄.၆ % ဖောင်းပွလိမ့်မည်ဟု ဆိုသည်။

မူဝါဒဆိုင်ရာ ဆွေးနွေးပွဲတွင် Development consultant ဦးမြင့်အောင်ကလည်း "စက်မှုနိုင်ငံဖြစ်ဖို့ဆိုတာ SMEsတွေ မတိုးတက်လို့ မရဘူး။ SMEs တွေမတိုးတက်ဘဲ industry မတိုးတက်ဘူး။ SMEs တွေဟာ Backbone of the every industry ပဲ။ ဘာဖြစ်လို့လဲဆိုရင် FDI (နိုင်ငံခြားရင်းနှီးမြှုပ်နှံမှု) ဝင်လာ တဲ့အခါမှာ လိုအပ်တဲ့ပစ္စည်းတွေကို "က"ကနေ "အ" အထိ မထုတ်နိုင်ဘူး။ " ဟု ပါဝင်ဆွေးနွေးခဲ့သည်။

မြန်မာနိုင်ငံအစိုးရအနေဖြင့် ကုန်ထုတ်လုပ်မှုတိုးတက်ရေး၊ ကုန်ဈေးနှုန်းတည်ငြိမ်ရေး၊ အလုပ်လက်မဲ့ လျော့ပေါ့ရေး ၊ဆင်းရဲ ချမ်းသာကွာခြားမှုလျော့ပါးရေး၊ နိုင်ငံခြား မှီခိုမှုလျော့ပေါ့ရေး၊ ပြည်တွင်းသုံးငွေ တန်ဖိုးတည်ငြိမ်ရေး၊ ပြည်ပ ငွေပေးငွေယူ ရှင်းတန်းဘက်ညီရေး၊ သဘာဝပတ်ဝန်းကျင် ထိန်းသိမ်းစောင့်ရှောက်ရေး စသည့် အချက်များကို စီးပွားရေး မျှော်မှန်းချက်တစ်ရပ်အနေနှင့် ချမှတ်လုပ်ဆောင်သင့်ကြောင်း ဦးဇော်ဝင်းဖေက ဆွေးနွေးခဲ့ပြီး The European Chamber of Commerce မှ Executive Director of Eurocham Myanmar - Mr.Filip Lauwerysen ကလည်း မြန်မာနိုင်ငံသည် နိုင်ငံတကာရင်းနှီးမြှုပ်နှံမှုများ လာရောက်ရန် ကမ္ဘာပေါ်တွင် အဆိုးရွားဆုံး အခြေအနေမျိုးဖြစ်နေသည်ဟု မြင်ကြောင်းနှင့် အစိုးရသစ်အနေဖြင့် လိုအပ်သည့် ဖန်တီးမှုများ လုပ်ဆောင်ပေးရန် မျှော်လင့်ကြောင်း ပြောကြားခဲ့သည်။

စင်ကာပူဖိုရမ်တွင် အစိုးရသစ်အား ဝေဖန်

ဧရာဝတီ


၂ လ နီးပါး ကြာမြင့်ခဲ့ပြီဖြစ်သော အမျိုးသားဒီမိုကရေစီအဖွဲ့ချုပ် (NLD) အစိုးရသစ်ကို ပြီးခဲ့သည့်အပတ် သောင်္ကြာနေ့က စင်ကာပူနိုင်ငံတွင် ကျင်းပခဲ့သော မြန်မာဖိုရမ် ၂၀၁၆ တွင် တက်ရောက်သူများက ပြင်းပြင်းထန်ထန် ဝေဖန်ခဲ့ကြကြောင်း သိရသည်။

ယင်းဖိုရမ်ကို ပညာရေး သုတေသန အဖွဲ့အစည်း အရှေ့တောင်အာရှ လေ့လာရေး အင်စတီကျူက (Institute of Southeast Asian Studies – ISEAS) ကမကထပြု ကျင်းပခြင်း ဖြစ်ပြီး မြန်မာ သုတေသီများ၊ ဒီမိုကရေစီရေး လှုပ်ရှားသူများ၊ စီးပွားရေးသမားများ ပါဝင်ခဲ့ကြကြောင်း ဘန်ကောက်ပို့စ်သတင်းစာက သတင်းရေးသားပေးပို့ခဲ့သည်။

“ပြည်သူတွေဟာ ကြီးကြီးမားမား မျှော်လင့်နေကြရုံမက သည်းညည်းခံနိုင်ဖို့လည်း ကြိုးစားနေရတယ်” ဟု ဖော်ရမ်တက်ရောက်သူတဦးဖြစ်သော ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးကိုကိုကြီးက ပြောကြောင်း သတင်းက ရေးသည်။ ထို့ပြင် ဆယ်စု နှစ်ပေါင်းများစွာ နိုင်ငံရေးလွတ်လပ်မှုများ ပျောက်ဆုံးခဲ့ရခြင်းအပြင် နေ့စဉ်ဘဝနေထိုင်ရေး အခြေခံလိုအပ်ချက်များအတွက်လည်း သည်းမခံချင်ကြတော့ကြောင်းလည်း ပြောဆိုခဲ့ကြောင်း ဆိုသည်။

အကျဉ်းထောင်ထဲတွင် ၁၉ နှစ်ကြာ နေခဲ့ရသူ ဦးကိုကိုကြီးက လူငယ်မျိုးဆက်များအနေဖြင့် ဒီမိုကရေစီရေး အပြောင်းအလဲအတွက် တိုက်ပွဲဝင်ခဲ့ကြသော မျိုးဆက်ဟောင်းတို့ကဲ့သို့ စိတ်မရှည်တော့ကြောင်းလည်း လျှပ်စစ်မီး မကြာခဏ ပြတ်တောက်မှုနှင့် ကြုံနေရသော ကိုယ်ပိုင်အတွေ့အကြုံကို ပြောခဲ့သေးသည်။ “ဒုတိယအိမ်လို ဖြစ်ခဲ့တဲ့ အကျဉ်းထောင်ထဲမှာ ကျနော် သည်းခံနိုင်ခဲ့တယ်။ လက်ထဲမှာ ယပ်တောင်ကလေး ခပ်ပြီး နေနိုင်ခဲ့တယ်။ NLD အောင်မြင်စေချင်ခဲ့တယ်။ လူတွေက မျှော်လင့်ချက်တွေ ရှိတယ်ဆိုတော့ သူတို့ သည်းခံဖို့ အဆင်သင့်ပဲ။ ဒါပေမယ့် အခု ၉ လပဲ ရှိတဲ့ ကျနော့်သမီးကျတော့ မီးပြတ်တာနဲ့ ငိုတော့တာပဲ”ဟု ပြောကြောင်း သတင်းက ရေးသားထားသည်။

ထို့ပြင် ဦးကိုကိုကြီးက နိုင်ငံတော် အကြံပေး ဒေါ်အောင်ဆန်းစုကြည်နှင့် NLD အစိုးရသည် အချိန်များစွာ ရမည်မဟုတ်ဘဲ ငြိမ်းချမ်းရေး တည်ဆောက်မှု၊ ဖွဲ့စည်းပုံ အခြေခံ ဥပဒေ ပြောင်းလဲရေး၊ စီးပွားရေး၊ ပညာရေး၊ လျှပ်စစ်မီး စသည့် ဦးစားပေး ဆောင်ရွက်စရာများကို အလျင်အမြန် ဆုံးဖြတ်ဆောင်ရွက်ရမည်ဟုလည်း ပြောဆိုသည်။

ငြိမ်းချမ်းရေး လုပ်ငန်းစဉ်တွေအတွက် ယုံကြည်မှု တည်ဆောက်ရမှာဟု Center of Diversity and National Harmony ၏ ဒါရိုက်တာ ဒေါက်တာကျော်ရင်လှိုင်က ပြောခဲ့ပြီး စစ်တပ်ကျောထောက်နောက်ခံရှိသော ဦးသိန်းစိန်အစိုးရလက်ထက်တွင် ၂ ဖက်လုံးမှ ဆွေနွေးသူများအကြား ပုဂ္ဂိုလ်ရေး အရ ယုံကြည်မှုကို အခြေခံ၍ တိုင်းရင်းသားအဖွဲ့များနှင့် တိုက်ခိုက်မှုများကို အဆုံးသတ်ခဲ့သည်ဟု ပြောသည်။

“ဒါက ဦးသိန်းစိန်ချန်ထားခဲ့တဲ့ အမွေအနှစ်ပဲ။ ဒါပေမယ့် အခု အစိုးရက အားလုံးနဲ့ သက်ဆိုင်တဲ့ အဆင့်မှာ အဲဒီလို ယုံကြည်မှု မျိုးကို ဘယ်တုန်းကမှ မတည်ဆောက်နိုင်ခဲ့ဘူး”ဟု ဒေါက်တာ ကျော်ရင်လှိုင်က ပြောသည်။ ဒေါက်တာ ကျော်ရင်လှိုင်သည် ယခင်က MPC ဟု အများသိသော မြန်မာနိုင်ငံ ငြိမ်းချမ်းရေး ပြန်လည်ထူထောင်ရေး ဗဟိုဌာနတွင် တာဝန်ယူခဲ့ပြီး တိုင်းရင်းသား လက်နက်ကိုင်အဖွဲ့များနှင့် အပစ်ရပ်ရေး ဆွေးနွေးခဲ့ဖူးသည်။

NLD အစိုးရက တိုင်းရင်းသား အဖွဲ့များနှင့် “၂၁ရာစု ပင်လုံညီလာခံ”ကျင်းပရန် ဆုံးဖြတ်ထားသော်လည်း ထို ညီလာခံမှ အလုံးစုံ ပြောင်းလဲမှုကို မျှော်လင့်သူ အနည်းငယ်သာ ရှိကြောင်း သတင်းက ဆိုသည်။ တိုင်းရင်းသားအရေး ဖြေရှင်းရာတွင် စစ်တပ်က အသာစီးပိုမို ရရှိထား ကြောင်း အထူးသဖြင့် ရလဒ်များ ထွက်ပေါ်လာရေးတွင် ဖိအားပေးနိုင်စွမ်း ရှိနေကြောင်းလည်း ဆိုသည်။

“ဒေါ်အောင်ဆန်းစုကြည်အနေနဲ့ ဘယ်လိုဆက်လုပ်ရမယ်ဆိုတဲ့အပေါ်မှာ သိပ်ပြီး ပြင်ဆင်ထားတာ မရှိဘူး။ နောက်ဆုံး မအောင်မြင်တဲ့အခါ သူက စစ်တပ်ရဲ့ အနေအထားကို ကျင့်သုံးလာဖွယ်ရာ ရှိပါတယ်” ဟု ဒီမိုကရေစီရေး လှုပ်ရှားသူတဦးဖြစ်ခဲ့ပြီး ယခုအခါ နိုင်ငံရေး သုံးသပ်ပိုင်းခြားသူဖြစ်သည့် ဦးမင်းဇင်ကလည်း ပြောသည်။ ဦးမင်းဇင်သည် အမေရိကန်ပြည်ထောင်စုရှိ University of California, Berkeley တွင် ပါရဂူဘွဲ့ယူစာတမ်းရေးသားနေသူလည်း ဖြစ်သည်။

ငြိမ်းချမ်းရေး လုပ်ငန်းစဉ် ဦးဆောင်တဲ့ အဖွဲ့အစည်းကို နာမည်အသစ်တခုပေးတာမျိုးကဲ့သို့ ပြောင်းလဲမှုအနည်းငယ်မှာ ခြွင်းချက်ဖြစ်ကြောင်း ဦးမင်းဇင်က ပြောပြီး “နိုင်ငံရေးအရ ပြောရရင် သူ့(ဒေါ်အောင်ဆန်းစုကြည်)အမြင်က စစ်တပ်နဲ့ အနည်းနဲ့ အများ တူပါတယ်”ဟုလည်း သုံးသပ်ကြောင်း သတင်းက ရေးသည်။

NLD သည် ခိုင်မာသော မူဝါဒကို အုတ်မြစ်ချနိုင်ခြင်း မရှိသေးဘဲ စီးပွားရေးနှင့် နိုင်ငံခြားရေးရာများတွင် ထုတ်ပြန်ကြေညာချက် များနှင့်သာ “အာဝဇ္ဇန်းရွှင်”နေကြောင်း ဦးမင်းဇင်က ဝေဖန်ပြောဆိုသည်။

“လွန်ခဲ့တဲ့ ၁၅ နှစ် အနှစ် ၂၀ တုန်းက အငှားကားမောင်းသူတွေနဲ့ ဆိုက်ကားဆရာတွေက ဒေါ်အောင်ဆန်းစုကြည် ရွေးကောက်ခံရရင် မြန်မာနိုင်ငံမှာ ကားလမ်းပိတ်တာတွေ၊ အကျင့်ပျက်ခြစားတာတွေ၊ ပြီးခဲ့တဲ့နှစ်ကလို ရေကြီးတာတွေ ငှက်ဖျားရောဂါဖြစ်ပွားတာတွေ ရှိတော့မှာ မဟုတ်ဘူးလို့ ကျမကို ပြောကြတယ်။ လမ်းဘေးခွေးတွေကို သုတ်သင်မယ်။ ကမ္ဘာကြီးပူနွေးမှု အဆုံးသတ်မယ်။ ပြီးတော့ လူတိုင်း ၂၄ နာရီ လျှပ်စစ်မီး ရလိမ့်မယ်လို့ ပြောကြတယ်” ဟု ၀ါရှင်တန် တက္ကသိုလ်မှ မြန်မာ့အရေး အကြီးတန်းသုတေသီ Mary Callahan က ဖိုရမ်တွင် ပြောသည်။ မြန်မာ့တပ်မတော်နှင့် နိုင်ငံရေးအကြောင်း ပြုစုရေးသားသော သူ၏ Making Enemies: War and State Building in Burma မှာ ထင်ရှားသည်။

နိုင်ငံရေး အကျဉ်းသားများ လွှတ်ပေးခြင်းများကို ကြိုဆိုသော်လည်း သာမန်ပြည်သူတို့၏ ဘ၀ အပေါ်သက်ရောက်ခြင်း မရှိသည့် ပြောင်းလဲမှုများ ဖြစ်သည်ဟု Mary Callahan က ဆိုသည်။ ပြည်သူများက မြေယာသိမ်းဆည်းမှု၊ ဆင်းရဲ နွမ်းပါး မှု နှင့် အားလုံးပါဝင်သည့် တိုးတက်မှုများ အပေါ် ပိုမိုစိုးရိမ်နေကြသည်။

“NLD က ၈၀ ရာခိုင်နှုန်း အနိုင်ရရှိခဲ့တဲ့ အတွက် အစိုးရသစ်အတွက် အခွင့်အရေးတွေ လမ်းပွင့်လာပါပြီ။ လွှတ်တော်မှာ မဲအများစုနဲ့ သူတို့ ဥပဒေတွေကို ပြင်ဆင်နိုင်ပါတယ် ဒါမှမဟုတ် တည်ဆဲဥပဒေတွေကို ဖျက်သိမ်းနိုင်ပါတယ်။ အကောင် အထည်ဖော်ဖို့ လွယ်ပါတယ်။ ဒါအခွင့်အရေးပါ” ဟု ဦးကိုကိုကြီးက ထောက်ပြသည်။ “သူတို့ ဒီအခွင့် အရေးကို ဘယ် လောက်အထိ အသုံးချနိုင်မလဲ။ ပြည်သူတွေရဲ့ နေ့စဉ် ဘ၀ကို တိုးတက်ကောင်းမွန်လာအောင် ကျနော်တို့ ဘယ်လို လုပ် နိုင်မလဲ”ဟုလည်း ဆိုသည်။

NLD ပါတီ ရွေးကောက်ခံရပြီး အာဏာရရှိလာခြင်းက ဒီမိုကရေစီတိုက်ပွဲ လုံးဝ ပြီးဆုံးသွားခြင်း မဟုတ်ဘဲ အရပ်ဘက် အဖွဲ့အစည်းများ အပါအ၀င် သက်ဆိုင်ရာ လူပုဂ္ဂိုလ် အဖွဲ့အစည်း(stakeholder) အား လုံး ပါဝင်လာစေရန် လိုအပ်သည်ဟု ဦးမင်းဇင်က ပြောပြီး “ရည်မှန်းချက်က ရွေးကောက်ခံရရေးထက် ပိုရပါမယ်။ ဒီလိုမှ မဟုတ်ရင် ကျနော်တို့ မှာ benevolent authoritarianism (သဘောကောင်းတဲ့ အာဏာရှင်ဝါဒ) ဖြစ်လာပါမယ်” ဟုလည်း ပြောဆိုကြောင်း သိရသည်။

ISEAS မှ မြန်မာ့အရေး အကြီးတန်း သုတေသီ ဒေါက်တာတင်မောင်မောင်သန်းကလည်း “ကျနော်တို့က အခု အချိန်မှာ မလွတ်လပ်တဲ့ နိုင်ငံရေး ဗဟုဝါဒ(illiberal pluralism) ကနေ လွတ်လပ်တဲ့ အာဏာရှင်ဝါဒ (liberal authoritarianism) ကို ကူးပြောင်းနေတာ ဖြစ်ပါတယ်။ ဒါပေမယ့် မလွတ်လပ်တဲ့ နိုင်ငံရေး ဗဟုဝါဒ ကနေ တပိုင်းတစ လွတ်လပ်တဲ့ ဒီမိုကရေစီ(quasi-liberal democracy ) အထိပဲ ပြောင်းလဲနိုင်ပါသေးတယ်။ ဘာကြောင့်လဲ ဆိုတော့ ရက် ၁၀၀ မပြည့်သေးလို့ပါ” ဟု ပြောဆိုသွားကြကြောင်း သိရပါသည်။

ကချင်စစ်ဘေးရှောင် ငါးနှစ်ပြည့် ဇွန် ၉ရက်တွင် အစာရှောင်ဆုတောင်းရန် KBC တိုက်တွန်း

ဖနိဒါ

အစိုးရသစ်လက်ထက်တွင် ကချင်ပြည်နယ်အတွင်း တိုက်ပွဲများ ရပ်ဆိုင်းမှုမရှိသေးသည့်အတွက် စစ်ဘေးရှောင်လာသည့် ငါးနှစ်ပြည့်အထိမ်းအမှတ် ဇွန်လ ၉ရက်တွင် အစာရှောင်ဆုတောင်းရန် ကချင်နှစ်ခြင်းခရစ်ယာန် အဖွဲ့ချုပ်(KBC)က တိုက်တွန်းလိုက်သည်။

ကချင်ပြည်နယ်အတွင်း ဧပြီလမှ စတင်ပြီး တပ်မတော်ဘက်မှ ထိုးစစ်ဆင်တိုက်ခိုက်မှုများ ပိုများလာပြီး ယခင်အစိုးရ လက်ထက်နှင့် မခြားနားဘဲရှိနေကြောင်း ကေဘီစီက မေ ၂၄ရက်က နှိုးဆော်ထားသည်။

မေလ ၂၈ရက်တွင်လည်း ကချင်ပြည်နယ် မန်စီမြို့နယ်အတွင်း ကချင်လွတ်လပ်ရေးတပ် (ကေအိုင်အေ) တပ်မဟာ ၃ လက်အောက်ခံ တပ်ရင်း ၂၇နယ်မြေတွင် မိနစ် ၂၀ခန့်ကြာ တိုက်ပွဲပြင်းထန်ခဲ့သည်ဟု ဂျေဆောင်ကျေးရွာ ဒေသခံ တစ်ဦးက ပြောသည်။ တိုက်ပွဲအတွင်း မန်စီမြို့နယ် ကောင်းခါးကျေးရွာအနီး တပ်မတော်မှ လက်နက်ကြီးဖြင့် နှစ်ကြိမ်ပစ်ခတ်ခဲ့သည်ဟု ဒေသခံ ဦးရိန်နူးက ဆိုသည်။

“ကေအိုင်အေ တပ်စခန်းနေရာမှာ တပ်မတော် စစ်ကြောင်းတွေက လာပစ်တယ်လို့ကြားရတယ်။ တိုက်ပွဲ ဖြစ်တဲ့နေရာက ကျနော်တို့နဲ့က ၆ မိုင်လောက်ဝေးတယ်။ တိုက်ပွဲက နည်းနည်းပြင်းထန်တယ်။ ခုတော့ ငြိမ်သွားပြီ။” ဟု သူက မဇ္ဈိမကို ပြောသည်။

ကချင်ပြည်နယ် ဗန်းမော်ခရိုင်အတွင်း တိုက်ပွဲများ ဖြစ်ပွားမှု များလာသလို ရှမ်းပြည်နယ်ဘက်တွင်လည်း အခြေအနေ လျော့သွားခြင်းမရှိကြောင်း KBC မှ အထွေထွေအတွင်းရေးမှူး ဒေါက်တာခလမ်ဆန်ဇွန်က ပြောသည်။

“စစ်ဘေးရှောင်တွေကလည်း အိမ်ပြန်ချင်တာပေါ့နော်။ ဒါပေမဲ့ အခြေအနေက အဲဒီလို ပေးမလာဘူး”ဟု ဒေါက်တာခလမ်ဆန်ဇွန်က ပြောသည်။

၎င်းက ဆက်လက်၍ “အခုက ဟိုမရောက် ဒီမရောက် ဖြစ်နေတဲ့အချိန်မှာပေါ့။ ပိုကောင်းလာမလိုလို၊ အစိုးရသစ်ကလည်း ဘာမှ လုပ်ဆောင်တာ မရှိသေးဘူးလေနော်။ ငြိမ်းချမ်းရေးနဲ့ ပတ်သက်လို့လုပ်ဆောင်မှုက ဘာမှ မရှိသေးဘူး။ ကျနော်တို့ကတော့ အခုအစိုးရက ငြိမ်းချမ်းရေးကို လုပ်မယ်လို့ ပြောတယ်။ ငြိမ်းချမ်းရေးကို တရားမျှတစွာနဲ့ လုပ်ဖို့ ပြောချင်တယ်”ဟု ၎င်းက တိုက်တွန်းသည်။

၅ နှစ်ပြည့် အထိမ်းအမှတ်အဖြစ် မိမိဒေသတွင် နီးစပ်ရာအသင်းတော်များနှင့် စုပေါင်း၍ အစာရှောင် ဆုတောင်းသွားကြရန် နှိုးဆော်လိုက်ခြင်း ဖြစ်သည်။

လက်ရှိ စစ်ပြေး ဒုက္ခသည်များအား အကူအညီ ပေးမှုများလည်း လျော့နည်းလာသဖြင့် ဒုက္ခသည်မိသားစုများ ပိုမို ခက်ခဲသည့်အချိန်လည်း ဖြစ်ပြီး ရှေ့ရေးအတွက် ပိုမို စိုးရိမ်ဖွယ်ရာဖြစ်နေကြောင်း တိုက်တွန်းချက်တွင် ဖော်ပြထားသည်။

၂၀၁၁ ခုနှစ် ဇွန်လ ၉ ရက်မှစတင်၍ ကချင်ပြည်နယ်အတွင်း မြန်မာ့တပ်မတော်နှင့် ကချင်လွတ်လပ်ရေးအဖွဲ့(KIA)တို့အကြား တကျော့ပြန် တိုက်ပွဲများကြောင့် အိုးအိမ်စွန့်ခွာ ထွက်ပြေး တိမ်းရှောင်ခဲ့ရကာ လူဦးရေ ၁၃,၀၀၀၀ ကျော်သည် ဒုက္ခသည် စခန်းအတွင်း ခိုလှုံနေရသည်မှာ ၅ နှစ်ပြည့်တော့မည် ဖြစ်သည်။

အလားတူ ယခင်အစိုးရနှင့် တစ်နိုင်ငံလုံး အပစ်အခတ် ရပ်စဲရေး လက်မှတ်မထိုးထားသော ရှမ်းပြည်နယ်မြောက်ပိုင်း ကျောက်မဲ၊ သီပေါ၊ နမ့်ခမ်းမြို့နယ်များအတွင် တအာင်းအမျိုးသားတပ်မတော်(TNLA)၊ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် (SSPP/SSA)တို့နှင့် မြန်မာ့တပ်မတော်တို့ တိုက်ပွဲ ဆက်လက် ဖြစ်ပွားနေသဖြင့် စစ်ပြေးဒုက္ခသည်များလည်း ရာနှင့်ချီ ထပ်မံ ထွက်ပြေးနေရဆဲ ဖြစ်သည်။

အစိုးရ သစ်မှ နိုင်ငံတော် အတိုင်ပင်ခံ ဒေါ်အောင်ဆန်းစုကြည်က ၂၁ ရာစုပင်လုံ ညီလာခံကို အမြန်ဆုံး ကျင်းပလိုကြောင်း ပြောဆိုထားသော်လည်း အကောင်အထည်ဖော်ခြင်း မရှိသေးပေ။ မေလ ၂၇ ၇က် နှင့် ၂၈ရက်များတွင်မူ နေပြည်တော်တွင် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ(UPDJC)ကအစည်းအဝေး ကျင်းပလျက်ရှိနေသည်။

ဧရာဝတီတိုင်း လမ်းတံတား တင်ဒါနှင့်လေလံများ စိတ်ဝင်စားကြေး ကောက်သည့်စနစ် ဖျက်သိမ်း

ဆလိုင်းသန့်စင်


ဧရာဝတီတိုင်း ဒေသကြီးအတွင်းရှိ လမ်းတံတား ဂိတ်ကြေး လေလံများ၊ လမ်းတံတား တည်ဆောက်ရေး တင်ဒါများ ခေါ်ယူရာတွင် စိတ်ဝင်စားကြေး ကောက်ခံသည့်စနစ်ကို ဧရာဝတီတိုင်း အစိုးရသစ်က ပယ်ဖျက်လိုက်ကြောင်း သတင်းရရှိသည်။

“ဆောက်လုပ်ရေးဌာန လက်အောက်က လမ်းတံတား ဂိတ်ကြေးလေလံတွေမှာ စိတ်ဝင်စားကြေး ကောက်ခံတဲ့စနစ်ကို ဒီနှစ်ကစပြီး ဖျက်သိမ်းလိုက်ပါပြီ။ ဒါက ကျနော်တို့အစိုးရရဲ့ရက် ၁၀၀ စီမံကိန်းအဖြစ် လုပ်ဆောင်တာပါ။ စိတ်ဝင်စားကြေး ကောက်တဲ့ စနစ် အစား Show Money (လေလံဆွဲနိုင်သည့် ငွေပမာဏ) ပြခိုင်း၊ ဘဏ်မှာသွင်းခိုင်းပြီး လေလံပွဲပြီးတဲ့အခါ အဲဒီငွေတွေအကုန် ပြန် ထုတ်ပေးမယ့်စနစ်ကို ပြောင်းလဲထားပါတယ်”ဟု ဧရာဝတီတိုင်း အစိုးရအဖွဲ့ဝင် လျှပ်စစ်၊ စွမ်းအင်၊ စက်မှုလက်မှုနှင့် လမ်းပန်း ဆက်သွယ်ရေး ၀န်ကြီး ဦးဝင်းဌေးက ဧရာဝတီကို ပြောသည်။

ဆောက်လုပ်ရေး ၀န်ကြီးဌာနအနေဖြင့် လမ်း၊ တံတား အသုံးပြုခ ကောက်ခံရေးဂိတ်များအား ယခင်နှစ်များက လေလံပစ်ခဲ့ရာတွင် ကြမ်းခင်းဈေးဖြင့်သာ လုပ်ငန်းရှင်များကို လုပ်ကိုင်စေခဲ့ခြင်းဖြစ်ပြီး လုပ်ကိုင်လိုသူ များပြားသည့်အတွက် စိတ်ဝင်စားကြေး ကောက် ခံ ၍ မဲနှိုက်စေခဲ့ပြီး မဲပေါက်သူအား တနှစ်တာ ကောက်ခံခွင့်ပြုသည့်စနစ် ကျင့်သုံးခဲ့သည်။

လမ်းတံတားလေလံ ကြမ်းခင်းဈေး ကျပ်သိန်း ၃၀၀ အောက် တန်ဖိုးရှိ လမ်းတံတားများအတွက် စိတ်ပါဝင်စားကြေး ကျပ် ၁ သိန်း၊ ကျပ်သိန်း ၃၀၀ မှ ၆၀၀ ကြား တန်ဖိုးရှိ လမ်းတံတားအတွက် ကျပ် ၂ သိန်း နှင့် ကျပ်သိန်း ၆၀၀ အထက် တန်ဖိုးရှိလုပ်ငန်းအတွက် ကျပ် ၃ သိန်း ပေးသွင်းရသည်။

လုပ်ငန်းရှင်များသည် အဆိုပါဂိတ်များ လုပ်ကိုင်ခွင့်ရရန်အတွက် လူ ၃၀၊ ၄၀ ခန့်ကိုငွေထုတ်ပေး၍ မဲနှိုက်စေခြင်းများ လုပ်ဆောင် ခဲ့ကြသည့်အတွက် လမ်းတံတားပွဲတခုတွင် လုပ်ကိုင်လိုသူပေါင်း ၁၅၀ မှ ၃၀၀ ကျော်အထိ ၀င်ရောက်မဲနှိုက်မှုများ ရှိခဲ့သည်။

မဲပေါက်သူက လုပ်ငန်းလုပ်ကိုင်ခွင့် ရရှိပြီးနောက် လေလံမဲနှိုက်ပွဲပြီးဆုံးချိန်တွင် စိတ်ဝင်စားကြေး ကျပ် သိန်း ထောင်နှင့်ချီသည့်ငွေများကို နိုင်ငံတော် ဘဏ္ဍာအဖြစ် သိမ်းယူလေ့ ရှိကြောင်း သိရသည်။

မြောင်းမြမြို့မှ လမ်းတံတားကြေး ကောက်ခံသည့်လုပ်ငန်းရှင် တဦး ဖြစ်သူ ဦးစိုးစိုးက“စိတ်ဝင်စားကြေးစနစ် ဖျက်သိမ်းလိုက်ပြီး Show Money ပြပြီး လုပ်ခိုင်းတဲ့စနစ် ပြောင်းလိုက်တာ ကောင်းပါတယ်။ ဒါပေမယ့် ဧရာဝတီတိုင်းမှာက တံတား ၂၇ စင်းရှိတာ ၂၂ စင်းကို ဖျက်သိမ်းလိုက်တော့ လုပ်ငန်းက ၅ ခုပဲ ကျန်တော့တယ်။ ဒါကိုဝင်ဆွဲဖို့ကျတော့ လူကအရမ်းများပြီး ပြိုင်ဆိုင်မှုတွေက အရမ်း များသွားမယ့် သဘောရှိတယ်”ဟု ပြောသည်။

ဧရာဝတီတိုင်း အတွင်း တံတား ၂၇ စင်း ရှိရာ ပြီးခဲ့သည့် ဧပြီလ အတွင်းက တံတား ၂၂ စင်း ၏ လမ်းတံတား အသုံးပြုမှု ကောက်ခံ သည့် လုပ်ငန်းများကို ဖျက်သိမ်းခဲ့ခြင်း ဖြစ်သည်။

ဆောက်လုပ်ရေးဌာနက အဆိုပါ စိတ်ဝင်စားကြေးစနစ်ကို ဖျက်သိမ်းခဲ့သလို ကျေးလက်ဒေသဖွံ့ဖြိုး တိုးတက်ရေး ဦးစီးဌာနက လည်း ဒေသဖွံ့ဖြိုးရေး လမ်းတံတား ဆောက်လုပ်မှုများအတွက် တင်ဒါ ခေါ်ယူရာတွင် လမ်းတံတား တင်ဒါကြေး တန်ဖိုး၏ ၀.၂ ရာခိုင်နှုန်းကို စိတ်ဝင်စားကြေးအဖြစ် ယခင်နှစ်များက ကောက်ခံသည့်စနစ်ကို ယခုနှစ်တွင် ဖျက်သိမ်းခဲ့သည်။

“စိတ်ဝင်စားကြေး မကောက်ဖို့ ညွန်ကြားချက်က နှစ်လယ်လောက်က ထွက်လာတဲ့အတွက် အဲဒီအချိန်ကတည်းက မကောက် တော့တာပါ။ ယခင်တုန်းက ကောက်ခဲ့တဲ့ဟာတွေကလည်း ဌာနအတွက် ကောက်တာ မဟုတ်ပါဘူး။ နိုင်ငံတော်အစိုးရကိုပေးသွင်း ရတာပါ”ဟု ဧရာဝတီတိုင်းဒေသကြီး ကျေးလက် ဖွံ့ဖြိုးတိုးတက်ရေး ဦးစီးဌာန ညွန်ကြားရေးမှူး ဦးစိုးသန်းက ပြောသည်။

ဧရာဝတီတိုင်းဒေသကြီး ကျေးလက် ဖွံ့ဖြိုးတိုးတက်ရေးဦးစီးဌာနမှ ၂၀၁၆-၂၀၁၇ ဘဏ္ဍာရေးနှစ် ငွေလုံးငွေရင်း အသုံးစရိတ် လမ်း အတွက် ကျပ် ၉၀၀၉ သန်း ရန်ပုံငွေဖြင့် တိုင်းဒေသကြီးအတွင်း ကွန်ကရစ်လမ်း ၂၆ မိုင် ၀.၁၁ ဖာလုံ၊ ကတ္တရာလမ်း ၂.၇ ဖာလုံ၊ ကျောက်ချောလမ်း ၆၉ မိုင် ၇.၇၄ ဖာလုံနှင့် မြေသားလမ်း ၃၂ မိုင် ၁.၉၂ ဖာလုံ ဆောင်ရွက် ရန် အိတ်ဖွင့်တင်ဒါ တင်သွင်းရန် ဇွန်လ ၁၇ ရက် နောက်ဆုံးထား ဖိတ်ခေါ်ထားကြောင်း သိရသည်။

တံတားရန်ပုံငွေ ကျပ် ၁၇၉၉ သန်းဖြင့် ကွန်ကရစ်တံတား ၁၈ စင်း၊ သစ်သားတံတား ၂၁ စင်းနှင့် ရေပြွန် (Box-Culvert) ၂၅ စင်း ဆောက်လုပ်ရန် အတွက် အိတ်ဖွင့်တင်ဒါ တင်သွင်းရန် ဇွန်လ ၁၇ ရက် နောက်ဆုံးထား ဖိတ်ခေါ်ထားသည်။

ဧပြီလအတွင်းက ဧရာဝတီတိုင်းဒေသကြီးအတွင်းရှိ လမ်းတံတား အသုံးပြုခကောက်ခံသည့် ဂိတ်ပေါင်း ၂၂ ဂိတ်ကို လုပ်ငန်းများ ဖျက်သိမ်းခဲ့သည့်အတွက် အဆိုပါဂိတ်များ လုပ်ကိုင်ခွင့်ရရှိရန် ပေးသွင်းခဲ့ရသည့် စိတ်ဝင်စားကြေးများ ပြန်ထုတ်ပေးရန် လုပ်ငန်းရှင် များက တောင်းဆိုခဲ့ရာ ဆောက်လုပ်ရေး ၀န်ကြီးဌာနက ပြီးခဲ့သည့် ဧပြီလအတွင်းက ပြန်လည် ထုတ်ပေးခဲ့ကြောင်း သိရသည်။